رواية مابعــد الخــذلان - الفصل 22 - بقلم Cluod24 - مكتملة | روايتك

((البارت الثاني والعشرون)) صباح الخييير ي جمالكم وياجماااال ردودكم شكرا من القلب × النور .. طلع من المسجد بعد صلاة الجمعه .. ضايقه فيه الوسيعه ليه سمح لها تروح كيف يرجعها بااي حجه .. ورساله طلال اقلقته ايش الموضوع اتفق معه انه يقابله الاحد وهذا غير عن اتصال فاديه هه ولها وجه تتصل مارد عليها مو طايق يسمع صوتها يكرهها ناظر الرجال متجمعين حول سيارات الخضره اللي توقف عند المسجد .. بالعاده يشتري منهم بس اليوم ماله خلق شي .. بالعافيه بيجبر ع نفسه ويروح لبيت عمه الكبير كعادته يوم الجمعه الغدا عنده قابل عمته عطشه عند الباب وكأنه ناقص سلم عليها وسأل عن احوالهاا .. عطشه : وينها حرمتك ماتجيبها لايكون بنت المدينه متكبره عليناا والله ان جو النور يسوا فياض : لا متكبره ولا شي بس اهلها لها زمان عنهم وبتجي معي مره ثانيه "سكت يفكر بكلامه ليش يعشم نفسه وهي ماتبيه" عطشه تلوي فمها كعادتها : هه زين اييه صح دريت خوله بنت عمك حاااامل فياض وعادي خوله ماتعني له اي شي : ماشاءالله عطشه تقرب راسها منه : وانت حرمتك مافيها شي منا ولا منا قولي مانيب معلمه احد فياض تحرك بيروح عنها خلاص ياعمه اللي فيني مكفيني : مافي شي × × بغرفتهاا جالسه ع جوالهاا .. كتبت "والله صار عندي ظروف ماقدرت ارسلك خلاص عاد لاتزعل" حمد مبسوط بااهتمامها بزعله بس يثقل "اييه انتِ كذا اصلا انا حاطتني ع الرف وقت ماتطفشين تردين علي" ريمان بسرعه كتبت وهي تشوفه يكتب "لا والله" حمد "وانا طول الليل انتظر متى تجين وانتِ غرقانه بنومك" ريمان "لا حمد والله صدقني اخواتي عندي وانا اخاف اصلا انا الحين اكلمك وانا خايفه يحسون علي" حمد "شعليك من خواتك انتِ كبيره مو بزر تعرفين مصلحتك" ريمان رفعت عيونها للباب اللي انفتح تركت جوالها باارتباك لما شافت بيان رجعت اخذت جوالها وطلعت من المحادثه بسرعه وبعصبيه تخفي خوفها : افتحي الباب بشويش مو كذا خرشتيني ايش هذا بيان وقفت بمكانها تناظرهاا بهدوء : خرشتك ليه ايش تسوين ريمان تمسح شعرها بتوتر واضح : مااسوي شي بس اسولف مع البنات وداخله جو وكذا بيان تجاهلت متعمده : زيين روحي لاامي تبيك تناديك من اليوم ماتردين ريمان : ماسمعت بيان طلعت من غرفتها وهي تفكر ريمان ابد مو طبيعيه في شي ماتبي تسمح لشكها يزيد لازم تقطع الشك باليقين وتشوف جوال ريمان بنفسهاا اكيد طايحه ع شله بنات بالجامعه ماتبينا نعرفهم اكيد بنات اكيييد .. دخلت غرفة افنان شافتها جالسه وحاضنه مخدتهاا نفس ماتركتها قبل شوي .. : خلااص فنو مايستاهل منك دمعه افنان لفت عليها بقهر : لا مو خلاص ويستاهل فياض يستاهل ابكي فراقه طول عمري ليت لساني انقص ولا قلت وديني بيت اهلي بيان جلست تناظر افنان بااستغراب : غبيه انتِ مو تقولين ماصدق قلتي كذا ع طول قالك البسي عباتك افنان : اييه غبيه لاني عطيته فرصه يتخلص مني بيان ضحكت : هههههههه شر البليه مايضحك افنان حبيبتي انتِ حبيتي الرجال وطحتي ع وجهك ماعاد تشوفين حولك خلاص افهمي الرجال احساسه ميت لايعرف يحب ولايكره ولا بالله بالعقل يعاملك بكل احترام وود وهو ماخذ عنك فكره غلط حبيبتي اغسلي يدك منه بيتعبك وانتِ تجرين وراه افنان الدموع تجمعت بعيونها : خلاص انا ماابيه يحبني بس ابي اكون معه ابي ارجع له بس كيف بيوون كيف ارجع اتصل عليه اعتذر ولا شلوون بيان ناظرت افنان بشفقه : افنان تغيرتي وين كبريائك وين اللي زعلت مني لما جلست عند طلال افنان تنهدت ونزلت دمعه سريعه : العمر مره ي بيان وفياض "غمضت عيونها بألم ونزلت دموعها" غير صدق غير طيبته هدوءه ثقله كل شي فيه يجذبني هوو انا غلطت لما حبيت زوجي بيان : لا ياروحي ماغلطتي المشاعر مو بيدناا افنان اخذت نفس وهي تمسح دموعها وبهدوء : كارهه الظروف اللي جمعتني به الظروف اللي اجبرتني اخذ حبوب منع حمل ماابي احمل مع اني ميته ع طفل منه "ولما شافت الصدمه بوجه بيان" ايه اخذتهم لما قالي عن مكالمه امي قالي مانساهاا مااقدر اتحمل اشوف صده لو حملت بيكره ولدي بيخاف منه يكون عاق مثلي بيان تهز راسها بهدوء : بس غلط فنوو هو ماقالك مايبي عيال انتِ تاخذينها من وراه افنان تهز كتوفها بيأس : ع اساس بيزعل علي يعني لو درا بالعكس بيفرح ريحته اكيد هو بخاطره يطلب مني اخذهم بس لانه ااه طيب مايقدر يجرح احد مو قادر يقولي بيان مدت يدها ومسحت دموع افنان وهي تحس الكلام مابيفيد شي بس يوجعها اكثر : خلاص حبيبتي قومي غسلي وجهك وصحصحي وتعالي ننزل نتقهوى ونروق افنان : مالي خلق بيان : عشاني تكفيين تعالي بروح الليله يجيني طلال × × وقفت برفض : لاااا ماابيه مزنه : ليه ماتبينه منصور ولد عمك كفوو منى : اصبري لاتعطين رد الحين خذي وقتك عهود تأيد منى : ايه وصلي استخاره بشاير تهز راسها : لا لا ماابي منصور يع مايناسبني فياض اللي جالس بهدوء بعد ماقالهم ماكان بيتدخل بس كلمه "يع" استفزته وطلعته من طوره .. وبصوت عالي غاضب فاجاهم : اييش اللي يع هاااه رجال كفو طول بعرض تقولين عنه يع ليييه يع هااه عشانه جا يخطبك ويبيك تقولين يع بشاير خافت من صراخه النادر : انا مااقصـ فياض قاطعها بصراخ معصب وعيونه حمرا وعرق بجبينه ينبض : ماتبينه قولي ماابيه وخلاص حياته ماتوقف عليك الف بنت تتمناه وسعيده الحظ اللي تكون من نصيبه هالله العظيم بنات اخر زمن قالت يع قالت البنات وامهم يناظرونه بصدمه وهو يمشي طالع من البيت ويقفل الباب وراه بقوه .. مزنه ضربت بشاير بعصاهاا بقهر : والله لو ان الحق مو معه ماسكتت له عاجبك كذا ينربط لساني بسببك بشاير تحك مكان ضربتهاا : ااي يمه عهود : منصور رفيقه ياغبيه شلون تقولين كذا قدامه "تقلدها" يع مايناسبني بشاير : وانا صادقه منى : ي حبيبي ي اخوي يعصب عشان منصور وهو اللي فشله وضربه وطرده بالعزا قدام الناس ياعمري عليه بشاير : هه هو اصلا من اول معصب من افنان ويحط حرته فيناا مزنه بفضول : وشهوو شمسويه بنتاخ تووق بشاير بقهر : صوته ولا طلع عندهاا هه بس هنا ينافخ علي والله طاح من عيني وهي اللي تصارخ عليه منى : تكلمي قولي السالفه كلهااا عهود اللي من اول ماجا فياض مو عاجبها حست ان فيه شي مضايقه .. بشاير : مااعرف السالفه بالضبط بس شوي كذا سمعت اصواتهم بالغرفه يتهاوشو وكان صوت افنان تصارخ عليه وهو صوته هادي شفتوو ساحرته صوته مايطلع الا عليناا مزنه بقهر : ولد منيرره منى : حرام والله فياض يحترمنا نادرا مايصارخ علينا وانتِ استفزيتيه قبل شوي عيب اللي قلتيه عهود تضرب بشاير ع راسها بقهر مفروض هالسالفه ماتقولها عند امها اللي دوبها ع فياض : ياغبيه عادي بين الزوجين يمكن هو اللي زعلهاا وقهرها عشان كذا طالع صوتها هي بشاير تهز رقبتها : لا ياعيوني فياض يداريها مداراه يادهينه لاتنكتين مزنه : بنتاخ توق ايش تبين منها لسانهن شطوله ويخلن الرجال خاتم بيدينهن عهود بقهر : هذا شي بينهم مالنا دخل وانتِ يازفته جالسه عند الناس استري ع اللي تشوفينه بشاير تتخصر : ياسسسلم اللي يسمعك يقول فاضحتهم بالحاره ماقلت الا لامي وخواتي اي والله مزنه تمسك يد عهود وتقومهاا : قومي انتِ قومي سوي لنا قهوه وانتِ علمينا شصار بعدها عهود : بسوي بسوي وانتِ يمه شجعيها ع خراب البيوت حسبنا الله ع ابليس منى ضحكت ع عصبية عهود شدخل ابليس .. × × بدور : وانا لازم تروح معي بيت اهلي ليه الا ام خالد سعد : ام خالد ابوها عمي الوحيد وساكن بعيد واجب علي ازوره انت ِ اهلك هنا كل شوي وهم بمجلسي فاديه ناظرت بدور هفف هالحرمه عقلها بزر متى تعقل .. ابو خالد توه جاي من ينبع وهي تبدا تفاهاتها : طمني عنك كيفك بعد الطريق لك زمان عن المشاوير البعيده سعد يمسح ع رجوله : اي والله تعبت وانا مااسوق الله يسلمه سلطان ويحفظه ام سعد تضحك : والله اني احسن منك مشوار ساعتين ونيس ماحسيت فيه سعد يلف ع امه بضحكه : متسدحه ورا ومتوسعه مو مثلي رجيلاتي محكوره مريم وقفت ع الباب : يله حياكم ع العشاا بدور وقفت : يعطيك العافيه ام خالد انا مسويه دايت بروح البيت اشوف البنات ع الله خلصو دروسهم مريم : الله يعافيك "ولفت ع سعد" البنات ودو عشا بالمجلس للعيال تبي تتعشا معنا ولا تروح لهم سعد : لا بتعشى معكم اقابل اميمتي × × في مطبخ بيت فاديه.. افنان جالسه وسانده وجهها ع يدها وتناظر بيان وريمان يتحركون في المطبخ .. مو مركزه في شي .. جالسه عندهم بس كذا عشانهم بيان جلست جنب افنان وصارت تصب الحليب بالاكواب : ريمانووه انتبهي الخبز لاينحرق عادتك ماتخليهاا ريمان بعد ماخلصت تسخين الخبز جلست ووزعته : لا مضبووط هههههه بيان تناظر افنان الساكته : يلا فنوو فكيها عااد ريمان : افنان خلقه نكديه ينكدون عليها زياده لييه بالله شقايل لك الجرح افنان لفت عليها بقهر : جرح بعينك ريمان تضحك وتصفق : ههههههههه والله هههههههههه ااه بطني والله وصرنا نغار بيان تضحك : اييه زوجها احترموها مو كل شوي جرح وجرح افنان طنشتهم وصارت تقطع في الخبز وتاكل بدون نفس بس كذا تشغل نفسهاا بيان ناظرت جوال ريمان ينور برساله وهي مو منتبهه .. رجع شكهاا ليش صامت .. ريمان برجا : بالله بالله فنوو قولي ليه مزعلك شصاير بيان : ريمان خلاص خليهاا وبالله روحي جيبي جوالي لايكون طلال متصل ويزعل بعد ريمان وقفت وبمزح : هه الله يعيني وحده حامل وتتدلع عليها والثانيه زعلانه من زوجها وتنفس عليناا بيان ماردت وهي تترقب ريمان لين طلعت .. ع طول سحبت جوالها شافت اشعارات من "مشاعل" : تعرفين رمزها افنان ناظرتها بااستغراب : اتذكر انه سنه ميلادها ليه بيان بسرعه حطت الرقم وفتح .. دخلت الواتس ومحادثه مشاعل .. افنان لما شافت وجه بيان تغير ع طول قربت منها تشوف .. الاسم مشاعل والكلام كلام "ولد" ريمان دخلت وبيدها جوال بيان : هههههههه مو متصل شكله سحب عليك سكتت ووقفت مكانها وهي تشوف جوالها بيد بيان ونظرات البنات لهاا .. افنان ع طول تقدمت لها ومسكتها من شعرها وهي تصارخ : مييين هذا اللي تكلمييينه هاااه بيان تناظر الجوال تحاول تستوعب حتى ريمان !! ريمااان!! ريمان فهمت انهم شافو محادثاتها مع حمد .. مسكت يد افنان تحاول تخفف من الم شعرهاا وبخوف : مدري مااعرف ماسويت شي افنان تسحبها من شعرها وترفع راسها وتسطرها كف بيدها الثانيه والدموع بعيونها وتصارخ : غبيييه حيواانه لييييش انطقي مين هووو ومن متى تكلمينه "وتدفها ع الارض ويديها ترجف بعصبيه" تكلمي لاادفنك هنااا ريمان جلست ع الارض تصيح : والله ماكلمته بيان تقدمت منها والقهر بعيونها ولفت الجوال عليهاا : وهذا ايــــش هاااه ايييش افنان جلست ع اقرب كرسي رجولها مو شايلتها من الصدمه وكلها ترجف بعصبيه.. ريماااان!!! ريمان تبكي بخوف : هو اللي يرسل انا مارديت عليه الا كم مره بس والله العظيم ماكلمته افنان صرخت : مييين هوو بيان اللي متحكمه بااعصابهاا : وكيف وصل لك من وين عرفتيه افنان تنرفزت من سكوتها تحركت بسرعه لها وشدتها مع ذراعها وتهزهاا : انطقي بسرعه ريمان متألمه : والله بتكلم بس وخري لاتضربين ااه افنان صرخت : انطقي بسرررعه فاديه دخلت بخوف : بسم الله شفيكم شصاير صوتكم واصل لبراا ريمان دفت افنان عنها وراحت تجري وتخبت ورا امهاا : يمااااه افنان بنفاذ صبر تصارخ : ريمان بذبحك وربي تكلمي بيان مسكت افنان من كتوفها وجلستهاا : اهدي افنان تكفيين بتتكلم بس اهدي عشان نفهم فاديه تناظر افنان : ايش مسويه ليش تهاوشونهاا ريمان استغلت الموقف وحطت رجلها جرري لبرا المطبخ ودخلت غرفتها وقفلت الباب .. افنان اللي كانت بتجري وراها بس وقفت بوجهها امهاا : والله ماتلمسيهاا ارجعي مكانك افنان تحس صدرها حريقه من العصبيه : وخري عن وجهي يمه وخررري بيان بخيبه وخذلان : يمه ريمان ع علاقه بواحد تراسله هه ومسميته مشاعل "غطت وجهها بكف يدها وصارت تضحك من الصدمه" افنان ناظرت بيان متنرفزه تضحك!! فاديه بصدمه : لاا ريمان !! كيف افنان لفت ع امهاا : هه كيف هالسؤال انتِ المفروض تجاوبين عليه يالام وينك عن بنتك هااه بنتك اللي مشت ع خطااك وصدق المثل اقلب القدره ع فمها تطلع البنت لامهاا بيان شهقت لما امها اعطت افنان كف .. : لاااا افنان حطت يدها خدها متألمه ناظرت امها بكره وبصوت عالي والدموع تلمع بعيونهاا وبجنون: الله ياخذني وافتك منكم ومن هالحيااه اكره هالبيت اكرهه والله لااطلع ولاارجع له لو يدعسني فياض دعس وطلعت من المطبخ بسرعه .. بيان ناظرت امها اللي نزلت دموعهاا .. تدري افنان جرحتها كلامها قوي .. امها تابت وتغيرت ليش افنان ترجع وتذكرها وتقلل من احترامهاا تستاهل الكف .. تقدمت لاامها اللي جلست ع الارض وصارت تبكي .. جلست جنبها وحضنتهاا وتمسح ع راسها وتبوسه : ماعليك منها يمه غبيه مصيرها تحس بغلطها وترجع تدور رضاك خلاص تكفين لاتبكين عورتي قلبي × × صرخ بقهر : لييه كذا بسرعه ترفض احنا قلنا خل تاخذ الوقت اللي تبيه ام منصور : والله ام منى تقول البنت مرره مالها خاطر بالزواج هالوقت منصور اخذ نفس : اوك انتظرهاا تبي بعد ماتخلص دراسه يعني هند لفت ع امهاا : يمه لازم يعرف الباقي بشاير مو بس ماتبي تتزوج هالوقت رافضتك انت شخصيا منصور ناظر هند بدون مايتكلم يستوعب .. ترفضه شخصيا .. ليه ام منصور تناظر ولدها اللي كاسر خاطرهاا : ماعليه ياولدي نصيب بزوجك اللي تسواهاا هند بزعل : اصلا من زمان اقولكم بشاير ماتصلح لمنصور منصور طلع من عندهم بدون مايقول شي .. متضايق .. ترفضه ليه .. في بالها احد ولا مو عاجبهاا .. جرحه رفضهاا وقف عند بيتهم ناظر بيت فياض .. كان متوقع الرفض من فياض اللي صدمه رحب بهم وموافق اخر توقعاته ترفض هي ركب سيارته وحرك بسرعه بيروح المدينه .. مو طايق النور مخنوق × × منسجم مع الفلم اللي يتابعونه . لف عليها بيعلق بس سكت وهو يشوفها سرحانه وماهي منتبهه مع الفلم من اول ماجت من عند اهلها وهي كذا كل شوي تسرح واضح مهمومه ومتضايقه .. مهما حاولت تبين له انها عادي وتتبسم وتضحك .. طلال قرب منها ولف ذراعه ع كتفهاا : ايش فيك فضفضي لي انا زوجك لاتكتمين بقلبك صاير شي ببيت اهلك بيان ابتسمت وسندت راسها ع كتفه : لا ياروحي الحمدلله مافيني شي بس نعست شوي هالفتره صايره بس نعسانه طلال باس راسها بنعومه وهو يفكر .. اكيد السالفه امهاا ماتبي تتكلم له يمكن رجعت للشاب اللي تكلمه وماتبيه يعرف .. بيان تمسح ع بطنهاا : وهالملقوف حركته زايده اتعبني طلال ابتسم وحط يده ع بطنها يتحسس الحركه : ايش نسميه بيان رفعت عيونها تناظره وهي تلف شعرها ورا اذنهاا : مافكرت انت ايش حاب طلال يناظرهاا .. من الهموم اللي بصدرك ماتفكرين ولا في ام اول حمل ماتهتم بااسم ولدها .. : احب اسم صقر بيان : لا مو حلوو اسماء حيوانات ماابي طلال ضحك : عادي كثير مسميينها اسماء الحيوانات ذي ابوي ذيب ههههههههههه بيان ضحكت : هههههههههه اييه بس ولدي ماابي اسمه اسم حيوان طلال قرص خدهاا وبجديه يمزح : خلاص بسميه عقاب وولا كلمه الرجال هو اللي يسمي بيان بزعل : طـلااال × × وقف عند العماره ناظرها كارهها مو متخيل يدخلها ومايلقى افنان تستقبله باابتسامه .. ليش عصب عليها .. ليش خلاها تروح ويحرم نفسه منهاا مو شرط تحبه اهم شي انها عنده زوجته وملكه .. قدام عيونه يشبع منها حتى لو ماتبادله المشاعر يكفي انها تحترمه وبينهم ود شلون يرجعها الحين شلون .. نزل من السياره ونزل شنطه حمودي ودخل العماره ووراه بشاير شايله حمودي .. يطلع الدرج وهو يفكر مافيه يبعد عنها مو ع كيفها بيروح الحين بيتهم وياخذها غصب ماتقدر ترفض تخاف يفضحهاا اييه لازم يمسكها من يدها اللي توجعهاا فتح باب الشقه بمفتاحه ودخل .. وراح سيده للصاله وجلس ع الكنب بتعب من افكاره اللي هدته طول الطريق رفع راسه يستوعب الصوت اللي بالمطبخ .. ريحه البخور .. البيت نظيف الارض مبين توها مشطوفه .. بشاير نزلت حمودي ع الارض وهي تلوي فمهاا لما عرفت ان افنان موجوده هه وهي تقول متهاوشين كيف! حمودي راح يجري لما شاف افنان طلعت من المطبخ : نااااان افنان جلست وفتحت يدينها له وحضنته : يالوووح نااان × نهايه البارت الثاني والعشرون..