الفصل الثاني
*
*❴📖❵↵* *روح.عاشقة.tt* 🥺❤️
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*`
〰️〰️〰️〰️〰️〰️〰️〰️〰️
بتسكت بغصة وبتقول …
شوق: خلص اهدي بس خليها نايمة هي تعبانة
بيطلعو ببعض وبيبتسمو وبيروحو يقعدو ويلفو اجر ع اجر وشوق بتقوم بتبلش شغل
شوق (بنفسها) :كلو كرمالك يا امي بهون
بتشتغل وكلهون قاعدين ومابدها تحسس امها بهالشي ………
باااااك///////////
شوق: حسبي الله ونعم الوكيل احسن شي الله يسامحكون يا خوالي
بعد ما بكت بتتسطح ع تختها وبتنام من بكاها وتعبها ………😴😴😴😴
----------------
بعد ما خلص دوامو ورجع ع البيت لقى امو قاعدة
معتصم: مسا الخير ماما
ام غيث: مسا النوور حبيبي
معتصم: شو ليش فايقة لهلق. ووين الكل
ام غيث: والله نطرناك تاخرت ف كلون اكلو وطلعو لغرغهون بس انا ضليت انطرك لشوفك
معتصم: (بحنية ورجولة) :يا حبيبة قلبي يا امي قومي ارتاحي بقرب وببوس راسها
ام غيث: لروح حطلك اكل بعدين برتاح
معتصم: مافي داعي ماما انا بس جوع بنزل بحط وباكل لا تشغلي بالك
ام غيث: بس هيك ما بصير
معتصم.: كرمال امي ولو
ام غيث: يلا ماشي
بوصل امو على غرفتها وبكمل على غرفتو بيدخل بحط غراضو بياخد دوش ع السريع
وبيتسطح ع التخت
معتصم: لعمااااا شو هالنهار الزفت
بمسك موبايلوو وبصير يتفشش فيه ويقلب بالايميلات والحسابات تبعو
بزتو ع جنب بعد مدة وبينزل ع المطبخ بساوي متة وبيطلع بيقعد البلكون وبيفتح قضية وببلش يتمعن بتفاصيلها ……………………
وبضل مدة طويلة بعدين بحس ع حالو انو تأخر بالسهرة
معتصم: هفففف يلا لازم فوت ارتاح حاج بكفي اليوم
بيدخل لجو بيتسطح وبحط ايديه تحت راسو وبنام ……………………😴😴😴😴😴😴😴😴
___________
بصـبآح آليومـ آلتآلي…ببيت شوق …
بتصحى شوق بعد ليلة متعبة مرت عليها على صوت رنين موبايلها بتفتح عيونها بأنزعاج …………
شوق (بتأفف): هففف مين هالغليظ يلي عم يتصل من الصبح
بتمسك جوالها بتشوف لانا ع الخط بتفتح خط وبتحطو ع اذنها وهي لسا النوم على عيونها ……
شوق: اي لولو
لانا: يسعدلي هالصوت شلونك عمي شوق 😅
شوق: لك ما رح تبطلي هالصيغة يلي بتحكي فيها
لانا : روقينا عم نهز الورد لنشمو
شوق: خير يا طير شو بدك من عند الصبح عم تتصلي
لانا: تضربي ما رح رد عليكي بعرفك نايمة
شوق: اممم
لانا: شووووق ليكي
شوق:(هفف بطفولة) :يا الله لانا حاج تعيطي طبلة اذني صارت بهولندا من وراكي
لانا: هههههههههه سمعي لقلك
شوق: احكي خلصيني احسن ما خلص عليكي
لانا: اجتنا اليوم اخبار حزري شو
شوق: ماني حازرة احكي
لانا: لك اليوم الصبايا. وشباب الدفعة تبعنا خبرونا في رحلة لطلاب الجامعة
شوق: تضربي هاد الخبر
لانا: لك سمعي وبدك تطلعي معي مافي الك حجة بدبحك
شوق :بحياة الله شو اعملك روحي معهون انا مالي فاضية
لانا: بليز شوق الله يوفقك كلون رايحيني وميمي رايحة
شوق: يالله يا لانا
بتجلس حالها وبتستند ع التخت
لانا: سمعي هي هالمرة كل مرة منتحجج حجة شكل خلينا نطلع هالمرة ننبسط والله منتسلى امانة شوق
شوق: يا عمري والله ما بهون عليي زعلك بس انتي بتعرفي وضعي مكركب هالفترة خلص طلعو انبسطو انتو
لانا: هلق هيك حبابة طلعي معنا والله منوعدك ما نعمل حركات ولدنة انتي ارضي روحي معنا ويلي بدك ياه بصير
شوق: لك يا لولو خلصي ميمي رايحة معك بتنبسطو سوا والدفعة تبعنا كلها طالعة روحو وكاني معكون
لانا: لا ما نروح خلص بطلنا
شوق: هلق هيك طيب والله ظروفي مو زابطة
لانا: خلص عادي بس تفضي منطلع كلنا
بتحز بقلبها ل شوق انو بطلو يروحو من وراها
شوق: ايمت الطلعة؟ ؟
لانا: بكرا
شوق: خلص رح اجي مو منشان شي بس ما بدي زعلك وما بهون عليي فيكي وفيهون
لانا: لك يؤبرني الحنون الله يسعدوو
شوق: ولو يعمري
لانا: طيب مازال اليوم ماعنا محاضرات مهمة جهزي حالك وشكلسي امورك وعطيني خبر
شوق: هههههه يا ويلي ع مفرداتك الغريبة ماشي
لانا:هههه يلا قحطي عندي كم شغلة بدي اعملون
شوق: ماشي باي
لانا: باي
بتسكر الخط مع لانا وبتحط موبايلها ع الشحن وبتدخل بتغسل وبترفع شعرها كعكة وبتنزل لعند امها ……
شوق: صباحو ست الكل
ام شوق.: هلا صباح الورد
شوق: شربتي قهوة ماما
ام شوق: لسا كنت عم انطرك
شوق: يلا فايتة اعمل قهوة واجي لعندك
ام شوق: ماشي
بتدخل شوق ع المطبخ بتعمل قهوة وريحتها تغلغلت بأنفاسها بتعلمها وبتطلع لعند امها بتحط القهوة قبالها وبتصبها بالفناجين
شوق: تفضلي ماما
ام شوق: شكرا يا عمري
شوق: صحة حبيبتي
بيشربو قهوة وهنن ساكتين بعد صمت ل دقائق
ام شوق : حكو معي
شوق: مين
ام شوق: خوالك
شوق: خير شو بدهون مو نحنا نهينا الحديث مبارح وع اساس تخلو عنا
ام شوق: رجعو فتحو معي الموضوع وقال هي اخرة مرة بيعرضو علينا
شوق: معليش افهم خوالي شو مشكلتون امي ما بدي ازعجك وازعج حالي من الصبح بس كل واحد من خوالي ما بدو غير مصلحتو واحد منهون بدو يزوجني لابنو والتاني بقلي سند الكون والتالت الله اعلم شو ببالو
ام شوق: والعمل
شوق: خلص ياه يبعدو عنا ونحنا بألف خير من الله لا رح نعمل هيك ولا هيك هي نحنا وهاد قرارنا لو بتطبق السما ع الارض ما برجع لعند نسوانهون وعيالهون
ام شوق: يلا خير انشالله
بيسكتو وشوق بتحس النار شعلت بقلبها وماعد قدرت تسيطر ع حالها
بيعم الصمت بعد هالموضوع حوالي 15دقيقة……
شوق بتحط الفنجان من ايديها وبتقرب لعند امها
شوق: ماما كرمال الله لا تزعلي والله العظيم يلي دقناه منهون مين ما بيتحملو؛؛؛
وانا مافيني ارجع لعند حدا ل يتحكم فينا
ام شوق: الله يرضى عليكي والله فهمانة هالشي وبعرف عم تحكي الصح وانا لهيك ماني زعلانة وبالعكس واقفة معك
شوق: الله يخليلي ياكي يا امي
بتلمس امها ع راسها بحنان وعطف ل شوق
شوق:ماما بدي خبرك شي
ام شوق: احكي
شوق: الدفعة تبعنا طالعين رحلة ولانا حكت معي الصبح واصرت اطلع معهون وما حبيت احرمهون من الروحة ف الرحلة تبعنا بكرا ف اذا ماعندك مانع انا رح روح
ام شوق: يا عمري معليش روحي بتتونسي بس يرضى على اسمك الله يحن عليكي يا شوق بتديري بالك ع حالك
شوق: ولا يهمك ماما كلو خير انشالله خير
ام شوق: انشالله
شوق: انا قايمة جهز حالي وانزل ع المحل تبعنا شوف كيف الشغل ماشي مبارح ما مريت عليه
ام شوق: بكيرر هلق بتفطري وبتطلعي
شوق: مو بنفسي ماما فطري انتي وارتاحي بس جوع باكل هنيك
ام شوق: يلي بيريحك امي
شوق: يلا قايمة اجلي هدول واطلع البس
ام شوق: ماشي
بتقوم شوق بتاخد القهوة بتجليون وبتطلع ع غرفتها بتجهز حالها
بتدخل بتطول جاكيت جينز وكنزة بيضة وبنطال وبوط بتلبس وبتجهز حالها وبترفع شعرها كلو لفوق كعكة وبتنزل خصل من الجوانب بتطغيها انوثة وجمال بتجهز حالها وبتنزل
شوق.: يلا ماما انا رايحة
ام شوق: ماشي يا عمري ديري بالك
شوق: ماشي حبيبتي اذا بدك شي دقيلي
ام شوق: ماشي
شوق: يلا باي
ام شوق: الله معك
بتطلع شوق من البيت وبتتجه ع الشغل ………………………
----------------
ببيت معتصم ……… &
بكون فايق عم يعمل شوية تمارين رياضة بيشد جسمو
عم يعمل التمارين والعرق عم يتصبب من جبهتو ووينزل ويطلع وتمارين الضغط يلي ما هدت من الصبح
بيجي صوت من وراه
غيث: صباح الخير
بوقف عن التمرين وبيندار ع اخوه
معتصم: صباح النور
غيث: شو من ايمت فايق
معتصم: من زمان ليش
غيث: لك يا رجل انت مستحيل ابي بضل يحكي انك اشطر واحد فينا لك بعمري ما شفت واحد متلك
معتصم: هه بس تكون متلي ابقى احكي
غيث : عم تجاكر
معتصم بيرفع حاجبو: بتعرف
غيث: لا شو
معتصم: سكر ع السيرة بلا ما نتخانق
غيث: والله مو ناقص غير تعملي كفين
معتصم: جاي ع بالك
غيث: هههه يستر ع اختك حل عني مو ناقصني
راما: لك غيث وينك
معتصم بيبتسم ابتسامة جانبية
معتصم: مرتك 😅
غيث: يا عيونو ل غيث قوليلي
راما:لك جننتني وانا الحق فيك خود هي النسكافيه تبعك
غيث: من ايدين ما نعدمون
راما: حبيب قلبي
بيصفن شوي بعلاقة اخوه ومرتو كيف بيحكو
بيصحى من شردتو
غيث: حبيب هون وين رحت
معتصم: لعما ما اغلظك يا زلمة
غيث:لك حلك تحب
معتصم: تضرب انت وهالسيرة من الصبح
غيث: اي بكرا منشوفك يا روميو كيف رح تصير
معتصم: بأحلامك
لميس: مافي شي اسمو احلام
بيلتفتو عليها
معتصم: شو قصدك
لميس: اخي صدقني حاجتك كلام غيث مزبوط خلينا نخطبلك والله جاي ع بالي احضر عرس
غيث وراما: هههههه
معتصم: تضحكو بلا سنان انشالله وانتي لميس خانوم شو قصتك من الصبح مواعظ ونصايح
لميس: هاد يلي طلع معك فوق ما بدي افرح فيك
بتزعل وبتفتل ضهرها
معتصم: يا حول الله والله مالي خلاق راضي حدا انا امري لالله
بقرب من اختو وبوقف متلها وبيهمسلها
معتصم: لميس
لميس بتدور وجها وبطنش
معتصم ما بحب يساير حدا بس مجبر اختو
معتصم: لميس طلعي فيني
غيث: ههههه يا عيني
معتصم: ضب حالك غيث
معتصم: اي تصطفلي لا تردي رايح جيب فريز وشوكلا ل راما
بتفتح عيونها ع وسعهون وبتقلو
لميس: وانا
معتصم: الي ساعة بحكي معك ما بتردي مو هيك مرة اخي
راما: اي
لميس: خلص برد والله بس بتجيبلي
معتصم: هههه ماشي
غيث :ضحك سنو واخيرا
معتصم بيشلف عليه قنينة المي بتجي ع بطنو
غيث: اخ شبك وجعتني
معتصم: ولاشي عم شد براغيك خايف تفرط
وبيحمل حالو وبيطلع ع غرفتو بياخد منشفتو وبيدخل بياخد دوش ليريح حالو وبيطلع بيبلس بنطال اسود وكنزة سماوية وبوط وجاكيت سبور وبنزل
ابو غيث: بسم الله وين رايح
معتصم: لازم اطلع ع المعمل مبارح ما طلعت
ابو غيث: خليك ع القليلة اشرب قهوة او بتفطر معنا
معتصم: معليش مستعجل باكل بالشغل
ام غيث: الله يهدي بالك
معتصم: يلا بخاطركون
بيطلع معتصم متل البرق ع الشغل وبيترك الجمل بما حمل وراه وبكمل طريقو لشغلو……………
غيث: شو راح
ابو غيث: لا لساتو واقف متلك
غيث: روق حجي
ابو غيث: لك نفسي اعرف ايمت بدك تصير متلو وتروح ع الوقت وتجي ع الوقت الله مبهدلك مافي مجال
الكل: ههههه
غيث: الله يسامحك يا حجي ضحكت الجمهور علينا
ابو غيث: اصلا هاد الشاطر فيه انت
بضلو يدردشو ويضحكو وبيفطرو وبيطل كل مين ع شغلو وجامعتو، ،،،،،،
-------------------
بتوصل ع المحل يلي من ريحة ابوها محل بيع حلويات وهي يلي عم تديرو بعد ممات ابوها
بتدخل لجو
شوق: صباح الخير
الصانعين: صباح النور
شوق: همسة طمنيني كيف الشغل ماشي
همسة: الحمدالله كلو تمام ومتل مابدك
شوق: طمنيني ابو ابراهيم اتحسن
همسة: اي الحمدالله وهلق رجع والحمدالله امورو عال العال
شوق: ماشي انا فايتة لجوا بدكون شي نادولي بدي دقق بالحسابات
همسة: متل مابدك حاضر
بتدخل. لجوا وبتفتح دفاتر الحساب وبتشوف مين الو معها وعم تنظم ادارة المحل
وبتضل قاعدة عم تشوف حساباتها وبعدها بتدخل لجوا لعند يلي بيعملو الحلو وبتصير تساعدهون وتشتغل معهون
وبتضل هيك والوقت عم يمرق……………………
----------
بيوصل للمصنع وبيدخل لجوا والكل بهابو وبيحترمو بيطلع دغري للمكتب
معتصم: رامي رامي
بيدق الباب وبيدخل رامي
رامي: نعم استاذ
معتصم بسرعة بعتلي احصائيات المعمل لهون ع المكتب وجهزلي اللجنة تبع الكشف ليكني جاي
رامي: حاضر استاذ
بيحط غراضو وبجهز حالو وبينزل ل تحت بكل ارادة وشخصية قوية ومهابة والكل ما حدا بيسترجي يحكي شي معو لانو ما بحب المهيصة بالشغل
اللجنة: صباح الخير استاذ
معتصم: صباح النور، ،،، شو انشالله بغايبي ما صار تقصير
ببيبلعو ريقهون قدامو
معتصم فهم من عدم الرد
معتصم: يلا نبلش
بيدخل معتصم ل قلب المعمل ومركز وعم بتفحص الاضرار وآلية العمل والعمال وماحدا مسترجي يحكي شي
بيوصل لمكاتب المشرفين بعد ما شاف الاليات وبيسمع صوت المهيصة واللعي بلا طعمة من العمال
بيدخل بدون ما يدق الباب وبيفتحو والغضب عم يتسلل للمكان
معتصم: شو شباب طمنوني انشالله مرتاحين جبلكون راسين اركيلة تزبطو الطاسة
كلو واقف وماعم يجاوب
معتصم: بغضب وعم يحكي من بين سنانو: لك تفه هاد يلي بأمنكون تديرو بالكون ع المعمل هاد شغلون شو يا حمزة يا امجد ابو هادي ابو فراس
حمزة: استاذ
معتصم بيصرخ صوت فيهون
معتصم: خرسوووووو (بعصبية)
معتصم: رامي بسرعة بتصوف رواتب هدول ووجهون بالمعمل ماعد بدي شوفو
رامي: حاضر استاذ
ابو هاد: استاذ معتصم لا تعمل هيك فينا
معتصم: (بغضب) :صوت ما بدي اسمع امواال الناس وارزاقها مو لعبة وهي نتيجة افعالكون اتحملو
وبيطلع بيخبط الباب وراه وكل يلي بالمعمل ساكت وعم يسمع
بوقف بنص المعمل وبيحكو بصوت جهووي ع مسمع الكل
معتصم: هاد مجرد تحذير لكل الموجودين وهدول يلي انصرفو هلق عبرة للكل لهيك سمعوني منيح وجلالة خلق الله يلي بدي شوف منو تقيصر وعدم مباللة وشغل مو بضمير لحالو ومن دون ما شوفو بيصرف حالو لانو والله مو نصيحة شوفو وانتو بتعرفوني منيح
الكل بيعرف انو كلامو مزبوط لهيك سكتو
معتصم: يلا الكل ع شغلووو
بيصرفهون لشغلون وبيطلع للمكتب بلاقي دفاتر الاحصاء بيقعد بيشتغل فيهون وينفخ. ويدخن …………
بعد غضون ساعات بيرن موبايلو
معتصم: اي محمد
محمد: وين انت
معتصم: بالمعمل
محمد : قوم تعال قاعدين بالكافيه بدنا نتفق
معتصم: يلا جاي
بسكر الخط مع محمد وبقوم بجهز حالو بعد ما خلص تدقيق وبياخد غراضو وبيطلع من المعمل …………
--------------------
بتكون عم تساعدهون بالشغل بيرن موبايلها
علي: موبايلك عم يرن
شوق :ليكني جاي
بتحط يلي بايديها وبتطلع تشوف مين عم يدقلها
شوق: اي ميمي
ماريا: وين انتي
شوق: بالمحل
ماريا: شو رايحة معنا بكرا
شوق :اي
ماريا: ممتاز ليكي بدنا طلب منك
شوق: قولي
ماريا: الله يوفقك خديلنا من الحلو تبع شغلكون نحنا اخدنا كل شي معنا انتي بس جيبي شوية حلويات
شوق: لك تضربي اكيد بدي جيب من دون ما تحكي
ماريا: يا عيني والله ل نكيف
شوق: انشالله
ماريا: ايمت طالعة ع البيت
شوق: مابعرف بس لتخف الزباين شوي خطي عم ساعدهون
ماريا: اي الله يرزقك
شوق: الله يسلمك
ماريا: يلا مارح عطلك بشوفك بكرا
شوق: ماشي عمري
ماريا: باي
شوق: باي
بتسكر الخط شوق وبتروح تكمل شغلها ………………………
--------------
ام شوق: خلص اخي نحنا اخدنا قرارنا مابدنا نروح ع مكان
زياد :هيك لكن خلينا نشوف بكرا مين رح ينفعكون
ام شوق: لا تكون حقود خلص مابدنا هي رغبتنا
زياد: رغبة قلتيلي الله معك لا منعرفك ولا بتعرفينا
وبسكر الخط بوجها وبحز قلبها انو اخواتها هيك بعاملوها
ام شوق: الله يهدي بالكون ويحننكون احسن شي
---------------
بيوصل معتصم ع الكافيه يلي متعود ييشوف صاحبو فيه وبيصف السيارة وبيدخل لجوا بأشرولو بروح لعندهون
معتصم: مرحبا شباب
محمد محمود جعفر غسان: اهلين معتصم
بيسحب كرسي وبيقعد
معتصم: اي هاتو لنشوف خير انشالله شو سبب الاجتماع
محمد: حكيتلك ع الرحلة ماعندك طريقة تانية بدك توافق
معتصم: يا حول الله
محمود: اي معتصم الله يخليك منغير جو ومنشوف مين المسطرة يلي عاجبتو
غسان: فكرة حلوة
جعفر: اي كلنا طالعين والدنيا كلها طالعة هي الرحلة كلون قالو حلوة خلص منطلع منغير جو
معتصم: وايمت هالمغضوبة
محمد: بكرا ع 11. بتجي الباصات
معتصم: يا حبيبي و11 كمان شو اخدني انا خلص هي انتو بتكفو وبتوفو
محمد: بلا غلاظة بتلحقنا بسيارتك لانو انت مخلص جامعة منضيع وقت ومنو بشوفو والله مو طالعة هي ما كنت رحت وبليت حالي وبليتكون معي خلص خلينا نروح
معتصم: اسنغفر الله العظيم احسن شي ماشي امري لالله بس والله وهي قداموهون اذا ما عجبني الجو راجع
الكل: موافقين
متعصم: خير انشالله
محمود: روقنا عصوم
معتصم: لا تناديني عصوم بيستفزني هالاسم
جعفر: ههههه روق روق دوم خلاقك برجلك وبتضل معصب
غسان: ضحكلي بخمسة
بيبتسم لحركة رفقاتو
محمد: ضحك سنو
بضلو عم يدردشو والوقت عم يداهمهون
وبيمضى النهار ----------………………
بعد ما خلصت شغل رجعت ع البيت وهي تلفانة تعب بتفتح وبتدخل
يـــــــــ͢ـོ͓ـــتبــــــــــــــོـ͓ــع
➖➖➖➖➖➖➖➖➖
*