احببني وفقط - الفصل 4 | روايتك

اعرفكم عليها وعلي عيلتها ( ابو ماجد سامر اخو أم سلمان وابو عبد الله دكتور قلب ويشتغل بالمستشفي ب أبها وزار اهله يحب عياله وزوجته وصار دكتور قلب عشان إخته ام سلمان ام ماجد شذي إخت ابو حمد حرمة عاقلة هادية تحب زوجها وعيالها وسافرت معه وكانت له سند وعون ماجد الولد الكبير بعمر 19 يدرس بالجامعة ب أبها ويبي يصير دكتور بحال ابوه وهو عاقل وعن جماله يقولون مملوح ريماس بنت بعمر شوق تدرس باخر سنه بالثانوية وتبي تدخل قسم الانجليزي نفس طبايع شوق وهادية مثلها وجمالها ساحر عيونها زرقا والكل يقول من وين لها هاللون وبشرتها مرة بيضا وكانها اوربية وام خالد تقول لأم ماجد يمكن كنتي تتوحمين علي الغربيات يوم كنتي مسافرة لكندا عشان طلعت ريماس مثلهم لين بعمر رهف عربجية ومهبل وجمالها طبيعي فؤاد الولد الصغير بعمر عبد العزيز يحب اللعب والكرة والحين إيجوا زيارة اسبوع وبريجعون لبيتهم لين توصل الاجازة ويرجعون يقعدون مع الاهل ) ريماس : شوق خلينا ننزل نشوف الناس . اسيل فزت : لا ..لا تتركوني بروحي إلا بدخلت ملاك ودنا ومعهم لين سلمت لين علي شوق واسيل وهم نزلوا ولين قعدت تسولف مع اسيل ومعهم ملاك ودنا شوق وريماس يسولفون ريماس بتردد : شخبار سلمان شوق إبتسمت : زين ليش السؤال ريماس تصرف : ولا شي ولد عمتي وحبيت اتطمن عليه شوق تغمز لها : جد ريماس عصبت : كيفك حبيت بس اسال عنه شوق : وليش م تسألين عن عبد العزيز ريماس ماسكه ضحكتها : وش اسوي فيه الله يهداك شوق فقعت ضحك وريماس معها شوق : كشفتك هاه ريماس إستحت وتصرف : هونت مابي اعرف اخباره شوق رحمتها وحبت تغير السالفة : ماعلي منك اليوم تنامين ببيتنا مرة مشتاقه لك ريماس إبتسمت : أسال امي واقول لك وش تقول شوق فرحت : قومي نسألها يله راحوا لها وسلمت شوق عليها وطلبت تخلي ريماس تنام بيبتهم وهي وافقت وريماس طارت من الفرح ورجعوا يسولفون رهف إيجت لهم وبغيرة : إجتمعتوا شوق بفرح : ايوه وترا عندي خبر يسوي مليون ريال رهف واللقافة : والله وش هو ليكون خطبوك اللي يحبونك شوق عصبت وفهمت عليها : مالت عليك ...ريماس بتنام ببيتنا رهف حبت تهبل فيهم وتمثل : جد فكرت شي زين ريماس تعرفها : بنام غصب عنك رهف : دام كذا اروح اعزم لين شوق : ياحبك لتقليد بس رهف : مسكينه هذيك إنت باي يله وراحت عنهم ريماس تطالعها : مرة إحلوت ومرة صارت هبلة عن قبل شوق ضحكت : ههههه إيه هبلتنا بالبيت ريماس بخبث : منهو ياللي يحبونك !!!؟؟ شوق فهت : منهو !! ريماس بنص عين : رهوف كانت تقول اللي يحبونك منهو تقصد شوق تصرف : رهف تستهبل بس ماعليك منها ريماس تتوعد : علينا علينا إلا ماعرف السالفة شوق كشرت : بسك خلينا نشوف خالتي ام خالد ونشوف بشنو نساعدها ريماس ضحكت : ههههه تتهربين مني شوق عصبت : رموس ريماس عصبت : وش هاذي رموس لو ارجع اسمعها اذبحك شوق تهبل فيها : افا عليك دلعك يادلع ريماس : إسكتي حامت كبدي منك شوق ضحكت ومشوا حق ام خالد يشوفون بشنو يساعدونها والبنات يرقصون والطقاقة تشجعهم وهم يزيدون ورهف عزمت لين وهي وافقت عند العيال سوالف وضحك سلمان لضاري : ليش ماجبت اهلك ضاري إبتسم : مو معزومين سلمان : مو لزوم عزيمه إنتوا اهل الحين ضاري : تسلم بإذن الله ثاني مرة وأجيبهم سلمان تذكر شي : ضاري بترحون حق المزرعة مو ضاري ضحك : هههه اصلا ماصدقوا خبر سلمان فرح : حلو بكرة جهز نفسك علي الفجر ضاري : ابشر ... مزرعتكم بعيدة !؟ سلمان : ساعتين ونصف نوصل ضاري : زين اوكي إيجاهم ماجد : سلمان مارح تعرفنا علي هذا اللي ساحب علي الكل وقاعد معه ضاري ضحك وسلمان بعد سلمان : هههه إلا اعرفك خوي ضاري يدرس ويشتغل معي ماجد يسلم عليه : هلا انا ماجد ولد خال سلمان ضاري : سمعت عنك يادكتور تشرفت فيك ماجد : ههههه الشرف لي وتسلم اول مرة يقول عني شخص دكتور . وقعد معهم ويسولفون وإيجاهم سطام ووليد وفواز وبدر عند الشياب ابو سلمان يسولف مع ابو ماجد : من زمان عنك ابو ماجد : تعرف الطب وشغله افكر اطلع تقاعد ابو سلمان ضحك : ههههه وانا بعد ابو ماجد : شخبار إبتسام ابو سلمان : زينه والحمد لله ابو ماجد : وفحوصاتها ابو سلمان : كل شهر وكلها زينه وانا احاول اخليها زينه طول الوقت ابو ماجد إبتسم : الله يحفظها ويحفظ صحتها ابو سلمان من قلب : يارب هذا كل اللي أبيه ابو ماجد ضحك : ههههه وش عندك ابو سلمان ضحك وغير السالفة : ليش ماترجع وتشتغل معي ابو ماجد : افكر لعيال مايبون يقعدون بابها وحتي امهم ابو سلمان فرح : زين إرجع ومكانك موجود بالمستشفي ابو ماجد بمزح : و المدخول ابو سلمان : اي مدخول وإنت بتشتغل لله ابو ماجد : والنعم بالله بس شغله خليه لك ابو سلمان ضحك : هههه إرجع بس واعطيك نصف المستشفي ابو ماجد بمزح : دام كذا من الحين اقعد ولاعاد ارجع لأبها ضحكوا وإيجاهم ابو سطام وابو الوليد ابو سطام يقعد : اشوف الدكاترة مجتمعين ابو ماجد : ايوه وينتظرون يجون المهبل الرباعي فقعوا ضحك والكل طالعهم ابو الوليد : ذاك زمان ابو سلمان : إنت وهو للحين علي حالكم ابو سطام : يمكن ابو حمد إيجاهم : وش تضحكون وانا مو موجود ابو ماجد : كملت جروب المهبل الكل تسدح ضحك والكل يطالعهم سلمان : وش عندهم الشياب يضحكون ماجد : حمسوني اسمع وش سبب ضحكهم ضاري يطالعهم : حتي انا ابو حمد قعد : مالت عليك لاتنسي انو انا أبو ابو سطام : إحلف ونصدق ابو حمد يستهبل : والله وإسمه حمد الكل يضحك ابو سطام تذكر شي : ابو سلمان عمي ابو بدر عزمنا للمزرعة ابو سلمان : ايوه يقول بعد بكرة تكنون فيها ابو ماجد فرح : دامني فيه اروح ازوره وازور ابوي ابو الوليد : إم سلمان بتروح ابو حمد طالعه ابو سلمان بهدوء : ايوه عمي طلب منها وهي ماقدرت ترده ابو ماجد : السالفة لها سنين يمكن تكون نستها ابو سلمان : لا كانت تقول توصل بس وترجع ابو حمد : خذها ورجعها ابو سلمان طالعه : إنت بتروح ابو حمد : لا عندي شغل ابو سلمان : لا وش هالكلام اخاف يصير لها شي وابي تكون فيه ابو حمد إبتسم : لا تخليها تدخل البيت القديم وبس ابو سلمان : ادري بس الاحتياط واجب ولزوم تروح ابو حمد ضحك : هههه لا حول ولاقوة إلا بالله منك ...رايح رايح الشياب ضحكوا وابو سلمان فرح وتطمن وصل الشيخ ووقع عبد الله وخالد اخذ الدفتر لأسيل توقع دخل وشاف شوق واقفة مع ريماس ورهف ولين خالد عرف بس شوق وفرح وفنفسه " تعالي تعالي يالملاك جننتي اليوم طول الوقت افكر فعيونك ودلعك ورقتك تذبحين وتهبلين " رهف شافته وباقي معطينه ظهره " وش عنده يطالع شوق ويقز فيها قز " خالد شق الخشة ونادي : شوق شوق شوق فزت ولفت له وشافته يطالعها ريماس ولين يطالعوه لين خقت : منهو هذا المزيون رهف تهبل في شوق : هذا المزيون خالد يالغبية لين : اي والله ماشاء الله عليه يذبح شوق تصنمت وتطالعه " مو كانه كان ينادي علي " خالد رجع نادها : شوق تعالي احتاجك شوي شوق بقبقت وتسترت منه هي وريماس ولين ورهف تهبل فيه واخذت غطا ومشت عنده : وش تبي خالد كشر : قلت شوق مو رهف رهف : شوق إختي وش تبي منها خالد " الدوبة " : ودي هذا الدفتر لأسيل توقعه رهف بخبث : ابشر بس هذا فكرت شي ثاني دام تبي شوق خالد خربها : ايوه فيه شي ثاني رهف تحمست : والله وش هو خالد عصب : شغلي لقافتك بعيد عني روحي يله مو فاضي لك رهف إنقهرت: مالت عليك ..وراحت عنه خالد مكشر: هذا اللي ناقص والله طلبت زينه البنات طلعت مشوينتهم ام سلمان وراه وماسمعت كلامه : خالد ياوليدي تبي شي خالد فز ولف لها : ايوه انتظر رهف اخذت الدفتر لأسيل توقعه ام سلمان : زين إنتظرها رح تجي خالد : اوكي ام سلمان إبتسمت : اقول ياوليدي خالد : سمي ام سلمان : شرايك اختار لك بنت من البنات خالد ضحك ويعرف خالته : خالتي الله الله بالمزيونة ام سلمان ضحكت : ههههه ابشر سلمان مايبي قلت ازوجك إنت خالد حب راسها : ويلومني فحبك ياخالتي ام سلمان : ههههه بس بس مصلحة خالد ضحك : هههه مو وقته الزواج ياخالتي ام سلمان : اجل متي وقته خالد بمزح : رح يزعل سلمان لزوم نزوجه هو اول واحد ام سلمان ضحكت : ههههه وإنت الصادق خالد ضحك ورجعت رهف وعطته الدفتر وهو طالعها بحقد وراح عنها ورهف فقعت ضحك وراحت لشوق تهبل فيها اسيل حست بشوية فرح مع خوف كبير يوم وقعت علي الدفتر يعني الحين صارت زوجة عبد الله نهائي وعدلت مكياجها ونزلت له ودخلت وخالد تركهم بروحهم وعبد الله إنبهر فيها وبجمالها وخجلها ولبسها الشبكة والخاتم اللي وافقت عليهم أسيل ومرة فرحان معها وإيجت مصورة اخذت لهم كم صورة اسيل طاح وجهها بسب المصورة ولقطاتها وعبد الله مو عاطي فرحته لأحد ومرت عليهم ساعة حلوة وبعدها طلع بعد ماسحبه خالد لبرا واسيل رجعت للبنات وإجتمعوا عليها العرابجة وطلعوا الشيب فيها وبعدها نزلت للحريم كانت ليلة ولا احلي لعبد الله واسيل وخالد بعد ورجع كل واحد لبيته خالد منسدح ويفكر في السحر اللي شافه اليوم ويكلم نفسه : شوق تهبل تجنن كل ذاك زين عليها ..كانت بغرفتي ايوه بغرفتي وش فني وش صاير معي ليكون بس حبيتها لا شوق تستاهل تنعشق ويموت الرجال عشانها ...ماصدق ذاك الملاك الصغير كبر وصار اجمل بنت تشوفها عيوني ....بنروح المزرعة مو ..بتشوفين لزوم اشوف حل معك ومع عيونك تم طول الليل يفكر فيها ماقدر ينام شوق جمالها ساحر تم يفكر فطريقة يشوفها ويسولف معها لين غفي باخر الليل ونام ببيت ابو سلمان شوق حبت تنسي انو خالد شافها بدون عباية وحجاب هي ماقصدت ورهف تنتظر بس الفرصة وتطلع ريحتها وكانوا يسولفون مع لين وريماس بغرفة رهف ريماس تعبت من الطريق ومن الملكة ريماس : شوق وين بنام تعبانة شوق : تو الناس ريماس : لا تكفين تعبانة من الطريق لين : خليك بعد ريماس عيونها تغمض وقامت : لا بكرة ونكمل سوالف شوق قامت معها : زين اخذك علي غرفتي ريماس : ماعليه إقعدي سولفي مع رهف ولين وقولي وينها غرفتك شوق إبتسمت لها : اوكي ...إطلعي اول غرفة علي اليمين ريماس صبحت عليهم وطلعت وراحت تنام وشوق قعدت وكملوا سوالف مع لين ريماس دخلت الغرفة وعلي طول راحت لسرير وتسدحت تحت اللحاف ومن تعبها غفت عند العيال كملوا سهر وبعد ماتعبوا كل واحد رجع لبيته سلمان رجع للبيت وراح سيده لغرفته تعبان حده دخل وشغل الضو ومشي لدولابه يغير وينام علي طول مشي خطوتين ووقف ...ورفع إيده وحطها علي راسه ورفع حاجب وضيق عين ومد شبر وهمس بينه وبين نفسه : كأني شفت شي علي السرير لف بشويش جهة السرير وقلبه نبض وشاف مثل شخص نايم وملتحف سلمان بشويه خوف ويطالع اللحاف : ليكون اللي أفكر فيه !!؟ مشي بشويش وقلبه ينبض ووقف وأخذ نفس وبصوت هامس : أعوذ بالله من الشيطان الرجيم ..بسم الله الرحمان الرحيم ..اللهم أني أعوذ بك من الخبث والخبائث أخذ نفس طويل وقوي نفسه وكمل مشي يرفع رجل ويحط رجل لين ظهرت له خصلات شعر مايل لشقرا من التحت اللحاف وبصوت هامس : قلته جنيه بغرفتي ..ومشي خطوتين وطل براسه بشويش علي وجه الجنيه وشاف بنت نايمه مثل الملاك وإيدها تحت خدها ..وابتسم وبصوت هادي : جنيه مزيونه ...وفنفسه " منهي هاذي البنيه ...ليكون جد جنيه " سم بسم الله ومد ايده يصحيها وتراجع ولف براسه وشاف قلم جنب الاباجورة أخذه وبدي يضرب بشويش علي كتف البنت فوق اللحاف ريماس حست بالازعاج والتعب ماليها : شوق روحي عني سلمان إبتسم " الحمد لله طلعت بشريه ..وتعرف شوق " وبصوت واثق ومرتفع شوي : أحم أحم ..أصحي يابنت ريماس صحت علي حركة علي كتفها وصوت ريماس بصوت ناعس وفتحت عيونها بشويش : شوق ودي انام سلمان مبتسم وهو وده يضحك وفنفسه " البنت نعسانه من جد " ريماس فتحت عيونها وإبتسمت وهي تشوف سلمان واقف قدامها سلمان وده يضحك ورفع حواجبه لها ريماس مبتسمه : سلمان هذا أنت !؟ سلمان ماسك ضحكته وبصوت هادي ويطنز : أيوه هذا أنا ريماس عايشه بأحلامها الوردية : وش جابك سلمان مابقي له وينفجر ضحك وأخذها علي قد عقلها : أجيت لانو هاذي غرفتي ريماس عقدت حواجبها وبصوت متردد : بس شوي أنا بحلم ولا بعلم سلمان فطس ضحك ولف وعطها ظهره : ههههههههه بعلم ههههههه بعلم ريماس إنصدمت اكبر صدمه وقعدت علي طول : س....س...سلماااان هذا أنت سلمان دخل نوبه ضحك ريماس مطيره عيونها وبتبكي : وش جابك إنت !!!!!!! سلمان موب قادر يسكت عن الضحك : غرفتي هههههههههه غرفتي هههههههههه ريماس تفتح وتغمض وتطالعه : شوق قالت غرفتها سلمان فهم إنها رخبطت ويحاول يسكت عن الضحك : غلطتي هههههه ريماس تفشلت وعيونها غرقت دموع : أنا ...أنا سلمان رحمها وهو يسمع صوتها المرتبك الحزين : حصل خير حصل خير انا أدخل للحمام وأنت أطلعي أوكي ريماس تبكي : اوكي سلمان ماسك ضحكته ومشي صوب الحمام ووقف يوم تذكر شي : إلا ماقلتي منهو إنت يالبنيه ريماس وقفت ونزلت عن السرير وراسها بالارض ودموعها نزلت وتفكر وش يقول عليها وبصوت ينقدر ينسمع : ريماس سلمان فه " ريماس !!!؟؟؟" ريماس رفعت عيونها له وتطالع ظهره وبفشلة : السموحة ....ومشت بسرعه وفتحت الباب وطلعت ركض ودموعها تنزل سلمان واقف ومعطيها ظهره ومبتسم لما طلعت وسكرت الباب : ريماس بنت خالي ابو ماجد هالجنيه المزيونه ريماس ...وفقع ضحك علي دلاختها وسذاجتها ريماس طلعت بسرعة وسكرت الباب وراها وحطت إيدها علي صدرها تهدي نبضات قلبها : كنت بغرفة سلمان ...يمه وش هالفشلة ...بس شوق النذلة قالت غرفتها هين اوريها . مشت وفي بالها تذبح شوق ووقفت ومسحت دموعها : يالغبية وش تقولين لها ...اقول كنت بغرفة اخوك ونايمة بسريره ...اوووف وش يقول عني الحين .. لفت وشافت غرفة ثانية ومشت لها وفتحتها وماحصلت أحد ودخلت وتداري دموعها وراحت قعدت علي السرير وتطالع حولها مسكينه خافت ليكون في احد غيرها وتفكر في سلمان : مرة مشتاقة له وابي اشوفه بس موب هالطريقة ..بس وش يقول بنت ماتستحي ...اووف بنهبل ابي اقول لشوق تعتذر له بس وش تقول عني تمت قاعده وتفكر فيه وتلوم نفسها بس فيه فرح بقلبها شافت حبيبها بعد سنه كاملة عند سلمان غير ملابسه و تسدح وحط راسه علي إيدينه ويطالع السقف وشق الخشة ويفكر فيها وبصوت عذب رومنسي : ريماس ريماس وش هالاسم الحلو والدلع دلعها يذبح بنوتة ملاك وخصلات شعرها لامعه تجنن ...وش فني وش سالفتي ...( طالع المكان اللي كانت نايمة عليه ) : كانت بغرفتي ذاك الزين كانت بغرفتي بنهبل يمه عليها تذبح تجنن لزوم ارجع اشوفها غمض عيونه ونام شوق تعبت وقامت تنام ورهف ولين بعد ناموا شوق دخلت غرفتها وشافت ريماس منسدحة قالت اكيد نايمة وماحبت تزعجها ونامت جنبها ريماس كانت موب نايمة وحست فيها بس ماقدرت تتكلم وغمضت عيونها وتفكر تعتذر من سلمان وتقول موب قصدها تدخل غرفته ماتبيه ياخذ فكرة غلط عنها اليوم اللي بعده الساعة عشرة الصبح صحت البنات وافطروا وقعدوا بالصالة يسولفون شوق : ريماس كم بتقعدون ريماس : اسبوع شوق فرحت : اجل تقعدين ببيتنا إنت ولين ريماس إبتسمت : مشكورة بس لزوم نزور كل الاهل رهف : ماعلينا منك إنت ولين قعدتكم ببيتنا لين تستهبل : لا ياقلبي نبي نلف كل الرياض ونتنفس رهف : ههههه ليش مافيه هوا بابها لين : ههههه إيه ويسمعون صوت : احم احم ياولد البنات لفوا عليه وكان سلمان ريماس من شافته نزلت عيونها وشبكت إيدينها وكانوا لابسين لبس مستور وحاطين حجاب سلمان نازل الدرج وفرحان : السلام وعليكم الثلاثي : وعليكم السلام سلمان بفرح وخبث : حيا الله منهو ببيتنا بنات خالي ابو ماجد شوق لفت علي ريماس المستحية ومسكت ضحكتها لين تطالعه وخقت : حياك الله شخبارك سلمان سلمان مشي وقف جنب الكنب اللي قاعده عليه ريماس وشوق : بالف خير شخباركم شعلومكم لين : بخير والحمد لله سلمان طالع ريماس : شخبارك ريماس ريماس وقف قلبها ورهف تطالع سلمان ومنصدمة تعرفه مايعطي وجه لأحد ريماس بصوت هادي وعيونها قدامها : تمام وإنت سلمان " يمه مستحية هالريماس ناوية علي ": الحمد لله وحياكم بالبيت والرياض ريماس بتوتر والبنات يطالعوها : تسلم سلمان يبي يقعد اكثر ويسولف بس يعرف رهف وشوق : يله إنبسطوا اشوفكم بعدين لين : فامان الله شوق بخبث : سلمان افطرت سلمان : لا بس بطلع افطر مع ماجد شوق إبتسمت : اوكي سلمان تذكر شي وإبتسم: إلا ياريماس بتروحون المزرعة معنا او لأ الثلاثي ماسك ضحكته ريماس توترت " وش حلا إسمي من لسانه " وبصوت هادي وعلي حالها : إيه سلمان شق الخشة : احسن قلت اعزمكم واعزم ماجد رهف ماسكة ضحكتها : لا تفكر بشي أخوي ..عزمتهم من زمان سلمان طالعها " اخ منك ": زين يله انا طالع تبون شي شوق : سلامتك سلمان طلع ولين ورهف فطسوا ضحك وشوق معهم ريماس عصبت : وش دعوة الضحك لين تغمز لها : وش سالفتك مستحية والرجال صافط علينا ويسولف بس معك ريماس بغضب بين لين ورهف مو حيا الله : وش هالكلام هو سال بس شوق : وش دعوة الخجل ريماس عصبت : وش هذا خجل وماخجل رهف بشك وتطالع عيون ريماس : ترا اخوي مو طبيعي قولي شسالفة ريماس بغضب : سخيفات شدراني انا لين وشوق ضحكوا رهف تأشر بإيدها بمعني بعدين بعدين ريماس ضحكت غصب : ههههه صدقني الكل فقع ضحك رهف : ههههههه عيوني عليك إنتبهي ريماس : ههههه مالت عليك لين تهبل فيها : بس اخ عليه يذبح يجنن ريماس عصبت رهف تزيد عليها : ليون شرايك فيه لين تطالع ريماس : مزيون ويطيح الطير من المسا بس فيه مشكلة صغيرة شوق فهمت عليهم : وش مشكلته لين تمثل الزعل : صافط علي ويطالع ويسولف بس مع ريماس ريماس صرخت : ليييييييين الثلاثي فقعوا ضحك ريماس بغضب : انذل منك مافيه لين : ههههه مو اكثر منك بس ممتازة رجال بكبر سلمان خلتيه يلقط خيط وخيط شوق ورهف يضحكون ريماس ودها تقوم وتكفخها : سلمان اخوي فهمتي الثلاثي : إحلفي ريماس إبتسمت غصب : وبعدين الثلاثي ضحكوا : ههههه ولا قبلين ريماس بدلع : تكفون بسكم سلمان بحال اخوي شوق رحمتها : هههه خلاص خلاص بنات إتركوها رهف بنذالة : وش هاذي إتركها بتشوفين أخليها تقول توبة عمة رهف ريماس طلعت لسانها لها : في الاحلام رهف تتوعد : وراكي وراكي والزمن طويل ضحكوا وكملوا سوالف وريماس مرة فرحانه وسلمان طلع وهو شق الخشة وراح حق ماجد عزمه سلمان امس وقعدوا يسولفون ويفطرون . مر الوقت وتجهزت كل العائلات علي الفجر ومشوا للمزرعة إلا ابو سلمان تاخر شوي عنده شغل وإم سلمان ماحبت تمشي إلا وهو معهم وراحوا لعيال وقعدت تنتظره لين إيجي ولحقوهم بسيارته اذكركم بالعائلات ( ابو خالد ..ابو سطام ..ابو الوليد ..ابو عبد الله ..ابو سلمان ..ابو ماجد ..ابو حمد وعيلة ضاري ) مشوا كلهم بنفس الوقت والسيارات وحدة ورا الثانية حمد كان يسوق ويبي يشوف شوق بس ماقدر وخالد نفس حالته وسلمان نفس الشي يبي يطالع سيارة خاله ويشوف ريماس وقال هانت نوصل المزرعة واشوفها ضاري يبي يشوف رهف يحس إنه مشتاق لها بس ماقدر يطالع سيارة صديقه ورهف عايشة جو وتطالعه كل مامشوا جنب بعض شوق تهمس لرهف : شوفي حبيب القلب من زمان وهو جنبنا رهف بوناسة : ايوه يمه عليه يذبح شوق ماسكة ضحكتها وبصوت عالي : سلمان سلمان : هلا شوق : شرايك تلعب بالسيارة عبد العزيز ورهف : إيه إيه سلمان ضحك وإيجته فكرة : شرايكم اتصل علي الكل واقول لهم رهف : يله يله سلمان إتصل علي ضاري وخالد وحمد وماجد وخالد إتصل علي سطام ووليد وعبد الله وفواز كان بسيارة بروحه ومعه بدر ومحمد وصاروا يلعبون بالسيارات ويستعرضون فيها والشياب والحريم خايفين والعيال والبنات متحمسين سلمان قام يدق بورني بسيارته وكل يقلده رهف بوناسة : ياي وش هالجو يهبل سلمان يضحك عليها رغد مبسوطة : مرة حلو اللي تسونه ضاري يضحك : هههه مبسوطة رغد : مرة احس الطلعة معهم شي زين ضاري فرح : إنبسطي مع البنات اوكي رغد : اكيد لاتوصي ام ضاري تضحك وضاري بعد ريماس تطالع سلمان لين شافتها وبهمس : كشفتك ريماس إنتبهت لها وبهمس : روحي عني مو فاضيه لك لين ضحكت بشويش : تكفين علمني تحبينه ريماس لفت لها بغضب لين برجا : بليزززز ريماس ماسكة ضحكتها لين وتعرف لقافتها وبهمس : بعدين بعدين واقول لك سالفة صارت معي لين فرحت : والله وش هي ريماس رجعت تطالع سلمان : قلت بعدين لين إنقهرت وتتمليح : علمني زين ترا انا إختك والوحيدة بعد ريماس فهمت عليها : اكيد وإذا ماقلت لك اقول لمنهو لين طارت من الفرح : مشكورة مشكورة ريماس مسكت ضحكتها غصب : حق شنو لين ضحكت : هههه طالعيه طالعيه وبعدين علمني شصاير معك وانا اقول لك حق شنو الشكر ريماس إبتسمت ورجعت تطالع سلمان مرت ساعتين ونصف ووصلوا للمزرعة اللي الجو فيها يرد الروح كانت فيلتين وفيها بساتين وخيل وبركه بط ومسبح كبير وملعب كرة قدم وقاعة فيها كل الالعاب وشجرة كبيرة تتوسط المكان ويوم تقعد تحت ظلها تشوف اللي عند المسبح واللي عند الخيل واللي بصالة الرياضة وصلوا كلهم ونزلوا من سيارتهم وسلموا علي ابو بدر وابو اسامة وام أسامة الحريم والبنات تعرفوا علي رغد وام ضاري ابو بدر شاف الكل وبهدوء : وين بسمة ومحمد