الفصل الخامس
*❴📖❵↵* *روح.عاشقة.tt* 🥺❤️
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
___________
بتصـحى آم شـوق متل العادة وبتكون نازلة ع الصالون وهي نازلة ع الدرج بتشوف بنتها كيف نايمة ورجليها عليها جبيرة
بتنزل بسرعة وملهوفة عليها وقلبها رح يوقف من الخوف عليها …
ام شوق: شوق امي فيكي شي شوق
بتفتح شوق عيونها بتعب ونعس
شوق: صباح الخير ماما
ام شوق: (ببكي) :لك بنتي انو صباح هاد شبك شو صاير معك
بتتجلس شوق وبتضم امها وامها وهي عم تبكي …
شوق: اهدي ماما اطمني مافيني شي
ام شوق: كيف مافيكي شي
شوق: اهدي ماما حبيبتي اهدي رح احكيلك
ام شوق بتحاول تضبط اعصابها وتهدى لتسمع بنتها
ام شوق: احكي ليكني عم اسمعك
شوق.: ماما حبيبتي كل يلي صار انو نحنا مبارح بالرحلة قبل ما نمشي ع البيت عرضو علينا نلعب ورحنا نلعب لعبة الدب الاعمى وانا عم العب ما حسيت الا على صخرة او حجرة تفركشت فيها
ام شوق: شو هاللعب هاد ليش ما حدا نبهكك
شوق: بصراحة ماما انا ما انتبهت لمين ناديلي من ذكائي ركضت وصار يلي صار
ام شوق: طيب مين جابك لهون احكيلي
شوق: امي بصراحة (بيمرق ببالها معتصم وكيف شالها واخدها للمشفى وبتتذكر ملامحو وعصبيتو عليها ……)
ام شوق: شو شبك سكتي
شوق: لا ولاشي وصلني رفيقي بعد ما اخدني للمشفى وهو جابني لهون
ام شوق: ياربي دخيلك الف الحمدالله ياربي رجعتلي البنت بخير وسلامة والله يحمي هالشب لشبابو يارب
شوق: امي ممكن تساعدني بدي اطلع بدل تيابي
ام شوق: اي حبيبتي
بهاللحظة بيرن التلفون الارضي تبع البيت ……
ام شوق: ثواني لرد
بتمسح دموعها وبتروح بترد ع التلفون
ام شوق: الو
لانا: صباح الخير خالة
ام شوق: صباح النور
لانا: خالة طمنينا عن شوق انشالله امورها تمام
ام شوق:الحمدالله تمام امورها بس والله شكلي ماعد امن وابعتها ع مكان والله قلبي هبط لما شفتها بهالمنظر
لانا؛ طولي بالك خالة الحمدالله انها بخير وانشالله ما بتنعاد والله حقك تقلقي عليها حتى نحنا قلقنا عليها
ام شوق: يلا الحمدالله ع كل شي
لانا: خالة اذا فاضيين جايين انا وماريا وماسة نطمن ع شوق اذا مافي احراج
ام شوق: ولو يا بنتي البيت بيتكون اهلا وسهلا فيكون بأي وقت
لانا: يخليلنا ياكي خالة يلا بدق للصبايا بجهزو حالهون ومنجي
ام شوق: اهلا وسهلا
لانا: يلا بخاطرك خالة
ام شوق: الله معك
بتسكر الخط لانا وبتروح بتدق للصبايا كرمال يجهزو حالهون
شوق: شو مين ماما
ام شوق: رفقاتك وقال جايين يزوروكي
شوق: امم يلا لكن يا دوب اطلع جهز حالي
ام شوق: اي يلا
بتطلع شوق مع امها ع الغرفة وشوي شوي بتسند حالها لتبدا تبدل تيابها وتغسل وتزبط امورها …………
---------------------------
بيصحى معتصم ع رنة موبابلو ……
معتصم: الو
محمد: كيفك اليوم
معتصم: ماشي الحال
محمد: شو طمني شو صار معك مبارح انشالله ما طلع فيها شي
معتصم: لا الحمدالله مافي شي خطير جبرو رجلها بس
محمد: ييي يا خطيتها هالبنت كيف هيك صار فيها
معتصم: مجنونة بتلعب بدون وعي ويلي بشوفها بفكرهاعاقلة كبيرة ياويلي ما اصغر عقلها بدها فت خبر ليكبرو عقلاتها ……
محمد: هههههه شكلها مجننتك مبارح ع حسب حكيك
بجلس حلالو ع التخت وبكمل …
معتصم: اي قلي وين انت هلق
محمد: والله بالدوام بتعرف مبارح اخدنا انا وجعفر نهارية واليوم مداومين
معتصم: وينو هالدب
محمد: هههه لا تسأل نحنا وصلنا مبارح وعينك تشوف كيف مد حالو ع هالفرشة تقول قتيل
معتصم: ههه ليش ما راح ع البيت
محمد: لا مو الافندي حاط غراضو عندي وقال جاي ع بالو يسهر عندي وانا صدقتو طلع جاي ينام
معتصم: هه مستحيل هاد خالص
محمد: اي والله
معتصم: يلا انا قايم غسل وزبط اموري عندي اليوم قضية ولازم اطلع ع المحكمة هي اخر جلسة وبيطلع القرار
محمد: اي الله يقويك يارب ماشي لكن منحكي بوقت تاني
معتصم: ماشي سلام
محمد: سلام
بسكر الخط وبقوم يغسل ويبدل تيابو
بيلبس بدلة وبشوف ملف القضية وبطلع بحالو اخر نظرة بالمراية وبضم حواجبو لبعض بكل هيبة ووقار وبينزل لعند اهلو ……
غيث: وينو صاحبنا
لميس: ههه مين صاحبنا
غيث: اخوكي المحامي
ام غيث: حاج مألسة ع اخوك
غيث: ههههه اخ وينك يا معتصم حدا قلك تجيبي هيك شخصية يخربيتو بعمرو كنت عم اعشق وهو نازل يلا يلا بالشغل ومنيح عندو رفقات
ابو غيث: ضب حالك اجا
بينزل لعندون وبقرب يصبح عليهون
معتصم: صباح الخير
الكل: صباح النور
معتصم: في قهوة
ام غيث: اي حبيبي في تعال شراب هي فنجانك
بقرب معتصم وبيقعد يشرب قهوة ويدخن
ام غيث: شو انشالله انبسطتو مبارح
معتصم : عادي
ام غيث: شو عندك اليوم جلسة بالمحكمة
معتصم: اي
ام غيث.: ايمت رايح
معتصم: هلق بعد القهوة مباشرة
ام غيث :بتطول لترجع
معتصم: مابعرف خليها ع التيسير
ام غيث: خير انشالله
معتصم: ما قلتيلي شو الموضوع يلي كنتي بدك تحكيه معي مبارح
ام غيث: هو بخصك
معتصم: اي احكي شوفي
ام غيث: بما انو الكل قاعد ف لذلك انا بدي اخطبلك
معتصم بعد مبالاة: اي مو هلق
ام غيث : لك يا ابني ليش مو هلق والله انت شب مو ناقصك شي ليش معند
معتصم: ماني معند ماما بس حدا بجيب الدب لكرمو
غيث: ههههه بالعكس والله الزواج شي حلو
راما: عنجد سلفي سماع من مرة عمي وخلينا نروح ندورلك ع شي بنت حلال مرتبة بتناسبك
لميس: اي اخي امانة وافق
ابو غيث: اي شبكون عم تضغطو عليه ابني فكر بالموضوع
معتصم: (بتأفف وديقة خلق) :انشالله هلق تأخرت بعدين منحكي بالموضوع
ام غيث: هي الشاطر فيه كل مرة نفس الفصل بتعمل فينا وبتضل تتهرب واخرتها معك
معتصم: طولي بالك ام غيث منحكي بالموضوع بكرا بلكي كون فكرت
ام غيث: اي خير انشالله
معتصم: يلا بدكون شي
الكل: الله معك
ببوس راس امو وابوه وبيطلع بيركب سيارتو وبيتجه للمحكمة ……
ام غيث: يؤبر قلبي ع هالطلة ولا ع هالشخصية
غيث ولميس: احم احم احم
ام غيث: وانتو كمان
ابو غيث وراما: ههههه
غيث: لا تزعلي اختي هي العادة ع الفضلة بينذكر اسمنا
لميس: شايف بالله
ام غيث: هههه دخيلو يلي بغار والله بحبكون كلكون نفس المحبة مافي ام بتفرق بين ولادها
بيتسمو الكل وبضمو امهون بكل حنية
ام غيث: الله يرضى عليكون
غيث: يلا انا طالع بخاطركون
الكل : الله معك
راما؛ شو اليوم مانك رايحة ع الجامعة
لميس: لا بدي اطلع ادرس
راما: ماشي
وبيروح كل واحد فيهون بيلتهي بشغلة الو ……
-----------------
بيندق الباب وبيدخل الشب لعند المعلم
مجهول: مرحبا معلم
معلم: (بتثاقل) :اهلين شو بدك
مجهول: معلم خطرلي شي مبارح واجيت استشيرك
معلم: بخصوص شو
مجهول: معلم بصراحة العملية يلي بدنا نعملها لنجيب هالمخلوقة ماعم تركب بعقلي
معلم : ايوااا وشو يلي ماعم يركب براسك يا افلاطون زمانك
مجهول: يعني معلم نروح نجيبها من الباب للطاقة ونعذبها هون هي هيك هيك ع حفة قبرها مو شايفها قديش كهلة
معلم: (بفضول) :اي والمعنى
مجهول: يعني ليش يا معلم ما منعذبها ع البطيئ وع كيفنا
المعلم: وكيف هيك يا افلاطون
مجهول: معلم ببالي موال واكيد رح يعجبك واذا ما عجبك مستعد روح وجيبها هلق لعندك من نص بيتها
معلم: هات لنشوف احكي
مجهول: معلم لقلك شو رايك بطريقة ندخل لعندهون على البيت *************************************** وبهي الطريقة منكون ضربنا عصفورين بحجر واحد واستفدنا ع الجهتين
معلم: والله يا افلاطون جبتها برافوو عليك وايمت رح نبلش فيها
مجهول: طولي بالك معلم وشوف كيف قدام عينك رح تتفرج
معلم: ماشي وانا ناطر لشوف شو رح يطلع معك
مجهول: بعجبك معلم
معلم.: يلا قحط لبرا
مجهول: حاضر معلم
بيطلع الشب لبرا وبيقعد بيصفن المعلم وبيتذكر
فلاش باااااااك ///////////
تحت ظل الشجر وبين بساتين الضيعة وفي المي وجو الضيع الهادي
نارين (ام شوق) :خلص عبد المجيد هلق بيجي شي حدا
عبد المجيد (المعلم) :لك طولي بالك مو انتي هيك هيك الي
نارين: هههه اي طول بالك ع القليلة لنخطب ونتزوج
عبد المجيد: اي وبحقلنا نحب بكفي المحبة من الله
نارين: يالله هيك عم بتخيل انو بكرا بس نتزوج يصير عنا بنوتة او صبي صغير يملو حياتنا سعادة
عبد المجيد وحبنا يكبر ويزيد مع بعض
ما بحسو الا ع الشرطة وانها كبست فجأة عليهون
الشرطة: لا حدا يتحرك لا حدا يتحرك
بقومو ونارين خايفة من الشي يلي عم يصير
الشزطة ضبوهون بالسيارة بسرعة
نارين ببكي : ليش شوفي
عبد المجيد :طولي بالك
الشرطة عم تواسو بعض هلق بفرجيكون
بتضبوهون السيارة وبياخدوهون ع القسم
مهدي(ابو شوق) : هههههههه انا بفرجيك اتحديتني وهلق شوف شو رح يصيرر فيك والله لاحرق قلبك
وبيطلع وراهون ع القسم
بيدخلو ع القسم وبيدرو اهاليهون بالشي يلي صارر بالضيعة ما بيتخبى شي وبيجي ع القسم
ابو مرهف (والد نارين) :الله لايوفقك شو عاملة
نارين ببكي: والله ما عملت شي
ابو عدي (ابو عبد المجيد ):شوفي يا ابني شو صاير حضرة الضابط شوفي
وبكون وصل مهدي يلي خبر عنهون وعم يراقب منيح ويستنى وقت دخولو
الضابط: ابنك يا عم متهم بقضية غير شو ما بفكو منها
ابو عدي: ابني شو عامل
الضابط: ابنك متهم بالتهريب ووو مابدنا نعمل فضايح
ابو عدي: ابني
الضابط: اي ومعنا ادلة.بهالشي وغير هلق ابصر شو كان عم يحكي مع بنت الناس قاعد هو وياها تحت الشجر
ابو مرهف: الله لا يوفقك سودتي وجهي
نارين: والله يا بابا الموضوع مو متل مانك مفكر سمعني
ابو مرهف: خرسي يا عديمة الاخلاق.
عبد المجيد: مستحيل والله كذب كذب
الضابط: خراس شو شايفنا عم نلعب
بيدخل بهاللحظة مهدي
الضابط: ها ليكون وهاد يبي قدم الشكوى
مهدي (بفخر من الشي يلي عملو):معليش كل واحد بيشتغل بهيك شي والاهم بيضحك ع بنات الناس بيستحق العقاب
عبد المجيد: هاد انت
مهدي بيتجاهلو
مهدي : حضرة الضابط انشالله كون قدمت منفعة
الضابط عدام العيب استاذ مهدي
بحاول ابو عدي يخلي يتنزال عن القضية للاسف ما بيقدر
الضابط :سجلت يا ابني بالمحضر يلي انذكر
العنصر: نعم سيدي
الضابط : يلا يا ابني خدوه ع المنفردة
العنضر: حاضر سيدي
بياخدوه وهو مظلوم وقبل ما يروح بقلا
عبد المجيد: نارين انا طالع حافظي ع الشي يلي بينا
نارين عم تبكي من يلي صار
نارين: اي اي
ابو مرهف: والك عين كمان انا بفرجيكي
بنزل دغري ع المنفردة وبحطوه فيها
الضابط.: وانتي شو وضعك كيف بتسمحي لهيك شخص يدخل حياتك عنجد بنات اخر زمن
ابو مرهف: كسرتي ضهري الله لا يوفقك
نارين: بابا والله كذب الشي يلي صار ببكي
بيتدخل ووبقول
مهدي: عمي اذا ماعندك مانع انا مستعد انهي المووضوع تبع بنتك وهون بأرضو واني اطلب ايدها منك
ابو مرهف: يا ابني بنتي ما بتناسبك الله لا يوفقك سودتي وجهي
مهدي: لا تحكي هيك هي احسن طريقة لنلف الموضوع
نارين: لا مستحيل ما بتزوجك لو على قطع رقبتي
ابو مرهف بيضربها كف متل فراق الوالدين
ابو مرهف :انا عطيتك ياها يا ابني خدها من هلق
بتسكت وعم تبكي بشهقاات عالية من يلي صار وكيف عم تنظلم بقرار ابوها ومن كتر ما حاولت تمنع هالزواج ما قدرت وابوها ما سمعها ولا رد عليها وودغري كتب كتابو عليها وصارت مرتو.
مهدي: خلص عمي من بعد اذنك بيت وعندي وكل شي عندي وبنتك بأمانتي
ابو مرهف :مابعرف شو بدي قلك يا ابني سترت علينا الله يستر عليك ويوفقك وانتي ولي مقصوفة الرقبة بتسمعي لزوجك واياكي اسمع انك عاملة شي هيك ولا هيك
ساكتة وحست روحها طلعت من مكانها بالشي يلي صار ودموعها عم تنزل ع وجها بدون صوت وراحت معو وصارت مرتو ومافي يوم قدرت انها تحبو وتنسى يلي صار ب عبد المجيد من وراه واهل عبد المجيد ما خلو طريقة ومحامي شاطر يطلعو من السجن بعد ما انحكم مؤبد وانظلم وانظلمت هي من يلي صار وهيك حقق هدفو وكسر عبد المجيد واخد المرة يلي بيحلم فيها. وحملت مع مرور الوقت ب شوق وجابتها وكبرت وكبرت لحتى اجا اليوم مات ابوها بحادث سير فيه بعد عشرين سنة وطلع عبد المجيد بعد ما مضت المدة المحكوم فيها عرف انها اتزوجت وحقد عليها وقرر ينتقم منها………………
باااااااااك///////////
عبد المجيد (المعلم) :حرقت قلبي والله حرقك واخدك من هالدنيا وهي غصة العمر يلي وعدتني ما تاخد غيري وخلفت
وخليتوني انحط بالسجن وانا اول شبابي والله لاحرق قلبكون متل ما حرقتوني وانظلمت
وبيضل يتوعد وبين عيونو موجود الشر ……………………
------------------------
مرق الوقت. وقاعدة عم تنطر رفقاتها ليوصلو بتكون لابسة شي مريح فستان لتحت الركبة لونو موڤ بارد بشواطة عريضة والو زمة ع الخصر ورافعة وحاطة قوس ع شعراتها وتاركة الباقي فارد لتحت،،،،،،
ام شوق: طولو رفقاتك مو هيك
شوق: هي العادة ما بتحسيون غير اجو
ام شوق: يلا خير
شوق: ماما اسالك سؤال؟ ؟
ام شوق: اي قولي
شوق: خوالي وين راحو بعد ما سكرنا ع الموضوع ماعد سمعنالهون حس
ام شوق: هه سافرو بأقل من يومين جهزو بيعة وطلعو لعند ولادهون لبرا
شوق: اممم يلا الله يسرلون
ام شوق: امين
لحظات وبيندق باب البيت …
بتقوم ام شوق بتفتح الباب وبكونو الصبايا بسلمو ع امها لشوق وبيدخلو
ام شوق: تفضلو حبيايبي
بيدخلو لجوا وبتنبسط شوق بشوفتهون
لانا: يا عمري انا وبتضمها
وبيلتمو كلون عليون وبضمووها…
شوق: هههه يخليلي ياكون
بيقعدو حواليها وبتروح ام شوق تعملون ضيافة
ام شوق: بالاذن صبايا رح اعمللكون شي تشربوه
ماريا: استني خالة جاي ساعدك
ام شوق: لا حبيبتي ولو ما بصير
ماريا: ولو خالة انا رح ساعدك وضل عندكون بين ما تطيب شوق وتصير تمشي طبعا اذا ما بدك ياني حكيي تاني
ام شوق: ولو يا بنتي اهلا وسهلا فيكي ومتلك متل شوق بنتي
ماريا: الله يسلمك يا خالة. يلا لكن رح ساعدك
ام شوق.: متل ما بدك
بتدخل ماريا وام شوق يعملو الضيافة
ماسة: ههه وكيفي هي ماريا رح تبقى عندك بتسليكي
شوق: هههه اي والله احسن ما مل
وانتو خليكون هيك احلى
لانا.: بدك اهلي يقلعوني من البيت من غير شي عيونهن محمرة من تصرفاتي
ماسة وشوق: ههههههه
شوق: ما بتبطلي عوايدك
لانا: جلدي بحكني
ماسة: هههههه اذا هيك معليش
بتجي ماريا ومعها كاسات العصير والضيافة بتحطهون وام شوق بتستأذن وبتطلع ترتاح بغرفتها
ماريا: اي شوق هاتي لنشوف شو صار معك
شوق: والله يلي شايفتيه
ماسة: شو قصدك ماريا
ماريا: يعني بصراحة صبايا وبدون مسخرة
الصبابا: اي احكي
ماريا: مابعرف ليش حسيت انو هالشب هيك عندو كريزمة بتجنن وخصوصي لما هيك كان ملهوف وشالك بين ايديه واخدك عنجد منظركون بجنن
شوق: تضربي بشكلك فكرت شي مهم
ماسة: بهي صدقتي يا ماريا
لانا: ياي عم اتخيلك تتجوزي ههههه
الصبايا: هههههه
شوق: لك تضربي بشكلك اي قليلي هاتي لنشوف كيفك انتي وهاد تبع مبارح
خجلت لانا. وحمرو خدودها
ماسة: اي رووووح فديت الخجلان
بهاللحظة بيرن جوال لانا وبكون محمد
شوق: هههه ابن الحلال عند ذكرو ببان ردي
ماريا: لولي ردي لا تخجلي
لانا: يييي تضربو بتسحب موبايلو وبترد عليه
لانا: الو
محمد: كيفك
لانا :منيحة وانتي
محمد: منيح طمنيني عنك
لانا: بخير الحمدالله
محمد: شو رحتو لعند شوق
لانا: اي نحنا عندا عم نطمن عليها
محمد: اي يلا خير سلمي عليها بس حبيت اسمع صوتك واطمن عليكي
بتصفن لانا بكلماتو وهيك شعور بالبسمة تجاهو بينتابها………
محمد: لانا معي انتي
لانا : اي معك
محمد: طيب بدك شي
لانا:لا سلامتك
محمد: الله يسلمك باي
لانا: باي
بسكر الخط بعد ما سمع صوتها وبكون مبسوط
بترجع لانا لعند الصبايا هيك وحاسة بفرحة بتنتابها بداخلها
شوق: شو وينك وين رحتي
لانا: هفف ليكني هون
ماريا: سمعت صوتو خلص ماعد تجمع
ماسة: ههههه يا حرام
لانا: تضربو ما شو غليظين بسلم عليكي محمد شوق
شوق ؛ الله يسلمك ويسلمو
ماريا: سمعو هالقصة يلي صايرة
الصبايا: شو
ماريا: هاد يا صبايا مرة كنا ******************************** ووبضلو عم يحكو ويضحكو ومن سيرة ل سيرة الوقت عم يمضى
___________
وصل ع المحكمة ونزل من سيارتو بكل هيبة ودخل ليبدأ بالجلسة
المتدعي: دخيلك يا استاذ ماضللنا غير هالفرصة لنطلع هالصبي ساعدنا
معتصم: وكل الله يا عم انشالله خير تفضل خلينا ندخل
بيدخل معتصم وبياخد مكانو للدفاع عن المتهم وبيدخلو وبيجيبو العساكر المتهم وبحطو قدام القاضي وبيضرب القاضي ليعم السكوت بالقاعة والكل قاعد وعم يطلع ع الجلسة. وببلشو محاكمة ويتناقشو ليتم قطع الشك باليقين وصدرو النطق بالحكم
معتصم بوقف بكل جدية وتعصب لرأيو وموجة اقناع للقاضي بكل هيبة ورهبة…
معتصم: حضرة القاضي موكلي متهم تهمة باطلة وبناء على الادلة يلي معنا موكلي بريئ من. التهمة
القاضي: شو دوافعو للقتل
معتصم: حضرة القاضي المتهم بريئ والدافع هو كان دفاع عن النفس والكاميرات بتثبت هالشي
بيعم الصمت بالقاعة وببلشو يتشاورو ………………
بعد غضون مدة قصيرة بيطرق القاضي ليرجع يعم الصمت ويبلش بالاجراءات
القاضي :طق طق نيابة على ما ذكر وبأن المتهم المدعو ب ** تصدر المحكمة قرارا بأبطال التهمة ولافراج عنه وان كل ما صدر هو بغاية الدفاع عن النفس تعلن المحكمة الافراج عنه بتاريخ **** حكمت المحكمة وبيطرق المكتب وبقوم طق طق طق …………
بيتنهد معتصم انو قدر ينفد هالشخص البريئ من التهممة وبيطلع لبرا
والد الشب: الله يخليك الله يحميك لشبابك الله يوفقك يا ابني ويعطيكي يلي بيرضيك الله يسعدك يارب متل ما اسعدتني وطلعت ابني برائة
بيقرب معتصم لعندو بيبتسملو
معتصم: (برجولة): الله يسلمك يا عم انا ما عملت غير واجبي وحققت العدالة
والد الشب من فرحتو بضم معتصم ومعتصم بسلم عليه وبيعمل الاجراءات وبيطلع من المحكمة بعد ما خلص شغلو فيها ……………
بيركب سيارتو وبيرن موبايلو وهو عم يسوق
معتصم: اي جعفر
جعفر: كيفك معتصم
معتصم: تمام وانت
جعفر: ماشي الحال وينك انت
معتصم: كان عندي شغل بالمحكمة وهلق خلصت وطالع ع المكتب
جعفر: اي منيح
وبينط محمد من السماعة وبسلم عليه
محمد.: كيفك حبيب
معتصم: هلا وغلا اهلين محمد شو قاعد عند جعفر
محمد: اي والله عم نشرب متة
جعفر: بتعرف صاحبك بحبني لهيك بيشرب عندي متة
معتصم: ههه تتهنو انتو الجوز ببعض
محمد: قلي شو عندك هلق
معتصم: ولا شي ع المكتب طالع اشتغل وانت
محمد: لاشي حكيت مع لانا وطمنت عليها وهنن عند شوق رفيقتون
معتصم: بالله
محمد: اي والله
معتصم بيمر بببالو الدوا
معتصم: ينعن شلون نسيت وراح عن بالي
محمد وجعفر: شو
معتصم: لك الدوا تبع شوق نسيت علبة معي بدي وصللها ياه وهي لازم تاخدو مبارح الدكتورة كتبتلي ياه بدي جيبو
محمد: اي مر جيبو ووديلها ياه
معتصم: وهو هيك سكر لشوف شو بدي اتصرف المسا منحكي
محمد : ماشي
بسكر الخط معتصم وبيروح ع الصيدلة والوقت عم يمضى بياخدد الدوا وبيجيب شوية غراض وبيتجه للبيت لعندون
معتصم: والله بحياتي مااهتميت بحدا ودرت بالي عليي من وين طلعتيلي انتي ما بعرف
وبكمل طريقو وهو عم يفكر فيها …………………
بعد مدة منيحة مضت ع قعدتهون وبلشت الدنيا تعتم
ماسة: لانا انابدي امشي
لانا: اي والله وانا كمان
شوق: خليكون قاعدين
ماسة: حبيبتي والله لا يمل من القعدة معكون بس بتعرفي تاخر الوقت ولازم نرجع
لانا: اي معها حق تأخر الوقت المهم شفناكي بخير واطمنا عنك ماريا ديري بالك عليها
ماريا: بعيوني
لانا وماسة.: يلا باي شوق
بودعو شوق وبيحملو حالون وبيروحو لبيتهون ………………
ماريا: شوق حبيبتي انا رح ضب الغراض هدول واطلع حط غراضي بغرفتك
شوق: يعمري خدي راحتك البيت بيتك
ماريا: تسلميلي
بتضب الغراض ماريا وبتطلع تحط غراضها بالغرفة………
لسا ما بتلحق تتسطح الا واندق الباب
شوق: يالله لو يجي حدا يفتحو
بيرجع برن جرس البيت
شوق: شكلو ما حدا حاسس رح دبر حالي وافتحو
بتقوم شوق وبصعوبة بتتسند ع العكازة وبتتجه للباب
شوق: مين ع الباب
ماحدا برد بتقرب بتفتح الباب وهي عم تبربر
شوق: يعني مين هال…………… ببطل يطلع الحكي معها بعد ما شافتو واقف قدامها وكلو هيبة وجمال ووقار
معتصم: يعني حتى وانتي مريضة لازم تضلي تحكي مو بايدك
شوق بتتلبك ووجها بصير احمر ومعتصم مركز نظرو عليها وبينتبه انها خجلت منو وبيسحب نظرة عليها من فوق لتحت وبينتبه قديشها بنت رقيقة وفيها شغلات كتير بتسحر بينفض الافكار من راسو وبقلا
معتصم: شو مافي تفضل ولا انتي هيك بتستقبلي ضيوفك
شوق: ها …… لا موهيك تفضل
بيدخل معتصم وبايديه الغراض وبحطهون وبنزلة ام شوق وماريا يلي بتستغرب من وجودو
ام شوق: يا اهلا وسهلا مين الشب
بيوقف معتصم قبالها وبكل ركازة بيحكي
معتصم: مرحبا خالتي انا معك المحامي معتصم العلي هون جاركون بنفس الشارع مكتبي وانا يلي اسعفت الانسة شوق
ام شوق: يا اهلا وسهلا يا ابني والنعم منك ومن اصلك وكترخيرك ع الشي يلي عملتو مع بنتي والله ما رح انسالك هالمعروف بحياتي
معتصم: ولو يا خالتي الناس لبعضها
بتسغرب شوق قديشو هادي وبيحكي بطريقة بتشد الشخص الو وبتقعد جنب امها
ماريا: رح اعمللكون قهوة كيف قهوتك
معتصم: معليش قهوتكون مشروبة انا اجيت لوصل الادوية الباقية. ورايح اهلي عم ينتظروني
ام شوق: يسلم ايديك يا ابني بس والله ما بصير اول مرة بتدخل بيتنا
معتصم: معليش خالتي يسلم ايديكي والله مستعجل بالاذن
ام شوق : الله يحميك يا ابني لشبابك ويبعتلك بنت الحلال
بيبتسم معتصم بوجها وبيرمق بنظرو ع شوق وبشوفها عم تطلع فيه
معتصم: الله يسلمك خالتي يلا عليكي العافية انسة شوق
شوق : الله يعافيك
معتصم: اي شي بتحتاجي خالتي هي كرتي
ام شوق: يسلم ايديك يا ابني
معتصم.: الله يسلمك يلا بخاطركون
ام شوق: الله معك
بيطلع معتصم من البيت من عندوهون وبيركب سيارتو وبيتجه لبيتو
بيدخلو لجوا ……
ام شوق: الله يحمي هالشب قديشو فهمان وراكز الله يخليه لشبابو
شوق من صفنتها بيلي صار بتقول
شوق: امي طالعةارتاح بغرفتي تعبت اليوم
ام شوق: اي بنتي الله معكون
ماريا: يلا تعالي نطلع
بتاخد ماريا شوق وبيطلعو للغرفة بتبدل تيابها شوق وبتتسطح وبتتسطح جنبها ماريا
شوق: بتعرفي شو
ماريا: شو
شوق: لك ما اتوقعتو هيك شفتي شو عجبا ل ماما
ماريا: اي ليش شو ناقصو شب كامل مكمل ماشالله ليش حتى ما يعجبها
شوق: ههه يلي بيعرف بيعرف ويلي ما بيعرف بقول كف عدس
ماريا: شو قصدك
شوق: ولا شي
وبضلو سهرانين ماريا شوق عم ضحك ومسخرة حتى يتعبو وينامو
……………………… 😴😴😴
---------------------------
بعد ما وصل ع البيت بينزل بيصف سيارتو وبيدخل للبيت
معتصم: مسا الخير
الكل: مسا النور
ام غيث: يلا تعال اتعشى حبيبي
معتصم: يلا جاي طالع بدل تيابي غسل وجاي
ام غيث :ماشي
بيطلع بغسل وببدل تيابو وبيبلس بجامة مريحة ووبينزل لتحت
غيث: يلا منيح اجيت بكير بتلحق تاكل
معتصم: والله توقعت تكون نهيت ع الاكل
لميس: هههه يلا حالفك الحظ هالمرة
معتصم: قولتك
راما: يعني ليش عم تحكو عنو مافي منو
الكل: هههههههه
ابو غيث: يلا حاج تتناقرو تعالو ع الاكل
بقومو الكل ع الاكل وبيقعدو وبياكلو
بعد مدة من الاكل بخلصو وبيقعدو…
بولع سيكارة وبيقعد يشربها وهو عم يتذكر. ملامح شوق وكيف الفستان عليها اكل شقفة منها
معتصم (بينو وبين حالو) :شبني انا شو هالتفكير بعمري ما فكرت ببنت شو صرلي
بيقاطع شرودو صوت اخوه
غيث: نيالها يلي اخدة عقلك
معتصم بيرفع حاجب وبنزل التاني وبقلو
معتصم: شو قلك مثلا مرة اخي ضبي زوجك ولا افتح الدفاتر القديمة
غيث: اه لا حبيبي معتصم مو هيك قصدي انو
راما: انو دفاتر
غيث: حبيبتي لا تردي ع معتصم بكون عم يمزح مو هيك معتصم
لميس: هههه طقلك برغي يا مسكين
معتصم: ههه يلا طالع ارتاح
غيث : الله يبليك بوحدة ما تخليك تعرف تنام
معتصم بيبتسم وبقلو: ههه بأحلامك
وبيطلع ع غرفتو وكل مين من اهلو شي بيسهر وشي وبيطلع بنام وغيث بيطلع يحل مشكلتو يلي وقعو فيعا معتصم …………
بيدخل معتصم لغرفتو وبيتسطح ع تختو وبيفتح.الحسابات وبكون عم يقلب ويتفرج
ووبقومو بيبعتو الشباب ع المجموعة بدهون يحكو بيفتح وببلش يدردش معهون
جعفر: غسانوو وينو رفيقك المحامي
غسان: يمكن يا نايم يا اما عم يفكر بشي قضية
محمود: ههههه فكرت بشي وحدة
محمد : والله ما يشوف الحكي ليقتلكون
جعفر: ههههه. روميو زمانك خليك بحالك غرقان بالعسل
محمد: انو عسل هاد بس شو بدك بالحكي والله عشقانة لهل مخلوقة خربطتني قلبتني قلب
بيدخل معتصم ع الخط …………
معتصم: لك الله يقطشكون منك الو الو عم تتمسخرو بس لشوفكون بفرجيكون وانت روميو اجل حلقات العشق هدول ما بينحكى معهون بهيك مواضيع
محمد: هههه قولتك
جعفر. : الله يسامحك ياا محامي هيك
محمود: مقبولة منو معليش
غسان: سامحو يا شباب
الشباب: سامحناه
معتصم: تضربو لاني ناطركون تسامحوني
محمد: اي شو صار معك وديت الغراض
جعفر: حكيلنا شو عملت عندون
معتصم: ضب حالك جعفر ما عملت شي وديت الغراض واطمنت عليها واجيت
محمود: هههه اي اول الرقص حنجلة معليش
غسان: بس شو بدكون بالحكي يا شباب والله ضرب بتستاهل
معتصم بعصب من كلام غسان
معتصم: خراس غسان انضب واستحي ع حالك
محمود: روق علينا معتصم ما صار شي
معتصم: بعدين منحكي سلام
الشباب: سلام
بسكر معتصم وهيك شي مدايقو من يلي حكاه معتصم
محمود: يي ليكون اتدايق
غسان: خلص انسو بكرا منروقو
جعفر: تاني مرة دير بالك معتصم ما بحب هالحكي
محمد: وهو هيك يلا قحطو بدي نام
الكل : الله معك
بسكررالشباب الكروب وكل مين بيروح يسهر او ينام
معصب معتصم بيطلع ع البلكون ليشم هوا
معتصم: استغفر الله العظيم ليش هيك اتدايقت مالي فيها
بينفض عقلو من يلي صار وسمعو واتدايق منو وبيروح بيحط راسو وبيشلح كنزتو وببلش يتقلب وبضل يتقلب لينام ……………… 😴😴
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
*