رواية مابعــد الخــذلان - الفصل 29 - بقلم Cluod24 - مكتملة | روايتك

((البارت التاسع والعشرووون)) ماقبل الاخير.. × صباح يوم الخميس .. بيان جلست ع الكرسي بثقل ووجهها مفقع نووم : هالحين انا عاطله باطله مصحييني ليييه فاديه اللي جهزت صفره الفطور ونفسيتها حلووه بتجمع عيالهاا : سمي بالله بس وافطري ريان : ماما قولي لأبوي يستأذن لي اليوم خميس وورانا طلعه ريمان : بنمشي العصر مو الصبح يافاهم افنان تناظر امها بخجل وتصد وتاكل بصمت ماتبي تتذكر شي خلاص هي فتحت صفحه جديده صفحه ماتضم اسم فياض .. فاديه : خلو عنكم الهذره وافطرو عشان تلحقون دواماتكم ريمان تدك كتف افنان بكوعها وتأشر ع بيان براسها يعني شوفي .. افنان ضحكت : ههههههههه حراام والله تحزن فاديه تتبسم وهي تشوف بيان مميله راسها ع الكرسي ونايمه وبيدها كوب الحليب : ريان خذ الكوب منها لاينكب عليهاا ريان اللي جالس جنب بيان اخذ الكوب وحطه ع الطاوله ووقف واشر لهم مع السلامه وراح يجري بيلحق خالد لايروح عنه .. فاديه : بيان يممه قومي روحي كملي نوم بيان فتحت عيونها بسرعه تحسب انها مانامت : ايه بفطر افنان وريمان يضحكوون عليهاا .. افنان : ايش اللي اييه بفطر هههههه ريمان تحرك يدها عند راسهاا : صباح الليل هذا غدا رحنا وجينا فاديه تضحك ع بيان اللي متنحه في ريمان تستوعب : ريووم عن النصب قومي بيان بس كملي نومك فوق بيان وقفت واخلاقها قافله مشت عنهم بدون ماتقول ولا كلمه .. ريمان لفت ع افنان : وانتِ قومي خل نروح لانأخر بزرات المدرسه ويقروشونا افنان وقفت : عشتوو بنت الجامعه انا بروح لجدتي اول بصبح عليهاا ريمان تضرب جبينهاا : واللييييل بديناا × × الجامعه : جالسه لحالها وبيدها جوالهاا تتأمل صورته اللي التقطتها له بدون مايدري مثل باقي صوره .. لا حس ولا خبر يافياض ابد ماتوقعت قلبك قاسي كذا رساله طيب يامسلم ايش هذا ولا علق ع ورقتها اللي كتبتها له الواضح انه ماصدق ع الله تجي مشكله بينهم وتروح .. هو قالها عجلي بالانفصال انا طفشت .. تأففت وقفلت الجوال وسندت خدها ع يدها وتناظر المارين بقهر .. انا قلت ماافكر فيه بنسااه ليش احن اووف ليش ماقلت لابوي والعيال عن قراري ايش انتظر ليش ساكته بيان البارح حاولت فيها تبيها تفضفض بس رفضت وانهت النقاش ماتبي تتكلم فيه ماتبي تطري فياض لازم تنسااه لازم .. اليوم بيطلعون وتبي تستانس ماتبي اي شي ينكد عليهاا شافت بشاير جايه لها .. اخذت نفس اووف شتبي ذي بعد ياربي شلون قلت لها ثقيله دم بوجهها اووف احراج .. بشاير سلمت عليهاا وجلست قبالها ع الكرسي : شلونك افنان افنان : بخير انتِ كيفك بشاير تناظرها بااحراج : الحمدلله امم رجعت اداوم من النور الحمدلله في باص جديد وصرت امشي معه افنان وملامحها جامده : اهاا حلو بشاير تفرك اصابعها ببعض تحت الطاوله : امم افنان انا مرره اسفه والله يعني مدري شقول بس مرره منحرجه منك افنان تلف شعرها ورا اذنها وتداري صدمتهاا : عادي بشاير تعض شفتها بااحراج : لا والله مره متفشله بصراحه انا اول شي اكرهك وماابيك لأخوي وتعمدت اسكن عندكم كنت اغار منك ماابي اخوي ينساني معك بكون معكم واللي يجيبه لك يجيبه لي كنت مدري كيف اشرح لك بس ماابيك تتهنين بااخوي بس الحين والله غير انا عرفتك زين افنان تقاطعهاا : خلاص بشاير ماعليه انا قلت لك ذاك الكلام كنت منفعله بشاير : بس هذا الصدق والله انا اسفه ومن كل قلبي والله اتمنى تتصالحون وترجعون لبعض افنان ابتسمت : اعتذارك هذا يكفيني انا مو شايله عليك ابدا وبالنسبه للرجعه ماعاد في رجعه خلاص بشاير : ليه والله ان فياض يحبك والكل شايف كيف هو معك فياض اختارك بنفسه واصر عليك رغم اعتراضنا افنان تنهدت : ممكن نقفل هالموضوع مابي اتكلم فيه بشاير : ع هواك طيب قومي خل نتمشى الجو يجنن افنان وقفت وراحت تتمشى معها .. بشاير لفت ذراعها بذراع افنان وهي تسولف وتتريق ع خلق الله وافنان تضحك وتضرب كتفها تسكتها حرام قطعت لحم بنات الجامعه تقطيع .. وصديقات بشاير يشوفونهم كيف يتمشون مع بعض ويضحكون مستغربين الوضع من متى ؟؟!! × × طلع من بوابه المستشفى يمشي بهدوء .. لبس نظارته الشمسيه واتجه لمواقف السيارات .. ركب سيارته وشغلها .. طلع جواله من جيبه اتصل عليها ونفس الشي ماترد .. طيييب ي بيان بنتواجه واعلمك شلون تتغلين وتزعلين من اللاشيء حرك السياره وشغل المسجل وعلا عليه .. وفتح سنابه يصور يدري بتشوف حبك واشتياقك حلوو .. زعلك او عذابك حلوو .. رحيلك رجوعك حضورك وداعك كل شي منك حلوو .. * * بيت سعد .. توزعو بالسيارات .. ريمان راحت مع محمد منحاشه من سلطان اللي من بعد ذاك الموقف تتهرب منه والظاهر انه نسى بس تبعد عنه افضل .. بدور جالسه قدام عند ولدها وورا ريمان والتوم .. : والله شكل الاستراحه اللي مختارها سلطان مخيسه لو رحنا الرايس بشاليه افضل شذى : والله حتى انا خاطري بالبحر بس ابوي رفض يقول مافي وقت خلوها بالاجازه ريمان : حتى الشاليه اللي بنروح له حلوو شفت صوره تهبل نهى : ياغبيه كم مره نقول في فرق بين الشاليه والاستراحه ريمان : هفف خلاص فهمنا بس اقول شاليه استراحه كيفي هااه نهى : لا مو بكيفك يجيني تلوث سمعي منهاا ريمان ترقص بخبال وهي جالسه بوسط التوم : شاليه بنرووح الشاليه الشاليه بدور تضحك وتهز راسهاا .. ومحمد تنهد بيأس منهم مستحيل يهجدوون لازم مناقر . * * سلطان لف ع بيان اللي جالسه جنبه : ترا كثر الزعل يطفش الرجال "ولف ع افنان ورا" و انتِ ماظنتي فياض يأذيك حتى لو بكلمه طلال هه ممكن بس فياض بلسم افنان ضحكت بسخريه : الله والبلسم عاد المهم خلك منا انت متى بتتزوج ياخ نبي نفرح بيان تضحك : اي والله نبي عرس سلطان يحك شعره : امم والله انا قلت لاامي بس شكلها ماقالت لكم البنات مع بعض : ايييش سلطان يبتسم : خلاص بخطب بيان : تخطب مين ؟! سلطان بهدوء وهو يتذكر رفضهم : احمم اخت فياض اا شكان اسمها بيان شهقت وع طول لفت ع افنان بدون ماتقول شي .. افنان بهدوء : بشاير سلطان : اي هي افنان : الله يوفقك بيان ومتوقعه افنان مو راضيه بس ماتبي تكسر بخاطر اخوها : ترا هي اللي شفتها ذاك اليوم معنا اذا ماتدري سلطان : ايه عرفت وعجبتني بيان تلوي فمها : كيف عرفت سلطان ضحك بااحراج : يعني محد موجود غريب وعرفت ان اخت فياض جت مع افنان بيان : اهاا سلطان يناظر افنان بالمرايه : شرايك انتِ افنان : بصراحه سلطان لو قلت تبيها قبل كم شهر بوقف ضد هالزواج بكل قوتي بس الحين تغير موقفي بشاير كويسه الله يسعدكم سلطان : طيب بعرف يعني ليه اول ماتبينها فيها شي غلط افنان : لاا مو كذا بس سوء تفاهم بيننا وانحل بشاير ادب واخلاق يكفي اخوها فياض بيان تصفق : ياعيني ياعيني وتقول ماتبيه افنان بجديه : شهاده حق وخلااص . سلطان تبسم بدون مايقول كلمه وهو يوقف عند الاستراحه ويدق بوري للسياره الواقفه قدامه .. فياض لف ع طلال اللي جالس جنبه وفتح بابه ونزل ونفس الشي طلال .. بيان شهقت : هذول ايش يسوون هناا افنان تعلقت عيونها عليه بطوله الشامخ .. اووف اشتاقت له حييل .. حي هالزول والله سلطان يضحك ويهز كتفه بمعنى مالي شعل اناا .. ونزل بيان لفت ع افنان بقهر : الزفت سلطان ليه يقولهم مالهم حق يجون ذي طلعه عائليه افنان تتأمله كيف يتقدم لسلطان ويسلم عليه والابتسامه تزين محياه .. بيان تحرك يدها بجهة افنان : ياهوووه نحن هنا افنان لفت ع بيان : خييير انتِ بعد بيان تبوس يدها من فوق النقاب : الحمدلله والشكر انزلي بس انزلي ولفت قدام وفتحت بابها ونزلت سمعت تصفيره رفعت عيونها لمصدرها شافت طلال يناظرها ويرقص حواجبه صدت عنه وهي تتبسم هفف ياربي من هالرجال اكل قلبها اكل ماتقدر تطول زعل عليه .. افنان نزلت ومشت مع بيان لداخل وهي تخطف نظرات لفياض اللي ولا حتى ناظرها ايش هالثقل اللي فيه هو صدق ثقيل كذا ولا عشان مااهمه ولااشتاق اصلا .. * * وبنفس هالوقت بالنور .. منسدح بالصاله ومتغطي ببطانيه الحراره لعبت فيه لعب .. ام منصور جالسه عند راسه وتلمس جبينه : قم الله يهديك رح المستوصف خل يعطونك شي والله راسك حار منصور وصوته رايح : شوي وبتروح انا اعرف بهالامور المستوصف مابيسوون شي خوله اللي جاتهم اليوم زياره لما عرفت ان حمودي عند عماته اشتاقت له وهذا هو بحضنها وتأكله شوربه : خلاص يمه خليه براحته ممرض وفاهم ام منصور تنهدت : والله من العناد اللي براسه مايسمع الكلام الله يعين اللي بياخذهاا بس هند تضحك : العاشق الولهان ماظنتي بيتزوج بعد رفض ست الحسن والدلال منصور يلم البطانيه له ويكح .. ام منصور : لا والله لزوجه زينه البنات اللي تسواها خوله : اصلا بشاير ماعليها حسافه ماتصلح له منصور غمض عيونه .. يشوف طيف ريمان .. وجهها البشوش ضحكتها .. عيونها .. غمازاتها تنهد : زوجوني ريمان "وكح بقوه كحه متواصله " امه وخواته سكتو يستوعبون ايش قال وكحته .. ام منصور تقرب منه المويه : اشرب اشرب بسم الله عليك هند تلف ع خوله وبهمس : قال ريمان ولا يتهيأ لي خوله تناظرها : حتى انا سمعت من قصده ام منصور بعد ماهدا سألت : نزوجك ريمان ؟ من هي منصور والحراره لاعبه فيه مو حاس انه يقول اللي بداخله ببساطه ولو كان بكامل صحته ووعيه ماقاله : ريمان بنت سعد متولع فيها عاجبتني من زمان زوجوني اياهاا ام منصور بفرحه انه نسى بشاير ومابين خوف من ريمان اللي تحسها صغيره : ابشر باللي تبيه هند تستغل الموقف وفتحت جوالها تصوره فديو : انت شفتهاا منصور : ايييه ويل قلبي ويلاه مزيونه خوله تضحك ع الصامت ودموعها نزلت من كثر الضحك .. منصور فصل عليهم وام منصور تتبسم تدري انه لاشاف الفديو بينصدم هند مكمله تصوير : عاجبتك ؟ منصور : اييه حيل زوجوني اياها ابيها هند تكتم ضحكتهاا : متى شفتها ؟ منصور : بالسياره اغمى عليها سلطان صادها كانت تغني وطاحت عند المسبح ضربتني بالكعب هند تلف ع امها وخوله مو فاهمه .. ام منصور اشرت لها تقفل خلاص حرام والله بيزعل .. هند قفلت الفديو وهي متحمسه متى يصحصح ويشوف . * * جالسين كل العايله مع بعض .. ماعدا خالد اللي اخذ ريم وطلعو مع بعض لحالهم .. وطلال وفياض بقسم الرجال لحالهم البندري جلست بعد مالفت عليهم بالقهوه .. شذى تربت ع كتفهاا وتهمس : سنعه بنتاخي طالعه علي البندري رفعت عيونها : هفف بس ام سعد : والله هالاستراحه تشرح الصدر كل شهر مفروض نطلع فيها نغير شوي من جونا سعد اللي جالس جنبها : ابشري ياميمتي ع هالخشم ام سعد : تسلم جعلني قبلك ريمان تهمس لنهى جنبها : هالحين يبدون بمال انا قبلك لا انا قبل نهى تضحك ع الصامت لما صار مثل ماقالت ريمان افنان وقفت : بسوي حليب زنجبيل احس الجو بارد مريم : اي والله هذا وقته الله يسعدك بيان وقفت : بساعدك فاديه وهي تشوف بيان تقوم بثقل : خلك انتِ ارتاحي البنات يساعدونها بيان : لا انا بتحرك شوي وراحت للمطبخ عند افنان اللي بدت تسوي : بسوي براد لطلال وفياض افنان بهدوء : قللي السكر بيان ابتسمت : بس طلولي يحبه زايد افنان لفت عليها : فياض مايشرب الحليب لما يكون سكره زايد بيان قربت منها وقرصت كتفها بقوه وافنان صرخت متألمه ووخرت عنهاا : هاااي خير انتِ ليش تقرصين بيان : تموتين فيه ويموت فيك ليش كل هالتغلي والوسايط بينكم افنان تنهدت : اي وسايط يرحم والديك ولا درا عني حتى نظره وحنا داخلين ماعطاني ياخي جته من الله حبوب منع الحمل اخذها حجه بيان بصدمه وعدم فهم : درا انك تاخذين مانع !!؟ افنان تقلب الحليب بالملعقه : اي وسمعني كلام يسم البدن وانا الغبيه للحين افكر فيه واحن له وهو حتى الرساله ماارسلها لي بيان تحك شعرها : طيب هو مكلم طلال وهم اصلا صارو اصحاب طلال يقول ان فياض يحبك من قبل يتزوجك ماقالك ؟! ااا و ويدري انك تتسترين ع امي افنان تناظرها بعدم فهم : ايش !!!؟ بيان ارتبكت لما فهمت ان افنان ماتدري عن شي تحاول تلطف وتهون عليها الموضوع : افنان فياض ساكت طول هالفتره يبيك تحبينه مثل مايحبك خايف يعترف لك انه يدري تروحين تتركينه "سكتت شوي تشوف ملامح افنان الجامده" ذيك الليله هو مشى وراك شافك من البدايه وانت تمشين ورا امي شاف كيف امي قلبت الطاوله عليك وسكت راضي لانه يحبك وكان ناوي يخطبك كبرتي بعينه تعلق فيك اكثر كان يعاملك بااحترام وادب لانه عارف حقيقتك دافع عنك لما ضربك سلطان لانه عارفك ... * * طلعت من قسمهم تمشي بسرعه وهي تلف الشال ع راسها هذ الوقت المناسب الكل داخل .. وطلال وفياض لحالهم هنااك .. ماتقدر تسكت اكثر من كذا لازم تعترف لفياض حرام يظلم بنتها اللي تموت فيه فياض جالس وماد رجوله وساند ظهره ع المركى ورافع يدينه ساند راسه عليهم .. ويتسمع لنصايح طلال المجنونه وبس يطقطق عليه : اخطفها !! طلال متحمس يشرح : اييه بدال منت جالس كذا تنتظرها تعطيك وجه مو ع كيفهاا اخطفها وربطها واهم شي سد فمها بلصق قول كل اللي تبيه تسمعك غصب عنها وبعدها خلاص فياض ماتحمل خلاص انسدح ع جنبه يضحك : ههههههههههه ااه يابطني ههههههههه يقطع شرك ياطليل طلال يناظره بقهر : الشرهه علي والله مااتوب وانت خلك كذا متثيقل ولاتبادر بشي لاابو ذا الوجه سكت لما شاف فاديه داخله ورفس فياض عشان يسكت وينتبه .. فاديه : السلام عليكم فياض لما سمع الصوت جلس وعدل ثوبه ويمسح عيونه اللي دمعت من الضحك .. ووقف وسلم عليها بعد طلال وهو مستغرب جيتهاا فاديه جلست بهدوء وتشجع نفسها تبدا .. فياض اخذ القهوه بيقهويهاا فاديه : خل عنك والله متقهويه اجلس بتكلم معك شوي طلال وقف : استأذن اناا فاديه تاشر له : اجلس طلال ماانت غريب ومو جديد عليك اللي بقوله فياض عرف ايش بتقول وبسرعه يدري ان الكلام صعب وثقيل عليهاا وبيساعدها : ادري ايش بتقولين وانا ادري ادري بكل شي من البدايه ماتزوجت افنان الا وانا واثق من برائتها اللي شفتها بعيني فاديه بتوتر تفرك اصابعها ببعض : انا والله منحرجه منك انا غلطت فياض يقاطعها برجوله مايحب يشوف شخص كذا مكسور وبموقف محرج وصعب : كلنا بشر وبنخطي وخير الخطائون التوابون فاديه مسحت دمعه خانتها والعبره خانقتها مو قادره تقول شي .. طلال : لاتتضايقين ولاتشيلين هم بناتك بناتك ذهــب مانفرط فيهم فاديه تهز راسها وهي تناظرهم باامتنان وصوتها مبحوح : الله يسعدكم الله يسعدكم محمد دخل : ياعيال تعالو جهزنا جلسه برا بنشوي "وناظر فاديه اللي وجهها محمر بااستغراب" فياض وقف بسرعه بيرووح معه يصرفه : يله جايين تلحقنا طلال فاديه وقفت بتروح ووقف معها طلال يمشي لبرا المجلس : بس ترا بناتك كل وحده راسها اعند من الثانيه فاديه باابتسامه : حرام عليك عاد بيان اطيب من قلبها مافي طلال يحك رقبته : اييه بس مثل ماانتِ شايفه انا وعديلي حالتنا يرثى لها ساحبات علينا ولا في مجال نتواصل معهم يعني لو تفزعين لنا فاديه : ابشر عيوني تفداك انت وفياض × × نهايه البارت التاسع والعشرون ..