رواية مابعــد الخــذلان - الفصل 14 - بقلم Cluod24 - مكتملة | روايتك

((البارت الرابع عشر)) " انكسر قلبي..." × جلست بتعب ع الكرسي تحس ظهرها يألمهاا : اخخ يالتعب وجوعانه والله ريم ضربت ع رجل البندري : قومي جيبي صحن فطاير وعصير لعمتك البندري راحت تجيب .. شذى وقفت ومسكت يد نهى : قومي معي نرقص قبل نروح صوت الدقاقه يهبل نهى وقفت معها بحماس ماتعبت من الرقص من اليوم .. ريمان والضيق بوجههاا : اووف مااتخيل البيت بدون افنان بيان متضايقه وخايفه ع افنان كيف بتمر ليلتها مع رجال ماخذ عنها فكره غلط وزادها كلام امها البارح له .. قالت لها افنان ابد ماتوقعت امها غبيه وانانيه لهالدرجه يعني بجد امها كيف تفكر وين عقلها بالله.. بس عجبتها افنان اليوم تضحك وعايشه الفرحهه تقولها نفسي عليها حق لازم افرح بهاليوم ولا علي من امي وزوجي .. انا في يوم مايتكرر اهلي كلهم فرحانين لي لازم افــرح واكون قويه لازم .. كانت زفتها من احلى مايكون بأبتسامتها اللي مافارقتهاا .. بجد تتمنى عندها مثل هالقوه تخفي الجانب المظلم وتستمتع بالجانب المشرق .. ماقدرت تكون معها بالايام اللي فاتت كل ماجات بتروح لااهلها طلال يتعب ويقولها سوي سوي ماتقدر تتركه وتروح .. حتى اليوم كانت بتجي بيت اهلها من اول الصبح بس قعد لها طلال مسجي رجولي روحي جيبي روحي هاتي .. مستغربه يعني ورجوله لما كانت مجبسه ماكان يحتاجها هالكثر وبزياده لما بتروح بيت اهلها.. اخر شي اتصلت ع اماني تجي له .. الا افنان خط احمر تسحب ع الكل عشانها لازم تكون معها هاليوم من اوله .. البندري عطتها الصحن والعصير .. مالها نفس بس لازم تاكل عشان اللي ببطنها تحس بقلق خايفه ع افنان شافتها تجاهد ماتبكي لما ودعتهم .. ريمان وقفت وهي قافله معهاا من بعد ماودعو افنان : بتصل ع محمود بروح البيت مالي خلق اجلس اكثر ريم : قولي لاامك لا تهاوشنا بعدين ريمان بطفش وهي تمشي : امي هه لاهيه مع صديقاتها حتى افنان ماودعتهاا راحت اخذت عبايتها وهي تشوف بشاير جالسه تبكي وحولها بنات عمامهاا : الله لايوفقهاا جعل اخوي يطلقها الليله ريمان تنحت مصدومه ذي تقصد افنان .. نوال شهقت : بنت تعوذي من ابليس حرام عليك بشاير تبكي بقهر : الحيوانه فشلتني عند اخوي وزعلته مني هذا وهي مابعد دخلت بيته صار خاتم بااصبعهاا ريمان مسكت اعصابها بتفهم ايش صار لانهم لما دخل فياض يتصور طلعو وبقو اهله معهم .. هند : والله انتِ الحيوانه شلون تقولين لهاا "وتقلد بشاير لما قالت لهم اللي صار" ماانتِ اول وحده بحياة فياض ايش شعورك ياعروس نوال ضحكت : هههههههههههه والله انك غبيه وتستاهلي ردة عليك بصوت عالي وخلة اخوك يفهم ايش قلتي لهاا ههههههههه بشاير عصبت : انتم معي ولا معها انقلعوو عني والله زعل مني فياض شفته بعيونه الله ياخذها الله ريمان ماتحملت تقدمت : هااااي الله ياخذك انتِ وجع ان شاءالله البنات لفو لصاحبه الصوت يوووه يالفشله اختهاا.. بشاير وقفت متنرفزه هذا اللي ناقص : خير انتِ تتصنتين علينا يالبزر ريمان تهز راسها وهي تتقدم : اييه البزر بتعلمك الشغل الحين ومسكتها من شعرها بقوه وسحبتها والبنات يحاولون يبعدونها عن بشاير اللي بالعافيه وصلت لشعر ريمان وسحبته اقوى وشد بشعور بعض وصراخهم خلا الناس تتجمع بالمكان عهود لما شافت بشاير ضربت خدودهاا : وي وي فشلتينا وخري عنهاا "وقربت تحاول تفك" التوم لما شافو الناس متجمعه بمكان وصراخ تركو المسرح وراحو جري بفضول هوشه هوشه .. وسمعو صوت ريمان :وخرو عني والله ماافكهاا شذى شهقت : ريمان والله صوتها نهى : تتهاوش مع مين النذله ولا تقولنا وبعد الناس ويدخلن من وسط الحريم .. بشاير تمسك يدين عهود اللي لافتهم ع وسطها تحاول ترجعها وراا : اتركيني والله لا اكسرهاا ريمان واللي ماسكينها حريم ماتعرفهم ووجها احمر والمكياج والشعر راحو فيهاا : والله هه ان اذيتي افنان بكلمه والله مايوقف لك غيري بشاير وحالها نفس ريمان واردى : تفوو عليك انتِ واختك وامك والعيلـ هند تغطي فمها تبيها تسكت فضحتهم عند الناس يافضيحتهم اهل العريس والعروس تهاوشوو شذى وقفت جنب ريمان وتخصرت : خير خير تتعاونون ع اختي وحده من الحريم : يابنات اقصرو الشر تعوذو من ابليس ريمان سحبت نفسها من الحريم واشرت ع بشاير : ابليس هذي ولفت تمشي وهي تمسح شعرها وتحاول ترتب شكلها ووراها التوم يستفسرون عن الهوشه .. وقفت بوجهها مريم معصبه : الله يفشلكم شسويتو بالبنت فضحتونا وهذا وسلطان يبينا نخطبها له ريمان تخصرت وصرخت وهي ترفع يدها تتحلف : والله ماياخذهاا لو ع جثتي هه مريم ضربتها ع راسهاا : اووص بس خذي عباتك ويلا محمد ينتظرك برا ودواكم بالبيت ريمان اخذت عبايتها اللي رمتها عليها عمتها وراحت .. لبستها وهي تتحلطم .. والتوم راحو يدورون عبايتاهم بيروحون معهاا طلعت تلفتت تدور السياره اصلا ماتدري محمد جاي بسياره مين الله يعينها ع هواشه اذا كان داري عن اللي صار هه مصدق نفسه رجال وهي اكبر منه بشهرين مالت عليه .. شافت سياره سودا واقفه ويدق بوري هه اكيد هذا .. راحت له وهي بالعافيه تشوف لانها مو لابسه نقاب بس غشوه بطرحتها .. فتحت الباب اللي قدام وركبت وبسرعه رفعت يدهاا : ولااا كلمه اللي فيني مكفيني وانتظر شذى ونهى جايات منصور كتم ضحكته لما عرف صوتها مو معقول بالملكه واليوم يصير له موقف معهاا .. حك راسه متورط يخاف اهله يطلعون وهي مرتزه معه : انـ ريمان صرخت وهي اللي كانت تبكي ع الصامت متألمه من الضرب وفرقا افنان : قلت ولا كلمه لو مره بس اسمع كلامي "شهقت" الحيوانه ضربتني "رفعت يدها تأشر ع مكان احمر" عضتني اشك يدي انكسرت جعل اسنانها الكسر الله ياخذها قويه بنت الكلب منصور مستانس يحس هالبنت تضحكه بس بنفس الوقت مرتبك وخايف علا صوته : انا منصووور ريمان لفت عليه ولصقت الغشوه بوجهها عشان تشوف زين .. وبس استوعبت انه مو محمد فتحت فمها تصارخ بااقوى ماعندها.. × × جالسه بالسياره وشاده ع يديها وتستغفر .. وسلطان يسوق وجنبه فياض ولاهي حول سوالفهم ولا مركزه معهم .. تبي بس متى تحط راسها ع المخده وتنام ويعدي هاليوم بخيره وشره .. نص همه راح باقي لما تبقى معه لحالهم يالله شلون تتعامل معه استغفرالله استغفرالله ماتبي تفكر وتربك نفسها بزياده لازم تبقى قويه لاخر لحظه مبسوطه من نفسها انها قدرت تتناسى وتستانس بهاليوم وتقهر العذال .. حتى الغبيه بشاير اللي ظنت انها بتنكد عليها بكلامها السخيف ردت عليها وعمدا تسمع فياض اللي كان جالس جنبها واهله حولهم يسلمون ويباركون قالت لهاا "ادري ان اخوك مطلق ومانيب اول وحده بحياته وراضيــه" الابتسامه اللي ابتسمتها من قلب بهاليوم كانت بهالوقت لما شافت الخوف بعيونها من نظرة فياض هه تحسبني اعدي لها كل مره , يوم الملكه عديت ع مزاااجي بس خلاص الزواج وتم وبوقفها عند حدها من هالحين ذا اللي ناقص بعد ... سلطان وقف عند العماره وكان مستغرب من فياض ماتوقعه يقضي اول ليله بشقتهم ليه مااجر بفندق وحركات بس ماحب يتدخل : ووصلنا ياعرسان فياض : يعطيك العافيه والله ماكان له داعي الحين شلون ترجع سلطان باابتسامه : لا يهمك اهم شي خيتي هذي افنان الغاليه حطها بعيونك افنان عضت شفتها تمنع دموعها من كلامه واكيد فياض ينظر له بشفقه ااه الله يسامحك يمه الله يسامحك .. فياض : ماعليك لاتوصي حريص سلطان فتح الباب ونزل لف بسرعه للسياره اللي وقفت قريب منهم وصوت الكفر ع السفلت .. فياض نزل ولف لباب افنان بيفتحه وقف يناظر السياره بااستغراب .. مشاري نزل من السياره وكذا لعانه وغيره وطفش بيتمشكل ويخرب حياتهاا وقف وناظر فياض وسلطان ويصارخ : والله مااخليك تتهنى بحبيبتي افنان شهقت لما شافته .. فياض يشد ع اسنانه وهو يفصخ بشته وشماغه يرميهم جنبها وينزل ساعته والكبك ويرفع اكمامه : جيت برجولك يال.. سلطان تقدم له : خيــر انت ايش قاعد تخربط مشاري وضامن العيال معه بالسياره لابغى الفزعه ينزلون : انا واختك نحب بعض وذا الخسيس فرقنا يقال بيستر عليهاا فياض رمى المفتاح بحجرهاا وبصرامه : الدور الثاني اول شقه تقفلين ع نفسك ولو ايش ماصار ماتطلعين سلطان لف يناظر فياض تايه مو قادر يستوعب هذا ايش يقول اخته عروس ايش هالفضيحه .. فياض وبدون تردد هجم ع مشاري بحركه سريعه فاجأته ماتوقع ع طول يضرب افنان نزلت بسرعه ورفعت فستانها والغشوه عن عيونها وجري لداخل العماره وهي ترجف وتبكي خوف من هالمصيبه يافضيحه سلطان مابيسكت ياويلي ياربي رحمتك الله ياخذك يامشاري اخذ عزيز مقتدر فتحت الباب بالعافيه من رجفة يديهاا ودخلت وقفلته بعدهاا وجلست بالارض ونزلت نقابها وطرحتهاا تبي تتنفس وهي تبكي وترجف : حسبي الله ونعم الوكيل حسبي الله ياربي خذ حقي اخذ عزيز مقتدر وانصرني ع الظالمين يارب يارب اااه "وغطت فمها بيدهاا تبكي وتنوح بخخوف" * * منصور فتح الباب وهج هالمجنونه بتفضحه بصراخهاا .. راح بعيد عن سيارته مارح يرجع الا اذا نزلت .. شاف سياره ثانيه واقفه وركبو فيها بنتين .. اكيد هذا اخوها والغبيه بعدها جالسه ليه ماتنزل .. طلع جواله من جيبه الا اخته هند تتصل .. منصور : ايوه هند : معليش تأخرنا عليك بس اصبر شوي الله يخليك صارت مشكله وبشاير بتمشي معناا منصور يمسح ع شعره وزاد الارتباك بعد بشاير معهم وهالمجنونه للحين جالسه : لاتطلعون الا لما اتصل لاني بعيد هند : طيب منصور يلف حول نفسه هذي كيف يطلعها من سيارته والمشكله اخوها بعده واقف .. اخذ نفس وراح لسيارته فتح الباب شافها جالسه بمكانها ولا لفت عليه .. وبدون مايركب وهو برا قالها : انزلي يابنت اهلي بيجون الحين ريمان ولا حركه .. منصور بسرعه جلس خاف لايكون صابها شي علا صوته من قريب : يابنت هييه تسمعيني اي والله ماهي صاحيه .. نزل بسرعه وجري لسياره اخوهاا دق ع الشباك .. محمد اللي كان معصب من ريمان لمتى ينتظر استغرب ايش يبي ذا فتح الباب ونزل له : هلاا منصور منحرج بس مجبور يأشر ع سيارته : والله شسمه اختك غلطت بسيارتي "تكلم بسرعه لما شاف الغضب بعيونه" واغمى عليها لما شافتني محمد بسرعه اتجه لسيارته وهو يغلي من الغيره فتح الباب وهزها حتى مايقدر يقول اسمها ومنصور واقف بعيد عند كبوت السياره بس يسمعه : بنت اصحي حاول يصحيها بس مافي فايده .. شالها لسيارته وهو يتحلطم ويدعي عليها فشلتهم عند الرجال .. شذى شهقت : بسم الله عليها ايش فيهاا محمد : صحوهاا مالقت تدوخ الا بسيارة الرجال قفل الباب ورجع تعذر من منصور .. منصور رجع سيارته وضحك غصب عنه هالبنت اكيد موب صاحيه لا ومتهاوشه وعاضينها ههههههههههههههههههههه .. اتصل ع هند وقالها انه برا وطلعو له بسرعه .. بشاير تمسك بيد هند تساعدها تدخل السياره تحس انها متكسره .. شعرها يألمها ويديها وكلها .. مي جلست بحضن امها قدام وتتحلطم من زحمه السياره : اووف زحمه ليش نمشي كلنا مع بعض ام منصور متضايقه من الهوشه تفشلو مع اهل العروس : اسكتي انتِ بعد مو ناقصتك منصور حرك السياره وهو ساكت معه اخواته وبنات عمه وعماته .. مي : انا ايش دخلني بشاير اللي تهاوشت مع اخت العروس هند : مي انطمي مي تحك راسها بعد ماضربتها امها عليه .. منصور كتم الضحكه يعني بشاير هي اللي عاضه ريمان اويلااه توي ادري ان بنت عمي متوحشه ههههههههه × × طلع يجري ورا سلطان اللي دخل العماره جري بعد مااخويا مشاري فكوه منهم بالعافيه وهجو بسيارتهم .. فزت واقفه لما سمعت الباب يدق وهمس سلطان الغاضب : افتحي بسرررعه حطت يدها ع فمها ودموعها للحين ماوقفو ..تحركت بسرعه فتحت الباب لما زاد الدق ماتبي تنفضح عند الجيران بعد خل يدخل واللي يصير يصير .. سلطان بس دخل هجم عليها شدها مع شعرها وسحبها للصاله شوي بعيد عن الباب وضرب راسها بالجدار وهو يصارخ ووجهه احمر من القهر والعصبيه : فضحتينا الله ياخذك فياض بسرعه دخل وقفل الباب وراه وتقدم لهم وشد سلطان بقوه ودفه عنها ولف يده عليها وسحبها وراه وثوبه وشكله مبهدل من الهوشه : حـــدك والله ماتلمسهاا سلطان صرخ بجنون وحاول يتقدم بس دفه فياض بقوه وطاح ع الكنب صرخ بقهر : اختي والله لااربيها مالك شغل "وقف واشر عليه مقهور وبيده عقاله" وانت حسابك بعدين ظنيتك خطبتها من غلانا اثاريك طايح ع بلاويها وكاشفهاا وخر خلني العن خيرهاا والله لااذبحها افنان بعدت عن ظهر فياض وهي خلاص منهاره ايش بعد عروس وتنضرب ظلم : هذاني عندك اذبحني وخلصني ابي اموووت سلطان ماتردد شخطها بعقاله وهي صرخت متألمه .. فياض شد يدين سلطان وسحبه للباب : اطلع براا اطلع برا لااخربها بيني وبينك الحين سلطان يحاول يفلت منه ويروح لهاا : والله مااطلع وهي خاربه خاربه ماهو انت اللي تتفضل عليناا هالـ.. الـ.. باخذها معي وخر فياض ماتحمل كلامه عنها ضربه بقس ع وجهه .. وصدره يطلع وينزل يتنفس بصعوبه من كثر الضغط وشد اسنانه : اختك اشرف من الشرف نفسه يالكلب اذلف عن وجهي سلطان ماتردد رجع له البقس اقوى ..وشدت بينهم .. افنان جلست ع الارض ولمت ركبها لصدرها وسندت راسها عليهم تبكي وهي تسمع هواشهم .. وكلام فياض صدمها وجاها ع الجرح .. غطت اذونها بيديهاا وتهمس بوسط بكاها وشهقاتهاا : بس بس كاافي قفل الباب بقوه بعد ماطلع سلطان وهو يتحلف له .. استند عليه بتعب لف بعيونه لها .. حس قلبه يتعصر لمنظرها بفستانها الابيض فستان الطهر .. منكمشه ع نفسها بالزاويه وتبكي كســرو عـروسـتي الله لايوفقهم وصل لاقرب كنبه رمى نفسه عليها بتعب .. غمض عيونه وهو يسمع شهقاتها اللي مو راضيه توقف .. لقى نفسه غصب يفكر هالخسيس دامه مخاوي امها ليش جاي الحين يقول انه يحبها يعني معقول عشانها خربت علاقته مع امها جاي بيخرب زواجهاا .. × × نزلت من السياره وهي ساكته وطول الطريق اصلا ماتكلمو .. مستغربه انه اتصل عليها وقالها انه برا يعني يبيها ترجع معه ماقالها روحي مع اهلك لبيتكم .. طلال اصبح غريب ابد ماتفهمه دخلت البيت وطلعت لغرفتها وهي اصلا مو ناقصه تفكر فيه شايله هم افنان .. جلست ع السرير وطلعت جوالها من شنطتها وارسلت لافنان "طمنيني عليك" قفلت جوالها ونزلت طرحتها ع كتوفها ناظرت المرايه قبالهاا تسريحتها مرتبه ومكياجها ناعم للحين ثابت .. وقفت ونزلت عبايتها تأملت فستانها الزيتي عضت ع اصبعها باحراج من الافكار اللي براسها يعني لمتى وهي تنتظر يرجعها ليش ماتبدا بطرق ملتويه .. ايه هالحين بكامل زينتها ليه مايشوفهاا .. اووه بيان اصحي انتِ الخجوله عيب هالحركات ناظرت المرايه بقوه وهي تتمرد ع نفسها وبتنشغل عن التفكير بافنان .. طلعت من الغرفه وهي ناويه عليه اييه مو يقولون الحريم كيدهن عظيم وين هالكيد عني وينه ليه مااستخدمه .. ناظرت الصاله فاضيه والانوار طافيه .. مشت شوي شافت باب غرفه عمتها مفتوح ..عدلت وقفتها وسوت انها عادي مشت بهدوء متجهه للمطبخ .. واذا كان في الغرفه يشوفها لما تمر وقفت عند باب المطبخ ولفت للغرفه وحطت يدها ع خصرها اووف مدري شافني ولا اووف ياربي .. لفت للمطبخ بطفش وصرخت بخوف لاشعوريا لما شافته واقف عند البراده وبيده كاس مويه .. بيان حطت يدها ع صدرها ووجهها حمر بخجل : امم بسم الله طلال رفع حاجبه : شايفه جني ؟؟ بيان تنحت ببلاهه وكل اللي مخططه عليه تبخر : هااه ايه لاا شسمه بس تفاجأت وهكاا حست عيونها بتطلع لما شافته نزل الكوب ع الطاوله واتجه لها .. لصقت بالجدار لما قرب منهاا طلال بدون مايناظرها طلع من المطبخ وراح لغرفه امه .. بيان ضربت نفسها كف ع خفيف ياغبيه مو جايك انتِ جاي للباب اللي انتِ واقفه عنده مالت عليك .. لفت بقهر وطلعت لغرفتها قال بكيد له قال .. دخلت الحمام بتمسح المكياج وتتروش وتخمد .. خصلت ع السريع ولبست قميص قطني ناعم لحد ركبها .. جلست قبال المرايه تجفف شعرهاا بالاستشوار ومع الصوته عالي شافت جوالها ينور في حد يتصل .. قفلت الاستشوار وراحت لجوالها ع السرير شهقت لما شافته طلال .. اخذت نفسي تهدي وردت : ايوه طلال برسميه : تعالي طفي اللمبه رفعت جوالها تناظره قفل الخط بوجهها مو صاحي ذا ايش هالكسل .. طلعت من الغرفه وهي تتحلطم : يناديني من فوق عشان اطفي اللمبه اووف ياربي صبرك نزلت تحت وهي تفكر يعني هو طيب الحمدلله لمتى هالكسل حتى فوق ماقد طلع بس متبطح بغرفه امه .. اووف يالله ناظرت الباب مفتوح قربت ووقفه ع الباب تناظره منسدح ع السرير ويطقطق بجواله .. تخصرت بقهر : مو حرام عليك اللي تسويه فيني ترا انا حامل والطلعه والنزله من الدرج كل شوي وع امور سخيفه تضرني طلال وعيونه بشاشه جواله يمنع نفسه يناظرها قد مايقدر : قفليها وانتِ ساكته والباب وراك بيان ضربت الارض برجلها بقهر وطفت اللمه وطلعت وقفلت الباب بقوه .. وقفت لما سمعته يصارخ بااسمها اوووف اكيد عصب ياربي ليه اقفل الباب بقوه الحين شسوي ارجع ولا اعنـد .. طلال رمى جواله جنبه وبدون مايتحرك وبنبره صارمه : بيــان بيان رجعت وهي تتحلطم بداخلها لمتى خوافه لمتى .. فتحت الباب : نعم طلال بنرفزه : ليه تقفلي الباب بقوه بيان لفت شعرها ورا اذنها : عادي احط حرتي بالباب مو فيك شعليك انت السيده عائشه تكسر الصحون من غيرتها والرسول عليه الصلاه والسلام ماقال لها شي عادي خلاها ع راحتها تفرغ غضبها وغيرتها باللي تبي طلال يمنع ابتسامته اللي تحاول توضح غصب عنه يقاطعهاا : تعالي غطيني بلا كثره كلام بيان دخلت الغرفه وقربت من السرير اخذت اللحاف وغطته .. ووقفت تناظره ملامحه مو واضحه حيل الغرفه ماينورها الا نور الباب الضعيف لان الصاله مقفله انوارها بس المطبخ والسيب منورين .. : تبي شي ثاني طلال مسك يدها وشد عليهاا : تبين تنامين معي ؟؟ بيان ارتبكت يسألها يعني يبي جواب حست بخجل وحراره تسري بعروقهاا ماعرفت ايش تقول .. طلال جلس وسحب يدها خلاها تجلس ع طرف السرير كانت تتصدد عنه بااحراج : تبين ارجعك ؟؟ بيان تحاول تسحب يدهاا تبي تروح ماتبي شي تحس انها بتموت من الاحراج والقهر ايش هالغرور اللي فيه يسألني ليه مايقول انا ابيك تنامين معي انا ابي ارجعك .. طلال يمسك وجهها ويلفه له وباصرار : جاوبيني تبين ارجعك بيان ناظرت ملامحه القريبه وبدت توضح لها عيونه تعودت ع الظلام .. لمعت الدموع بعيونها ليش يذلها كذا حرام عليك ياطلال حرام عليك .. طلال يناظر عيونها تلمع مسح عليهم بيده ونزلت دموعها هزت راسها بأيه .. ابتسم : هه تبيني بس انا ماابيك ... ماابي اللي حرمتني من امي ادري انك تحسديني ع امي وتتمنينها امك امك اللي مدري شوضعك معهاا ماهي حنونه مثل امي راحت امي وانتِ السبب كنا رايحين لك لزمت علي نروح لك وانا ماابي بيان شهقت ببكا وهو يشد ع مسكته لذقنها بقوه مقهور : انا مالي ذنب طلال صرخ بقهر وبيده الثانيه مسك كتفها بقوه يهزها : الا لك دخل لو ماالفتي قصه من راسك وتهاوشنا وطلعت من البيت ماكان امي طلعت من البيت عشان حضرة جنابك ترضين ترجعين بيان حطت كف يدها ع فمها تمنع شهقاتها ألم من مسكته وكلامه : خلاص اتركني انا تعبت منك طلال دفها ع المخده وراها : تنامين هناا وولا كلمه ولا اسمع نفس "انسدح وعطاها ظهره يشد ع المخده بيدينه يحس انه بيختنق يبيها ومايبيهاا مقهور منهاا ومن كل شي " بيان تكورت ع نفسها وعطته ظهرها تبكي ع الصامت مو معقول اللي يفكر فيه انا شدخلني انخبل ذا الرجال فقد عقله مع الحادث انا متأكد ااه يارب .. شهقت لما حست فيه لصق فيها ولف يديه ع وسطهاا بدون مايقول ولا حرف .. عضت يدها تمنع يصدر منها اي صوت وهي تحس يدها ترجف ماتبي تقول شي او تتحرك وتجننه زياده .. خلاص للصبر اخر من بكره بتروح عنه مو صاحي اذا يفكر هالتفكير .. يكفي ذل يكفي ليتها سمعت كلام افنان وماجلست عنده دقيقه . لأول مره تحس انها كارهته كارهه هالقرب منه .. حقير ينتظرها تقول ايه تبيه ثم يقولها انا ماابيك .. عمري ماانساها لك ياطلال × × واقفه ع البلكونه تناظر البحر .. هه اليوم عرسه مو قادره تستوعب صدق انهم تفارقو وكل منهم عاش حياته .. هذا هو راكان مو مقصر معهاا يحب السفريات وشبعان .. هذي هي بتركيا وبااحلا فندق والاجواء جميله ماتنكر مبسوطه بس غصب شي بنفسها يجبرها تتضايق لما تتذكر ان فياض حب مراهقتها وكان زوجها بس ماعرفت تتمسك فيه .. اليوم يكون مع وحده غيرها وخلاص بيعيش معها وبتربي ولدها وبتخلف اخوان له هه دنيا ماعليها حسافه وربي .. ابتسمت لما حست بالشال الثقيل ع ظهرها : عادي ياقلبي ماني بردانه راكان ابتسم بحنان ولف ذراعه ع كتوفها : بيدخلك البرد وانتِ مو حاسه خوله ضحكت : ذكرتي باامي والله وحشتني راكان دخلها معه لداخل : يومين ونرجع وتشبعين من مقابلها ادخلي بس خوله شدت ع يده قبل يتركها : راكان راكان لف عليها بااستغراب : ايش فيك خوله وبصدق : الله يحفظك لي ولايحرمني منك راكان ابتسم بسعاده وحضنهاا : ولا يحرمني منك انا محظوظ فيك للامانه تزوجت مرتين وولا وحده فهمتني مثلك انتِ جيتي ع المزاج ويني عنك من زمان خوله تنهدت .. انا تربيت من تجربتي مع فياض .. ايش ابي فالناس ايش ابي فالمظاهر اهم شي زوجي اهتم فيه واحافظ عليه .. × نهايه البارت الرابع عشر ...