الفصل السابع
*❴📖❵↵* *روح.عاشقة.tt* 🥺❤️
*❴🔢❵☟الـــبـــــــــــ❴7️⃣❵ــــــــــــارت☟*
➖➖➖➖➖➖➖➖➖
*
____________
عم تهلوس بنص هالليل وتحلم والعرق عم يتصبب من جبتها ودموعها عم تسيل من عيونها وهي مغمضة وتقول…
شوق: ماما ماما لا كرمال الله حرام بابا تركني ماما
بتحس على حكيها لميس بما انو جنبها بتقوم بتحاول تصحيها
لميس : (بقلق) :شوق شوق قومي حبيبتي شبك قومي
شوق: امي امي امي سجن امي ………
لميس: يالله شو بدي اعمل ما عم تفيق
بتقوم لميس وبتترك شوق عم تهلوس ويزداد تصبب العرق منها والدموع نازلة وبتروح ركض بتتدخل ع غرفة معتصم لتفيقو
لميس :اخي اخي
معتصم ما حس عليها
لميس : ياربي شو بدي اعمل لازم فيقو
بتقرب لعند اخوها وبتنكشو بيرفع راسو بس يشوف لميس بالغرفة
معتصم:(بقلق) شوفي احكي شو
لميس: اخي، ،،،اخي
معتصم: شبك احكي
لميس: اخي شوق مابعرف شبها عم تهلوس وحالتها حالة
معتصم: شو هالحكي وبقوم دغري وبيروح ع غرفة اختو وبدون ما يلبس كنزتو وعضلاتو المفتولة والبارزة كلها مبينة
بيدخل وهو ملهوف ع الغرفة وبشوفها بطير عقلو من مكانو بقرب لعندها وبحاول يصحيها
معتصم: بقلق والعقدة بين حواجبو: شبك شوق قومي يا شوق
شوق بتصيبها بردية وبتصير ترجف ولساها ع وضعها
بتجي ام غيث بتكون لميس فيقتها
ام غيث : خير شبها البنت ولي ع طولي
معتصم (مخطوف لونو من القلق عليها وكتير معصب) : امي ليكي شو بدنا نعمل
ام غيث: بسرعة شيلها وخدها ع الحمام خلينا نفتح المي عليها لتصحى وتروح هالبردية منها
معتصم: يلا
بشيل الغطى عنها وبشيلها بين ايديه وهي لسا عم تهلوس ونفسها ودموعها عم ينزلو ع صدرو وحس بكهربة بجسمو لما حملها
ام غيث : يلا شو ناطر روح
معتصم: يلا
لميس: امي معتصم بلا كنزة
ام غيث: بعرف انتبهت روحي جيبلو كنزة
لميس: يلا وانتي اهتمي بالباقي
ام غيث: يلا
بتروح لتجيبلو كنزة وام غيث بتساعد معتصم
ام غيث: يلا ركيها هون بسرعة
معتصم: هيك تمام
ام غيث: اي خليك ماسكها لافتح المي
معتصم: اي
بيمسك معتصم شوق بين ايديه وبيسندها وبتفتح المي عليها بتفتح شوق دغري وبتشهق …
شوق: (بتطلع منها قشعريات متتالية) :هه هه برد برد طلعني
معتصم: اهدي شوق
شوق بتصير تبكي وهو ماسكها
شوق: بددي امي بد د ي ام امي
معتصم: شوق: اصحي ع حالك بقى
بتفتح عيونها والمي عم تنزل عليها ومعتصم تبلل لانو ماسكها
ام غيث : صحيتي بنتي
شوق: هف هف هف طلعوني (ودموعها عن تنزل)
معتصم ماسكها وهي ماسكة فيه بينزل ايدو لخصرها وايدها ع كتفو عم تتسند لتطلع بيساعدها معتصم لتطلع
ام غيث دغري بعد ماتبللت تيابها بتحط البرنص عليها وهي عم ترجف
ام غيث : ساعدني ابني
بيساعدها معتصم وبلبسها البرنص وحالتها كلها مي وهي مو حاسة ع حالها وماسكة معتصم بكل قوتها
بتجي لميس وجايبة الكنزة
لميس: خود اخي لبسها
معتصم: بياخد الكنزة منها وبيقعد شوق الصوفاية وامو بتقعد جنبها
بيبلس كنزتو بلمح البصر
وهي صارت ترجف
شوق: (بعيون عم تدمع) : خالتي انا اسفة والله ماني حاسة ع حالي
ام غيث بتزعل عليها وكل هالتعلق الكبير بأمها هيك عم يعمل فيها
ام غيث: (بحنية) :لا ياعمري لا تحكي هيك مقدرة وضعك
بتنزل راسها وهي عم تبكي
لميس.:اهدي حبيبتي اهدي
معتصم وشعرو مبلل نازلو خصل ع وجهو ولابس كنزتو وحالتو حالة وملامحو يلي تعبت مي
ام غيث: ابني روح بدل تيابك لتمرض
معتصم بيفهم عليهون لتبدل تيابها
بيطلع من الغرفة وببدل تيابو ……
ام غيث: يلا حبيبتي قومي بدلي تيابك
شوق: بتهز براسها بمعنى اي
بتقوم ولميس بتساعدها بتبدل تيابها وبتبلس بجامة تانية وشعرها كلو مي صار
شوق: بتنحني لعند ام غيث وبتقلا
شوق: الله يوفقك يا خالتي خليني روح لعند امي والله امي ما بتتحمل امي مريضة ومعها ربو وخايفة عليها
ام غيث: يا قلبي عليكي والله لابعتك بس اجليها ليطلع الضو ع القليلة هلق ممنوع واذا رحتي ما رح تستفادي شي
بتنزل راسها بيأس ودموعها غطت وجها
ام غيث بترأف فيها وبتحاول تعطيها حنية لتهدى وترتاح
ام غيث : اعتبريني امك واسمعي مني ولو امك بتعرف انك هيك عم تعملي صدقيني بتزعل
شوق: ……………………
ام غيث: شو رايك تنامي وترتاحي والصبح بتروحي بياخدك معتصم
شوق: (بتنزل راسها وبترضخ للامر الواقع) :ماشي
ام غيث: شو رايك تنامي وانا رح ضل حدك لتغفي
شوق: متل مابدك
بتقوم شوق ولميس بتساعدها وبتغطيها وبتقعد ام غيث جنبها وبتصير تلمسلها وشوق بتحس بدفها وبتبلش تغفى وام غيث قاعدة جنبها
بيخلص معتصم وبيرجع لعند امو ليشوف شو صار معهون
بيدق الباب بتفتحلو لميس
معتصم: شو شو صار
لميس: هسس
معتصم بيرفع حاجب وبنزل التاني
معتصم: شبك
بتمسك ايدو لميس وبيدخل بلاقي امي قاعدة جنبها وهي غفيانة
بيطلع فيها بتحز بنفسو وبيحزن عليها كيف تعبانة …
بتقوم امو من جنبها بعد ما تتاكد انها غفيت
وبيصيرو بحكو بصوت خافت …
معتصم: شو راحت البردية
ام غيث: اي ليكها متغطية ونامت
لميس: ياقلبي عليها والله ما بتستاهل يلي عم يصير معها
ام غيث: بعين الله
معتصم: يلا خير ع كل حال اختي انا طالع والصباح رباح ديري بالك
ام غيث: شبك مو ع بعضك
معتصم (بينتفض وبيحكي هيك بتردد وخربطة) :لك الواحد شو يحكي هي بالاسم كبيرة والله رح جن عم بتضل ابكي
ام غيث: اهدى ابني يعني امها المخلوقة اجباري هالشي
بيتأفف وبيتطلع عليها
لميس: اول مرة بشوفك هيك متدايق ع حدا
بيتطلع عليها معتصم وبيطلع بدون ما يجاوب
ام غيث: الله يهدي بالو يارب
لميس: امين
ام غيث: انا رايحة ارتاح وانتي ارتاحي
لميس: ماشي
بتطلع ام غيث من عند لميس وبتروح ترتاح وبتحط راسها وبتنام…
بعد ما رجع لغرفتو وعم يفكر فيها بيقعد بشغل سيكارة وعم يدخنها
معتصم: مستحيل شكلها اول مرة بصير معي هيك قربها مني نفسها شعرها المبلول حكيها بكاها كل شي فيها عم يحركني هفففف احسن شي ضل بعيد عنها………
بعد ما التفكير جابو واخدو وهلكو ضل صحيان للصبح والنوم جافاه ……………
بيصحو تاني يوم الصبح وبكونو قاعدين
ابو غيث: صباح الخير
الكل: صباح النور
ابو غيث: شو كيف صارت البنت
ام غيث: والله يا حرام تعبانة نفسيتها وبالليل تعبت وضلينا عندها لرتاحت
ابو غيث: يلاخير
غيث: الله يكون بعونها
راما: اي والله
بينزل معتصم وغراضو معو بيقعد
معتصم: صباح الخير
الكل: صباح النور
ام غيث: شو شكلك مو نايم
معتصم: لا ماعد اجاني نوم وضليت قاعد
ام غيث: اي
معتصم: شو ما فاقت
ام غيث: معليش خطي خليها نايمة شوي مبارح تعبت لغفيت
معتصم: امم بشغل سيكارة وعم يشرب قهوتو بيفتح موبايلو وبيتصل ب محمد
محمد: شو شايفني ب منامك
معتصم: لا ولله بس دقيت ل شوف اطمن ع امها
محمد: ما بعرف جعفر يلي كان عندهون بالقسم
معتصم: يلا ع خير
بيدخل جعفر ع مكتب محمد
جعفر: صباحو حمود
محمد: اهلين وهي جعفر اجا
معتصم: فتاح سبيكر
محمد: يلا
معتصم: كيفك جعفر
جعفر: منيح
معتصم: ع حد علمك طلعت النتيجة
جعفر: لسا بدها شي ساعة كنت جاي خبر محمد ليقلك
معتصم: طيب ماشي لكن بشوفكون بس اجي
محمد وجعفر: ماشي
بسكر الخط مع الشباب وبيقعد بتكون شوق فاقت غسلت وزبطت امورها ونزلت هي ولميس من الغرفة
عم يطلع عليها كيف عيونها حمر من اثر البكي تبع مبارح والتعب مبين عليها
بتوصل لعندهون وبتقلون
شوق: صباح الخير بترمق بنظرها ع معتصم لمحة
الكل: صباح النور
ام غيث: تعالي حبيبتي قعدي جنبي
شوق بتهز براسها بمعنى اي وام غيث بتعبي فنجان قهوة وبتعطيها ياه وبتعطي واحد ل لميس
ابو غيث: انشالله ارتحتي عمو
شوق: (بصوت متقطع) :اي الحمدالله عمو
ام غيث: حبيبتي بدي اسالك
شوق: تفضلي خالة
ام غيث: يزيدك فضلك هلق انتو مالكون حدا هون
شوق بترفع نظرها وبغصة بترد عليها: لا كان النا بس ابي الله يرحمو
ام غيث: تعيشي
شوق: اهلو برا من زمان كتير ومابعرفهون زيادة واهل امي من فترة باعو وسافرو بس نحنا هون لحالنا
ام غيث: اممم يلا خير انشاللله
بتحط الفنجان شوق من ايديها بتقول
شوق: انا اسفة وبتشكركون لانو اهتميتو فيني بس صار. الوقت لامشي (وبتوجه نظرها ل معتصم وبتقول)
شوق: اذا ماعندك مانع خذني لعند امي بدي اطمن عليها
ام غيث: شو هالحكي يا بنتي والله حبيناكي من كل قلبنا بعدين طولي بالك بتفطري وبتروحي
معتصم عم يراقب حركاتها وحكيها بصمت
شوق (وشفافها عم ترتجف) :شكرا الك خالتي والله انتو متل اهلي واعز ما قصرتو وهاد ما بنسالكون ياه بس لازم روح
ابو غيث :شو هالحكي يا بنتي منزعل منك
بتبسم لكلام ابو غيث
راما: لميس ساعديني نحضر الفطور وبعدها بتروحو
شوق: يسلم ايديكي حبيبتي معليش غير مرة بدي اطمن ع امي قلبي متل النار عليها
معتصم (بيرفع حاجب وبنزل التاني) :خلص منروح ماضل معنا وقت هلق منفطر ع طريقنا
ام غيث: مابعرف شو بدي قلك يلا روحو وشو بصير معكون طمنوني
معتصم: طيب يلا طالع جهز حالي وجاي انطريني
شوق: ماشي
بيطلع معتصم بيجهز حالو وهي قاعدة عم تنطرو
------------------------
لانا: ولاشي والله بدي احكي مع شوق كرمال روح معها ع القسم
محمد: لا لا تجي ع القسم
لانا: مافيني شوق لحالها بدي اطمن عليهاا والصبايا عم يدقولي ليطمنو عليها لانو جوالها مسكر من مبارح
محمد: خلص انا بخبرك عنها كل شي انتي بلا ما تجي
لانا: يعني شو مشكلتك اذا اجيت بدي وقف جنبها
محمد (بعصب وبيقلا) :يعني انتي شبك القسم مليان عناصر وين جاي بدك تفوتي بينهون مجنونة شي
لانا: لا بس انو مابدي اتركها لحالها
محمد: حبيبتي بلا فوتك سمعي مني وصدقيني انا بطمنك كل شي اول باول
بتتفاجأ لما سمعت حبيبتي منو وهو حس ع حالو شو حكى بيتدارك الموقف
محمد: طيب سكري هلق عندي شغل بحكي وبطمنك عنها
لانا: ماشي
بتسكر الخط معو وهي لسا الكلمة عم تتردد باذنها
محمد : انا شو خبصت للحظة كنت خربت الدنيا بس حاج ما رح ضل انطر اكتر لازم احكي معها بوقت نزلتي
بتتصل ماريا ب لانا وماسة بتكون عندها
لانا: اي ميمي
ماريا: شو طمنيني والله بالي عندها
بيطلع صوت ماسة من الموبايل
ماسة: اي امانة والله مشغول بالنا
لانا: هلق حكيت مع محمد وقلي بس يخلصو بيدقلي وبطمني عنها ماسة شوفي جعفر بلكي يخبرنا شي
ماريا: يالله يارب يا خير
ماسة: امين والله جعفر كل مابايلو ما بيرد عليه ع طول منتخانق كرمال هيك
لانا: امم يلا خير انشالله ،،،،
ماريا: تعالي لعنا قاعدين وبس يدقلك محمد منكون سوا ومنطلع سوا من عندي
لانا: يلا ماشي جاي
بتسكر الخط معهون وبتحمل حالها بتجهز حالها وبتروح لعندهون………
------------------
المعلم قاعد وعم يشرب وحالتو حالة
مجهول: معلم حاج تشرب ليك حالتك كيف صارت
معلم: (بتثاقل) :انت ما دخلك
وبيقلعو لبرا وبيمسك الكاسة وبيخبطها بالحيط بتنكسر 100شقفة بالارض
المعلم: انا هيك يصير فيني هههههه انا بفرجيكي والله لجيب طريقة واتخلص منكون
وبصير يعيط ويوقع من كتر ما شرب وانتقامو عمى على عينو ...............
___________
بخلص معتصم وبكون لابس ومجهز حالو وريحة عطرو بتشرح القلب وبتشمها شوق وبتتغلغل بأنفاسها
معتصم: جاهزة
شوق عم تطلع عليه ونسيت حالها
معتصم انتبه عليها وبيدارك الموقف وبهزها من كتفها
معتصم: شو وينك
شوق: ها، ، لا ولاشي يلا جاهزة
معتصم: يلا نمشي، ،،، ماما نحنا رايحين
ام غيث: الله معكون ديرو بالكون
معتصم: ماشي
بتروح شوق بتضم ام غيث
شوق: شكرا لالك ع كل شي عملتيه معي
ام غيث: يا عمري ما احنك العفو ولو متل متل بنتي لميس
بتبسملها شوق وبتتركها وبتطلع مع معتصم لبرا
ام غيث: الله يبعت ل معتصم هيك بنت والله انها بتثقل بالدهب
لميس: فعلا ماما كلامك مزبوط شوق انسانة بتجنن الجامعة كلها مطبولة فيها
ابو غيث: الله يحميها يارب
غيث: يلا تعالو جعت والله باكل وبروح
ابو غيث: ههه امشو يلا تضل بلا ما يتوحش
الكل: ههههه
بيروحو بياكلو وكل مين بيلتفت لشغلو
بعد ما طلع من البيت هو وشوق بيطلعو بالسيارة وهنن ع الطريق ومعتصم منتبه عليها انها ع اعصابها
معتصم: فيكي تبقي بالسيارة اذا ما بدك تدخلي للقسم
شوق: لا بنزل
معتصم: متل ما بدك رح وقف جيب صندويش ناكل
شوق: يسلمو كول انت انا مالي نفس
معتصم: لازم تاكلي الك من مبارح بلا اكل معليش طيعيني هالمرة وبلا عناد
شوق (تعبت قد ما جادلت وبتعرفو عنيد ورح ينفذ يلي براسو وبتقلو ……)
شوق : ماشي
بيوقف معتصم السيارة وبينزل يجيب فطاير معجنات وعصير طبيعي
شوق: يالله كل شي بكفة وهو بكفة رح يجنني رغم يلي صار معي مبارح الا نفسو ولمسة ايدو ما عم بقدر انساها يارب شو هالشعور
بتتنهد وبتقعد تنطر ………
بيرجع معتصم بعد مدة وجايب معو الاكل بيطلع بالسيارة وبيقعد وبيعطيها الاكل
معتصم: يلا خلينا ناكل سخنين وشربي العصير منيح الك
شوق: (بتبسملو ابتسامة ناعمة) :ماشي شكرا الك
معتصم: صحة
شوق ع قلبك
بيكمل معتصم طريقو وانبسط انها سمعت كلمتو بدون خناق وعم تاكل وكمل طريقو للقسم وهنن عم ياكلو
بعد مدة بيوصلو للقسم …………
معتصم: هي وصلنا
شوق بتتنهد: يلا ننزل
معتصم: يلا بس خليكي هادي
شوق : انشالله
بينزل معتصم من السيارة وبيدخل وشوق معو داخلة
معتصم: مرحبا حضرة الضابط
الضابط: اهلين حضوتك المحامي
معتصم: انا بذاتو
الضابط: مين يلي معك (عم يطلع ع شوق نظرات تفحص)
معتصم بشد ع قبضة ايدو وبقلو
معتصم: بنت المدام نارين الست الكبيرة
الضابط: اي يا اهلا وسهلا تفضلو ارتاحو
شوق بتقرب وراه معتصم بحركة عفوية وبتشدو من جاكيتو بيلف بوجهو لعندها
معتصم: شو
شوق (بعيون دامعة) :بدي شوفها امانة يلا
معتصم: بهزلها براسو بمعنى اي
وبتضل شوق واقفة وراه لانو ما ارتاحت لنظرة الضابط
معتصم: بعد اذنك حضرة الضابط ما بدنا نضيع الوقت بدي نتيجة العينة
الضابط: ليش مستعجلين تفضل ارتاح لنشرب شي
معتصم: (بجدية ):نحنا موجايين نشرب اذا بتريد خلينا بموضوعنا
الضابط : بهز براسو وبقلو: متل ما بدك
واقف معتصم وشوق واقفة جنبو
الضابط: يا ابني
العنصر: نعم سيدي
الضابط :جيب الست من المنفردة ونتيجة العينة
العنصر: امرك سيدي
بيروح يجيب امها والنتيجة
بعد لحظات بتدخل امها ل شوق وهي تعبانة لانها مريضة ربوو وربو يلي عندها حاد وبيدخل معو الظرف يلي فيو العينة
العنصر: سيدي هي متل ما طلبت
الضابط: هات لنشوف وشوق اول نا تشوف امها بتركض لعندها بتضمها وبتصير تبكي عليها
شوق: يا عمري يا ماما انتي منيحة
ام شوق: يا دوبها ماسكة حالها وبتثاقل: اي بنتي طمنيني عنك حبيبتي
شوق (ببكي):يا ماما يا عمري
بتبوسها وبتضمها ومعتصم اتقطع قلبو ع منظرهون يوم واحد وهيك عمل فيهون
بتقعد شوق وبتخلي امها ترتاح معها وبتضل ضاممتها
معتصم: شو حضرة الضابط شو نتيحة العينة
ع اعصابها عم تطلع شوق ع الظرف
بيفتح الظرف الضابط وبيقرا الموجود فيها وبقلو
الضابط: للاسف الكياس يلي كانو بالبيت هنن كياس ملح ومافيهون شي ممنوعات
بيرتاح قلبها بعد ما سمعت انو امها بريئة وبينزلو دموعها وبتبوس امها
شوق: الف الحمدالله يارب الف الحمدالله
معتصم: معناها تاني مرة حضرة الضابط انتبو منيح مو كل مين خبركون معناها صادق اتاكدو
الضابط: لا تواخذينا يا خالة ع الغلط يلي صار نحنا منعتذر منك ومن الانسة وحضرة المحامي
معتصم بس بدو يطلع من القسم
معتصم: بعد اذنك خلينا نمشي بالاجرااءات ونمشي
الضابط: متل ما بدك
بيمشي معتصم اخلااء السبيل تبع ام شوق وبياخدهون وبيطلع اتجاه السيارة
ام شوق (بتعب) :الله يوفقك يا ابني ويسعدك يارب
معتصم: لا تحكي هيك خالتي واجبي
شوق بتطلع فيه نظرات غريبة معتصم ماكان يفهمها
بيجو محمد وجعفر ع القسم وبشوفوهون برا
جعفر ومحمد: مرحبا
الكل: اهلين
محمد وجعفر: الحمدالله ع سلامتك
ام شوق: الله يسلمكون
معتصم: خالتي هدول رفقاتي وهالقسم تابع للفرع تبعهون
ام شوق: الله يخليكون لشبابكون يارب
الكل: الله يسلمك
شوق: شكرا الك معتصم عذبناك معنا
معتصم:(بيبتسملا ):ولا يهمكك العفو
شوق: يلا بالاذن منكون
معتصم: طلعو بالسيارة انا طالع. ع مكتبي بوصلكون بطريقي
شوق: مابدنا نغلبك
معتصم: معليش طلعو بطمن عليكون
شوق بتشوف امها تعبانة ما بتجادل وبتحمل حالها وبتطلع هي وامها ……
جعفر: اليوم نازلين لا تتاخر بالمكتب مجتمعين ببيت محمود
معتصم: ماشي
محمد: يلا سلام
معتصم: الله معكون
بيطلع معتصم بالسيارة وبسوق فيهون اتجاه البيت……………
------------------------
بيحمل تلفونو محمد وبيتصل ب لانا
لانا: اي محمد
محمد: كيفك
لانا: منيحة شو طمني
محمد: مشي الحال وطلعت امها ومعتصم راح يوصلهون ع البيت
لانا: ييي الف الحمدالله يا ربي انو طلعت
محمد: انشالله ع طول بشوفك مبسوطة
لانا (بخجل) :شكرا
محمد: وين انتي
لانا: عند الصبايا
محمد: ليكي انا اليوم نازل بدي شوفك ضروري
لانا: خير في شي
محمد: لا تشغلي بالك المسا جهزي حالك جاي اخدك
لانا: ماشي انا هلق طالعة ع بيت شوق مع الصبايا بس يروحو الصبايا بدقلك
محمد: ماشي
لانا: يلا بدك شي
محمد : الله معك
لانا: باي
بيسكر الخط معها وبكمل شغلو
ماريا: شو هي بس يروحو الصبايا بدقلك
ماسة: له له من ايمت
لانا: بلا غلاظة معليش هيك احسن
ماريا: ليش وين بدكون تروحو
لانا: مابعرف ماقلي
ماسة: اي انشالله
لانا: انشالله قومو نطلع لعند شوق نطمن عليها وع امها
ماريا: يلا
ماسة: بس مو حلوة دغري نروح
لانا: معليش لبين ما تجهز حالها ماريا بدها ساعة
ماسة: ههه قولتك
ماريا: يلا قايمة جهز حالي
بتقوم ماريا تجهز حالها كرمال يطلعو لعند شوق ع البيت ……
___________
بتتصل ام غيث ع معتصم
ام غيث: كيفك ابني
معتصم: تمام
ام غيث: طمني
معتصم: الحمدالله ليكهون معي بالسيارة
ام غيث : اي الف الحمدالله سلم عليهون
معتصم: بيوصل امي هلق مشغول منحكي بوقت تاني
ام غيث: ماشي ابني
بتسكر الخط معو
لميس: شو
ام غيث: الحمدالله طلعت ورجعت معها
راما وابو غيث: اي الحمدالله
ام غيث: اي والله
بيوصل معتصم ع مكان بيتهون
معتصم: وهي وصلنا
ام شوق: يسلم ايديك يا ابني ويحميك لشبابك يارب
معتصم: الله يسلمك خالتي ويديمك واي شي بتحتاجو ليكني موجود
ام شوق: كفيت ووفيت يا ابني شكرا الك
معتصم:(بكل رجولية وهيبة) : العفو خالتي واجبي
شوق بابتسامة ناعمة وبتقلو
شوق: بتشكرك معتصم وسلملي ع خالتي ولميس والعيلة
معتصم ببادلها.بملامح جذابة وابتسامة بتخخطف قلبها ل شوق
معتصم : ولو بيوصل
شوق بتنزل ويتدخل هي وامها ع البيت وبروح معتصم بصف سيارتو وبيدخل ل مكتبو
شوق: تفضلي ماما فوتي ع مهلك
ام شوق (بتحس بتعب بس بتكابر ع حالها كرمال بنتها وبتخفي تعبها) يلا حبيبتي
شوق: ارتاحي امي رح اعملك شي تاكليه ولبين ما ترتاحي كرمال تتحمي
ام شوق: ماشي حبيبتي
بتروح شوق بتحضر الاكل وامها بتتسطح وبترتاح وحاسة بجسمها ونفسها المخربط
بيدخل ع مكتبو وهو ملامحو جدية
معتصم: مرحبا حسنة
حسنة بتكون قاعدة ورافعة رجليها ع الطاولة وحاطة اغاني
بيعصب لما يشوف منظرها وبيصرخ صوت فيها
معتصم (بعصبية) :حسسسسنة
بتوقف حسنة وهي خايفة منو بعد ما صرخ عليها
معتصم بقرب وبقلها: شو قلة هالذوق هي لك كم مرة صرت منبهك هالحركات السخيفة بلاها اه احكي
حسنة: ا ا اسفة استاذ
معتصم: هي الشاطرة فيه سمعي هالكلمتين حملي حالك وضبي غراضك برا المكتب اتعاطفت معك كتير وعطيتك وجه زيادة وكرمال ابوكي انا بتكفل بعلاجو وكل شهر بيوصلك مصاري تعيشي انتي وابوك
حسنة: استاذ الله يخليك ماعد عيدها
معتصم: حكيت يلي عندي
بيفتل وبيدخل ع المكتب وحسنة بتضب غراضها وبتعمل متل ما قلها
معتصم بيفتح الملفات وببلش شغل بالقضايا يلي عندو ………
لحظات وبيندق الباب تبع بيتهون
بتروح شوق تفتح الباب
بتفتحو
شوق: ها هي انتو
لانا: شو ما بدك تفوتينا
شوق:(بحنية) :ياعمري انتو فوتو
بيدخلو بعد ما سلمو عليها وبسلمو ع امها وبيطمنو عليها وبيقعدو
شوق: صبايا الاكل جاهز رح نحط وناكل كلنا
لانا: مابقول لا
ماريا وماسة: ونحنا كمان
شوق:: هههه يلا وحدة تجي تساعدني
ماريا: انا جاي معك
شوق: ماشي
بيدخلو بيحطو الاكل وببلشو ياكلو
ام شوق عم تتعب تدريجيا
ام شوق: بنتي انا رح اتتحمم وارتاح خدي راحتك مع الصبايا
شوق: امي خليني اطللع ساعدك
ام شوق: مافي داعي امي ،،،، بالاذن صبايا
بتحمل حالها ام شوق وبتفوت بتتحمم وبتغسل حالها وبتبدل تيابها وبتكتب ورقة وبتحطها تحت المخدة وبتاخد دواها وبتغفى ………
ماريا: اي وهي خلصنا اكل وجلي
شوق: يعطيكي العافية حبيبتي يلا سبقيني رح جيب شي نشربو
ماريا: ماشي
بتطلع ماريا وبتلحقها شوق بيقعدو حوالين بعض
لانا: اي شوق كيف كان نومتك انشالله ما اتخانقتي مع معتصم
شوق : انو يعني
ماريا: شبك
شوق: ولاشي خلص شيلونا من السيرة
ماسة: لا هيك وضعك مو زابط احكي شو صاير معك
شوق: بصراحة صبايا
الكل: اي
شوق: مابعرف انا شو عم يصير كل مرة بكون قريبة منو فيها برتاح بحس بالامان معو مابعرف هو بحسو قاسي وحنون طيب ولئيم اطباعو غريبة ماعم افهمها
لانا: شوفيها لو بتحكيلو هالحكي
شوق: لا مستحيل ولا يمكن شو بدي قلو مثلا
ماسة: سمعي انا برأي تفكري بحقيقة مشاعرك تجاهو لانو لو فعلا ما في بقلبك مشاعر ماكنتي حسيتي كل هالاحساس
الصبايا: مزبوط كلام ماسة
شوق: مابعرف انشالله
لانا: انا حكيت مع الصبايا والشباب يلي بالمحل تبعك وحطيت ابن جيرانا بدو شغل هو انا اسفة حطيتو بالمحل بدون اذنك بس كرمال يمشي الشغل وابن جيرانا شب محترم وامين
شوق: ولا يهمك حبيبتي عملتي زينة العقل لانو فعلا ماعد لحقت وكتير انضغطت هالفترة
لانا: ولا يهمك غيمة وبتمر
شوق: انشالله
ماريا: ايمت رح ترجعي تداومي بالجامعة
شوق: انشالله اول الاسبوع الجاي
الصبايا : يلا ع خير
بيرن محمد ع لانا
لانا: صبايا هاد محمد
شوق: اي ردي
لانا: يلا
بتفتح الخط لانا وبترد ع محمد
لانا: االو
محمد: كيفك
لانا: تمام وانت
محمد: منيح جاهزة
لانا: يلا تعال لانو مافيني اتاخر
محمد: ماشي مسافة الطريق
لانا: اي ماشي
بسكر الخط مع لانا وبيقوم ليمشي بيدخل جعفر لعندو
جعفر: شو وين طالع
محمد: رايح مشوار واخد لانا معي
جعفر: اي روووح من ايمت
محمد: ههه من هلق خلص قررت صارحها
جعفر : عنجد عم تحكي
محمد: اي
جعفر: طيب لكن موفقة الله يختارلك الخير
محمد: الله يسلمك ع قبال ما تحب وتنحب
جعفر: هههه انشالله انا رايح لعند الشباب
محمد: ماشي
بيطلع كل من جعفر ومحمد وكل مين اخد اتجاهو
شوق: شو بتتوقعي بدو
لانا: بصراحة مابعرف
ماسة: يلا عادي هلق بتروح بدك ننطرك كرمال ترجعي معنا
لانا: لك انا هلق رح روح معو والصبح بدقلكون منحكي فيديو وبخبركون بيلي صار
ماريا: انشالله
مافي لحظات وبيرنلها تطلع
لانا: يلا انا طالعة
شوق والصبايا: ماشي موفقة
بتطلع لانا وبيسكرو وراها الباب
شوق: يلا خير
الصبايا اي والله
ماريا: ونحنا بدنا نمشي المهم اطمنا ع امك والحمدالله هي بخير مابدنا نتاخر ع البيت
ماسة: اي والله
عم يطلعو من الشباك لتطلع لانا مع محمد كرمال يروحو لبيوتهون ……
بعد ما طلعت لانا لعند محمد
لانا: مرحبا
محمد: اهلين (بابتسامة)
لانا: كيفك
محمد: تمام يلا طلعي
لانا: بس لوين اخدنيي
محمد: لا تخافي مني طلعي رايحين نشرب شي ونحكي
لانا: طيب ماشي
بتطلع لانا مع محمد وبيروحو ………وبعد ما اتاكدو الصبايا انها راحت ودعو شوق وراحو لبيوتهون ……
شوق: احسن شي ضب البيت واقعد اقرالي شي كتاب
بتدخل تضب البيت وترتبو وتقعد تقرأ كتاب
…………………………………
خلص شغلو وهو راسو انضغط ولسا معصب من يلي عملتو حسنة بياخد غراضو وبيروح لعند الشباب وهو رايح يركب سيارتو بيلمح شوق قاعدة ع البلكون تبع الحديقة تبع بيتهون بيطلع فيها وبيصفن فيها من بعيد
معتصم (بيتنهد): اخ شو عم يصير معو ماعد بدي فكر فيكي
بيكمل طريقو وبياخد سيارتو وبيتصل ب محمود ……
معتصم: الو
محمود: اي معتصم
معتصم: شو اجو الشباب
محمود :اي بس محمد لا
معتصم: خير ليكون صاير معو
محمود: لا ابدا بس قرر يحكي مع لانا وراح معها
معتصم: امم
محمود: شو انت مانك جاي
معتصم: يلا مسافة الطريق وبكون عندك
محمود: ماشي
بسكر وبكمل طريقو وهو عم يفكر ب شوق كيف قاعدة ع البلكون وشعراها نازل وبكمل طريقو لعندون………………
_______
بيوقف ب سيارتو وبينزل بجيب اتنين قهوة وبيعطيها
لانا: يسلمو
محمد: اهلين
قاعد بالسيارة معها وساكت
لانا: محمد معليش تخبرني شو المووضوع يلي جبتني لهون منشانو
محمد: مستعجلة
لانا: مو قصة هيك بس بدي اعرف
محمد: هاد يا ستي انا عشقان
لانا:(حست حالها اختنقت من الشي يلي عم يحكيه) : عنجد اي منيح بس ليش عم تخبرني
محمد: بدي اخد رايك كيف ممكن قلها اني بحبا
لانا: عادي روح لعندها اذا كنت متاكد من مشاعرك تجاها
محمد: هو انا متاكد بس ما بعرف شو ممكن يكون رايها فيني خلينا نفترض لو انتي مكانها شو رايك فيني
لانا: انو اي انت شب مو ناقصك شي والف بنت بتتمناك
محمد: اممم
بقرب وبياخد الكاسة من ايديها وبقرب وجها من وجهو وبقلا لانا بيتخربط كيانها من حركتو
محمد: لانا انا بحبك بحبك انا الي شهور وراكي ماخليت وسيلة اوصلك فيها بالزور لقدرت يا بنت انا بموت عليكي
لانا اتفاجئت منو ومن كلامو
محمد: ردي قليلي انتي بتحبيني متل ما بحبك
لانا: انا، ،،انا
محمد : احكي
لانا: بصراحة من لما اتعرفت عليك وكل مرة بحاول كذب حقيقة مشاعري تجاهك بس اليوم بدي قلك وانا بحبك بتخجل وبتنزل راسها
محمد بيطلع عليها بكل حب وبقرب منها اكتر وشوي شوي بيطبع بوسة خفيفة ع شفافها ولانا حست الكون كلو مو واسعها
بيبعد عنها وهو عم يطلع عليها بكل حب
محمد: انا بوعدك لانا ما خيب ظنك فيني
لانا وخدودها حمر من يلي صار وبتقلو…
لانا: محمد رجااء لاعد تقرب مني ما بصير نحنا مافي بينا شي رسمي لتقرب مني
محمد: انا اسف بس ما عرفت لاقي طريقة عبرلك فيها بوعدك الاسبوع الجاي رح خبر اهلي وهيك مابيبقالك حجة اذا قربت منك وبيغمزها 😉
لانا: ههههه بهالسرعة
محمد: اي ليش عندك اي اعتراض
لانا:بالعكس. معناها بس. بدك تجي خبرني لقول لاهلي( بخجل)
محمد: هههه اي يؤبرني الخجلان
لانا: خلص محمد يلا وصلني ع البيت
محمد: خلينا شوي والله مشتهي من زمان قضي الوقت معك
لانا: انا لو عليي ما بتركك وبمشي بس اهلي اذا بدون ياك ببطلو وبقعدوني بالبيت
محمد: هههه لا دخيلك يلا بوصلك امري لالله الايام جاي
لانا : هههه هيك قولتك
محمد : اي
بيشغل السيارة بعد ما اعترفلها وهنن الاتنين فرحتهون مو وسعانتهون وبيروح يوصلها. ع البيت. وبكمل ع بيتو وبينسى الدنيا بما فيها
_________
بعد ما وصل لعند الشباب بيجي اتصال من غيث
معتصم: اي اخي
غيث: تعال كرمال الله بدنا ناكل امك عاملة اضراب علينا قال لتجي
معتصم: اخي انا رايح لعند رفقاتي
غيث: خود خبرها خلينا ناكل
ام غيث: اي شو وينك
معتصم: امي ليش هيك عم تعملي
ام غيث: انا عاملة محشي وانت بتحب الاكلة وما رح خليون ياكلو لتجي تاكل الك فترة تعبان وانا عاملة هالاكلة منشانك
معتصم : هههه يخليلي ياكي طيب ورفقاتي
ام غيث: دبر حالك
معتصم: يلا حطي اكل جاي
ام غيث :اكيد
معتصم: اي اكيد
ام غيث : يلا ناطرتك
معتصم: ماشي
ببرجع بشغل السيارة وبيمشي فيها وبيتصل بالشباب
غسان: اي وينك يا رجل
معتصم: عذروني شباب مارح اجي امي حتمت الامر عليي وقال بدها اجي اكل معهون وما حبيت خجلها
جعفر: يييي شو طابخة ست الوالدة
معتصم: محاشي
الشباب: ياااا عنجد
معتصم: هههه اي
جعفر: الله يبعتلي حدا يجبلي شي طنجرة محشي
معتصم: يا اتجوز يا خلي ماسة تعملك ياها
جعفر: شكلي بدي دور ع بنت الحلال. لانو ماسة بتطلع خلاقها مني
معتصم : اي الله يقويك
محمود: وانا هيك
غسان: شكلنا انعدينا من محمد هلق بكون الزلمة ولا فيوز بعقلو
معتصم: هههه مسكين تعب لوصل لهون بحقلو
محمود: اي والله
معتصم: يلا بشوفكون بكرا
الشباب : ماشي
بسكر الخط مع الشباب وبيصف السيارة وبيدخل ع البيت
معتصم: مسا الخير
الكل: مشا النور
غيث حاط برقبتو خيط ومشبوك بورقة وعامل احتجاج بدو ياكل
معتصم: ليش هيك شكللك
غيث: ببدي اكل فرطان من الجوع
لميس: الله يعين مرتو
ابو غيث: الله لا يكبرك ومنقول عنك الكبير والله عقلك اصغر من عقل الولاد الصغار
الكل: هههههه
معتصم: مرة اخي شوفي زوجك لبين ما بدل وانزل
راما: ههههه
بيطلع لغرفتو ببدل تيابو وبغسل وبيتجه لطاولة الاكل
معتصم: وهي اجيت
ام غيث: يلا هلق كلو
غيث: والله المرة الجاي اذا بتعملو فيني هيك لانتحر
الكل : هههههه
بكملو ضحك وع حكي غيث وكل شي ولا الاكل
بخلصو الاكل وبيقعدو بعد ما ضبضبو ………
ابو غيث: كيف صارت شوق
بيتذكر اسمها بيرد
معتصم: الحمدالله طلعناهون وطلع الموجود بالمادة الملح
ام غيث :يا حرام مين الو مصلحة بأذيتهوت ورمي البلا عليهون
معتصم: والله مابعرف
لميس: ببعين الله المهم هي بخير هلق والله بنت طيبة ما بتستاهل
راما وغيث: اي صح
معتصم: يلا طالع ارتاح بغرفتي منحكي بعدين
ام غيث: ماشي
بيطلع ع غرفتو وبيقعد يدخن كل شي حواليه عم يذكرو فيها رح يطير عقلو منها
معتصم: (بعصبية بيطفي السيكارة) : احسن شي اتسلى بشي قضية
بياخد ملف قضية لينسى وبيقعد يشتغل فيها طول الليل. وهو مو حاس ع حالو ل يتعب وينام ………………
ملت وهي عم تقرأ سكرت الكتاب وصار يدور براسها كلام رفقاتها وهنن عم يحكو عن معتصم
شوق: ياترى كلام الصبايا مزبوط والله ماني عرفانة اذا هالشي صح ولا غلط حتى عن حالي ما عم بفهم ولا اعرف شو بدي احسن شي الله يختاررالخير للجميع
بتتنهد شوق وبتقول………
شوق :احسن شي قوم روح شوف امي واطمن عليها طلعت نامت وماعد طليت عليها
بتقوم لتشوف امها وبتطلع لعندها
وفي عيون عم تراقب بين الشجر وماحدا حاسس عليها …………
بتدخل لعند امها وبتتسطح جنبها وبتبوسها من راسها وامهاا مو حاسة ع شي
بتضم امها وبتصير تحكيلا ……
شوق: يالله يا ماما لو تعرفي انو غيابك عني بيقتلني والله يا ماما صدقيني يوم واحد قلبني قلب والله منيح هالجماعة اتحملوني لاني فقدت عقلي لما شفتك رحتي صدقيني جن جناني والله مالي غيرك من غيرك بموت
بتمضها اكتر وبتشم ريحتها بكل قوة
شوق: ماما معقول مانك حاسة
بتبعد عنها وبتحس في شي مو صح
بتتجلس وبتمسك ايديها وامها مو حاسة بتوقع
وبيهبط قلب شوق بهاللحظة وبعيونها بتتجمع الدموع وبتصرخ
شوق: (بكل الم) : اميييييييييي
بتصير بتحاول تفيقها
شوق: امي دخيلك يا امي كرمال الله قومي امي شو صرلك امانة لا ياربي والله مالي غيرها ياربي دخيلك
بتحس نبضها بكون ضعيف
بتقوم متل الطير بتطلب سيارة الاسعاف باعتبار المشفى قريبة منهون مافي حولي ربع ساعة كانت سيارة الاسعاف عندها
بتطلع معهون وهي عم تبكي ودموعها ما فارقتها وحتى نسيت تبدل تيابها ………
شوق: دخيلكون امي يا دكتور امانة امي
الدكتور: اهدي يا بنتي
بحطوها دغري بسيارة الاسعاف وبيتجهو للمشفى
مافي ثواني بتوصل سيارة الاسعاف للمشفى ……
بينزلو من السيارات ووالممرضين عم يتحركو هون وهون بالمشفى
الدكتور: بسرعة ع غرفة العمليات
الممرض: حاضر دكتورر
بدخلوها دغري ع العمليات وبتجي لتفوت معها
شوق: دكتور بدي فوت هي امي
الدكتورر: اذا بتريدي لاتعطلينا بدنا نعرف نشتغل
شوق: (بترجي) :كرمال الله يا دكتور امي
الدكتور: وكلي الله يا بنتي ودعيلا
بتضل شوق واقفة برا وهي عم تبكي وتآني من خوفها من انو تفقد امها والممرضين شي يطلع عم يركض وشي يدخل غراض وشوق بيغط ع قلبها بتوقع بالارض
الممرض: يي يا انسة اصحي
بيجيبو النقالة وبياخدوها ع غرفة لحالها انهارت اعصابها من االتوتر عطوها ابرة مهدئ
وعم تهمس باسم امها ………
شوق : امي يا امي دخيلك لا تروحي وتتركيني لحالي يا امي
وبتضل عم تكرر اسم امها وتهمس فيه وعيونها ما وقفت دموع
عم يمر الوقت وام شوق جوا العملية وشوق بغرفة منهارة وماحدا بيعرف شي عنها ……………
------------
مجهول: اي معلم متل ما عم خبرك هلق نقلوها ع المشفى
المعلم: ممتاز راحت ع رجليها
مجهول :والله ما تشوف يا معلم شكلها كيف تقول ميتة
المعلم: وهاد يلي رح يصير سكر لقلك بدي احكي تلفون
مجهول: امرك معلم
بيسكر الخط بعد ما خبر انو ام شوق بالمشفى
المعلم: هههه والله راحت ع رجليها
بيرفع تلفونو وبيحكي
االمعلم: سمعني منيح دبرلي لبس **** وبكرا بالليل ع الساعة بتكون ناطرني لنفوت ** وخالصين
ماشي ماشي انطر مني تلفون
بسكر الخط بعد ما حكى مكالمتو وبقول
المعلم: هههه هي اخرتك يا نارين بس يا حوينة الضرب يلي تاركتيه وراكي هههههههههههه
وبيضحك ضحكتو الخبيثة وهو عم يتوعد ومصمم ع الشي يلي بدو يعملووو …………………
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
*