الفصل 1
رح أخاذكم فهالقصة لعالم الألم الحقيقي ، لعالم الأحلام المزيفه ، عالم الامال المستحليه
بروايتي هاذي يوجد الحب ، الاخلاص ،الوفاء ،العذاب ، الألم ،الوجع ، الهم ويوجد الغم
وحابه اوضح لكم شي معظم الاحداث والاشخاص من نسج خيالي وافتراض مخيلتي ..ولايمدون للواقع بصله وكمان فيها غرابه شوي ورح تفكرون انو دخلت عالم الغيبيات والاقدار لكن انتظروا لين النهاية وأحكموا علي وتأكدوا انو أحلام مؤمنه ومسلمه بالاحلام والرؤي ..وروايات أحلام هي أضغاث أحلامها
المهم اقدم لكم روايتي الثانية تحت عنوان أحبيني وفقط ، كنت حابة هالفصول يكون لها عنوان ثاني بس اغرتني هالكلمتين ..ورح تفهمون من خلال الاحداث ليش أنا أخترت هالكلمتين
وبالنهاية اقول شكرا لكل شخص دعمني بالجزء الاول وشكرا لكل شخص رح يتواجد بالجزء الثاني
مع بداية رحلتي معكم
رابط الجزء الأول
https://www.rewity.com/forum/t465173.html
التعديل الأخير تم بواسطة فيتامين سي ; 27-11-20 الساعة 11:29 PM
لامارا غير متواجد حالياً رد مع اقتباس
قديم 24-11-20, 03:49 PM #3
لامارا
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
الصورة الرمزية لامارا
? العضوٌ??? » 216
? التسِجيلٌ » Dec 2007
? مشَارَ?اتْي » 87,661
? نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي
//
بسم الله الرحمن الرحيم.....لا إله إلا الله محمد رسول الله
كان لابد من طريقة أسمع فيها صوتي ..ازرع فيها مشاعري ...وأنمي فيها افكاري ، وكانت هذه الطريقه هي الكتابة هي القلم والورق وهي القصة والروايه
وأنا اقدم لكم هذه الرواية المليئة بالوجع والفرح ..بالسعادة والحزن ..بالحب والحقد ..بالألم والأمل.. لكي يبقي صوتي مسموع ومشاعري تنبض وافكاري تكبر وتنمو ولا أريد لصوتي أن يضيع ويختفي بين ثنايا الورق والاقلام وإنما يتجلي في الصورة والكلام
وأريد القول أن كل الذي كتبته هو " أفكاري كلها " وانني حاولت بكل طاقتي أن أسمع صوتي وحزني ومشاعري وفرحي وقرحي ولاضرر ان فشلت فالمهم ان اعود للوقف واحاول إسماع صوتي لانه قد لا انجح للمرة الاولي في صنع جماله وليس بوسعي تصوير حسنه وبهاءه لكن ربما في المحاولة الخمسين بعد المئه سأنجح وسأسمع صوتي بكل جراحه وافراحه
*******
أريد القول
حاجتي للكتابه كحاجة العاقر للولد ...كحاجة المحتضر ل اللحد ...وكحاجة الغريب للبلد
*****
مدخل
)) الرواية طريقة الكاتب في أن يعيش مرة ثانية قصة أحبها ، وطريقته في منح الخلود لمن أحب .. ((
أحلام مستغانمي
بداية الرواية
توقفت قليلا وأنا أطالع أفكاري وأراقب ذكرياتي وقد جفت دموعي وغادرتني حروفي وتذكرت أحلامي ونسجت أوهامي ..ها قد مضي من الزمن عمري وضاع أملي وتشتت حلمي وتملكني ألمي ووجعي ..ونظرت بطرفي عيني وأخذت قلمي وأردت أن أكتب شوقي وهيامي ..لكن أدهشني جفاف حبري وضياع صوتي وسواد أوراقي ..فأذرفت دمي ورسمت لوحتي وعزفت لحني وألجمت لساني واوقفت عـقـارب أيامي وغيرت قرار نسياني وأسكنتك خيالي وأوصالي ونظمت لك دواوين أشعاري وقصائدي وكتبت لك اول رسائلي وعباراتي ... أحبيني ،أحبيني وفقط
الفصل الاول
يأسم الشوق
ياروح العتق
يأرض العشق
يابحر الغرق
ياعطر العبق
يامتاهة الطرق
جئت أقول لك ...أنا
أبحرت بقلبي وهيامي
وغرقت بطوق نجاتي
سبحت بقاربي وشراعي
وتهت ببوصلتي ودليلي
فأنا الاسير بباب رمشك
والسجين بنافذة عينك
والميت بلحد جفنك وحبك
أحبيني... أحبيني وفقط
~~~~~~~~~~~~~~~~~~~~~~~~~~~~~~
رهف داخله سيده لغرفة أختها وتصارخ : شوووووق شوووق
شوق واقفة عند التسريحة تتكشخ وفزت ولفت لها : وجع شفيك !!!!!!
رهف ميته فرح : شووق شووق
شوق عصبت : رهوفة وش فيه !؟ وبعدين ليش داخلة كذا رعبتني
رهف راحت لها ومسكتها وتلفها : شفته شفته
شوق عصبت : فكني إيجتني دوخة بسبك
رهف ترقص وتغني : حبيب قلبي ببيتنا
شوق فقعت ضحك : هههههه جد يالمجنونة
رهف مسفهتها : شوق شوق شفته مع سلمان
شوق تطنز : قولي قسم وأصدق
رهف عصبت : مالت عليك يالدوبة
شوق بحزم : دوبه بعينك وبعدين بسك هبل الرجال ماهوب سامع بوجودك حتي
رهف حزنت بس مابينت : رح يسمع تطمني
شوق ضحكت : هههه وش هالثقة
رهف ضحكت : هههههه حلم شفته
والثنتين فقعوا ضحك
شوق بحنيه وجد : رهوفة قلبي إسمعني زين الرجال ماهوب عارف بوجودك بسك اخاف تحبينه صدق وتتألمين بعدين
رهف فنفسها " كلام شوق صح " تحاول تصرف : غبية مزاح بس وبعدين بسك نصايح
شوق بنص عين : رهوووووف
رهف تضحك : اروح اضيف ضاري
شوق مسكت راسها : لا حول ولا قوة إلا بالله ... بنهبل منها
رهف ضحكت ورجعت نازلة سيده
^-^ اعرفكم عليهم ^-*
ابو سلمان محمد رجال بعمر47 دكتور قلب يحب عياله ويغليهم ويعشق زوجته ام سلمان عشق ماله حدود ويسمح فالكل إلا هي وللحين لسه يتغزل فيها ويخجلها قدام عيالهم وبعد وفاة إمه وأبوه كانت له السند والعون
ام سلمان إبتسام حرمه بعمر 39 تحب عيالها ورزينه وعاقله وعلي قولت رهف فري وتحب زوجها حب جم وتموت ويحي ويبتسم هو *ومايفوتها شي *
سلمان الولد الكبير عمره عشرين سنه يدرس إدارة اعمال ثانية بالجامعة وماسك شركتهم عشان ابوه مايحب شغل الادراة ويشتغل دكتور وهو مزيون وعاقل بس مشكلجي شوي
شوق الحرمة البنت العاقلة الرزينه تشبه أمها ونسخة مصغرة عنها ..وأحلي شي فيها غمزاتها يوم تضحك تزيدها حلاوة عن حلاوة وعمرها 19 تدرس باخر سنه ب الثانوية وتجهز ل شهادة الثانوية وتعرف ترسم وتعزف علي الكمان علمتها امها وهي أكبر البنات
رهف العربجية نبر وان وام المشاكل والفوضي والخياسه ... تضحك طول الوقت وجمالها ساحر عيونها عسلية تذبح وطويله وجسمها مليان شوي عمرها 16 باولي بالثاوية وتكره الدراسة وتتمني تنمح عن وجه الارض وتحب صديق اخوها وإسمه ضاري وتعزف علي البيانو وعلمتها امها بعد
عبد العزيز اخر العنقود عمره 11 ابو اللعب والبلاستيشن يحب الكرة ويعشق كل الالعاب يدرس بالاعدادي
أبو محمد مات من سنة تقريبا وإم محمد ماتت من سنوات
شوق تكمل كشختها وتفكر في رهف تخاف لتحب وتتعلق برجال ماهوب داري بوجودها رهف بسن المراهقة وصغيرة وتخاف لتنجرف ورا مشاعرها بس هي بتوقف معها وماتسمح لها تحبه
رهف نزلت ركض وراحت للمبطخ وتصارخ علي الخدامه : هيه إنت ضيفتي ضيف سلمان
الخدامة بخوف : لا مدام
رهف فرحت وشالت الصينية : احسن اول مرة تسوين شي زين ...لفت عنها وطلعت والخدامة طيرت عيونها فيها تعرفها ماتشتغل شي وخمله علي قولتهم
رهف تاخذ نفس : وااي مأصدق خلني اقرب شوي من حبوبي ضاري
وصلت للمجلس ودقت الباب
عند سلمان وضاري يتفرجون مبارة الهلال والنصر
ضاري صديق سلمان المقرب بعمره ويدرس معه ويشتغل معه عشان ابوه متوفي وهو إيد سلمان اليمين وكأن الشركة له نصف فيها ....جمال اماراتي عيون عسلية نعسانه وخشم طويل وحاد وملامح جريئه شعر اسود كثيف وطويل شوي وسكسوكة كثيفة ومرة سودا وإبتسامة تطيح الطير من السما وجسم رياضي وهادي عاقل رجال بمعني الكلمة
ضاري : سلمان شرايك منهو يفوز اليوم
سلمان بثقة : الهلال هدفين لصفر
ضاري عصب : مالت عليك النصر أربع اهداف لصفر
سلمان بتحدي : بنشوف يابو الخسارة
ضاري بتحدي : التسعين دقيقة تحدد
سلمان بسخرية : هه هه هه الشوط الاول يحدد
ضاري وصلت معاه : بعينك الحين نسجل
وصاروا يتهاوشون لين سمعوا دق علي الباب
سلمان بطفش وعيونه مبقبقة بالتلفزيون : اووف منهو هالغثة الحين
ضاري يضحك : هههه قم شف
سلمان تذكر وفز وقام : إلا لزوم أضيفك
ضاري فقع ضحك : ههههه ماله داعي اقعد كمل المبارة
سلمان معصب : مالت عليك شوي وارجع عن إذنك
ضاري: إذنك معك
سلمان لف عنه : ادري إذني معي ومع المعلق
وضحكوا وضاري يشوف المباراة ويدعي يربح النصر ويقهر سلمان
سلمان فتح الباب وبدون مايطالع ومد إيده : عطني الشاهي يله
رهف باسلوب : تفضل اخوي
سلمان طالعها وبقبق : ررررهف
رهف فقعت ضحك : هههه إيه
سلمان منصدم : وش عندك يالخامله جايبه الشاهي
رهف عصبت بس مابينت : مالت عليك عوض ماتقول تسلم إيدينك تقول هالكلام
سلمان ضحك : هههه تسلم إيدينك واسجلها في التاريخ
رهف عصبت وتسولف : وش تسون
سلمان طير عيونه : وش عليك إنت
رهف توهقت وتصرف : كانها مباراة ابي اشوفها
سلمان إبتسم : ايوه ياشيخ الشباب النصر والهلال
رهف ماصدقت خبر : شيخ الشباب بعينك واكيد الفوز لنصر
سلمان عصب : بعينك إنت وضاري
رهف بخبث : ليش حتي هو يشجع النصر
سلمان ببراءة : ايوه
رهف فرحت " بعد قلبي والله ": اجل الفوز لنا ...ولفت عنه وهي مبسوطة
سلمان ضحك عليها ورجع دخل للمجلس
ضاري بمزح : الله يقويك توك تكمل الشاهي يالهنديه
سلمان قعد : مالت عليك تفضل واسكت
ضاري ضحك : هههه منهو علمك تضيف ضيوفك كذا
سلمان ضحك : ضاري بن علي
ضاري رز حاله : بعينك انا عربي اصيل وأبو الكرم
سلمان مع المعلق : سمعني زين خلينا نشوف منهو يربح واتشمت فيك إنت وإختي
ضاري ضحك : ههههه ليش إختك تشجع النصر
سلمان معصب : ايوه من غباءها النادر
ضاري يضحك : ههههه ماكنت ادري إنو بناتكم يتابعون مباريات وكرة
سلمان ضحك : هههه لحق عمرك عندي إخت تعرف اللاعبين اكثر مني ومنك
فقعوا ضحك
ضاري : ههههه بنات اخر زمن
سلمان : هههه وإنت الصادق بس لاتحش بإختي
ضاري يضحك : هههه تطمن اقصد إختي انا وهي بحال إختك تعرف حتي المدربين
وفطسوا ضحك
سلمان : هههههههههه عربجيات
ضاري : هههههه ايوه
وكملوا سوالف ويتابعون المبارة
بالصالة رهف مشغلة التلفزيون والصوت علي الاخر
ام سلمان تطالعها : توقعت عندي ولدين اثاري ثلاث عيال
وإجت لها
ام سلمان بحزم : رهف
رهف مع التلفزيون : نعم
ام سلمان: نقصي علي الصوت وبعدين مافيه شي تسوينه إلا تشوفين هالاشياء
رهف لفت لها وبحماس : يمه إقعدي والله فلة
ام سلمان بنص عين : رهف غيري القناة ازين
رهف مدت الشبر : تكفين مام تكفين
ام سلمان قعدت وضحكت : منهو سجل
رهف بصراخ : عاشت عاشت ام رهف
ام سلمان تضحك وصارت تشوف معها ونزلت شوق عليهم
شوق مطيرة عيونها : يمه وش عندك !!!!؟؟؟
ام سلمان لفت لها : إقعدي تتفرجين معنا
شوق بقبقت : كرة قدم !!!!
رهف تطنز : كرة يد
وضحكت هي وامها
شوق قعدت : مالت عليك إنت وهي
ام سلمان : احم احم
شوق بسرعة : رهف مالت عليك إنت وبس
الثلاثي ضحكوا
ام سلمان : ههههه كأن سلمان عنده ضيوف !؟
رهف ناطة : ايوه ضاري
شوق تطالعها
ام سلمان : حياه الله ولد مافي منه
رهف بهمس : اي والله
ام سلمان : قلت شي؟
رهف تصرف : قلت خلونا بالمباراة
وصاروا يشفون المباراة
رهف تذكرت شي : إلا يمه
ام سلمان : سمي ياقلبي
رهف : ترا عبد الله بعد يومين ملكته
شوق : جد منهو قال لك !؟
رهف : قالت لي أسيل قبل شوي
ام سلمان مستغربة : قبل ساعة سكرت من أم عبد الله وماقالت لي
رهف ضحكت : هم حددوه قبل نصف ساعة بس
الكل ضحك
شوق : هههه اعوذ بالله هاذي لقافة او شنو
رهف بغرور : اعجبك
ام سلمان تضحك: ههههه اثاري خلفت مخبارات
البنتين ضحكوا
رهف تتمليح : يمه حبيبة قلبي ترا ماعندي لبس البسه في الملكة
أم سلمان طيرت عيونها : والله والدولاب المليان
رهف : قدمين يمه تكفين
شوق تايد : صح يمه مرة مو حلوين
أم سلمان : امري لله منك إنت وهي روحوا حق المول وجيبوا اللي تبونه
الثنتين يبسون فيها : تسلم تسلم احلي بسمة بكل المملكة
أم سلمان ضحكت : هههه بعد قلبي والله بس مافيه روحة إلا مع سلمان
شوق إنقهرت : تكفين يمه سلمان مارح يرضي
ام سلمان : إقنعوه ماعلي منكم
رهف كشرت : مستحيل يقتنع
ام سلمان : هذا اللي عندي
شوق بقهر : رهف وش بنسوي
رهف بتفكير : سلمان واعرفه مستحيل يرضي ولو علي جثته
شوق مدت الشبر : زين
رهف إيجتها فكرة : شجون كانت تقول بتروح مع حمد بكرة للمول شرايك نروح معهم
شوق طيرت عيونها : مع حمد إنهبلتي
رهف سفهتها : هاه يمه شقلتي
أم سلمان : حمد بحسبت سلمان ولد عمكم ودام بيأخذ إخته ماعليه روح معه
رهف فرحت : مشكورة مشكورة
أم سلمان : بس من الحين ماله داعي تهبلون في الرجال ساعتين إرجعوا
شوق بتردد : يمه تصير نروح معه
أم سلمان : ايوه ....تعرفين أبوك مايحب تطلعون مع السواق وسلمان مارح يأخذكم علي المول ودام حمد رايح روح معه
شوق إقتنعت : زين
رهف فرحت : زين نتصل عليه يمرنا بكرة
أم سلمان : بقول حق سلمان يقول له
وكملوا مباراتهم وطلعوا تعادل والكل إنقهر ودخل عليهم ابو سلمان
ابو سلمان : السلام وعليكم
الكل : وعليكم السلام
أم سلمان قامت له وإبتسمت : تأخرت اليوم
أبو سلمان إبتسم لها : كان عندي شغل مرة
ام سلمان تاخذ منه الحقيبة والشماغ : الله يقويك
رهف قامت له وحبت إيده : شلون أبوي
أبو سلمان : توني صرت بخير بشوفت الغوالي
الكل ضحك
شوق قامت وحبت إيده ورجعوا قعدوا
أم سلمان بحنان : تبي أكل او أي شي
أبو سلمان : لا مشكورة بعدين واكل
أم سلمان : زين
أبو سلمان : كأني سمعت صوت معلق
شوق ضحكت : هههههه ايوه يبه كنا نشوف مباراة الهلال والنصر
ابو سلمان ضحك : هههه منهو فاز
رهف بقهر : طلعوا تعادل
ابو سلمان : أحسن حتي مايزعل أحد
الكل ضحك
أبو سلمان : وين سلمان وعبد العزيز
رهف : سلمان مع صديقه بالمجلس وعبد العزيز ضايع
أبو سلمان : هههه ليش مادورتوا عليه
شوق : تعبانين كل يوم ندور عليه
الكل ضحك
أبو سلمان قام : اروح أسلم علي ضيف سلمان
ام سلمان : خليه علي العشا
ابو سلمان : ابشري يالغالية ...وهو راح
رهف : احم احم
ام سلمان قامت : بروح اشوف العشا
البنتين ضحكوا عليها وهي راحت
ابو سلمان دخل للمجلس وسلم علي ضاري وعزمه للعشا بس تعذر منه وقال ثاني مرة
وسلمان رجع مع ابوه داخل وقعدوا يتعشون وعبد العزيز معهم
أم سلمان : سلمان ياوليدي ملكة ولد خالك عبد الله بعد بكرة وخواتك يبون المول
سلمان كشر : يمه تعرفين مالي خلق المول ومأحبه
أم سلمان : ادري ولد عمك حمد رايح وبيأخذ إخته معه دق عليه ياخذ شوق ورهف
سلمان إرتاح : زين ...اكمل عشا ودق عليه
أبو سلمان : عبد الله بملك بعد بكرة ؟
أم سلمان : أيوه
أبو سلمان : الف مبروك
ام سلمان بخبث : الله يبارك فيك بس علمني ماتبي تصير جد
سلمان كشر
أبو سلمان طالعه : إلا شرايك نخطب لولدك
أم سلمان : ابشر ...هاياوليدي شقلت
سلمان برجا ومستحي من أبوه : تكفين يمه مالي خلق زواج
الكل ضحك عليه
رهف : ههههه سلمان وش هو الشي اللي لك خلق له ..علمني بس
الكل إنتبه وضحك
سلمان : هههه ولا شي
أم سلمان : وراك وراك لين توافق وتتزوج
سلمان كشر : تكفين يمه لاتبدين
أبو سلمان إبتسم : ماعليه يوم يصير لك خلق علمنا
سلمان إستحي منه : ابشر
الكل ضحك
أبو سلمان : ها ياشوق شلونك مع الدراسة والنسبه
شوق بدلع : تعبانة يبه اسهر لوحدة بالليل
ام سلمان رحمتها : بشويش يمه مو لزوم نسبه كاملة
شوق فرحت بس مابينت : لا يمه لزوم النسبه الكاملة
ابو سلمان : الله يقويك وعاد هديتك جاهزة
شوق فرحت : جد
أبو سلمان : أيوه شدي الهمة بس
رهف واللقافة : يبه وش هي
ابو سلمان : شوق تختار اي شي وانا جاهز له
شوق بوناسة : اي شي اي شي
ابو سلمان فهم : اي شي إلا أفتح لك قسم للرسم والعزف
شوق إنقهرت : يبببه
الكل ضحك عليها
أم سلمان: هههه ابو سلمان حرام عليك
أبو سلمان إبتسم لها : افا عليك يالغالية
ام سلمان إستحت : بس هاذي بنتك وهي تبي بس هالشي
شوق فرحت : أحلي يمه أحلي.
أبو سلمان بخبث : لو بفتح لها قسم كان فتحت لك واحد من سنين
شوق إنقهرت
أم سلمان ضحكت : هههه بس قلت يومها إنها بنتك وهي تتأمر وإنت تنفذ وانا ارجع لأبوي يفتح لي واحد
أبو سلمان : هههه مزاح بس يام عيالي
الكل ضحك وام سلمان إستحت ولشوق : حاولي معه
شوق كشرت : مارح يوافقك شي اكيد
ابو سلمان : ايوه يبه إطلبي شي ثاني غيره
شوق حبت تأجل السالفة الحين لين يوصل وقتها : زين أفكر فهدية واقول لك
ابو سلمان : زين
رهف بدلع وتتمليح : يبه يانور عيني بس شوق وانا وعبد العزيز
ابو سلمان بمزح : ليش كم نسبتك وانا ابوك
الكل ضحك
رهف تفشلت : لا تفكر بشي هالمرة اجيب 90
عبد العزيز : ههههه علبالي بتقولين نسبه كاملة
الكل ضحك
رهف عصبت : تكلم عن نفسك إنت اول
أم سلمان : ماعليه رهف قولي وش تبين
رهف فرحت وبوناسة : سفرة
شوق فرحت : والله ماهيب هينه الفكرة
سلمان حب يقهرهم : مافيه سفر البيت واجد عليكم
البنتين بزعل : وليه إن شاء لله
سلمان يغمز لأبوه : يبه مافيه سفر مو
ابو سلمان : اكيد البيت كبير ولفوه صباح مساء
الكل ضحك
أم سلمان : هههههه انا ابي اسافر
ابو سلمان طالعها : جد
ام سلمان غمزت لبناتها : ايوه جد وهذا اخر كلام عندي
ابو سلمان ماسك ضحكته : لأجل عين بسمة تكرم مرج عيون
الكل تسدح ضحك
ام سلمان بمزح : ايوه أحسب
الكل يضحك
ابو سلمان : اقول ياعيال قولوا وين تبون تسافرون
رهف وشوق وعبد العزيز : احلي يمه احلي
ام سلمان تضحك مع ابو سلمان
سلمان : الامارات شرايكم
العيال بصوت واحد : ايوه
ابو سلمان : إن شاء الله بالاجازة نسافر
ام سلمان : اقول شرايكم نعزم الكل
رهف بوناسة : والله فلة يوم نسافر شله يطلع احلي
أبو سلمان : زين إعزميهم
ام سلمان : بإذن الله
رهف بسرعة : انا اعزمهم لاتفكرون بشي
الكل ضحك
شوق : هههههه ريحتنا يالملقوفة
رهف : مالت عليك
ام سلمان : اقول سلمان
سلمان : سمي يمه
ام سلمان : إعزم خويك ضاري واهله نتعرف عليهم
رهف فرحت وطالعت سلمان
سلمان إبتسم : ابشري فكرة حلوة وبعدين يوم يسافر معنا ضاري تطلع السفرة حلوة
رهف فنفسها " وإنت الصادق يمه تستاهلين حبة راس "
شوق تطالعها وماسكة ضحكتها : اقول سلمان عنده خوات
سلمان : اتوقع عنده إخت وحدة بس
رهف بوناسة : والله وش إسمها
سلمان : شدراني انا
الكل ضحك
رهف إنقهرت : حبيت اتعرف عليها
ام سلمان : ابشري يعزمهم سلمان ونتعرف عنهم ضاري واضح عليه رجال والنعم فيه وبأخلاقه واكيد اهله ناس اجاويد
ابو سلمان : ايوه صح سلمان أعزمه زين
سلمان تذكر شي وإبتسم : ابشر يبه ...اقول رهوف
رهف بوناسة وهي تتخيل تسافر مع ضاري : سمي
سلمان ماسك ضحكته : إخته عربجية بحالك
رهف ماصدقت خبر : جد
سلمان ضحك : ههههه إيه ضاري يقول تشوف مباريات وكرة مثلك
الكل ضحك
رهف طيارة من الفرح : الله حلو بفلها معها يوم نسافر
الكل : هههههه بإذن الله
رهف ضحكت وكملوا عشا وهي مرة مرررة مبسوطة
سلمان قام يتصل علي حمد ورنتين ثلاث رد
حمد : الووو
سلمان : هلا والله شخبارك
حمد : زين ياشيخ وإنت شخبارك شخبار اهلك
سلمان: الحمد لله اقول وين إنت فيه
حمد بطفش : بالبيت منسدح
سلمان يتمليح : زين كنت بطلب طلب
حمد : سمي امر
سلمان : مايمر عليك ظالم ...بس رهف بتقول بكرة بتروح المول مع إختك
حمد إبتسم : وصلها الخبر العربية
سلمان ضحك : هههههه ايوه
حمد : هههه إيه شجون تقول بتشتري اغراض حق ملكة عبد الله
سلمان فرح : زين حتي البنات يبون نفس الشي وقلت دامك رايح يروحون معك
حمد ماصدق خبر : ابشر
سلمان فرح : زين شرايك تمرهم بكرة وتاخذهم معك
حمد قعد وبخبث : اكيد علمني خالتي ام سلمان بتروح
سلمان : لا بس شوق ورهف
حمد يرقص بمكانه " واخيرا اشوفك مشتاق لك مررة ": اوكي بإذن الله بكرة اخذهم وارجعهم
سلمان : تسلم والله ماتقصر
حمد " إنت اللي تسلم ": وش دعوة...بس علمني ليش ماتروح معنا
سلمان : لا تكفي كلش ولا المول والحريم ترا ماتحملهم أبد
حمد يضحك : هههه وإنت الصادق اقول وينك فيه نطلع نسهر شوي
سلمان : إي والله ماهيب هينه الفكرة نطلع مع خالد بعد
حمد كشر : نطلع بس انا وإنت
سلمان : ماعليه نتصل عليه ونتصل علي ضاري وسطام والوليد وعبد الله بعد
حمد قام وبطفش : اوكي إنت دق علي خالد وضاري وانا الباقي ونجتمع بالنادي
سلمان : اوكي تامر بشي
حمد : سلامتك ...فامان الله
سلمان : فامان الكريم ....سكر منه وإتصل علي خالد وضاري
عند حمد قام يلبس هو ولد بعمر 20 يدرس بالجامعة إدارة اعمال جسمه جسم رياضي وعيونه عسلية كبيرة وخشمه طويل وملامحه حادة وبشرته سمرا شوي وشعره أسود مررة كثيف وناعم وهو يذبح وكل البنات منهبلين عليه بس هو يحب وحدة بس ومنهو صغير واللي هي شوق بنت عمه "" ابوه ولد عم ابو شوق ""ومعروف عنه كلش يحبه لزوم يحصله ومايعتذر مهما كان الثمن
نزل وشاف أهله بالصالة
أبو حمد رائد ( رجال ب عمر 44 دكتور نفسي عنده عيادته بروحه يحب زوجته وعياله ويغليهم ويحقق لهم كل طلب ومرة فطن * ومايفوته شي بحال ام سلمان *
ام حمد نوف ( حرمة بعمر 39 اقرب وحدة لأم سلمان تحب زوجها وعيالها
شجون البنت العربجية نبر تو بحال رهف بعمرها وتدرس معها ومشاكلها وبلاويلها اكبر من رهف وجمالها طبيعي عيونها بنيه حلوة وشعرها بني طويل شوي طول الوقت تضحك وتلعب وتستهبل مع رهف وكل اخبار الاهل عندهم يعني مثل صحفيات علوم الدار ههههه
أبو رائد وإم رائد سافروا مع مشعل للخبر فتح له شغل هناك وتزوج وجاب عيال واهله وهو ويزورون أبو حمد وهو يزورهم
سلم عليهم وقال لشجون تتصل علي البنات بعد العصر ويطلعون وهي فرحت دامها بتروح مع البنات وقال لأهله بيسهر مع العيال وطلع
سلمان دق علي خالد وهو خويه وولد خالته
خالد ولد بعمر 20 هادي رزين بس عنده حب تملك وكلش يبيه له وهو ولد طويل شوي وعنده جسم رياضي وكل البنات منهبلين عليه مأخذ الزين كله عيونه سوده وشعر اسود فاحم كثيف وسكوكته كثيفة يحب الخيل والنادي ويقول شعر بحال ابوه وهو يدرس القانون عشان يمسك الامور القانونيه بالشركه
ابو خالد بدر رجال بعمر 46 يحب عياله وزوجته وكل اشعاره فيها عنده شركه شراكه مع اخوه ابو الوليد
أم خالد ريتاج إخت ام سلمان التوأم تحب عيالها وزوجها وتهتم لبيتها
أسيل بعمر 18 تدرس مع شوق وقريبه لها هادية رزينه وطيبه ودلوعة جمالها ساحر وهي خطيبه عبد الله ولد خالها هي تحبه وهو بعد يحبها ويوم خطبها ماصدقت خبر ولما وافقت عبد الله مو عاطي فرحته لأحد حبيبة قلبه خطيبته والحين ملكتهم وبالصيف زواجهم لو ماغير عبد الله قراره
محمد الولد الصغير سماه ابو خالد لأعز الناس علي قلبه ابو سلمان وهو بعمر عبد العزيز وبنفس طبايعه ويحب البلاستيشن واللعب والكرة
أبو بدر وابو أسامة وام أسامة راحوا علي المزرعه بعد وفاة إم بدر بطلب من ابو بدر وهم عايشين فيها
عيلة ابو سطام
ابو سطام طلال رجال بعمر 43 عنده شركة مع اخوه الوحيد وهو اخو ام سلمان وام خالد من الرضاعة ولد خالتهم بعد يحب عياله وزوجته
ام سطام اماني إخت ابو خالد وابو الوليد ...حرمه بعمر 38 تحب عيالها وزوجها وتعزه وتحقق له كل طلب له ولعياله
سطام الولد الوحيد بعمر 19 يدرس اولي بالجامعة مع الوليد قسم إنجليزي ابو المشاكل والبلاوي والمزح الثقيل طول الوقت وهو مع الوليد وعن جماله مملوح بس مشكلجي والغزل شغله الشاغل هو والوليد
إخته الوحيدة ملاك إسم علي مسمي دلوعة هادية طيوبة وحساسه عمرها 16 تدرس بالثانوية وجمالها رباني
أمه وأبوه عايشين مع يزيد وزوجته مدي وعيالهم بالرياض
عيله ابو الوليد
ابو الوليد فارس اقرب الناس لأبو سطام عنده شركه مع اخوه الوحيد ابو خالد وهو اخو أم سطام واخو ام سلمان ام خالد من الرضاعة ويحب زوجته وعياله
أم الوليد إخت ابو سلمان الوحيدة اسماء بعمر 39 تحب عيالها وتعزهم وتحب زوجها وتغليه وتحب عيال اخوها الوحيد وأكثرهم شوق وسلمان
الوليد ابو المشاكل والبلاوي جماله سعودي أصيل يحب الخيل والسباق وحياة الاكشن واعز الناس عنده سطام والبنات من ضروريات الحياة عنده ههه
بدر ولد بعمر 17 يدرس بالثانوية وحلمه يصير دكتور مرة شاطر وعن جماله يقولون مملوح
دنا البنت الوحيدة الدلوعة والحساسة وصديقة ملاك وتدرس معها بالثانوية وجمالها ساحر وعيونها صغيرة وخدودها زهر وشفايفها صغيرة وكل ملامحها صغيرة بس تهبل وشعرها بني قصير
عيله ابو ضاري
ام ضاري سهام حرمة عاقلة هادية تحب عيالها وتحاول تملي عليهم فراغهم بعد موت ابوهم وتحب ضاري وصارت له سند وعون
ضاري غني عن التعريف
رغد البنت العربجية بعمر 18 وتدرس للشهادة بس كارهة نفسها وتقول ياليت انجح بنسة جيد تكفني تحب اخوها الوحيد حب جم وتخاف عليه من نسمة الهوا تحسه ابوها واخوها وعمها وخالها وتحاول ماتثقل عليه بطلباتها عشانها تدري كل شي تطلبه يجيها امها تدلعها و اخوها بعد وعن جمالها جمال هادي ناعم بس تذبح بعيونها السود الكبيرة
عيله ابو عبد الله
ابو عبد الله اسامة اخو ام سلمان وام خالد بعمر 45 عنده شركة مع اخوانه رجال هادي عاقل ورزين يحب عياله الاثنين وزوجته