رواية مابعــد الخــذلان - الفصل 26 - بقلم Cluod24 - مكتملة | روايتك

((البارت السادس والعشرون)) صباح الخييير شكراً لكل من رد ولو رد بسيط واصحاب اللايكات بعدد + اعتذر عن الخط نزلت البارت من الجوال ماحبيت اتأخر💕. × ام سعد سجدت لله شكر وجلست تمسح دمعتها بطرف طرحتهاا وهي تردد : الحمدلله الحمدلله بيان تبكي من الفرحه الناقصه جالسه ع الارض مثل الاطفال : ودوني لخيتي وييينه طلااال ريم تضحك : خلااص عاد الحمدلله نجحت العمليه وتوقف النزيف كلها وقت وبتصحى ان شاءالله لاتبكيين بدور اللي نزلت من الدرج ووراها التوم والبندري يجروون بعد مابشرتهم .. البندري وجهها احمر من الصياح : ابي اروح المستشفى شذى : اماانه تكفوون نهى تبكي بصمت .. مريم : استهدو بالله يابنات هالحين ممنوع الزياره ومابعد طلعوها اصبروو وقولو الحمدلله تمت العمليه ووقف النزيف بيان تمسح دموعها بكفوفها وهي ثقلانه من الحمل مافيها تقوم : جيبوو جوالي افنان لازم تدري وييينه ام سعد : هو انتِ خبيله تبين تفجعين اخيتك اقول لاحد يعلمها لين تصحى ريمان بالسلامه بيان تهز راسها رافضه : لا لا افنان لازم تدري وتلين قلبها "ناظرت شذى" هاتي جواالي ام سعد عصبت : والله اللي تجيبه ياويلها ولو دريت انك اتصلتي عليها ياويلك اقضبي ارضك بسس × × قفل من ولد عمه مهنا اللي اتصل عليه اول مادخلو الشقه .. جلس ع المركى بالمجلس .. مصدووم يالله زود عن مصيبه منصور اللي صدمها ريمان اخت زوجته اتصل ع سلطان ومارد يبي يتطمن ويشوف الوضع .. اتصل ع خالد ونفس الشي مارد ماله الا طلال اكيد انه معهم .. وماخاب ظنه .. كلمه وطمنه عن وضعهاا ونصحه يقول لافنان عشان تجي تشوف اختهاا اللي صحت والكل موجود هنا.. اخذ نفس يشجع نفسه .. طلع من المجلس وكان يمشي بشويش بالسيب يرتب افكاره .. شافها جالسه بالصاله هي وبشاير .. جلس بهدوء ع كنبه منفرده افنان تكمل كلامها وهي تناظر بشاير : انا اسوي مشروع تخرجي بنفسي مااحتاج اخلي وحده تسويه بشاير : احسن لك عشان وقت البرزنتيشن تصيرين فاهمته افنان ناظرتها بغرور : اييه فياض : احمم افنان افنان لفت عليه وهي تبتسم : لبيه بشاير تلوي فمها لفياض لبيه وانا بالعافيه تتكلم معي شهالغرور اللي فيها انا الغلطانه اللي افتح سالفه معهاا يع .. فياض : اختك ريمان بالمستشفى تعبانه اجهزي بوديك تزورينهاا افنان بجمود : ايش فيهاا ؟ فياض : شكلها حراره افنان صدت بملامح جامده والقهر بقلبها ع اختها الغبيه : ماابي ازورهاا بشاير تناظرها بااستغراب ليه ماتبي تزور اختها اللي قطعت شعرهاا وكسرتها بليله عرسهم دفاع عنهاا .. فياض استغرب ردة فعلهاا : لا لازم تروحين اهلك كلهم هناك افنان ناظرته بااستغراب وبدا القلق بداخلهاا : كلهم هناك عشان حراره ؟؟! فياض حس انه لازم يقولها الحقيقه من الحين عشان ماتنصدم : لاا افنان بخوف : اجل فياض بهدوء : صار عليها حادث وسوو لها عمليه ونجحت الحمدلله وهي بخير الحمدلله افنان فكها رجف والدموع تجمعت بعيونهاا : وصار حادث وعمليه كل هذا متى وانا تو ادري واهلي كلهم هنااك راحت بسرعه لغرفتهاا وفياض وبشاير راحو وراها بخوف ايش بتسوي .. افنان تدور بالغرفه بسرعه واخيرا لقته جوالها اتصلت ع بيان بيد ترجف والدموع متحجره بعيونها مو قادره تنزل .. فياض :ع مين تتصلين خلك منهم انا بوديك لهاا افنان تمد كفهاا المرتجف قدامه يعني لاتقرب .. وبشاير واقفه عند باب الغرفه تترقب بخوف بيان اللي بالمستشفى ماصدقت تشوف افنان تتصل طلعت من الغرفه المزحومه كل العايله موجوده حمدت الله انها قدرت تتصرف لما ابوها سأل ايش مطلع ريمان هالوقت قدرت ترقع انها هي ارسلت ريمان البقاله القريبه تبيها تجيب حبوب راس .. ماتنسى نظرة ريم المستنكره ليش تكذب بس ماعليه ترقعها بعدين .. ردت والقهر بصوتها : اهلااا اهلااا افنان بسرعه وصوتها يرجف : ريمااان كيفها انتم شلون ماتقولون لي بيان ضحكت : ههههههههههههههه اااه ياقلبي المهتمه ااه بسس قالت نقولها انتِ وينك لو مهتمه ماقطعتي امك واختك "وبنبره قويه مقهووره" اختتتك اللي ممكن نفقدها باي لحظه وانتِ خليك غارقه بالعسسسل خليييك جنب الحب فياااض ياحبيبتي انتِ اختتتك انصدمت البارح عند البيت واللي صدمها منصوور ولد عم الحبيب فيااض انصدمممت طااارت وطاحت ع الارض افنان حطت يدها ع فمها ودموعها تنزل وهي تهمس : ااه ي ريماان بيان بكت : وانتِ خلييك كذا حاقده عليهاا ماتسامحييين حتى امي خلييك حاقده عليها لين الله ياخذ امانتها كذا ترتاحيين افنااااان ترتاحييين صح هااه تكلمي صـــح؟؟! افنان جلست ع الارض منهاره بكاا وهي تهز راسهاا : لا لا لاا فياض سحب الجوال منهاا وقفل الخط : خلاااص بسس اختك بخير انا اوديك لها قومي افنان تناظره منهاره مافيها حييل : انا مسامحتها وررربي مازعلت منها الا لاني مقهوره علييهاا اخخخ ياربي لاتاخذ اخيتي وانا متهاوشه معهاا لاا فياض يوقفها معه ولف ع بشاير اللي تصيح معهاا : هاتي عباتها بسرعه لازم تشوف اختها وتتطمن افنان تهذري بوسط بكاهاا : انا ضربتها اخر مره انا رفضت اكلمها واسامحهاا بشاير تلبسها عباتها بمساعدت فياض وهي تبكي وتمسح دموعها بطرف بلوزتها ماقد تخيلت تشوف افنان بهالشكل وكلامها قطع قلبهاا ياويلي متهاوشه مع اختهاا يارب تحفظها لهم ياارب × × طلع من غرفته خلااص تعب من القلق مو قادر ينام شاف امه جالسه جلس جنبهاا بهدوء خايف من بعد ماعرف بالحادث اللي صار لريمان .. سمع صوت الصدمه بس مااهتم ولاتوقع تكون ريمان ضميره اتعبه مايبي شي الا تصحى بالسلامه .. ام حمد : ايش فيك مو قلت بتنام حمد يحك ذقنه : ماجاني نوم الا ايش صار ع بنت جيراننا ام حمد تنهدت : كلمتني ام سعد الله يسعدها طمنتني تقول صحت الحمدلله حمد ناظرها بفرحه : زييين الحمدلله ام حمد : اي والله ولو تسوي خير ياوليدي وتوديني لهاا حمد يبوس راسها بفرحه مبسووط : ابشري ع هالخشم × × بالمستشفى .. كانت تناظرهم بتعب مرهقه مافيها حيل حتى تتكلم .. شله الانس يخففون دمهم وهي مو يمهم فاديه جالسه جنبها وتمسح ع شعرهاا بحنان : خلاص يابنات يكفي كذا روحو البيت وبكره تجون ام سعد : الدكتور قال لاتتعبونها بس هالبنات مايفهمون يله قدامي انت وهي شذى تلبس نقابها وهي تناظر ريماان : حتى سلطان بكى علييك اووه من قدك البندري تدفها قدامهاا : اووش لاتكملين نهى تكمل من ورا البندري وهي تضحك : الا خاالد عديم احساس ههههههههههه ريم تدفهاا وهي تضحك : برا بس برا فاديه تناظر بيان اللي جالسه والارهاق بوجهها : روحي معهم ياقلبي لازم ترتاحين بيان بتعب : اي بروح شوي مع طلال × ام سعد شافت فياض ومعه افنان : حي الله بناخي اللي اخذ بنتاخي وماعاد شفنااه شله الانس ضحكو ع الصامت ع وجهه فياض اللي قمط .. وريم سحبتهم معها عيب يوقفون مع الرجال .. فياض سلم عليهاا وبقلق واضح ع افنان الساكته : وين غرفة اختها ام سعد تأشر عليهاا : هذي هي بسم الله ع بنيتي ايش فيك عيني من الله خير اختك طيبه الحمدلله افنان ماردت عليهاا مشت للغرفه اللي اشرت عليها بسرعه .. فياض : خلها تشوفها بنفسها وتتطمن × فاديه رفعت عيونها للباب اللي انفتح كانت بتهاوش تحسب البنات رجعوو .. افنان وقفت ع الباب تناظر ريمان والشاش مغطي راسهاا ويدها المجبسه والكدمات بخدها اليمين وجبينها .. حطت يدها ع فمها من فوق النقااب .. كانت دايما تقول "الا ريماان" ماتبيها تعرف بسوايا امها ماتبي تشوفها حزينه تعودت ع ضحكتها وروحها المرحه .. ريمان اللي تعطيها طاقه تحارب وتجاهد تصلح وضع امها .. ريمان خذلتهاا والحين تشوفها بهالحال اللي يكسر القلب .. همست وهي تجري وتحضنها وصوت بكاها عاالي : اخخخ ريماااان فاديه همست : بشويش عليهاا ريمان اللي من اول ماشافت افنان ع طول كسرت عينها مالها وجه تناظرهاا .. انا ذليت روحي ياخيتي .. استقبلت حضن افنان ببكا مثلها .. بيان ماتحركت من مكانها وهي تناظرهم ودموعها تنزل بصمت ومسحتهم بسرعه مبسوطه اي كذا ي افنان حسي .. خلي قلبك يحن ويسامح .. ليه الجفا والقساوه فاديه طلعت من الغرفه مخنوقه من بكاهم تحس قلبها تعب من الحزن مخنوقه تبي هواا .. وقفت لما شافت فياض اللي كان واقف ومستند ع الجدار قريب من الغرفه .. رفع راسه يناظرهاا .. ناظرته بألم وتقدمت له : شلونك فياض فياض وهو يناظر حجابها مو مثل ماقاله طلال اللي قاله عن كلام بيان وتغير امها بس وطلال مو مقتنع لانه شايف بنفسه حجابها مايدل الا ع وحده ثابته بطريقها وماتغيرت كان هو واقف حياد ماقدر يأيده ولايوقف ضده لانه ماتقابل مع فاديه من بعد اللي صار وهو يتحاشا يواجهها ... بس اللي يشوفه الحين غير حجاب وافي نفس افنان : بخير والحمدلله ع سلامه بنتك ماتشوف شر ان شاءالله فاديه : الله يسلمك "وقفت بتردد ودها تقوله الحقيقه وتريح افنان وترتاح هي" ا فياض فياض ملاحظ ترددها : سمي فاديه تناظر الممر مو وقته بس : دير بالك ع افنان تراها مو مثل ماتظن فياض يبيها تتكلم بوضوح وهو فاهم بس يبي يتأكد اذا اعترفت معناته تغيرها صحيح : كيف مو مثل مااظن وضحي؟! فاديه والعبره خانقتها : بنيتي بريئه مالها فالدرب اللي تظنه افنان فتحت الباب كان طالعه بتقول لفياض انها بتجلس عند اختها انت روح بس شافت امها اللي واقفه مع فياض بخووف لاااا يكفي يمه يكفيي تحرشينه علي يكفي تكرهينه فيني .. تقدمت بسرعه وبنبره امر لامها وهي تأشر بسبابتها : روحي ريمان تبيك فاديه ع طول راحت بدون اي حرف .. فياض تنرفز وشد يدها بقهر : انتِ شلون تكلمين امك بهالطريقه افنان سحبت يدها منه واعصابها خلاص تعبت : مالك شغل بعلاقتي باامي وخلاص روح انا بجلس مع اختي فياض يشد ع اسنانه : الا لي شغل هالام اللي ماتحترمينها جنتك ونارك غيرك يتمنى امه عايشه ويعطيها لو شوي من حقهاا اممك ياافنان ويلك من الله شلون تكلمينها كذا افنان تعض شفتها انت ماتدري امي شسوت امي دمرتني .. ماقدرت تقول شي فياض لين نبرته لما شاف سكوتها حاس فيك ياافنان وادري بألمك بس مهما كانت هذي امك اممك : روحي استسمحي منها ودوري رضاها عشان ترضا عليك الحياه شلون تبين الخير ينفتح بوجهك وانتِ كذا مع امك افنان بألم روحها موجوعه : فياض خلااص فياض هز راسه : طييب مع السلامه وراح عنها وهو بعد اللي شافه من فاديه وكلامها كانت بتعترف له .. اقتنع بتغيرهاا بيان صادقه .. لازم يقول لطلال .. ويبدا يصلح علاقه افنان بأمهاا مايصير كذا جافيه امها لازم تسامحها وترتاح طلع جواله وهو يتنهد .. بيشوف شصار ع منصور وقف عند المصعد وهه هذا هو طلال يطلع سبحان الله .. ابتسم وهو يسلم عليه : هلا والله توني افكر فيك طلال ضحك : ههههه عسى خير ان شاءالله فياض وبعده ماسك يد طلال بعد ماسلم عليه ماتركها : خيرر شفت شي خيير بس مو وقته بنتكلم بعدين طلال بصوت هادي : اذا تغير اللي خبرك حتى انا لاحظت الحجاب فياض : زيين عاد نتكلم بعدين في شي ثاني غير الحجاب اكد لي هالحين بروح لولد عمي طلال : توني جاي من عندهم ابو خالد تنازل فياض تنهد براحه : هذا والله العشم فاابو خالد يالله استأذنك اناا طلال : الله معك ومشى لداخل .. وهو يطلع جواله من جيبه ويتصل ع بيان .. × بيان ترفع جوالها : هه هذا طلال اكيد وصل فاديه تقفل شنطتها وهي بعد ماشافت افنان كيف تتصدد عنها وتتجاهل وجودها خلاص مو قادره تحمل هالصد : بروح معك بيان وصلوني ع طريقكم بيان تهز راسها عادي وهي تفتح الخط : هلاا طلال : لبى هالصوت شكثر مشتاق له اطلعي انا برا الغرفه بيان ابتسمت : اوك طالعه وامي بنوصلها معناا طلال : حياهاا افنان تتلهى بالنظر لريمان اللي نايمه من التعب .. فاديه : اذا احتجتم شي اتصلي علي افنان بدون ماتناظرها : طيب × وصلو السياره الموقفه بالمواقف .. بيان حلفت ع امها تركب قدام وركبت هي ورا طلال .. طلال حرك السياره : الحمدلله ع سلامة ريماان فاديه : الله يسلمك من كل شر يارب طلال : بشريني عنك كيف صحتك بيان طول الطريق تناظرهم وهي مستغربه اهتمام طلال وسوالفه مع امها براحه .. ايش صااير .. ايش تغيرر × في الليل .. منسدحه جنب ريمان ع السرير وحاضنتهاا .. ريمان قالت لها عن كل شي .. مسكت اعصابها قد ماتقدر وتسمع لهاا مقهوره من اختها الغبيه .. بس هذي هي ندمانه ولا رح تقسى عليهاا خلاص سامحتها وتنسى .. لفت تشوف جوال ريمان اللي جابوه البنات عشان يكلموها ازعاج من اليوم اخر شي ردت عليهم وهزأتهم وهجدوو .. بس اللي شدها الحين رقم غريب يتصل .. مدت يدها اخذت الجوال ولفته ع ريمان : تعرفيه ريمان هزت راسها بلا وهي نعسانه .. افنان راحت تبحث عن الرقم وطلع لها ..ام حمد.. منيره ال : الزفتتت هذا هوو هذا رقم جارتنا منيره ريمان بدون ماتتحرك وتهتم : بلكيه افنان : لا والله ماابلكه وانا بنت ابوي اصبري وبسرعه راحت كتبت رساله نصيه "مين؟" .. وبدقايق جاها الرد برساله نصيه "حمد+تكفين ردي بقولك شي مهم" افنان تهز راسها وصدرها يغلي بقهر هيييين ياولد منيره كتبت "مااقدر اكلمك تعال المستشفى" ريمان تناظر الفراغ بنعاس مو منتبهه ع افنان .. افنان تطق باصبعها ع الجوال تنتظر رده بفارغ الصبر .. حمد "ياليت والله ماعندك احد يعني" افنان " ايه تعال بسرعه قبل تجي اختي بعد ساعه" حمد "جاايك طيااره" افنان ضحكت باانتقاام وهي تهز راسها وتغني : تعااال تعاال تعاال ريمان ناظرتها : ايش افنان قفلت الجوال ورمته جنبهاا : بااخذ لك حقي بيدي هذي والله ياريمان كرامتك ماتروح هدر ريمان بااستغراب : ايش بتسوين افنان نزلت من السرير : حمد ااا اقصد حمدة جايه الحين هناا وبجلدها ريمان بخووف جلست : يجي ؟؟ افنان يامجنونه ايش سويتي افنان : لاتخافين بيصير فلم هناا البسي بس نقابك وتجهزي اضحكي واشفي غليلك قلت له تعال المستشفى ماعندي احد قال اجيك طيااره "سكتت تشوف ريمان تناظرها وكأن عيونها بتطلع" اييه ابيه يجي بجلده والله لااجلده اختي مو لعبه عنده ريمان : كيف تجلدينه خبله انتِ افنان تلبس عبايتها : ايه خبله ومجنونه واصبري دقايق وبتشوفيين قالك بيجي طياره ههههههههههه اخخخ ياربي × يمشي بااسياب المستشفى وهو يناظر الارقام ع الغرف يدور ع رقم 24 مثل ماارسلت له رقم غرفتها مو مصدق للحين انها رضت تقابله واخيرا بدت تفكر بجنون الحب وتركت الطفوليه والخوف .. والاهم هو اشتاق لوجهها الجميل وشعرها الطويل الغرفه 24 : وقف ع الباب ودق الباب دقه وحده وفتح الباب بتردد .. دخل بشويش وقفل الباب وراه .. باب الحمام ع يمينه تعداه ووضحت له ريمان اللي جالسه ع سريرهاا ومتنقبه .. ناظرها بخذلان لييه النقااب نزل راسه بألم لما حس بالضربه القويه ع رقبته ماامداه يستوعب الا جته الضربات متتاليه ع ظهره .. افنان اللي كانت بالحمام وبس دخل طلعت وبيدها عصايه المساحه الحديد .. وبكل عزم وقوه وقهر ع ذل اختهاا .. سددت الضربه ورا الضربه بكل مافيها من قوه .. حمد لف بسرعه وهو يقاوم الام ظهره انصدم وهو يشوف بنت بعباتها ومتنقبه كل هالضربات المؤلمه ومن بنت!! افنان رفعت العصى وضربته ع وجهه وهو لف متألم : بنات الناس موب لعبه عندك يال.. حمد تحرك بسرعه بينحاش حرمه شلون يواجهها ... افنان ضربته ضربه اخيره ع ظهره بقوه وهو ماشي : هيااا روح اشتك قول حرمه ضربتني تفووو عليك حمد طلع وهو متألم ومتفشل بنت تضربه الله ياخذكن يابناات سعد .. × افنان جلست ع الارض بتعب ودقات قلبها سريعه ويديها ترجف تو تستوعب انها خايفه .. رفعت عيونها لريمان اللي فسخت النقاب ووجهها رايح احمر وتضحك وتبكي بنفس الوقت : عجبتك المسرحيه بررد قلبك ريمان مو عارفه شعورها الا انها بين الضحك والبكى والخوف .. هزت راسها بـ ايه وقالت بين دموعها : الله لايحرمني افنان رجولها مو شايلتها مو قادره توقف وتروح لها رجولها بارده وترجف : اللي يدعس لك ع طرف ادووسه ياريماان ادووسه ريمان ضحكت وهي تمسح دموعها بكفهاا : اتخيل فياض يدري افنان شهقت بخووف : يااويلك تقوليين لااحد اللي صار خلاص انسيه وهالتبن لو فيه خير يقول لااحد × نهايه البارت السادس والعشروون...