على رمال سيلين - الفصل 59 - بقلم غجرية - مكتملة | روايتك

كان منصور يراقب نوف مستهم .. جاتها نوبه صداع ثانية.. ــ شقالت لج الدكتورة ؟؟. ــ شقيقه .. عادي متعوده .. طالع لها شلون ضاغطة على راسها .. رفع اصابعه وتم يدلك ضدعها ببطء.. استرخت عليه .. وهي في قمة المها كان قلب يدق بقوة .. ـ خف الاالم ؟.. هزت راسها ببطء وهي تحاول تسحب نفسها من بين ايدينه .. ــ شفيج .. خليني ادلك لج لين ترتاحين .. نوف ــ جي خف واايد . واسحبت نفسها وقعدت عالكنبة ومغمضة عيونها كاتمة نوبة ألم .. قرب منها لثم راسها .. وحضنها بحنان وقال " استرخي .. بتروح النوبه .. " وتم يمسح على راسها بحنان انزلت دموعها لاجله ... بعدين قعدت تفكر "ياترى انا شسورت شعري عدل ولا عالماشي ؟.ماذكر ..." __________ كانت المها اخل غرفة الضيوف ببيت جدها لما فجت الكبت ولقت شنطة .. ــ شنطتي .. قربت منها ديمة كاتمه فضولها ــ شنطتج؟؟ ولما فتحتها المها صكرتها بسرعه ورجعت احذفتها داخل .. استغربت ديمه ــ شفيج ؟.. المها ـ ـمفووش .. تعالي نشوف تلفزيون .. ديمه ـ ماقدر .بيمرني مبارك ياخذني .. ــ تمي وين رايحه ؟.. ديمه ــ ماقدر .. ابوي اتصل وقال لي ردي مع مبارك وماخلى لي مجال اتكلم .. حست المها ان ديمه فيها شي غريب .. ــ شفيج حياتي ؟؟.. ديمه تكتم العبره ــ ابد .. عسل .. يله باي .. وانسحبت ديمه واسحبت عباتها من على السرير وطلعت .. وتمت ديمه تطالع وراها ..شفيها ؟؟.. كان مبارك جدام البيت ناطرها .. طلعت خديجه من الحمام توها متسبحه ــ وين ديوم ؟؟ ــ راحت .. ــ ليش؟؟ ــ مادري..فيها شي بس مادري ..وجبتها اللي امس فالثلاجه ماكلتها ,,,والغدا ماكلت منه شي .. واليوم فالمسائية ماقربت شي من الاكل ..كله سرحانه .. خديجه ــ شوراها ؟.. يمكن عشان راشد سافر ؟؟.. المها ــ لا مااعتقد .. بتستشورين شعرج ؟ خديجه ــ ايه ماقدر انام وهو مبلل جي .. دخلت جدتهم ــ تعالي خديجه ابيج تهمزين لي ريولي .. خديجه ــ تامر ام عبدالرحيم .. اكيد تعبانه من الوقفه اليوم . الجده ــ اي والله الله يرضى عليج تعالي.. طلعت خديجه والمنشفة على راسها وقفلت المها الباب وراها وركضت للكبت وطلعت شنطتها وجلست على السرير ...فتحت الشنطة اللي كان فيها الشماغ .. شماغ جاسم .. مسكته .. قلبته بين يدينها .. وبدون وعي شمت ريحته .. ــ انا شفيني ؟؟.. هالانسان كرهته .. اعتقد اني كرهته .. ياربي ليش قلبي يدق بهالقوة ؟.. رفعت شعرها وكورته فوق ..بعدين لفت الشماغ كامل على رقبتها .. . كانت ريحته في خشمها ..قلبها يدق بقوة .. غمضت عيونها ..تذكرت الموقف بكبره .. تذكرته .. ملامحه .. ــ بيكون زوجج يالمها .. هل بترضخين له بسهولة ؟؟.. مابرضخ له يا نفسي ..لين أتأكد أنه شاريني ..مب بس سالفه كرامته ..لازم ابين له اني مب رخيصه .. انا مابيه .. صج مااعرف شسالفه قلبي .. لكن عقلي .. مايبيه .. لفت البطانية حولها ونامت .. كان يوم طويل . ____________________________ ديمه كانت حاسه بخنقه وهي جالسه بينهم ..شوي وتصيح ..تفكر براشد اللي كانت تتصل عليه مغلق جهازه ..خالتها فالصالة مع امها يتفقون .. والاسبوع اللي جاي بيكون الخطوبه الرسمية .. ام محمد ــ يا اختي احنا اللي نتشرف بنسبكم .. انا قلت اجي اول اجس النبض .. ام منصور ــ يا اختي اهلا وسهلا فيكم مابنلقى احسن منكم .. وهذي ديمه بنتج مب معطتها لغريب ولد اختي محمد .. ام محمد ــ صج محمد ولا مره شافها . بس هو واثق باختياري .. ام منصور ـ من حقه يشوفها هذي من السنه .. حست ديمه انها بتختنق قامت وهي تنتفض واركضت داخل .. ام محمد ــ فدييتها تستحي ... ام منصور ـ ان شاء الله تبيض وجهج .. متى بيجون بو محمد ومحمد ؟ ــ الاسبوع الجاي ان شاء الله بيمرونكم ..ويتفقون مع بو منصور .. كانت ديمه في غرفتها تصيح بقوة .. تمسك تلفونها تدق على راشد لكنه مغلق تلفونه .. لمن تقول ؟ للمها لخديجه ؟ نوف ؟ ولا وحده في يدها شي .. مافي الا جدها ..لكن فضيحه شلون ؟؟.. شتقول لهم ؟ مابي هالزواج ؟ واذا قالوا ليش؟؟.. حطت راسها على ركبها وتمت تبجي بقوة .. دخلت امها الغرفه مستانسه وفجأة لما شافت حالها استغربت .. ـ تبجين ؟ ـ ماابي اتزوج يمه .. ــ ديوم عن الدلع ...محمد ولد زين .. ــ يمه ماابيه !!. انتي قلتي ولد ! ــ هو من عمرج .. ـــ يمه ارجوج .. توني صغيره عالعرس ..ارجوج يمه .. ــ ديمه بلا كلام فاضي .. خلاص عطيت خالتج كلمة .. ـــ يمه ارجووج ..كلمة ولا حياتي .. ــ شوفي يا بنت عن الخرابيط .. خلاص .. انا قلت بتاخذين محمد ..وباجر بتشكريني .. وطلعت امها من الغرفة دخلتها هيا بشماته رافعه حاجب ـ قلت لج .. طالعت لها ديمه بانكسار ــ انت شنو ؟؟ انت اخت ؟.. بدل ماتخففين علي جايه تتشمتين ؟؟.. هيا ــ مب بس انا اللي يحذفوني بزواج تقليدي..حتى انتي .. ديمه ــ انا شسويت لج ؟؟ ــ انتي ماسويتي شي ..بس ليش تفرحين و تحبين وانا تعيسه في حياتي .. انصدمت ديمه بققت عيونها على اخر ــ ليش شقاصرج ؟؟شفيه ولد عمي ؟؟ عبدالرحمن .. هيا ـ متخلف غبي ضعيف .. ديمه ــ حرام عليج .. عبدالرحمن ؟؟ ريلج ؟؟ ابو عيالج ؟؟.. انتي شفيج ..الف وحده تحسدج عالعز اللي انتي فيه .. هيا ــ اي عز وانا احس نفسي سلعه باعوها اهلي عليه وانا عمري16 .. اي عز ؟؟ .. وهو كل شي اطلبه منه يقول لا لا لا .. اي عز وهو اكبر مني بوايد .. اي عز لما يقعد يقرأ في كتاب متجاهلني كأني مب موجوده .. انتي على بال جاني سعيده ؟؟ انا اهرب منه .. احاول اهرب منه ومن حياتي ومن عياله .. ابي اعيش ابي استانس .. كرهني في كل شي ..حتى الحب .. مايعرفه ولا يعرف منه كلمه .. ديمه بألم ــ وتبيني اعيش معاناتج ؟؟ هيا ــ ما ابي اعاني وحدي .. وطلعت وتركت ديمه في دوامه .. اكتشاف مدى سواد اختها من الداخل .. عبدالرحمن .؟؟.. _________________ في الطيارة .. كانت فاطمة مستحية من نظرات صالح .. ــ بس خلاص .. ــ شفيج فطامي ..خليني اتمقل فيج .. ــ تمقل ؟؟.. قصدك تتأملني ؟؟ هز راسه بإي .. ــ شايفني موناليزا .. ـــ اممم لا احلى .. اضحكت فاطمة بصوت واطي ــ انزين انت قلت لهم بتاخذني عمره ؟ صالح ــ فديتج مرتي وصار لنا اسابيع مالجين وايام متزوجين متزوجين .. ليش اقول لهم ؟ بس عشانج عطيت خبر لامي .. ــ فديتك بو يوسف .. صالح ــ يااااه ..ياني ناطر يوسف هذا على احر من الجمر .. استحت فاطمه ــ بدري ليش مستعجل ان شاء الله العمر جدامنا وتشوف يوسف وجااسم و فرغلي.. طالع لها بخيبه ــ فرغلي ؟؟... فاطمة ــ اي .. انا في الفتره الاخيره كنت اتمنى يكون عندي ولد اسمه فرغلي .. صالح بنبرة عدم تصديق ــ فرغلي؟. فاطمة ــ كنت بسمي صقنقور .. بس لا فرغلي احلى ..وبنتي بتكون طمبحله .. ابتسم صالح ـــ الظاهر عاشقه كاريكتيرات بو عبداللطيف .. فاطمه ـ روعه ..احسها مسلسل يومي بس عن احداث البلد .. صالح ــ عيل يا ام فرغلي ... فاطمة ــ ام يوسف ان شاء الله .. ـ لا انا بو يوسف انتي ام فرغلي .. عصبت فاطمة ــ من صجك ؟؟.. بتناديني ام فرغلي ؟؟.. صالح ــ ايه . فاطمة ــ يلا ..دامه منك مقبوله .. صالح ــ وين تبين بعد مانعتمر ؟؟ ــ مايهم ..المهم اني اعتمر .. صالح ــ تآآمرين فطامي .. مسك يدها وقعدوا يسولفون لين وصلوا .. كانوا يناقشون مرات مواضيع جاده ومرات يعدون يتدلعون على بعض ببساطه ..حست فاطمة بانتماء لصالح ..حست بامان ..وهالشعور كانت فاقدته من زمان .. __________________________ سعيد ــ ياولدي افتح تلفونك تلاقي اهلك شايلين همك.. راشد ــ انزين ...بخبرهم عن حالة سالم دامه طلع من مرحلة الخطر .. اول مافتح جواله انهالت مسجات واايد .. ماركز فيها لكن لين وصل لرقم ديمه انصدم .. (( بيخطبوني رسمي يوم السبت . .. ) ) لا اكثر ولا اقل .. طالع المسج تأكد انه رقم ديمه ..حس عمره في دوامه .. مستحيل حد ياخذها منه .. اتصل بعمته وقال لها عن ولدها وانصدم من ردة فعلها اللي كانت صمت مطبق .. اتصل في خديجه وخبرها تشوف عمته لكنها قالت له انها جالسه في الصاله سرحانه .. خبر خديجه وقال لها تقول للعنود .. __________________ كانت العنود في غرفتها ..في بالها تقلب الذكريات ..تذكرت احمد في اثينا لما قال لها تذكري اني احبج .. قامت طلعت من غرفتها لين غرفته ..وقبل لاتفج الباب رن تلفونها فردت تشوف من متصل .. ــ هلا والله خديجه ــ هلا العنود .. عنود .. حد يمج .. ــ لا ليش.. ــ ماكنت ابيج وحدج بهاللحظة .. ــ خدوج خرعتيني شنو في ؟. ــ اول شي قوي ايمانج بالله . ــ لا اله الا الله ..خدووج طيحت قلبي امي فيها شي؟؟؟ ـ لا عمتي طيبه تطمني ..قبل لا اقولج ركزي .. المهم انه تعدى مرحلة الخطر .. ــ من ؟؟ عامر ؟؟ ابو ي؟؟.. ــ سالم .. صرخت العنود بقوة .. طلع احمد من غرفته وشاف دموعها همايل . ــ شفيج عنود ؟ ــ حاولت العنود ترد نفسها ــ شفيه سالم ..وينه .. خديجه ــ قلت لج تعدى مرحلة الخطر ..امانه عنود لاتخافين ..ابيج تقوين ايمانج.. العنود وهي تبجي ـ انزين شصار له ؟؟ احمد استغرب يبي يسحب التلفون لكن عنود تاشر له انطر .. ــ حادث هو الحين في مصر مع ابوج وراشد .. ابيج تقوين ايمانج ..وتذكرين الله وتدعين له بالشفاء .. ــ ان شاء الله .. انزين بتركج بكلم ابوي .. ــ مع السلامه .. طالعت العنود لاحمد وارتمت بصدره بقوة ــ شفيج عنوودي .. ــ سالم سوا حادث .. ضمها بقوة ــ لاحول ولا قوة الا بالله ...متى ؟؟ .. العنود وهي بين نشيج وبكي ــ مادري ,, ــ اهدي الحين ..هدي اعصابج ..وبتصل واشوف وين ..من معاه ؟ ــ راشد ولد خالي وابوي .. وراح احمد وتركها بدموعها واتصل بكذا شخص من بينهم راشد ورجع لها بعد نص ساعه .. ـ السكرتيرة بتحجز لنا .. جهزي نفسج .. ــ شقالوا لك عنه عن حالته .. ــ يوم عرس صالح صار الحادث ..وهو في العنايه من لحظتها .. كان بيصاب بشلل تام لولا رحمة الله .. العملية نجحت وهو في غيبوبه من لحظتها .. ــ ابي اشوفه ..ياحبيبي يا سالم .. وتمت تمسح دموعها .. ــ لاتشيلين هم .. بنروح له ..الحين هو تعدى مرحله الخطر هونينها وبتهوون .