روايه قيود ساندرا الجزء التاني - الفصل 7 - مكتملة | روايتك

نوابعدها من عند الباب وتركها في حيرة ... . . ظل يتجاهل اتصالاتها على قد مايقدر بحجة أنه مرابط لين جاء يوم المسابقة .. نهلة:طال عمرك الجو اليوم دافي لا تلبسين شتوي .. راغده بحماس: ايش ألبس بينهم ، أول مرة أروح بجمعة عند أهل وجماعة طلال نفسي اصير جذابة وحلوة بدون مبالغة .. نهلة تشوف الجوال: هذا أحلى جاي ربيعي مناسب لتقلبات الجو .. ومتى بتكونين هناك ؟ راغده: بعد صلاة المغرب .. نهلة بابتسامة: أول مرة أشوفك متحمسة لروحة مكان هالقد طبعا بستثناء يوم روحتك مع صاحباتك .. راغده بابتسامة عريضة: وايش اخذ له هدية ؟ نهلة: مو بالأول يفوز بعدين تهدينه بيوم كذا خاص .. راغده بتأيد: فعلا بس الفوز مختوم يا نهلة وأنا ما فكرت بالهدية لسى .. نهله: بكره بقدم لك اقتراحات لهدايا كثيرة .. راغده بحماس: كذا نموذج يا نهلة والمتميز فيهم بختاره .. نهلة نزلت رأسها: ابشري طال عمرك ..استأذن راغده أخذت صورة سيلفي وأرسلتها خاص لطلال .. عضت شفتها بحماس لهاليوم . . . بعد صلاة المغرب الكل متجمع والشباب يجهزون اغراضهم استعداد للمسابقة .. ميس واقفة برا تنتظر راغده وبدخولها والابتسامة بوجها: هلوو ميس ميس بهمس: تأخرتي .. راغده: المكان بعيد حبتين .. ميس تأخذ الأغراض من راغده: ماتقصرين راغده كلفتي على نفسك .. تفضلي من هنا .. ودخلت معها الأستراحة شلحت عبايتها وحطتها بشنطتها الكبيرة .. ميس:ادخلي هنا طبعا في بنات العايلة .." أنتبهت للبسها" كويس أنك صيفتي اليوم حر .. دخلت راغده وشافت اعداد بسيطة من الحريم كان واضح أن عايلة طلال مو كبيرة مرة ، ألتفتوا لها وبعد السلام والتحية دخلت جنان عليهم ورمقت راغده بنظرة من فوق لتحت وهي تشوف لبسها كانت لابسة فستان صيفي خفيف أخضر فاتح وفيه رسوم ورود سكرية صغيرة بأكمام حاير وفتحة الصدر بشكل مستطيل ومزمزم ونهاية الأكمام مزمزم وصندل بأحجار سكري وفضي وميك اب نو ميك آب وعدسات خضراء وشعرها سيحته ورفعت جزء الامامي ومن تحت مفتوح وفاردته على خصرها .. وحلق على شكل وردة بلون السكري .. كانت الأضاءة بكتفها وبارزة عظام الترقوة .. كانت النظارات بينهم كره وحقد ميس اقتربت منهم: هلا جنان .. تعالي راغده اجلسي هنا .. ام فهد " والله وجات ، توقعت حشمت نفسها من بعد ألي قلته لها لكن صدق الي استحوا ماتوا " أسيل جلست جنب راغده وصارت تسولف معها عن اعمالها واشغالها أسيل: ماشاء الله أجل طلال طاح على كنز .. جمال ودلال ولك دخلك الخاص .. ام فهد: أي عيني أجل تزوجها لآيش عشان فلوسها .. راغده: وش قصدك ؟ نوال: أمي تقصد أن طموح كل رجل امراة مثلك شايلة نفسها وطموحة .. ام فهد: لا ما قصدت كذا .. ميس: يمه خلاص .. راغده جات بترد عليها إلا بيد أسيل تمنعها وبهمس: هي كذا كانت معي بس بعدين تقبلتني تدرين غيره .. راغده: بس طلال مو ولدها عشان اعتبرها غيرة أم لابنها .. أسيل ترقع السالفة: اي ما يخالف هم كذا الكبار بس هي ممكن شايلة هم " وبمكر" أنك بتسكنين فوق معنا .. راغده: تطمن ما بسكن بشقة وضيقة طالمة أنا معي بيت ملك .. وش يحدني على الضيم ؟ اسيل انبسطت من كلامها وتنفست بأريحيه: اي احسن لك هي من أولها كذا ، ابعد عن الشر وغني له .. ام أسيل قامت تقهوي راغده وتضيفها جنان بقهر: شوفي قلة الأدب حتى ما قالت بصب عنك , أمي الكبيرة وتريد تخدمها بعد .. إسراء: بشوف وش عندها أنا ابد ما حبيتها يا جنان واضح انها متملقة .. اثير: لا بالعكس شوفي كيف جلستها واناقتها ما اقول بس يا بخت طلال فيها والله وعرف كيف يختار .. اسراء انزعجت من كلام أختها: اي من قدام هالله هالله ومن ورى يعلم الله .. ميس استغربت التألف بين إسراء وجنان وجلست جنبهم: أوه والله وتصافيتوا .. خبري فيكم حريم رجل .. اثير: اييي اختفى السبب .. ميس: اي سبب ؟ اسراء قرصت فخذ اختها وباندفاع: قصدها أن مافي سبب يخليني اكره بنت عمي وبنفس الوقت زوجة أخوي سطام .. ميس بعدم اقتناع: أها .. راغده كانت جالسة لحالها اخذت جوالها وراسلت طلال أنها هنا أول ما شاف رسالتها رد عليها : اطلعي من قسم المجلس ، قابليني هناك .. راغده ابتسمت وزادت من عطرها وطلعت من المجلس وسط عدم انتباهم وطلعت من قسم الرجال بالمجلس وعينها تدور طلال .. إلا بيد تسحبها ويد على فمها وابعدها عن المكان راغده تقاوم وبخوف:مممممم جاها من قدام وشال يده منها: أنا طلال لا تخافين .. راغده تجمعت الدموع بعينها وبخوف وعتب: ليه تسوي كذا ؟ طلال بابتسامة: اضيف لمسة اكشن ودراما .. راغده ماحبت تضخم الموضوع وسكتت طلال باعجاب: وش هالجمال ووش