روح عاشقة - الفصل التاسع - بقلم جنى - مكتملة | روايتك

*❴📖❵↵* *روح.عاشقة.tt* 🥺❤️ *❴🔢❵☟الـــبـــــــــــ❴9️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏` ➖➖➖➖➖➖➖➖➖ بعد ما طلعو على مراسم الدفن وعملها وشوق الصمت احتلها بشكل كامل راجعين بالسيارة وكلهون ساكتين بيرن موبايل لانا …… لانا: الو خال شوق: كيفك عمو لانا: اهلين مين خال شوق: انا خال شوق لانا: اهلين عمو خال شوق: بدي اسالك يا بنتي اختي وبنتها ما هم يردو ع الارضي ولا ع موبايلاتهون بتعرفي ليش لانا بتغص وبتطلع ب شوق كيف ساكتة وملامحها بتروي حالتها… لانا: عمو خالة ام شوق عطتك عمرها مبارح خال شوق: شو هالحكي اختي كيف وشلون طيب وشوق وينهون لانا: عمو شوق مو خرج تحكي مع حدا وكتير تعبانة نفسيتها خال شوق : طيب كيف بدي اوصللها وينها هي بتعرفي لانا: عمو اذا بتريد شوق تعبانة خلص اول ما تصير منيحة بخليها تحكي معك خال شوق: عطيني شوق اذا عندك بيطلع معتصم وبيسالها بحركة حاجبو بمعنى مين لانا: هاد خال شوق شوق بتسمع هالكلمة وبتمسك الجوال وبترد شوق : الو خال شوق: شوق خالي شو صاير معك كيف هيك واختي كيف بتقاطعو شوق بنبرة حادة وبتقلو … شوق: بس خالي بس بكفي تمثيل كتير بهمك امر اختك شو نسيت ولا ذكرك انك انت وخوالي الباقيين اتبريتو منا كرمال يلي معنا والك عين بعد كل شي ترجع تسال عنها خال شوق: شو هالحكي يا شوق بتقاطعو ………… شوق: (بجهشة ونفس صعب) :سمعني منيح صوتك ماعد بدي اسمعو ولا بدي شوف لا وجهك ولا وجه واحد من خوالي متل ما تركتونا وانتو غضبانين وامي تدعيلكون تتيسر امووركون انتو بطريق وانا بطريق ومو نصيحة شوف وواحد فيكون سلام بتسكر الخط بوجه خالها والكل مستغرب من حكيها لانا: حبيبتي ليش هيك عملتي قد ما كان بضل خالك شوق: بضل خالي لو ما عمل هو واخواتي بامي هيك وتركونا ماعد بدي حدا ام غيث (بحزن عليها) :خلص حبيبتي اهدي لا تنفعلي معلش يا روحي هلق مناخد بترتاحي ماريا: شوق رح تروحي معي ع البيت لا تبقي لحالك ماسة: خلص انا باخدها شوق: ما بدي روح مع حدا لانا: بس ما بصير تبقي لحالك شبك ام غيث: بنتي كلام لانا مزبوط لهيك رح اخدك معي لترتاحي ماشي شوق: (بتعب وعيون عم تدمع ):امانة تركوني بدي ارتاح بدي ارتاح بدي اتنفس ما بدي روح لعند حدا ام غيث: يا بنتي يا عمري انتي والله نحنا كلنا معك لهيك سمعي مني وما بصير تبقي بالبيت شوق: بتمسك ايد ام غيث وهي عم تبكي وبتقلا شوق: خالتي كرمال الله بس هالمرة سمعو مني ما بدي روح لعند حدا بدي ضل لحالي بدي شم ريحة امي لانا: يا عمري طيب ابقى عندك ام غيث بتغمز لانا لتحكي وبتقول ام غيث: طيب حبيبتي انا اليوم ما رح اضغط عليكي بس بدك توعديني ما تعملي شي بحالك وانو بكرا رح نمر ناخدك لعنا ع البيت شوق بتطلع فيها وعم تشوف حنانها ام غيث: شو جاوبيني لانا : طيب خالتي ما بدنا نزيدها عليكون خلص انا اهلي هالاسبوع مسافرين بتضل عندي واذا ما ارتاحت انا بصل عندها ومنتداور انا والصبايا عندها ام غيث: معليش بنتي انا متفهمة خوفكون عليها بس انا ماني قدارنة اتركها بدي اخدها معي لهيك رح مر بكرا اخدها شو شوق مافي اي مجادلة واذا ما ارتحتي عنا خلص برجعك براسي ع البيت بتشهق شوق من بكاها ومعتصم عم يطلع عليها منظرها بقطع القلب شوق بتقرب من ام غيث وبتبوس راسها وبتقلا شوق: انشالله متل مابدك خالتي ام غيث: الله يرضى عليكي يا حبيبتي بتضمها ل شوق وبيوصل معتصم ل قدام بيتها بصف السياررة شوق بتفتح الباب وبتقلون شوق: بخاطركون معتصم بيستوقفها بتفتل لعندو معتصم: ديري بالك ع حالك بتهز براسها بمعنى اي وبتروح وهي بالية وتعبانة ع البيت بشغل معتصم السيارة والشباب ورا ع الدعسة وكل مين بيتجه لبيتو ………… بتدخل لجوا وببتفتح الباب وبتلاقي كل شي فاضي والبيت معتم بتدخل بتطلع بكل نواحي البيت وبتتذكر امها وين كانت تقعد وبتصير تلمس ع الغراض يلي امها كانت تمسكهون وتبكي وتشهق بتكمل مشي بالبيت وهي عم تبكي وبتطلع للغرفة تبع امها وبتفتح خزانتها وبتطول تيابها بتمدهون ع التخت وبتطلع فيون وبتبكي بتتسطح ع التخت وبتشمهون وهي عم تبكي شوق: يالله وين رحتي يا امي وين رحتي وتركتيني لحالي عم حارب بهالدنيا وينك يا امي وين تركتيني بتدخل بنوبة بكي صعبة وحالتها تعبانة بتشم ريحتها بتحط ايديها وبتمسك مخدتها وبتشمها وبتسحبهاوبتجي تحت ايديها ورقة. بترفع راسها ووجها كلو دموع. بتفتحها وبتتجلس وهي عم تقرا شوق: ………………………… فلاش باااااااااك/////// بعد ما خلصت حمام امها ل شوق وهي عم تاخد نفسها بصعوبة وتعب بتمسك الورقة وبتكتب ام شوق: بنتي شوق حبيبتي ونور عيوني ……بنتي انا ما بعرف ليش عم اكتبلك هالورقة بس حاسة في شي مو زابط رح يصير بضل احساس الام بدي منك تسمعي مني شو رح قول وتعرفي مني ولا من غيري رح احكيلك الماضي يلي اجيتي انتي من وراه وكيف ابوكي ظلمني وظلم حالو وظلم الشخص يلي قلبي رادو وبعد عشرين سنة من هلق هالحادثة عم تدور بببالي ابوكي. وتذكرتها لما كنت بعمر الورد حابة شخص اسمو عبد المجيد وكنا ناويين نخطب ونتزوج لحد ما ابوكي لفق تهمة واخدوه واخدوني معو وعرفو اهلي انا بالقسم تبع الشرطة وعقلية بيت جدك صعبة كتير وهالشي زاد صعوبة وابوكي يا بنتي شخص ظالم اتنين بحبو بعضون كرمال طمعو وكرمال يكسر شوكة عبد المجيد ويكسر ضهرو لفق تهمة ومية الف محامي ماقدر يحلها وجدك ما خلا دعوة عليي وابوكي استغل هالشي لصالحو واتزوجني وجدك ما رفض وجبرني ع ابوكي ليخلص مني وما قبل يسمع مني حرف وعبد المجيد ما قدر ينفد من هالتهمة لانها كانت قضيتو كبيرة وكل الادلة يلي عاملها ابوكي ضدو وماحدا قدر يطلعو وانسجن وابوكي استغل. كل شي لصالحو واتزوجني ودمر حب حياتي وخرب الدنيا ووكان شخص متسلط بحب كل شي وانا كنت وحدة من هالاشيااء اتزوجت من ابوكي وماقدرت اتقبلو ولا حبو بس مرت هالايام وحملت فيكي وهو صار يتغير بس حب التسلط تبعو ما تغير وكل همو يحقق مصالحو لحتى هيك مضى هالعمر عليي وعليه وظلمني معو وظلم هالشخص يلي حبيتو بس الله يرحمو بضل ابوكي بس بدي قلك يا بنتي بشي يوم اذا حبيتي لا تتركي حب حياتك يروح استغلي فرصتك وعيشي بمرو وحلو ولا تسمحي لشي يوقفك الحب بيجي مرة بالعمر ما بعرف ليش عم خبرك بس حسيت لازم قلك هالشغلات يلي اتخبت بقلبي هالعمر كلو بحبك بنتي امك نارين ……………… باااااااااااااك ////// قراتها مرة واتنين وتلاتة وعيونها مستمرة البكي شوق: الله يسامحك يا بابا ع الشي يلي عملتو اما انتي يا امي الله يرحمك يا حبيبتي يا قلبي بس هالشي ما بيعطيكي الحق تتركيني وتروحي اخ يا تمي والله هديتي حيلي بتضم الورقة وبتتبلل دموع وبتضل تبكي لتتعب وتفغى وهي حاضنة الرسالة وغراض امها ………😰😴 ------------------------- عم يحكي مع لانا محمد ……………… محمد: اهدي يا عمري هي ارادة ربك ادعي الله يهون عليها لانا: (ببكي) :محمد لو تعرف خالتي ام شوق كانت امي التانية بحنيتها وعطفها كل حكيها ما بنساه ام شوق ياعمري بتحرق القلب محمد: معليش الله بيبلي وبعين لانا: يا حول الله احسن شي محمد: بس ليش ما بقيتي عندها او جبتيها لعنددك لانا: ماقبلت تضل مع حدا فينا ولا رضيت نضل عندها محمد: بس هيك ما بصير هالشي بدخلها بحالة اكتئاب او ممكن تعمل شي بحالها لا سمح الله لانا: والله ما رضيت عجزنا فيها بس عبث ما في جدوى بس خالتي امو ل معتصم قال بدها تاخدها لعندها محمد: الله يخليها شو حنونة معليش هيك. احسن لانا: بس المصيببة كلنا منعرف انو معتصم شوق مو زيادة وضعهون بعدين كيف بدها تقعد عندون بالبيت محمد : لا تخافي خالتي امو ل معتصم مرة مقدرة بتفهم بالاصول هي بكرا بتلاقي حل لانا: انشالله محمد: انشالله طيب حبيبتي ما بدي اتعبك اكتر روحي ارتاحي وانا رايح ارتاح لانا: ماشي محمد: باي لانا: باي بتسكر لانا الخط مع محمد وكل مين بفكر بهمومو وزعلو ع يلي صار ------------------------ بعد ما وصلو ع البيت وهنن قاعدين بالصالون معتصم مشغل سيكارة وعم يدخن ويشرب قهوة وصافن بقاطع شرودو كلام امو …… ام غيث: يالله والله بتحرق القلب. شوق والله بحياتي ما ادخلت بحدا وجبرتو يبقى بس هالبنت في شي ما عم يخليني اتركها لميس: اي والله يا امي معك حق راما : مرة عمي جيبيها لعنا ل شوق بلكي منساعدها بتطلع من حالتها هي ابو غيث: فكرة منيحة والله يا جماعة انا خايف عليها وكانها بنت من بناتي هالبنت غريبة ودغري بتدخل للقلب وصعب الشخص يتركها ام غيث: اي والله كلامك مزبوط بكرا رح جيبها شو معتصم معتصم: شو ام غيث: ابني برضاي عليك لا تعصب ولا تدايق لسمح الله الله لا يقدر اي شخص مكانا ممكن يتصرف هيك لهيك لا تنزعج وتعصب اذا اجت معتصم: (بجدية) :امي ماني منزعج بس انا خايف تتهور وتعمل شي يعني اليوم لو لا ستر الله كانت راحت فيها ام غيث: يعني انت خايف عليها بيسكت معتصم وبعدل كلامو معتصم: مو انو خايف عليها بس الواحد بخاف تعمل شي مجنون وغريب وهالبنت هيك ما بتحزري عليها يعني بتخلي يلي ما يعصب يعصب غيث : اهدى ليش منفعل كل هالقد نحنا منشانك منعرف انك انت وياها بتضلو تتقاتلو وهالشي شفنا وسمعنا معتصم بيطلع عليه وما عجبو الكلام معتصم: طالع لغرفتي عملو يلي بريحكون بيحمل حالو وبيطلع لغرفتو …… لميس: شبو ام غيث: بتهز براسها: تركوه معليش هو كتير تعبان بكون لانو جو المشفى بتعبب غيث: بس والله مو هيك. ظهر معنا ان غيث: خلص غيث بعدين يلا قومو ارتاحو كرمال بكرا نفيق بكير ونجيب المخلوقة لعنا الكل: ماشي بيحملو حالهون وكل مين بيطلع لغرفتو وبنام ………… زت غراضو ع البيرو يلي قدامو ورايح جاي بالغرفة معصب وعم يقول معتصم: لك نويت ابعد عنك والطريق رجعني الك وهلق رح صير شوفك بالليل والنهار ليش شوق عم تعملي هيك ليش ياربي بينفض الافكار من عقلو بصعوبة وهو يتأفف ………… معتصم: استغفر الله العظيم شو هالحكي بس مابعرف شو بصرلي بنفعل بس فكر فيها هووف بمل من كتر التفكيرر. وبيتسطح بضل يتقلب يمين ويسار ومن كتر التفكير بيتعب وبنام …………… 😴😴😴 _____________ تاني يوم الصبح رايح جاي جعفر بالمكتب وعم يدور ع محمد جعفر: وبعدين معك مثلا الي تلت ساعات ناطرك وبدي ياك من وين بجيبك. ضاقت خلاقي ما خليت شي ما عملتو وانا دور عليك بيقعد وهو مالل عم يقلب وينكش بالمكتب بتخطرلو يتصل ب معتصم بيحمل موبايلو وبيتصل فيه جعفر: صباح الخير معتصم معتصم: صباح النور جعفر: بدي اسالك معتصم: اي قلي شو سؤالك جعفر: محمد الدب رفيقك من الصبح عم دور عليه وما كنت لاقيه عندك علم وين بكون موجود مكتبو فاضي وبدي وراق مهمة من عندو معتصم: يعني وين بدو يكون اكيد مع لانا جعفر: يا رجل شو اعمل بحالي انا كيف بدي اصولو معتصم: احكي مع ماريا وخود رقم لانا منها مو حلوة اعطيك ياه انا جعفر: هيك قولتك معتصم: اي هيك جعفر :طيب هلق بشوف شو بدي اعمل بس كيف بدي اخد رقم ماريا معتصم: مابعرف شوففو بالسجلات او من الجامعة دبر حالك جعفر: يا حبيبي طيب. منحكي وين انت هلق معتصم: بالبيت جعفر: شو عندك اليوم معتصم: ولاشي ع المكتب وبعدها طالع جيب شوق لعنا جعفر: بدكون تخلوها عندكون معتصم: اي امي هيك بدها كتير زعلانة عليها وكرمال تطلع من حالتها لانو لحالها ممكن تعمل شي بحالها جعفر: صح بس انت خليك هادي خطي واتحملها بعرفك خلاقك ضيقة وما بتتحمل حدا معتصم: يقطع عمرك شو شايفني رح اقتلها جعفر : لا مو هيك بس شغل التحقيق والتدقيق والمحامين شيلو ع جنب لانو وضع المخلوقة مو خرج لا تعصب ولا تعمل عليها راقوب معتصم: تضرب بشكلك. ع كل حال بس تجي منشوف شو بدنا نعمل جعفر: ماشي يلا سلام معتصم: سلام بسكرو الخط الشباب وبيروح جعفر يدور ع رقم ماريا وبينزل معتصم لعند اهلو …… معتصم: مرحبا الكل: اهلين ام غيث : شو خلصت تدرييب معتصم: اي ليش ام غيث: ابني انا ماعرفت نام كل الليل بدي تروح معي هلق جيب شوق قلبي متل النار عليها خصوصي بعد ما سمعت شو عملت بالمشفى بحالها معتصم: يا حول الله بلشنا ام غيث: معتصم شبك ابني ليش كل هالقد ما بدك ياها معتصم: مو هيك بس كتير عم تعطي الموضوع اكبر من حجمو كلنا زعلانين عليها بس ……… ام غيث : بس شو اذا بدك ياها تجي خلص انا بروح لعندها بس لا تنسى يا ابني الدنيا دوارة واذا نحنا واهلها والدنيا عليها لهل مخلوقة بتروح بشربة مي ووقتها منقول يا ريتنا جبناها واهتمينا فيها معتصم: (بيتمالك اعصابو وبقول) :خلص اهدي ماما متل ما بدك بصير ايمت بدك تجيبيها ام غيث: هلق قايمة جهز حالي معتصم: طيب ناطرك ام غيث : ماشي الله يرضى عليك يا ابني بقرب معتصم من امو وببوس راسها وبتطلع ام غيث تجهز حالها غيث: اختي ايمت امتحاناتكون لميس: هلق المفروض بعد هالشهر تماما نبلش معتصم: وشوق كمان مو هيك لميس: اي اخي غيث: ع خير معناها بتدرس معك هي بلكي بتنسى معتصم: مزبوط وهيك ما بتروح عليها السنة لميس: طيب بس تهدى هاليومين ببلش انا وياها راما: اي ابو غيث: الله يحن عليها لهل شوق ويبعتلها ايام احسن من يلي مرقت فيهون الكل: امين بتنزل ام غيث وبتكون مجهزة حالها ام غيث: يلا معتصم معتصم: يلا امي ام غيث: الله يرضى عليكون لميس وراما جهزو غرفة ل شوق مريحة لبين ما نرجع الصبايا: ماشي بتطلع ام غيث وبياخدها معتصم وبيروح فيها باتجاه بيت شوق ……… ----------------------- فايقة قاعدة مفتحة عيونها وكتير حزنانة ع امها عم تبكي شوق: وبعدين امي ايمت بدك تجي والله مليت امي يلا رجعي والله حرقتي قلبي بغيابك امي يلا كسرتي ضهري يا امي غيابك قتلني قومي امي قومي سمعي شو كنت بدك خبرك قومي يا امي قوميي……………… وبتدخل بنوبة بكي صعبة وحالتها كتير تدهورت ع موت امها بيرن التلفون عندهون ……… بتقوم وهي عم تشهق وبتقعد جنب الارضي شوق : مابدي رد ليش عم تدايقوني حاج بتمسكو وبترميه بالارض بينكسر وبتبلش تمسك الغراض وتكسر فيها ام غيث: شو معتصم: ماعم ترد والموبايل خارج التغطية ام غيث: خير انشالله معتصم: الله يجيبك يا طولة البال بس ما تعمل بحالها شي هالبنت ام غيث: قديش بدنا لنوصل معتصم: هي وصلنا بيصف السيارة بسرعة وهو ملهوف وبينزل وبتنزل امو وبيدخلو ل مدخل البناية بدقو الباب عليها …… ام غيث: ليش ماعم تفتح معتصم: ثواني في صوت بقرب ع الباب وبيسمع صوت تكسير من جوا وبشد ع قبضة ايدو وبعصب معتصم: لك في صوت تكسير. بصير ينادي معتصم: يا شوق يا شوق فتحي الباب شوق ام غيث: ابني اكسر الباب معتصم : هو هيك بعدي شوي ام غيث: يلا بتبعد امو ع جنب ومعتصم بيخبط. الباب وبيدفشو دفشة قوية وبينفتح معتصم:(بقوة وصوت جهوري): شووووق لاااااا بتكون شوق حاطة السكين وبدها تنتحر بتفتل عليه ل معصتم وبتشوفو واقف وراها وامو وراه معتصم: شوق شوق لا لا زتي السكين من ايدك ام غيث : بنتي برضاي عليكي تركي هالسكين شوق:(ببكي قوي) :انا ليش بدي عيش ليش امي راحت وابي راح انا لازم روح معتصم: لا لا شوق في كتير عالم هون بدها ياكي وبتحبك شوق: لاااااا ما حدا بحبني لك يلي من صلبي تركوني وهلق اهلي ماعد بدي عيش ام غيث: يا بنتي حرام الله اختارك من بين هالناس لانو بحبك وابتلاكي شوق: خالتي والله تعبت بدي روح لعند امي بصير يقرب معتصم شوي شوي لعندها وبشد السكين من ايدييها معتصم: (بعصب) بكفي بقى بكفي حاج هالشي حرام عليكي ليش هيك عم تعملي بحالك وتعملي فينا شوق شوق بتوقع ع ركبها وبتحط ايديها ع عيونها وبتصير تبكي بقرب لعندها وبيمسك ايديها معتصم: شوق شوق خلص بكفي ليش عم تعملي بحالك هيك وتعملي فينا شوق ماعد تحملت وبترمي حالها ع صدرو وبتحضنو وبتشد عليه بكل قوة ومعتصم اتفاجأ من حركتها بيحط ايديه وبيحضنها وامو عم يتقطع قلبها عليها معتصم : هسسس بس شوق حاج تبكي يلا بس شوق منغمرة ببكاها ع صدرو ومعتصم عم يحاول يهديها معتصم: يلا بكفي خلص شوق اطلعي فيني اطلعي فيني بترفع راسها وبتطلع عليه وهي عم تبكي وعيونها حمر البكي معتصم بيمسحلها دموعها وبقلا معتصم: بس بكفي بكي ماعد بدي شوف دموعك حرام هيك انتي عم تعذبي امك حرام هالشي بيرضيكي شوق: لا (وهي عم تبكي) معتصم: طيب هلق رح توعديني ماعد تعذبيها وخلص رح تقوي وتقومي ع حيلك وتكملي طريقك شوق: بس معتصم: بدون بس يا شوق خلص وعديني انو ماعد تبكي ولا تعيدي هالشغلات وتحاولي تساوي شي بحالك شوق وهي ماسكة ايدو ودموع عم تنزل بتقول : شوق: ماشي بوعدك معتصم بيبتسملها بكل حنان وبيمسحلا دموعها معتصم: ماشي وهلق هي امي اجت لتاخدك معها شو امي ام غيث كانت عم تطلع وتراقب كلام معتصم يلي اقنعها وخلاها توافق ليساعدها. تبلش تقوم ع حيلها بتحس بشي بكلام ابنها وشوق عم تتجاوب معو …… ام غيث: اي لكن يلا بنتي بتقوم شوق وبقوم معتصم وبتجي امو بتضمها بحنان ام غيث: يلا بنتي امشي لساعدك تجهزي حالك شوق : ماشي معتصم: يلا انا رح انطركون هون ام غيث: طيب ابني بيطلعو لفوق ومعتصم بيقعد ينطرهون وام غيث بتساعدها وبتضب غراضها وبتبتدل تيابها وبتاخد شوق كم غرض من غراض امها بخلصو وبينزلو ل تحت …… ام غيث: ابني خود الشنتة من ايد شوق معتصم: طيب بياخد الشنتة وبيحملو حالهون وبيطلعو بالسيارة وبيتجهو للبيت ……… بيتصلو محمو وغسان ع جعفر يلي بكون حايص ومو عرفان يقعد جعفر: نعم غسان: ونعامة يلي ترفسك شبك محمود: شو اكل كريك عاطفي جعفر: هلق اتصلتو لتغيرو جو وتشتغلو فيني محمود: عم نمزح شبك جعفر: لك بدي محمد الدب وماعم للاقيه وقلي معتصم اتصل ب ماريا اسالها غسان: ليش شو دخل ماريا جعفر : هي بتقضي اغلب وقتها معهون وحتى لو ما قضت وقتها معهون ع. القليلة بتعرف مكان رفيقتها وهيك منعرف مكان محمد محمود: اذا هيك اتصل شو ناطر غسان: اي جعفر: لك مدري اول مرة بحس بشعور غريب ماني قدران احكي محمودوغسان : ههههههه جعفر: شبكون كمان غسان: هلق بدينك عنجد عم تحكي محمود: يااا انت هيك عم يصير معك جعفر : تضربو ما اسالكون بدخلة محمد ع القسم وبيدخل لعند جعفر وهو عم يحكي محمد: مرحبا جعفر: الله لا كان جاب الغلا بكير غسان ومحمود ع الخط عم يضحكو محمد: شبك جعفر: يا زلمة وينك طقت روحي لحالي من الصبح محمد: كنت مع لانا جعفر: اي شبك صاير شي محمد: لا بس حكيت معها ع اساس روح اطلبها بعد اسبوعين ما قبلت غسان : ليش لتكون زعلانة او شي محمود: غريب اذا بتحبو بعض ليش لا محمد: اقترحت عليي ننطر كم شهر كرمال وفاة امها ل شوق وكرمال رفيقتها تهدى جعفر: بدك الصراحة معها حق الشباب : اي محمد:بعرف ماني متضايق المهم هي معي ومابدي شي جعفر: صح هالحكي محمد: حكيتو مع معتصم غسان: لسا بس عم نفكر نخف عنو شوي هو هالفترة كتير مضغوط خلينا نتركو يرتاح وبس هو يفضى بيحكي معنا جعفر: صح كلامك محمد: طيب انا طالع ع المكتب منحكي بعدين الكل: ماشي بقضوها الشباب حكي …………… ------------------------- ماسة: يا الله شو كنا حابين نفرح فيكي وب محمد لانا : بتهون حبيبتي هنن كم شهر لتصحى شوق وتبلش تحاول تنسى ماريا: يا عمري عليها والله منظرها ماعم يروح من بالي لانا: ولا انا حتى طيف خالتي ما يفارقني ماسة: يالله دخيلك عنجد الله يهون. عليها الصبايا: امين ماريا: طيب ما بدكون نروح لعندها لانا: مابعرف على ما اعتقد. هي عند معتصم ماسة: بس كيف هيك بدها تروح تستقر ببيت معتصم لانا: والله مابعرف حكيت ل محمد قلي امو لمعتصم بتعرف شو عم تتصرف ماريا:والله هنن الجماعة اصيلين ولو حدا تاني بدل اهل معتصم كان تركو كل شي وما همون لانا: صح هالحكي الله يزيدهم يارب ماسة: امين بس انشالله معتصم وشوق يتفقو. لانو المرة الماضية شفتو كيف هو وياها بضلو نقار ماريا: ما دخل معتصم شب عاقل وناضج وانا واثقة رح يعمل باصلو حتى هو كتير بيخفف عن شوق ورغم كل شي بتسمع منو. مو هيك لانا لانا: مزبوط هيك خبرني محمد ماسة: كلو خيرر دقولها خلونا نحكي معها لانا: خلونا ننطر للمسا منحكي معك معتصم ومنطمن عنها مو حلوة نروح لعندهون من اول يوم ماريا وماسة: صح هالحكي وبضلو قاعدين عم يحكو وهنن مهمومين ع رفيقتهون ……… -------------------- بيوصلو ع البيت وبينزلو من السيارة وام غيث ماسكة شوق ام غيث: يلا بنتي بتبلع غصتها شوق وبتدخل ومعتصم بنزل الشنتاية تبعها وبيدخل وراهون وكل اهل بكونو موجودين من عدا غيث لانو بشغلو راما: اهلا وسهلا حبيبتي لميس: ياعمري اهلين شوق (بصوت يادوب مسموع) :فيكون ام غيث: تفضلي بنتي ارتاحي بيقعد معتصم قبال شوق وبشغل سيكارة وبدخنها ابو غيث: العمر الك يا بنتي والله يرحمها للوالدة ويسكنها فسيح جناتو يارب بتتجمع الدموع بعيونها وبترد بصوت مخنوق شوق: يسلم عمرك امين ابو غيث: متل ما بقولو يا بنتي الحي ابقى من الميت والله برضى عليكي من اليوم ومن هالثانية بتعتبري حالك بنت من بناتي ومتلك متل راما ولميس وشو ما بتحتاجي بتخبرينا شوق: ما بتقصر عمو ومعروفكون وفضلكون معي ما رح انساه ابو غيث: لا تحكي هيك يا بنتي الفضل لالله المهم تكوني مرتاحة شوق: انشالله ام غيث: معتصم: مانك رايح ع المكتب معتصم: لا امي رح ضل بالبيت لانو ماعد محرزة روح ام غيث: طيب حبيبي متل مابدك لميس: ماما نحنا جهزنا كل شي متل ما طلبتي راما: اي مرة عمي وحتى الاكل ع النار شوي ومنطفي تحتو ام غيث: يعطيكون العافية الصبايا: الله يعافيكي ام غيث: بنتي قومي طلعي شوفي غرفتك لميس ساعديها ل شوق وشوفي شو بدها لميس : حاضر ماما، ،،،، تفضلي شوق بتوقف شوق وبتقلون شوق: شكرا لكل يلي عم تعملو معي ام غيث: لا يا بنتي لا تحكي هيك يلا طلعي بدلي تيابك كرمال نتغدى بتهز براسها شوق وبتطلع مع لميس ع الغرفة ………… راما: ياحرام كيف تعبانة والله بتحرق القلب معتصم: غيمة وبتمر انشالله بس اهم شي لا حدا يذكر شي قدامها ام غيث: كلام معتصم مزبوط رح نراعي وضعها هالفترة معليش كتير حساسة وباذن الله غيمة وبتعدي ابوغيث و راما: امين ام غيث: طيب ابني طلاع ارتاح بغرفتك وبدل تيابك لبين ما يكون اخوك وصل معتصم: ماشي بيحمل حالو معتصم وبيطلع لغرفتو وبتقوم ام غيث هي وراما يشوفو الاكل ………… بعد ما دخلو للغرفة عم تساعدها ترتب تيابها لميس: شوق هي لمين بتمسكها شوق وبتقلا وهي مخنوقة وبتتنهد شوق: هي لامي لميس بتقعد جنبها وبتضمها وبتقلا لميس : امانة شوق لا تعملي بحالك هيك الله هيك كتب شوق: الحمدالله ع كل شي لميس: ياعمري انتي صدقيني فترة وبتمر والله ماما بتحبك وبعمرها ما طلبت تجيب حدا لعنا وهي اول مرة بتتدخل بشغل معتصم وحتى الصبح جهزت حالها وهي ملهوفة لتجيبك لعنا شوق: كتر خيرها وخيركون لميس: لا تحكي هيك اعتبرينا اهلك حبيبتي شوق: والله انتو بمقام اهلي لميس: طيب ما بدي كتر حكي عليكي من اول يوم معنا معنا منحكي وبتصيري تعرفينا وانا واثقة رح تحبينا شوق: لا تحكي هيك انا بحبكون والله بوجودكون مارح حس غير اهلي معي لميس : ياعمري يلا هي بجامتك لبسيها وغسلي لننزل ليكني رح انطرك هون شوق: ماشي بتاخد نفس شوق وبتروح تبدل تيابها وتركز امورها ولميس بتلتهي بضب باقي الغراض كان واقف عم يسمعهون وسمع شو حكت بينفخ وبيدخل لغرفتو بيبدل تيابو وبيبلس بجامة وبيقعد معتصم: يالله شو لسا مخبية قعدتك عنا يا شوق والله ماعم اعرف وجهي بشي وجودك وقربك رح يجننوني بيقوم بشغل سيكارة وبيقعد يدخنها بهم ………… بيجي المسا وحل الليل وبلش الظلام يحتل المكان ……… بيوصل غيث وبيدخل غيث: مسا الخير ام غيث: اهلين ابني مسا النور راما: اجيت حبيبي غيث: اي عمري طمنيني كيفك ومعتصم الصغير كيفو راما: ياعمري بيدعي بسلامتك غيث: يخليلي ياكون بضم مرتو بحب ابو غيث: شو قررت تسمو الولد معتصم غيث: اي وللله راما : اي مرة عمي ابو غيث: ليش معتصم غيث: بدي ياه متل عمو شهم وناضج وبكفي انو حليوا ام غيث: هههههه بتعرف حالك زير النساء مو خرج يتشبهلك غيث: آه امي شو لزومو هالحكي معتصم: ولاشي بس الواقع راما: غيث شو هالحكي غيث: لا يعمري لا تردي عليهون هنن عم يفتنو بينا راما: اكيد غيث غيث: اي ولو يا عمري مو هيك ماما ام غيث: اي معتصم: لكن ونحنا منشهد ع هالحكي بتنزل لميس وشوق وبشوفها كيف عم تمشي وشعرها نازل ع ضهرها وجنبها بتوصل لعندهون …… شوق ولميس: مسا الخير الكل: مسا النور ام غيث: تعي حبيبتي قعدي جنبي شوق (بخجل وابتسامة صغيرة من وجعها) :ماشي بتروح بتقعد شوق جنب ام غيث لميس: اي شو هالدلال ست شوق من اول يوم رح نبلش نغار الكل: هههههه ام غيث: انتو صفو ع جنب لا حدا يقربلي ع شوق معتصم: شو ام غيث شايف زتيتنا ام غيث: وحياتكون يا امي كل واحد فيكون اخد شقفة من هالقلب غيث: يخليلنا ياكي ست الكل بس شو منشان اني رح اتوحش جوعان الكل: بيضحكو ع كلام غيث ام غيث: يلا قايمين نحضر الاكل روح غسل وبدل تيابك غيث: طيب ماشي بيروح غيث يبدل تيابو لياكل …… وبقومو يحضرو الاكل شوق: يلا وانا رح ساعدكون ام غيث: لا يعمري مافي داعي شوق: ولو مابصير شو هالحكي ام غيث: اليوم انتي ضيفتنا وارتاحي ومن بكرا بتصيري تساعدينا وبتدخلي قلبنا ع المطبخ تمام شوق: ماشي بقومو الكل وببلشو يحضرو السفرة وقاعدين وشوق ساكتة وصافنة ومعتصم عم يسرق نظرات عليها بخلصو تحضير السفرة ام غيث: يلا قومو يلا بنتي بقومو وبيقعدو الكل ع السفرة وببلشو ياكلو وشوق عم تتصفن بالصحن انتبه عليها معتصم بس ما حكى شي بعد مدة بتقول شوق…… شوق: دايمة ام غيث: وين بنتي لسا ما كملتي اكلك ابو غيث: شو هاد يا بنتي شوق: يسلم ايديكون بس والله شبعت وماعد اقدر غيث: شوق سمعي كلي صحنك انا ما بضمن حالي ليكي عم اكل صحن مرتي وجاي الدور لاخواتي بتبسم شوق وبتقلو شوق: الف صحة ع قلبك بس والله ماعد اقدر معتصم بغمض عيونو لامو بمعنى تتركها ام غيث: طيب متل ما بدك شوق: انا طالعة لغرفتي بعد اذنكون راسي عم يوجعني ام غيث: طيب حبيبتي متل ما بدك شوق: طيب تصبحو ع خير الكل: وانتي بخير بتطلع شوق ع الغرفة ………… لميس: يالله ما اكلت ام غيث: يا حول الله راما: معليش بدها طولة بال ابو غيث: الله يحمل معها لهل بنت الكل: امين معتصم: خلص لا حدا يضغط عليها خلوها براحتها احسن ام غيث: صح كلامك بخلصو اكل وبيشبعو وكل مين تعبان وحمل حالو وطلع ع غرفتو ام غيث: ابني شو ما بدك تنام معتصم: لا امي سهران شوي عندي شغل ام غيث: طيب حبيبي متل ما بدك تصبح ع خير معتصم: وانتي بخير بتطلع ام غيث وبتتركو يشتغل بتروح ع غرفة شوق شوق وهي عم تبكي بتحس ع حدا جاي دغري بتغطي حالها وبتعمل حالها نايمة بتدخل ام غيث لعندها ام غيث: يا عمري انتي بتبوسها وبتغطيها وبتحمل حالها وبتطلع ل تنام ………… بعد ما طلعت بتجلس حالها شوق وبتقول شوق: يارب دخيلك خفف عني يا كريم انت يارب بتمسح عيونها وجها وبتحس حالها عطشانة شوق: رح انزل جيب مي واطلع بتقوم شوق وبتنزل ل تشرب مي عم يطلع ع الساعة والوقت متاخر بمل وبسكر الملف وبيصب كاسة المتة وبيشربها وبقوم يضب الغراض ويحطو العدة بالمطبخ بتنزل ع الدرج ما بتلاقي حدا بالصالون بتتجه ع المطبخ بتحس فيه صوت بتقرب بتلتقي معتصم وبتجي لتفتل وتروح بيستوقفها صوت معتصم معتصم: شو بدك تعالي بتفتل شوق لعندو وبتدخل بخطواط بطيئة وهي عم تفرك عيونها بتعب ونعس شوق: انا انا بصراحة نزلت اشرب مي بيدور لعندها وبيركي ضهر ع المجلة معتصم: (بيرفع حواجبو وبقلا) :روحي شربي مي شوق: ماشي بتروح بتاخد كاسة وبتشرب مي وبتجي لتطلع بقلا معتصم معتصم: ليش ما اكلتي شوق: انا هاد اكلي معتصم: لا تضحكي عليي وع حالك عم بسالك ليش ما اكلتي شوق: ولاشي بس ما اجا ع بالي معتصم: مابصير هيك بتدمري حالك بعدين كيف بدك تركزي بدراستك شوق: انا ماعد بدي كمل الشخص يلي كنت اسعى لصير وكبر حالي منشانو راح معتصم:(بنبرة جدية) :لا هالحكي مو صح ضل لامتحانك وتترفعي للسنة يلي بعدها شهر. رح تدرسي وتنجحي وهالحكي مابدي اسمعو منك شوق: انت شو بدك فيني ما بدي ادرس معتصم بيزورها وبقلها: هالحكي مو عندي شوق وشوبدك فيني ومابدي هاد انتي ما بتحدديه عم تفهمي شوق بتزعل من كلامو وبتهز براسها وبتجي لتطلع معتصم: انا ما خلصت كلامي شوق شوق بتطلع فيه وبتقلو شوق: خلص لا عد تزيدها عليي اذا بتريد خلص رح اعمل متل مابدك وكمل بس تركني بحالي معتصم بيطلع كيف عم تحكي وحس حالو قسي عليها بس هالشي بيعرفو لصالحها بيرن موبايلو وبتكون لانا معتصم: الو لانا: كيفك معتصم معتصم: الحمدالله لانا: معتصم بعد اذنك سمعت انو شوق عندكون معليش تطمني عنها معتصم: الحمدالله ليكها قدامي تحكي معها لانا: والله ياريت معتصم: شوق خدي هي لانا بتاخد شوق وبتحكي مع لانا وهي غاصة لانا: كيفك يا عمري شوق: الحمدالله لانا: طمنيني عنك كيفك كيف صرتي شوق: الحمدالله. لانا: يا روحي انتي شوق: لانا: انا تعبانة وبدي نام معليش نحكي بكرا لانا: اكيد ياعمري بتعطي شوق الموبايل ل معتصم معتصم: لا تروحي استني شوق: ماشي معتصم: اي لانا لانا: معتصم شبها طمني عنها ليش هيك عم تحكي والله شغلت بالي معتصم: ولاشي انشالله خير لانا: معتصم امانة دير بالك عليها والله حالتها صعبة معتصم: بيطلع عليها بعيون عم تلمع وبقلها …… معتصم: لا تشيلي هم بعيوني لانا: طيب ما بدي طول عليك شكرا الك معتصم: ماشي العفو بسكر الخط مع لانا وبحط الموبايل بجيبو وبقلها معتصم: بتعرفي تعملي اكل شوق شوق: مافهمت معتصم: بتعرفي تعملي انا جوعان ساعديني اذا ممكن شوق: ماشي بطلع معتصم الغراض وببلش يعمل صندويش ويغلو شاي وشوق عم تساعدووما عم تحكي بخلصو تحضير شوق: انا طالعة لغرفتي هيك تمام معتصم: خليكي صرلنا ساعة عم نتعب كرمال تقليلي طالعة ع الغرفة مناكل وبتطلعي شوق: ماني جوعانة صحة معتصم: ما بدي اسمع هالحكي شي مرة لا تعاندي شوق بتعرفو بعصب وهي بالنهاي ببيتو بتضل بتروح وبتقعد ومعو…… معتصم: خدي شوق: شكرا ببلش ياكل معتصم ويطلع عليها متل الولاد عم تلعب بالصندويشة وعم تاكل شوي شوي معتصم: شوفي شوق هي مو هيك بتتاكل بتمسكيها بهي الطريقة وبتعملي هيك تمام بتبسم شوق ع حكيو معتصم: انا صرت اكل صندويشة وهي التانية معي وانتي لساتك يلا شوق انا هيك باكل معتصم: عملي متلي وشوفي هيك اطيب يلا نجرب سوا شوق راسمة بسمة خفيفة وملامحها المهمومة ع شفافها وبتمسك الصندويشة وبتاكل ومعتصم بشوفها اكلت بينبسط انها سمعت منو بعد ما خلصو اكل بتقوم شوق بتضب الغراض وبتوقف تجلي بقوم معتصم بوقف وراها لياخد كاسة مي بتحس شوق بكهربة مشت بجسمها من قربو ومعتصم بحس بشعور غريب شوق: بدك شي معتصم: لا بس كنت بدي اخد كاسة المي شوق: اي تفضل انا خلصت معتصم: ماشي يعطيكي العافية شوق: الله يعافيك بياخد المي وبيشرب بتخلص شوق وبتسمح ايديها وقبل ما تطلع بتقلو شوق: شكرا الك ع الاكل معتصم بيبتسم ابتسامة رجولية جذابة وبقلا معتصم: العفو بتطلع شوق لغرفتها ومشاعرها ملخبطة شوق: ياربي دخيلك شو هالانسان ساعة معصب ساعة بيبتسم وحنون رح يجنني هووف معتصم ماعم افهمك ………بتتأفف وبتضل تتقلب لتعب ع الاخير ونامت …………… معتصم: عنجد هالبنت طفلة وحركاتها بريئة بس كلو كفة وعنادها بكفة بس منيح اكلت. الله يمدها بالصبر احسن شي …… بيتنهد وبيحمل حالو وبيطلع بضل يفكر فيها لحتى يغفى وينام ………😴😴😴 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖