الفصل الرابع
*❴📖❵↵* *روح.عاشقة.tt* 🥺❤️
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
بيرن موبايل ماسة وبتطفيه
لانا: ردي ردي
ماسة: مافي داعي مو ضروري
بتسحب الموبايل من ايدها ماريا وبتفتح الخط
ماريا: يا نعم خير
محمد: بيستغرب من الصوت بيرفع نظرو بشوف الموبايل بايد الصبية
بيشحط جعفر ل يحكي
جعفر: اه، اي وينك
ماريا: خير مين
جعفر: اذا ماني مخربط جوال ماسة
شوق: ههههههه
بيسمع صوت ضحكتها معتصم بترن باذنو رن……
جعفر.: شكلي خربطت بالعنوان
ماريا: هههه لا ابدا هي ليكها ماسة
جعفر : اي الحمدالله فكرت حالي مضيع رقم اختي
بتاخد ماسة وبتحط السماعة ع اذنها وبترد …
ماسة : يا نعم
جعفر: ونعامة انشالله خدي محمد
ماسة: تضرب
محمد: ماسة بغدين بتتخانقو سمعي خدميني هالخدمة
ماسة: خير شو فيه كمان
محمد: ميوس خديها ع الغابة تحججي باي شي بربك ماعد اقدر انطر بدي حاكيها
ماسة: ييي
محمد: بلا هي بلا مي يلا
ماسة: ينعن يلا
بتسكر الخط وبيقعدو يراقبو يلي رح يصير …
بتسكر الخط وبعد دقائق وهنن ملتهيم بالضحك والبزر بتقول …
ماسة: لانا
لانا: اي
ماسة: امشي معي
شوق وماريا: لوين
ماسة: لك في مكان بدي فرجهي ل لانا
شوق: اي خدينا لنشوف كلنا
ماسة: ما بصير المكان مخصص ل لانا
ماريا: يا حبيبي
لانا: حلو المكان
ماسة: قومي فرجيكي
لانا: يلا اننطرونا هلق منرجع
الصبايا: ماشي
بقومو يروحو ومحمد بشوفهون …
محمد: يلا انا رايح
غسان: يلا موفقة عنتر بن شداد
محمد : تضرب ما اغلظك
الشباب: ههههه
بقوم محمد وبلحق ماسة ولانا ……
ماريا: يعني ليش ما اخدتنا
شوق: انتي بتضل بصلتك محروقة خلص عادي
ماريا: يالله شوق عزفيلي شوي خليني انسى
شوق. : ههههه من وين بجيب الغيتار
ماريا: حسبت الحساب وجبتو معي مالك حجة
شوق: يالله والله بخجل قدام الكل بدي اعزف
ماريا : اصلا يصحلون يسمعو عزفك يلا حبابة
شوق: يلا امري لالله
بتطلع الغيتار وبتبلش تعزف مقطوعات والكل عم يلتم حواليها ع العزف الهادي يلي بريح الاعصاب …
سمع معتصم العزف وبنفسو …
معتصم: كمان بتعرف تعزف والله مو باين عليكي بس المصيبة جماللك هاد بدو عقل يحملو ههه
محمود: مااحلى العزف
معتصم بيتنكرز منو …
غسان: اي والله
جعفر: صبو متة بعدين سخنو البريق والله انمغضنا…
معتصم: بكون احسن من الحكي على العالم …
بيقعدو يسخنو البريق والكل مبسوط بالرحلة ……
لانا: ولك بعدين معك يا الله تعبت
ماسة: يلا هي وصلنا
بوقفو بنص الغابة تقريبا…
ماسة: سمعي
لانا: اي قولي
ماسة : انا رايحة جيب خشبة واجي هون في طيب خليكي واقفة
لانا: بدينك وين رايحة والله بخاف لحالي
ماسة: لك مافي شي انطريني دقيقتين ويرجعلك
لانا: يلا ناطرتك …
بتروح ماسة ع الاساس عم تدور على خشبة …
ولانا بتضل واقفة مدة بنص الغابة …
لانا: يالله هالمجنونة وين راحت وتركتني اصلا ماضل فيني ضل ناطرة هف منك ماسة
بتحس في صوت وراها بتجفل مكانها ماعد قدرت تتحرك …
محمد: احم احم
بتفتل لورا بترتاح نسبيا انها شافت حدا من الطلاب الرحلة (بس هو مو من الطلاب فايت بين العجقة ع اساس طالب)
لانا بتفتل بتشوفو وراها …
محمد : مرحبا
لانا (بارتباك) :اهلين
محمد بقرب شوي شوي لعندها ل يصير قبالها …
محمد: كيفك انا محمد
وبمدلها ايدو لتسلم عليه بتطلع فيه بين الخايفة والخجلانة وبتقلو وبتمد ايديها وهنن عم يرجفو وبتقول …
لانا: اتشرفت فيك وانا لانا
محمد: تسلمي بس بالمناسبة شو عم تعملي هون
لانا: بصراحة رفيقتي جابتني قال بدها تورجيني شغلة وبصراحة انا من ذكائي اجيت معها ومابعرف ارجع
محمد: امم لانا بتدرسي مو
لانا: اي بدرس
محمد: طيب ممكن نصير رفقات بعرف رح تستغربي بس انو مافي مشكلة عندك اذا صرنا رفقات
بتطلع فيه لانا للحظة وبتدقق فيه وبملامحو وشخصيتو بتحسو هيبة بترجع لعقلها وبنفس الوقت مبسوطة من يلي صار وبتقلو …
لانا: اي اكيد مافي مشكلة ولو
محمد: طيب شو رقمك اذا مافيها ازعاج
لانا: بدك الرقم
محمد: انو اي مو نحنا رفقات ف منصير منحكي ومنتعرف ع بعض اكتر بما اني رفيقك
لانا: اي سجل عندك
بيسحب الموبايل من جيبتو وبسجل الرقم وهو طاير عقلو ومو مصدق …
بيجي ليرجع يحكي بتجي ماسة …
ماسة: مرحبا
بيلتفتو محمد ولانا عليها وبردو: اهلين
ماسة: اسفة ع المقاطعة
محمد: لا ابدا اصلا كنت ماشي انا
ماسة: طيب
محمد: فرصة سعيدة لانا
لانا: وانا اكتر
بيروح محمد وبتتقدم ماسة لعند لانا …
ماسة: شو بشوفك صافنة
لانا: لا والله مو هيك بس مستغربة انو انتي قلتيلي عنو وانا حبيت شخصيتو والغريب بلتقي معو بنص الغابة ومنصير رفقات
ماسة: ايامك يا عمي انبسطي
لانا. :تضربي ما علينا وين كنتي
ماسة: لك ما لقيت خلص امشي غير مرة بفرجيكي ياها
لانا: لك تضربي انتي ويلي بيرد عليكي
ماسة: هههه هاد يلي طلع معك
لانا: اي والله
ماسة: يلا امشي نرجع اصلا جعت
لانا: وانا جعت كمان
بيرجعو لانا وماسة لعند البنات
بيقعد محمد بين الشباب وهو مشقرق …
معتصم: اي طمنا
محمد: اه لا تسال
الشباب: ههههه ليش
محمد: اخدت رقمها يا ويلي كيفت
جعفر: والله هالاخت يلي عندي مو هينة
محمد: يخليلنا ياها يارب
غسان: شباب جعنا
معتصم: يا حبيبي بلشنا نق
محمود: اي تعال جايبين اكل امشو ناكل
معتصم: هات لنشوف
محمد: عنجد: هلق باكل لقمة هنية
الكل : هههههه
ببضحكو ع كلام محمد وبيقعدو ياكلو ……
ماريا: شو وينكون والله فرطنا
لانا: اه هاتي لاكل جوعتني وماعرفت الكنز يلي ناطرني
شوق :ههههه هي العادة بس نروح مع ماسة بينشف البحر
ماسة.: ههههه الله يسامحك يلا هلق مو فاضيين خلونا ناكل
الصبايا: يلا
ببلشو اكل الصبايا وضحك وتقفيل ع بعض
------------
رايح جاي مو عرفان شو يعمل بقررر يرجع لعند المعلم ………
بيدق الباب
المعلم: فوت
الشب: مرحبا
المعلم: اهلين شو
الشب: معلم كل شي متل ما بدك درسنا كل مداخل ومخارج البيت وكل شي تحت السيطرة
المعلم: ممتاز. اي بس شو صار بيلي قلتلك عليه
الشب: اسف معلم الا هي ما قدرنا عليها بصراحة الفوتة لهيك مكان واخد شخص صعب شوي وخصوصي انو شارعهون نافضي
بقرب لعندو المعلم بيخبطو كف متل فراق الوالدين وبقلو …
المعلم: لو بتكون الكرة الارضية برا بتجيبها
الشب: حاضر معلم
المعلم: انقلع من وجهي
بيطلع الشب من عندو وبضل يتوعد ليجيبها ويصطادها ……
-------------
بيمر الوقت وبالرحلة وبلشت تعتم نوعا ما ………
بيعطو انذار انو في ساعة تقريبا ليمشوو
ببلش الكل يحضر حالو ويتمشى ليصير الوقت
ع هالاساس بفكرو الشباب والصبايا يلعبو لعبة الدب الاعمى ويلقطو بعض ……
لانا: شوق ليكي
شوق: اممم
لانا: بشو صافنة
شوق: لك بالي عند امي
لانا: اي طولي بالك ليكنا راجعين
شوق:اي
ماريا: شبك لانا
لانا: تقومو نلعب
بيطلعو فيها انو شو يلعبو ……
لانا: شو عم تطلعو عنجد عم احكي ليكو عم يلعبو هنيك امشو نضيع وقت قبل ما ما نروح
شوق: روحو انتو انا قاعدة
لانا: لا بالله يلا رجلنا ع رجلك قدامنا
شوق : بس
ماسة: حاج بسبسة يلا
بياخدوها ل شوق وبيروحو ل يلعبو ……
بينتبه معتصم ومحمد عليون …
محمد: ييي عم يلعبو
معتصم: بيرفع نظرو ع شوق يلي لبست اللحشة على عيونها كرمال تلقطون
محمود: والله ما بفوت هيك لعبة
محمد: ولا انا
معتصم: من كل عقلك انت وياه
محمد: لكن من نصو
غسان : وانا والله
جعفر: انا مالي نفس بس رح اركضلي معكون شوي بونس حالي
معتصم. :ههه لعما ما اصغر عقولكون
الشباب: ههههه
بيضحكو الشباب وبينضمو للعبة ببلشو يلعبوها ومعتصم مركز عيونو ع شوق كيف كانت عم تدور وتركض وهي مغمضة مو شايفة شي وضحكاتها بتتعالى
بشوف واحد واقف وراها ع الضبط متقصد
بتخبط فيه بيرجع بيبعد بسرعة ليرجع يقرب بحس بشي جواه بدايقو
بيرن تلفونو وبقوم ليحكي وبوجه نظرو لبحيرة الغابة ……
معتصم: الو
ام غيث: كيفك امي
معتصم: منيح
ام غيث: شو مطول
معتصم: مابعرف والله لهلق بالرحلة نحنا
ام غيث: ابني طيب الله يرضى عليك ما تطول
معتصم:ست الكل ما يحرمنا ياكي انتي ارتاحي ونامي والصبح بس نفيق بشوفك
ام غيث: اي لانو كان بدي حاكيك بموضوع لهيك دقيتلك
معتصم: في شي مهم كتير
ام غيث: يعني هيك شي
معتصم:طيب اذا ما لحقتك بس اجي الصبح بتخبريني
ام غيث: ماشي
معتصم: يلا لازم سكر امي
ام غيث : ماشي حبيبي
معتصم: يلا باي
ام غيث: باي
بسكر الخط مع امو وبيفتل ليرجع يشوفهون …
بلاقي لسا الدور عليها وعم يركضو ورا بعض وشوق عم تركض بينكشها واحد بتتعمد تلقطو ……
شوق: والله لامسكك
وبترروح تركض وتبعد والا اذا صخرة صغيرة بتضرب برجلها وبتوقع ع الارض وبتصير تعيط
معتصم كان بدو ينبها ما لحق ……
بيركضو لعندها ليشوفو شبها وصوت شهقاتها عالية من الوجع مو قدرانة تتحملو
شوق: اه ياربي دخيلك امانة رجلي
لانا: شوق شوق يا عمري شو صرلك
وبيلتمو الكل حواليها وبصير بدون يعرفو يلاقو حل ويشوفها …
بحس معتصم بحزة بقلبو وبروح ملهوف ببعد الكل وهو معصب وبقرب لعندهت بيلمس رجلها …
شوق: لا امانة اه اه
معتصم بنفخ ودغري بشيلها بين ايديه
معتصم: بسرعة لادمك مشفى
محمد: اي يلا امشي ناخدها
معتصم: سمعني منيح محمد خود الشباب والصبايا وصلوهون ع بيوتهون وانا بتكفل بالباقي
غسان: خليني اجي معك
معتصم (بعصبية) :انا شو حكيت
محمود: طيبب ماشي روح
ماريا: انا رح بجي معك
معتصم: مافي داعي حكيت خلص روحو مع الشباب
ماريا: بس كيف بدنا نترك رفيقتنا معك
معتصم: لا تجنني خلص قلتلك بلا ضياعة وقت
بيروح دغري متل البرق وبيركب السيارة وبطير فيها للمشفى ………
بيلمو بعض وبيطلعو بالباصات والسيارات وبيروحو الشباب بوصلو الصبايا ……
---------------------
عم يسوق محمد ليوصل البنات …
لانا: يالله كيف هيك اخدها ع القليلة كانت وحدة منا راحت معها
ماسة: صح وخصوصي انو هي وياه ما بيطايقو هيك بين معنا
ماريا: اي والله
محمد: اهدو صبايا مع معتصم لا تاكلو هم لا تخافي هو بدير بالو عليها اهدو
الصبايا.: انشالله
لانا: طيب خلونا نحكي معو نطمن
محمد : يلا
بيرفع موبايلو وبيتصل ب معتصم …
عم يسوق ومو شايف قدامو وبكاها وشهقاتها شكلتلو توتر ……
بيرد وهو عم يسوق …
معتصم: اي محمد شوفي
محمد: شو طمني
معتصم: ماصار شي هلق شوي ومنوصل
لانا: امانة معتصم شوق ليش هيك عم تبكي
معتصم: لا تاكلي هم ليكنا وصلنا انشالله شوية وقت وما بيطلع فيها شي
لانا: ماشي
معتصم: محمد يلا لازم سكر وصلت وبدي انزل
محمد: ماشي
بيسكر الخط معهون ومحمد وبيتجه بوصل الصبايا لبيوتهون ……
بيشحط فرام بسرعة وبتوقف السيارة قدام المشفى وشوق غابت عن الوعي بهاللحظة ……
بينزل معتصم بسرعة من السيارة وبيدور لعندها بشوفها لا من تمها ولا من كمها بفكلها الحزام بكل قوة وبحاول يفيقها…
معتصم: شوق شوق شبك ياربي دخيلك صبرني …
بيقرب وبشيلها بين ايديه متل طفلة هامدة ما بتحكي رفعها لصدرو وراسها عند رقبتو ودخل بسرعة ومستعجل ع المشفى …
معتصم:(بصوت عالي جهوري) :انت بسرعة جيب الدكتور
الممرض: خير استاذ شو صاير معها
معتصم: وين الدكتور يا بني ادم
بيجو الممرضين وعلى راسهون الدكتور من الصوت يلي طلع بالمشفى……
الدكتور : خير خير شو صاير
معتصم: دكتور وقعت ع رجلها وصارت تبكي وفجاة فقدت الوعي
الدكتور: يلا خير هلق منصورها وانشالله بتصحى بسرعة يا ممرضين جهزولي الغرفة تبع التصوير وخدوها لهنيك …
الممرضين: حاضر
بيجي واحد منهون ليقرب ياخد شوق من بين ايديه
معتصم: شو بدك
الممرض: استاذ بدنا ناخدها
معتصم بيشد عليها ووهي بين ايديه بقوة لصدرو وبقلو …
معتصم: ماني راقيلك جيب نقالة
الممرض: بس يا استاذ …
بقاطعو معتصم بعصبية وبقلو …
معتصم: يلااا خلصني
بروحو دغري بجيبو نقالة وبياخدوها ومعتصم معهون بيوصلو ليدخلوها للغرفة بضل واقف برا معتصم عم ينطر رايح جاي …
معتصم: هووففف يا حول الله احسن شي
بيرن موبايلو وبيكون محمد …
محمد: كيفك
معتصم: اي محمد منيح
محمد: شو صار معك
معتصم: والله مدري بس ع الاغلب رح يجبروها بس فقدت الوعي
محمد: اهدى من شدة الخوف بكون هيك صار
معتصم: يازلمة تقول هاليوم حافل بالمشاكل
محمد: بعين الله
بيطلعو الدكاترة وبتكون شوق ع النقالة وراهون …
معتصم: محمد منحكي بكرا ماشي
محمد. :ماشي
معتصم: يلا سلام
محمد: باي
بيسكر الخط معو وبيروح وراهون ع الغرفة يلي فيها شوق وبيدخل وبتكون يا دوب عم تصحصح …
معتصم: اي دكتور طمني
الدكتور:شعر ورضوض بمشط الرجل وهلق زبطنالها امورها ومل شي تمام
معتصم: اي الحمدالله بس دكتور ليش فقدت الوعي
الدكتور: من الخوف مافي شي بخوف اهدى
معتصم.: طيب ايمت فيني اخدها
الدكتور: ايمت ما بدك قعدتها بالمشفى رح تتعبها برأي تاخدها للبيت احسن
معتصم: ماشي دكتور يعطيك العافية
الدكتور: الله يعافيك
بيطلع الدكتور من الغرفة وبتكون فاقت وعيونها حمر من البكي …
بقرب لعندها معتصم وبقلا …
معتصم: الحمدالله ع سلامتك
شوق بصوت مبحوح …
شوق: الله يسلمك
معتصم: انتي مجنونة شي شو هاللعب هاد ليكي وين صرتي هلق
شوق بتطلع عليه.وبتنزل راسها
بيزعل عليها معتصم وبنفس الوقت الشي يلي صار عاقل ما بيعملو …
معتصم: ماعلينا هلق طالع زبط الاجراءات واخد وصفة الدوا وجاي …
بتهزلو براسها بمعنى اي
بيطلع معتصم من عندها وبيروح ……
الاستعلامات :تفضل استاذ وقع هون لو سمحت
معتصم: يلا
الاستعلامات: شكرا الك
معتصم: العفو …
بيطلع معتصم وبيروح بشوف الدكتور وبيكتبلو ع ادوية …
معتصم: ماشي دكتور بس هدول كل ايمت بياخدوهون …
الدكتور: هدول بعد كل وجبة يعني تلت مرات باليوم
معتصم: ماشي دكتور عذبناك معنا شكرا
الدكتور: العفو ولو واجبنا
بيطلع من عند الدكتور وبيروح على الغرفة بلاقيها عم تحاول تقوم بيدخل بسرعة لعندها ..
معتصم: يعني مستحيل كبرة راسك هي ما بتبطليها
شوق: لك شبك انت ليش هيك عم تحاكيني
معتصم: لانو ما بتردي حضرتك
بيقرب لعندها وبيمسكها بتبعدو عنها
شوق: بمشي لحالي
بيطلع فيها وبيرفع حاجبو وبيتركها تمشي …
بتوقف شوق بتسند حالها. وبتبلش تخطي اول خطوة ودغري بتجي بتقلب بيلحقها معتصم وبيسندها من خصرها وبشدها لعندو وهي قريبة منو …
معتصم: قلتيلي بامشي لحالك مو مبين
بتتسلل كهربا لداخلها من قربو ولمسة ايديه وبتسكت …
معتصم: هوفف سمعي مني بس هالمرة بلا عناد شوفي وضعك مو متحمل
شوق بتهزلو براسها بمعنى اي
بينفخ معتصم وبينزل لعندها بشيلها بين ايديه والكل بيطلع عليه بالمشفى وبيطلع برا المشفى بيوصل للسيارة وبقعدها بقلبها وبيسكر وبيطلع دغري بشغل السيارة وبيمشي …
ع الطريق ………
بيرن موبايل معتصم وبتكون امو …
معتصم: اي امي
ام غيث: شو ابني مطول
معتصم: لا امي مامي مطول نامي انتي لا تنطريني
ام غيث: بس مين بديةو يحطلك اكل
معتصم:يا امي لا تاكلي همي خلص ارتاحي والصبح منحكي بالموضوع يلي كنتي بدك تحاكيني فيه
ام غيث : طيب حبيبي ع راحتك
معتصم: يلا امي منحكي بعدين …
ام غيث: ماشي
بيسكر الخط مع امو وبيوصل لجنب صيدلية بوقف السيارة …
معتصم: نازل جبلك الدوا بدك جبلك شي
شوق: والله مافي داعي حاج بكفي اليوم كتير عذبتك
معتصم: خلص شوق شو حكينا
شوق: طيب
بينزل معتصم بجيب الدوا …
بتطلع عليه من بعيد …
شوق: يالله دخيلك هالشخص غريب عصبي لدرجة ما بعرف افهمو ومنيح لنفس الدرجة ماعم افهمو هفف
بتركي راسها ع الشباك وبتغفى من التعب …
بيجي معتصم لعندها وبيركب السيارة وبشوفها نايمة وغفلانة
معتصم : هه تعبت
بشغل السيارة وبيمشي فيها بالسيارة وبضل ماشي ع الطريق قبل يقطع الاستراد بفيقها …
معتصم: شوق شوق
شوق نايمة مو حاسة
معتصم بيحط ايد عم ايديها وبيحركها بتحس شوق …
شوق: شو مين
معتصم: اهدي بس انتي نمتي ولازم اعرف وين ساكنة
شوق: اسفة ما حسيت
معتصم: عادي
شوق: هون بعد الاستراد بشارع *
بيصفن معتصم وبقول بنفسو وبقول …
معتصم: هاد شارع مكتبي …
بكمل طريقو ع الشارع بيوصل عليه
معتصم: وين ساكنة
شوق: هي هون عند العامود هداك
معتصم: طيب
بيوقف السيارة قدام البيت…
شوق: مابعرف شو قلك بس اسفة ع هالنهار يلي صار وسببتلك بمشاكل وشكرا لانو ساعدتني مابعرف كيف بدي اوفيك حقك
معتصم: خلص بتصير عادي بسيطة
شوق: طيب انا نازلة
معتصم: استني ساعدك
شوق :مافي داعي ليكو البيت يسلم ايديك
معتصم: ولا يهمك بالمناسبة انا هون مكتبي بنفس شارعكون
شوق: اي اتشرفنا
معتصم: انا بالاكتر
بتسحب نفس وبتاخد الادوية وبتنزل من السيارة وبتروح ع البيت وهي عم تتسند ع حواف البيت تبعهون ……
بيسحب نفس وبشغل السيارة وبيروح لبيتو ……
بتفتح باب البيت وبتدخل وبالزور ساندة حالها …
بتطلع يمين ويسار ما بتلاقي حدا دغري بترتمي ع الكنباية وبتحط غراضها وبتقول …
شوق: خطي امي مارح فيقها يتشغل بالها رح نام والصبح بس تفيق بحكي معها …
بتشلح الجاكيت ودغري بترفع رجليها بصعوبة وبتركي راسها بدون اي تفكير بشي من التعب وبتغفى ………😴😸
بيوصل معتصم قدام البيت بصف سيارتو وبينزل بيدخل لجوا ما بلاقي حدا بالصالون بيطلع باتجاه غرفتو بنفخ وبيشلح تيابو وبيبلس بجامة وبغسل بيتسطح ع التخت وهو تعبان بشوف غسان داقلو بيرن عليه …
معتصم: اي غسان قليي ليش متصل
غسان: لك والله بدي اطمن عليك
معتصم: تطمن عليك العافية
غسان: الله يعافيك طمني شو
معتصم: ولا شي هلق وصلت ع البيت ووصلتها لبيتها
غسان: اي شلون وضعها
معتصم : منيح ماشي حالو جبرو رجليها
غسان: ييي يلا خير
معتصم: وصلتو البنات
غسان: اي محمد اخدهون وصلهون ونحنا ضبينا وراح كل مين فينا ع بيتو وشغلو
معتصم: يلا خير
غسان: شكلك تعبان
معتصم: اي والله بدي نام قحط خليني ارتاح
غسان: هه ماشي يلا سلامات
معتصم: الله معك
بيسكر معتصم الخط مع غسان وبيضم مخدتو من تعبو وبيغفى ……………😴😴
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
*