رواية مابعــد الخــذلان - الفصل 23 - بقلم Cluod24 - مكتملة | روايتك

((البارت الثالث والعشرون)) × فياض يناظرها للحين مو مستوعب وجودهاا .. افنان هناا ببيتي رجعت من نفسهاا يالله ايش هالنعمه وقف بسرعه ووجهه انشرح بسعاده وشووق افنان تركت حمودي ووقفت لماشافته قرب لها ارتبكت ايش بتقوله .. معصب بيطردهاا شهقت لما انسحبت لحضنه تحس جسمها تصلب متفاجأه من حضنه وشاد عليهاا بقوه .. تحس قلبها يدق بقوه وريحه عطره تغمرهاا لفت يديها تشد عليه تبادله الحضن تبيه يحس شكثر تحبه وفكره الفراق عنه هدت حيلهاا بشاير اللي انحرجت اخذت حمودي وراحت غرفتهاا قفلت الباب وراها .. خيرر شهالحضن الحميم قدامي هه اصلا هم مو شايفيني حتى هذول بالله اللي راحو عن بعض زعلانين ومحد يكلم الثاني مصيبه والله صادقه امي افنان خلته خاتم بااصبعهاا .. عمرها ماشافت فياض مع خوله كذا غير عن هالحضن عيونه اللي دايما تلاحق افنان .. ياويلي اخوي طاح ع وجهه ومحد سما عليه افنان وخرت عنه ووجهها محمر خجل وسعاده .. تمسح رقبتهاا تبعد احراجها : امم مسويه عشا وقهوه ايش تبي اول فياض يناظرها بعشق قلبه يدق لهاا وبسس .. لف يده ع خصرها وسحبها معه : ابيك انتِ × × جالس يعيد قراءه رسالتها بقهر "خواتي كشفوني اراسلك وضربوني وامي درت انا انحشت قفلت غرفتي علي انا خايفه حييل تكفى خلاص تحبني وتبيني تدل مجلس ابوي بلوك معليش" طفله غبيه خوافه .. ع طول انكشفت ماتعرف تخبي بلوك بلوك اصلا هو زهق منها صح حلوة بس بعدها تفكيرها طفولي يسولف معها برومانسيه تنحاش يقولها بنلعب ع طول ترد وتتحمس .. الشي الوحيد اللي يشفع لها وجهها الجميل ولا لا جسم انثوي ولاصوت ناعم كلها طفوليه والله لو شبك وحده من خواتها التوم ابرك له واضح له من العبايه فيهن جسم مو مثل ريمان عصلا شاف امه جالسه بالصاله وعندها قهوتها والراديوو .. جلس جنبهاا ام حمد : يالله صباح خير فلوس ماعندي هه افقرتني حمد : مابي فلوس ابي اتزوج ام حمد ناظرته متفاجأه : بتتزوج حمد : اييه وابيك توصفين لي وحده من بنات سعد بناته التوم ام حمد : صغيرات عليك حمد بااصرار : اوصفيهاا ام حمد : حرام ياوليدي مايجوز حمد بنبره اللي تخوف امه دايما : يممممه ام حمد : اا التوم شذى ونهى يشبهن بعض حليوات شعورهن طويله ناعمه حمد : بيضا ولا سمرا ام حمد : هه مابين حمد : والجسم ام حمد تنهدت بضيق : جسمهن زين حمد : شخصياتهن زي بعض ام حمد : نهى اهدى من شذى حمد : نهى هاديه يعني ام حمد : شوي حمد بتحقيق : اهدى من ريمان ام حمد : ايه حمد وقف : ابي نهى وطلع وهو يفكر يبي له وحده هاديه تسمع لكلامه الحلو وتتأثر تحب سوالف الرمانسيه اكثر من اللعب والهبال .. مايهمه جمال وجهها اهم شي ماتكون شينه .. يستمتع فيها وقت الملكه وبعدها يسحب ويوطي راس سلطان هالمغرور ينزله بالتراب يخليه يترجااه ويحب رجوله . × × جالس بالجلسات الخارجيه للكفي .. يناظر حوله مافي الا واحد جالس بعيد ارتاح شوي مع انه مو قادر حتى يخمن ردة فعل فياض .. ناظر ساعته 5 العصر مو كانه تاخر ماامداه يفكر الا شاف فياض واقف يوزع نظراته يدوره .. اشر له وع طول انتبه له وجاه فياض يصافح طلال و ع وجهه ابتسامه هاديه : شلونك طيب بشرني عنك طلال جلس وهو يعدل شماغه : ابد والله طيب انت كيفك وكيف الاهل فياض : بخير الحمدلله فياض كان بداخله متوتر مو عارف ايش الموضوع اللي يبيه فيه طلال .. علاقته فيه سطحيه .. بس الواضح ان الموضوع جدي وخاص .. كان يسولف معه ويتقهوى يبيه يبدا بس الظاهر ماعنده سالفه طلال حس ان فياض يرد ع سوالفه بااختصار حس انه يبي يعرف الموضوع .. اخذ نفس يتشجع : امم انا قلت بكلمك بموضوع فياض ناظره بااهتمام : ايه تفضل طلال يشبك اصابعه ببعض : ماادري والله من وين ابدا بس هو شي عرفته وحسيت ان لازم اقولك مااقدر اسكت فياض بديهيا جت بباله ام ريان لان هي الرابط بينهم : خذ راحتك اسمعك طلال يناظر ملامح فياض الهاديه : قبل كل شي انا ادري كيف انجبرت تتزوج افنان بس تراك ظالمها وانا بوضح لك الحقيقه اللي صعبه عليها صعبه تقولها فياض بهدوء يهز راسه بمعنى كمل .. طلال يترقب اي ردة فعل : ذيك الليله بالمطعم ماكانت افنان اللي بتقابل ذاك الـ.. كانت امها هي خويته وافنان كشفتهم فياض قاطعه لانه مو متحمل شي واحد .. افنان .. من لسانه نرفزته يقول اسمها عادي وكأنه يمون : ادري طلال ناظره متفاجأ : ا تدري !! افنان قالت لك ؟ فياض خلاص وطفح الكيل عنده من السالفه اللي يتكلم فيها ومن ترديده لأسمها بكل عفويه .. صدره يشتعل غيره وقهر وكره لأم رياان .. شد طلال اللي بينه وبينه الطاوله من ياقه ثوبه وقربه له وهو يصر اسنانه : جرب تقول اسمها مره ثانيه اخليك تعض الارض طلال اللي متقدم ع الطاوله بسبب مسكة فياض له .. كان مصدوم من ردة فعله مصدوم صدق !! السالفه كلهااااااا طنشها ووقف ع قولته لااسمها ..!!!! حس انه يبي يضحك من الصدمه مو معقول هالفياض فياض ترك طلال ورجع ظهره ع كرسيه وملامحه جامده بدون ماينطق بحرف .. طلال يرتب ثوبه ويتبسم ماسك ضحكته لما استوعب غيرته المجنونه عليها كله اسم ياخ وبااستفزاز : ترا افنان اخت زوجتي بيـــان فياض اللي ندمان ع انفعاله شلون ماقدر يمسك نفسه عيب اللي سواه للرجال .. كتف يدينه لصدره واخذ نفس : معليش والحين ايش تبي باقي شي بتقوله طلال : لا انت اللي قول شلون عرفت ان "وتبسم" حرمك المصون ساتره ع امها انا اللي فهمته من حرمي المصون ان حرمك المصون ماتبيك تدري وعندها انك تشوفها كذا ولا تدري عن امها فياض ناظره وهو متنرفز فاهم طقطقته عليه بس حاول يكون هادي : حرمك المصون هي قالت لك عن امها واختها طلال يشرب شوي من قهوته ويرفع راسه : لا انا صدت محادثاتها مع حرمك المصون وفهمت كل شي وطبعا نفس تفكير حرمك المصون عندها الموت اهون من اعرف بفعايل امها زعلت وراحت بيت اهلها ورجعتها لي طرررق فياض : وكيف الحين طلال ببرود : ابد انا ماتهمني امها علي من زوجتي وبس ووعدتها اني مااقولك وهالحين اخلفت الوعد مارضيت تعيش مخدوع وحرمك المصون مسيكينه ماتستاهل بس انت شلون عرفت فياض واخيرا لقى شخص يشاركه همه ويساعده ولو انه استفزازي بس هو صبور ويتحمله ... × × نزل من سيارته وهو يدندن وبيده صندوق الكيكه .. دخل العماره .. طلع الدرج وعند اول درجتين وقف متنح في البنت اللي كانت نازله وتعثرت بعبايتها وطاحت .. ماامداه يستوعب ويوخر عن طريقها الا هي وصلته طاحت الكيكه منه ورجع نازل عن الدرجتين اللي طلعهم .. مانعه جلست وراسها يدور لما حست الارض استوت مسكت راسها بيدينها دواار مو شايفه شي وجسمها كله يعورها سلطان يناظر كيكته اللي جايبها لاافنان .. ع الدرج وطار جزء منها موصخ ثوبه .. ولف ع البنت اللي جلست والكيكه عدمت عباتها الملتفه عليها بشكل مضحك ماطالع الا رجولها وتحمد ربها انها لابسه بنطلون ولا طلعت العده ههههههه كتم ضحكته : انتِ بخير تبين مساعده مانعه دوار راسها مو مستوعبه شي تحس انها بتستفرغ .. سلطان طلع بسرعه لشقه افنان دق الباب بسرعه .. بشاير اللي كانت جالسه بالصاله ومقهوره من افنان اللي ساحبه عليها مغروره ماتعطيها وجهه من بعد ماطلع فياض دخلت غرفتها ولا طلعت .. هه مالت راحت تشوف الباب .. وهي تمشي مابعد وصلت للباب : مييين سلطان من الارتباك ماميز الصوت : انا سلطان بشاير بسرعه لصقت في الباب تشوف من العين السحريه ي لبييه المزيون .. سوت مالت ع وجهها ولو فتحت الباب ودخل بالغلط وشافها مرره يعني لازم تسال مين .. رجعت ورا لما دق الباب ثاني .. دخلت بسرعه وراحت لغرفه افنان وبقهر ان هذا اخوها فتحت الباب بدون ماتدق .. افنان اللي كانت منسدحه ع سريرها وبيدها جوالها تبي تتصل ع امها ولا بيان تشوف ايش سوو بريمان لانها من بعد ماضربتها امها .. اخذت اغراضها وخلت محمود يوديها بيتهاا .. مماتبي تتصل ماتبي تتدخل حريقه تحرقهم .. رفعت عيونها للباب بقهر : انتِ كيف تفتحين الباب كذا ايش قله الادب هذي بشاير : اقول بس روحي للباب اخوك يدق افنان نزلت من السرير وهي تسمع صوت الباب ناظرتها بااحتقار ومشت عنهاا .. بشاير طنشتها وجلست بالصاله تتسمع سلطان بس انفتح الباب وشاف افنان ع طوول : البسي عباتك بسرعه شوفي بنت هنا طاحت ع الدرج افنان تنحت تناظر ثوبه اللي حايسته الشوكولاته : اييش !! سلطان يدفها لداخل : البسي عباتك وتعالي بسررعه وراح يشوف البنت ايش صار عليهاا .. مانعه تمسد ظهرها وتتمسك بالجدار تضغط ع نفسها تقوم وهي تبكي وتتحلطم بصوت عالي مو شايفه سلطان اللي يطل عليهاا من فوق وهو يضحك ع الصامت من شكلها كأنها عجوز وحلطمتها تضحك : اااي الله ياخذ الطفاقه تساهليين اي اييي رجيلاتي افنان طلعت وناظرت سلطان اللي وجهه محمر واشر لها ع تحت .. شافت اسفل الدرج مانعه ع طول عرفتها نزلت لها بسرعه : بسم الله عليك مانعه سلاامتك مانعه صاحت زي الاطفال لما سمعت صوت افنان : افناااااان متكسرره متكسرره اي ايي افنان بخوف : لاتتحركين اخاف فيك كسر ولا شي خل نوديك المستشفى مانعه وسكتت عن البكا وبخبال : مافيني الا العافيه بس كلوه تئيباان راس تئيباان افنان ضحكت وضربتها ع راسها ومسكت يدها تسندها : خبله وربي امشي بس سلطان اللي ماتحمل يكتم ضحكه ع طول دخل شقه افنان ودخل المجلس اللس قباله وصار يضحك يضحك من قلب وبصوت عالي .. بشاير شهقت لما سمعت صوت الضحك بالمجلس .. يمه الغبيه افنان وين راحت .. اخذت حمودي اللي كان بيروح المجلس يحسبه ابووه وراحت غرفتها وهي تفكر بفضول ايش صاير افنان دخلت مانعه شقتها اقرب تبيها ترتاح بعدين تروح شقتها .. شافت سلطان بالمجلس .. مانعه ع طول لما شافته صرخت وهيي تتذكر انها طاحت قدامه وغطت وجهها من فوق النقاب بفشيله سلطان ع طول طلع وهو يسمع افنان تقوله معليش .. افنان قفلت الباب بعد سلطان ولفت ع مانعه اللي جلست بالمجلس وهي تضرب خدودها وتبكي .. ضحكت : ايش فيك يابنت اشك ان الطيحه اثرت ع عقلك مانعه : كنت نازله وشفته وكنت برجع شقتي انزل بعد مايروح ومن الطفاقه تعثرت بعباتي وطحت بشاير اللي كانت تترقب الاصوات طلعت بسرعه لما سمعت صوت بكا .. وقف تتسمع بشويش وطلت تتطمن ان مافي رجال .. وتقدمت مستنده ع الباب تشوف البنت مو عارفتهاا افنان اللي معطيه بشاير ظهرها ماشافتها وتضحك : والله شكله مات ضحك عليك وجهه احمر مانعه شافت بشاير ناظرتها بااحراج بشاير مو فاهمه : ايش صاير افنان لفت عليها وكشرت وبدون نفس : مانعه جارتي بشاير تقدمت سلمت ع مانعه مانعه اللي جالسه بااحراج : معليييش توي طايحه ع الدرج بشاير وبدت تفهم : اهاا سلامتك × × شافت امها جالسه بالصاله .. مشت بشويش متردده قربت منها وجلست ع الكنبه يمينها : يمه فاديه تجاهلتها وهي تناظر برنامج باتلفزيون مو مركزه معه اصلا كانت تفكر .. ريمان حطت جوالها ع الطاوله قبال امهاا والدموع تلمع بعيونها : يمه انا اسفه والله ماابي الجوال ولا اابي شي الا رضاك انتِ وخواتي علي انتم اهلي ماابي اخسركم فاديه لفت عليها تناظرها بصمت ريمان وبصدق : خذي جوالي مابيه والله انا ماكلمته هو كان يرسلي وانا ماارد وكم مره بس اللي رديت عليه يمه تكفين تكلمي صدقيني والله ماابيه انا ندمانه اصلا انا مااحب هالطريق مابي اخسركم فاديه ناظرت الجوال ع الطاوله .. مو قادرة تثق يمكن عندها جوال ثاني او اتفاق بينهم وتخدعهم انها ندمت .. حست الدموع تتجمع بعيونها ماتلوم بناتها اذا هي نفسها مو قادره تصدق ريمان وتثق فيهاا .. شلون كذا ربي يجازيها ويحطها بموقف بناتهاا موقف صعب .. اصغر بناتها والاقرب لقلبهاا تمشي بطريق هي اخبر فيه .. ريمان بكت : يممه تكفين ردي علي فاديه اخذت نفس ومسحت طرف عينها بسابتها : احمم خذي جوالك لو ابي اخذه اخذته من اول ماعرفت ريمان تتقدم وتجلس قبال امها وتمسك يدها : والله بلكته وقلت له لو يحبني صدق يدل مجلس ابوي يخطبني والله مااكلمه والله فاديه : من هو طيب !؟ ريمان سكتت بتردد بعدين : ماتقولين للبنات اخاف يفضحوني افنان مجنونه مو بعيده تروح بيتهم فاديه : يعني نعرفه "تنهدت" ريمان قولي كل كل شي اذا تبين اصدقك واوقف معك ريمان ارتاحت لتفاهم امهاا كذا بتقولها كل شي براحه بدون ماتخاف ... × × دخل البيت وهو مروق اييه كذا ارتاح .. كان شايل هم فياض ..واثاريهم يلعبون ع بعض .. والله ماانت هين يافياض بس ماشاءالله ع صبره انا لو مكانه ماتحملت .. خاصة ان واضح حبه المجنونه لها .. واضح بعيونه وهو يتكلم عن وضعهم .. ماقال احبها بس عيونه فاضحته فاضحه العشق اللي مخليه متمسك فيها ويصبر يبيها تبادله يبي يضمن انها ماتتركه .. فهم ع فياض سمع صوت بيان تغني بالمطبخ .. اتجه للمطبخ وهو مبتسم حرمي المصوون هههههههه وقف ع الباب يتأملها تقطع طماطم وتتمايل وتغني بدلع "حبيبي ولا ع باالووه شووقي الييه.." ابتسم يحس براحه ربي عوضك يابيان انتِ واختك باازواج يموتون عليكم طلال حط يده ع فمه : كح كح المطبخ امتلا غبااار بيان لفت عليه وهي تضحك : لا ياشييخ طلال تقدم لها واخذها بحضنه : بياان احبك بيان ابتسم : وانا احبك بعد ايش فييك طلال يمسح ع خدها باابهامه بنعومه وهو يتأمل عيونها اللي تناظره بخجل : احب عيونك نظراتك بيون اموت عليها بيان لفت عيونها عنه بخجل .. طلال باس جبينهاا : من اول ماشفتك بالشوفه اغرمت بهالعيون ونظرتهم بيان تحاول تبعد عنه بااحراج ايش فيه اليوم : اممم طلال بسوي العشا طلال مثبتها ومطنش كلامها : ابوي قال بزوجك من بنات سعد وافقت عادي كنت بتزوج وجت من ابوي يزوجني محمول مكفول زواج تقليدي عادي ماتوقعت بحبك هالكثر بيوون بيان همست بحب : ولا اناا طلال لمها له اكثر : يابعد كل من لي والله . × × خلصت المواعين ومسحت يدها وهي تحس شي برجولها شي يمشي عليها .. نطت بمكانها وهي تصااارخ .. شافته صرصور راح يجري بعيد ... طلعت من المطبخ جرري وهي تصارخ بخووف وضربت بفياض اللي نط من مكانه جري لما سمع صراخهاا فياض مسك ذراعها يثبتها لاتطيح وهو يناظرها بخوف : ايش فيك افنان تنط بمكانها وهو ماسكها وتأشر ع وين راح الصرصور : صرصوور يمااا فياض اقتله اقتله فياض بردت اعصابه اللي شدت من الخوف عليهاا اخذ نفس : افنان بتجيبين اجلي شكلك افنان بخووف : بسم الله عليك حمودي يشد ثوب فياض ويبكي : بابا بابا فياض اللي للحين شاد ذراع افنان : هاا يابابا حمودي : شاير ماتعطيني ملم بابا افنان بخوف : اماانه اقتله والله بيجيب وحدات ثانيات ووالله ماادخل المطبخ وهو هنا ياانا ياهوو بهالمطبخ حمودي : بااابااا ابا ملم فياض مسك حمودي من ورا رقبته وشد ذراع افنان وسحبهم لبرا المطبخ : برا اشووف براا افنان ضحكت : اماانه فياض اقتله الله يخليك حمودي جلس ع الارض يبكي .. فياض بصوت عالي : بشاااير عطيه قلم ياابنت بشاير في غرفتها وكالعاده فاتحه الباب عشان مايفوتها شي اذا قفلته : ولدك خلص اقلامي اشتر له انت افنان جلست عند حمودي ومسحت ع شعره : خلاص ياروحي انا اعطيك قلم حمودي : ابا ملم افنان ضحكت وهي تناظر فياض اللي واقف ويناظرهم بزهق : ههههه اصير لك ملم وانت يله ادخل المطبخ ايش فيك واقف شالت حمودي معها بعد مافياض دخل المطبخ بدون مايقول شي .. بشاير لما شافتها تمر : شدعووه خايفه من صرصار هه افنان تقدمت بسرعه ومسكت باب غرفه بشاير : عشان مانزعجك وانتِ تدرسين مااااشاءالله وقفلت الباب وهي تبتسم وراحت لغرفتهاا تحس موقف مانعه اليوم روقها .. جلست حمودي ع السرير وفتحت شنطتها حقه الجامعه وطلعت قلم رصاص : خذ ياروحي حمودي اخذ القلم بففرحه : ولقه ولقه افنان ضحكت وقطعت له ورقه وعطته .. ولفت لفياض اللي وقف ع الباب : هااا فياض يصفق يدينه ببعض : مات الله يرحمه افنان ابتسمت : زيين ع القوه فياض جلس جنب حمودي اللي يخربش فالورقه : كله صرصار انتِ كيف عايشه بهالخوف افنان تتفلسف وتعدل نظارتها : هذا مو خوف حبيبي بالعكس انا قويه بس مااحب الحيوانات باانواعها مافي ولا حيوان احبه وهذا مو معناته خوف شوفني بالاشياء الثانيه قلبي قوي اقددم بدون اي خوف فياض يتأملهاا وبهدوء : مثل ؟! افنان تمسح ع شعرها : اممم مثل المرتفعات والسرعه اييه السرعه مره سلطان كان معصب ويمشي بسرعه وجنون البنات صياح وبكا من الخوف الا انا كنت مستانسه فياض ابتسم ذكرته عفويتها بدفترهاا : تحبين السيكل ؟ افنان ناظرته بااحراج : اييه واموت عليه بعد فياض لقى نفسه غصب يردد ليتني سيكل : ذكريني اذا رحنا الديره اخذك للمزرعه في واحد هناك افنان حطت يدها ع خدودها بوناسه : اللــه فياض ناظر حمودي اللي منسجم بالرسم ولاهو مدقق معهم : متى رجعتي الشقه ؟ افنان تنحت تستوعب سؤاله اللي ارتاحت من امس انه ماسألها ليش رجعت او من هذا القبيل تعامل معها عادي وولا كأنهم تهاوشوو .. اووف الحين ايش تقوله .. فياض يناظرها بترقب وهو بخاطره يسألها ليش رجعت بس خايف تفهمه غلط وتقوله وديني بيت اهلي .. افنان انشغلت يديها بشنطتها تطلع كتابها وبلا مبالاه مصطنعه تكذب ماتبي تقول الجمعه بالليل : السبت الصباح فياض بتردد : ليه افنان ناظرته بقهر : مو عشانك طبعا بس ماحبيت ننفصل واحنا تونا متزوجين ماابي يجيني كلام فياض بهدوء : وانتِ كنت حاطه ببالك روحتك لااهلك يعني خلاص بننفصل افنان ناظرته وبتردد : ايه فياض بنفس هدوءه وجلسته ثابته : كنت تبين الانفصال يعني ؟ افنان سكتت شي وهي تعصر كتابها بيدهاا وبصوت واطي خايف : انت تبي ؟ فياض : انا بسوي اللي تبيه مارح اجبرك ع شي افنان تبي تنط برقبته تحس انها تكره تعامله اللين معها تبيه يكفخها ويجبرها تجلس معه وهي يعنني تكابر وتقول ماتبيه وتجلس مغصوبه .. : لا .. امم يعني مو الحين فياض وقف والضيق تزايد بصدره وبجفا يتمرد ع قلبه ويسكته : لاتطولين لاني طفشت افنان تعض شفتها تمنع دموعهاا المتحجره بعيونهاا .. جلست ع الارض وخانتها دمعه نزلت بسرعه ياربي شلون اكسبه شلون اخليه يحبني .. ليش حظي مو ناوي يضحك لي حمودي جلس قبالها وهو يسمك يدها ويناظرها بحزن من دموعهاا وشوي بيصيح .. افنان ع طول اخذته بحضنها ومسحت دموعهاا حتى تعاملي الكويس مع ولده مااثر فيه ولده حبني وتعلق فيني وهو لااا .. × نهايه البارت الثالث والعشروون...