رواية مابعــد الخــذلان - الفصل 13 - بقلم Cluod24 - مكتملة | روايتك

((البارت الثالث عشر)) ي صبــااح الردود الجمييله اللي تفتح النفس شكرا من الاعمااق .. × طلال وصوته العالي يرن بالبيت : بيــــااااان نطت بمكانها لما سمعت صراخه باسمها تحركت بسرعه لازم تدخل وتقفل الباب ويهاوش ع كيفه ولا احد يجي ع صراخه الحين .. دخلت الغرفه وبسرعه بعدت عن علبه المويه اللي رماها جهتها .. طلال ووجهه محمر بعصبيه وصوته عالي : جالسه عندي تدورين لك عريس عاجبك خالي بيان بسرعه لفت للباب بتقفله وهي ترجف بس كانت خالته نوره اسرع دخلت ووراها اخواته ود ووداد .. نوره تناظر طلال بخوف : شصاير شفيكم بيان تناظر طلال برجا يسكت .. طلال اخذ العكاز ونزل رجوله من السرير وعيونه ع بيان يحس دمه يغلي خاله شافها قباله شاف فتنته .. ضرب عكازه ع السراميك بقوه واشر بيده ع بيان يهدد : تنقلعين الحين المجلس ووالله لو تطلعين منه ياويلك تفهمين نوره والبنات يناظرون بيان يحاولون يفهمون شصاير .. بيان تهز راسها بسرعه وعيونها تترجاه بس يكفي احراجات قدام اهلك : فهمت والله طلال يحس نظراتها تقتله فاهم وحاس بس النار اللي تغلي بداخله اقوى .. لف ع خالته وخواته وبنرفزه : اتركونا بروحنا خلاص روحو بيت ابوي وانا اجيكم هناك اماني ومها وقفو ع الباب : شصاير بيان مسحت ع شعرها بتعب اي بالله روحو وفكوني .. طلال صرخ متنرفز : مالكم شغل خلاص بسكم حشريه خنقتوني نوره عصبت : الحمدلله والشكر والله الشرهه علينا جايينك نبي نسعدك مااقول الا الله يصبر هالمسيكينه عليك وداد تاشر لاماني ومها : امشو امشو طردنا من بيته مها وقفت وناظرت طلال : لحظه لحظه انت شفيك عليناا اليوم عيد الناس مبسوطه وانت مكشر ايش هالنكد اللي عايش فيه اماني : اي والله كلنا فاقدين امي مو بس انت بيان تناظر طلال شاد ع اصابعه وعاض ع شفته حاسه فيه ليه يلومونه ابد مايهون عليهاا .. لفت ع البنات وبقهر : بسكم تلومونه هو حصل لكم اللي حصل له الحادث صار لهم سوا وهه هذا هو قدامكم مكسر مخنوق لايطلع ولا يروح عمتي الله يرحمها كانت عايشه معنا طلال اقرب لها منكم كلكم محد له حق يلومه اتركوه بحاله كيف تبونه يفرح بااول عيد بدونها لاتطلبون منه شي فوق طاقته اماني مسحت دموعها هي واخواتها وطلعوو .. نوره ناظرتها برفعه حاجب غبيه تو كانو يصارخ عليها وهالحين تدافع عنه .. مها وقفت قبالها قبل تطلع : ولاتنسين اني فقدت اخت بس الحياه تمشي وابد ماقصدنا نضغط ع طلال ولفت ع طلال اللي منزل عيونه بالارض ولا قال ولا كلمه : طالعين ياطلال طالعين واشبع بالجلسه لحالك طلال ناظر خالته تطلع وتقفل الباب وراها .. لف ع بيان اللي حاطه يدها ع خصرها وتتنفس بعصبيه من نظرات نوره قهرتهاا : تعالي بيان لفت عليه بخوف : شتبي ؟ طلال بجديه : تعالي اقولك بيان تحس قلبها يتعصر بخوف اكيد معصب ليه تتكلم ع اهله .. تقدمت خطوه بتردد : والله مو قصدي اغلط عليهم انـ طلال يقاطعها ويهز راسه باصرار : قربي بيان تعض سبابتها : اول اوعدني ماتسوي لي شي انا حامل طلال لاتنسى طلال اخذ نفس متنرفز وصرخ : قربي بسرعه بيان قربت منه بسرعه .. غمضت لما شد يدها وسحبها له وحضنها لف يدينه حولها وشدها له بقوه .. تحس انها بتتشنج مو مستوعبه حضنها فتحت عيونها بشويش تستوعب الحقيقه حضنها بدال مايهاوشها طلال يدفن وجهه بشعرها ويشم ريحته بشوق همس قريب من اذنها وهو يعاند عقله اللي يحاول يمنعه : كل عام وانتِ معي بيان شهقت ببكا ولفت يدينها حوله وشدت عليه ودفنت وجهها بصدره تحس انها تبكي من قلب .. طلال يمسح ع شعرها وظهرها : ليش تبكين ؟ بيان تضرب ظهره وهي تبكي : مو شغلك طلال ابتسم وضحك ع خفيف : اخخخ ي بيان ودي اخنقك تدرين بيان رفعت راسها تناظره بصدمه وخوف ووجهها راح احمر من البكا : شسويت لـ بعدت عنه وهي تتصدد بخجـل تحس وكأنها القبله الاولى بينهم .. دخلت اصابعها بشعرها وتاشر ع الباب بيدها الثانيه وبارتباك : ا انا بروح اشوفهم امم مدري شسمه بطلع طلال عدل جلسته ع السرير وهو يتبسم ع ارتباكهاا تطلع وتخلي الباب مفتوح .. سند راسه ع الجدار وغمض عيونه يحس ريحتها باقيه حوله .. × × وقف عند بيت سعد .. عيد الصباح في النور مع عمامه وهالحين بالمدينه مر ع اخوياه وعايدهم .. تنهد بضيق لما تذكر افنان خبله وماهيب صاحيه احسن حل معها التطنيش .. ولو ان وده يشوفها بس عارف انه بس ينغبن من كلامها اللي بيسمعه .. نزل ودخل مجلس سعد المليان سلم ع الرجال وعايدهم .. لف ع سلطان وقاله يشوف له درب بيعايد خالته .. * * وقفت تشوف شله الانس واقفين يتسمعون عند باب غرفه جدتها : شتسوون بعدو عن الباب بخوف وارتاحو لما شافو افنان وصارو يتبسمون ويغمزون .. ريمان تأشر ع الباب بحماس وتهمس : الجرح دااخل شذى بخقه : ياعلييه صوت يجنن نهى : ولا لما يضحك دماااار بحته البندري لفت عليهم : هااااي استحوو حرمته قبالكم ايش ذا افنان ويدها ع خصرها تفكر مااهتمت لهم وبراسها مخطط : شسمه غطوو علي هااه تكفون ريمان لفت ع البنات : طاحت بشباكه وطلع جنانها تبي تشوفه الخبله شذى تأشر لها : روحي روحي له ولا حد يدري عنك امااان افنان تحركت بسرعه واخذت الشال المرمي ع الكنبه لفته عليها وتلثمت وراحت للباب الخلفي طلعت ولفت البيت جري لباب غرفه جدتها اللي برا تخاف يطلع قبل توصل .. قفلت اللمبه اللي عند باب غرفه جدتها عشان مايشوفها اذا احد طلع من مجلس الرجال .. وقفت قريب من الباب تسمع صوته .. تحس اطرافها ترجف بس تعاند خوفها لازم تواجهه غصب عنه بيظل يتهرب منها لين يجي العرس بس هين .. فياض فتح الباب وهو لاف ع خالته : يوصل ان شاءالله انتبهي ع نفسك وطلع وقفل الباب وراه .. وهي بسرعه شجعت نفسها مسكت ذراعه وشدت عليه تبيه يمشي معها بس كان ثابت ولف عليها بخرعه بس ع طول ميزها متلثمه ونظاراتها يعرفهاا افنان برجا : تكفى تعال معي ضروري فياض مشى معها لورا البيت بدون مايقول كلمه وهو يحاول يقوي نفسه كون صامد قدامها لاتضعف لاتتهور .. افنان شهقت لما سمعت اصوات ريان وعيال وكانهم بيطلعون مع الباب الخلفي .. شدت ذراع فياض وبرجا : تعال بحوش بيتنا اضمن فياض يحس نبضات قلبه تزيد والجو حار بقربها مو مستوعب هالجنون اللي تسويه مو حاسه باللي يحترق جنبهاا .. افنان دخلت حوش بيتهم وهي متوتره حدها ايه ذا احسن مكان الكل متجمع ببيت عمتها مريم .. وقفت وتركت يده ووزعت عيونها حولها : هنا نتكلم براحتناا فياض كتف يدينه واستقام بوقفته وعيونه تناظر عيونها من ورا اللثام وبثقه : اسمعك افنان تمسك يدينها ببعض وتفركهم : انت تدري ايش ابي ليش تطنش وماترد علي انا اتكلم جد مستوعب انت فياض لف لباب بيتهم اللي يدق رجع ناظرها ارتبكت : انا بروح بلاش نحط انفسنا بمواقف بايخه افنان قربت منه وبرجا : اي روح بس امانه ترد علي الليله اكلمك فياض كتم انفاسه بقهر ورفع عيونه للسما .. كيف تفهم ذي افنان شهقت لما سمعت صوت محمد جاي من الباب اللي يودي لبيت عمتها مريم : جاي جااي وباب بيتهم الخارجي مستمر يدق .. فياض ناظرها بورطه من وين يروح الحين .. افنان بسرعه تحركت : تعال وراي بسرعه فياض مشا وراها باارتباك مايبي ينحط بموقف محرج عند العيال انه يشوف اختهم من وراهم .. شافها فتحت باب بيتهم الداخلي وبسرعه دخلت واشرت له يدخل .. دخل بسرعه وقفلت الباب وراه .. افنان تمسد جبينها بتوتر وشهقت لما سمعت صوت بيان اوووف الحين تدخل عليهم .. بسرعه مسكت يد فياض : بتدخل اختي الحين بسرعه امشي الله يخليك فياض طلع الدرج معها بسرعه دخل الغرفه الي دخلتها .. لف عليها وغصب ابتسم لما شافها تقفل الباب وتدور متورطه .. افنان وقفت وناظرته بقهر ليه يبتسم : انت السبب ليه تطنشني ايييه انا منحوسه واستاهل المواقف الغبيه اللي انحط فيهاا وبتطلقني غصب عنك فياض ماقدر يمسك نفسه اكثر من كذا بسرعه قرب منها ولف يده حول خصرها ومشاها بخفه واسند ظهرها ع الباب .. افنان ويديها ترجف بخوف حطتهم ع صدره تحاول تبعده عنهاا : بعد عني مو من حقك تقرب مني فياض وكعادته صامت بارد .. بخفه نزل لثامها بيده اليسار ويده اليمين تشد ع خصرها وتثبتها .. تأمل ملامحها بوضوح مسك يديها بيد وحده مانعها ترفع لثامهاا .. افنان وكلها ترجف خوف وكارهه قربه ونظراته المتفحصه تدور ع ملامحها .. حست بحراره تسري بعروقها خجل اول مره احد يقرب منها هالشكل ويتأملها بعمق .. تحس وجهها احمر والجو حار بيان تدق ع الباب : افنان انتِ هناا ؟؟ فياض قرب وجهه وهي ع طول لفت عنه يسار متقرفه وخايفه .. همس باذنها ببطىء : طلاق انسي وزواجي منك عشان احمي سعد وعياله من الفضيحه غصبن عنك "غمض عيونه وهو يستنشق ريحه عطرها لامس بخشمه اذنها واسفل فكها وهي تحاول تدفه بكتفهاا همست بكره والدموع لمعت بعيونها : وخر عني انا اتقرف منك فياض ماهمه مستمتع باللحظه افنان عشقه بين يدينه : انتِ جبتيني لك اييه وبعد مربيه لولدي افنان شهقت ببكا خلاص تحس انها بتنهار مافي امل هالرجال مو تاركها بحالها .. مكتوب عليها تعيش بذل وتداري سوايا امهاا .. فياض بعد عنها وحضن وجهها بين يدينه ودخل اصابعه من تحت النظاره يمسح دموعها وقلبه يتألم عليهاا .. افنان دفت يدينه بكره وصوتها زادت بحته من البكا : وخر عني فياض رجع ع ورا .. وهي فتحت الباب وطلعت تشوف الطريق .. لف للجدار تأمله لحظات حاس بألمهاا وبيعوضها ان شاءالله .. عمره بحياته ماتخيل ان في امهات يكسرون عيالهم بهالشكل مايقول الا حسبي الله ونعم الوكيل * وقفت اعلا الدرج شافت بيان جالسه بالصاله وتطقطق بجوالها .. مسحت دموعها : بيان بيان اللي كانت بترسل ع افنان تجي البيت تتصالح معها ثم تروح بيت عمتها .. لفت بسرعه وبشوق : يـاهــلااا وقفت بسرعه بتروح لها ناظرتها تستوعب وجهها الاحمر واضح باكيه .. افنان اشرت لها توقف لاتطلع الدرج : تكفين روحي المطبخ ولاتطلعين لين اقولك بيان بخوف : ايش فيك شصاير ؟؟ افنان تنهدت بتعب : والله اقولك كل شي بس بسرعه ادخلي المطبخ الله يخليك بيان ناظرتها بعناد : لا مانيب رايحه مكان فهميني ايش فيك ليه تبكين ماتبين تشوفيني لمتى يعني هذي حياتي افنان تقاطعهاا بنفاذ صبر : فياض بغرفتي وبيطلع بسرعه روحي بيان شهقت مو مستوعبه .. افنان نزلت بسرعه وسحبتها مع يدها للمطبخ .. بيان تحاول تسحب يدها وماتمشي معها : في غرفتك ايش يسوي مجنونه انتِ سوا لك شي افنان دخلتها المطبخ .. بيان تمسك الباب ماتبيها تقفله : هااي فهميني غبيه انتِ افناااان افنان دفتها وقفلت عليها الباب .. وطلعت فوق تجري واطرافها ترجف خلاص تحس ان مافيها توقف اكثر .. فتحت باب غرفتها شافته واقف عند الجدار وبيده الفرشه صدت عنه وبدون نفس اشرت بيدها ع الباب .. فياض نزل الفرشه ع الطاوله وطلع بصمته المعتاد ... افنان خطفت نظره للبقعه البيضا بوسط الجدار ومرسوم فيس مبتسم وتوقيعه .. حركت فمها باستهزاء هه .. وطلعت وراه .. تناظر ظهره وهو ينزل قدامها ع الدرج وفكره مجنونه طرت ببالها تدفه وتتخلص منه .. تنهدت وصدت تتعوذ من ابليس .. ووقفت اسفل الدرج .. وهو اتجه للباب وطلع بدون مايلف يناظرهاا راحت للمطبخ فتحت الباب تفاجأت من بيان تتقدم منها بعصبيه وتضربها كف وتشد بلوزتها من عند صدرها وتصارخ : تكلمي الحين الحين شصار ووالله لو تكذبين علي ياويلك انتِ غبيه صاحيه شلون تدخلينه غرفتك افنان بكت وسحبت نفسها منها وجلست ع الارض .. وغطت وجهها بيديها وتبكي بصوت عالي تعبت والله تعبت بيان زاد خوفها جلست قبالها مسكت كتوفها تهزها وصوتها يرجف بخوف : واللي يسلمك افنان تكلمي قولي ان ماصار شي اماااانه افنان تشهق ببكا : ماصار شي ولا يبي يطلقني الحيوان هددني من اول اذا ماقبلت اتزوجه يعلم سلطان بكل شي انا اكرهه ماابيه بيان تنفست براحه حضنت وجه افنان بين يديها : اهدي ياقلبي وفهميني بهدوء ايش دخله غرفتك * * وبعد اسبوع.. دخل الاستراحه له زمان عنها اليوم لزم عليه واحد من الشباب يجي .. رفع يده : ســلام الكل رد السلام ورحب به .. ماجد رفع حاجبه بااستغراب : اللــه حمد تنازل وزايرنا الليله مشاري ضرب ماجد ع كتفه ويضحك : مادريت صاحب مطاوعه هههههههههههههههه حمد جلس وبطفش : خويكم اللي خبركم ماتغير شي عبيد نادى ع العامل : هات ارقيله للأبضاااي حمد ضحك : هههههههههه لا لاتجيب شي ماجد : هااه ماعرفتك حمد : والله لي فتره عنها ماابي ارجع لها فكني الله منهاا ماجد لف ع مشاري : هه ذا اللي يقول ع خبرناا مشاري مشغول بجواله يرسل لفاديه يهدد "لمتى وانا انتظر خبر طلاقهم هااااه" ماجد طل معه بالجوال وضربه ع راسه وهمس مايسمعه العيال : هاا يالدب ماقلت انك بتتركها وتسمع كلامي ابي اضبط وضعي معهاا اني ساعدتهاا مشاري تافف : والله عاد شسوي قلي ابي بنتها شلون اوصلهاا ماجد بلا مبالاه : عادي شبكها حتى وهي مخطوبه شعليك من خطيبها مشاري : تبي الصدق البنت من سواتها مع امها صعبه ومالها بهالطريق انا ودي اخطبها واستانس معها وثم اسحب ماجد : خبل انت تبي تورط نفسك مع اهلهاا مشاري تنهد : شسوي طيب دخلت مزاجي بقوه شخصيتها صارمه قويه واوووه ياعليها صوت يذوب الصخر ماجد ضحك : هههههه اييه انصب علي متى سمعت صوتها بلا كذب مشاري : لما كنت اكلم امها وتدخل هي وامها تنزل الجوال واسمعه ماتدري اني ع الخط اخخخ ياويل حالي نفسي فيها والله ماجد يناظر العيال يلعبون بالوت : حالك صعب والله المهم دبر نفسك وخل امها بحالها ودبر لك خطه ثانيه وانا معك مشاري ضرب ع كتفه : يخليك لي اي والله * * جالس قبال بيتهم يناظر عيال جماعته الصغار يلعبون بالحاره .. نزل عيونه لما شاف بنات عمته يطلعون من بيتهم ويروحون لبيت فياض اللي قريب منهم .. هه البنات كل يوم متجمعات عندهم يجهزون لعرس فياض .. تنهد وهو متى يتزوج .. ناظر بيت فياض الباب انفتح فتحه بسيطه ودخلو بنات عمته .. يمكن هي ورا الباب ماتفصل بينهم الا كم خطوه .. ماله وجه يخطبها وفياض للحين زعلان عليه هه اصلا يمكن يرفضه مايدري وين كان عقله لما رما اللوم ع فياض .. محمد كان متهاوش مع شله ومهددينه بالقتل ولما صار الجد كلم خوله تكلم فياض لانه هو الوحيد من عيال عمه موجود بالنور ذاك اليوم بس ماوضح لها وضعه .. فياض طنشه .. وصار اللي صار اشتبك مع الشله وانقتل .. وخوله ترمي اللوم ع فياض وماوضحت لنا وضعه وتعبه ذاك اليوم تنهد ووقف خلاص تعب من كثر التفكير ولوم نفسه .. راح للعيال اللي يلعبون كوره يطقطق معهم شوي ويشوف نفسه عليهم بحركاته .. وقف سيارته عند البيت واستند ع الدركسون يناظر منصور يسوي حركات بالكوره والبزارين مبسوطين ويصفقون له باعجاب كبير ابتسم غصب .. فتح باب السياره ونزل .. قفل الباب ورفع ثوبه وربطه بوسطه وهو يمشي لهم البزارين لما شافوه يصفقون والايام تنعاد منصور وفياض يستعرضون حركاتهم بالكوره قدامهم ويعلموهم ومرات يتنافسون .. منصور لف لما سمع البزارين يرددون اسمه .. فياااض .. ايواا فيــاض .. فياض وقف يناظر منصور وبدون مايتكلم اشر له يرمي عليه الكوره .. منصور رمى عليه الكوره ولف يمنع ضحكه السعاده مايبي فياض يعرف شكثر هو مصدوم وسعيد بجيته ويشوف نفسه عليه زياده .. انقسمو البزارين اللي يشجع فياض واللي يشجع منصور فياض يحرك الكوره بمهاره بين رجوله ويرفعها ع صدره والبزارين يصفقون بااعجاب .. لف ع منصور ورمى عليه الكوره منصور ثبت رجله فوق الكوره وناظر فياض بتحدي وفهم عليه خذها مني اذا تقدر .. تقدم فياض وحاول يقطع الكوره ومنصور يلف عنه بمهاره .. والبزارين يصارخون بااسمائهم بحمااس .. عهود طلعت درج السطح بسرعه ووراها بشاير وهند لما سمعو صوت البزارين .. بيشوفون شصاير مو معقول فياض ومنصور رجعو لعادتهم القديمه .. عهود وقفت فوق الطوبه ورفعت راسها بشويش عشان محد يشوفها وشهقت : الا والله يلعبون مع بعض هند حشرت نفسها معها ع الطوبه وتناظر بسعاده حست انها بتبكي : الله ياحلاتهم مع بعض بشاير حاولت تحشر نفسها معهاا : وخروو لي بشوف خلاص عهوده انزلي انتِ عهود نزلت وهي تتبسم بسعاده اييه كذا لمتى مقاطعين بعض .. بشاير طلعت تناظر فياض قطع الكوره من منصور : عااش عااش خيوو هند ضربتها ع كتفهاا : اووش وطي حسك لايسمعونك وينتبهون لناا بشاير بسعاده : اي والله ياحلاتهم مع بعض هند تناظرها تحاول تفهم اذا هي حاسه بمشاعر منصور لها وتبادله او لاا .. عهود نزلت تحت تبشر البنات باللي شافوه .. بشاير ضربت يدها ع الجدار بقهر لما منصور قطع الكوره : اووف قهر هند : واضح ان فياض له زمان عن الكوره احس لعبه تغير بشاير تلوي فمها بكره : ايه بس همه هالعرس يجهز له هند : اييه لازم نجهز احسن تجهيز شفتي كيف فشخره امها بالملكه بشاير : مالت عليها هي وامهاا هند لفت عليها باستغراب : انتِ ليه ماتبينها يعني ايش شفتي عليهاا للامانه مزيونه تهبل بشاير نزلت من ع الطوبه وصرخت عليها : وين الزين بالله وينه هند نزل وببرود : والله كلها ع بعضها تجنن حتى خواتها اللي من امها وامها اصلا مزيونه بس خواتها الثانيات عاديات صراحه بشاير شدت ع اسنانها بقهر ولفت عنها ونزلت تتحلطم .. والله ماتتهنين بااخوي يافنانوه وانا قاعده لك صدقيني .. * * غسلت وجهها بتعب .. سندت يديها ع الرخام ورفعت وجهها تناظر المرايه واضح التعب بوجهها .. من الصباح جات لبيت ابو طلال وهو راح المستشفى يفك الجبس ويقولون رجع ولا شافته .. وهالحين تجمعو الناس ابوه مسوي عشا صدقه .. وكأنها ناقصه هالالم ببطنها حسته من بعد مااشربت الحليب لزمت عليها زوجه ابو طلال .. ابد ماعجبها حالي وخفيف وتغصبت عليه عشان ماتبي تحرج الحرمه وهه هذي اخرتها بطنها تمغصها ااه يالله .. وداد تدق باب الحمام : بيان انتِ بخير بيان لفت ع الباب وحاولت تبين صوتها عادي : ايه وداد : معليش خفت عشان تأخرتي بيان تلف شعرها ورا اذنها : بخير تطمني فتحت شنطتها وحطت البيبي كريم ع وجهها وزادت لمسات خفيفه ناعمه مثلها عشان تطلع وتسلم ع الحريم .. والقهر بداخلها من طلال ساحب عليهاا وهي احق منهم كلهم مفروض اول وحده تشوفه واقف ع رجوله .. بعد يوم العيد توقعت يتغير ويعاملها مثل اول بس ابد رجعت من عنداهلها وقابلها بنفس الكشره والهواش ليه ماجلستي عند اهلك ليه رجعتي .. ااه عضت شفتها بألم لما رجع المغص شدت ع بطنها يالله اخاف يأثر ع النونو لاا مو معقول مغص عادي شدخل اوووف .. * دخل سلم ع عماته وتحمدو له بالسلامه .. عمته سلطانه : الا وين زوجتك ماشفناها "لوت فمها" هذا وهم يقولون انها موجوده طلال لف ع اخته اماني وحتى هو فاقدها متوقع تجي تشوفه وهو من اليوم مادخل البيت طول الوقت بالمجلس عند الرجال .. اماني هزت كتوفها : مدري والله توي جيت اناا طلال جلس ع اقرب كنبه مافيه يوقف اكثر : روحي شوفيها وينها وزع نظراته بالصاله مايدري ليش متوتر من الصباح مايدري عنها لاتكون راحت لااهلها مو انا خلاص فكيت الجبس وقادر امشي ماني بحاجتهاا .. يناظر البزارين يلعبون يحاول يشغل تفكيره بتأملهم .. وداد وقفت وراه : ايوه طلال شسمه بيان في الحمام طلال تنفس براحه .. بس حس ان في شي غلط من ملامح وداد المرتبكه : ايش فيك وداد تفرك اصابعهاا : والله بيان من اليوم فالحمام ودقيت سألتها بخير قالت ايه بس والله طولت طلال وقف بسرعه وشد ع اسنانه لما حس بوخز بسيط لازم ينتبه لتحركاته : وينها اي حمام وداد مشت قبله : اللي عند غرف النوم طلال حاول يسرع بخطواته ويهدي من نفسه عادي مو لازم تقلق دامها ردت ع وداد اكيد انها بخير .. وقف ورا باب الحمام ودق بسرعه ورا بعض : بيان بيان انتِ بخير بيان جالسه ع الارض تبكي بألم من المغص اللي مو راضي يروح .. سمعت صوته وقفت بسرعه تقاوم المهاا وتمسح دموعها ع السريع ياربي يالاحراج ايش جابه الحين : ايه ايه بخير طلال تنرفز وحاس البكا بصوتها : افتحي الباب بيان تغسل وجهها وتنشفه : دقيقه بس طلال يشد ع اسنانه ويقاطعهاا : افتحي بسرعه وداد توقف وراه وحاضنه يديها بخوف .. بيان خافت وبسرعه فتحت الباب .. طلال دخل وعيونه تتفحصها بخوف وجهها احمر واضح باكيه وعاضه ع شفتها وحواجبها معقوده : ايش فيك احد مضايقك بيان والمغص يزيد تهز راسها : لااا طلال وصوته عالي يداري خوفه : تكلمي شصاير لاتنرفزيني بياان بيان لفت وجهها يسار وبكت تعبت مافيها يصارخ ويفضحها عند عماته يكفي خالاته .. مسحت خشمها وفمها بكف يدها ويدها الثانيه ع بطنها : بطني تمغصني وداد رحمتها يعني حتى وطلال خايف عليها يصارخ مره يقهر مايقدر ان البيت مليان ناس .. طلال شد قبضه يده وهو يتصدد عن دموعها : تمغصك حيل كم صار لك بيان لفت للمغسله فتحت المويه وغسلت وجهها مقهوره من نفسها ليش تبكي لمتى وهي ضعيفه .. طلال قرب منها بتردد وقف وراها يناظرها بالمرايه تغسل وجهها اكثر من مره وتشهق .. لف يديه حولها وبسط كفوفه ع بطنهاا شهقت وحاولت تبعد بس ثبتها مكانها وسند ذقنه ع كتفها ويناظرها بالمرايه وبهدوء : من متى تألمك وداد قفلت الباب بهدوء ووجهها احمر ايش ذا ياطلال ماعرفتك.. بيان بعدت شعرها عن وجهها وبيدها الثانيه تحاول تبعد يدينه : تقريباً ساعه خلاص خف وبيروح وخر بطلع طلال يناظر وجهها المحمر بعد البكا زادها فتنه : مستوعبه اني حاضنك وانا واقف بيان سحبت نفسها من بينه وبين المغسله .. وبتعب وبتتهرب خايفه يقولها هالمره جد روحي لااهلك : ايه الحمدلله ع السلامه استند ع المغسله يناظرها تفتح الباب وتطلع صدمته ماتوقع ردها بهالبرود .. معقوله خلاص ناويه تروح واللي عليها سوته الحين مااهمهاا .. * * قبل العرس بيوم... × طلع من الشقه وهو راضي عن كل شي هز راسه بهدوء وبنفسه بيتم زواجنا ياافنان بيتم .. دخل يده بجيبه طلع جواله اللي يدق ناظر الرقم .. فتح الخط وهو ينزل الدرج سمع صوت حرمه ناعم ذكره بصوت افنان بس يحسه انضج : السلام عليكم فياض بهدوء : وعليكم السلام مين ؟؟ الحرمه : ام ريان فياض طلع من العماره واتجه للسياره وملامحه انعفست بكره لهالانسانه ومستغرب اتصالها شعندهاا : هلا بك فاديه باارتباك : ماابي اطول عليك ادري ان عرسكم بكره بس تاكد اني طول الفتره اللي راحت حاولت اكنسل هالزواج بس مابيدي شي فياض وقف عند سيارته رفع حاجب : ليه ؟؟ فاديه اخذت نفس : انت لازم تكنسل هالزواج بنتي ماتستاهلك وانت تدري بعمايلهاا وفوق هذا عاقه فيني انا يأنبني ضميري ناحيتك احسني ظلمتك لما قلت لك تزوجهاا فياض لف ع نفسه يمسك اعصابه : وعادي عندك اتركها بهالوقت مايهمك الناس ايش تقول ماتبين استر ع بنتك فاديه تمسح ع جبينها باارتباك : مايهمني كلام الناس اهم شي اريح ضميري وانت رجال كفو وماتستاهلك بنتي فياض شد ع قبضه يده وبصوت بارد عكس النار اللي بداخله : يصير خير مع السلامه فاديه بااصرار : طلقها الليله انت ايش ذنبك تتزوج وحده عاقه بوالديهاا وبعدين يجونك عيال عاقين بسببهاا فياض رفع راسه وناظر السماا يالله يارحيم : مضطر اقفل سلام قفل بوجهها وفتح سيارته رمى جواله وشماغه وقفلها وراح يهرول بالشارع .. اصبر اصبر يافياض .. مايبي ينفجر ويتكلم ع امها وانه يعرف حقيقتها مايبي يخسر افنان اللي فهم انه اهون عليها يظنهاا هي كذا مو امهاا .. اصبر بس تكسب قلبها وتضمن انها ماتخليك تقولها والله ماتخليها بنفسك .. ايه اناني اناني انا بحبك ياافنان * * * افنان فتحت باب غرفه امها ببرود ووقفت وهي مكتفه يديها تناظر امها اللي تناظرها بتفاجأ وجوالها بيدهاا بعد ماسمعت مكالمتها: وبترتاحين لو تطلقت مو كنتي تبين تزوجيني وتفتكين مني ايش تبين الحين لين وين بتوصلين فاديه اخذت نفس : شوفي افنان انتِ لازم تتطلقين منه مايصير يتم الزواج وهو ماخذ فكره عنك كذا افنان ضحكت ببرود : اووه مرره اهمك اذا عشت تعيسه فاديه تحاول تقنعهاا قربت منهاا : اكيد يهمني بس تطلقي منه وبزوجك واحد ميت عليك يبيك صدقيني بيعيشك ملكه طيعيني لمره وحده افنان تسايرهاا : ومن هو ذا فاديه مو منتبهه لنظراتها المستحقره من سعادتها بتجاوبها معهاا ومثل ماقالها مشاري وحاول يقنعهاا انه هو بينتقم من فياض وافنان في من يتمناهاا ويسعدها وفياض ماعليه حسافه : صديق مشاري منجن عليك ويبيك اخته معك بالجامعه وصفتك له مرره متجنن عندك افنان تشد قبضه يدهااا : تكلمينه حتى بعد ماضربك خالي فاديه تلف شعرها ورا اذنها بااحراج : لا بس هو ارسلي عشان صديقه يبيك تتطلقي ويتزوجك افنان قاطعتها بصراخ وهي ترمي كل شي ع التسريحه : والله مااخذه لو تنطبق السما ع الارض ولفت ع امها اللي رجعت ع ورا متفاجاه ناظرتها والكره بعيونهاا وتطلع كل الكبت اللي بداخلهاا وهي تصارخ وماهمها لا ريمان ولا ريان بالطقاق بالكل : اول كنت ادعي الله يهديك هالحين ادعي الله ياخذك ونرتاح منك يارب اسمع مني اكررهك اكرررهك حسبي الله عليك ع كل هم وحزن سببتيه لناا كسرتيني هدمتي حياتي قبل تبتدي اي ام انتي اي ام حرااام اللي مثلك يخلفون ويعذبون عيالهم اكرهك ماابي اشووفك ولاتقربين مني الله ينتقم منك فاديه جلست ع السرير تبكي : خلاص اسكتي افنان بقساوه : بطلع من هالبيت بكره ولاابي اسمع صوتك عمري بحياتي مارح اسامحك مستحيل ولا مت لاتحضرين عزاي وطلعت وصفقت الباب بعصبيه وطلعت ع غرفتهاا دخلت وصفقت الباب اقوى .. × نهايه البارت الثالث عشر.. Like