رواية مابعــد الخــذلان - الفصل 20 - بقلم Cluod24 - مكتملة | روايتك

((البارت العشرون)) × فاديه طلعت وهي تلبس نظارتها الشمسيه فوق اللثمه وتفكر بطلال لازم تتخلص منه تدري به مجنون ومتهور ماعليه من احد اناني يدمر الكل عشان مصلحته .. لازم تبعده عنهم لازم وفوق واقف ع شباك الغرفه يناظرها .. كشخه عبايتها والكعب واللثمه والنظاره .. مشيتها .. تركب السياره مع سواقهم .. كل شي مفتوح لها تروح وين ماتبي بدون حسيب ولا رقيب بهالشكل وكأنها مراهقه مو أم مفروض تكون قدوه بحشمتها واخلاقها .. بيان وقفت ع الباب تناظره : مانمت ياقلبي طلال قفل الستاره ولف عليها : شعندها امك جايه ع هالظهر بيان حاولت تاخذ سؤاله عادي وتنسى : عادي جايه تشوفني وتتطمن علي طلال بااستهزاء : من متى هه ؟! بيان بهدوء : قلت لك امي تغيرت طلال جلس ع السرير : تغيرت مع افنان ولا بس انتِ تروح لاافنان وتتطمن عليها بيان ناظرته بمعنى خلااص .. وطلعت بسرعه وهي تحبس دموعها هذا اللي ماتبيه هذا هوو .. هي سامحت امها ومتقبله تغيرها وحابته ليش ينغصون عليها ليش افنان كل شوي تذكرها انها ممكن تخذلهم ماينوثق فيهاا دخلت غرفه عمتها العنود .. جلست ع السرير تتأمل زوايا الغرفه اشتاقت لها حيل فاقدتها حييل انتبهت لطلال اللي دخل .. رفعت عيونها عشان ماتدمع طلال : تعالي نتغدا مع بعض بيان وقفت واخذت نفس : احط لك انت انا مابي طلال لف يده ع كتفها ومشاها معه : اكلتي اكل مااكلتي اكلك انتِ بيان ابتسمت وهي تمسح ع رموشها بااصبعها : زين زين * * قفل الباب وبيده اكياس دخلهم للمطبخ .. افنان اللي كانت جالسه بالصاله ع جوالها تركته وراحت وراه .. وقفت ع باب المطبخ : يعطيك العافيه فياض لف يناظرها : يعافيك ربي جبت كل اللي كتبتيه "وابتسم" وننتظر نذوق كبستك افنان ابتسمت بتسليه وتتكي ع الدولاب : تتوقع حلوه ولا فياض : امم والله شكلك مايوحي انك تعرفين تسوين شي افنان : كيف يعني ؟!! فياض يتأملها : يقولون الجميلات لسن جيدات فالطبخ افنان تنحت تحس وجهها حمر اول مره تدري انه يشوفها جميله .. لفت عنه بااحراج اخذت كيس تفتحه باارتباك : بكسر لك هالمقوله صدقني فياض لف يدينه ورا ظهره وهو مستمع باارتباكها وخجلها : يعني اتحمس لشي زين افنان بعد ماتغلبت ع احراجها لفت ناظرت بثقه : اذا ذقت كبستي مارح تحب غيرها فياض : نشوف صبي لي معك عصير وتعالي نجلس بالصاله افنان طلعت كوبين وصبت لهم عصير كوكتيل وحطتهم في الصينيه وطلعت .. شافت حمودي بحضن فياض يلعبه وبشاير جالسه ع يساره .. خير ايش جابها الحين يازينها جالسه بغرفتها قبل شوي اعطت فياض كوبه وجلست ع يمينه وناظرت بشاير وباابتسامه : عاد ماانتِ غريبه تبين صبي لنفسك بشاير : مشكوره حبيبي ماحب الطبيعي فياض ناظر افنان مو عاجبه كلامها من الذوق تعطيها كوبها وتروح تصب لها .. افنان حست فيه يناظرها سوت نفسها مو منتبهه بشاير : فياض يله وعدتني العب معك فياض يضحك : مستعجله ع هزيمتك بشاير بغرور : نشوف مين اللي يهزم الثاني ياحلو فياض : شغلي البلستيشن بس افنان تشرب حمودي من عصيرها وتناظرهم مو فاهمه .. بشاير شغلته : بسجل فيك 5 صفر يالدب فياض يضحك : هههههههه انتِ اخر من يقول للناس دب بشاير تختار لها فريق : اضحك اضحك نشوف من يبكي بعدين افنان فهاللحظه تمنت انها تعرف للعب الكوره وتدق روسهم هي ماتعرف الا لكراش بس الكوره ماتحبها ولاتفهم فيها شي .. تحس داخلها يغلي بقهر ليش بشاير تعرف وتلعب معه ويضحكون وهي جالسه زي الهبلا مو فاهمه شي .. فياض لف عليها : تعرفين ولا نفس لعب هالغشيمه بشاير تضربه بدفاشه ع كتفه ورجعت تلعب : انت الغشيم اوريك افنان سوت انها مشغوله بحمودي : اي اعرف فياض بطقطقه مو مصدق : كل شي تعرفينه ماشاءالله افنان شالت حمودي بتصريفه انها بتغسل يدينه : ماشاءالله علي راحت غسلت يدين حمودي وتركته يروح لهم مثل مايبي وهي دخلت غرفه النوم .. جلست ع السرير بقهر لازم تتعلم بتخلي ريان ولاريمان يعلموها طلعت من الغرفه لما سمعت اصواتهم ايش صار .. وقفت ع الباب تشوف فياض ميت ضحك وبشاير تضربه .. يمسك يديها الثنتين ويلفهم ورا وذراعه الثاني لف ع رقبتها : هااه اعترفي غشيمه ولا بشاير مخنوقه : انت الغشيم فياض يشد عليها : هاااه افنان تجمعت الدموع بعيونها بقهر .. غيره .. عمره فياض ماكان معها بهالعفويه .. ماقد مدت يدها عليه مزح .. بشاير اختنقت من شدته لرقبتها : غشيمه خلااص فك يادفش خنقتني فياض ارخى يديه لما شاف افنان ع باب الغرفه تناظر والدموع بعيونها ولما انتبهت له دخلت وقفلت الباب .. * * "كيف شفتي الجامعه عجبتك ؟ ارتحتي؟ " تناظر رسالته .. الوحيد اللي سألها كانت تنتظر هالسؤال من اخواتها ولاامها بس كل وحده لاهيه في حياتهاا .. كتبت "الحمدلله حلوه" ناظرت كتابتها رجعت ع طول مسحتهاا متردده بعدين شجعت نفسها وكتبت "زينه الحمدلله" وطلعت بسرعه لما شافته ع طول قراهاا قرت ردت من الاشعارات "الله يوفقك حبيبتي شدي حيلك من البدايه" ضحكت وهمست لنفسها : شف من يتكلم فاشل بدراسته وخريج سجون سكتت تتأمل كلامها "خريج سجون" حرام هو تاب حرام تقول عنه كذا .. نصيحته لها من باب انه فقد هالشي ومايبيها تفقده .. بسرعه فتحت الواتس وردت عليه "ان شاءالله" * * طل ع بشاير وحمودي اللي نايم جنبها .. بعد ماقالها تنومه معها لان افنان نامت قبلهم .. قفل الغرفه بشويش وراح لغرفته فتح الباب مظلمه وبارده .. مشى بالظلام لين وصل السرير .. فتح الابجوره اللي بجهته .. جلس ع السرير ناظرها ثابته من بعد ماقفلت الباب لما شافته ماطلعت تغطى باللحاف وقرب منها نايمه ع يمينها وجهها قباله .. شعرها مغطي جبينها .. وخر شعرها بنعومه وباس جبينها الله لو تدرين شكثر احبك .. شكثر انا مفتون فيك .. ابيع العالم كلهم واشريك ي افنان .. ياترى ايش بتسوين لو تدرين اني عارف الحقيقه كامله وماهمني فيها الا انتِ افنان فتحت عيونها بهدوء .. جات عينها بعينه ع طول ماقدرت تقول شي صح نامت من القهر بس صحت من اول مافتح الباب حست فيه فياض بهمس هادي وهو يمسح ع خدها بكفه : مانمتي ؟! افنان تحس انها بتبكي مخنوقه ودفا يده الحنونه تجبرها تضعف .. ماقدرت تقول شي .. كارهه حياتها .. كارهه الظروف اللي جمعتها فيه فياض يناظر عيونها تحمر وفكها يرجف : فيك شي ؟ افنان تهز راسها بلا .. مدت يدها ومسحت ع وجهه تتحسس عيونه .. خشمه .. شفاته .. لحيته تتذكر شله الانس لما يقولون عنه جرح .. اي والله انه جرح خَلقاً وخُلقاً .. فياض مسك يدها المرتجفه وباسها يطمنها : اهدي وقولي لي ايش فيك افنان تناظره والدموع تتجمع بعيونها .. فيني انت ..!! شعور مو عارفه توصفه .. مقهوره .. خايفه .. تبي تحضنه وتخبيه جواتها ماقدرت تمنع نفسها اكثر لمته لصدرها وشدت عليه وهي تشم ريحه عطره اللي تنعشها دوم .. فياض مستغرب تصرفاتها فيها شي في احد مضايقها لايكون امها سوت شي بعد .. رفع راسه بسرعه والقلق بعيونه يناظر وجهها : احد ضايقك يوجعك شي افنان رجعت تلم راسه لصدرها : ابيك تنام هنا وبس خلاص لاتتكلم يرحم والديك . * * اليوم الثاني في مجلس سعد .. محمد : انا ابي العسكريه سلطان : يادلخ معدلك زين خساره فوتت الجامعه دلخ محمد ناظره بقوه وجديته المعتاده : احترم نفسك سعد : خله ع راحته ياسلطان ان شاءالله ينقبل بالعسكريه مثل مايحب كلن ع هواه سلطان ناظر محمد : بعدين قول ليتني سمعت كلامك محمد برجوله : العسكريه للرجال سلطان يصفق بااستهزاء : رجال رجال ماشاء الله عليك هه وطلع من المجلس وهو يسمع محمد يرد عليه "ايه رجال مالي في السناب والتميلح قدام البنات " شد قبضه يده لايرجع له ويعلمه الادب .. ركب سيارته وشغل وحرك .. ماله حق يقوله يتميلح هو يحب التصوير وماكان يفكر اصلا ترتفع مشاهداته مو ذنبه اذا اغلب متابعينه بنات ماضربهم ع يديهم وقالهم تابعوني .. ناظر حمد اللي طلع من بيتهم واشر له يوقف .. تافف ووقف وهو مو طايقه ياكثر ماتهاوش معه زمان انسان مشكلجي والخبث يجري بدمه يكرهه .. سبحان اللي فرق بينه وبين وليد حمد قرب من السياره وناظره ينزل القزاز ابتسم له بااستفزاز : سلام سلطان : وعليكم السلام سم حمد يمسح عوارضه بكفه وابتسامته المستفزه ثابته : ابد بسألك عن خالد ماشفته اليوم بصلاه العصر سلطان وكاره علاقته بخالد الطيب اللي يعطي كل من هب ودب وجه : ماهو موجود عن اذنك مستعجل حمد ناظر سياره سلطان تحرك .. مبتعده .. ايييه ياسلطان لو تدري اني مشبك اختك .. ضحك بحقد .. كذا وده يتهاوش مع سلطان يضربه ويخليه يعض الارض شايف نفسه قاهره . * * وبحديقه بيت طلال بعد المغرب .. فارشه السجاده ومرتبه جلسه جميله .. خداديات .. قهوه .. شوكلت .. عصاير .. شبسات .. لابتوب .. شرشف خفيف طلال ناظر المكان وهو يفصخ شبشبه ويقرب للسجاد ويجلس : الله ايش هالزين بيان ابتسمت : الجو رايق قلت افرش لنا برا وجبت اللابتوب اذا طفشنا من السوالف نشوف فلم طلال يناظرها باامتنان : انا مدري شلون قسيت عليك كل مااتذكر تصرفاتي ذيك الفتره اكرهني بيان ضحكت ومسكت يده شدت عليها : ماعليه حبيبي اهم شي اني فاهمتك وحاسه فيك طلال يمسح ع عيونها بيده : زينها العيون بكيتها كثير بيان ابتسمت براحه وهو قرب يبوس عيونها همست بحب : فداك طلال يسند راسها لصدره : الله يقدرني اسعدك طيبه قلبك تحرجني بيان دفته بمزح : خلااص عاااد مابيننا "واخذت ترمس القهوه" بنتقهوا ونستانس مانبي سوالف كئيبه طلال اخذ الفنجان منها وهو مبتسم : ع هالخشم * * قفلت قدر الضغط وهي طفشت من مراقبات بشاير واااضح تبي تعرف كيف طريقه طبخها .. استغفرالله شر البليه مايضحك حسستني اني حياة الفهد وهي فاطمه الحوسني بالعولمه .. بشاير اللي جالسه ع الكرسي بالمطبخ وبيدها تفاحه تاكلها ومخها حفظ كل الطريقه عجبتها ريحه الكبسه واضح انها تجنن الريحه تفتن انصدمت ماتوقعت طبخ افنان حلو ولااصلا توقعت انها تعرف تطبخ يخرب شكلها مو مبين انها طبيخه افنان غسلت يدينها ولفت عليها : انتبهي للدقايق وقوليلي متى صفر القدر بروح اتروش بشاير تناظرها تطلع من المطبخ .. خيييرر تتأمر علي انا وتروح طلعت بسرعه وراها ووقفت في السيب : انتِ انتبهي انا بروح ادرس افنان طلعت من الغرفه وبيدها منشفتها والروب وببرود متجهه للحمام : ادرسي فالصاله وشوفي الساعه بشاير تخصرت : هذا بيتك و انتِ المسؤله انا مالي شغل بشي افنان لفت عليها متنرفزه : يعني انتِ ضيفه ؟! بشاير بدلع تحرك شعرها بااصبعهاا : اييه افنان : الضيف ثلاث ايام ويروح بشاير شهقت : يعني تطرديني من بيت اخووي افنان ودها تصارخ وتمعط شوشتها تكرهها ثقيله الدم : والله افهمي مثل ماتبين ثلاث ايام ضيفه غير كذا لااا تشتغلين مثل مااشتغل ودخلت الحمام بسرعه وقفلت الباب تحاول تتمالك اعصابها يالله مستفززه .. بشاير تعلي صوتها تسمعها : لاياحبيبتي في بيت اهلي اشتغل هنا لااا اتدددددلع ومااغسل لو انها ملعقه فياض اللي جا من برا هو وحمودي .. وقف وراها : ايش صاير افنان دخلت تحت الدش تحاول تبرد حرتها .. وانبسطت لما سمعت صوت فياض يارب يارب سمع كلامها الوقحه بشاير ارتبكت اكيد سمع كلامها : امم نتناقر انا وافنان عادي فياض اللي سمع بس كلام بشاير وماعجبه واللي فهمه ان افنان قالت لها اشتغلي بس كتم مايبي يتدخل : وين افنان بشاير اشرت ع الحمام وهي رايحه غرفتهاا .. وعلى العشا .. افنان كانت تاكل وهي ساكته منفسه متأكده ان فياض سمع ولاقال شي يعني عاجبه كلام اخته .. خلاص متنرفزه مو طايقه احد فياض يناظر افنان باابتسامه : لذييييذه تسلم يدينك افنان ببرود تداري قهرها : يسلمك بشاير لفت ع فياض وهي تاكل : حنين بعد شوي بتجي كلمتها تقولي طفشانه قلت لها تجي تسهر معناا افنان ولعععت خلاص لهناا وبس تحس دخان بيطلع من راسها .. فياض بهدوء : حياها الله افنان لفت عليه بقهرر .. اخ لو ماانت كان علمتها الادب ثقيله الدم .. لفت ع بشاير وهي تحاول قد ماتقدر تبين عادي : ايش رايك تروحين عندها وتاخذين حمودي معك يلعب مع عيالها وانا وفياض بنطلع نتمشى بشاير : لاا هي زهقانه من بيتها تبي تطلع افنان ناظرت فياض اللي يناظرها بهدوء مو فاهمه ايش رده فعله متضايق منها ولا ايش ليش يناظرها كذا .. صدت عنه ووقفت متنرفزه .. غسلت ودخلت غرفتها .. جلست ع السرير فتحت جوالها ماتبي تفكر لازم تنشغل لازم دخلت قروب خواتها تبي تسولف مع شله الانس تبي تنسى وتضحك .. * * جالسه في الصاله حاطه رجل ع رجل والسماعات بااذونها تكلم صديقتها موضي .. موضي : والله معاك حق بس شتسوين فاديه تناظر التلفزيون اللي شغال وع الصامت : مو عارفه طلال هذا لازم اتخلص منه تكفين ساعديني زوج بنتي واعرف طبعه لو انه فياض عادي بس طلال لاا موضي : لاتقلقين حبيبتي انا بفكر وان شاءالله تنحل فاديه : ياارب موضي : زين مو تنسين الخميس الجمعه عند ام راكان لازم تجيين فاديه تدخل اصابعها بشعرها بطفش : ويييين مالي خلقها والله ام راكان غثيثه موضي : ياشيخه كل الشله ماينبلعون بس مجبرون عشان مصالحنا ريمان نزلت وبيدها جوالها اشرت لاامها "بطلع" فاديه : لحظه موضي .. ع ويين ان شاءالله ريمان تحك شعرها بورطه : امم بروح للبندري تسوي لي شعري للدوام بكره فاديه : لاتتأخرين × × طلعت من غرفتها بعد ماكشخت وروقت اعصابهاا تحس ان اعصابها تحترق عند هالناس البارده .. كانت تحسب بس فياض بارد مايعصب .. طلعت حتى بشاير باررده مافي احساس وحنين بعد حسوو ياهووه .. اخوكم توه متزوج يبي ياخذ راحته مع زوجته تجون تتجمعون ببيته .. استغفرالله خلاص ماتبي تفكر وتترجع تعصب .. ناظرت حوسه الصاله عيال حنين يلعبون مع حمودي وقالبينها فوق تحت .. تنهدت وعدت الصاله وهي تردد عادي فنوو بزارين عاادي .. عدلت شعرها ع المرايه قبل تدخل المجلس وهي تسمع صوت حنين العالي .. افنان تصنعت ابتسامه : السلام فياض كان منسدح يطقطق بالبلستيشن .. وكان تفكيره كله معها متى ناويه تطلع من هالغرفه .. مضايقه من جيه اخته حاس بس اخته يحبها ولايرضى عليها مايبي يروح لها الغرفه يبيها تحس من نفسها وتطلع لضيوفهاا عيب اللي تسويه .. رفع عيونه بسرعه لما سمع صوتها .. تأملها بفستان ميدي ناعم جدا بصلي .. متكحله والاهم بدون نظاره .. يحس عيونه تطلع قلوب وهي تناظرها متبسمه وتسلم ع حنين وتجلس بنعومه ولاهي حاسه بالعيون اللي بتاكلها .. افنان اخذت فنجان القهوه من بشاير اللي تناظرها بقهر لو فياض مو هنا ماقهوتها ابتسمت افنان تستفزها : تسلمين ايه شلونك حنين حنين اللي استحت من شكلها البسيط جايه بقميص بيت ماتوقعت كشخت افنان : الحمدلله بخير فياض قفل البلستيشن ووقف : نستأذنكم انا وافنان بنطلع وانتم خذو راحتكم بالبيت بشاير بسرعه لفت ع افنان بقهر وغيره .. حنين : ابد والله اطلعو وخذو راحتكم ماني غريبه الله يسعدكم فياض لف ع افنان اللي متنحه بمكانها : يله افنان البسي عباتك انتظرك افنان ابتسمت له وهو رد الابتسامه بسرعه وعيونه متعلقه بعيونهاا .. هزت راسها وطلعت بهدوء وكأنه عادي وهي ودها تجري مستانسه وتبي ترقص من الوناسه .. اولا لانها بتطلع معه لحالهم .. ثانيا تقهرهم انها تخليهم وتروح ثقاله دمهم مااثرت عليهاا . بشاير لفت ع حنين بعد ماطلع فياض : شفتي كيف طول الوقت كذا عيونه عليها ساحرته بنت اللذين حنين تشرب قهوتهاا : زين والله تعوض اخيي احسه غير مع افنان بشاير : عشانها حلوة بس الرجال الدلوخ يموتون بالحلوه حتى لو ان اخلاقها تبن حنين : بهذي صدقتي بس عاد افنان بنت حلال كويسه اهم شي تداري حمودي الحمدلله كنت خايفه عليه × × حرك السياره بدون مايقول شي .. مايدري ليش مرتبك يمكن لان له فتره ماظل لحاله معها بمكان غير عن غرفه النوم .. حتى اليوم لما وصلها الجامعه كانت معهم بشاير لف عليها شافها فاتحه جوالها وتطقطق فيه .. صد متضايق وقته الجوال الحين يبيها ترفع عيونها يتأملهم بدون النظاره .. افنان بعد ماشجعت نفسها : امم فياض بشبك بلوثوت واشغل شي نسمعه فياض بسرعه مبسوط : عادي سوي اللي تبين افنان بعد ماشبكت ترددت تشغل الاغنيه اللي اختارتها : امم عندك شي تبي تسمه او اشغل ع ذوقي فياض بهدوء ويناظر طريقه يحاول يثقل : ع ذوقك افنان تأملته بثوب كالعاده وشماغه عصبه ..يابووي يالرجوله تحسه فخم دايم بالثوب ماله بالبدل وحركات المراهقين .. صدت عنه ماتبيه يحس بنظراتها اللي اصلا مو فاهمتهاا من لمسة ايديك .. من ضحكة عينيك .. عم يوعى الهوا فياض ابتسم ماتوقع تشغل ل اليسا ابد مو جوه بس غصب عنه يبي يخش بجوها ويحبه .. افنان انتبهت لاابتسامته : عجبتك فياض هز راسه باايه بدون مايقول شي او يناظرهاا .. افنان تناظر يده .. وافكار براسها وجرأه تشوفها مجنونه تحثها تمسك يده .. زوجي حلالي عادي .. لا فياض جدي بينقد علي .. تحس دقات قلبها تزيد مابين تبي وخايفه من ردة فعله .. وجو الاغنيه بالسياره يحمسها ويزيد رغبتها بمسكه ايده .. اي والله عم بتوعي بي جنوني حست بيدها تشد ع اطراف ايده .. كانت بتشهق وتحرك يدها لما استوعبت انها تجرأة وسوتها .. صدت تناظر برا لما فياض لف يناظرها بتسوي انها عادي وهي قلبها يدق طبوول فياض تفاجأ منها شد ع يدها بهدوء ويحاول يبين انه عادي : وين تبين نروح افنان تحس بيده حاضنه يدها يالله شعور جمييل .. لفت تناظره : ع هواك فياض تأمل عيونها شوي وصد يناظر الطريق ورجع خطف نظره لعيونها اللي تناظره .. رفع يدها وباسهاا بعمق افنان اعترفت بهاللحظه انها مفتونه بهالشخص قلبها يدق له بجنون .. ترددت قبل تعترف لنفسهاا .. وعاشقته وتموت عليه.. نزلت معه وهي مو مركزه وين رايحين .. كانت تتأمل قربه منها طوله مسكته ليدها ويمشيها معه .. فنوو اصحي مشاعرك هذي رح تأذيك .. ارحمي روحك لاتأذينها كفايه الالام اللي عشتيهاا ابعدي عنه هو يحترمك بس هو طيب ولطيف مع الكل لاتضحكين ع نفسك اصحي .. جلست ع الكرسي قباله وهي تايهه صراع داخلهاا .. فياض : الكوفي هذا احبه واول مره اجيه ومعي احد دوم اجلس لحالي افنان تغلبت ع ضميرها خلاص تبي تعيش اللحظه حتى لو اخرها مر : تجلس لحالك تفكر او معك شغل شي تسويه فياض بهدوء يحرك كتفه : افكر واتأمل افنان : سلطان قالي انك تعرف ترسم وتركته ليش فياض تذكر جدار غرفتها : اعرف بس مااحب ماني فاضي له اممم انتِ تحبين ترسمين ع الجدار ولاكيف افنان ابتسمت بااحراج : اي ارتاح لما اخبص ع الجدار فياض اخذ قهواتهم والحلا .. افنان تشرب قهوتها وكل شوي ترفع عيونها تناظره ودها تسولف براحتها وتضحك وتتعرف عليه اكثر .. بس هو ابد مايساعد هادي ورسمي .. ظل الصمت سيد الموقف .. افنان خلصت قهوتها وطفشت من هالكوفي كان بالسياره افضل ممكن عشانهم لحالهم : نمشي فياض : يله جلست بالسياره تحس هنا افضل قريب منها ولحالهم فتحت جوالها لازم تشغل شي كذا حلو يعجبه فياض شغل السياره بس باقي ماحركها : انا بشغل لك ع ذوقي افنان رفعت عيونها له بفرحه : حلوو اخذت نفس تهدي روحها المتحمسه ماتدري ايش يحب كيف ذوقه اكيد هادي ورايق مثله .. سمعت صوت الموسيقى ماعرفتها للحين فياض حرك السياره بهدوء وابتسامه ع محياه .. انتي اجمل حب واحساس وشعور الغلا اكبر من اني اوصفه انتي اكبر هم عشته في سرور والاسىى ماكان قلبي يعرفه انتي اصدق جرح يامسك العطور انزفه بعدك وقربك انزفه انتي اكثر من تعامل بالغرور والتعالي شين اسوأهم صفه انتي اجمل افنان اللي كانت تتمنى ذوقه غير كذا ماتحب خالد عبدالرحمن .. ماتدري انه اختار هالاغنيه بالذات لانها تمثله .. فياض استغرب سكوتها : ماعجبتك افنان تبي تناقر : ذوقي احلا من ذوقك فياض ضحك : وين احلا ايش جاب خالد ل اليسا مافي مقارنه افنان لفت عليه بحماس تتأمل ضحكته : وييع خالد صوته نشاز احس حلقي يوجعني لما يغني فياض لف عليها وهو يضحك : من جدك ! افنان ضحكت : ههههههههه لا مو كذا بس اسلوب المبالغه ماتعرفه هههههه فياض : والله انه طرب فناني المفضل افنان : يع فياض بتهديد : بنت افنان تقرب منه مبسوطه : هااااه فياض لف يشوفها قريبه منه .. صد يناظر الطريق بدون مايرد عليهاا وده يقولها شكثر يحبها ويحب لما تكون معه بعفويتها كذا .. جميله بس ترهق قلبه تعب يكتم مشاعره .. افنان انقهرت ليش يسفهها .. عدلت جلستها وصدت تناظر برا ياارب * نهايه البارت العشرون ..