الفصل 20
بكرتون المنديل الا بصوته: يا عبير استهدي بالله ما يصير كذا راغده لو تجيب لي سم اشوفه ترياق " علاج " بعيني ..
مها: اي من قدك يا راغده .. خالي واقف معك لو ايش ما كان .. مالنا نصيب ببعض هالمحبة يا خالي ..
بدر بنظرات فيها خبث: لا راغده غير بقلبي ..
ام عبدالعزيز: الشكوى لله .. مدري على ايش يحبك بعد سواتك ذي ..
بدر فتح السويت رول وصار يأكله: لذيذة تسلم يدك ..
راغده كشرت بوجها : وحرام عليك بعد ..
بدر: مقبولة منك يا عيوني ..
راغده بهمس: لا تتمادئ ولا والله
..
بدر بثقة: ولا ايش؟ يلا وريني شطارتك ..
راغده: بسبب كلامك السخيف الكل شايف انك تحبني وتعزني كـ بنت اختك لكن انت حقير ..
بدر: أنا أعرف كيف اسكتك .. تتقوين بس تشوفين أحد معك ، لكن مو للأبد بس اطلع من المستشفى بعرف كيف انتف لك ريشك ..
راغده: ظنونك خايبة أنا الآن متزوجة .. وعندي زوج كيف يدافع عني ..
بدر يضحك بصعوبة: محد بيكون معك راغده مثل ما أمك واخوانك ضدك .. ألي شادة الظهر فيه ما بيوقف معك بس يعرف أن في أحد لمسك ..
راغده: لمسني ! محد تجرأ ولمسني غير تحرشك يا وصخ ..
بدر: أنا متأكد أن بسبب سلوكك وطباعك خلاه يفكر ألف تفكير عنك ، يعني مو بعيدة انه يفكر انك لعبتي بذيلك من قبل و عشان كذا أنتي تصدين عنه وعازفة عن الزواج عشان خايفة ان احد يكشفك ..
راغده: ههههه انت مسكين ، ما تدرين أن الآن سهلات يروحون لمصر وحتى هنا فيه بس بالخارج اضمن يركبون غشاة البكارة !
بدر: أفهم من كلامك أنك لعبتي وسويتي الغشاة البكارة ؟
راغده: والله هالشيء راجع لي ، وأنا حرة بتصرفاتي ، والآن معي زوجي يحميني منك يالوغد ..
بدر سكت لما شاف أخته وبناتها داخلين عليهم : للحديث بقية ..
راغده: ما بيني وبينك أي بقية .. " التفتت لامها " يمه أنا باخذ ريهام وقت الزيارة اظن خلصت
صعدت سيارتها والتفتت لها وبود: وين ودك تتعشين ؟
ريهام بفرحة: صدق ؟ وناسة .. في مطعم لاتفولا هو إيطالي رهيب .. كثير مدحوه لي صاحباتي ..
راغده: ممتاز يعني بتعشيني على ذوقك اليوم ؟
ريهام بابتسامة: اعتمدي علي ..
ولما وصلت للمطعم الإيطالي ألقت نظرة خاطفة على جوالها ما شاف اي رسالة منه " وش ألي يشغله هالقد ! حتى ما قال وش شغله "
ريهام مسكت المنيو: ١ لازانيا باللحم و ١ دجاج بالفطر .. أي مشروب غازي ودك ؟
راغده: ميرندا ..
ريهام: و ٢ ميرندا برتقال ..
الجارسون: اوك ..
ريهام تعدل حجابها: ترى كميته كبيرة لذلك ما زودتها ..
راغده: لا تشيلي هم .. اليوم هو لك
ريهام بفرحة كبيرة: هيه واخيرا يوم مخصوص عشاني مثل أيام قبل ما تنقلين لبيتك ..
راغده تنهدت: تعرفين البناء وكل شيء كان فوق بعض .. المهم سولفي لي عن أيام صاحباتك ..
ريهام: صاحباتي كلهم بلغوا وانا لا .. طبيعي ؟
راغده: ايوا طبيعي بعضهم البلوغ عندهم مو ١٣ بعضهم ١٤ او ١٥ ..
ريهام: اي الحمدلله معي صاحبة تقول أن ابوها بيزوجها من ولد عمها بس تدخل ال ١٨
..
راغده: وليه ؟
ريهام: لان منعو الزواج تحت الـ 18 .. انبسطت حيل ان القرار نزل خلاص لو تشوفينها يا عوينتي انفرجت عليها ..
راغده كشرت بوجها: وللان قصص ولد العم لبنت العم وع ..
ريهام: اي ولبكره ترى .. إلا صحيح سمعتهم بالحفلة يقولون جنان حبيبة طلال قبل ما تجين انتي بينهم !
راغده تذكرت الأسم لان ام فهد طرته كثير لها: من تكون جنان؟
ريهام: بنت عمه .. يقولون لما سمعت ان طلال كتب كتابه عليك على طول راحت ولد عمها الثاني بس عشان تقهره ..
راغده:........
ريهام بتفكير: تتوقعين انهم يحبون بعض ؟ طيب طلال يحبك يعني حب من طرف واحد ! مسكينة حزنت عليها ضاع من يدها واحد مثل طلال ..
راغده: وايش رأيك بطلال ؟
ريهام: عادي اقول ولا بتغارين ؟
راغده: عليك الأمان ..
ريهام بذوبان: شـــــق ..
راغده: وايش رأيك بألي صار مع خالك ؟
ريهام باندفاع: وأقل من جزاه ترى الرجال غيور شفتي عيونه لما كان يضربه تقول الشرار يطلع منها .. أنا ما أحب خالي بدر ..
راغده بخوف: ليه سو لك شيء ؟
ريهام: لا .. بس من الله كذا ما اطيقه احسه مليق ، شوفي كم عمره لا هو متزوج ولا ساكن برا .. معنا بالبيت مثل اللزقة .. سمعت أمي تقول له عن عروس ..
جاء الجارسون وقدم لهم طلبهم ..
راغده: وألي مثل خالك ذه يتزوج !؟ الله يقلعه ..
ريهام: ايش ألي صار بينكم راغده ! يعني الواحد يفكر بجد كيف كانت علاقتكم ولوين وصلت صح انا صغيرة
وما اذكر كثير لكن اسمع مها وامي يتكلمون وابوي يقول لهم أنك .. " وسكتت "
راغده: اني وش؟ قولي ما بزعل ..
ريهام: أن عمرك ما حبيتي أحد إلا نفسك وبس .. يعني من الآخر انتي انانية بنظرهم ..
راغده أخفت حزنها بملامح ونظرات باردة: واضح ان طلبك جبار ..
ريهام بنرجسية: دايم ذوقي عالي بشهادة الكل ..
راغده بضحكة مجاملة: هههههه طيب ..
ريهام باقتراح: معك شيء باقي الليلة ولا ؟
راغده: لا يومي كله لك ..
ريهام بابتسامة عريضة: اوكي ..
.
.
.
بالمول .. بـ أحدى المقاهي فيها ..
ميس: قولي ألي عندك يلا ..
جنان: قبل كل شيء تسلمين أنك اخذتيني معك للمول للان ما حصلت فستان لي ..
ميس: والله طلال للمهامات الصعبة ما انحرم منه يارب ..
جنان بتوتر: ما أدري ايش بيصير بس بقابلة يا ميس ..
ميس بغمزة: سطام ..
جنان غطت وجها بخجل: اي ..
ميس: واخيرا بتتزوجين حب حياتك .. مدري كيف حب المراهقة ذه احسه كذب ..
جنان: لا بالعكس شوفيني انا مثال لك ..
ميس بضحكة : اي اشوف .. الله يسعدك ويهنيك يارب " تشوف جوالها يتصل " هذا طلول يتصل ..
جنان: واخيرا بنرجع البيت ..
ميس: اي إذا فيه شريفة غصب نتأخر ..
طلال مع خالته عند محل الساعات يجرب كذا ساعة ..
شريفة: ذي أزين عليك ..
طلال: خلاص بنحاسب ..
شريفة تشوفهم من بعيد وتأشر لهم
نزلت راغده مع أختها للمول ومسكت يدها وتلوح فيها وبضحكة: تذكرين لما كنت صغيرة " وبصدمة" وي شوفي هناك .. جنان وميس
راغده ألتفتت ..
ريهام: نسلم عليهم ولا نعمل حالنا مش شايفين !
راغده تغير معالم وجها لما شافت طلال وشريفة معهم ..
ريهام: وش يسوي طلال معهم ؟ انا السالفة مو عاجبتني .. بروح اطلب منه توضيح ..
راغده شدت على يد اختها: لا ريهام ..
ريهام: بس مو زين يأخذ جنان مع اهله والناس تسولف أصلا عن علاقتهم ابد السالفة كلش مو حلوة بحقك ..
راغده بنبرة حزينة وبصوت مو مسموع: ممكن أنا فرقت بين حبيبين ..
ريهام انتبهت لملامح راغده الحزينة: راغده! خليني اطلب منه توضيح ممكن سوء فهم .. هو يحبك انتي صبر عشان سنين بس عشان توافقين عليه
راغده ضحكت بداخل نفسها على كذبة ألفتها ومشت على الكل : اي محل ودك به؟
صدوا عنهم وراحوا يتسوقون ، لين الساعة ١١ وربع ..
ريهام وبيدها سلاش: أجمل يوم اعاد لي الحنين للماضي ..
راغده: اي ماضي ! لو ارجعك للماضي يبقى لك تطعيمتين ..
ريهام ضربت كتف راغده بخفه: مو بزر مرة انا .. خلك كذا معي دايم ..
راغده: على الاقل عندي وحدة تحبني بالعايلة .. معك شيء قبل نرجع للبيت ؟
ريهام: كفيتي ووفيتي .. راغده عادي أنام في بيتك ؟
راغده: تعتقدين عمي بيوافق؟ تعرفين رايه بتصرفاتي ..
ريهام تنهدت: صحيح ..
وسرعان ما وصلتها للبيت ورجعت راغده لبيتها فتحت حزام الأمان وهي تفتكر أن هل ممكن هي فرقت بين طلال وجنان .. ان طلال ما يقدر يرفض الزواج منها لأنه يدين لها بمعروف وهي ما قصرت معه بشيء بوقت محد قام معه ..
دخلت بيتها وناظرت ماريان : في أغراض بالسيارة هاتيه أنا بروح اتدوش ..
رفعت شعرها لفوق ودوشت جسمها بمويا دافية وهي تفكر بكل شيء صار " لو صدق هي تحبه كان انتظرت طلال ! طب مو كـ ردة فعل انها تنتقم منه بالزواج من غيره ! ولنفترض ان ما بينهم شيء يوديها اليوم لسوق ليه ؟ كان راع مشاعري ولا لاني ما ادري قام يسوي كل ذه ! "
لبست الديشمبر ودخلت غرفتها دهنت جسمها باللوشن ولبست بيجامتها تسطحت بالسرير وجلست على جوالها ما شافت منه أي رسالة او إتصال
جاتها رسالة من فرح: صاحية غدو ؟
دخلت الواتس : اهلين فرح .. كيف حالك؟
فرح: الحمدلله مصحوبة بتعب حاجة تكسر ظهري والنفسية عدم .. الله يعينا على هالدورة ..
راغده: متوكدة أنها دورة ؟ مو ممكن تكونين حامل ؟
فرح: كل دورتي كذا راغده متعودة عليها ..
راغده: وأن طلعتي حامل وش لي ؟
فرح: ياليت لك مني ألي تبغين ..
راغده: خلاص أجل لا تهلكين نفسك لين ما تتأخر دورتك لو يوم وانا باخذك بنفسي للمشفى ونحللك ..
فرح: ان شاء الله وقبل لا أنسى راغده تأجلت الجمعه مريم تعبانة ..
راغده: مالها شر .. صابها شيء ؟
فرح: ما وضحت لي الأسباب ..
راغده: لعلها خيرة ..
طوال هالأيام ذي ما اتصل بي طلال وأنا ماعدت راسلته من لما شفته بالمول
بفرحة: ألف مبروك طال عمرك ..
راغده بابتسامة عريضة: اللهم لك الحمد " وهي تشوف الورقة عملية البيعة صارت لها " ما يخليني منك استاذة بشاير ..
بشاير: ما انسى صنيعك معي وتستاهلين كل خير
..
راغده: بدأ وقت الشغل الفعلي الآن ..
بشاير: تفضلي طال عمرك ..
راغده: أنا بتواصل مع أبو حسن يشرف على العمال وبس احتاج لك يا استاذة بشاير بكون على تواصل معك ..
بشاير هزت راسها بالقبول: رغم اني شايلة عليك شوي .. " وهي تشوف راغده اعطتها نظرة تعجب " يعني تكتبين كتابك وتنسيني ..
راغده: اعذريني كل شيء صار بسرعة وصلت لنهلة ترسل لك اعتذار ..
بشاير قاطعتها: ارسلتها .. وللان تلبسين الأسود ؟ توقعت أنه بـ يلون حياتك ..
راغده ناظرت بلبسها الرسمي ألي كان دايم يميل للأسود والبني والالوان الرئيسية فقط: تو انتبه لهالشيء ..
بشاير: بس تتزوجون بينتبه لأدق التفاصيل فيك ..
راغده نزلت رأسها وبصمت
بشاير قامت: يلا اترخص الآن طال عمرك تأمرين بشيء ..
راغده: سلامتك
راغده رجعت ظهرها لورئ ..
رن جوالها نغمة الواتس وجاتها مقطع صوت من فرح وحطت فيس يغمز وقلب أحمر ..
فتحت المقطع إلا هو بالأغنية الاسبانية Jesse & Joy - "Ecos de Amor"
ألي رقصتها مع طلال بالحفل سرحت بتفكيرها فيه بنظراتها له ، غمضت عينها ورجعت ظهرها لورئ وهي تستمع الأغنية تتذكر وجه طلال ونظراته لها الممزوجة بالثقة والحب والهيام ..
ما وعت إلا بصوت أم حسن .. طفت الأغنية وناظرتها ..
ام حسن باحراج: اعذريني طال عمرك .. بس دقيت الباب اكثر من مرة ما رديتي ودخلت قلت ممكن صار لك شيء ..
راغده تعدل جلستها: اعذريني سرحت شوي ..
ام حسن بابتسامة: لا تشيلي هم ما بزعجك بس حبيت ابلغك بنفسي بوصول حمواتك هنا ..
راغده عقدت حاجبها: حمواتي !
ام حسن: اي .. ألي سمعته منهم أن اليوم كتب كتاب بنت عمهم لولد عمهم الثاني .. معهم خصم بـ أسمك ..
راغده " وليه ما علمني ؟ ولا مكسور قلبه وزعلان لأنها بتاخذ واحد ثاني " تنهدت : اي صحيح .. باشريهم ام حسن لا اوصيك ..
ام حسن: ما بتنزلي لهم؟
راغده: لما أخلص ألي في يدي ..
ام حسن هزت راسها بالايجاب وطلعت من مكتب راغده ..
مسكت جوالها أتصلت فيه ولا رد عليها عضت شفتها بغيض لبست عبايتها وحجابها ونزلت تحت شافت بوجها نوال : هلا غدو ..
راغده :.......
نوال: ما بتتجهزين معنا !
راغده: ليه ؟
نوال: ضروري تروحين الكل ودهم يشوفون زوجة طلال ..
راغده:........
نوال طلعت من شنطتها الدعوة: تفضلي
..
راغده لبست نظارتها الشمسية: فرصة ثانية ..
نوال: خذيها لو غيرتي رأيك ..
راغده اخذتها : استأذنك
وطلعت من الصالون
ناظرتهم من بعيد ميس ، وهي تشوف نوال اقتربت منها: وش السالفة ؟
نوال: مدري ! حسيتها معصبة ومستعجلة ..
ميس: ممكن صار شيء ..
نوال: اي واضح ..
ميس: وايش صار على الحفلة بتجي؟
نوال: انا اعطيتها البطاقة على أي حال لو حبت تجي .. تقول ما بتروح ..
ميس: اممم ، ألي حسيته من تعبير وجها أنها زعلانة ومتضايقه ..
نوال: الله يصلح الحال ..
آنتهـــــــى البـــــارت
هاجر جوده غير متواجد حالياً التوقيع
"وعسى أن تكرهوا شيئاً وهو خيرٌ لكم." ❤
رد مع اقتباس
قديم 14-03-21, 05:41 PM #17
هاجر جوده
مشرفة منتدى الروايات المنقولة
الصورة الرمزية هاجر جوده
? العضوٌ??? » 402726
? التسِجيلٌ » Jun 2017
? مشَارَ?اتْي » 2,116
? الًجنِس »
? دولتي » دولتي tunis
? نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي
البـــارت الثـاني عشـــر
صعدت معها بالسيارة ..
فرح : ما كان أتعبتي نفسك راغده ..
راغده: لا تشيلي هم هذا تحليل رقمي دقيق يبان انك حامل او لا حتى لو موعد الدورة باقي عليها أسبوع ..
فرح: أي بس يومين وتنزل احس بأعراضها ..
راغده: معي حدس يقول لي أنك حامل ..
فرح: يا رب الله يسمع منك ..
أخذتها للمستشفى ألي فيه نسيبها د.حمود ..
ودخلت تسوي التحليل فرح وبتطلع النتيجة بعد ساعة ..
راغده: بقوم اجيب لك قهوة ارتاحي انتي ..
فرح: إن شاء الله
راحت راغده إلا تشوف حمود مع مرأة من عقدها الثالث انيقة ومرتبة ..
ذو بشرة سمراء فاتحه بملامح ناعمة اقتربت منهم
حمود بهمس: ليه جايه هنا ؟ اخو عمتي هنا يعني تلاقينهم مبلطين هنا مع زوجتي ..
: انا مو جايه زيارة لك يا حمود ..
حمود يتلفت: ولو يا بدرية لو شافوك آيش بيقولون ..؟
بدرية رفعت حاجبها: أنا متزوجتك على سنة الله ورسوله هم ألي اجبروك على مها ..
راغده حطت يدها على فمها وبصدمة مو مصدقه ألي تسمعه ..
بدرية: المهم لا تنسى تجيب اليوم كيكة الجالكسي ألي يحبها عزيز لا تنسى عيد ميلاده اليوم
..
حمود: منيب ناسي بس انتبهي لنفسك .. ولا تنسي تأكلي حبوب دوفاستون ..
بدرية بابتسامة: لا تشيل هم حبيبي .. مع السلامة ..
حمود يناظر فيها من بعيد لما اختفت من نظره والتفت إلا يشوف بوجهه راغده ما قدر يخفى صدمته وخوفه: هلا راغده .. ايش تسوين هنا ؟
راغده: بـ أي شهر حامل بدرية ؟
حمود بلع ريقه كذا مرة: راغده ارجوك اسمعيني من الآخر ..
راغده: أنت يجي منك كل ذه يا حمود ؟ وأنا ألي أشوفك قدوة لزوج الصالح ..
حمود باندفاع: ارجوك راغده لا تحكمين علي .. خليني اشرح لك كل شيء ..
-
بين دموعها: صدق أنا حامل يا جواد ..
جواد بصدمة: تمزحين صح ؟
فرح: والله تو الدكتور قال لي أن بالتحليل طلعت حامل ..
جواد: اسمعي فرح لا تعلمين أحد حتى أمي اتركيها لما يثبت حملك بعد ٣ شهور طيب ؟
فرح: طيب وراغده اخذتني ما قصرت حتى أنها دفعت عني قيمة التحليل اقلها افرحها ..
جواد: لا ذه ١١ سنة يا فرح أخاف تعلمين ويصيبك شيء من العين ..
فرح: طيب طيب
جواد: انتي وين أنا بمرك ..
فرح: بمستشفى ال*****
جواد: لا تتحركين خلك أنا بجيك ..
فرح: اصلا هي مو هنا اختفت فجأة .. ممكن تزور خالها وبطت علي ..
جواد: أحسن وأحسن ..
برا المستشفى الخلفي ..
حمود: أنا كنت أحـب بدرية وأخذتها عن حب لما خلاص خطبتها جاء عمي فؤاد وخطبني لبنته بمجلس رجال يقول اعطيتك بنتي مها كيف أقدر أرفض ؟ الموقف صعب .. أنا حاولت بـ أبوي وقلت له اني خاطب ابوي قال كنسل الخطبة ما قدرت اضطريت اتزوج