الفصل 3
21
عندما وصلا درج البنايه كان صقر يعرف ان الشقة تقع فى الطابق الخامس وان سادين ربما تشعر بالتعب
فهمس انا هشيلك يا سادين
_انتفض جسد سادين، شعر صقر بذلك من يدها
فهمست تشلينى ايه عاد يا صقر؟ متخجلنيش يا ولد عمى، وكانت سادين تشعر بالاحراج، ان ما يتحدث عنه صقر لما تراه إلا فى افلام الأبيض والأسود وانها كفتاه صعيديه لا يمكن أن تسمح بهذا الدلع الماسخ الذى كانت تحتقره منذ وقت قليل
وقات لنفسها ان ستصعد بمفردها وان قوتها الصعيديه ستمكنها من المثابرة وانها تملك قدمين ولم تشل بعد، حتى لو كانت مطعونه بسكينه او خنجر كيف تسبب الاحراج لابن عمها الذى تزوجها رغمآ عنه، خلينى اتسند عليك بس يا ولد عمى
وابتسم صقر كأنه يفهم ما يدور فى عقلها والاضطراب والارتباك الذى تشعر به
وبد اول طابق شعرت سادين بالوجع، آلم لا يمكن تحمله فوقفت فى مكانها
انتى كويسه؟ سألها صقر بنبره قلقة!؟
القت سادين نظره على السلم الخالى ثم إلى الطريق وهمست بضعف وخجل، شيلنى يا صقر
وشعر صقر ان كلمات سادين تخترق قلبه وعقله وانها فى ضعفها أقرب اليه من قوتها
انحنى بلطف واحتضنها بين يديه وقد كانت سادين نحيله ورقيقه فلم يشعر بالأنهاك
ولأول مره منذ ولادتها وبعد كبرت ترى سادين نفسها محموله بين يدي شخص غير والدتها وجدها عندما كان يلاعبها
امسك كويس يا سادين؟
حاضر همست سادين بنبره خجله واحاطت عنق صقر بيديها والقت برأسها فوق صدره مثل الحمامه الوديعه وقفازيها متشبثتين ببدن صقر والخجل يأكلها
لكنها شعرت براحه
راحه لم تحس بها من قبل فسمحت لجسدها ان يستكين فى حضن الرجل الذى انقذها من كل شيء
انت تعبان؟ اسفه
اخترقت كلمات سادين الوديعه اذن صقر فهمس وجعك راحه يا بت عمى
لكن انا مش تعبان يا سادين خالص
امال انت ايه يا صقر
انا وتنهد صقر مبسوط وفى الطابق الرابع كان لدى سادين يقين انها تريد أن تعيد الكره مره اخرى
ان تطلب من صقر ان يحملها طوال العمر لكن ذلك امر غير مؤكد هناك ليلى هانم وغضبها وانها تشعر ان رحلتها قصيره جدا حتى على الفرحه
انزل صقر سادين امام باب الشقه وأخرج المفتاح من تحت السجاده ثم فتح الباب اتفضلى يا سادين
ثم اوصلها إلى غرفة النوم وارقدها بحنان وغطاها بالفراش
وابتسم بسعاده لحظات واحضر الاكل
له عاد! همست سادين بنبره صارمه وهى تحاول أن تنهض دا شغل الحريم يا ولد عمى انا الى هطبخ
اقعدى مكانك يا ياسادين انتى مش هتعملى حاجه، الدماغ الصعيدى دى خليها ترتاح شويه
فاقسمت سادين ان ابدا وان ذلك واجبها تجاه زوجها حتى لو كانت مريضه
اطلق صقر ضحكه كبيره طيب ماشى تعالى اقعدى فى المطبخ على الاقل تسلينى
ثم احضر مقعد واجلسها عليه ثم غرق فى الطبخ وهو يشكر صديقه الذى احضر كل ذلك الطعام من أجله
انت طباخ كويس جدا يا صقر، تعلمت كل ده فين؟
فى الجامعه يا بت عمى كنت بطبخ لنفسى ثم دا امر تافه
ابن عمك لديه الكثير من الصفات
سوف ابهرك
وكانت سادين منبهره بالفعل لكن صقر لم يمنحها فرصه للتعافى من قوة جذبه
اسفه يا صقر، اسفه بجد
اسفه ليه يا سادين؟
اسفه لانى ورطتك فى كل ده وانك اضطريت تتجوزنى، اسفه لأن من اول دخول ليه فى حياتك تسببت فى زعل بينك وبين والدتك
اقترب صقر من سادين ونزع قفازيها ثم امسك بيديها الصغيرتين الناعمتين واحست سادين بنفسها مرتعشه متوترة، كانت صغيره، اصغر من ان تفهم كيف تتصرف فتركته يمسك يديها وينظر إلى الخطوط التى تمزقها عرضيآ وطوليآ
معقول فيه حد هيجهز اكل وهو لابس قفاز؟
نهضت سادين منتفضة من مقعدها وكان توترها طافح فى حركاتها ونبرة صوتها
وهمست بتوتر قولى اعمل ايه بس وانا هعمله
خليكى مرتاحه يا سادين انا بس عايز اقلك ان غضب والدتى غير مبرر وهياخد وقته وترجع لعقلها
وانك ملكيش ذنب فى اى حاجه حصلت او هتحصل وانا عايزك تكونى هاديه ومستقره نفسيآ، مش عايز ضميرك ولا عقلك يصورلك انك ملامه على اى شيء
شايف يا مختار صقر عمل ايه؟
اهدى يا ليلى وقوليلى حصل ايه؟
_صقر اتجوز يا مختار، وعارف اتجوز مين؟
واحده من بنات أعمامه، واحده جايه من ورا البهايم علشان تسكن فيلتى وتملك كل شيء
لا مشفتش شكلها ولا اعرف اسمها لكن انا متأكده انها زى الزفت ومغطيه وشها بنقاب
معرفش بنت مين فيهم يا مختار معرفش
لكن لارا كانت بتقول اسمها سادين، طيب سيبينى شويه وانا هجيبلك كل الأخبار يا ليلى
انا منهاره يا مختار منهاره ومش عارفه اعمل ايه
متقلقيش يا ليلى هانم كل حاجه وليه حل،صقر زى ابنى انا هتلكم معاه واعرف إيه إلى حصل
صرخت ليلى بغضب انا مش عايزه اعرف إلى حصل انا عايزاك تشوف حل للمصيبه دى
انا كنت رافضه فكرة قعاده فى البلد عن جده وانتى إلى اقنعتنى اسيبه على راحته
شوفت بقا حصل ايه؟
ملوش لازمه الكلام دا دلوقتى يا ليلى هانم، بس انا عارف اخوات جبر الله يرحمه
وهعرفلك دى بنت مين فيهم وبعدين نتصرف
وكان مختار محامى العائله من وقت طويل جدا ويعرف كل أسرارها حتى لو لم يذهب للصعيد فهاتف شيخ البلد
وعرف منه أن سادين ابنة عبد التواب وتحسين
بنت عبد التواب وتحسين؟ دا شكلهم وحش جدا ودا اول سر انكشف سادين مغطيه وشها لأنها مش جميله
22
لاحقت الشائعات رحيل صقر وسادين الذى حدث فجأه، ان العرف يقتضى ان يكون هناك خطبه وفرح ومعازيم وزغاريد وطبخ وعشاء وسهر إلى الصبح
ما الذى حدث إذآ ومنع كل ذلك؟
هناك سر فى الأمر،لابد أن الشائعات حول سادين وصقر حقيقيه وليست اختراع
البندرى اخذ شرف الفتاه العبيطه ثم اقسم عبد التواب ان يقتله
محمد على اقسم انه رأى عبد التواب يضرب صقر بغشوميه داخل الحوش ويصرخ لكن عبد الكريم منعه
واجبر صقر على الزواج من سادين والرحيل عن القريه
الشائعات التى وصلت بيت عبد الكريم وعائلته واخوته واولاد عمه ان يتحدثون عن الفضيحه فى ما بينهم
وان عبد الكريم اقسم ان يطخ بالنار كل من يفتح خشمه على سادين، وان سادين اشرف من الشرف
وكل ما حدث غيره وحقد من عائلة اولا صقر بعد أن لقنهم صقر درس وهزمهم جميعا
وانطلقت اشاعه قصاد اشاعه، وان عبد الكريم صرخ أمام شيخ البلد اذا لم تتوقف عائلة اولاد صقر عن الخوض فى عرضه هيطير فيها رقاب
وكان الزمن علم عبد الكريم ان الإشاعات لن تتوقف فى القريه حتى تظهر مصيبه أخرى
فما كان منه الا ان تواصل مع المعلم يوسف زعيم المطاريد ودفع له المال ليسطو على بيته البحرى ويسرق منه البهائم
ثم يبيعها فى سوق البدارى ويسلمه المال، ثمن البهائم
ولم يمضى فجر الليله التاليه حتى انتشر خبر سرقة بهائم عبد الكريم وعدائه مع المطاريد وإطلاق الرصاص عليهم
كل ذلك وفرغلى يلتزم الصمت من جهته وعائلته أيضآ
ان صقر هزمه ولن يرتاح له بال حتى ينتصر عليه
وكان مهموم لدرجه كبيره وشوهد على شاطيء النيل أكثر من مره شارد فى ملكوت الله
كان فرغلى بينه وبين نفسه يعتقد انه يستحق سادين أكثر من صقر وان صقر سرق منه البنيه التى كان يتمناها زوجه له
ولم يكن يعرف انه يحبها حتى اختفت حينها صعقتة لوعت الحب والاشتياق
كان مجرد وجودها داخل القريه حتى وهو يعرف انها ليست من نصيبه وان عبد التواب سيرفض الزيجه امر مريح لكن الآن سادين رحلت
ومع من؟ مع صقر
هذا القاهرى الذى ظهر فجأه وحطم كل أحلامه، علاقة فرغلى القويه مع المطاريد اوصلت له الخبر
خبر الاتفاق الذى تم بين عبد الكريم والمعلم يوسف زعيم المطاريد
لا أحد يعرف الحقيقه غيره، انه وحده من شاهد ما حدث وسط الجزيره
واذا قال انه رأى صقر مع سادين فى وضع مخل لن يكذبه احد، انهم يعرفون فرغلى ويعرفون انه لا يكذب
قاوم فرغلى تلك الرغبه المريعه التى تقتل روحه الشريفه
لكن الحب يحكم باحكامه وصقر هرب منه
هرب من لقائه وترك له العار، لابد أن يجبر صقر على العوده وليس هناك طريقه اسرع من الشرف
وراح عقله يصور له أكثر من ذلك، ربما يطلق صقر سادين
ربما يقتله عبد التواب
ربما تعود لبيتها مره اخرى مكسوره حزينه وعندها سيعرض هو إنقاذ شرف عائلة عبد الكريم
وسيتعرض بنفسه لكل من يفتح فمه على سادين ويؤدبه حتى لو أضطر أن يخلق كل يوم عراك
وكان يعرف امرأه تدعى فاطمه لا ينبل فى فمها فوله تبيع الجرجير والخضروات فراح يشترى منها وكان معه أخيه
بدر فوقف امام المرأه وعنف بدر بلا سبب صارخا ملناش دعوه ببيت عبد الكريم ولا إلى حصل معاهم
اذا كنت انا بنفسى إلى حضرت الواقعه التزم الصمت بدافع الشرف فما شأنك انت او غيرك
ربنا امر بالستر واحنا عندنا ولايه، التقطت فاطمه الكلمات وصاغها عقلها بسرعه
فرغلى رأى كل ما حدث لكنه أغلق خشمه لأنه رجل شريف يعرف ربنا
وكتمت الخبر يوم او يومين ثم حضرت بتلات ابنة على نفادى تشترى منها الخضروات وكانت تتحدث عن الاشاعه وانها مجرد هراء كاذب
فأطلقت عليها فاطمه نظره قاتله وهمست يا اختى اسكتى انتى متعرفيش حاجه
وكلمه من هنا
وكلمه من هناك ، وفيكى من يكتم السر؟ ان فرغلى رأهم بعينه إلى هياكلها الدود فى وضع مخجل
وسار الكلام الفاحش أقوى هذه المره مع وجود شهود ووصل عبد الكريم الذى كان يعرف ان فرغلى لا يكذب ابدا
لكن فى هذه الحياه احمق جدا من يثق فى شخص ثقه مطلقه
لم يتحمل عبد الكريم الخبر وسقط من طوله إصابته ازمه قلبيه قضت عليه بعد ساعتين٢3
مات عبد الكريم، سقط فجأه وخطف وعقل عبد التواب لا يمكنه ان يستوعب كيف يسقط انسان سليم معافى هكذا فجأه، كان يأكل مع والده منذ ساعه ويدوبك تركه يطل على الزرعه البحريه التى تحتاج الرى وعندما عاد وجده ميتآ
الموت لا يمكن توقعه ولا يكمن الهرب منه، انه قريب جدا فى كل اللحظات وليس معنى أن عقلك شغلته الحياه انه لا ينظر إليك كل صبيحة يوم؟انه يطوف باحبائنا كل ليله فامليء عينك منهم فقد لا تراهم مره اخرى الا فى صور الاستديو ومقاطع الفيديو، عبد التواب الذى كان اى خلاف مع عبد الكريم والده فى معظم قراراته وجد نفسه فجأه كبير عيله
وجد نفسه يفتقده من اول لحظه، لو كان والده حاضرا لسأله ماذا نفعل الان وكيف نتصرف !!
وكانت النساء تصرخ فى كل ناحيه وتنوح نياح حزين وعبد التواب ضائع وشارد، غسل الميت، غسله امام الجامع ونودى فى مكبر الصوت من كان له عليه دين فليخبرنا لنسدده
وصل الخبر إلى صقر عن طريق عوض العلاف، هاتف عبد التواب وطلب منه أن لا يدفن جده الا فى حضوره
لكن عبد التواب رفض، رجلك مش هتدخل البلد تانى يا صقر وملكش عندنا أرض ولا زرع
انا مش عايز أرض انا عايز احضر دفنت جدى
جدك انت إلى موته بعملتك يا صقر، هتقتل إلقتيل وتمشى فى جنازتة دا حتى يبقى حرام، سيبنا فى حالنا يا صقر وكفايه إلى حصل...
راحت سادين تبكى وتنوح، لم يكن جدها فقط بل كان والدها وصديقها والان فقدت الشخص الوحيد الذى من الممكن أن يساعدها على الرجوع إلى القريه واصلاح العلاقات التالفه
ولم يكن صقر اقل حزن منها فقد احب جده رغم الوقت القليل الذى قضاه معه
وكانت سادين لازالت مريضه تتعافى وصقر يعتنى بها ولا يتركها الا لفترات قصيره، لشراء الطعام او قضاء حاجه مهمه
ورغم انها كانت تتمشى فى الشقه إلا أن المجهود يتعبها
_البقيه فى حياتك يا سادين، انا حاولت ننزل البلد لمن والدك رفض
جدى مات يا صقر من غير ما اشوفه، انا حاسه بألم كبير
معقول مش هقدر اشوفه او اسمع صوته مره تانيه؟
_انا حاسه ان الدنيا مستكتره عليه الفرح يا صقر
والدنيا لا تستقصد احد ولا تستكثر على احد شيء وغير عابئه بذلك المخلوق المتقزم الذى يحملها خسائرة ونكساته، فأنت بالنسبه لها شخص غير مهم على الإطلاق ولا تراك
_كل حاجه هتبقى كويسه يا سادين
هتبقى كويسه ازاى بس يا صقر ؟ انا حاسه روحى هتخرج منى
وتذكر صقر يوم فقد والده وكيف كان يشعر فهمس بضعف دى حاجه خارجه عن ارادتنا يا سادين وملناش يد فيها
ربما كان عليه ان يحتضنها حتى تهداء وتستكين لكن علاقتهم كانت لازالت سطحيه حتى الآن
وكل شخص منهم ينام فى غرفه مفرده، فقد كانت زيجتهم بالنسبه لهم مجرد مهمه نبيله كل واحد منهم تحمل جزء منها
وكان يشعر بالحرج للتقرب منها فهو لا يعرف ردة فعلها
ساد سكون الشقه برمتها، سادين قاعده على الكنبه
وصقر قاعد قصادها مش عارف يعمل ايه، سادين تقدرى تمشى؟
امشى اروح فين يا صقر؟
هننزل الشارع انا مخنوق وعايز اشم هوا
لم تكن افضل فكره لكن سادين وافقت، واستغرقت وقت طويل فى تغيير ملابسها وعندما دخل صقر عليها الغرفه
كانت تعدل نقابها، الجورب فى قدمها والحذاء قريب منه
انحنت سادين وتألمت، امسك صقر بيدها
اجلسها على المقعد ثم البسها الحذاء وهمس يلا بينا
......
بقى صقر يسيب بنات الناس المهمين البشوات ورجال الأعمال
البنات إلى ذى القمر يتجوز دى؟
وكادت ليلى ان تضحك من فرط السخريه، اذا كانت مش ولابد اكيد هيطلقها بسهوله وتاخدلها قرشين ما انا عارفه ابوها كلب فلوس
وكانت علاقتها بلارا لازالت متوتره رغم ذلك سألتها انتى شفتى البنت دى عندما كنتى فى الصعيد؟
حاولت لارا ان تتذكر لا يا ماما مشفتهاش
مشفتش حد اصلا كنت قاعده فى غرفتى، طيب انا عايزاكى تروحى تشوفيها
اتصلى بصقر وروحى زوريهم، مختار بيقول ان شكلها سيء جدا وربما مشوهه
همست لارا طيب واحنا هنسيب صقر اخويا عايش بعيد عننا كده؟
صقر لازم يعتذر يا لارا قبل ما يرجع
يتعذر ليه اذا كان مش غلطان يا ماما!؟
صرخت ليلى اسكتى انتى متعرفيش حاجه ومش فاهمه
حاجه
انا عارفة صقر يا ماما وعارفه انه مش هيرجع غير لو انتى كلمتيه
هيرجع غصب عنه يا لارا صقر متعود على الاكل المريح واللبس والنوم المريح وكمان بيصرف كتير ومش هيقدر يتحمل الوضع ده
فتحت لارا فمها بأبتسامه، طيب ما صقر معاه الفيزا بتاعته ودى فيها فلوس كتير جدا
شردت ليلى للحظة صقر مستخدمش الفيزا بتاعته، انا كلمت البنك ووضحولى انه ملمسش قرش منها ومعملش اى عملية سحب
وانتى تكلمى البنك ليه يا ماما؟
علشان أوقف الفيزا طبعا واجبره يرجع لطوعى
وقفلتيها يا ماما؟
ايوه وقفتها، دى فلوسى ومش هسمحله يصرفها على اى حد
مش ممكن البنت تضحك عليه ويشتريلها حاجه غاليه
نهضت لارا، لكن دا مش تصرف حضارى يا ماما، انتى بتستخدمى طرق ملتويه، خلافك مع صقر ملوش علاقه بالماديات، صقر لازم يكون معاه فلوس يأكل ويشرب ويسكن
من غير ما يحتاج حاجه من حد
صويت ليلى عينين قاسيتين على وجه لارا
اسكتى انتى بدل ما اوقف كارتك كمان؟
فتحت لارا حقيبتها والقت بالكريدت كارد على الطاوله بغضب
خديه اهوه انا مش عايزاه
وهتصرفى من فين يا فالحه؟ الجامعة والشوبينج وادوات التجميل؟
صرخت لارا من على السلم هتصرف ياماما متشغليش بالك
وكان صقر يساعدها فى تلك الحالات فقد كانت لارا دومآ سريعة الغضب لكن صقر الان هو من يحتاج إلى المساعده
اجرت ليلى مجموعة اتصالات بعدها ابتسمت فى سخريه ورينى هتعمل ايه بقا يا صقر بيه
ولم يكد صقر يصل الشقه حتى هاتفه صديقه يخبره انه يحتاج الشقه فورا ودون تأخير لأن ظروف شديدة آلمت به
الصبح هسيب الشقه حاضر..24
همست سادين فيه يا صقر؟
صاحبى عايزنا نسيب الشقه بكره الصبح لأنه احتاجها فجأه
_بنبرة مستنكره قالت سادين يوه يوه يا ولد عمى هى غفلقت كده ليه مره واحده؟
اطلق صقر ابتسامه، هو انتى قلبتى هندى كده ليه يا سادين؟
هندى ايه يا ولد عمى؟ له عاد بلاش تستفزنى
_ولو استفزيتك هتعملى ايه
هتكلم ذى بنات البندر
لا، رفع صقر يده، خليكى ذى ما أنتى، اتكلمى براحتك انا بحبك كده
شهقت سادين، تحرك شيء داخلها، هل حقآ يعنى قوله؟
معقول صقر يكون بيحبنى وهو الذى لم يرى من خلفى التوريطات؟
لازم تحبنى يا صقر، انا اصلا اتحب
تتحلى ازاى يا ست سادين؟
كلى على بعضى اتحب، روحى، ضحكتى، مزاحى حتى حزنى ينحب وكادت ان تقول وعيونى تنحب ووجهى وجسدى لكنها سكتت
والله انا لا شفت ضحكتك ولا شفت حاجه
وقفت سادين بتحدى، هتشوف يا صقر ووقتها مش هتقدر تغمض عنيك
واندهش صقر ان سادين لا تتحدث عن موضوع الشقه وظن انها نسيته وهو أيضآ
حتى توقفو امام محل لبيع الذهب وقالت سادين ان عايزه ادخل اتفرج
شعر صقر بالاحراج، انه لا يملك نقود فى حال اعجبها شيء
استترت سادين فى ركن ونزعت حلقها، ثم وضعته امام الصائغ
شوفلى دا يساوى كام بعد اذنك
فتح صقر فمه انتى بتعملى ايه يا سادين؟
كان الصائغ وزن الحلق وضرب الرقم على الاله الحاسبه
همست سادين ماشى، هات الفلوس
مش هينفع كده يا سادين، لو سمحتى خدى حاجتك
صقر، ولد عمى لو زودت فى الكلام وعملت فرق بينى وبينك هزعل بجد، ولو زعلت هتخسرنى
وقبل ان يعودو إلى الشقه كان صقر قد وجد شقه جديده
ثم قام بنقل الأغراض إلى الشقه الجديده وسلم المفتاح إلى صاحبها
ثم اشترى طعام كاف مليء به الثلاجه واشترى لسادين القهوه
الغريب ان سادين توقفت عن الشكوى بخصوص مرضها
فهى لم تقول متعبه مره اخرى وساعدت صقر فى نقل الأغراض
عندما جلسو داخل الشقه اخيرا أخبرها صقر انه سييحث عن عمل، فلديه أصدقاء كثيرين
ولديه دين عند واحد منهم سيسدده له وكل الاوضاع هتبقى تمام
وكان عبد التواب بعد أن وجد نفسه كبير عيله ارتدى العبأه الصوف السوداء وامسك بعصا معقوفه وأصبح يمشى داخل القريه متبخترا، فرح بمنصبه الجديد وسرعان ما نسى والده وشوهد يتحدث مع أكابر العائلات ويبرم الصفقات لزيادة أرضه، ورغم ان أثر الاشاعه كان لازال باق
الا ان زواج صقر وسادين اسكت الألسنة، ثم إن فرغلى بداء يتحدث عن الثأر والعراك بين عائلته وعائلة عبد الكريم
وانه سيرد هزيمته امام كل القريه، قال انه سيواجه عبد التواب مره اخرى طالما ان صقر هرب من مواجهته
وكان عبد التواب با يمكنه رفض النزال طالما فرغلى طلبه منه امام الناس
فكان يبتعد عن الأماكن التى يجلس فيها فرغلى حتى أضطر مره وهو يحضر عرس فتحيه محمد لمقابلة فرغلى
وهناك طلب منه فرغلى ثأئرة
لكن عبد التواب تحجج بالحداد المستمر على والده والذى سيستمر ثلاثة أشهر كامله
وصرح بأنه غير خائف من مواجهة فرغلى لكنه كبير عيله الأن وقد نسيى خلافات العيال بتاعت ايام زمان
اذا كان فرغلى يرغب بشخص يهزمه سيمنحه شخص يهزمه وينتهي الأمر عند هذا الحد
انا عايز صقر يا عبد التواب هتقدر تدينى صقر اتعارك معاه؟
صقر غادر البلده ولن يعود مره اخرى هكذا أخبره عبد التواب
بعصبيه لكن فرغلى كان له رأى اخر، ترك المجلس ورحل ثم ارسل رسول إلى عبد التواب ان يلاقيه خلف الدار
وعندما حضر عبد التواب اخبره فرغلى انة رأى صقر مع ابنته بوضوح داخل الجزيره وكانا مثل الزوجين واذا لم يلبى له طلبه فأنه سيفتح فمه الذى اغلقه منذ ذمن
وبعد صراخ ومجادلات اتفق عبد التواب مع فرغلى ان يحضر صقر الى ااقريه
سيقوم فرغلى بهزيمة صقر ثم يغلق فمه، وبهذه الحاله يكون عبد التواب نال انتقامة أيضآ
لازال انتصار صقر مدوى بين أفراد العائله وينسبون اليه الفضل حتى الآن
لكن عندما يهزم لن يكن امامهم سوى عبد التواب
وتعهد فرغلى ان لا يطلب او يذكر اسم عبد التواب مطلقآ لأى عراك او نزال وان يحترمه امام أهل القريه وان يناديه بكبير العيله وان يصلح علاقته مع شيخ البلد
بس ادينى فرصه ارتب الموضوع دا على هوايا يا فرغلى
وقال فرغلى ان متفهم المصاعب التى تواجه عبد التواب
وانه سينتظر حتى تهداء الأمور
وكان الأمر أتى على هوا عبد التواب، فرغبته فى الأنتقام من صقر الذى لطخ شرفه لم تنتهى بعد
وهو لن يرفع رأسه حق حقيقى غير لما يتخلص منه25
إيه الزعيق ده فيه ايه يا نرجس؟
ركضت الخادمه نرجس إلى سيدتها، ليلى هانم التى كانت استيقظت من نوما على صوت صاخب، ولاحظت الخادمه ان العفاريت تتقافز على وجه ليلى هانم وانها تدخن سيجارتها بعصبيه، فهمست بنبره حياديه
فيه واحد واقف بره ومصر يقابل صقر بيه، اسامه الجناينى بيحاول يقنعه ان صقر بيه مش هنا لكنه مش راضى يتزحزح من مكانه.
اطلبيله الشرطه، امرتها نرجس وهى تهم بالعوده لغرفتها
أدى إلى بناخده من الصعيد ومجايبه تمتمت نرجس بقرف
لما سمعت ليلى كلامها توقفت
هو صعيدى؟
ايوه يا هانم صعيدى بيقول انه من قرية عبد الكريم الله يحرقه
عايز ايه الراجل ده؟
بيقول ان فيه حساب بينه وبين صقر ولازم يسويه يا هانم
حساب ايه؟ سألت ليلى بتعجب
معرفش يا هانم
طيب خليه يدخل، هغير هدومى واقابله
سمح الجناينى لفرغلى ان يدخل الفيلا، لم يتحمل فرغلى المهله التى طلبها عبد التواب فحضر بنفسه إلى القاهره
كان الشوق قد غلبه ويرغب فى رؤية سادين وجعلها حجه فى زيل حمار
نزلت ليلى هانم من على السلم وهى تعاين الغريب المجهول
الذى نهص بسرعه وهمس ازيك يا هانم ومد يده ليسلم
لكن ليلى صرفته باشاره وطلبت منه أن يجلس
انت مين وعايز ايه؟
أسمى فرغلى يا ياليلى هانم وليه تصفية حساب مع صقر لازم اخلصها
حساب ايه؟.وفكرت ليلى انه شخص مدعى يريد نقود
قال فرغلى كان بينى وبين صقر عراك بالعصا
هزمته مره وهزمنى مره ولابد ان يكون هناك جوله تحدد الفائز
ابتسمت ليلى بسخريه تضحك من تلك العادات العبيطه
هو دا إلى جابك مصر؟
انت اسمك ايه؟
أسمى فرغلى يا ليلى هانم
وعارف أسمى ازاى؟
هو فيه حد فى البلد كلها ميعرفش ليلى هانم؟ الناس كلها تعرف حضرتك
شعرت ليلى براحه غريبه وشخص نطح ضخم ينافقها
هو صقر ساب البلد ليه اصلا يا فرغلى؟
تنهد فرغلى بقهر، اتجوز سادين بنت عمه وهرب يا هانم
دا حتى معلمش فرح
ولأنها أنثى شعرت ليلى بشيء غريب فى نبرة فرغلى
انت تعرف سادين؟
_اعرفها يا هانم طبعا
بس كلامك مش بيقول انك تعرفها بس، انت بتحبها؟
وكانت كلمه فارغه خرجت من فم ليلى هانم بلا تفكير
سادين ست مجوزه دلوقتى يا هانم ومينفعش اقول بحبها ولا لا، انا افهم فى الأصول برضك
أطلقت ليلى نظره خانقه على فرغلى وقالت رد من فضلك
همس فرغلى انا كان نفسى اجوزها لكنها اختارت صقر
يعنى انت لسه عايزها يا فرغلى؟
ايوه طبعا يا هانم
أخرجت ليلى هانم لفافة تبغ بارتياح، ولعلى، همست بنبره
آمره إلى فرغلى الذى اخرج ولاعه واشعل سيجارتها
ثم تأملت ملامح فرغلى الجلفه ان ما احضره الحب وليس الأنتقام، انا كمان مش عايزه صقر مع سادين
شعر فرغلى بالسعاده تغمره وبرم شاربه الطويل
طيب والعمل يا هانم انا من ايدك دى لايدك دى
انا هديك سادين يا فرغلى لكن صقر مش لازم يحصله حاجه
انا عايزه اخلص منها ومن ابوها كمان وكل حاجه تخص الصعيد
والتقت طرقهم البعيده مع بعضها وراحت ليلى تخطط مع فرغلى كيف يجعلون صقر يطلق سادين ويتخلى عنها
فما يهمها فى النهايه ان يعود صقر إلى حضنها وان يتزوج الفتاه التى تختارها له
هتعمل إلى اقلك عليه بالحرف الواحد لو كنت عايز سادين تبقى مراتك؟
هعمل اي حاجه يا هانم تأمرى بيها
عبد الكريم وعبد التواب وكل من يمت بصله إلى الصعيد لابد أن يتلقى عقابه
عبد التواب الذى كان لا يتوقف عن ارسال رسائل التهديد لها ايام زواجها من جبر لابد أن يتحطم وينكسر مثل الزجاج
ومن خلال عيونها عرفت اين استأجر صقر شقته الجديده
وعرفت متى يذهب إلى العمل ومتى يعود منه
كتبت لفرغلى عنون شقة صقر واخبرته ان البواب سيسهل مهمته، كل ما عليه أن يفعله ان يذهب لشقة صقر
وينفذ ما امرته به
انطلق فرغلى إلى شقة صقر، ان الامور التى لم يحسب حسابها حصلت وابتسم له الزهر، سادين ستكون له
ثم بعد ذلك يبحث عن انتقامة26
عندما وصل فرغلى العماره اوقفه البواب
همس فرغلى
انا فرغلى تبع ليلى هانم
هز البواب رأسه طيب اطلع ومتتأخرش الشقه فى الدور الخامس ، ثم أغلق كاميرات المراقبه قبل أن يظهر فيها فرغلى، صعد فرغلى درجات السلم بحماس، ثم وقف امام باب الشقه وبرم شاربة قبل أن يشعر انها فكره حمقاء
ثم طرف باب الشقه بوهن حتى ردت سادين
مين؟ همست سادين من خلف الباب!
انا واحد من تبع صقر بيه جاى ابص على وصلات الميه
همست سادين لكن صقر مش موجود!؟
منا عارف انه مش موجود هو الى بعتنى اصلا
طيب لحظه، بدلت سادين ملابسها، فكرت انها ستفتح باب ثم تذهب لغرفتها وتغلق على نفسها الباب
لكن شيء داخلها أخبرها ان صقر لم يتحدث معها بخصوص وصلات مياه
ثم إن المياه تعمل بطريقه جيده فعادت نحو باب الشقه وهمست معتذره مش هقدر افتحلك الباب وصقر مش موجود
افتحى بقا! صرخ فرغلى بغضب
لم تتعرف سادين على صوت فرغلى لكنها شعرت انه شخص مجرم وشرير
وقبل ان تدعم الباب ضرب فرغلى الباب بقوه ليحطمه لكن الباب صمد
احضرت سادين سكين طويله ووقفت خلف الباب
اى ان كان ذلك الشخص سوف تقتله بلا تردد
دفع فرغلى الباب مره اخرى بقوه أكبر مال الباب تعاد مكانه
صرخت سادين امشى، والله هقتلك
همس فرغلى بقا الايدين إلى ذى لهطت القشطه دى تعرف تقتل؟
فرغلى؟
ساد صمت طويل بعد أن نطقت سادين الكلمه، توقف فرغلى عن ضرب الباب وهمس بوداعة ايوة فرغلى
قالت سادين بصرامه، لا انت مش فرغلى، فرغلى إلى اعرفه ميتهجمش على بنات بلده فى بلاد غريبه
فرغلى إلى اعرفه دافع عن شرفى قصاد ناس ميعرفهاش ومش ممكن يجى دلوقتى علشان يتهجم عليه وانا ست متجوزه
وسأل فرغلى نفسه، احقآ تعرف اننى قاتلت من أجلها؟
وضرب زلزال عقل فرغلى الذى تحول لانسان لا يعرفه معدوم الشرف والمرؤة
ثم تذكر وعود ليلى هانم، خد سادين بالقوه وانا هخلى صقر يطلقها وتبقى ملكك وكل واحد فينا يبقى نال مراده
لطالما حلم بجسد سادين على سريره كل ليله فى الأيام الماضيه
ملعون انت ايه الحب، ظلمآ، فكل رجل يشتهى امرأه من قبل أن يطرق الحب باب قلبه
ان ما يعجبه بها ليس الحب على الأطلاق، ولم يكن الحب حاضر حينها ولم يأتى الا متأخرا
اذا أخبرك شخص ان يحبك من اول نظره او لقاء او كلمه اخرج مسدسك صوب على قلبه ثم اطلق رصاصتك وانت مرتاح الضمير
ما قبل الحب هناك متاهات من العتمه والرغبات المدفونه عميقأ داخل جسد متداعى يئن من الحرمان
ترك فرغلى يديه إلى جوار جسده انها فقط مجرد امرأه ممنوعه والممنوع مرغوب واحيان يستحق واحيان لا يستحق
واحيان نستحقه واحيان لا نستحقه واحيان يستحقنا واحيان لا يستحقنا
يحب الرجل بالعين ثم يدق قلبه فلا تكونى انثى ساذجة او نرجسيه تعتقد بتفردها
فكل الذين يدهسهم القطار يطون فى دفاتر النسيان
انا فرغلى ياسادين وقد حضرت هنا لاعمل معك عمل سيء
عمل ارغبه لكن معك حق انا لست فرغلى فى الفتره الاخيره كنت شخص غيره
اخبرى زوجك صقر اننى انتظره فى القريه، اخبريه ان فرغلى ينتوى منازلته وهزيمته
واخبرى نفسك انك ستكونين لى اذا انتصرت!!
صمتت سادين كان الأمر محرج وخطير جدا، لكن فرغلى يقف على باب شقتها وما يمنعه عنها سوى بضع كلمات
اما تقولها واما لا تقولها
همست سادين سأخبر صقر
سأل فرغلى والوعد الأخر؟
تعرفين اننى استطيع ان أخذك بالقوه امنحنينى اختيار
فكرت سادين، اذا حطم فرغلى الباب ستنتهى حياتى ولن اجدنى مره اخرى، ان شرفها الان اهم من صقر
اهم من قلبها الذى بداء يدق، اهم من العالم كله، هناك ضريبه ستدفعها بنفس راضيه ، فهست لك كلمتى ولك وعدى
هناك شيء اخر يا سادين، لا تخبرى صقر انه فى حال هزيمته ستكونين لى
هذا شرطى الاخير لأرحل من هنا
كم مره علينا أن نتازل؟ الحياه سلسله متتاليه من التنازلات اللعينه
كم مره علينا أن نخرج خاسرين قبل أن نجد أنفسنا
لا أحد يعرف انه امر غير مؤكد شريط جرار طويل لا آخر له ولا يعرف أحدنا متى يصل نهاية الطريق
اعدك، همست سادين بنبره ثابته ثم ادارت ظهرها إلى الباب وهى تبكى بحرقه
غادر فرغلى القاهره والفرح يتنطط فى صدره، سادين ستكون له
ستكون له برغبتها، حينها سيرتشف رحيقها إلى آخر قطرة
هذا النوع الفاخر من الترامادول سيسكره، سيجعله يحلق فى عوالم من المتعه صاغ تفاصيلها ببراعه مع كل لحظة شرود قضاها على شاطيء النيل، تحت النخله
عندما عاد صقر إلى الشقه وجد سادين ميته من النياح
تبكى البنيه حظها العاثر وحبيب على وشك ان تخسره
حبيب لم يعرف بعد انها تحبه
وربما لا يعرف إلا الأبد انها كانت تشتهيه مع كل حركه لو كلمه
او همسه
فيه ايه يا سادين؟
مسحت سادين دموعها، اسمع يا ولد عمى انا اديت راجل كلمه وعايزاك تحترمها
وكان أكثر خوفها ان لا يحترم صقر كلمتها فتضطر ان تترك الشقه وتعود إلى الصعيد بمفردها
الوعد دين يا صقر
راجل مين؟
فرغلى يا صقر
فرغلى؟ وفرغلى كان بيعمل ايه هنا؟
كان جاى ياخد شرفى
ضرب صقر الطاوله بيده كاد ان يحطمها، الكلب، الجبان ثم اقسم ان يقتله
قالت سادين بنبره صارمه انا مش هكون مراتك يا صقر غير لما تنتصر على فرغلى
صرخ صقر بغضب الكلب دا لمسك؟ عمل معاكى حاجه؟
بتحدى همست سادين، هيعمل لو انت مكسرتوش فى نزال يا صقر
ثم حكت لصقر كل ما حدث منذ اول لحظه وحتى وقت رحيله
صمت صقر فتره طويله، صنع لنفسه شاى ولسادين
ليمون، انا هحترم كلمتك يا سادين
هننزل البلد وهتعارك مع فرغلى لكن المره دى لاما انا واما هو
شخص اعتدى على حرمة بيتى لا يستحق سوى الموت
ترك صقر كل شي خلف ظهره واستقل القطار إلى الصعيد27
جلس صقر جوار نافذة القطار حيث تمتد الحقول الخصراء يتابع الفلاحين المبعثرين بين غيطان القمح والبرسيم والبطاطس، إلى جوار هم ترعى مواشيهم وبين فينه وفينه يلمح كلب او هر او حتى يمامه تنقر طريق مترب خالى، غير متأكد مما سيحدث له لكنه مصر على بذل كل جهده
النتائج غير مهمه عندما تزرف عرق جبينك !
ان كان فرغلى او غيره سيهزمه صقر، ثم يقطع تلك الألسنه التى تأتى على سيرة سادين بالبطال
انه لا يفهم كيف يستطيع أن يخوض رجل أو امرأه فى عرض امرأه أخرى، حتى لو كانت اثمة، ان اقتحام هذه المناطق الممنوعه يجعلها أسهل ويعتادها اللسان حتى تصبح شيء تافه مثل كلمة صباح الخير
اعتاد الناس الموت أيضآ، توقفو عن احترامه فتوقف عن احترامهم
حكى له جبر والده عندما كان صغير انه من حيث آتى
الناس تحترم الموت، فلا يفتح تلفاز ولا يضع قدر فيه لحم ولا تحلق لحيه حتى يفعل أهل الميت ذلك
واذا كنت تبنى بيت أو تجهز شقه تتوقف عن ذلك ولا يقام عرس الا بعد مرور ستة أشهر
فى هذه الايام كان الناس يحترمون الموت وكنت لا تسمع عن شخص خطف شابآ او رجل سقط من طوله الا نادرآ،
اما الان يدفنون الميت وهم يحدقون بشاشات هواتفهم وعندما يركبون السياره ينتهى كل شيء
لا أحد يتذكر الميت سوي اهله، لايام قليله فأعرف ان مصيرك النسيان من القريب والبعيد
توفى جده منذ اقل من شهر وتربع عبد التواب على قمة هرم العائله
عبد التواب الذى رفض حضور دفنة جده واقسم انه اذا آتى سيقوم بقتله
فليفعل عبد التواب ما فى وسعه اكتفى صقر من التنازلات
وكل من يقف فى طريق الحق سينال عقابه
عايزاك تهزمه يا صقر، لازم تهزمه قدام كل الناس ومش اى هزيمه، نصر يجعله لا ينهض مره اخرى
انتى صاحيه!؟
اه صاحيه بتفرج عليك وانت سرحان شكلك بيبقى حلو جدا
المشكله فى ابوكى يا سادين
ابوكى هيقف ضدى كمان وانا مش عايز ازعله علشانك
وضعت سادين يدها على يد صقر، ابويا تبراء منى وظلمنى وصدق ما لا يصدقه انسان شريف على ابنته
أفعل ما تراه صواب يا صقر انا فى ضهرك، سمح للناس ان تخوض فى عرضى ولولا وجودك لكنت الان ميته
جثه متعفنه تحت التراب
هو ووالدتى ليس لهم الا ما أمر به الله الطاعه فى ما يرضيه اما وقد حادو عن الحق فلا طاعه لهم عندى
انا عايزه سمعتى ترجع تانى وممشيش وانا موطيه فى الأرض قدام الناس
يوه يابت عمى كلامك واعر، انا وانتى عارفين الحقيقه
ا نا وانت مش كفايه يا صقر
لازم الدنيا كلها تعرف انى شريفه وخصوصا والدى ووالدتى
همس صقر متسأل لما ننزل هنقعد فين؟
ابوكى مش هيسمح اننا نقعد فى البيت الكبير؟
هننزل فى البيت البحرى يا صقر، احنا لينا بيت فى اخر البلد لسه متقسمش والكل ليه فيه نصيب
رفع صقر عيونه واذا اعترضنا حد هنعمل ايه يا سادين؟
قلتلك يا صقر انا فى ضهرك، هتعمل إلى بيعمله اى شخص بيدافع عن حقه مهما كان الشخص ده مين
لما وصلو محطة القطار كان عوض العلاف يحش البرسيم للبهائم فى الزرعه الغربيه
خلفه اكوام الربيع متراصه ورا بعضها والى جواره ربط حمار ابيض يأكل العشب
يا مراحب، يا اهلا وسهلا، البلد نورت والله
صرخ عوض عندما رأى صقر وسادين يخرجون من المحطه ويسيرون فى الطريق
ثم ركض ليسلم عليهم، عندما مد يده إلى صقر سلم عليه صقر وجذبه ناحيه واخذه فى حضنه كصديق مقرب
هتخرب هدومك يا صقر بيه
همس عوض وهو يبعد جسده عن صقر،
ازيك يا ست سادين؟
بخير يا عم عوض، الأوضاع عامله ايه فى البيت؟
زى الزفت والله والواحد مش عارف يلاقيها من فين ولا فين الله يرحمك يا أبا عبد الكريم كنت الوحيد إلى واخد بالك منى
اترك ما فى يدك واركض جهز البيت البحرى لصقر بيه يا عوض، همست سادين بنبره أمره
طيب واذا اعترضنى حد ولا عبد التواب زعقلى اعمل ايه؟
قوله صقر بيه امرنى بكده والى عايز حاجه يروح يقابله
__هو انتو جايين البلد تعملو ايه يا صقر بيه لا مؤاخذه فى الكلمه يعنى
هتعرف كل حاجه فى وقتها يا عوض، عبد الكريم لوكان مات لكنه ساب رجاله وراة
راقبت العيون صقر وسادين وهم يمرون فى طريق القريه تجاه البيت البحرى
وكان عوض العلاق يصرخ فى البنات الذين احضرهم لترتيب البيت، بسرعه يا بت منك ليها
الباشا وصل وعايز كل حاجه تبقى تمام
ثم اتكاء على الباب وزعق، صقر رجع يا بلد وكل واحد هيحط لسانه فى بقه
همست واحده من البنات ساخره هو صقر بيه هيعمل ايه؟
فرغلى مش هيسيبه
صرخ عوض، صقر سيهزم فرغلى ويصبح كبير العيله وحينها ستعرف كل واحده منكم شأنها
ضحكت فتاه وهى تتمسخر ليه يعنى يا عوض؟
لأن صقر بيه هيخلينى دراعه اليمين وحتى المطاريد نفسهم هيخافو منى
ولم تتوقف الضحكات حتى وصل صقر وسادين
وما هى الا دقائق حتى حضر عبد التواب وسعيد فى العربه التى يجرها حصانين وهو مرتدى جلبابه البلدى والشال الصوف فوق كتفه وفى يده عصا والده عبد الكريم المنثنيه عند نهايتها
صرخ عبد التواب انت يا زفت انت يا بعوضة البرك بتعمل ايه هنا؟
وقبل ان يرد عوض ظهر صقر وصرخ انا الى امرته؟
انت
انت ليك عين تظهر تانى بعد إلى عملته؟ والله عال مبقاش فيه كسوف ولا اختشى
سار صقر بخطوات بطيئه وعكازه فى يده حتى وصل عمه وثبت عينه فى عينه
انا صبرت عليك كتير يا عبد التواب وسمعت واستحملت منك كلام يسم البدن
اقفل خشمك ومتخلنيش اقل منك
مش كده يا ولد أخوى عيب، همس سعيد بنبره تأنيب دا مهما كان عمك
حدج عبد التواب سعيد أخيه بنظره قاتله تخبره ان يصمت
انه كبير العيله والكل سيحترمه
اطلع برا بيتى يا صقر انت ملكش مكان هنا
دا بيتى زى ما هو بيتك يا عبد التواب واحمد ربما انى منزلتش فى البيت الكبير واحترمت رغبة سادين مراتى
هتطلع يا صقر وهتسيب البلد كلها
مش هطلع يا عبد التواب واعلى ما فى خيلك اركبه
واى حد هيقول كلام ماسخ ملوش عندى غير ده ورفع صقر عكازه
فرفع عبد التواب عكازه ووقفو امام بعضهم
ركض عوض العلاف ناحيت سادين إلى كانت بترتب الهدوم
فى خزانة الملابس
وهو يصرخ يا ست سادين صقر بيه وابوكى عبد التواب بيتعاركو بره
بلا مبلاه همست سادين، صقر عارف هو بيعمل ايه كويس
متخفش على ابوى صقر مش هيأذيه
لكن مش هسيب حقه
طيب اطلعى هديه يا ست سادين، ممكن الموضوع يخرج عن السيطره؟
انا عايزاه هايج يا عوض
وفى الخارج تجمع دياب وعقل أعمام صقر يحاولون تهدأت الموقف المتأزم
كان صقر قد شمر أكمام جلبابه واقسم ان كل من يقع تحت يده لن يرحمه
وكان الناس قد تجمعو يفصلون بينهم وعبد التواب يصرخ مش هسيبه
وصقر ببرودة أعصاب يقول اتركوه سأدبه ليعرف كيف يحترم الحق
سأقسم معه الأرض والبيت واخذ حق والدى رغمآ عنه ورغم عن اى شخص هنا
وكان هذا ما يوجع سعيد تحديدا الأرض والبيوت
فراح يهمس فى اذن عبد التواب اهزمه هنا وانهى كل شيء
لكن عبد التواب وكان قد رأى التصميم فى عيون صقر
همس بصوت خافت هسيبه لفرغلى
ولو فرغلى مخلصش عليه انا هخلص عليه بطريقتى
ثم رحل سعيد وعبد التواب وظل دياب وعقل مع ابن اخيهم صقر يؤنبونه ان ما حصل خطاء وان عبد التواب عمه مهما كان
عاملهم صقر باحترام بالغ وطلب منهم ان يقفو فى ظهره
المشكله ليست مشكلة عبد التواب بل فرغلى
وعائلته الى بيخوضو فى عرض بنت اخيهم ولازم يأدبهم
واستمالهم صقر بالحديث عن الشرف والنخوه حتى اصبحو فى صفه
ثم جلسو امام البيت يدخون الشيشه وحينها ظهر فرغلى يسير نحوهم28
كان فرغلى يمشى تجاههم بخيلاء ويهز عكازة الذى يشبه الشومه بين يديه، شاله الصوف يرفرف فوق كتفيه كنسر
شاربه الفاخر منتصب باستقامه تشعر انه يؤدى تحيه عسكريه وفى عينيه بريق مزيج بين الثقه والآمل، وكانت الريح خلفه تهز أعناق الحقول التى تمايلت برشاقة راقصة باليه روسيه
انت رجعت البلد يا ولد يا صقر؟ والله وجيت لقضاك
راح عقل عم صقر يقف ليرحب بفرغلى لكن صقر جذبه بقوه والصق مؤخرته بالدكه
عايز ايه يا فرغلى؟ ايه إلى جابك هنا؟ انت المفروض رجلك متطأش الأرض دى
لكن انا هحترم الأصول واطلب منك تمشى فى سلام
اطلق فرغلى ابتسامه ساخره
بقا انت يا ولا هتعرفنى الأصول، انت متعرفش ماذا يعنى اسم فرغلى داخل القريه؟
يعنى ايه؟ سأل صقر ببرود
يعنى الناس كلها لازم تحترمنى وأولهم انت وعيلتك
انا فرغلى ولد صقر، انا صاحب العكاز
انا صاحب السلسله غير المنتهيه من الانتصارات
نهض صقر بعصبيه ووقف فى وجه فرغلى، لو ما مشيتش من هنا يا فرغلى هقتلك ومش هيكون ليك ديه
تقتلنى؟ صرخ فرغلى، تقتلنى ازاى
رفع صقر عكازه وبكل قوته ضرب فرغلى فى جانبه ثم دفعه بقدمه اسقطه على الأرض
غير مصدق تمرغ فرغلى على التراب بينما ارتفعت حواجب اعمامه بقلق وخوف
نهض فرغلى بسرعه ونزع جلبابه والقاه على الأرض
ثم رفع عكازه والشر يتطاير من عينيه وعندما لمح سادين تنظر من الشرفه ارتفع الادرينالين فى عروقه
وصرخ بقا انت يا كلب بتاخدني على خوانه وانا فى أرضك
أحمد ربنا انى مقتلتكش يا فرغلى ولما اقول كلمه تعلم تقول حاضر
لو عندك مشكله معايا وقف تولول وتثرثر كيف الحريم
ارفع نبوتك وواجهنى راجل لراجل
دا لو كنت راجل
وكان فرغلى اول مره يسمع هذا الكلام من فم انسان حى
اذنه غير معتاده على سماع تلك الكلمات انه يظن انها غير موجوده فى القاموس
رفع فرغلى نبوته وضرب صقر لكنه وجد يد صخريه تصد الضربه وعيون مستعره بالغضب
صقر الذى رفع عكازه وصرخ صرخ مرعبه متجبرنيش اقتلك هنا يا فرغلى، انا عايز اقتلك والناس كلها حاضره
رفع فرغلى عكازه مره اخرى وضرب صقر ان رؤيته لسادين تتابع القتال إثارة حماسته ولن يخرج أمامها مهزوم مهما حدث
قفز فرغلى وسدد ضربه على رأس صقر، رفع صقر عصاه وصد الضربه قبل أن يتراجع خطوتين تمنحه مساحه للمبادرة
جاى فى ارضى وقدام بيتى تتحدانى يبقى ملكش عندى احترام ولا شفقه ورفع عصاه وضرب فرغلى ضربه علويه
ثم عدت ضربات
قبل أن يضرب جانبه وجانبه الآخر، كان صقر يضرب بسرعه وفرغلى يصد الضربات المتتاليه التى بقوة بلطه
ضربات تحركه من مكانه، ضربات مشحونه بالغيظ والكره
وكالعاده كان فرغلى يفكر بطريقة العصا، سينهد حيل صقر
سينهك ويتعب وحينها ستكون المبادره له، سيريه من يكون فرغلى حقآ
فى الجزيره عندما تعارك مع صقر تعب صقر فجأه والأمر يتكرر مره اخرى
وكان صقر يعرف كل ذلك، لقد تعلم الدرس مائة مره ويده القويه المتعرقه تهوى بالضربات على جسد فرغلى فى كل مكان
وعندما أصابه الاعياء تذكر تهجم فرغلى على زوجته فى شقتها فزاد من قوة ضرباته
ضرب لا يتوقف وفرغلى يكافح للوصول لسرعة صقر
برشاقه قفز صقر، اوهم فرغلى انه سيضربه فى رأسه
لكنه رفع عكازه فى اخر لحظه ودفعه طوليا فى صدر فرغلى
وشعر فرغلى ان صدره شق من قوة الضربه
الضربه الأخرى فى جانب فرغلى الخالى من الحمايه
ثم ركله من القدم اسقطته على الأرض
سوف أنهى كل شيء الأن
رفع صقر عصاه والثقه تغمره وتعمى عينيه تأخر للحظه سمحت لفرغلى ان يضربه فى قدمه وهو ساقط على الأرض
برقت عينى صقر ببريق مرعب
القى عصاه على الأرض وفتح صدره ثم قفز فوق فرغلى المتمدد على الأرض كبل يديه واجبره يسقط عكازه
ثم بلكمات سريعه أمطر وجهه ورأسه
لم يجد فرغلى طرقه سوى عصر جسد صقر ثم تمرغا على الأرض حتى سقطا فى الترعه
وصقر لاعب الملاكمه يسدد ضرباته لجسد فرغلى حتى أخرجه من الجهه الاخرى
امشى من هنا يا فرغلى ولو عينى لمحتك فى ناحيه تخصنى ورحمة ابويا جبر ورحمة جدى عبد الكريم لقتلك
ابتعد فرغلى عن صقر، لم يرى العراك احد من أهل القريه سوى عقل ودياب أعمام صقر وشهادتهم غير مقبوله
ان ما حدث لم يحدث بالفعل لكن داخله شيء اهتز ثقته بنفسه، كيف يواجه تلك الآله البشريه المدمره؟
كيف أصبح صقر بتلك القوه التى لا تمل ولا تتعب؟
غاص وسط الحقول حتى لا يرى اى شخص الطين على ملابسه والماء يغرقه
والله لقتلك يا صقر، هقتلك مهما كان الثمن
أطلقت سادين زغرودة مجلجه من الشرفه ونزلت تركض تجاه صقر
اخذت العكاز من بين يديه وهمست تعالى غير هدومك كفايه لحد كده29
سيب العكاز من ايدك يا صقر، نزعت سادين العصا من يد صقر بقوة وهى تهمس وه عاد !!
ابتسم صقر، مكنتش اعرف انك قويه للدرجه دى
_واقدر اهزمك بدراعى كمان يا صقر، تحب تجرب؟
ازال صقر العرق من على وجهه، وهمس نجرب
احضرت سادين طاوله واطئه ومدت يدها عليها وقالت بنبره ثابته تعالى
جلس صقر وشمر كم جلبابه ومد يده ثم قبض على راحة يد سادين
هوريك يا ولد عمى تركها صقر تجذب يده وتميلها، كانت قبضتها قويه فعلا
العب يا صقر متقفش كده من غير حركه ؟
اسقط صقر يد سادين على الطاوله وهو يبتسم
العب تانى يا صقر لازم افوز عليك
همس صقر مش هلعب ببلاش
تقصد ايه يا صقر؟
اقصد ان كل هزيمه هيكون لى طلب ينفذ بلا جدال
مع كل هزيمه هشوف حته منك
واه عاد يا صقر ؟
مالك خايفه؟
مش خايفه ولا حاجه، انا لى قلب يفوت فى الحديد
طيب يلا مدى ايدك
متخليش ثقتك تعمى عنيك يا ولد عمى
هزم صقر سادين فى اول جوله ورمقها وهو يبتسم وهو تتخلى عن نقابها ، كانت المره الأولى التى يرى فيها شعرها الأسود بوضوح، شعر ناعم مثل الحرير
مره اخرى هزمها صقر
توترت سادين وهى تنزع عبايتها
ولما عرض عليها صقر ان تستمر همست خليها لليل
انا عندى مشوار مهم
طيب اوعدينى نكمل لعب بعد ما ترجعى
همست سادين اوعدك
قال صقر بنبره أمره من حيث انتهينا
حاضر يا صقر من حيث ما انتهينا، بس انا بحذرك لما ارجع هتلاقى واحده تانيه، صلبه مثل جذع الشجره
ثم همست بخوف
إلى جاى هيكون أصعب، فرغلى مش هيسكت
ولا انا كمان يا سادين، وقت السكات عدى من زمان ومن دلقوتى الآهانه هتترد باهانه
انا مش خايفه عليك من قوة فرغلى، متفهمنيش غلط انا خايفه عليك من الغدر
ثم ضغطت على يد صقر فجأه جعلتها تلمس الأرض
، دا إلى خايفه انه يحصل يا صقر
إنك تتاخد فجأه
همس صقر انتى ضحكتى عليه يا سادين
صوبت سادين نظره صارمه على وجه صقر
اوعدنى انك تفضل صاحى على طول وعنيك وسط راسك يا ولد عمى
حاضر يا سادين
صمتت سادين
وصمت صقر
ايه مش هنام؟ احنا جايين من سفر طويل
انا جهزتلك اوضتك يا صقر تقدر تنام فى اى وقت
غرفتى؟ يعنى ايه؟ هتنامى فى مكان وانام فى مكان؟
الناس تقول علينا ايه
هنام فى واضتك حاضر، هروح المشوار دا وارجع
وقبل ان تصل الباب استدارت وخاطبت صقر
اقلع انا هزمتك
مرت سادين على البيت الكبير تسلم على جدتها وواالدتها، الأصول بتقول كده
لكن جدتها قابلتها بوش متغير ووالدتها رفضت تشوفها
تركت سادين البيت الكبير وقابلت عوض العلاف
عايزاك تراقب فرغلى وعينك متترفعش عنه، بعد إلى حصل ممكن فرغلى يعمل اى حاجه مجنونه
متقلقيش يا سادين هراقبة زى ضله، انا بحب صقر بيه وبعتبره ذى اخويا
لكن مش هعرض نفسى للخطر يا سادين ان راجل من غير عيله ومفيش حد هيدافع عنى لكن انتو ما شاء الله
ماشى يا عم عوض لو لاحظت حاجه غريبه تعالى قولى على طول
انصرفت سادين وتركت عوض مع أفكاره، تقول عم عوض وانا يدوبك أكبرها بعشرة سنين؟
والدها يصرخ طول النهار يا واد يا عوض يا زفت يا عوض وجدها يمنحنى المهمات القذره
انهم لا يفرقون بينى وبين البهائم التى اعلفها ويعتبرونى بهيمه زايده والان يسعون نحو خدماتى القذره أيضآ
لماذا يقوم عوض بالتجسس على فرغلى؟
أليس عوض انسان لديه شرف ايضآ فما بالهم يربطون بين علافتى للبهائم وبين شخصيتى الحقيقيه؟
يقولون يخدم البهائم ويعتقدون اننى حيوان، كلب ارمى له عظمه واركله حيث تحب
اجل اطرده متى أحببت وقربه منك متى أحببت وعلى كل حال سيأتيك راكضا، نعم انا كلب
ان الكلب فى هذة الحياه يمثل علاقة الحب من طرف واحد
حينما يكون الشخص مضطر لتقبل اقل شيء ومهما رفض او تعامل بسوء يأتى راكضا بعد اول تلويحه
ثم مر عوض بين البهائم التى يرعاها، انه يخدمها من ايام كان طفل عندما قتل والديه بالخطاء فى ثائر بين عائلتين كبيرتين
ثم أخذه عبد الكريم ليخدمه من وقتها وهو يعيش مع البقر والجواميس وينام قربها، انهم حتى لم يفكرو فى منحه غرفه يسكن فيها، اطلق عوض تنهيدة وجع طويله، انا شخص غير مهم على الإطلاق ولن يتذكرنى احد اذا مت ولا اعتبر كائن بشرى
وتذكر عندما هم ان يخطب ابنة على الفاعل والتى رفضته لانه علاف يخدم البهائم
رغم ان والدها يشتغل عامل باليوميه فى أرض الناس من طلوع الشمس لغروبها
الملابس والوظائف والعائله، ارتقى على قدر وظيفتك فى هذه البلد الملعونه أرى خلق لا تستنضف ان ترتديهم حذاء يتحكمون فى أرزاق العباد، سفهاء ومنافقين وأولاد ذوات
ياواد يا عوض مالك كده قاعد زى هباب البرك وسايب البهائم بتعيط؟ تكونش بتفكر
فز قوم ازقيهم ميه ولا ارميلهم شويت برسيم
وانت واحد منهم همس عوضى فى سره وهو ينهض باصقا نظره على عبد التواب
جبان وخائن وقذر ولا أحد يعرف حقيقتك سواى، مرتدى جلبباب صوف وكبير عيله
هزمك فرغلى مرتين والقاك فى الترعه لو كنت شخص له كرامه لقتلت نفسك او جلست فى بيتك مثل الحريم
وزع عوض حزم البرسيم على الجاموس ورمى العلف فى المخاول
كان عبد التواب لا زال واقفا، انت مالك ياوله كده مش عاجبنى؟ بقالك كام يوم مش على بعضك
مفيش عبد التواب ، تعبان شويه
عبد التواب بيه يا كلب، صرخ عبد التواب بعصبيه، تكونش فاكر ان ايام زمان هتعود؟
عبد الكريم مات وانا سيدك دلوقتى والله وبالله لو ما احترمت نفسك لاربطك فى النخله واجلدك بالسوط إلى بضرب بيه خيل الكبرته
حيلك، حيلك يا عبد التواب بيه، يا راجل بقا كده؟ دا انا عاشرتك اكتر من أهلى وخدمتك وخدمت عائلتك اكتر من خمسه وعشرين سنه وبعتبر نفسى واحد من البيت تعمل فيه كده؟
صرخ عبد التواب واحد من ايه يا ابن الصرمه؟
امشى انجر شيل السبخ من تحت البهايم، يلا يا وله قال ايه واحد من العيله جاتك القرف
والله لاقعدلك هنا يا عوض بيه، ارتدى عوض قفازيه وراح يلم روث البهائم وعينى عبد التواب تراقبه
كان جلبابه قذر ورائحة العغونه تفوح منه وروحه تهيم فى واد اخر
شوفت إلى حصل لفرغلى يا عبد التواب بيه؟
ماله فرغلى يا زفت؟
هزمه صقر ثم جذ عوض العلاف على أسنانه واردف ثم القاه فى الترعه
يعرف عوض ان الذكريات لا تموت مهما حاولنا دفنها
انسان لا تستطيع أن تواجهه احفر فى ذكرياته عميقآ ستجد حتمآ ما يؤرقه ويؤذيه، هناك حيث توجد أبواب الخذلان والخيانات يكفى ان تفتح باب
وانت مالك بشؤون الاكابر يا وله؟ خليك فى حالك واشتغل من سكات
شعر عبد التواب بالضيق فى صدره، هذا الكلب ذكره بالماضى القريب، حيث القاه فرغلى فى الترعه امام كل الناس
لو كان هو من هزم فرغلى لكان زمانه كبير البلد بلا منازع
الأن وقد هزم صقر فرغلى لابد أن يفكر فى خطه أخرى
لن يترك شيء للصدف
غادر عبد التواب حوش البهائم وأغلق الباب خلفه
القى عوض العلاف المقطف على الأرض بعصبيه
بقا انا تقولى ما شأنك بالاكابر؟
ماشى يا عبد التواب، ماشى، ثم سحب العصا التى يضرب بها البهائم وراح يضرب فلق نخل مزروع فى الأرض، ضربه حتى تعب
ثم خرج من الباب الخلفي ناحيت بيوت عائلة اولاد صقر
حيث الزرعه القبليه وكان فرغلى لحظتها خارجا من داره
مرتدى جلباب نظيف ولاسة حمراء فوق كتفه، مشى فرغلى ناحيت الحقول وعيون فتحيه بنت عمه ترمقه بلهفه من الشرفه،بنت زى القمر وفرغلى لا يعيرها اى اهتمام
تأمل عوض فتحيه وهو يبرم شاربه كان لها وجه مدور مثل البدر فى تمامه وعيون واسعه كعيون الخيل، يمنح عوض نفسه حق تأمل البشر الذين يعرف انه لن يصل اليهم الا فى الأحلام
همس عوض فى سره بنت مليحه بس يا خساره واقعة فى الحب
وعندما تقع فتاه فى الحب تكون حكايتها انتهت
والشمس كانت مائله نحو الغروب من بعيد تتسحب خلف أشجار النخيل والصفصاف وتكسو الزرع بلون الذهب
عبر فرغلى حقل وأخر قبل ان يمشى فى فحيرة نحو النهر
تأفف عوض وهمس هو الزفت دا راح يعمل ايه عند النهر دلوقتى؟ هى ناقصه قرف؟
وعند النهار اظلمت الدنيا وكانت هناك قوارب راسيه على الشاطيء عند شجرة الخروع
لمح عوض المعلم يوسف كبير المطاريد ورجاله المسلحين
يعرف عوض ان علاقة فرغلى مع المطاريد علاقه قويه ثابته مثل جذوع النخل لكنه شعر بشيء مريب
شيء عليه معرفته، تسحب بين سنابل القمح حتى وصل قربهم
كانو يتحدثون عن عائلة عبد الكريم، عن عبد التواب وسعيد
ثم جاء ذكر صقر
والعركه المنتظره بينه وبين فرغلى، سيكون المطاريد حاضرين مختفين بين الحقول، اذا انتصر صقر سوف يقتلونه بلا تردد، فرغلى غير مستعد لخسارة سادين وقد سمع همسات تقول انها لازالت عذراء لم تمس مثل جمر النخل العالى، جوهرة تنين فى قصه خياليه
سمكه تسبح فى العمق بعيد عن شباك الصياد
ان سادين لى ولكم المال، بعد أن اتخلص من صقر سأضع عائلة عبد الكريم فى جيبى30
وكانت القريه كلها ليس لها كلام الا عن المعركه القادمه بين صقر وفرغلى ومن قد ينتصر وما الذى سوف يجرى بعد ذلك وسمع ان جماعة من اولاد صقر كانو يتهامسون ان فرغلى اقسم بالله ليؤدب صقر ويطرده من القريه ويجعل عودته إليها مستحيله، وان العار سيركب عائلة عبد الكريم مدى الحياه...........
من ناحيه أخرى كان صقر يسير فى ارجاء القريه رافعآ رأسه بشموخ غير مهتم بالمعركة ويجلس بفخامه امام البيت البحرى مرحب بالضيوف التى تزوره
وعبد التواب داخل مضيفته يشعر بالتهميش فحتى لو كان هو كبير العائله رسميآ فأن الناس ينظرون إلى صقر على انه الكبير لأنه يملك القوه وكان هذ الأمر يؤرقه لدرجه بعيده
وينغص عليه منامه
ليه رجعت يا صقر، بسببك صابنى العار مش بس مره
بل مرتين، أحلامه لن تتحقق قبل أن يتخلص من صقر
ولن يصبح كبير العائلة بحق وحقيقى الا بعد أن يهزم فرغلى امام الناس كما اتفق معه
عندما عاد عوض العلاف لم يفتح فمه لم يخبر اى انسان بما سمعه ورأه
حتى سادين نفسها التى طلبت منه مراقبة صقر لم يخبرها بشيء فكل من احتقره يستحق أن يتأدب
وعندما لاح عرس قريب كانت الناس فرحانه ليس بسبب العروسه او العريس فهو عيل ابن ك_لب يحمل الحقد داخل قلبه لكل الناس وكان لا يتوقف عن معاكسة الحريم
بل من أجل المعركه القريبه، صقر وفرغلى، العصا والعكاز
الكبرياء والعائله والنخوه
وكان صقر يتدرب على العصا كل يوم وفرغلى يخوض نزالات فى كل مكان ويخرج منتصر
وحضر يوم العرس وجلست الناس فى الفرح كل عائلة مع بعضها، وكانت عائلة عبد الكريم تجلس فى مواجهت عائلة اولاد صقر يفصل بينهم طريق
جلس عبد التواب وسعيد ودياب وعقل وجلس صقر معهم
عندما عرف عبد التواب ان صقر سيكون حاضر فى الفرح
لم يغضب فقد جاء الأمر على هواه وبعد أن رقص الرجال على الطبل البلدى وقف فرغلى بشموخ ونادى فى الناس من يرغب فى نزاله يخرج إلى الساحه
نظر عبد التواب تجاه صقر الذى ظل صامتآ
وقف فرغلى وسط الساحه بصدره العريض وعضلات ذراعيه الضخمه يبرم شاربه ويهز عكازة
والنساء تزغرد وتصفق والأطفال تركض لأخذ مكان على الدكك يمكنها من رؤية المعركه
تقدم شاب غريب من بلده مجاوره وهزمه فرغلى بعد جولتين
ثم تقدم اخر من عائلة عدنان هزم من اول جوله
والنساء تثرثر العيون مصوبة على صقر تنتظر تحركه او وقوفه من مكانه
وربط المطاريد فى أماكنهم وسط الحقول ينتظرون اللحظه المناسبه وناس تجيء وتذهب
وفرغلى يصرخ طالبا الرجال إلى أرض المعركه
ثم خرج رجل يحب الكلام مثل النساء وراح يصرخ وهو يضحك عايزين ننصب شخص فتوة للقريه
والذين يرغبون بذلك يصعدون إلى المنصه
وصعد أكثر من شاب لم يكن من بينهم صقر
وسرت الهمسات القلقه ان صقر ربما لا يخوض النزال
خوفه من فرغلى والهزيمه يحتم عليه البقاء فى وضع السكون، بينما كان فريق اخر يرى ان صقر ينتظر اللحظه المناسبه وانه غير مهتم العراك ما لم يذكر اسمه وفرغلى لم ينادى بأسمه حتى الأن
وهزم كل من كان على المنصه، هزمهم فرغلى بلا جهد يذكر ان ضربة فرغلى بالعصا ضربت معلمين تعرف مطرحها وتوجع
وارتفع الصياح فرغلى الفتوه، فرغلى سيد شباب القريه
كل ذلك وعبد التواب ينظر تجاه صقر ثم ناحيت فرغلى
ثم حدث ما كان متوقع، هو صقر بيه مش ناوى يشرفنا على المنصه ولا ايه؟
كان صوت فرغلى مسموع حتى انه أخرس الأصوات الفوضاويه التى كانت تملأ المكان
ابتسم صقر، صقر عمره ما يتراجع عن حد ذكر اسمه يا فرغلى
ولو كنت عايزنى يا مرحب بالمعارك
وصل صقر المنصه والتف أهل القريه حولها لا أحد يمكنه ان يتوقع النتيجه
هز صقر العكاز فى يده يعرف وزنه وكان لازال ينظر تجاه الطريق عندما ضربه فرغلى بقوة فى جانبة ضربه تفادها صقر بالعافيه
وأدرك صقر عن فرغلى ينتوى خيانته، تلك الحركه الصغيره فضحت نواياه
وسرعان ما سخن العراك وانطلق الضرب من كل ناحيه
ولم يكن ضرب عادى بل ضرب موت
وكما هى عادت النزالات بين صقر وفرغلى فقد كانت حركات سريعه لكنها مشحونه بالغضب
وكل ضربه اذا عبرت ستكسر ضلع،او تشق رأس.
فرغلى يبحث عن حلمه وصقر يدافع عن شرفه
وتسأل فرغلى لما ضربات صقر قاسيه مثل الصخر؟
ضربات مرعبة إلى حد بعيد، ثم اخذ صقر المبادرة وراح يضرب فرغلى بكل قوته وفرغلى يعرض عصاة ويصد الضربات ويتراجع وصوت العصا يسمع من بعيد بعد أن صمت الحضور
وتذكر صقر كلمات سادين ان فرغلى ذهب إلى القاهره
وهمس لقد جن كيف تجراء وسافر إلى القاهره؟
لو كان خائف منى لفكر الف مره قبل أن يطرق باب الشقه
ورأى شيخ البلد انها لم تعد لعبة عصا بل لعبة موت وبحث عن انتقام، فصرخ فى الناس خلينا نفضوها الليل دى
لكن صقر قال انه لن يتوقف حتى يهزم فرغلى
وتقدم اولاد عائلة صقر نحو المنصه للوقوف جوار فرغلى الذى لم يمانع
وأصبح صقر فى مواجهة سبعه فنظر إلى عبد التواب ينتظر الدعم، انها حرب عائله ضد عائله وليست حرب شخص واحد
وصرخ شيخ البلد إلى عايز من عيلة عبد الكريم يساعد صقر يصعد المنصه
محدش يتحرك من مكانه، أمرهم عبد التواب واقسم ان من يصعد المنصه سيحرمه من الورث وان الأوراق كلها معه ومحدش هيطول قراط واحد
وكان على النزال ان يستمر فلا يمكن لصقر ان يترك المنصه مهزوم امام عيون كل الناس
ان الشرف يحتم عليه ان يقاتل حتى آخر لحظه
فرفع عكازه وشكر كمه وهمس انا اسف يا سادين
وعدتك بالنصر ولكنى سأمنحك الموت
وبعد جوله فرديه لمداراة العين اشترك اولاد صقر فى النزال
وبداء صقر يتلقى ضربات من كل ناحيه
وفرغلى يتحين الفرصه المناسبه لشق رأسه والسخرية منه
شجت رأس صقر وهو يحمل العصا
وكسر ضلع فى جانبه وهو يحمل العصا ولم يتركها
وسط هذا الصخب والضجيج والتربص
لمح شخص قادم من بعيد، كان يرتدى جلباب صوف ولاسه زرقاء وفى يده عكازه ولم يتبين احد وجهه حتى وصل الانوار
كان عوض العلاف وكان لأول مره برى بتلك الهيئه النظيفه فقد كان دائمآ مغطى بالروث والعجين والطمى
شق عوض صفوف الناس وقصد المنصه ثم صوب نظره تجاه عبد التواب وقال جبان وصعد المنصه إلى جوار صقر
وسرت الهمسات شوف عوض العلاف بيعمل ايه يا ولاد؟
بقا القوالب نامت والنصاص قامت؟
يكونش عوض فاكر نفسه فتوه؟
وسمعت ضحكات فى أكثر من مكان وسرعان ما دخل عوض فى النزال وراح يصد الضربات عن صقر
وللعجب كانت ضرباته دقيقه ووقويه ووقف أمام فرغلى أكثر من مره دون أن يتمكن فرغلى من لمسه
وشعر فرغلى بالغضب فصرخ فى اولاد عائلته بكفاية هزار يا ولاد خلينا نقضى عليهم
وكان صقر وعوض يدافعون باستماته، يتلقون الضربات منحشرين فى زواية المنصه
عندما لمح شاب نحيف يركض تجاه المنصه وفى يده عكاز
قفز إلى المنصه وراح يضرب اولاد صقر من الخلف واصاب اثنين منهم
كان شاب غريب ولم يتعرف احد على وجهه او عائلته
اخرج المصابين من حلبة النزال ووقف الشاب إلى جوار صقر وعوض
قال صقر شكرا لك لكن الشاب لم يرد
وهمس عوض لصقر انت مصاب، سبلى فرغلى وخلص على بقية العيال
وبداء يعترض فرغلى فى كل ناحيه حتى تلاقى امام عيون الناس
بينما اجهز صقر والشاب الغريب على بقية اولاد صقر
وراح عوض العلاف يهز العصا بفن وحرفيه انه ينتظر تلك اللحظه من سنين طويله
الكل كان ينظر اليه كبعوضه، حشره لكنه الان يقف امام أقوى شاب فى القريه
وكانت حركات عوض سريعه ورشيقه
وفرغلى يستصغره ويهجم عليه بقوه وعوض يرواغ ثم يضرب
حتى تمكن من مراوغه ناجحه أندفع فرغلى فتنحى عوض وضربه على مؤخرته بالعكاز
ضربه اسقطته أرضا ولم يصدق الناس ما تراهم عيونهم
فرغلى على الأرض وعوض فوقه يضربه فى كل مكان
لن أدرك الشاب الغريب النصر
قفز من على المنصه وركض مبتعد عن العرس والناس ولم يتمكن احد من معرفة هويته، رغم ركض الأطفال خلفه لكنه اختفى فى الحقول
ونهض فرغلى مضرج بالدماء، فى مواجهة عوض
وسط كل ذلك رفع فرغلى يده بالإشارة المتفق عليها مع المطاريد