على رمال سيلين - الفصل 56 - بقلم غجرية - مكتملة | روايتك

يوم العرس............. كان صالح مرتبك .. ماحط في باله يتزوج بهالسرعه .. في غرفته جالس .. يتذكر كل لحظاته في هالغرفه ..طالع بشته اللي جنبه .. بيودع هالغرفه خلاص ..بتكون له زوجه ترتب له ثيابه وتنظره كل يوم .. شعور غريب ..ماتعود الاهتمام لا من ام ولا من اخت .. كان دايما يحس ان وجوده مثل عدمه .. مسك تلفونه يقلب المسجات جسوم مشتط ماتم دعاء ماطرشه له .. العنود طرشت تعتذر مابتقدر تحضر ..تذكر لما اتصل فيها تمت تصيح بقوة وتخرع لين رد احمد وقال له بدا مفعول الهرمونات .. استانس ان العنود حامل بس حز في خاطره انها ماتحضر .. مسجات من فاطمه ..كلها خجل وحياء ..تستأذنه في روحاتها وطلعاتها ...صج ملجوا من اسابيع لكن انشغاله برمضان وتجهيزات العرس ماخلى له فرصه يقعدون مع بعض ويسولفون ..او يكسرون حاجز الغربه بينهم .. طالع الساعه كانت 7 وشي ..توه راجع من الصالون الرجالي ... بيمره راشد بعد شوي ..بس يوصل خواته الفندق وين القاعه .. وقف ولبس بشته وحط من العود الطيب .. مرر يده على عارضه اللي توه محسنه .. ضبط كشخته واول ماسمع صوت الموتر طلع برا كان جاسم مرتز براا مبتسم يرزف ــ عريسنا يابدر بادي زانت ليالك السرور صالح ــ متى اشتغلت طقاقه ؟؟ جاسم ــ كلمني .. كلمني ياعالم يااناس يااهوو ..ياقوقل ... .. صلووح كلمني ..أبي أمي أبي أبوي .. أبي زوجي امبيه مااقدر .. ضحك صالح من خاطره على جاسم اللي شبك يدينه وطاح على ركبه وعيونه كلها سعاده ــ هههههه قوم قوم ياساندي بيل قوم الله يفشلك ماجنك ريال طول وعرض صاك الثلاثين .. .. جاسم قر بمن صالح وحضنه بقوه وبعدين سلم عليه واول ماتركه قال ــ لو تعرف شنو احساسي ...ماقعدت تتطنز علي.. تخيل ان عضيدك واخو ماجابته امك يزعل عليك ..وانت المخطي ..ليل ماانامه ولا اكل استطعمه ..ولا ضحكه تبرد الخاطر.. ابتسم صالح ــ شوي وتقول اي لوف يو ياخوك .. جاسم ــ اي والله احبك في الله .. اوصلك ؟ صالح ـ بيجي رشوود ,, جاسم ــ لا مابيجي قال عنده مشوار .. صالح ــ اجل قم وصلني..,, جاسم ــ عريسنا يابدر ضاااوي ,, قاطعه صالح ــ ان كملت ماروح معاك ,,, حط جاسم يده على حلجه وكمل دندنه ــ هممم هممم ,,ترااا رراار ااراار تيراارااراارا ... _____________ في الفندق كانت المها مكتئبه وخديجه معصبه لاول مره .. المها ــ شفيج ... ليش معصبه .. خديجه ــ مب عاجبني الميك اب ..ثقيل وايد ..ولا شوفي لون البودر ..موشي ... المها ــ غسلي وجهج وخل تحط لج غيره .. احت خديجه للحمام واغسلت الميكب وارجعت ــ حطي لي غيره ماابي جي ابي شي رايق هادي يجمل ملامحي ماابيه يغيرها .. الماكييره ــ بس غريبه ..انا متعوده البنات يطلبون هالنوع من المكياج دايم .. خديجه ــ اصابعج مب سوى .. ارجوج مابي شي اوفر مابي شي توو سمبل ..خليج حياديه يجمل ملامحي مايغيرها .. ارجووج .. كانت المها مستانسه بمكياجها لانها دلت الماكييره على كل شي تبيه عكس خديجه اللي غمضت عيونها ولاسألت ويوم فجت عيونها انصدمت من الفانتازيا اللي حول عيونها .. موجت ا لمها شعرها على طوله وحطت اكسسوار على شكل ورد صغير بكريستال في مقدمه شعرها ومع فستانها الاحمر الساتان الضيق من فوق بدون اكمام مع كرستال شوارفسكي ومن تحت ساتان وحرير طبقات وكعب احمر طويل مخمل .. طلعت جنان ..اما خديجه فستانها عنابي فيه لمسات واشرطه ذهبيه مع ذيل طويل فخم جدا ..وشعرها بتسريحه ناعمه ومكياجها ناعم مجملها وايد .. طلعت راعيه الصالون مع مساعدتها من الجناح ونزلت المها هي وخديجه للعرس تحت ... كانت ديمه حاضره هي وهيا ديمه بفستان تركواز وشعر مرفوع مع تموجات شكلها رهيب .. هيا بفستان ذهبي وتسريحه معقده ومكياج وحشي رغم غرابته الا انها جميله فيه .. وطيبه كانت لابسه فستان تايغر مزينه اطرافه بدانتيل ذهبي مع حزام عريض ذهبي وفاتحه شعرها على طوله ...رغم عمرها الكبير الا انها تأسر الانظار .. في جناح العروس كانت نوف جالسه مع فاطمه اللي كانت متوتره من قلب .. ــ لاتتوترين خلج ريلاكس .. فاطمه ــ ريلاكس .. اشك .. خاصه مع هالمكياج اللي على عيني احس كل مره اني بحك عيوني بقوه ..ماتعودت .. نوف ــ بتتعودين ..صار المكياج جزء مهم في حياتنا ..مانطلع الا وحنا صابغين هالوجه .. ــ حلو فستانج ,, ناعم وراقي,, وقفت نوف شافت فستانها ــ صج ..ماتحسينه هادي زياده عن اللزوم .. فاطمه ــ بالعكس راقي وكشخه .. كان فستانها بيج روماني بأشرطه ذهبيه عاجيه .... وشعرها فاتحته على طوله بس قاصته قصه الستروبري .. ــ فاطمه .. مب كأنج خلصتي بدري؟؟ فاطمه ــ اي .. صالح قال لي مايبي يأخر الناس خصوصا ان باجر دوامات .. يعني عالعشر ادخل القاعه .. ________________ كانت امنه جالسه قرب أمها وهي تهمس ــ يمه شفتي المها ؟ ام جاسم ـ اي ماشاء الله عليها جت سلمت علي تو .. ماسلمت عليج؟ آمنه ــ لا أنا كنت اسلم على بنت اعرفها .. بس شفتها من بعيد .. اشوف بتجي تسلم ولا لا ..ماشاء الله معارفهم كثير . ام جاسم ــ الولد ولد اصل وطيب عسى الله يحفظه .. آمنه ـ عاد من أخذ ؟ ام جاسم ـ فاطمه ..البنت الللي جت سلمت علينا يوم رحنا نشوف المها .. آمنه ـ اي عرفتها عسل والله .. المها من شافت امنه راحت وسلمت عليها وبعدين ارجعت وقفت جنب ديمه وخديجه في الاستقبال .. ديمه ــ سلمتي على ام ريلج ؟ المها ــ لا ..على اخته ..وهو للحين خطيب ... ماصار ريل .. ديمه ــ مب اشكال حبيبتي .. بيصير ان شاء الله .. .. حست المها بغصه وهمست(( الله لايقول )) ,,, كانت متضايقه حاسه بكره شديد لجاسم ..يصاحبه لحظات تبرر له وتحط الاعذار لكن .. ترجع تكرهه ... هل بتحب انسان كرهته ؟؟ .. انسان ساومها في يوم من الأيام علىشرفها .؟؟ ,, حست بضيق وعبست فجأه ..لازم تتذكر ..لازم تخليه يعرف غلطه تدفعه الثمن ..بس ماتعرف شلون .. ___________________________ كان راشد داخل سيارته ماسك الجوال .. يدور رقم اخوه عبدالرحمن .. ــ الو . ــ وينك ؟ ــ عبدالرحمن ماقدر اجي... واذا سأل صالح قول انك شفتني حولك .. استغرب عبدالرحمن ــ شفيك ؟؟.. وينك؟ راشد ــ بالمطار... ــ شنوو ؟؟.. راشد ــ بضطر اسافر.. خذ خواتي عندك او ودهم بيت جدي.. عبدالرحمن ــ شالسفر؟؟ ليش ؟؟ وين بتروح ؟ راشد ــ بكلمك بعدين واشرح لك .. مع السلامه ... عبدالرحمن ـ مع السلامه .. طرش عبدالرحمن مسج لخديجه (( راشد اضطر يسافر بترجعون معاي )) استغربت خديجه وطرشت (( لا بنروح بيت جدي علشان نقوم مع جدتي بضيوفها وين سافر راشد ؟؟)) عبدالرحمن (( براحتكم ..مادري/...)) استغربت خديجه شالسفر يوم عرس صالح ؟؟.. ورت المسج للمها اللي استغربت ..وحاولت تدق على راشد لكنه مغلق جواله ..