الفصل 3
شوق نزلت عيونها : زينه وإنت
خالد : تمام ...يله اسيل خلينا نطلع
حمد مشي لشوق : شوق وين رهف وشجون
ضاري إبتسم وفرح دامها وحدة من خوات سلمان او إخت حمد
شوق بحيا : مادري رح اتصل عليهم يجون
حمد يطالعها : زين
خالد يطالعهم ويسولف : شخبارك مع النسبة والشهادة
حمد لف له بغضب
شوق منزلة راسها : تمام
خالد : الله يوفقك
شوق : أمين ...تسلم
حمد معصب : مو كنت تقول إنك تاخرت
خالد طالعه : إيه بس لزوم تقعد اسيل مع شوق ينتظرون البنات
حمد : ماعليه نحن ننتظرهم
شوق تطالعهم
اسيل بهدوء : زين خالد خلينا نطلع
خالد بعناد يكره حمد يرد له كلام : ماعليه خمس دقايق مارح تقدم واتاخر إقعدوا هناك وإتصلوا علي البنات يجون
حمد يطالعه وخالد بعد
وشوق مشت بسرعة حق طاولة فيه واسيل معها
اسيل مستغربة : شفيه خالد كانه معصب
شوق قعدت وتتصل علي رهف : إثنينهم معصبين ...ماعلينا منهم
خالد إبتسم بنصر : خلينا نقعد ننتظر البنات
حمد طالعه : بطلب شي لبنت عمي تشربه اكيد تعبت من اللف
خالد سفه ورجع لضاري وحمد طلب عصير لشوق واسيل وضاري فهم إن وحدة إخت خالد وإسمها اسيل والثانية إخت سلمان وإسمها شوق وقاعد معهم ينتظر يشوف رهف ويعرف إخت منهو
شوق إتصلت علي رهف وقالت لها تجي بسرعة
مرت خمس دقايق وإيجت رهف مع شجون
اول مادخلوا الكوفي شافوا العيال
شجون طيرت عيونها : شوفيه قاعد مع خالد وحمد
رهف فرحت بس خافت : ياريبة اليوم إنكشف
شجون إستغربت : وش تنكشفين
رهف : اخاف يعرف أنو أنا إخت سلمان
شجون تطمنها: وليه إن شاء الله ويعرف وش فيها كلها كلمة سولفتيها معه
رهف فرحت : اي والله يله يله نروح نقزه شوي
شجون : هههه يله
رهف بحزم : نزلي عيونك ولو تطالعينه اخفسهم لك
شجون تهبل فيها ومشت لهم : بعينك اليوم اكحل عيوني بشوفت هالمزيون
رهف عصبت : والليلة ليلتك
شجون ضحكت ومشوا لهم
حمد شافهم : واخيرا كملوا العرابجة
ضاري إبتسم ولف وشافهم وفنفسه " والله هي الحين تطلعين إخت سلمان او إخت حمد "
حمد قام لهم وبغضب : شرفتوا
رهف مفشتلة ونزلت عيونها
شجون إبتسمت : خلينا شوي بعد
شوق إيجتهم هي وأسيل
خالد قام لهم : هلا رهف هلا شجون
شجون : اهلين شخبارك
خالد : زين الحمد لله
شوق تهمس لرهف : شفتي منهو فيه
رهف فرحانه : ايوه
ضاري قام وعيونه علي رهف : حمد بلغ سلامي لسلمان
رهف بقبقت
حمد إبتسم : ليش مارح تشوفه اليوم
ضاري مبتسم : لا مسوي حفلة لأختي مع الوالدة
خالد يستهبل : ليش ماتعزمنا يالبخيل
ضاري ضحك : هههه حياكم يله معي كلكم للبيت
حمد : مانبي ...بعد ماعزمنا أنفسنا
ضاري إبتسم : مالت عليك الله لايجيبك
الكل ضحك حتي البنات
ضاري يطالع رهف " إلا ماعرف إخت منهو يارهف "
خالد : ههههه زين عن إذنكم
حمد : يله نطلع كلنا
مشوا العيال وراهم البنات
شوق تهمس لرهف : إركبي ورا حمد زين
رهف إبتسمت بخبث : وليه إن شاء الله
شوق : كذا وسوي اللي قلت عليه
رهف ماسكة ضحكتها : ليكون يطالعك في المراية
شوق طيرت عيونها وبغضب : ررررررهف
رهف مسكت ضحكتها غصب
شجون بشك : وش تتهامسون
رهف بحزم : إخت وإختها وش عليك إنت
شجون كشرت : مالت عليك
أسيل : شوق منهو هذا مع خالد وحمد
رهف خشت : ضاري يشتغل مع سلمان
اسيل ضحكت : هههه ماشاء الله تعرفين كلش عنه
شوق تصرف : عشان سلمان طول الوقت يسولف عنه
وطلعوا لسياراتهم
خالد اخذ اسيل وضاري ركب بسيارته ويطالع رهف وين بتقعد
رهف ركبت ورا حمد وتحاول تقز ضاري ومن طالعها ماتته من الفرح
وشجون ركبت باول مقعد وشوق وراها
ضاري فرح وفنفسه " اكيد إخت سلمان لو إنها إخت حمد كان قعدت معه ...وش فني ليش اطالعها وابي اعرف منهو هي " حرك سيارته ومشي ويفكر فيها
حمد ركب وكشر دام رهف وراه ومشوا وشوق تبي توصل باسرع وقت
حمد يحاول يسولف مع شوق لو راح خالد قبل شوي مع إخته كان وقف معها وسولف معها لين تجي رهف وشجون
حمد : هاه شجون كملتي اغراضك
شجون مكشرة : لا جبت بس النصف
حمد ضحك : ههههه وإنت يارهف لاتقولين جبت بس النصف
رهف بمزح وللحين فرحانه بشوفت ضاري : ايوه سويت خير كمله ليش مإنتظرت ساعة بعد
شوق ساكته وتعرف رهف هاذي حركاتها مع الكل
حمد بخبث : احسن موتي قهر إنت وشجون
البنتين : مالت عليك
حمد : هههههه اقول شوق
شوق فزت : هلا
حمد يحاول يطالعها بالمراية ورهف تطالعه : ليكون إنت بعد ماكملت شوووبنج
شوق توترت منه وبصوت هادي : لا كملت مشكور تعبانك
حمد فرح وبخبث : وش دعوة المهم إنت كملتي وخلي رهف وشجون ينقهرون
البنتين عصبوا
وشوق حاولت تكون طبيعية معه : هههه إيه
حمد فرح " يالبي هالضحكة والصوت الهادي "
رهف بخبث : اخر مرة نطلع معك مو ياشجون
شجون : اكيد وتشوفين وش اسوي فيه
حمد ضحك : ههههه امزح امزح لو تبون نرجع للمول
البنتين فزوا وشوق طيرت عيونها
شجون : جد !!!
حمد : ايوه جد ربع ساعة نكون بالبيت ...وفقع ضحك وشوق ضحكت غصب
والبنتين وصلت معهم
رهف : مالت عليك إنت وشوق
حمد مبتسم : خلاص ساعتين تكفي وبعدين بغير مرة واطلعكم
رهف وشجون بنفس الوقت : مستحيل نطلع معك
حمد ضحك وشوق معه
حمد : هههه اشوف كرهتوني
شجون تهدد : شغلك بالبيت هين نوصل
رهف توصي : لا تقصري فيه زين
شجون : ابشري
حمد مبتسم بس
شوق بهدوء : بسكم ماشبعتوا
رهف : مو شغلك يالبطه وهين نوصل للبيت وتشوفين وش اسوي فيك
شوق عصبت وبهدوء : وانا وش علي
شجون بسرعة : لو ما كنتي معنا كان تركنا حمد علي راحتنا
شوق تبي تفهم : شقصدك !؟
حمد خش : قصدها إنك حرمة عاقلة وتقدرين ظروف الناس ومشاغلهم وهي ورهف ماهمهم شي غير هبلهم
البنتين صرخوا عليه : حمممد
حمد ضحك وشوق إستحت منه وسكتت
شجون عصبت : قبل شوي تقول علينا بزر والحين مهبل
حمد : ليش عندك شك
رهف : شجونة سفهيه
شجون سكتت ورهف بعد وحمد ضحك : هههه حتي انا بسكت
وضحكوا كلهم إلا شوق ورجعوا يسولفون لين وصل شوق ورهف لبيتهم ورجع للبيت مع شجون
رهف مع شوق بغرفتها
رهف : وش إشترتي !؟
شوق : شوفيهم قدامك
رهف رفعت حاجب وتبي تهبل فيها : حمد شسالفته اليوم
شوق تطالعها : اي سالفه
رهف تغمز لها: طول الوقت وهو يطالعك بالمراية وش قصته
شوق عصبت : مادري عنه ماشفته
رهف : والله ليش قلت لي إركبي وراه
شوق عصبت : رهف بسك هبل وش هالكلام
رهف بثقة : الرجال عينه عليك
شوق : رهف وش قاعده تقولين حمد اخوي
رهف تغمز لها : هو اخوك بس إنت حبيبته
شوق بغضب : بسك خرابيط
رهف بثقة : بتشوفين الرجال يحبك وتقولين قالتها رهف
شوق إستحت من فكرة حمد يحبها : لا لا يعتبرني إخته مثل ماعتبره اخوي
رهف بنص عين : علينا ياشوق
شوق بحزم : قلت الرجال اخوي ماتفهمين
رهف ضحكت : ههههه ادري وانا اقول هو اللي يحبك مو إنت
شوق تبي تستبعد الفكرة : سكري سكري السالفة هذا اللي ناقصني بعد حمد يحبني
رهف تزيد عليها : ليش وش فيه حمد رجال جمال واخلاق
شوق وصلت معها : وش علي من جماله واخلاقه إذا يبي يحب يوخر علي
رهف تبي ترفع ضغطها : حرام عليك تكسرين قلبه
شوق بصراخ : ررررررهف
رهف فقعت ضحك : هههههههه امزح امزح
شوق : نذلة
رهف سفهتها وحبت تقول لها عن ضاري : إلا ماتدرين شصاير معي اليوم بالمول
شوق إرتاحت دامها غيرت السالفة : وش صاير
رهف قالت لها السالفة ومرة فرحانه وشوق تضحك عليها ورهف حطت السلسال برقبتها وطنشت شوق وتعليقاتها
وقت العشا كانت عيلة ابو حمد يتعشون
ام حمد بحنان : هاه شجون يمه جبتي اللي تبينه
شجون تدلع : جبت بس شوي يمه
حمد طالعها بغضب
ام حمد : ليش يمه مو رحتي تشترين
شجون : حمد تركنا بس ساعتين بالمول وهم ماكفوني
ابو حمد وام حمد ضحكوا عليها
ابو حمد : ليش كم ساعة تبين وانا ابوك
شجون ضحكت : هههه اربع ساعات
ام حمد : ماعليه يمه اخوك كان عنده شغل
شجون بقهر : وش هالشغل طول الوقت وهو بالنادي
حمد : شجون بسك او ترا اهون مارجع اطلعك لمكان
شجون خافت تعرفه يسويها ومع السواق مستحيل تطلع : زين زين مشكور
ام حمد إبتسمت : علمني رهف وشوق راحوا معكم
شجون : ايوه وترا شوق السبب
ام حمد : وش سببه
شجون بزعل : هي كملت بسرعة وماإنتظرتنا انا ورهف نكمل
حمد : شوق إشترت بس اللي تبيه مو مثلك إنت ورهف إشتريتوا كل المول
شجون عصبت : مالت عليك إنت وشوق اللي كل شوي تدافع عليها
حمد بقبق ويصرف : وش هاذي ادافع عليها
شجون حبت تفضحه : يمه كان يقول شوق حرمة عاقلة وإنت ورهف بزر
حمد طير عيونه
ابو حمد طالع ولده وإبتسم : صادق في كلامه
ام حمد ضحكت وحمد بعد وشجون عصبت : يببه
ام حمد : ايوه يمه إنت ورهف ماتشبعون مول
شجون تفشلت : اسكت ازين لي
ضحكوا عليها وكملوا سوالف وعشا وحمد في راسه يذبح شجون
في بيت ضاري
كان يتعشي مع اهله ويفكر في رهف طول اليوم مافرقته
رغد : ضاري مشكور علي السلسال مرة حلو
ضاري إبتسم: عجبك
رغد بفرح : مرة من وين لك هالذوق
ضاري ضحك : ههههه تعرفت عليه اليوم
رغد ضحكت :ههههه اجل عرفني عليه
ضاري إيجته فكرة : اقول رغد
رغد : سمي
ضاري بخبث : تعرفين سلمان
رغد عقدت حواجبها : اللي تشتغل معه
ضاري : ايوه هو ...يقول عنده إخت عربجية وتبي تتعرف عليك
رغد ماصدقت خبر : جد
ضاري : ايوه قلت له إختي عربجية وتشوف مباريات وكرة وقال إخته بعد
رغد ضحكت وام ضاري
ام ضاري : هههه فضحت إختك عند الرجال
ضاري : ههههه حتي هو فضح إخته
رغد تضحك : ههههه زين دام كذا ابي اتعرف عليها
ضاري ماصدق خبر : زين شرايك اخذك لبيتهم وتتعرفين علي خواته
رغد : فشلة مو
ضاري بكذبة مايدري إنها صح : وش فشله إنت بعد اقول سلمان يقول إخته تبي تتعرف عليك
رغد فرحت : زين يمه شرايك
ام ضاري : هم واضح عليهم ناس اجاويد واكيد بناتهم نفس الشي روحي وتعرفي عليهم دام اخوك موافق
رغد بوناسة : الله حلو والله فلة
ضاري ماصدق خبر : زين دام كذا اتصل علي سلمان اقول له
رغد مو مصدقة تحب تتعرف علي بنات بعمرها ونفس شخصيتها : زين دق وش تنتظر
ضاري ضحك : ههههه ابشري ...يله الحين اتصل
سحب موبايله وإتصل عليه
بيت ابو سلمان حتي هم كانوا يتعشون كلهم لين دق موبايل سلمان وشافه وكان ضاري
سلمان إبتسم : الوووو
ضاري : يهلا شخبارك
سلمان : بخير وإنت شخبارك اليوم
ضاري : تمام ليكون عطلتك عن شي
سلمان: ههههه عطلتني عن الاكل
ضاري : ههههه مالت عليك اقول
سلمان : سمي ياضاري
رهف من سمعت إسمه ركزت
ضاري ماعرف شلون يبدي : والله الصراحة قلت لأختي عن إختك وتبي تتعرف عليها
سلمان إبتسم وطالع رهف : حتي إختي ملهوفة لين تتعرف عليها
اهله طالعوه
ضاري فرح : زين دام كذا خلينا نعرفهم علي بعض
سلمان يكلم رهف : إسمعني إخت ضاري تبي تتعرف عليك هاه شقلتي
رهف ماصدقت خبر وشوق تطالعها : إعزمها إعزمها تكفي
ضاري يسمع له
سلمان ضحك : هههه ضاري إختك معزومة
ضاري ضحك وبفرح : هههه بهالسرعة
سلمان يضحك
رهف بوناسة : تكفي قل له يجيبها بكرة
سلمان ضحك : هههه ضاري تقول إختي تكفي جيبها بكرة
الكل ضحك حتي ابو سلمان
ضاري ضحك وطالع إخته : أخت سلمان عزمتك بكرة تروحين
رغد بوناسة : إيه
ضاري : اقول سلمان جهزوا عشا فخم بكرة نزوركم
سلمان بمزح : حياك بس مافيه عشا
أم سلمان : وش هالكلام
ضاري ضحك : ههههه امزح مالت عليك ارجع اتصل عليك واقول لك علي كم نجي
سلمان : لا تعال علي العشا
ضاري : لا نجيكم بعد صلاة العصر ازين
سلمان : زين براحتك بس من الحين اقول لك عشاك ببيتنا
ضاري : فيه بقر مشوي
سلمان : فيه جمل مشوي
الكل ضحك
ضاري : مالت عليك جهز دجاج مشوي بس
سلمان يهبل فيه : دجاج وغالي عليك
ام سلمان عصبت : سلمان وش هالكلام مع الرجال
سلمان يفضحه : عشان كرشه كبيرة ويقول يبي بقر مشوي
ضاري تفشل والكل يضحك واولهم رهف
ضاري : يالدرج بسك كذب
سلمان : ههههه امزح امزح
ضاري عصب : مالت عليك يله تصبح علي خير
سلمان : ليكون زعلت
ضاري بمزح : ايوه وترا مستحيل ارضي
سلمان ماسك ضحكته : شفت الحيط اضرب راسك عنده
الكل تسدح ضحك
ضاري بصراخ : سلمااااان
سلمان مفقع ضحك وضاري سكر علي طول منه
سلمان يضحك : هههه سكر
ام سلمان : وش هالكلام كذا تسولف مع خويك
سلمان يضحك : هههه طلعت له قرون قال جهزوا عشا فخم قلت له مافيه عشا
ام سلمان : مايصير كذا
ابو سلمان : إتركهم هم اصدقاءك واكيد هاذي هي سوالفهم
شوق : سلمان إخته بتجي بكرة
سلمان : ايوه بعد العصر
رهف بوناسة : سلمان كم عمرها وش تدرس .
سلمان عصب : شدراني وفري أسالتك يوم تجي وإساليها
الكل ضحك ورهف إنتبهت : تحمست
ام سلمان : احسها مثلك
رهف : حتي انا
شوق بمزح : الله يستر كنا بوحدة صرنا بثنتين
الكل ضحك
رهف عصبت : مالت عليك يام الهدوء
ابو سلمان : هي ام الهدوء وإنت ام الصراخ
الكل تسدح ضحك ورهف تفشلت
ام سلمان تغير السالفة : إلا يابو سلمان
ابو سلمان : سمي
ام سلمان : اليوم إتصل علي عمي ابو بدر
ابو سلمان : وش اخباره
ام سلمان : بخير بس زعلان منك يقول ماتزوره ابد
أبو سلمان : حقه علي شغلي مو مخلني ازور احد
ام سلمان : هالكلام قوله له
ابو سلمان : هههه بشد اذني
الكل تسدح ضحك
سلمان : هههه يبه جدي ابو بدر يشد اذنك
ابو سلمان : هههه ايوه انا وعمك ابو حمد وابو خالد
الكل يتخيلهم ويضحك
ام سلمان بهدوء : تراه عزمنا ويقول لزوم تجون هالمرة
ابو سلمان طالعها : جد
ام سلمان هزت راسها بإيه
عبد العزيز فرح : نروح له للمزرعة
أم سلمان بهدوء ونزلت عيونها : إيه يبي نروح له هناك
أبو سلمان حس فيها : ماتبين تروحين
ام سلمان بصوت هادي : تعرفني ماحب ذاك المكان
العيال يطالعوها
شوق : ليش يمه مرة حلوة ذيك المزرعة
ام سلمان سكتت
ابو سلمان : وش قلت له
ام سلمان : ماقدرت أرده هالمرة بعد
ابو سلمان إبتسم بحنان : تبين تروحين
ام سلمان برجا : تكفي إذا بنروح تروح معنا ونرجع علي طول
ابو سلمان تفهم : زين نوصل نشوفه ونرجع
عبد العزيز إنقهر : يبه من زمان عن المزارع
ابو سلمان : إقعد إنت وسلمان والبنات ونحن نرجع
سلمان وافق : زين متي بنروح
ام سلمان : قال بعد ملكة عبد الله عشانه مايقدر يجي ويحضرها
رهف : وجدي بيجي يحضرها
ام سلمان : لأ حتي هو
ابو سلمان حس فيها : تطمني نوصل نرجع
ام سلمان إبتسمت له وحست بالامان : مشكور
ابو سلمان إبتسم لها : وش دعوة
سلمان إستغرب : يمه ليش ماتحبين المزرعة
ام سلمان بهدوء : اخافها
العيال طالعوها زين
عبد العزيز : من شنو تخافين
ابو سلمان حب يضحكها : فيه اشباح بالمزرعة تشوفهم بس امك
ام سلمان عصبت : محمددددددددد
الكل تسدح ضحك
ابو سلمان بفرح : من زمان ماسمعت إسمي من لسانك
ام سلمان إستحت والعيال ماسكين ضحكتهم
ام سلمان : مالت عليك لاعاد تقول اشباح او ترا اذبحك
الكل يضحك
ابو سلمان : ههههه ابشري ابشري يالخوافة
ام سلمان : وبعدين
الكل : ولا قبلين هههههه
ام سلمان : عيال ابوكم هاه
العيال يضحكون : هههه عيالك عيالك
ام سلمان ضحكت : هههههه جد عيال ابوكم
ابو سلمان بهدوء : زين دام كذا اقول حق ابو حمد يروح معنا هو وابو خالد
ام سلمان : عمي ابو بدر يقول إعزمي الكل ونجتمع في المزرعة مثل زمان
رهف نطت : علي العزيمة
الكل ضحك وكملوا سوالف لين تعبوا وراحوا ينامون
بغرفة ام سلمان وابو سلمان قاعدين ويسولفون
ابو سلمان بهدوء : م سلمان يالغالية لو ماتبين تروحين ماله داعي نروح
ام سلمان إبتسمت له : إنت فيه وانا مارح اخاف ابد
ابو سلمان بمزح : ذاك زمان يوم كنت قوي
ام سلمان : يالعجوز
ابو سلمان ضحك : ههه افا يام عيالي لسه شاب
ام سلمان : هههه في الاحلام شباب ولت ايامه
ابو سلمان : ههه علي قولت الشاعر ليت الشباب يعود يوما
ام سلمان ضحكت وكملوا سوالف وهم مقررين يوصلون بس ويرجعون
بغرفة شوق هي تدرس ورهف محتاسة
رهف بتوتر : شوق وش البس تنورة بنطلون فستان
شوق إستغربت : حق شنو !!؟
رهف : بكرة بتجي إخت ضاري
شوق فقعت ضحك : ههههههه قولي قسم
رهف عصبت : مالت عليك قولي وش البس وشلون اسوي شعري واحط ميك اب او لأ
شوق تضحك : ههههه اللي يسمعك يقول بيخطبونك
رهف : يالغبية لزوم أكون حلوة حتي تمدح فني عند أخوها ويخطبني
شوق تضحك : هههه رهوف إنت تهبلين من غير شي
رهف فرحت: جد تسلمين
شوق : لو كنت أدري إخت ضاري بتعدل أسلوبك كان من زمان عزمتها
رهف عصبت : مالت عليك يالدوبة
شوق تضحك : هههه زين زين انا اقول البسي فستان احمر
رهف خشت معها : جد بطلع حلوة
شوق بجد : الاحمر خيال عليك
رهف تبوس فيها : مشكورة مشكورة
شوق عصبت : وخري عني
رهف سفهتها : قومي حق دولاباي وإختاري لي شي حلو البسه
شوق تصرفها : بكرة واساعدك وتساعدين إنت بعد
رهف تخصرت : وليه إن شاء الله إنت بعد
شوق بمزح : يالغبية أبي يخطبوني من بعولة ضاري
رهف عصبت : وخري عليهم لأذبحك
شوق : ضاري ومحجرة عليه وحتي بعولته
رهف ضحكت : هههه ايوه من ريحة الغالي
وفقعت ضحك هي وشوق
شوق : هههه روحي روحي نامي عسي تحلمين فيه
رهف حبت تهبل فيها : وإنت بعد نامي عسي تحلمين بحمد زوج الغفلة
شوق عصبت : رهفففف
رهف فقعت ضحك
شوق بحزم : اخر مرة أسمع بسريته حمد اخوي فهمتي
رهف قامت تطلع لغرفتها : وإنت حبيبة قلبه .
شوق رجمتها بوسادة ورهف إنحاشت
شوق معصبة : النذلة هين ترجع اوريها
قعدت وتكمل دراسة وصارت تفكر فكلام رهف : معقول رهف صادقة وحمد يحبني أجل وش معني نظراته لي ..لا لا وش هالكلام حمد أخوي ورهف تتوهم
رجعت تدرس وتحاول تستبعد فكرة حمد يحبها
عند ضاري منسدح ومن يغمض عيونه يشوف عيون رهف
ضاري مبتسم : وش سوت فني إخت سلمان طول الوقت افكر فيها ليكون بس تعلقت فيها صوتها عذب خيال يذبح وعيونها عسلية تجنن ..بنهبل احس ودي اشوفها لزوم اقرب أكثر منها واعرف كل شي عنها واضح عليها صغيرة ...وتهبل وبنت ناس وعالم إكيد إخت سلمان ...شفني انام ازين ورهف انا لها جننتي بعيونها العسلية ياليت أحصل فرصة وارجع اشوفها واسولف معها
نام بعد ماتعب من التفكير في رهف اللي سكنت عقله علي طول
عند حمد ماسك قلم ويرسم عيون شوق وفنفسه " اجمل واحلي عيون ..وارق واهدى بنت بالدنيا تذبح مرة مشتاق اشوف زين وجهها اكيد احلوت اكثر واكثر عن قبل يوم كانت صغيرة كانت شعراتها صفرا وناعمة اخ ياشوق متي اقول لك أحبك وعت عن نفسي إكتشفت إني احبك ياليت فيه عندي مكان بقلبك ياليت " تم يرسم ويحاول يرسم عيونها يتخليهم ويرسم لين تعب وقام تسدح علي سريره وغمض عيونه ونام ويدعي شوق تحبه
اليوم اللي بعد
بيت ضاري
رغد تلبس وتتكشخ وامها معها تساعدها وضاري يصارخ عليها
رغد كملت ونزلت عليه وكانت لابسة فستان موف ناعم وحاطة ميك اب ناعم طلعت أخر حلاوة
رغد وبعربجية : شفيك إنت صرعتني
ضاري معصب : ساعة حتي تكملين وبعدين حق منهو كل هالكشخة
رغد : ناس اول مرة اروح لهم وابي يشوفني حلوة
ضاري : وليه إن شاء الله
رغد عصبت : وتبي تكون بناتهم احلي مني
ضاري ضحك : هههه لا ياست الحسن والجمال
رغد رزت حالها وتطنز: مشكور عيونك الحلوة
ضاري : إمشي إمشي وإنت ساكته هبلتني ندمت يوم قلت اخذك تتعرفين عليهم
رغد : مالت عليك وترا لا تندم عشانك ولأول مرة تسوي شي زين
ضاري ضحك : ههههه والله
رغد : ههههه يابعد قلبي ياخوي امزح
ضاري : إركبي إركبي
رغد : مو لزوم نشتري لهم شي
ضاري إبتسم : إشتريت اغراض إركبي بس
رغد بنص عين : متي !؟
ضاري كشر : اووف منك اركبي اول
رغد إبتسمت وركبت وضاري بعد ومشوا
بيت ابو سلمان شوق ورهف نفس الحالة يلبسون ويتكشخون شوق ملت قالت تغير جو علي نفسها بالكشخة ورهف عشان تمدح فيها رغد عند ضاري
رهف لبست فسان احمر أسفل الركبة بشويش وناعم وعنده أكمام
وشوق لبست فستان أصفر مع أسود مررة ناعم ونازل علي جسمها
أم سلمان دخلت عليهم : ماشاء الله هذولا بناتي
رهف تلف علي نفسها وشوق تقلدها وام سلمان : هههه الله يحفظكم ويله ننزل نستقبل الضيفة
شوق : يله
ونزلوا وينتظرونها
وصلت رغد مع ضاري وإستقبلهم سلمان عند الباب
سلمان فتح باب الحوش لرغد : تفضلي إختي داخل
رغد دخلت وشافت ام سلمان ورهف وشوق واقفين
رغد إبتسمت بتوتر ومشت لهم صعبة تروح حق ناس ماتعرفهم
رهف فرحت ومشت لها : يهلا ومرحبا حياك الله
رغد تسلم عليها : الله يحيك
ام سلمان مشت لها : منهو هالزين ببتي
رغد إستحت : تسلمين ياخالة إسمي رغد
أم سلمان تسلم عليها : عاشت الاسامى يارغد الزين والجمال
رغد فرحت أكثر
شوق تسلم عليها : انا شوق
رغد : تشرفت
رهف : وانا رهف
رغد إبتسمت : واحلي شوق ورهف
البنتين : تسلمين تفضلي
دخلوا داخل وفتحوا معها محضر تحقيق وخاصة رهف ورغد مرة مبسوطة معهم وام سلمان تركتهم علي راحتهم
شوق : تدرسين باخر سنه بالثانوية
رغد : إيه قسم الادب
شوق فرحت : وانا بعد بس أدرس بقسم العلوم
رهف فرحت : شلونك مع الدراسة يارغد
رغد بطفش : تعبت منها ماحب ابد ادرس
رهف فرحت : ههههه وانا بعد
شوق : هههه حتي انا
رغد : ادعي بنسبة جيد بس
شوق بمزح : عاد انا طماعة ابي نسبه كاملة
رغد حبت تطيح بينهم الميانة : من زينك ومن زين عقلك حتي تجيبين نسبه كاملة وبعدين العلمي صعب
البنتين ضحكوا
رهف : ههههه طول الوقت اقول لها إحلمي
رغد : ههههه بتشوفين مستحيل تجيب نسبه كاملة
شوق بمزح : اجيبها واقهرك إنت ورهف
رهف ورغد : بنشوف يالراسبة
شوق بتحدي : بنشوف يوم النتايج
كملوا سوالف وضحك ورغد إنتبهت علي السلسال وقالت لرهف إنو حتي هي عندها مثله ورهف إبتسمت وقالت يمكن إشتريناهم من نفس المحل وشوق تضحك
وضاري حس بفرح غريب وكأنه أول مرة يدخل بيت سلمان
سلمان تذكر سالفة المزرعة وعزم ضاري وهو ماصدق خبر وقال أكيد بيروح معهم وياخذ امه وإخته بعد وسلمان فرح
وحتي رهف عزمت رغد وتبي تعرفها علي باقي البنات ورغد قالت تحاول تقنع ضاري
مر الوقت وقعدوا علي العشا وتعشوا ورجعوا لبيتهم
بسيارة ضاري
ضاري بخبث : هاه إنبسطتي
رغد بفرح : مرة مرة رهف وشوق يهبلون
ضاري فرح وتاكد نهائي إنو رهف إخت سلمان : اشوفك مبسوطة
رغد : مرة مرة طيوبات وحبوبات حتي امهم طيبه وحنونة
ضاري : سويتي صديقات جديدات
رغد بوناسة : ايوه وأخذت بعد رقم رهف ورقم شوق
ضاري فرح : حلو منهو اللي حبيتها أكثر
رغد : الصراحة ثنتينهم بس رهف حبيتها أكثر
ضاري رفع حاجب : ليكون البنت العربجية
رغد ضحكت : ههههه إيه
ضاري ضحك وفنفسه " الله يعيني "
رغد بخبث : ضاري رهف وشوق يهبلون
ضاري إبتسم وفهم عليها : وانا وش علي
رغد إبتسمت : قلت لو تبي أخطب لك وحدة فيهم
ضاري ضحك : ههههه والله منهو تخطبين
رغد ضحكت : ههههه اكيد رهف حتي إنهبل معها
ضاري بوناسة : هذا اللي ناقصي يعني مو عاجبتك غير دامها عربجية
رغد بخبث : منهو قاله جمالها رباني وملاك
ضاري فرح
رغد تذكرت : مايصير اوصف لك البنت
ضاري إبتسم : ايوه يارغد مايصير وبعدين اخذتك تتعرفين عليهم ومو تخطبين لي
رغد كشرت : مالت عليك الشرهة مو عليك علي انا قلت ذاك الزين مايستاهله إلا إنت
ضاري فقع ضحك ورغد بعد وكملوا سوالف لين وصلوا للبيت وضاري قال سلمان عزمهم علي المزرعة إذ يبون يرحون وام ضاري ورغد ماصدقوا خبر وقرروا يرحون معهم
وشوق ورهف
رهف بوناسة : رغد مرة حلوة مو
شوق حتي هي حبتها : إيه ماشاء الله عليها تشبه ضاري
رهف عصبت : وش دراك إنت في ضاري
شوق ماسكة ضحكتها : شلون شدراني كل ذاك الزين ومإنتبه عليه
رهف وصلت معها : حدك عاد لأخفس لك عيونك واخليهم يقولون عمت نفسها
شوق : اعوذ بالله من زينه عاد .. عندي منهو اجمل منه
رهف بخبث : والله منهو هذا
شوق تستهبل : واحد ماتعرفينه
رهف ماسكة ضحكتها : ليكون حمد
شوق صرخت بأعلي صوت : رهفففففففف
رهف فقعت ضحك
شوق موصله معها : قومي يالنذلة حق غرفتك يله ولا عاد تجبين سيرته سمعتي
رهف قامت : من زينك ومن زينه وبعدين ضاري يسواه ويسوي جماله
شوق : انا وش علي منه ....إطلعي بكرة بنقوم بكير نروح نساعد خالتي واسيل
رهف تذكرت : إي والله اروح انوم حتي ماتنتفخ عيوني
شوق تضحك عليها ورهف طلعت ركض وعلي طول نامت وشوق بعد
*****
لامارا غير متواجد حالياً رد مع اقتباس
قديم 24-11-20, 04:09 PM #5
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
//
الفصل الثالث
يادمعة العين
يارمشة الجفن
يامعزوفة اللحن
يا روعة اللون
يالحظات القرن
وقفت أراقب غروبي
وأنصب خيامي
وأجهز طعامي
وأتوسد أحلامي
وأفكر في شعري وكلامي
فأنا القادم إليك ...لأقول
أنا الهائم في الصحاري
والعابر للرمل والافاعي
وا