الفصل 15 والأخير
يوسف ... لهدرجه ســـرك كبير يا وصاايف ؟؟
وصاايف ... كبير وذابحني !!! بس ارجوك اوعدني انك تسمعه مني للاخر وتذبحني وتريحني يا يوسف
ويوسف يقرب من وصايف
يوسف ....تاكدي اني اذبح نفسي قبل لا اذبحك .. وصاايف انتي ما تعرفين حبي لك ..انتي متربعه وسط قلبي هنا
وهو ياشر على قلبه انتي ملكتي القلب والقلب حبك ...
وصاايف .... اجل اسمعني واللي يصير يصير ... بس تكفى ابي نظرتك لي ما تتغير
يوسف .... ابشري
*************
انجود في المعهد ... تدق على وصاايف ووصايق تلفونها مغلق ...خاافة كثير وعرفت من وحده من البنات
انه جاء ولد واخذها بسياره ...
وراحت انجود وتصلت على مناير اخت وصاايف
انجود .... الو مناير
مناير ... هلا انجود
انجود تتكلم بخووف تبي تسال عن وصايف وصلت البيت او لا يمكن يكون الرجال احد اخوانها او ابوها ....
انجود... مناير ممكن تعطيني وصايف !!
مناير ... وصايف .؟ ليه هي مو معج ما جتنا لحد الحين
انجود برتبااك ... ها وش قلتي ؟؟
مناير ... وش فيج هي اليوم تجي متاخره الساعه 12 والحين الساعه 11 يعني بعد ساعه
انجود قالت في نفسها اقولها او اسكت وش اسوي يا ربي ؟؟
مناير ... الو انجود وش فيج ساكته
انجود ... مناير ابي اقولج شي وخاايفه ..
مناير ,... قولي وش فيج
تقووول انجود قصة وصاايف مع ولد عمها ان جاء واخذها من المعهد غصب عنها ؟
مناير ... وش تقوولين انتي متاكده يا انجوود
انجود ... اي وربي الاني ادق عليها مغلق وما ادري ليه ما ترد علي لي ساعه ؟؟
مناير ... من متى هذا الكلام يا انجود
انجود .. الساعه 9
مناير ... يوووه ولد اللذينه اكيد سوى في اختي شي الانها ارفضته
فيصل اخو وصايف كان جنب مناير ويسمع الخبر ويقوول حق ام ومناير انه ما يعلمون ابوه
فيصل رجاال ويعرف يتصرف كان يخااف يعلم ابو ويصير فيه شي ...
فيصل ... يحاول يتصل على يوسف ويلقى هو الثاني مغلق ورااح اتصل بعمه يمكن له خط ثاني ومحد يدري
عنه وعم انصدم بالخبر اللي يقووله بس كان فيصل عصبي حييل اتجاه عمه وقال عمه
ابو خلف صالح .... انت متاكد يا فيصل ..
فيصل .. عمي انا ما العب معك اختي تعرف ولد عمها وقالت حق صديقتها وولدك واختي كلهم تلفوناتهم
مغلقه وان يوسف اخذ اختي غصب يعني تعرف وش يتسمى هذا يعني خاطفها !!
ابو خلف صالح ... لك علي لو انه صج ان يوسف خاطفها لحطه في السجن !!
وكبرت السالفه من العائلتين من الاتجاهين
*******************
كانوا خارج السياره تحت عند البيت اللي يظلل السياره وكانت وصاايف قاعده وظهرها على الجدارالقديم
ودمووعها دم وياس وتحس انه قلبها يعورها كثير ويوسف كان وااقف
يوسف .... وش تقووولي سعد ...سعد لا ما ني مصدق يا وصاايف اللي اسمعه ... وليه ما قلتي حق اي احد؟
وصاايف .... اموووت ولا افرق امي عن اخووها ولا افرق اخووي عن زوجته .. انا خلاص ومحد يرد اللي صار
واللي صار صار يا يوسف ما اقدر ارد بنت وتبكي
ويوسف يقرب منها ويرفع راسها وبصووت عالي .....
يوسف ... يعني الحين تقنعيني انك وفيه انك كاتمه عشاان امك.واخوك.. ما يختلفوون وليه وش مصلحتك ؟؟؟
وصاايف ... مالي مصلحه ..انا غير وانت غير افهمني انا بنت وانت رجال تقدر تلقى الف بنت غيري وانا اموووت
ولا اشوه اسم اسرتي وسري كتمته صغير وراح يمووت وهو صغيربقلبي ... مثل المثل اللي يقول
ان تكلمت انفضحت وان اسكت انجرحت ,,,, يوسف اهون لي انجرح الف مره ولا احد يتكلم عني وعن امي
ولا عن خواتي شي .... صحيح كنت طفله لكن الله عطا سعد حقه انه احرمه الله من الاعياااال
يووسف ... امشي يالله
وصاايف ... وين المعهد ؟؟
يوسف ... لا الدكتوور ابي اتاكد من اللي تقوولينه !!
وصااايف ... وش تتاكد انا خاايفه يا يووسف وقلبي يعورني
وكان جنب وصايف تلفوونها وترووح تحطه على خدمة التسجيل الصوت .. وتسجل من غير يدري يوسف
يوسف .. يالله نمشي
وصاايف .... وهي قاعده ما تقدر تتحرك .... يوسف قلبي يعورني ما اقدر اتحرك
يوسف .... وش فيج حيل يعورك قلبك
وصاايف وهي تبكي حيييل وطايحه في الارض ... وبصووت خفيف احس اني رااح امووت يا يوسف
احس اني راح اموووت
يووسف بخووف ... امشي اوديك لدكتورك القلب ..
وصاايف .. لا انا ابيك توعدني يا يوسف انك تكتم سري وما تقووله لاي احد ..اماانه
يووسف ... لا تقوولين الكلام هذا يا وصاايف انتي تدرين اني احبج واذا صار لج شي امووت انا من دوونج
قوومي يا بنت الحلال اكيد هذي رعشه من الخووف والصدمه انك قلتي هذا الكلام لي .. وهو يقووم يشغل السياره
عشان يودي وصاايف لاقرب مستشفى ...
وصاايف بصووت عالي ودموعها دم ...... يوسف والله احـــــــبـــــــــــك
يوسف منصدم وبسمته شاقه الحلق....... وانا بعد يا حبـــــك....موووووووووت
وصايف وهي تبي تقووم تطيح على لارض مره ثانيه ما تقدر تقووم بس هذي المره غير ...؟ الانه القلب هذي المره
صدمته اكبر ...
يوسف .... وصااايف ردي علي تسمعيني يا وصاايف ..؟؟
وصاايف بصووت مخنووق ... الموت قرب يا يوسف احس انه جاء ياخذني ...
<<<<< يمكن تسؤالوون ليه وصاايف سجلة المحادثه اللي صارت مع يوسف تعرفوون ليه شوووفوا اخر القصه
وتعرفوون ليه ؟؟؟؟<<<<<<<
يوسف يقووم ويشيلها ويحطها في السياره بسرعه.. وفي السياره
وصاايف .... يوسف انت مالك ذنب باللي صار .. وادري اني تعبتك معي ... وادري الحين انك تمووت فيني ..
يوسف ... وصاايف الحين انتي تعباانه اسكتي قربنا نوصل للمستشفى تحملي اشووي ..
وصاايف ...
الموت قريب وما يتحمل موضعي .....
ودي اضمك قبل الرحيل واستسمحك ...
وهي ماسكه قلبها الوجعاان تشووف يوسف يسرع في السيااره تقووله هذي الكلمه ..
وصاايف .....يوسف .... سلم لي على ابوي امي وقوولهم اني امووووووت فيهم وخلهم يسامحوني .. وهي تقول
<<اللهم سلمتك امري << اللهم اغفر لي وارحمني <<
يوووسف بصوووت عالي.... وصااايف ... بس تكفين لا تقوولين هذا الكلام انشاءالله رااح تعيشين ورااح اتزوجك
... وصاايف انا عايش لك وصااايف ردي علي وصاااايف وصااايف
لقى يوسف وصاايف ما ترد له وشافها ناايمه وبسمتها على اشفاتها كانها الطفله البريئه اللي نامت بحظن السلام
رااحت وصاايف قبل ان توووصل المستشفى بـ خمس دقاايق
يووسف عند باب المستشفى كانه المجنوووون .... دكتوووووور الحق بسرعه
وياخذونها الدكاتره الى الوحده المشدده ... ويرووح يوسف كانه المجنون يمسك جدرااان المستشفى ويقوول وش
اسووي ... رااحت وصاايف .. معقوووله وصاايف ماتت لا يارب اني احبها واني سويت كل هذا عشاانها مو
قصدي امووتها لا انا احبها ياربيوهو يبكي .... ويرووح يدق على اخووى خلف ويقوول تعال الى المستشفى وعطاءه اسم
المستشفى وخلف جااب عمه وفيصل وابووه معه ..... والكل كانوا حقدين على يوسف وتصرفه ... وجاء الدكتور لهم
... الدكتور ... منو ابو وصايف
ابو فيصل .. ناصر ... انا يا دكتور وش فيها بنتي
الدكتور .... ياابو فيصل الموت حق وانت رجال مؤمن <<الدكتور ما كمل جملته الا فيصل يصرخ بوجه يوسف
ويمسك دشداشته ويقووول ليوسف .. انت ذبحت اختي وش سويت فيها انت ذبحتها ..
يوسف ... انا احبها يا فيصل وانا اذبح نفسي قبل لا اذبحها او لمسها ...
ابو خلف سوى اللي عليه دق على الشرطه وبلغ على ولده بجريمة خطف وصاايف وابو فيصل كانت حالته ما تسمح
للكلام وفيصل منهاار من تصرف يوسف لاخته بس فيصل سال الدكتور على جنب بس كاان يوسف منتبه على
هذي النقطه ...
فيصل ... دكتور ابي اتاكد الكلب يوسف لمس اختي
الدكتور .. تطمن يا اخ فيصل اختك ماتت وهي شريفه
يوسف سمع اللي قاله الدكتور ... وتاخذه من هنا الشرطه ويقعد في مركز الشرطه يومين محد سال عنه ولا زاره
ويقووول في نفسه ... وصاايف ادري انج تسمعيني يا حبي ... وربي اللي سويته لك ولي ... واني احبج وتطمني سرك
كبير يا حبي ... ومهما عذبووني في حيااااتي ... ما اوفي لك سكووتك طووول الاياام وصبرك على بلاوك اللي
فرحت اليوم انك بعدك بنت وحزنت انك متي قبل تسمعي هذا الكلام انك بعدك بنت يا وصاايف ...
وبعد مرور يومين من السجن ...
ام خلف ,,,طاحت في المستشفى مشلوله من سمااع الخبر ان ابو خلف حط ولدها في السجن
وبعد مرور اسبوعمن موت وصايف لقت نووف في تلفوون وصاايف تسجيل وكان التسجيل
بصووت وصاايف ويوسف .. واسمعت
التسجيل للاخر وعرفت ان يووسف ماله ذنب في اللي حصل وبلغت اابووها في التسجيل
وعرفوا ان مووت وصاايف صدمه وان يووسف كان يحااول يناقش معها بس حاولوا مع يوسف
ان يعرفوون وصايف سر وصاايف
اللي كانت وصاايف تكرره مع يوسف وتقوول له لا تعلم احد ... وكان الكل يتسالوون ليه
يوسف ما حاول يدافع عن نفسه في السجن .....
وطلع يووسف من السجن ... ورااح لقبر وصاايف ويقوول هذي القصيده
آخـر عـباراتي وداع ،وآخـر مـشاويري رحيل
جـيتك وبـي لـفحة ضـما واقـفيت كبدي ناشفه
اصعب كلام أصعب خبر صرخه عقب صمت طويل
مـثل الـهدوء الـلي سـبق لحظة هبوب العاصفه
وأنـتي بـمتناول يـدي ، تـبدين مـثل المستحيل
فـي عـشرتك صـوت العقل يقتل طموح العاطفه
الـحب مـاهو كـل شـي إلـيا وقـف حظٍ بخيل
قـلوبنا مـثل الـعسل بـس الـظروف مـصالفه
لالـلـندم ،لالـلعتب ، أوشـي مـن هـذا الـقبيل
وانـتي مـاجا مـنك خـطا حـتى تـقولي اسـفه
مـن غـير لـيه ، استسلمي ،واستلهمي صبرٍجميل
ولاتـسأليني وش جـرى مـالك بـطول الـسالفه
قـولـي لـهم يـاعزوتي مـاعابنا مـوت الـنخيل
الـلـي يـوافـيها الأجـل وتـموت لـكن واقـفه
آخــر عـباراتي وداع آخـر مـشاويري رحـيل
جـيتك وكـبدي نـاشفه واقـفيت كـبدي نـاشفه
النــــــــــــــــهــــــــــايه ..
مناير ...تزوجة بمحمد
خلف ...عايش في حيره مع وزوجته
سعد ... الله احرمه من الانجااب << من فعلته السوده
ام خلف ...نهاية كل ظالم
يوسف ... متحطم نفسيا ...
نووف ... مثل داايما متسرعه في قراراتها
عهوود ... بنت لسه تلعب على الحبلين