روح عاشقة - الفصل الثاني عشر - بقلم جنى - مكتملة | روايتك

*❴📖❵↵* *روح.عاشقة.tt* 🥺❤️ *❴🔢❵☟الـــبـــــــــــ❴2️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖➖ تآني يومـ آلصـبح.. الكل فايق وقاعد تحت بالصالون عم يحكي.. راما: يالله عنجد شفتوهون شو طالعين حلوين مبارح لميس: عنجد الله يهنيهون ببعض غيث: اي بس ما بعتقد محمد يطول بالخطبة معتصم: اي صح محمد رافض يطولو قال بكفي نطر كتير غيث: والله حقو ام غيث: شو اليوم بدكون تروحو ع شغلكون غيث: ليكني انا ماشي سلامات الكل: الله معك ام غيث: وانت معتصم معتصم: هالفترة قليل امي بالمكتب مافي شي ضروري لروح رح اشتغل بالبيت بس بدي بنزل بفتح المكتب ام غيث: اي ع خير راما: لك صحيح وين شوق مو مبينة حتى مبارح طلعت وماعرفنا شي عنها لميس: اي والله بدي اطلع شوفها قبل ما روح ع الجامعة بلكي تروح معي راما: اي طلعي ناديلها لميس: يلا بتطلع لميس لتشوف شوق …… بتدق عليها الباب …… لميس: شوووق شوووق وينك عمري فتحي الباب شوق: مو قدرانة تقوم ولا تحكي لميس: شوق شو كل هاد نوم رح عد ل تلاتة وفوت اجت ل تقوم تفتح ما قدرت ماعم تقدر تمشي …… لميس.: وبعدين معك 1/ 2 /3 وتراااا بتدخل لميس لعندها وبتشوف حالتها بالويل خدودها حمر وعيونها حمرر من كتر مو بكيانة ومتسطحة مو قدرانة تقوم وحالتها بالويل بتقرب لعندها بلهفة ……… لميس: شوق شوق ردي علييي حبيبتي شبك ليش هيك حالتك شوق: (بصوت مبحوح) :ولا شي تعبانة ودموعها عم تسيل من طراف عيونها لميس: يا ربي دخيلك ليكي حالتك كيف رح نادي ل ماما بتنزل لميس ملهوفة بسرعة لعندهون …… لميس. :ماما ماما ام غيث: بسم الله عليكي شبك يا بنتي لميس: امي شوق مابعرف شو صايرلها حالتها حالة راما: ييي معتصم بيسمع هالحكي. وبجن جنانو …… معتصم: شبها شو صايرلها لميس: اخي ما بعرف تعالو شوفو بيطلعو الكل لعندها وبيدخلوو ع الغرفة ام غيث بتقرب لعندها بترفعلها راسها وحرارتها مرتفعة …… ام غيث: بسم الله عليكي يا بنتي ياربي دخيلك شوق اطلعي فيني شوق ماعم تقدر لا تحكي ولا ترفع راسها بس عم تطلع عليهون معتصم بيقرب لعندها وبيقعد جنبها ع التخت من الطرف التاني وبقلا …… معتصم: شوق ردي عليي عم تسمعيني وهو ماسك ايديها بتعب بتشيل ايدها منو ودموعها عم تنزل …… راما: مرة عمي مافي مجال حالتها بدها دكتور ليكي كيف تعبانة ام غيث: يا قلبي عليكي كيف هيك صار فيكي بيتفاجأ معتصم من ردة فعلها وبقوم من جنبها وبقول …… معتصم: عطوني شي جاكيت الها رح اخدها ع المشفى بسرعة ام غيث: لك ابني ليك حالتها كيف شلون بدك تاخدها ع المشفى راما: والله معتصم ما بينطلع كيف بدها تروح جيب الدكتور لهون احسن معتصم بعصب عقلو ماعد تحملو وهو شايفها بهالحالة… معتصم: (بحدة) :طالع شغل جيب غراضي لبسوها شي لارجع وبيحمل حالو وبجيب غراضو وبشغل السيارة …… ام غيث: يا ويل حالي يا عمري شبك احكي شوق شوق: (بصوت يا دوب مسموع) :تعبانة خالتي ام غيث: ريت التعب ااي ولا الك يا عمري يا روح خالتك بيبلسوها جاكيت فوق كنزتها الشيال يلي شلحوها ياها بسبب الحرارة. بيرجع معتصم لعندهون وبشوفها لابسة الجاكيت …… معتصمم: يلا تعالي ل ساعدك شوق بتحاول ما تخليه يقرب منها معتصم: شوق بلا عنادك هلق ليكي كيف حالتك يا مخلوقة شبك راما: اهدى سلفي طول بالك معتصم: لك فوق مرضها ومصرة تعاند ام غيث: يلا بنتي الله يرضى عليكي بيتجاهل معتصم تصرفاتها وبيحملها ومتل البرق بحطها بالسيارة وبيتجه للمشفى فيها ……… لميس: يا عمري عليها والله ما كان فيها شي مبارح راما: اي والله لتكون زعلانة ع امها لميس: ولله يمكن ام غيث: انشالله يارب ما يطلع فيها لميس: انشالله انا تاخرت ع محاضرتي شو بصير معكون خبروني ام غيث: ماشي بنتي بتحمل حالها لميس وبتطلع ع الجامعة …… راما: مرة عمي رح اعمللها شوربة. بترتاح عليها بس ترجع بتشربها ام غيث: اي الله يرضى عليكي ما بتقصري راما: ماشي مرة عمي ……… --------- لانا: اي حبيبي محمد: يسعدلي هالصوت يا عمري لانا: ويسعدلي صباحك محمد: طمنيني عنك لانا: مشتاقتلك محمد: وانا كمان كتير مشتقلك بس وحياة عيونك هانت اول ما يجهز الفرش دغري طاقة زواجة وخالصين حاج عذوبية ملينا لانا: ههههه كتير مستعجل نتزوج محمد: والله اكتر ما بتتصوري حاج نطرتك لتحبيني وحبيتيني وبعدها اجت وفاة ام شوق ونطرنا بعدها شو بقضي حياتي عم بنطر لانا: ههه اذا هيك حقك بالمناسبة محمد بدي اسالك محمد: قولي عمري لانا:هلق هي يلي مبارح معتصم فات معها بالحفلة تبعنا ع حد علمي ماعندو علاقات من وين اجت هي يلي بدها تصير خطيبتو محمد (بعدم اجابة برد السؤال) :انتي ليش مهتمة في شي يعني لانا: حبيبي بصراحة ما بعرف شو بدي قلك بس كتير قلقانة ع شوق بعد يلي صار مبارح محمد: ليش شو دخل شوق ب معتصم لانا: لا تخبر معتصم بيلي بدي قلك ياه محمد: اكيد احكي لانا: بصراحة شوق بتحبو ل معتصم ووفوق ما بتتخيل ويلي صار مبارح بالحفلة مخوفني عليها محمد متفاجأ من يلي سمعوو … محمد: عنجد عم تحكي لانا: اي والله شوق حكت معي وخبرتني وانا بيني وبينك بس عرفت هي يلي مع معتصم مبارح حبيبتو مدري خطيبتو شفت شوق انقلبت قلب محمد: اممم طيب شوفي قلبي برجع بحاكيكي اجاني بريد بدي وقعو لانا: طيب قلبي انا نازلة. ع الجامعة منحكي محمد: ماشي عمري يلا باي لانا: باي بيسكر محمد مع لانا الخط وبيتصل دغري ب غسان والشباب مكالمة جماعية ……… محمد: مرحبا شباب الشباب: اهلين محمد محمد: سمعو صارت شغلة ما كانت لا ع البال ولا ع الخاطر غسان: خير شوفي محمود: شو جعفر: اي قول محمد: شوق طلعت بتحب معتصم ونحنا هي التمثيلية يلي اشتغلناها مبارح يمكن تدهور حالتها ل شوق او تبعد شوق عن معتصم غسان: اوووو محمود: عنجد عم تحكي جعفر: يا عيني يعني نحنا مبارح بحركتنا خليناها تنفر محمد: تماما غسان: يا زلمة بسرعة اتصل ب معتصم واحكي معو محمد : طيب سكرو لشوف شوفيني اتصرف الشباب: ماشي بسكرو الشباب مع بعض. ومحمد ببلش يدق ل معتصم ……… -------------------- سايق بسرعة وهي مغمضة وتعبانة قدام عيونو وصل للمشفى.نزل متل البرق منها فتح الباب عليها وشالها بين ايديه وهي راكية راسها ع صدرو وبالية …… معتصم (بصوت حاد جهوري) :يا ممرضة دكتور بيجو الممرضين لعندو وبيجي الدكتور راكض لعندو الممرض: حطها هون لو سمحت او عطيني ياها بتحمر عينو من الممرض بيتجاهلو وبحطها ع النقالة الدكتور: خير شو صاير معها معتصم: (بلهفة): دكتور حرارتها عالية وما بعرف شو صاير معها الدكتور بحط ايدو ع كتف معتصم وبقلو … دكتور: اهدى انشالله خير بيروحو وبينقلوها دغري ع الغرفة وببلش الدكتور يفحصها ومعتصم واقف قريب من السرير وعم يشوف كيف عم يفحصوها …… بتفكلها السحاب تبع الجاكيت بتشلحها ياه وبتحطو ع جنب معتصم: يا انسة شو عم تعملي الممرضة: استاذ بدنا نقيس لحرارة الدكتور فهم علي معتصم وبقلو … دكتور: اهدى استاذ حرارتها مرتفعة واجباري هالشي مابصير حرارتها بتزيد اذا بدك تضل هيك خايف ومتوتر عليها معتصم: معليش دكتور تحملني بس عقلي مو متحمل الدكتور: ولا يهمك بسرعة عطوها خافض حرارة ومن هون لساعتين ماشي مشي الحال لازم تنزل تحت المي الممرضة: حاضر دكتور …… معتصم: دكتور طمني الدكتور: ما بخفيك استاذ حرارتها عالية ونفسيتها تعبانة ع الاغلب متعرضة لصدمة نفسية بس بتتعافي انشالله معتصم: صدمة نفسية كييف الدكتور: اهدي استاذ خير انشالله معتصم عم يطلع عليها كيف صار فيها هيك بيوم وليلة ... بيطلع الدكتور من عندهابعد ما وصلولها سيروم هي مغمضمة عيونها …… بيقرب معتصم لعندها وبيقعد جنبها وبيمسك ايديها وهي مو حاسة …… معتصم: شوق عم تسمعيني شوق شوق لا تعملي هيك لك شو صرلك ياربي دخيلك شوق حبيبي عم تسمعيني يا عمري شبك ياالله دخيلك الا هي وبضل قاعد جنبها وعم يلمس ع راسها اذا نزلت حرارتها ويحكي معها وهي من اثر الحرارة ما عم تقدر لا تقوم ولا تحكي ……… ------------------------- عم يمشوو بالجامعة عم يحكي ويجيبو ياخدو محاضرات ……… ماريا: عند عم تحكي لانا لانا: اي والله كيف ايمت خبرتك ماسة: يا ربي دخيلك معقول لانا: والله هاد يلي صار انا خايفة بصراحة عليها وعم دقلها ما عم ترد ماريا: خلونا نسال لميس اذا اجت ع الجامعة ماسة: امشو نشوف لانا: يلا بيروحو بصيرو يمشو بين القاعات والمدرججات وهنن عم يدورو ع لميس وبيطلعو بلاقوها واقفة مع رفقاتها بحديقة الجامعة … لانا: ليكها ماسة. :خليكون رح ناديلها ماريا ولانا: ماشي بتروح ماسة لعندها وبتقلا …… ماسة: مرحبا الكل: اهلين ماسة: لميس بعد اذنك ممكن شوي لميس: طيب، بالاذن الكل: اذنك معك بتروح لميس مع ماسة لعند الصبايا ماريا ولانا: كيفك لميس لميس: تمام صبايا وانتو كيفكون لانا: نحنا كلنا مناح حبيبتي ماريا: لميس بدنا نسالك ع شوق عم نتصل عليها ما بترد وبصراحة قلقانين عليها لميس: بصراحة صبايا شوق، ،، لانا: خير احكي لميس: شوق بالمشفى اخي معتصم اخدها ماسة: شو صاير معها لميس: عليها حرارة وكتير تعبانة لانا.:طيب وين هي بأنو مشفى ماريا: اي منروح منطمن عليها … لميس: صبايا انا ضل عندي محاضرتين بخلصهون وبتروحو معي بكون اخي معتصم اجا وجابها معو الصبايا: طيب ماشي لميس: اتفقنا معناها بعد ساعتين من هلق منلتقي هون لنخلص محاضرات لانا: ماشي حبيبتي بانتظارك لميس: ماشي لكن بالاذن بدي لحق محاضرتي الصبايا: اذنك معك بتروح لميس ع محاضراتها وبروحو الصبايا منهون بيطلع للمحاضرة ومنهون بيقعد ب بوفيه الجامعة ……… صافن معتصم وهو رايح جاي بالغرفة عم يتطلع عليها بيتذكر بيتصل بامو يطمنها …… بيرفع موبايلو وبيفتحو بلاقي كذا اتصال من محمد معتصم.: شو بدو يا ترى يلا هلق بدقلو بيتصل بأمو ……… ام غيث: اي ابني طمني معتصم: اي امي ام غيث: شو طلع معها معتصم: عليها حرارة وقال صايرة صدمة معها هلق من هون لساعتين ليبين معنا وانشالله خير ام غيث: يا عمري عليها كيف صار فيها ابني ضل جنبها الله يوفقك معتصم: والله جنبها وماني تاركها ام غيث: طيب ابني بس لا تخليها بالمشفى خرجها ونحنا هون مندير بالنا عليها معتصم: ماشي امي ولا يهمك مستحيل المشفى يمكن تعبها اكتر ام غيث: ماشي ابني معتصم: امي برجع بحكي معك وانشالله خير ام غيث: طيب سلام دير بالك على حالك وعليها معتصم: ماشي بيسكر الخط مع امو وبيتصل دغري ب محمد ……… محمد برد بسرعة عليه وبقلو … محمد: لك وين يا رجل صرت داقلك الف مرة معتصم: (بجدية) :شو شايفني عم العب انا بالمشفى محمد: خير شو صاير معك معتصم: مو انا شوق محمد: شبها معتصم: حرارتها طالعة وقال الدكتور متعرضة لصدمة نفسية محمد: سلامتها يارب معتصم: الله يسلمك اي قلي شو بدك محمد: كان بدي خبرك شي يمكن هو السبب الاساسي لوصول شوق بهالحالة معتصم بيرفع حاجب وبنزل التاني وبقلو …… معتصم: احكي شو هو الشي شو صاير محمد: كنت عم احكي مع لانا وخبرتني شي عن شوق هي كانت خافيتو عنك معتصم: لا تلعب باعصابي احكي شو محمد: معتصم شوق بتحبك وهي حاكية ل لانا هالشي لهيك لانا كانت عم تسالني عن البنت يلي معك ولما قلتلا ليش عم تسالي قالتلي هيك هيك الموضوع معتصم: محمد شو هالحكي كيف معقول ياربي انا السبب يعني وصولها لهون محمد: مابعرف شو بدي قلك والله بس نحنا غلطنا لازم خلينا حدا يجس نبضها قبل ما ناخد هالخطوة معتصم:كيف هيك انا ماكنت متوقع نوصل لهون هووف لازم نلاقي حل واول ما تصحى رح حاكيها وخبرها يازلمة والله قلبي متل النار عليها محمد: وحد الله معتصم واهدى كل شي بالهدى بصير بس بدنا نتوقع اي ردة فعل منها معتصم: هو هيك محمد: طيب رح سكر هلق وشو بصير معك خبرني معتصم: ماشي محمد: سلام معتصم: سلام بسكر الخط مع محمد وبيقعد وقبالها وبقول …… معتصم: (بحنية ): شوق حبيبي انا اسف اسف لاني هيك كنت طايش ومابعرف كيف اتصرفت هيك ومن وراي اتذيتي قومي الله يوفقك خلينا نحكي لا بقى تعذبيني شوق بيتأفف وبصير يتذكر كيف كانت مبارح وكيف صارت ------------------------ ام غيث: شو بنتي خلصتي راما : اي مرة عمي عملتلا الشوربة وانشالله بتتحسن عليها ام غيث: انشالله ياقلبي ع هالبنت كيف بصير معها هيك راما: انشالله خير مرة عمو وكلي الله ام غيث: لا اله الا الله وبيقعدو ينطرو. معتصم ليرجع ... ----------------------- بعد مرور سااعتين واكتر ……… ماريا: يالله وينها معقول تكون راحت لانا: لا ما بتوقع هي قالت ننطرها هون ماسة: طولو بالكون الا ما تجي لانا: انشالله والله بالي عند شوق ماريا: وانا والله ماسة: ياحول الله هاالبنت روحها روح عاشقة ماريا: اي وللله غلط هي لازم من الاساس من لما حست حكت تركت حالها للاخير وكتمت بقلبها لانا: اي والله صعب اصلا كيف تكتم معقول ما كان واضح عليها ماريا: وانتي الصادقة كان واضح عليها ومبين وكل شي فيها بينطق وبيروي عشقها ل معتصم بس كل مين فينا ملتهي بحالو ونحنا اقرب الها سهينا عنها لانا: اي والله كلامك مزبوط ماسة: ما علينا منحلها انشالله مستحيل نتركها هيك لانا: سكرو ع السيرة اجت لميس بتوصل لميس لعندهون وبتقلون …… لميس : كيفكون صبايا الصبايا: هلا تمام لميس: اسفة تاخرت عليكون بس كنت عم اشتري محاضرة وبتعرفو انتو لانا: ولا يهمك حبيبتي لميس : يلا امشو نطلع هي اجت السيارة ماسة: رايحين ع المشفى مو لميس: لا رح نطلع ع البيت لعنا ع عالبي وانشالله بكونو طلعوها من المشفى لانا: ماشي بيطلعو بالسيارة وبيتجهو ع البيت ……… ............ ------------------------- بيتصل غسان ب معتصم …… بيرن موبايل معتصم بينتبهلو وبيرد … غسان: كيفك معتصم معتصم: ماشي الحال غسان: ليك انا عندك بالمشفى انو غرفة انت معتصم.: طيب نازل جيبك لانو بدي شوف الدكتور غسان: ماشي يلا ناطرك بيطلع معتصم من عند شوق من الغرفة وبينزل لعند غسان بشوفو واقف بيروح لعندو غسان: شبك معتصم معتصم: هففف تعبان يا صاحبي ما اتوقعت من وراي توصل لهون غسان: اهدى معتصم كلو خير انشالله شفت الدكتور حكى معك شي عن حالتها معتصم: لسا غسان: يلا امشي لكن نحكي معو وانشالله بتهون معتصم: ماشي بيطلعو غسان ومعتصم وبشوفو الدكتور قريب من غرفة شوق بيروحو لعندوو … معتصم: مرحبا دكتور دكتور: اهلين بالشباب معتصم: لو سمحت دكتوور صار مارق ساعتين ع الدوا ممكن تتفضل معنا تشوفها دكتور: ليكني كنت رايح اطمن عنها يلا نفوت لعندها معتصم: ماشي بيدخلو لعندها ع الغرفة بتكون عم تحاول تقوم ل تشرب مي … بشوفها معتصم بيروح دغري بيمسكها وبيعطيها المي … معتصم: شوق شوق اهدي بسم الله عليكي خدي شربي مي بتمسك شوق الكاسة من ايدو وهي عم ترجف وبتشرب مي بتخلص وبتبعد عنو … معتصم: ارتاحي بيقرب الدكتور بشوف الحرارة وبيعمللها فحص وغسان واقف عم يطلع ع الشباك ليخلصوو …… معتصم: شو دكتور دكتور: مبدئيا في تحسن والحرارة عم تنزل بس بدها تضل هون لندير بالنا عليها معتصم: الحمدالله يارب دكتور نحنا بدنا نخرجها هي بتتعب نفسيتها المشفى الدكتور: بس يا استاذ هيك خطر عليها خليها لنطمن عليها معتصم: معليش دكتور لو سمحت كتبلي الادوية اللازمة وما عليك بالباقي الدكتور: مابعرف شو بدي قلك بس اذا مصر هالشي ع مسؤوليتك معتصم: شكرا دكتور بيكتب الدكتور الادوية اللازمة وبيعطيها ل معتصم … الدكتور : تفضل هي الادوية بس يفضل تاخد الادوية بمواعيدها معتصم: ولا يهمك دكتور بيخلص الدكتور وبيطلع برا الغرفة … غسان: عليكي العافية شوق شوق: بترد عليه بتعب وبتقلو .... شوق: الله يعافيك معتصم: الحمدالله ع سلامتك شوق بتزيح نظرها عنو وبتحكي وما عم تطلع فيه … شوق: الله يسلمك معتصم بيطلع.ب غسان. وغسان وبهزلو براسو ليهدا معتصم بقرب لعندها وبيرجع بقلها معتصم: شوق يلا قومي فيكي تمشي خلينا نطلع ع البيت بتتجاهل يلي عم يحكيه وبتقوم ع مهلها ب تعب معتصم بحاول يساعدها بس بتبعد عنو بدون اي كلام بيكتم من حركاتها يلي عم تعصبو وهي ماشي بتحس حالها رح توقع معتصم: صرلك شي شوق: لا غسان غسان: اي قوليلي شوق: اذا سمحت ساعدني غسان: بيقرب وبيمسكها ومعتصم جن جنانو غسان بيغمز معتصم وبقلو … غسان.: عطيني مفتاح السيارة واعمل الاجراءات ولحقنا معتصم بشد ع قبضة ايدو وبيزتلو المفتاح وبياخدو غسان وهي ماسكة فيه وبيطلعو ع السيارة بيعمل معتصم الاجراءات وبيلحقهون بيركب وبشوفها ساكتة غسان: يلا بلا ما تاخد برد معتصم: يلا بشغل معتصم السيارة وبيتجه ع البيت …… ------------------------- بيوصلو ع البيت وبيدخلو …… لميس والصبايا: مرحبا ام غيث وراما و روز: اهلين ام غيث: اهلا وسهلا تفضلو صبايا بيفوتو وبيقعدو … لانا: لا تواخذينا خالة اجينا بدون موعد بس والله غليان قلبنا ع شوق ام غيث: ولا يهمكون حبايبي اهلا وسهلا الصبايا: فيكي لميس: شو وينهون ام غيث: لسا ما رجعو بس هاد وقتهون لميس: ع خير انشالله ام غيث: عملولنا شي نشربو راما: امرك مرة عمي روز: وانا جاي معك راما: اوك بيروحو ع المطبخ وراما بتعمل قهوة روز: راما راما: نعم روز: هدول رفقاتها لهي يلي ساكنة عندكون راما: وليش هيك عم تحكي عليها روز: لا مو هيك بس يعني شو الله جابركون تتحملوها راما: روز ع شو عم تلمحي احكي روز: يعني بصراحة مو راكبة بعقلي بنت تسكن عندكون وغريبة وفي شب عزابي بالبيت كيف قبلت ع حالها راما: (بجدية) :اول شي هنن مو ساكنين لحالهون لتقعدي تقوللي هالحكي ونحنا يلي جبناها وبعدين معتصم شب محترم وهي محترمة وهالحكي كلو ع بعضو ما عندون ياه اصلا لو مرة عمي وعمي شافو عندها حركات هيك ولا هيك بضمنلك ما بتقعد ثانية عنا روز: اي شبك تقولي بتقربك راما: اي وماعد بدي اسمع منك هالحكي اذا بتريدي بتنزعج روزمن ردة فعل راما وبتحمل حالها وهي عم تاكل بحالها وبتروح ل غرفتها …… بتعمل القهوة وبتضيفون … الصبايا: شكرا راما: عفوا عم يشربو القهوة ومافي لحظات وبيدخلو لجوا ام غيث: يا عمري اجيتو بتبسم شوق الها ابتسامة تعب بساعدوها وبيطلعوها لغرفتها وبتقعد بتختها والكل حواليها غسان: ليك انا رايح دير بالك عليها ومعليش بدها طولة بال وشوي شوي حاول احكي معها معتصم: يا زلمة رح تجنني ما شفت شو عملت غسان: معليش عادي بتصير معتصم: هفف غسان : منحكي سلام معتصم: الله معك بيطلع غسان وبيروح من عندو … وبيطلع معتصم لعندهون ع الغرفة … راما : تفضلي هي الشوربة شربيها بتفيدك شوق: ما كان في داعي تعذبي حالك راما: لا ياعمري ولا يهمك شربيها شوق: انشالله معتصم: هي الدوا ام غيث: هات ابني بيعطوها ياه لانا: خوفتينا عليكي ماريا وماسة :شو صاير معك شو عم يجعك شوق: ولاشي بس تعبت هيك فجاة ام غيث: طيب بنتي رح اطلع واتركك مع رفقاتك خدو راحتكون شوق: شكرا خالتي ام غيث: العفو يا روح خالتك معتصم: بس انا بدي تجادلي بدي تخانقي تعاندي شوق: معتصم لا تخنقني اكتر اصلا انا طالعة من هون بس عم انطر لطيب واقدر وقف معتصم: وهيك بهالبساطة شوق شوق: اي ليش خلص بكفي انتو تحملتوني بما فيه الكفاية وهلق لازم ترتاحو معتصم: وانا بتطلع فيه شوق ودمعتها بتخونها وبتنزل ع خدها بتمسحها وبتنزل دمعة تانية بدالها وبتقول … شوق: شبكك انت ليكك ماشالله رح تخطب وعين الله عليك بعدين شو كل هالحنية وهاللطافة عليي معتصم: انتي ليش متدايقة واذا خطبت شوق: لا ابدا ماني متدايقة بالعكس الله يهنيك بتستاهل كل خير بقرب اكتر لعندها معتصم وبيمسك ايدها وبحطها ع قلبو وبقلا … شوق: شبك جنيت شو عم تعمل معتصم: عم اروي قلبي منك شوق: معتصم بكفي حكي قوم طلاع بدي ابقى لحالي ارتاح معتصم: ما بقدر لاني مشتقلك شوق شوق: معتصم انت واعي ع حالك شو عم تحكي معتصم: اي واعي شوق انا بحبك بتسمع شوق يلي عم يقولو معتصم وبتصير تبكي وتقلو … شوق: معتصم روح ما بدي تبقى حاج تعمل فيني هيك وتلعب ب مشاعري ع كيفك معتصم: شوق بس انا ما عم العب ب مشاعرك انا بحبك عم تفهمي شو يعني بحبك شوق: كرمال الله ارحمني معتصم روح انا ما اااا بشدها معتصم لصدرو وبشد عليها وبتصير شوق تبكي بكل قوتها وهي متشبثة فيه وتقول … شوق :لا معتصم حرام عليك لا تتركني لا تبعد انا انا معتصم: وهو حاضنها حاسس بنفسها معتصم: احكي شوق فضي كل شي بقلبك قولي شوق بتنهار وخلص ماعد تكتم اكتر من هيك وبتقلو …… شوق: انا بحبك اي بحبك معتصم بترجاك لا تتركني بترجاك بشد عليها معتصم وبيحضنها بكل دفا وحنية من يلي سمعو … معتصم: اهدي اهدي شوق بتبعد عن صدرو وماسك وجها بايدو وعم يمسحلا دموعها شوق بتمسك ايدوو وبكل نواطق جوارحها عم تحكي … شوق: معتصم لاتروح وتتركني متل ما تروكوني اهلي بترجاك لا تبعد بوعدك ما عد اعملك مشاكل بس لا تبعد عني لا تبعد وبتضم ايدو لصدرها وهي عم تبكي معتصم بقرب منها وبحط راسو ع راسها وهو عم يتنفس من انفاسها وبقلا … معتصم: وحياة هالمسا وحياة هالكون ورب العرش وحياة هالدموع وحياة كل شي صار وبدو يصير ماني رايح ولا مبعد ولا بعمري رح اتخلى عنك يا عمرو وقلبو ل معتصم بضمها وبتضموو وبضلو مدة ع هالحالة …… بيبعد عن بعض وهي لسا ماسكة فيه …… معتصم: بس يا عمري يا ويلي هالدموع ما اغلاهون شوق: بس مافي فايدة من الشي يلي صار معتصم انت رح تخطب هديك البنت بحط اصبعتو ع تمها وبقلا … معتصم: هسس مين قال اصلا انو هي خطيبتي شوق: كيف يعني معتصم.: شوق بصراحة حبيبتي كل يلي صار بخطبة لانا ومحمد مبارح كان مجرد تمثيلية يعني حتى البنت يلي شفتيها هي بتكون بتشتغل عندي بالمكتب شوق: معتصم وضح اكتر كيف تمثيلية معتصم: يعني كل يلي صار كرمال اعرف حقيقة مشاعرك تجاهي والشباب وانا رتبنا هالتمثيلية قدامك لاعرف مشاعرك وببساطة بعد يلي صار لانا خبرت وسالت محمد واستنتجنا من لانا كل التفاصيل شوق: معتصم بتعرف شو عملت فيني بهالحركة معتصم: ولله بعرف يا عمرو وقلبو وروحو ل معتصم بس كنت مضطر وانا بحبك ومشيت ع حسب الخطة شوق: بس انا ماعد بدي حبك يالله يا معتصم والله انا كنت رح موت وبتصير تبكي معتصم: حاج تبكي وتحرقي قلبي كرمال الله حاج خلص كل شي راح كل شي انتهى اهدي هلق المهم نحنا مع بعض شوق: يعني ماعد تتركني وتعمل هيك فيني معتصم: ما عاش يلي بدو يبكيكي بعد هلق يا قلبي انتي شوق: معتصم انا بحبك معتصم: وانا بحبك بقرب معتصم لعندها وبشدها لعندو وانفاسهون عم تضارب مع بعض وتختلط ببعض وشوق ماسكة ب قبة قميصو ل معتصم شادة عليها وهو عم يتحسس شفافها بايديه اختلت حركة شوق وماعد قدرت تقاوم ما بتتحمل لمسة معتصم بتبعدو عنها قبل ما يقرب من شفافها …… شوق: انا ما بقدر مابقدر معتصم: ههه هبلة ليش شوق : بخاف عليك تمرض مابدي اعديك وغير هيك مابصير تقرب قوم روح ل غرفتك مافي شي بيربطنا معتصم: هههه والله طفلة بربي طفلة كل شوي بتقولي شكل شوق: لا تتمسخر معتصم بيك بس تكون زوجي قرب كيف مابدك بس هلق سكرنا الدكانة حاج ع بيتكون معتصم: لك مو انتي مريضة هيك بعرف شوق: اي ولسا مريضة وعقوبتك انو قرب لقلك شغلة بقرب لعندها شوق: اطلع لهنيك معتصم بيطلع بتقرب من خدو وبتطبعلو بوسة ع خدو خفيفة وبتقلو … شوق: هيك ما بعديك يلا روح بدي اخد الدوا ونام معتصم: بتعرفي شوق: شو معتصم: بعشقك بتنفسك بس انا مستعد امرض كل العمر اذا انتي جنبي شوق: بعيد الشر عنك حبيبي معتصم: شو قلتي شوق: بعيد الشر عنك معتصم: التانية شوق (بخجل) :حبيبي معتصم: ياربي صبرني اخ والله وحياتك عيري يومين وشوفي كيف رح خليكي بحضني وع صدري تنامي بيطلعو من عندها من الغرفة ومعتصم بيروح لغرفتو عم يفكر بحل …… لانا: شبك شوق احكيلي ماريا: يا عيوني ليكي حالك ماسة: معتصم السبب بتطلع شوق وبينزلو دموعها وبتصير تبكي وهي كاتمة ومخنوقة بيقربو لعندها وبضمو وبحالو يهدوها ماريا: يا عمري كرمال الله اهدي لانا: كل شي الو حل اهدي ماسة: لهدرجة بتحبيه ؟… وهي عم تبكي بيزداد بكاها وبتمسح دموعها وهنن ينزلو بغزارة اكتر من اول وبتقول …… شوق:هه ليش ضل حبو ولا ما حبو فيها والله االهوى اخدو وعذبني ببعدو كتير اتذكرت التفاصيل واتوقعت الكتير وطلع الوجع بقلبي كبير تمنيتو كتير وصلي وادعي بقلبي كتير بس ما رح يرجعلي من الهوى ذكرى فتح عيوني من النوم. وطيفو بنفسي اتغلغل وقول بتهون في بكرا اصلا ما بعرف اذا بفيد القرب ولا بعرف شو يلي بيمنع توقعت كون قادرة ع الحب وارجع من جديد عذبت حالي وخليتو يعذبني معو ،،،،، وبتنهي كلامها بدموع عم تبكي ومقهورة حرقت قلبها وقلب رفقاتها عليها بكون واقف ورا الباب وسمع كل شي حكتو معتصم: (بنفسو) :انا شو عملت بيترك الباب وبيرجع لغرفتو بعد ما كان جاي يحاكيها بيمسك الغراض يلي ع مكتبو وبيرميهون وبكسر الكاسة وهو شادد عليها بطق بايدو وبتصير تنزف ما اتوقع هيك النتيجة …… لانا: شوق طيب تطلعي من هون شوق: (وهي عم تشهق) :انا طالعة من هون ماعد بدي ضل بس لشد حالي ماريا: طيب تبقى وحدة فينا عندك شوق: لا معليش صبايا ما بدي عذبكون خالتي هون بكفو وبوفو ماسة: ولا يهمك حبيبتي رح نتركك ترتاحي ورجاء شوق لا تفكري كتير الله يوفقك حاولي نامي بعد ما نطلع شوق بتهز براسها بمعنى اي بيطلعو من الغرفة من عندها وبيودعوها وبيودعو اهل البيت وبيروحو لبيوتهون ……… شوق : انا كنت مو بوعية كيف حبيتك وغلطت انا لازم اطلع من هون احسن ما جن اكتر واعمل شي يالله يا معتصم بتفتح ع صفحتو ع النت وبتشوف صورتو وبتضمها لقلبها وبتصير تبكي وبتغفى ع تاثير الدوا والتعب …… ------------------------ بيجي المسا ……& ام غيث: بنتي عملتي اكل ل شوق راما: مرة عمي اكلها جاهز بس بدنا ياها تنزل روز (بتثاقل وشوفة حال) :شو. سمو الملكة ما بتنزل يعني لميس: شبك انت من لما اجيتي وحاطة حطاكي من هالمخلوقة روز: انا ابو غيث: خلص يا بنات راما خدي الاكل ل شوق بنتي وطمني عليها ام غيث؛ انا طالعة بنتي حضريلي لاكل راما: حاضر مرة عمي وبيطلع كل مين لغرفتو يرتاح ………… بتجهز الاكل وبتطلع ام غيث معها الاكل بيخطرلها تمر تشوف معتصم لانو مو مبين من الصبح من لما جابها … بتدق الباب …… بيجيها صوت من جوا صاخب … معتصم :فووت بتدخل امو لعندو وبتشوفو كيف عم يدخن بشراهة وينفخ ويشرب قهوة والكاسات مكسرة حواليه والدنيا قايمة مو قاعدة بالغرفة …… بتحط الاكل امو ع جنب وبتقرب لعندو بتقعد جنبو …… ام غيث: شو هاد معتصم معتصم :شو (وهو عم يدخن) ام غيث: ابني طلع فيني برضاي عليك شو يلي عاملو بحالك من ايمت انت هيك معتصم بيبتسم ابتسامة قهر وبقلا … معتصم: من يوم قررت اعمل ب شوق هيك بتمسك ايدو امو وبتحكي معو …… ام غيث: شبها شوق بتحبها معتصم: بموت عليها امي ام غيث: روح احكي معها قلا واعترفلا وخلصت السيرة معتصم: صعب امي شوق لك حتى مو رضيانة تطلع فيني وكل يلي صار فيها بسببي ام غيث: ثانية كيف بسببك؟؟! معتصم: اي بسببي شوق طلعت بتحبني بس انا كان كل همي اعرف مشاعرها تجاهي حتى اني ما فكرت من حبي الها خلي وحدة من رفقاتها تساعدنا ام غيث: معليش ابني حبيبي بتصير بس شايفتلك بدها تتركنا معتصم: مستحيل امي ما بقدر ما بقدر بموت ولا بخليها تطلع برا هالبيت ام غيث: ممتاز معناها هالحكي انك بتحبها معتصم: (بعصب وبقول) :يا عفو الله لسا بتقليلي بتحبها لك بعشقها بتنفسها امي ام غيث: ليك روح لعندها احكي معها وخدلها الاكل بطريقك معتصم: ما بعتقد ترضى تاكل مني ام غيث: رجعلها روحها معتصم كل السبل مفتوحة الك سلام بتقوم امو بعد ما حكت هالكلمتين وتركتلو اكلها موجود. وحملت حالها وطلعت …… عم يطلع بالاكل ويدخن بنفخ السيكارة من ايدو وبيطفيها وبقول… معتصم: لو روحي بدها تروح ما رح خليكي تروحي انتي الي بقوم بياخد الاكل وبيروح لعند شوق بدق الباب ماحدا رد عليه …… رجع دق عليها الباب اجا صوتها … شوق: تفضل بيدخل معتصم بتشوفو شوق بتجي ل تبكي بتمسك حالها … معتصم: كيفك شوق: ماشي الحال (بدون ما تطلع عليه) … معتصم: جبتلك الاكل كرمال تاكلي وتاخدي الدوا … شوق: مافي داعي تعذب حالك ماني جوعانة معتصم بقرب وبيقعد جنبها وبحط الاكل ع الطاولة وهو قريب منها شوق: ممكن تبعد معتصم معتصم: ليش شوق: معتصم بترجاك ماني قدرانة جادل حدا شوق: شو هالحكي معتصم معتصم: هههه خجلتي شوق: معتصم معتصم: عيونو وقلبو وروحو ونبضو وشريانو. شووق: بحبك بس بدي اخد الدوا ونام معتصم: وانا بحبك يلا رايح بس لاتنسي وين بعد يومين رح تصيري شوق: هههه منشوف بيطلع من عندها بعد ما خطف بوسة من خدها وراح لغرفتو …… شوق: الف الحمدالله يا ربي الله لا يحرمني ياك يا روحي بتاخد دواها وبتصير تاكل ع الخفيف وبتشبع وبتصير تفكر ب معتصم. لحتى تغفى وتنام ……… راح لغرفتو وهو مبسوط رتب الغرفة وعدلها ورجع كل شي ل مكانو وغير ع الجرح ورما حالو ع التخت اتصل ب غسان …… معتصم: كيفك غسانو غسان: هلا معتصم شو صوتك مصحصح معتصم: اخ يا خيي شو بدك بالحكي حلت عليي بلوة العشق يا صاحبي غسان: هههه شو شاعر حبيبي صاير معتصم: والله يا حبيب ما ضل فيني ولا شوية عقل هالطفلة جننتني غسان: ايواا معناها حكيت معها معتصم: له لكن شو مفكرني خليها تروح من بين ايدي لك بتنفسها لهل طفلة غسان: والله الله يهنيك شوق بنت بتجنن حلال عليك والله معتصم: بس في موال ببالي خرج تحط ايدك معي وبكرا منخبرو للشباب غسان: ايوااا وشو هو هالمرة معتصم: سماع لقلك غسان: هات لنشوف احكي …… معتصم: بكرا من طلوع الضو رح نجتمع ونقسم ******************************************وهيك منكون ضربنا عصفورين بحجر وعملنا يلي براسنا غسان: يا رجل من كل عقلك معتصم: اي لكن من نصو غسان: وقولتك بتززبط معتصم: انا وراها وما تزبط غسان: هههه اذا هيك مزبوط معناها تعالي الصبح بكون جهزت الغراض ومنقعد نشتغل معتصم: ماشي حبيب ولا يهمك هلق تصبح ع خير غسان: وانت بالف خير باي معتصم.: باي بيسكر معتصم الخط معو ل غسان وبيفتح موبايلو وبيكتب اشعار مع تاريخ بالمذكرة…… عِنْدَما قَالتْ لي أُحِبُك ، خَرجْتُ إلى الشَارعْ ، لإنَ سّمااءَ ألغُرفة لَم تَكنْ كافْية لِتحّليقْي……♥🌍 7/2/2021 صـدقآ يآ تآريخ قلبي آلذي عقد وختمـ ب بصـمـتگ آن قرون وعقود آلدهہر لآ تگتفي مـن حبهہآ لگ………… لآنگ في گل صـبآح كيف لي ألا أعشق عينيك، …… وقلبي الذي لم يعرف الحُب امتلأ قعره حُباً من أول نظرة ورمـقة، كيف لي ألّا أُنصت في كُل صباح على صوتُك، …… وصوتك هو الذي أعاد الطُمأنينة لقلبي ………… كيف لي ألّا أُحبُك و…… أنت شمسي ومـشـمـسـي…… وغيمـي وغمـآمـي………… وظـهہري ومـظـهہري……… وقلبي ومـدفأي…… وآنيني وطـمـأنيني ………وهہمـسـة روح عآشـقة لآقرآن آلتآريخ ………. 💖♥ الكاتبة: Bayan Al-rohban 🌹🌍 كتب هالكلمات وهو متفائل لتاني يوم وعم يفكر فيها بكل حنية وشفافية معتصم: الله لا يحرمني ياكي يا ضنا قلبي …… سكر. موبايلو وحط راسو وغفي ……… 😴😴 -------------------------- تاني يووم وبصباح جديد ع الكل …… من فيقتو معتصم قام لبس وزبط امورو سرح شعراتو وحط من عطرو ولبس بنطال اسود كنزة بيضة قبة وجاكيت بدون كمام جيليه وطلع من غرفتو ماشي بالكاريدور فتح باب غرفة شوق من دون صوت وشافها نايمة وغرقانة بالنوم ابتسم وحنو قلبو تقدم لعندهل بخطواط بطيئة منشان ما تحس مسك حرامها وغطاها ونزل باسها ع خدها بوسة خفيفة منشان ما تحس ابتسمت وهي نايمة ابتسم وطلع من الغرفة وسكر باب الغرفة ع مهلو… اصطدم بأمو ولقاها وراه …… ام غيث: شوو معتصم: شوو ام غيث: عم تعمل حالك مو فهمان معتصم: ههه ام غيث بعرف ما بتفوتك شاردة ولا واردة بالبيت بس.… ام غيث: حكيت معها معتصم: اي حكيت معها ام غيث: يعني صار فينا نقول الف مبروك معتصم (ضحك من قلبو) :ههههه اي اي قولي يلي بدك ام غيث. :تؤبري قلبي يا امي والله فرحتني من جوا صمصوم قلبي بهالخبرية يلي بتجنن من الصبح معتصم: بعيد الشر عنك يا عمري لسا في شغلات كتير رح تفرحي فيها ام غيث: هههه انشالله بس وين شايفتك طالع معتصم: هي بقى بدي ترتاحي منك اليوم طول النهار وبس ارجع رح قلك ليش انا طالع من الصبح ام غيث: ايووا معتصم شوفي وراك معتصم: هههه كل خير امي لهيك يلا مستعجل بس ارجع بخبرك بكل شي لحالنا ام غيث: الله يصبرني عليك وعلى افكارك معتصم: هانت وبيحمل حالو وبيطلع وهو مبسوط …… ام غيث: الله يصبرني عليك يا معتصم وع افكارك وخلاقك يلي مالها وقت وبتتبدل …… بتفتل حالها وبتنزل ع الصالون بتشرب قهوة ……… ركب بسيارتو وراح رفع تلفونو واتصل ب غسان …… معتصم: كيفك حبيب غسان: هلا معتصم تمام معتصم: اي شو الشباب حواليك غسان: اي كلهون هون وناطرينك معتصم: ممتاز محمد: ماشي يا معتصم يا زلمة شو هالفيقة من الصبح ارحمنا بدنا نام معتصم: هه لاحق تنام انت اكتر واحد رح تكيف معتصم: تضرب بشكلك هلق منشوف محمد: والله اذا بتطلع الشغلة مقلب يا ويلك جعفر: (بنعس) :انا رح اعمل قيلولة معتصم: :قولو ل محمود يعمل شي لبين ما كون جبت الغراض ووصلت لعندكون محمود: لانو كرسون لاشتغل عندك وعندو معتصم: هههه غسان اتصرف ما بتعرفو يمكن تلاقو نصيبكون يا عزابية بهاليومين بقومو بجلسو حالهون وبقولو غسان ومحمود وجعفر …:قول والله معتصم: هههههه والله بس استنوني لاوصل جعفر: بطلت نام رح ضل قاعد ناطرك محمود: لا تطول رح اعملك شي تشربو غسان: وانا رح اشرف عليهون محمد: ههههه ماشكون ع اصابعكون معتصم: ههههه شايف خطي حاج عذوبية محمد: ههه قولتك يلا ناطرينك لا تتاخر معتصم: لا مسافة الطريق وبكون عندكون الشباب: ماشي بسكر الخط معتصم معهون وبقول … معتصم: الله عليكون بس والله شو بدكون بالحكي حاج شفنا حياتنا صار لازم كل منهم يبلش يأسس ويزبط امورو اخ ايمت رح يمرقو هاليومين بيبتسم ابتسامة رجولية جذابة وبيكمل طريقو يجيب غراض ويكمل لعند الشباب.. *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖