على رمال سيلين - الفصل 60 - بقلم غجرية - مكتملة | روايتك

دخل راش عند سالم اللي فتح عيونه من ساعات مب مستوعب .. ــ راشد .. لاتقول لهم .. ــ قلت لهم وانتهى ... انتفض سالم ــ ليييش.... مابيهم يشوفوني عاجز ... مابيهم يشش...,, وسكت سالم والعبره في عيونه .. حط راشد يده على يد سالم يشجعه.. ــ ان شاء الله يتشفى وتقوم ..ومابتصير عاجز ..لا تخاف .. الدكتور يقول النخاع الشوكي ماتضرر .. بس بتضطر تكون تحت الملاحظة لين ينجبر الكسر .. وتقويم ظهرك بيتم معك فتره .. ــابوي وين ؟.. ــ برا .. مع الدكتور .. ــ وامي درت ؟ . ــ خبرناها .. ــ بتجي ؟.. ــ مادري.. ــ راشد .. طلبتك .. طالع له راشد ــ امر جاك . .. ــ لاتخليني بروحي....... حس راشد ان قلبه انقبض .. حس نفسه في نزاع .. طالع له حاول انه يطمنه ــ مابخليك لاتخاف .. لكن في خاطره ..ديمه ..ديمه لازم يسافر ويخطبها من عمه ..لكن ... ابدا مب وقته .. ــ اتصل لي بأحمد .. التفت له راشد ــ زوج العنود ؟ . ــ اي .. مسك تلفونه واتصل .. .. وانصدم لما سمع سالم يطلب من احمد انه مايجي ولايجيب العنود .. وانه هو بيجيهم خلال اشهر .. ــ ليش ماتبيهم يجون ؟؟.. ــ راشد ,مابيهم يشوفوني عاجز .. العنود حامل مابتتحمل .. على الطرف الثاني ..راح احمد عند العنود اللي لقاها مجهزة شنطتها ولابسة عبايتها .. ــ مافي سفر .. ــ انت شـتقول ؟ . ــ سالم كلمني من دقايق وقال انه مايبي حد يجي وانه بيجينا خلال شهور .. ــ كلمك ؟؟.ماناديتني .؟؟. حط يده على كتفها لمنها دزته بعصبية ــ وخر عني .. ابي اسافر .. ــ العنود .. صدقيني سفرج الحين مابيفيده ..بيضرج .. قعدت العنود على الارض وتمت تصيح بقوة ــ ابي سالم ..ابي اخوووي .. تم احمد واقف مب قادر يقرر شيسوي ..ياخذها ولاا ينفذ رغبة سالم اللي طلب منه انه يخلي العنود بعيده عنه اطول فتره ممكنه ..احتار ..طلع برا الغرفه وراح للصالة مكتئب .. ________________ كانت طيبه في غرفتها ..على سريرها .. مب مستوعبه .. سالم ؟..حست ببرود فظيع في اطرافها .. مسكت اللحاف وتغطت ... للحين مب قادرة تستوعب .. ــ يمه شفيج ؟؟.. طالعت عبير اللي دخلت الغرفة ... وجلست جنبها .. ــ تعبانه ..روحي نامي .. حطت عبير يدها على راس امها ـ يمه انتي مصخنه ؟.. طيبه ــ مافيني شي روحي نامي .. حركت عبير يدها لوجنة امها ــ مافيج حرارة ؟؟ اطلعت دموع طيبه ــ روحي نامي .. عبير ــ انزين .. وطلعت عبير مستغربة من دموع امها .. _____________ من ارجعوا من الحرم وصالح حاس نفسه تعبان ..ومكسـر .. ــ فطامي . ــ لبيه . ــ بنام احس اني قفلت ..مابتنامين ؟؟.. ــ لا .. بصلي ركعتين بعدين انام .. كانت فاطمة تطالع الحرم من غرفتهم في ابراج مكه ..تتأمل حياتها ..ماكانت متوقعه ابدا انها بتجي لمكه مع زوجها في هالوقت ..كانت حاسة بالغربه ..من توفى ابوها وهي حاسه بالغربه ..سفرها لقطر .. عيشها في بيت بنت عمتها .. لكنها اليوم حست بانتماء .. بامان .. طالعت صالح اللي غمض عيونه ونام على طول .. حسته رمم فيها جروح الزمن . حمدت الله واشكرته .. ودخلت تتوضا .. كانت المها نايمه لما صحتها خديجه ــ ماشبعتي نووم .. بس .. ــ شتبين .. خليني نايمه .. ـــ شسالفه هالشماغ..من ايام وانا شووفج ماتنامين الا ولافته حبل مشنقة على رقبتج ؟ .. ـ مافي . سالفه بس.. بس موضه ابي انام .. ورجعت المها غمضت عيونها ونامت ... خديجه ــ انا متملله .. المها ـ كلمي مبارك .. ــ وجع هذا الناقص .. ــ انزين شسويلج ؟؟. ــ قومي جابليني خل نتكلم في شي .. ــ اففففف .. قامت المها وجابلت خديجه شعرها مبعثر ومنكوش ووجهها منفوخ .. خديجه اخترعت ــ ردي نامي خرعي الناس باحلامج ..بتكونين كابوس لهم بدل لايكونون كوابيسج .. طالعت المها الساعه ــ توها 2 الفير ...وبكره جمعه ماتخمدين وانتي عارفه انه لاول مره من سنواات بكره مافي جمعه في بيتنا يعني مافي تخطيط ولا في طبخ .. خديجه ــ وهذا اللي ذابحني .. ماعرف .. متعوده كل جمـعه ... المها ــ جدي سافر هو و عمي عبدالرحيم لسالم .. صالح بشهر العسل ..حمد عنده امتحانات مابيجي .. ومبارك .. خديجه ـ تتوقعين مايجي بكره ؟؟ . ــ مادري .. ديوم طرشت مسج مابتجي .. وهو ليش بيجي ؟؟.. . ــ ونوف ومنصور ؟؟.. المها ــ مابيجون هالفتره الام الشقيقه زايده عند نوف .. فكله نايمه . ــ ويلي يوم جمعه من غير شوفه احد ؟؟ كآبة .. المها ــ تحبين مبارك ؟؟.. طالعت لها خديجه ــ هذا سؤال انتي وجهج ؟؟.. المها ــ اعترفي لي .. تحبينه ؟؟.. طالعت خديجه يدها وقالت وهي تعد ــ اي احبه .. واحبه ..واحبه ..واحبه .. واحبه .. المها ــ خلاص وصلت الفكره .. خلاص .. بل قامت تعد صج ماتنعطين وجه .. استحت خديجه ـ جب عاد .. خليني اعبــر !... ــ عبري محد قال شي .. بس .. حد قال لج مانفهم من كلمه وحده ؟؟.. وقامت ــ برجع لسريري .. مافي غيره ... خديجه ـ وانتي الحين بعد ماشغلتي المشاعر داخلي بترجعين تنامين ..اقضبي ارضج مافي نوم ..ببخ فيج كل افكاري .. المها ــ هيـــ ء .. ششايفتني صرصور ! شنو شغلت ..مب مشاعر سياره .. خديجه ــ قلبتي المواجع تحملي شبيجيج .. المها ــ مواجع .. لبى قلبج والله .. قعدت وقابلتها ــ يعني تحبين برووك .. ــ برووك في عينج ..مباارك .. مبـــارك .. ياويلي لي نطقت اسمه احس كل مابي ينتعش ..احس قلبي .. ــ فديتج كدوووج ..ارجووج .. لاتتكلمين بالرومانسية مب لايقه عليج .. عصبت خديجه ــ ياربي علييج ..انتي شفهمج في الحب والرومانسية ..الله يعين جاسم عليج .. مابتطلع منج كلمة طيبه .. المها ــ انا صبـاره .. داخلي بيلاقي كل العصارة المفيده للشعر قصدي للقلب..بس لازم يتحمل الشوك .. ــ يعني بتخلينه ينجرح من قلب قبل لايوصل للفيتامينات .. المها ــ ايه ,,لازم حبه لي يتوثق بالدم . خديجه ــ بل ..مصاصه دماء .. المها ــ لا ..انسانه ! ضحكت خديجه وانتبهت للمها اللي دفنت خشمها في الشماغ وتمت مغمضة عيونها ..فوقفت الضحك .. ــ بنفترق .. فجت ا لمها عيونها مستغربه .. ــ نفترق؟.. ــ اي ..بتروحين لبيت جاسم .. وانا .. لبيت عمي .. وتنتهي هالايام .. ايام السهرات هالحزه .. المها ــ ايه ..سنه الحياة .عاشر من تعاشر فلابد من الفراق .. فارقنا عبدالرحمن ..بعدين امي وابوي .. والحين نوف .. وبكره بنفترق انا وانتي ..وراشد .. قلبي يعورني مابي افكر ببكره ..خلينا في اليوم ..خلينا عيال اليوم ..كافي امس وطعونه فينا .. مسحت خديجه على شعرها ورتبته ـــ هذي سنه الدنيا ..ماشي باقي الا وجهه .. كلنا بنموت .. محد بيعيش للابد .. المهم نغتم ايامنا ونسوي شي مفيد ..واعمالنا نخلص فيها ..ونستمتع بهاللحظات ..يعز علي فراقج .. المها ــ لاتفكرين ..خلي بكره لين يجي بكره .. خلينا نفكر في اليوم ..انا مع بعض هالحزه ..حضرتج مقعدتني من الرقاد .. بقوم ارقد .. خديجـه ــ بتم لين يأذن الفجر .. المها ــ قعديني .. ــ ان شاء الله ..