روايه قيود ساندرا الجزء التاني - الفصل 10 - مكتملة | روايتك

نراغده ضاقت فيها السبل وبتردد: مـ..وافقة ، بس انتي هم تتركين لطلال حرية الاختيار بيني وبينك اسراء تمسح دموعها: تم راغده توترت من ثقة اسراء بنفسها رجعت للمجلس ولبست عبايتها وحجابها وطلعت برا .. بعد ربع ساعة جاها اتصال من طلال تجاهلت إتصاله لما وصلت بيتها قطت نفسها بسريرها وأطلقت العنان لدموعها وهي تفكر بطلال واسراء .. بعد البكاء قامت بشويش , لبست قميص نومها الأسود وهي تحتسي مشروبها بكوبها الفاخر وفكرة تجيبها وفكرة توديها ، شافت جوالها ٦ مكالمات من طلال .. قررت أنها ترد عليه رد عليها بنفاذ صبر: وينك فيه راغده كيف تروحين بدون ما تخبريني .. راغده: حسيت بتعب ورجعت البيت طلال بقلق: لبى قلبك وش بك ؟ راغده: صداع بسيط .. طلال: أنا تحت راغده افتحي الباب .. راغده قامت بثقل لبست الكارديغن الأسود وشبشبها ونزلت تحت .. طلال وهو يناظر فيها بقلق: صار فيك شيء ؟ راغده جلست بالكنب وهي تتفادئ النظر بعينه: بس احتجت اجلس بمكان هادي اللجة جابت لي صداع .. طلال راح للمطبخ ورجع بوعاء صغير فيه زيت زيتون .. مسك يدها وحطها بسريرها وانسدح جنبها وحط رأسها بفخذه .. راغده بتوتر: ايش تسوي ؟ طلال: اوووش ، ارتاحي بس .. صار يدلكها وبعد ٥ دقايق: وين مكان الألم ؟ راغده وعينها مغمضة أخذت يده وحطته بتحت صدرها الأيسر : هنا .. ألم فضيع يكاد يقتلني " قامت من على فخذه وعدلت جلستها وصارت قباله وبحزن بنبرة صوتها" طلال أنا أدري ... أدري أنك " وبصعوبة نطق" مـ..مقدر الجمايل ألي سويتها لـ..ك وأنك تزوجتي تحت ضغوط وكل شيء صار بسرعة ونسيت أسألك كنت تحب أو لا .. طلال شك بكلامها: في أحد كلمك راغده ؟ تكلمي راغده: ماجاوبتني على سؤالي .. كنت تحب ؟ طلال:.......... راغده صمت طلال قتلها وأكد كل شيء يصير وهي تحارب دموعها لا تنزل: تمام .. ممكن تطفي النور نعسانة .. طلال جاء بيتكلم إلا صوتها يمنعه: تصبح على خير .. طلال ظل مكانه ماتحرك .. راغده لما حست أنه ماقام ، قامت للتواليت وصارت تبكي وهي تفرش سنونها ودمعة تجر دمعة .. غسلت وجها وطلعت من الحمام ما شافته ، شلحت الكارديغن وعلقته وجلست بكرسي التسريحة صارت تبكي بصمت وهي تدهن يدها ورجلها باللوشن ، حطت المرطب ورفعت شعرها بتوكه .. ناظرت بالمراية إلا تشوفه واقف مسحت دموعها على طول: ما رحت ؟ طلال نزل كوب النعناع وهو يشوف نصف ظهرها العاري بقميص أسود علاق من الساتان بلع ريقه مرتين: سويت لك نعناع تهدين ونسولف .. راغده قامت والتفتت له: مافي شيء نسولف فيه عنه يا طلال طلال: الا في .. راغده بدون نفس: ارجوك طلال أجلها ليوم ثاني انا اريد أنام .. طلال أقترب منها وبهمس دافي: عيونك نزل منها مطر كيف بروح وانتي كذا .. راغده بنوحة: اوك كنت ابكي بس خلني لحالي ارجوك .. طلال ضمها وسط صدره وتنهد بشوق وألم لوضعه معها كذا: راغده اسمعيني للآخر عشان أقدر أطلع .. وهي بحضنه مد يده لشماعة ولبسها الكارديغان الأسود وستر ماظهر منها راغده بحيا تو تنتبه أنها بدونه وشدت الرباط على خصرها: اسمعك قول ألي عندك .. طلال جلسها بطرف السرير وجلس جنبها ويده بيدها: بكون معك صادق بشرط تصدقين معي اوك .. راغده: طيب .. طلال: أول شيء من ألي قال لك أني أحب ؟ راغده: هو صح او لا .. طلال: ايش قلنا ؟ جاوبي على سؤالي عشان اجاوب عليك .. راغده بقهـر: النطيحة اسراء .. طلال بابتسامة: طيب وآيش قالت لك ؟ راغده: أنكم تحبون بعض وليه علمتها عن ألي دار بيننا عن الحملة اتكلم .. طلال بتفكير وغرابة: ما بيني وبين اسراء اي تواصل عشان اقول لها .. بس ممكن ميس قالت لها قبل .. راغده بعصبية: وأنت ليه تقول لميس! طلال: لو ماقلت لها ممكن بتصير مشكلة ..ابوي ومرت ابوي يسألون من وين اجيب هالفلوس ! شكو بالوضع وقلت لهم عن ابو حسن فقط وكنت اظن ان اسم زوجته هي راغده ناصر طلعتي أنتي وممكن من إسمك عرفت وربطت الأحداث بنفسها .. راغده اقتنعت بكلامه: طيب تحبها ؟ طلال: كان حب مراهقة يا راغده كان عمري ١٦ سنة .. راغده: طب تحبني الآن مثل ما كنت تحبها .. طلال: اجاوب على هالسؤال بعد الزواج ؟ راغده: وليه ؟ طلال: مع العشرة يا راغده ونكون مع بعض ٢٤ ساعة وقتها نحكم ونعرف كل شيء ، الا انتي واضح انك ما حبيتي أبد .. راغده نزلت عينها تحت: انت اول حب لي .. طلال انبسط لما سمع انه اول حب لها شد على يدها: راغده .. راغده التفتت له: نعــ .. ماوعت الا بوسة طلال لها على خدها الناعم وقرب من اذنها وبهمس: لو أنك حبي العاشر يا راغده الحب للأفضل لو حبي المراهقة كان حلو وزين ما كنت نسيته وتزوجتك لا تظنين أني تزوجتك بس عشان الواجب وافضالك علي ، لو كذا ماكنت طلبت نظرة شرعية صح ولا لا .. راغده هزت رأسها بالايجاب وفمها كان بحركة القوس الحزين ( طلال ناظرها وشاف كأنها بتبكي بضحكة: وي وي لبى البوز ، يا زين طفلتي ..