الفصل الثالث
*❴📖❵↵* *روح.عاشقة.tt* 🥺❤️
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
شوق: مرحبا ماما
ام شوق: اهلين حبيبتي
شوق: اكلتي
ام شوق: اي والله كرمال الادوية
شوق: صحة وهنا ياعمري
ام شوق: ع قلبك
شوق لكن انتي فيكي ترتاحي انا تعبانة رح اكل واطلع نام عنا فيقة بكير بكرا
ام شوق: ماشي حبيبتي تصبحي ع خير
شوق: وانتي بخير
بتدخل امها لتنام وبتطلع شوق بتبدل تيابها وبتغسل وبتعمل صندويشة وبتتسطح عم تاكل وتقلب وتتفرج وع اثر التعب وحيلها تعب بتغفى وهي عم تتفرج …………………… 😴😴😴😴
____________
بيرن موبايلو وهو مو حاسس ع الوقت
معتصم: اوووف انا شلون راح عن بالي خبرهون
بيفتح خط………
معتصم: الو
غيث: وينك يا رجل شغل بالنا مو مبين
معتصم: معليش اعذرني اخي ما انتبهت للوقت
غيث: مومشكلة بس امك مو رضيانة تنام لتسمع صوتك وتشوفك
معتصم : هاتها
غيث: خود
ام غيث: لك ابني وينك الك يومين ماعم تجي ع الاكل وعم تتاخر برا
معتصم: حبيبتي ماما لا تزعلي بس والله مضغوط شوي وغير هيك انا مع رفقاتي هلق برا
ام غيث: طيب طمن قلبي تاني مرة بدك تتاخر لا تتركني هيك
معتصم: حقك عليي ست الكل
ام غيث : وايمت راجع
معتصم: ليكني جاي انتي روحي نامي لاني اكلت مع الشباب لهيك لا تنطريني
ام غيث : ماشي لا تطول
معتصم: ماشي
بسكر الخط بعد ما طمن امو ………
معتصم: ينعن ديبكون كيف هيك الوقت مر ومو حاسين
محمد: اي والله وعنا بكرا روحة يلا قومو نقلعو ع بيوتكون
معتصم: الله يبهدلك الملافظ سعد يا بهيمة
الكل: هههههه
بودعو بعض الشباب وبيحملو حالون وكل منهون ع بيتو
بيوصل معتصم بعد مدة من الطريق ……… ……
بيصف السيارة وبيدخل دغري بيطلع لغرفتو لانو الكل نايم ببدل تيابو وبيتسطح وتعبان ف دغري بيقلب وبينام ……………… 😴😴😴
-------------------------
تاني يوم الصبح عم تجهز حالها ومشغولة بدها تلحق تطلع
ام شوق : لك بنتي عم مهلك
شوق :امي مو ناقصني اسمع موشح منون بدي لحق اطلع تاخرت
بتجهز حالها وبتلبس فستان اسود لتحت الركبة مع شوز وجاكيت جينز بناسبوها وبتترك شعراتها متناثرين ع ضهرها وبتاخد غراضها وبتنزل ركيض ع الدرج
شوق : يلا امي انا طالعة بخاطرك
ام شوق :الله معك يا عمري ديري بالك
شوق: حاضر ماما وانتي كمان حاكيني اذا بدك شي
ام شوق : ماشي
بتبوس راس امها وبتطلع بدها تلحقون …………………
_____
بفيق متنشط بيعمل الرياضة وبيدوش وبينزل لابس قميص ابيض وبنطال اسود وجاكيت سبور ومسرح شعراتو وحاطط عطر بيتجنن ريحتو ولابس ساعتو وجاهز وطالع 🤤🤤😍
بينزل لتحت والكل مستغرب فيه
لميس: لوين يا بعدي
معتصم : انتبهي لحكيك هبلة ماني رفيقتك انا
لميس : اي لوين
معتصم: رحلة مع الشباب
غيث : يا خاين رايح رحلة بلانا
ام غيث: وايمت هالرحلة
معتصم: هلق طالع وع الاغلب ع المسا منكون هون
ابو غيث : يعني اليوم مو طالع ع الشغل
معتصم: لا
لميس: والله مادخلني خدني
معتصم بيرفع حاجب وبنزل تاني عم يطلع ع اختو
معتصم: قلتلك رايح مع الشباب خاج تنقي
بتسكت لميس بعد ما انتبهت لكلامها
معتصم: يلا انا طالع بدكون شي
الكل: الله معك
بودع اهلو وبيطلع بيركب سيارتو وبيتجه فيها لعندون ………………
ام غيث : الله يحميه يارب ويبعتلو بنت الحلال يلي تسر قلبو وخاطرو يارب
ابو غيث : امين وعقبال ما يحط هالدب غيث عقلو براسو ويصير جدي
غيث: هههه لا تواخدني بابا قررت صير ستي
ابو غيث: مستحيل انت فالج لا تعالج مافي خواص معك
وبكملو دردشة بعد ما طلع معتصم لعند الشباب ………………
_____
بمكان تاني في شي عم يتحضر ومؤامرة وتخطيطات عم تتحضر ل بلاء مو متوقع……
مجهول: اي معلم
المعلم: شو طمني
مجهول: الاخبار يلي وصلتنا مزبوطة معلم هي هلق طلعت من البيت
المعلم: مممتاز وهاد يلي بدي ياه
مجهول : ولو ضبع معلم
المعلم: سمعني منيح لقلك هالشغلة
مجهول: تفضل
المعلم: فتشلي كل قرنة من زوايا هالبيت بدي جميع التفاصيل والدبانة اذا بتمرق بدي اعرف فيها عم تسمع
مجهول : امرك معلم
المعلم: يلا ع شغلك
مجهول: حاضر معلم
بيسكر الخط معو وبيبتسم ابتسامة خبيثة …………
المعلم: الهدف الاساسي شلناه من وجهنا يا ام شوق وهلق منشوف مين رح يمنعني اوصللكون. والله لاحرق قلبك وقلب بنتك هيك لكن ينعمل فيني ماشي منتواجه ههههههههههه
----------------------
ناطرين قدام هالباصات ليوصل الكل وكل مجموعة واقفة لحال وحاملين الغراض شي دربكة وشي مسجلات وشي طابات واكل ما خلو شي ما اخدو معهون للرحلة
ماريا: يالله وينها هي
لانا: هلق بتوصل انشالله ما بتتاخر
ماريا: انشالله
ماسة: كيفكون صبايا
ماريا ولانا؛ هلا ماسة
ماسة؛ شو ليش واقفين
لانا: مافي شي بس ناطرين شوق
ماسة: اي وينها
ماريا: والله ما بعرف ع الاغلب بتكون ع الطريق
ماسة: طيب حاكوها
لانا: يلا قولتك
بترفع تلفونها وبتتصل ب. شوق
شوق: يلا عمو كرمال الله عجل
التكسي: يا بنتي شو اعمل ليكي شوفة عينك العجقة
بيرن موبايلها ……
شوق: الو
لانا: لك وينك الباصات بدها تمشي
شوق: ماني مطولة دقايق بس لنطلع من العجقة
ماريا: شوق ليكي نحنا رح نطلع بالباص وبس توصلي انتي بتكوني لحقتي اخر باص
شوق: ماشي حبباتي روحو انتو وانا وراكون
لانا: ماشي واذا ماعرفتي دقي منجي مناخدك
شوق: ماشي
لانا: يلا باي
شوق: باي
بيسكرو الخط مع بعضهون
ماسة: دقيقة صبايا وبرجعلكون بدي احكي تلفون
ماريا ولانا: اي
ماسة بتبعد عنهون وبترد …
ماسة: انشالله سمعت
محمد: اي والله كتر خيرك ميوس
ماسة: هفف منك ومن فعايلك
جعفر: وليه ماسة
ماسة: محمد ضبو لاخي احسن ما بطل ها
محمد: يستر ع اختك يا جعفر خليها رايقة عم تساعدنا
جعفر: ماشي يا ملعونة انا بفرجيكي
ماسة: قحطو يلا نطلع بالباصات
محمد: يلا …
بسكرو الخط مع ماسة وبترجع لعندون …
ماسة: يلا صبايا بلشو يطلعو بالباصات …
ماريا: يارب تلحق اخر باص
ماسة: انشالله بتلحقو اهدو
لانا: يلا نطلع
ببلشو يطلعو الشباب والصبايا بالباصات وبلش الزمر والاغاني والدق ع الطبل ومولعين الجو
بيطلعو الشباب ومحمد عيونو ما انشالت عن لانا وبيركبو كلهون وبيجهو للموقع المراد…………
___________
وصلت وهي تتنهد وتحمد ربها انو صارت عندوهون والباصات عم تتحرك …
شوق: عندك عموو هون بعد اذنك
التكسي: تفضلي يا بنتي
عم تطلع من شننتها المصاري لتعطي ……
والباصات مشيت والباص الاخير عم يمشي ع البطيئ
بتخلص محاسبة التكسي وبتلف لمكان الباصات وبتطلع بالمدى البعيد بتشوف الباص …
شوق. :يا ويلي لازم لحقو
بتروح بسرعة لتلحقو بس للاسف كان اسرع منها ومشي ع الاستراد وكلو سيارات طايرة ما بتحلق وضلت تركض لتوصلو بس للاسف راح عليها …
شوق: دخيل قسمتك يا ربي شو هاد حتى لهون هووف شو الحل لازم روح
بلشت تحاول تلاقي سيارة توقفها لتقدر توصل للباص بما انو ما بعد عنها ……
عم يمشي طاير بسيارتو وهادي ويفكر بيقطع تفكيرو رنة مححمد ……
معتصم: اي محمد
محمد: شو وينك
معتصم: ليكني وراكون صرت بالاستراد
محمد: ممتاز معنها منوصل سوا
معتصم: انشالله
محمد: يلا دير يالك
معتصم: انشالله
بسكرو الخط مع بعض ومكمل سواقة ……
شوق: ياربي دخيلك والله احترقت بالشمس ماعد اقدر رح دوخ منها هي اخر مرة بحاول وقف سيارة اذا ما زبطت خلص رح ارحع ع البيت
رجعت تحاول توقف سيارة
وصل وهو سايق بسرعة كبيرة وشارد
شوق: لازم وقف هالسيارة باي طريقة
بتتقدم شوق بتهور ع الاستراد وبتصير تركض ناح سيارة معتصم
قبل ما يوصللها ويدعسها بيشحط فرام قوي بلف السيارة وبوقفها بعد ما كانت رح تروح فيها ……
بوقف سيارتو وهو مو مستوعب يلي صار بيرفع راسو وبيطلع عليها بخوف وعصبية من يلي صار ……
بفك حزام الامان وبينزل لعندها وهو معصب …
معتصم: لك انتي مجنونة
شوق: انا اسفة ع يلي عملتو بس والله احترقت بالشمس وبدي سيارة اطلع فيها وماحدا عم يوقفلي وقررت اعمل هيك ليوقفولي
معتصم: لك يا مجنونة ع شوي كنتي رحتي فيها بسبب تهورك هاد
شوق: بعرف بس عنجد اسفة اذا بتريد طلعني معك والله دخت من الشمس بدي لحق هداك الباص
معتصم ماعرف شو يرد بين انها فعلا تعبانة وهااشي واضح من الشمس الضاربة عليها بين الرعبة يلي صارت بلمح البصر وكانت رح تروح فيها …
شوق: اذا بتريد
معتصم (بعصبية) :طلعي لشوف
بتتروح شوق لعندو وبتطلع معو بالسيارة وبتحط حزام الامان وهي عم تلهث من التعب بيخبط باب السيارة بتجفل منو بيضرب الدركسيون بايدو بشغلها وبيمشي بسرعة
بتمرق دقايق ع سكوتهون بتفتل لعندو وبتقلو …
شوق: انا اسفة يا استاذ بس صدقني لو ماني مضطرة ما كنت ……
بقاطعها وبقلا ……
معتصم.:ليكي ولا حرف صوتك ما بدي اسمعو هداك الباص يلي بدك تطلعي وراه
بتحز بقلبها فوق مابدها تعتذر منو قاطعها
هزتلو براسها بمعنى اي وركت راسها ع الشباك بتعب ودمعتها رح تنزل بسبب الشي يلي عملو
اطلع عليها وهو العصبية طاغية عليه وشك انها من طلاب الرحلة وكمل دربو……
بيوصـلو آلشـبآب وآلصـبآيآ وبتوقف هہآلبآصـآت وببلشـو ينزلو وآحد تلو آلآخر وآصـوآت آلمـوسـيقى بتوقف لآنو وصـلو
وهہنن عمـ ينزلو
مـحمـد : وآخيرآ وصـلنآ لهہل غآبة
جعفر : وآللهہ يلي بيسـمـعگ بقول شـي جديد
مـحمـد : وآنت آلصـآدق قصـة حبي مـن هہون رح تبلشـ
جعفر: الله يكملها معك
محمد: انشالله
ببلشو الشباب والصبايا ياخدو اماكنهم طبعا الشباب متخرجين بس يلي خبرهم بالطلعة ماسة وفاتو بين طلاب الجامعة وضيعو المسؤولين ومشي حالون
غسان: محمود
محمود: اي غسان
غسان: بدينك يا زلمة عطيني كيس الفحم
محمود: خود
بزتلو ياه وبيقعدو يرتبو القعدة تبعهون
بيرفع تلفونو محمد وبدق ل معتصم
محمد: الو
معتصم: اي محمد
محمد: وينك انت لهلق تاخرت
معتصم بيطلع ناح شوق من فوق لتحت وبكمل حكي
معتصم: ولاشي ليكني خمس دقايق وبكون عندكون
محمد : ماشي
بسكر الخط معووبكمل ترتيب وبيقعد بجهة يضل عم يشوف لانا فيها
جعفر: حاج حاج تطلع عليها للمخلوقة وكأنها رح تهرب
محمد: انت شو دخلك عيرني سكوتك
محمود: تركو ايامو لك عمي
غسان: ع قبالنا قولو آمين
الكل: ههههههه آمين
ماسة قاعدة بين الصبايا وبتقول
ماسة: لك لانا شايفة هداك القاعدة هنيك
لانا عم تطلع العصير تبعها من الشنتة والبزر والمكسرات
لانا: ثواني شو اعملو يعني
ماسة: لك لانا بلا هبلك بعرفك بتحبي هالنوع
بترفع نظرها لانا ل ناح محمد
لانا: مين انو واحد
بتقرب منها ماسة بخبث وبتقلا
ماسة: هداك ابو الجاكيت العسلي
بتحدق لانا بدقة ع محمد وبتحاول تتمعن بملامحو
ماسة بتقطعها بنكشة وبتقلا
ماسة: شو عجبك
لانا: انو اي حلو وشخصية اول مرة بعرف عنا هيك شب بالجامعة
ماسة: اممم وهي عرفتي
لانا بتحاول تهرب من كلام ماسة
لانا: ميمي
ماريا قوليلي
لانا: شيلي من ايدك هالعودين والله خوتيني فيهون
ماريا: لك انشغل بالي ع شوق
لانا: والله وانا
ماسة: رح دقلا انا
ماريا: اوك
بترفع موبايلها ماسة لتدق الا وشحطة سيارة مداها بعيد بتوقف
وبوقف وراها باص في دفعة من الطلاب ……………
بتشلح حزام الامان شوق وبتمسك شعرها وبتقلبو لورا ضهرها وبتفتل لعند معتصم وبتقلو …
شوق: هو بصراحة مابعرف شوقلك اعتذر ولا اتشكرك
بيقاطعها معتصم وهو معصب وبتطلع فيه وبتشوف قديش معصب منها……
معتصم: هالمرة حطي ببالك مرقت وصدقيني اذا مرة تانية بتعملي نفس الفصل ما رح اتردد ثانية وطيرك من قدامي…
بتطلع عليه شوق وبتقلو
شوق : بتعرف فعلا انت واحد ما بتستحي ع حاالك الحق عليي بدي اعتذر واتشكرك بالاذن منك وبتغمزو وبتنزل…………
بيطلع وعييونو عم تقدح شرار من عصبيتو
معتصم: لعما هي شو مفكرة حالها مجنونة وبيضرب الدركسيون وبينزل
وبيطلعو كل من الطرفين كيف شوق معتصم …………
بتوصل وبتلوح 👋ماريا ل شوق وبتروح شوق لعندها
وبنفس الطريقة بلوح 👋غسان ل معتصم بشوفو وبروح لعندون
بتقعد وهي تعبانة وبتقول ………
شوق: التوبة هي اخر مرة
ماريا: ياعمري انتي ع هالشغلة يلي صارت معك
لانا: اي والله خدي شربي مي
شوق: اي والله يسلم هالايدين بتشرب مي شوق وبتريح
ماسة وعلامات الاستفهام ظهرت بعقلا وبتقول
ماسة: شوق مين هاد يلي انزلتي من سيارتو
بتطلع لجهتو وبتزورها وبيزورها وبتتجاهل وبتفتل ل تجاوب
شوق: واحد قليل ذوق
ماسة: ههه وكيف طلعتي معوو
شوق: اضطريت كرمال اوصللكون
ماسة: اممم يلا المهم وصلتي
شوق: اي
بيقعدو البنات وبزبطو القعدة وبطلعو مشروباتهون وغراضهون وقاعدين عم يحكو ويضحكوو.
محمد: معتصم ليش معصب
معتصم عم ينتفض غضب
معتصم: يا زلمة ع هالجية قلتلك مو زابطة بس شو احكي بولع سيكارة وبدخن
محمود: معتصم مين هالضرب يلي نزل من سيارتك
معتصم بيرفع حاجبو وبشد ع قبضة ايدو وبقلو: احترم حالك بس تحكي عن غيرك وحدة
محمود: اي لكن يا عمي العز للرز والبرغل شنق حالو اخ لو يصحلي هيك ضرب والله ما بفلتو من ايدي ما حكيت معها
غسان: اي احكيلنا
جعفر: شو سالتا بتعرف اسمها
معتصم بعصب وصار الدخان يطلع من راسو متل البركان …………
معتصم: (بحدة) :قسما بالله بقوم بمشي اذا بتضلو هيك
سكتو كلون
محمد: خود خود شفلي هالنفس والله شغلة ووهي احلى كاسة متة
بياخد معتصم ونظرة على القاعدة ونظرة عليها وعم يفكر
معتصم: (بينو وبين حالو) :شو هالبنت هي بحياتي ما شفت متلها عنجد نفسي خلص عليكي
ببلشو الشباب يطرو الجو ويمزحو كرمال معتصم لانو معصب
وكل مجموعة من طلاب الجامعة قاعدة بحيز مكان وويلي عم يدربك ويغني ويلي عم يضحك وضحكتو واصلة للسما ويلي عم ياكل ووقت واجواء الرحلة عم تحلى وتحلى ……………………
معلم: الو
مجهول: نعم معلم
معلم: سمعني منيح شو بدي قلك بتجبلي بأي طريقة كانت المهم تكون عندي بعد ساعتين ام شوق
مجهول: بس يا معلم
معلم: بس ولاااك سمعتني شو حكيت نفذ
مجهول: امرك معلم
بسكر الخط مع الشب وبقول
معلم: والله لاجعل ليلكون نهار ونهاركون ليل والله لعيد سنين الماضي والحاضر فيكي يا ام شوق
بيبتسم ابتسامة خبيثة وعم يهز بالكرسي ………………
عم بحوص ويلوص ليلاقي طريقةيسحب ام شوق فيها وياخدها او عم ينطر لتعم العين وياخد فرصتو ويغتنمها كرمال ماحدا من الجيران يشك بأمرو ………………
________
ام غيث: شو رايك راما بهالبنت
راما :والله يا مرة عمي منيحة بس انشالله معتصم يقبل
ام غيث: والله ما حدا رح يعقدني غيرو ياريت يقلي ع شي وحدة والله اليوم قبل بكرا لزوجو ياها بس مالي غير خليه يلتقي فيها
راما: فكرة حلوة بس كيف
ام غيث: سمعي لقلك بكرا رح نعمل …………………………………………………………………………………………وهيك منبدا اول خطوة
راما: والله عين العقل يا مرة عمي
ام غيث: وهو هيك
وبكملو دردشة ويلاقو طريقة يقنعو فيها معتصم …………
ام شوق قاعدة بالبيت لحالها ……
ام شوق: اخ يا بنتي الله يحميكي ويهدي بالك ويسر امرك ويجبر بخاطرك
بتقوم بتاخد دواها وبتتسطح ……
------------------
محمد: شباب
الشباب: اي
محمد: انا لازم حاكيها حاج مرق وقت منيح بالرحلة لازم نتحرك
معتصم: هديك هي روح حاكيها وخلص سمانا
جعفر: اي عنجد
محمد: لا بلا جنانك انت وياه مستحيل ما بترضى هيك
محمود: شو عرفك جرب
محمد: شو شايفني اجدب لجرب حاكيها بهالطريقة
غسان: روميو بيك خلص شوف شو بدك تعمل اعمل
جعفر: دق ل ماسة خليها تسحبها شوي لنص للغابة وبعدها روح
معتصم: اي بصير جرب راي هالمساطيل هدول
الشباب :ههههه
محمد: مساطيل قلتلي يلا لنحكي مع ماسة
معتصم: اي بس دير بالك
بيتصلو ب لانا وهنن قاعدين ……
معتصم عم يطلع ع شوق شوي وع العالم شوي ولسا فكرو بيلي صار
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
*