روايه قيود ساندرا الجزء التاني - الفصل 3 - مكتملة | روايتك

ك راغده تغير معالم وجها كأنها اول مرة تشوف طلال بهالحالة تغير معالم وجها لحزن وهي تناظر فيه " ايش احكي لك وايش اقول يا طلال لو علمتك ممكن تنظر لأهلي بنظرة دنيوية مثل ما أنظر أنا لها ، وأنا ما أعرفك هل أنت مع السنوات بتعايرني بـ اهلي أو لا " غمضت عينها ببطء وفتحت عينها شافت الأنوار مطفيه وبلبكة: ايش صار؟ طلال:راغده لا تخافي .. راغده صارت تتنفس سريع طلال صار يسمع صوت انفاسها قام من كرسيه وتوجه لها بحذر ولما اقترب منها بهمس: راغده لا تخافي أنا الآن بمسكك .. راغده صارت ترجف وضمت نفسها وحست بيده الدافية على معصم يدها سحبها لحضنه وشد عليها: لا تخافي راغده أنا معك أنا دايما معك .. راغده نزلت دموعها: لا تأذيني .. مهما ايش سويت لا تأذيني .. طلال يشد عليها: حتى لو تزاعلنا يا راغده لا يمكن ااذيك انا طلال لا تنسي .. راغده تجدد أحزانها وهي تفتكر الي صار لها قبل وبنوحه: أنا خايفة .. بيأذيني حتى لو انه بالمستشفى .. طلال: مين ؟ راغده زادت انفاسها وصارت تبكي بصوت واضح .. طلال ضمها بقوة وكأنه يريد يدفيها: راغده لا يمكن أأذيك او اسمح لأحد انه يوجعك .. انا بحرسك حتى من نفسي .. راغده حست بدفئ صوتها ارتاحت نسبيا .. طلال شغل الكشاف بجواله: وين الشموع ؟ راغده ابتعدت عنه ومسكت يده وتوجهوا للمطبخ وولعوا الشموع بالصالة .. طلال " كان هذا وقته أن الكهرباء تنطفي كان بإمكاني ازعل منها اكثر وهي شوي شوي وتخبرني بألي يصير معها ، الفضول بيقتلني " يشوف الساعة : أنا تأخرت مرة وبيأذن بصلي بالمسجد هنا واروح للبيت .. راغده باندفاع: لا أنت حـ تنام هنا .. طلال بتردد: بـ.. بس راغده برجاء: ارجوك طلال ما أقدر أكون لحالي وماريان نايمة ما تصحى إلا بعدين .. طلال: طيب بصلي بالمسجد .. راغده بتردد: طيب ممكن ما ترجع الكهرباء وأنا .. اخاف لحالي طلال بابتسامة اطمئنان: لا تخافي راغده أنا بتوضأ الآن بصلي وأرجع سريع لو صار شيء اتصلي بي بخلي جوالي على وضعية اهتزاز .. اجلسي مكانك واقري آية الكرسي لين ما أرجع .. راغده بعدم اقتناع: طيب خذ مفتاح البيت .. طلال اقترب منها وباس جبينها وطلع من البيت .. قربت الشموع منها وصارت تولع اكثر من شمعة وتوزعها بـ أرجاء الصالة وهي تقرأ أية الكرسي ضمت نفسها جاها تيار حزين وهي تذكر أمها وحديثها الأخير معها " طول عمري كنت احس انك مو أمي لكن ما في اوراق او شيء ممكن يثبت هالشيء ، ما عمرك صدقتيني بأي شيء قلته دايم الكل صح وأنا ألي أمثل بنظرك .. هو من تفكيرك ولا من عمي فؤاد يحشي برأسك .. أقول لطلال كل شيء ولا أكذب عليه ؟ ما بيسكت و بيظل يلزم علي أني اتكلم وأقول بس ايش اقول ؟ اشعر بالعجز الكلي .. بس ممكن اذا قدرت اتقبله تقبل كلي ما عاد يسألني .. أخاف إذا قلت له هو ما عاد يتقبلني ويتركني وأنا أحبه .. أحبه ! صدق ؟ معقولة حبيته ؟ متى طيب مو ممكن الموضوع اشتبه علي جايز اعجاب طيب ! " هزت رأسها بالرفض ورجعت تقرأ أية الكرسي لما دخل طلال .. ابتسمت ابتسامة عريضة .. طلال يناظرها بتمعن وبعينها: ما صار شيء صح ؟ راغده بفرحة: اي ما صار شيء أنا مبسوطة .. طلال اكتفى أنه يبتسم .. راغده بعمق المشاعر: شكرا لك طلال خوفي وكل شيء يتحسن من لما قابلتك .. طلال: طيب وين أنام ؟ راغده: اذا ممكن تنوم معي بغرفتي .. طلال " ذه يوم السعد " تنهد: امري لله .. راغده: شكرا لأنك قبلت .. طلال ماشي على وضعية أنو مو راغب بهالشيء: ايش اسوي مجبور وكل ذه عشانك .. طفوا الشموع وظلوا على شمعتين بغرفة نومها .. راغده وبيدها بجامة نومها الساتان: طلال ممكن تغمض عينك وتصد .. طلال: وليه ؟ راغده بحيا: بلبس ملابسي .. طلال: عادي أنا زوجك .. راغده:........ طلال: لو مصرة روحي لغرفة الملابس ولا تقفلين بابها لأني أنا بعد بلبس ملابسي .. راغده بتردد راحت لغرفة ملابسها ولبست بجامة الساتان الأسود ألي دايم ترتاح لها مسكت فانوس الشمعة وتوجهت لغرفتها شافت طلال عريان الصدر وهو عند مرايتها يشم كذا عطر ويبخ على صدره تنحت على شكله , كان جسمه رياضـي أول مرة تشوفه كذا , أنتبهت وهو بيعطر راغده باندفاع: لا مو زين خذ هذا عطر للجسم خاص أما الباقي قوية بتجيك حساسية .. طلال يغطي كتفه وصدره ويقلد النسوان وبدلع: لا كيف دخلتي انا ما لبست قميصي .. راغده ناظرته بغرابة وصارت تضحك: هههههههههههههه خلاص شفتك .. طلال اعطاها ظهره : لا غلط .. راغده فرطت ضحك: خلاص بغمض عيني .. طلال: اكيد ؟ راغده بنفس ضحكتها: يلا غمضت .. طلال ألتفت لها وصار يناظرها بقميصها الساتان القصير لفوق الركبة أغراه شكلها , عينها مقفله اقترب منها وغمض عينه وباسها وضمها لصدره وبهمس مسموع: لو ضايقتك بوستي اعتبري أنها ما صارت .. راغده جمدت مكانها ما استوعبت قبلته الا بعد ما هو تكلم وبحيا بعدت عنه : تصبح على خير طلال .. طلال تسطح فوق السرير وانتبه لنظراتها : تعودت انوم بدون قميص .. راغده: الدنيا برد .. طلال يأشر لها تجلس: لا تقتربين مني انا بالزاوية وانتي بالزاوية .. راغده تسطحت واعطته ظهرها وبعد صمت دام ٩ ثواني: ما كنت بقبل أنك تنام جنبي بس لأني بحاجتك اليوم تكون قريب ولا بعيد .. طلال اقترب منها وحوطها من خصرها وبهمس دافي: ارجو أنك ما تمانعي .. راغده اقتشعر جسمها : ايش قاعد تسوي .. طلال بهمس: اوووش النـــوم ألف .. راغده ما تحملت و ألتفتت له: أبتعد .. وفكر ايش بيكون عقابك .. طلال بذوبان: أكبر عقاب لي أنك جنبي ولا أقدر أسوي شيء .. صارت تناظر بعيونه وبخشمه وشفته جاها شعور غريب اعطته ظهرها سريع وغمضت عينها بقوة " صدق اذا اجتمع رجل وامرأة كان الشيطان ثالثهم " طلال دفن وجهه بشعرها وبهمس واطي: لا تسوين اي حركة بنوم النـوم معي ألف .. وأنا أحذرك لا تلمسيني .. راغده بحيا من قربه: بسم الله عليك .. أنا ألي خايفة على نفسي منك .." تحاول تبعد يده منها بس هو يشد على خصرها" طلال وهو مسكر عينه: اووص لا تتحركي لو تحركتي النتيجة ما بتعجبك .. راغده هدت وشدت اللحاف على وجها ونامت بلا شعور طلال لما شاف انتظام نفسها طفئ الشموع وهو يحارب ألف فكرة تجيه . . . بطلت عينها بشويش ما شافته جنبها شافت ساعة المنبة تشير على الساعة الـ١٠ قامت مفجوعة راحت التواليت فرشت سنونها وأتصلت بنهله تعلمها عن حضورها بعد ساعة .. لبست بنطلون جينز أسود وبدي أسود مع جاكيت فخم لون أحمر عنابي .. وحطت ميك اب نو ميك اب ورفعت شعرها ذيل حصان ونفخت شعرها خفيف من قدام أخذت عبايتها وحجابها وكعبها العنابي بيدها .. نزلت تحت وهي تسمع أصوات بالمطبخ اقتربت: ماريان لا تسوين فطور اي دونت هاف اني تايم .. الا يطلع بوجها: لازم تفطرين هنا .. سويت لك فطور خاص للجميلات .. راغده وهي تناظر فيه: توقعتك رحت .. طلال يحط الصحون بالطاولة: تبغين الفكة مني ؟ يلا غسلي يدك وتعالي نفطر سوا .. راغده فتحت شنطتها وتسبحت بالعطر " كل ذه عشان هو هنا ؟ " ابتسمت على نفسها بالمراية .. غسلت يدها وشالت ألي فوق طاولة المطبخ وحطته بغرفة الطعام وهي تشوف الفطور ألي سواه وباعجاب: ماشاء الله من عندنا .. ؟ طلال مد لها فراولة جات بتمسكها بيدها: لا كليها من يدي .. راغده نزلت يدها واكلت نصف الفراولة وهو اكل النصف شعرت بحيا وابتسمت على خفيف .. طلال: وكل يوم تروحين لدوام بـ هالاناقة ذي ؟ خليها لي بعد .. ولا مالي نصيب لا امس ولا اليوم .. راغده تغير الموضوع: متى رجعت الكهرباء ؟ طلال: صحيت الساعة ٩ ونصف وشفتها مشغلة تحديدا كم ما أعرف .. راغده: اها .. طلال باهتمام : عجبك الفول ؟ راغده: جدا تسلم يدك .. احس أنك تميل للأكل الحار .. طلال يأكل عود الفلفل الأخضر: جدا .. راغده بلعت ريقها: اح حارة ؟ طلال: لا أبدا باردة زي الفليفلة ..خذي جربي" ومد لها قرن فلفل" راغده ناظرته بشك: طلال .. طلال بابتسامة مكر: افا بس .. لو شاكه بي خذي حقي وانا بأخذ الي اعطيتك اياها .. راغده بقبول: تمام بأخذ حقتك .. طلال: تفضلي راغده اخذت قضمة وحست شرار ونار يطلع من فمها ومدت لسانها وهي تهف على فمها بيدها: حــــار نـــــار .. طلال: هههههههههههههههههه راغده دمعت عينها من الحرارة: ااح اااه " وقامت من الطاولة " توجهت للبراد تصب لها مويا باردة ولا فاد .. طلال لحقها وهو يضحك : تعالي ابرده لك .. راغده وهي تشرب جرع مويا كثيرة: انت اسكت يا جلاب المصايب .. طلال أخذ ظرف سكر ومسك فكها وحطه بفمها: لا تبلعيه اتركيه و بتروح الحرارة .. راغده وهي تناظر فيه وهو يبتسم وبانت غمازته نزلت يده بشده واستدارت ويدها على قلبها " يمه وش هالتسارع ذه .. ااخ يا غمازته " طلال ألتفت لها ونزل راسه لها: هـا خفت الحرارة .. راغده تحس ان قلبها بيطلع من صدرها: اي اي بس لا تقرب .. طلال سحبها لحضنه وهو يمسح بشعرها بعفوية: حبيبي ما تتحمل الحرارة يا نــاس .. بس بس .. راغده بتوتر ابتعدت عنه: أنا مو طفلة ..وتراي أكبر منك بعد .. طلال مسك يدها قبل لا تروح وقربها منه وهو يناظر بعينها وبحب: بعيوني أنتي بنتي .. ما في شيء يثبت أنك أكبر مني غير بالـرقم ، بعيوني تظلين دايم طفلة راغده ذابت بكلامه ألي آسر قلبها طلال عض على شفته وبابتسامة: لوين رحتي ..؟ راغده سرحت بغمازته وبلا شعور: غمازتك .. طلال حط يده على خده: تعجبك ؟ راغده: حلوه عليك .. طلال يأشر على خده: بوسيني .. راغده بحيا: الظاهر أن الفلفل أثر عليك .. طلال يقرب وجهه اكثر: يلا أنا زوجك عادي .. راغده بنفس خجلها : لا وطلعت من المطبخ وهو وراها وبحماس: طلال خل اليوم يعدي على خير وراي دوام .. طلال يجيها من الجهة الثانية ويمسكها وهي تصد وجها عنه وبابتسامة: قولي أني عاجبك .. ما بضربك قولي .. راغده تبعد وجها عنه: لا لا لا .. طلال يعض شفته بحماس ويضم خدها بيده ويقربها منه .. راغده قلبي كان بيوقف من حركته زادت نبضات قلبي ضعت بنظراته وابتسامته الساحرة طلال قرب خشمه من خشمها وغمض عينه: وش الحل معك ؟ فتنة تمشي ما أقدر أشوفك كذا إلا واقترب منك .. راغده غمضت عيونها وانفاسه الحارة تلفح عليها: طلال " وبلعت ريقها " ليه تسوي كذا ؟ طلال: عشان تحبيني مثل ما أنا أحبك .. ما وعو الا بصوتها العالي المليان عصبية :هالله هالله وش يصير هنا ؟ راغده ابتعدت عن طلال بسرعة ام عبدالعزيز تناظر طلال: وش جيبك هنا من صباح الله ؟ " وهي تشوف ملابس طلال وبشك " أنت نايم هنا ؟ راغده باندفاع: لااا كان أ..." وسكتت " طلال بابتسامة وبهدوء: صباح الخير عمه ، سويت فطور اتمنى تشاركينا فيه .. راغده عجبها تغير موضـوع و باندفاع: اي يمه يلا بسرعة توجهت لغرفة الطعام ماريان سخنت الفول وحطته بالطاولة .. ام عبدالعزيز تناظر فيهم : صار شيء جديد بينكم ! حاولت راغده ما تبين هالشيء لكن ملامحها فضحتها .. طلال: ايش ممكن يصير بفترة الملكة عمه؟ التعارف لا شيء من ألي ببالك .. راغده تشرب كوب الشاي وتركت الحديث لطلال كله .. طلال: كنت اتكلم مع راغده قبل لا تجين وين نسافر بشهر العسل وللآن ما قررت حبيبي .. ام عبدالعزيز بتريقه: ووين قررت تروح أنت ؟ طلال يشرب الشاي ونزله بالطاولة: يعتمد على الاجواء بالمناطق لو حارة لا لو زينه بنمشي فيها .. ام عبدالعزيز كل شوي تناظر ببنتها تحس ان في شيء تغير واول ما قام طلال مسكت يد بنتها وبحده: راغده أنا أدري ان طلال نام هنا والله لو صار ألي ببالي ما تلومين الا نفسك .. راغده تركت يدها من امها بشده وباندفاع: انام مع زوجي حلالي ولا ألعب على زوج اختي .. ام عبدالعزيز فتحت عينها على الآخر واعطتها كف مع وجها وهي تصر على اسنانها: ما توقعتك وقحة لهدرجة .. راغده وهي تتحسس خدها : ماكنت شيء أفضل لك على أي حال .. ام عبدالعزيز: كانت غلطة اني اجي هنا لو ما ام فهد اتصلت بي تعلمني عن عدم وجود طلال من أمس وانا شكيت انه مقلط هنا واحساسي بمحله .. راغده: ألي ببالك ما صار .. ام عبدالعزيز بابتسامة سخرية: ألي بينكم تغير كثير عن اخر مرة شفتكم فيها مع بعض وانا منيب غبية رجال وبنت ببيت واحد ما يسون شيء ! تأكلين على عقلي حلاوة ! الا ان كان فيه بلاء غير ذلك ما يدخل بنفوخي .. راغده: ............ ام عبدالعزيز: على اي حال .. حفلة خروج خالك بدر هالأسبوع تجهزي حفلة بالبيت وبسيطة .. بعد سوادة وجهك ووجه هالطلال ما عاد فيه مجال لحفلة كبيرة .. تعبان خالك بسببكم .. راغده هزت راسها بالايجاب وهي كل تفكيرها بطلال .. ام عبدالعزيز قامت لصالة شافت طلال بوجها: وأنت مقلط هنا ؟ مو أنا طالبة منك ما تجي هنا الا بوجود أحد معك من اهلك ؟ طلال: كيف حالك يا عمه ؟ ام عبدالعزيز بنفاذ صبر: صدق لابقين لبعض ، ترفعون الضغط .. راغده تلبس عبايتها: أنا بطلع لدوام .. طلال: اوصلك حبيبي؟ راغده تناظر امها وتارة بطلال وبحيا: تسلم .. طلعوا كلهم وكل واحد بسيارته .. ام عبدالعزيز " ملبق سيارته بعيد على اساس ما اشوفه لاعبينها صح " طلال قرب سيارته منها وفتح نافذته: راح اشتاق لك لين المغرب .. لا تنسي جهزي نفسك .. راغده بدون ما تناظره: بكون على تواصل معك .. ومشت لصالونها توجهت لمكتبها ونهلة معها: عساك بخير طال عمرك ؟ راغده جلست على مكتبها: راحت علي نومة اعتذر منك نهلة ما قدرت اخبرك إلا متأخر وهالشيء ما بيتكرر .. اي مواعيد ؟ نهلة: اليوم زحمة طال عمرك ٨ عرايس ، واتصال من وحدة اسمها نرجس حددت معك موعد اليوم بمقابلة ضرورية لحضرتك اقبل موعدها ؟ راغده ترتب الأوراق: تمام نهلة اقبليه نشوف وش عندها احسن من انها تجيني فجأة ببيتي .. نهلة: ابشري طال عمرك .. وبخصوص المعلومات ألي طلبتيها حطيتها بالطاولة قدامك .. راغده: شكرا نهلة ما انحرم منك .. نهلة استغربت ردها وبابتسامة: وجهك منور اليوم على غير عادة طال عمرك .. في سبب ؟ راغده ابتسمت لها: اوضاع جديدة وأمور جديدة .. نهلة: الله يسعدك و يهنيك يارب وياه .. راغده بنظرات انو ايش عرفها نهلة نزلت رأسها والبسمة بوجها: استأذنك .. راغده فتحت الملف الشخصي لـ د.حمود وقرأت أن فعلا نفس ما قال لها تنهدت " مدري ايش ممكن يصير لها إذا عرفت مها " اتصلت فيها: اهلين مها كيف حالك ؟ مها: هلا غدو الحمد لله طيبة ؟ راغده: وينك ببيت اهلك ولا ببيتك؟ مها: لا ببيت اهلي .. راغده: اها .. كيف جدولك بكره أنتي وريهام ؟ مها: معزومة هي وصاحباتها . راغده: وانتي؟ مها: بطلع مع أمي عند ام شاكر عازمتها .. راغده: طيب طيب أي يوم تفضين به عشان نطلع بلغينـي .. وسكرت منها الا بـ إتصال من طلال .. رجعت لها البسمة وردت: الو طلال بحماس: لبى ألوك .. راغده بضحكة: كيف حالك ؟ طلال: مشتاق لك .. راغده بخجل: تسلم ، بخصوص الطلعة .. طلال