رواية مابعــد الخــذلان - الفصل 6 - بقلم Cluod24 - مكتملة | روايتك

((البارت السادس)) × في كافتريا الجامعه .. افنان جالسه لحالها تخربش بكتابها تاففت بداخلها وين طسيت يالعنابي والله فقدتك والله شكلك هجيت من الخبال اللي اكتبه اووف استغفرالله .. رفعت عيونها وهي تحس ان في احد يناظرها شافت شله بشاير كل شوي وحده تلف تناظرها واضح ان بشاير تقولهم شي عنهاا .. والاكيد ان خطيبها طلع ارهابي وكان بيقتل اخوي .. رفعت جوالها واتصلت ع بيان مطنشتهم : الوو وينك بيان : جايه اطلبي لي فطور ميته من الجوع افنان : طيب خفي رجلك قرفت لحالي طلبت الفطور وماتاخرت بيان الحمدلله .. بيان تفتح العصير وتبعد شعرها ورا : لازم اقيس وزني متاكده انو زايد تخيلي افطر بالبيت ومن اول محاضره اجوع وطبعا النقانق بشنطتي لابد منها افنان ضحكت : طيب شوي شوي لاتشرقي نوال ميلت راسها ع كتف بشاير : يهبلوون شوفي فنو ضحكتها تجنن الغبيه ماتضحك الا لاختهاا بشاير : اييه مره كشره من الغرور مدري ع ايش نوال : هذي لو تزوجها اخوك قسم بيقابلها 24 ساعه ولاتشوفون خشته بشاير بغيره : ماهو متزوجها ارتاحي بيان : اييه وكيف امي حلمت البارح فيها حلم اعوذبالله منه افنان تعدل نظارتها : ياربي لك الحمد نهائي ماتجلس ع جوالها صح ان بعدها مهمله البيت وريان وريمو بس الاهم انها بطلت هالقرف الحمدلله بيان رفعت راسها متنحه في البنت اللي وقفت ورا افنان ونزلت براسها وباست خدها افنان مسحت خدها بقرف ووقف تلف تشوف من هالوقحه صرخت : هي خييييررر البنت تناظرها وتضحك بدلع : عادي تحدي حبي افنان ووجهها حمر من العصبيه والقرف وصوتها عالي والكل ساكت يتفرج : تحدي قله ادب ومسخره اقسم بجلال الله اذا ماانقلعتي عن وجهي لاوصلها للاداره قذااااره واللهِ البنت تحركت بسرعه وهي ترجف بدلع ونعومه حضنتها صديقتها : مارح تحبك ماتفهمين حبيبتها قدامها ماهي مناظرتك افنان حست طبلون العصبيه فل من سمعت كلامها وقصدها ع بيان .. لفت ع بيان سحبتها معها وطلعت سيده ع شؤون الطالبات والله ماتسكت .. لمتى وهم يحسبونها مسترجله ايش هالتفكير المقرف يعني اي وحده شعرها قصير وماتحط ميكب قالو بويه ع كيفهم هم .. * * ماصدقت لقت فرصه وتطلع من البيت .. دخلت بيت صديقتها موضى المطلقه وتدري بعلاقتها مع اخوهاا .. عدلت نقابها وناظرت عيونها بجوالهاا .. متوتره حدها مكالمه وشوفه من بعيد .. قالت لها موضي ان مشاري يبي يجلس معها 5 دقايق ضروري مالقت نفسها الا تقول عادي .. اشتاقت له حيل .. عدلت جلستها لما سمعت صوت ضحك موضي قريب .. وحست قلبها يدق بقوه لما سمعت صوته : اقول بس توكلي اخذت نفس تهدي حالها وناظرته بتوتر يدخل بهيبته ويقفل الباب وراه مشاري باابتسامه : سلام تو مانور البيت فاديه تفرك اصابعها بتوتر : وعليكم السلام منور بااهله تسلم مشاري واقف بمكانه : اجلس قريب ولا بعيد فاديه ضحكت باارتباك : اللي يريحك مشاري تقدم بثقه وجلس ع نفس الكنبه وبينهم مسافه ماهي كبيره ،، لف عليها وبهمس : اشتقت لك يسامح بناتك ع ماسووه فيناا فاديه وتجرأت تلف ع يمينها وتناظره : امين يارب مشاري مد لها الكيس اللي معه : هذا جوال وشريحه بااسمي عاد هالله هالله لاتخلينهم يحسون عليناا فاديه ابتسمت : ماعليك لاتخاف مشاري يتامل عيونهاا وهمس : ماودك تكشفين عن الوجه الصبوح فاديه مسكت نقابها بتوتر : لا مااقدر اخاف مشاري تقرب شوي منها وبهدوء : تخافين مني اناا ميشوو حبيبك فاديه لصقت في حافه الكنبه : مو كذا بس ماني مستعده امم مشاري يقرب وعيونه تناظرها بيذوبهاا : وشوو اممم بس شوفه لاتخافين فاديه شهقت لما نزل نقابهاا تنحت فيه عيونه تناظر وجهها بتفحص .. وقفت ورفعت نقابها باارتباك : انا لازم اروح مشاري وقف ومسك يدهاا : تضايقتي مني فاديه بتوتر وهي تحس بيده تتحسس يدهاا: لا والله مشاري قرب منها اكثر : طيب اجلسي شوي فاديه سحبت يدها وبعدت عنه خايفه يتهور وهي حاسه فيه .. بس مستحيل تسمح له .. ولا ترضى بهالشي يصير تحركت بسرعه : مااقدر يلا سلام * * شافت عمتها رايحه لغرفتها : يمه تبين تنامين العنود : مافي راسي نوم بس بعدل ظهري ع السرير بيان نطت الدرج بسرعه : زين بجي عندك العنود دخلت الغرفه : والله طلال طول عند ابوه مدري ايش صار احس قلبي قارصني بيان : ماعليك طلال عاقل ومايحب يغلط ع احد فمابالك باابوه العنود انسدحت ع سريرهاا وتنهدت : الله يستر بيان تغطي عمتها باللحاف وتلف ع يمينها وتنسدح جنبهاا .. العنود تمسح ع شعر بيان : حافظي ع طلال بيظل طفل مهما كبر حني عليه اسأليه عن احواله كل شوي حاولي تفهمينه وتدورين راحته ترا والله انه طيب وحنين ويموت فيك اهم شي لاتعاندينه بيان بصدق : طلال بعيوني يمه والله اني احبه حيل ولاارضى اشوفه متضايق وزعلان العنود : الله يحفظكم لبعض ويرزقكم الذريه الصالحه بيان لفت يدها تحضنها : ويحفظك لنا وتشوفين عيال عيالناا العنود ضحكت : ويين عز الله هرمناا طلال وقف ع الباب والابتسامه ع وجهه : هالحين ليش تسرقين مكاني وخري اشووف بيان تمسكت بعمتها وبدلع فطري : هأ هذا مكاني العنود ارتاحت لاابتسامته : تعال يمه هني يساري وقلي ايش سويت طلال لف ع يسار امه وانسدح جنبها وقرص يد بيان ومد يده مكانها : ابد والله سولفت معه شوي وتعشينا وجيت العنود : انت كيف تحس نفسك طيب طلال يناظر بيان اللي تناظره بنعومه : عادي زين هذا ابوي مهما كان بيان ابتسمت له ولفت ع عمتها : شفتي يمه قلت لك طلولي عاقل صرخت لما قرص خدها مسحت ع خدها متالمه العنود ضربت يده وهو يضحك : بسك عاد كسرت البنت خلك ناعم شوي طلال يضحك ع نظراتها الحاقده لف ع امه : محد قالها تناظرني كذا وتمدح فيني بيان مقهوره : مدحتك ماسبيتك اووف طلال رفع راسه وناظرها : تسكتين ولا اكلك بيان صدت عنه منحرجه من نظراته .. طلال : يمه قولي لنا من سوالف زمان اللي تقصيها علينا وحنا صغار * * طلعت من بيتهم بطفش تدور ع شله الانس من في غيرهم تطقطق عليهم ويطقطقون عليهاا .. شافت مجلس الرجال كالعاده النعال مليانه عند الباب .. الجيران والجماعه يتجموع بمجلسهم الشيبان سوالف والشباب لعب بلوت .. تسمع اصواتهم الى هناا عدت بسرعه هالمسافه الواضحه للمجلس اللي يطلع يشوفها .. شدت شالها عليها بقوه اليوم الجو بارد بزياده متى ينتهي هالبرد ونرتاح .. دخلت بيت عمتها الهادي بهالليل دورت البنات بغرفه البندري مالقتهم اكيد ببيت عمتها بدور وين يروحون مني .. طلعت وهي رايحه لبيت عمتها بدور سمعت ضحكه شذى لفت لمصدر الصوت ورا بيت عمتها مريم .. تحركت بسرعه بااتجاههم وهي تفكر هالمجانين ايش مجلسهم في الحوش بهالبرد .. وقفت اول مالفت ورا البيت شافت الخيمه اللي بزاويه الحوش شهقت بقهر : ببيتنا خيمه ومحد قالي افنان رفعت باب الخيمه بقهر : ياسلااااام من متى هالخيمه وانا مدري البنات اللي انصدمو من وجودها اخذو نفس براحه انها افنان كانو خايفين لايكون سلطان لانها خيمته .. افنان تناظر النار بالمنقد وانواع الاكل وترمس حليب : وربي خونه كل هالاجواء الحلوه ولا حد يقولي ريمان : قفلي الباب وانثبري كيف عرفتي مكاننا افنان قفلت الباب وجلست بقهر : ردو علي اول من متى شذى ترفع حواجبها : من اول الشتا سرقنا الخيمه وبنيناهاا نهى تضربها بكوعهاا : ماسرقنا افنان : سمعت لاتحاولين خيمه من ؟؟ البندري برجا : تكفين فنو لاتقولين لسلطان اصلا هو راميها ولا داري عنهاا افنان : ي اكون شيخه هالمكان ولا كل البيت يدرون عن هالمكان السري ريمان : هه خذلك بدت تذلل انسه منشن افنان بغرور : الشيخه افنان من اليوم وطالع شذى تقوم وترتب مكانها بخوف : اجلسي هناا افنان بروقان داخلي تاشر بيدها ع نهى : جوهر صب لي حليب وانت"اشرت ع ريمان" شغل ذي السماعه شي يطرب وانت"شذى" غطيني بذا الفروه المسروقه من محمد ع مااظن وانت "البندري" قوم ارقص لنا البنات قامو ينفذو اوامرها بكل رحابه صدر وماخذين الامر لعب ووناسه .. ماصدقو افنان رجعت مثل قبل مايخطبها العله عناد .. * *صباح يوم الاثنيــن.. دخلت غرفه النوم وهي تسمع صوت جوال طلال .. ناظرت باب الحمام مقفل وتسمع صوت المويا .. قربت من الجوال بفضول شافت رقم وشي بنفسها خلاها تفتح الخط وهي ساكته عبير بغنج : صباح الخير دكتور بيان بهتت ملامحهاا وناظرت طلال اللي طلع وهو ينشف شعره بالمنشفه همست : مين انتِ ؟؟ عبير ابتسمت بخباثه زوجه جتها ع طبق من ذهب وضحكت بدلع : امممم زميلته بالدوام بس طلال قرب منها لما استوعب ان اللي معها جواله وشكلها اللي مايطمن بخير : مين تكلمين ؟؟ بيان قفلت الخط بوجهها ورمت الجوال ع صدره وصرخت بقهر : ليش معها رقم جوالك تكذب علي ذاك اليوم وانا الغبيه صدقتك طلال يده ع صدره مكان ماضرب الجوال وطاح ع الارض يألمه : ايش تقولين انتِ بيان بسرعه لفت عنه وطلعت وتكلم بسرعه وصوت عالي : والله مااسكت وانا اعرف من يعيد تربيتك يالصايع طلال تحرك بسرعه وراها وبدا يعصب من كلامها .. شدها مع ذراعها اسفل الدرج ولفها عليه : لما اكلمك ماتعطيني ظهرك بيان والدموع بعيونها : اتركني مو طايقتك طلال يشد ع يدهاا : تكلمي شصاير العنود طلعت من المطبخ وناظرتهم بخوف : يالله صباح خير ايش فيكم بيان ناظرت عمتها وهي تبكي : ولدك يخونني وداقها صحبه وسوالف مع البنات بالمستشفى طلال صرخ عليها : اقطعي والله ماسويهاا العنود ناظرت طلال بخيبه .. بيان تشهق ببكا وسحبت ذراعها منه وراحت لعمتها : والله قبل شوي وحده تتصل ع جواله تصبح عليه وهذي مو اول مره المره اللي فاتت يكلم مدري من في الليل طلال في هاللحظه ماهمه الا امه مايبي يشوف هالنظره منها وقف قبالها وبرجا : اقسم بالله مالي علاقه في احد يمه انا تربيتك بيان تتمسك بعمتها : نصاب لاتصدقينه طلال يقاطعها بصراخ وقهر : انتِ ولا كلمه روحي عن وجهي احسن لك العنود تجمعت الدموع بعيونها مصدومه من ولدهاا ماتبي تصدق بس قهر بيان وبكاها وعصبيته تثبت لهاا بيان تمسح دموعها : اصلا ماابيك بروح لااهلي طلال معصب ودموع امه هزته لف عليها : طسي في ستين داهيه العنود تنهدت : طلال اطلع عن وجهي هالساعه طلال يتمسك بيدين امه : يمه والله تكذب هالغبيه ماتفهم شي بيان ناظرته بقهر وطلعت تجري لفوق وهي تبكي ... العنود سحبت يديها منه وصدت عنه وجلست ع كنبه : قلت لك روح عن وجهي طلال جلس ع الارض وسند راسه ع ركب امه : ماابي اروح يمه تكفين صدقيني انا ولدك والله اني عاف نفسي وصاينهاا العنود بكت : الا اللعب باعراض الناس خاف ربك عندك اخوات طلال رفع راسه بسرعه وجلس جنب امه ومسح دموعها وسند راسها لصدره : والله ماسويت شي بيان فاهمه غلط والله انا ماادري من اتصل علي يمه البنات وراي بالمستشفى وانا اصد عنهم واتحاشاهم مثل ماربيتيني اقسم بالله مالي علاقه بااحد العنود رفعت راسها وناظرته بخوف ومسحت ع خده : صدقتك ياروحي انت ولدي الغالي اخاف عليك والله اخاف طلال يبوس يديها وراسهاا : انا ايش ابي من هالدنيا غير رضاك ياجنتي العنود : الله يرضى عليك دنيا واخره انتبه ع نفسك وهالمسيكينه فهمها بشويش لاتصارخ تراها والله تعزك وتغار عليك طلال مو طايق يشوفهاا : يمه انا تعبت منها كل شوي زعلانه وبس تبكي تبكي خلاص طقت كبدي العنود تمسح ع يده : ماعليه تحملها انت شايف طبعها دلوعه وقليبها رهيف طلال وقف وباس راس امه : يصير خير ان شاءالله انا بروح الدوام تاخرت طلع فوق بسرعه بيتجهز وهو يستغفر ويتعوذ من الشيطان .. شافها نازله من الدرج بعبايتها صد عنها وطلع مايهمه مين جايها خلها تروح لااهلها لين يطيح اللي براسها وترجع لحالها ولا هو مراضيها تعب والله تعب .. بيان ركبت السياره ورا مع سواقهم محمود يوصلها لبيتهم مو طايقه تروح الجامعه بهالنفسيه .. * * نزل من سيارته قفلها واتجه لباب البيت .. لف ورا لما سمع صوت حمودي يناديه حمودي واقف عند بيت جده : بااباا فياض ابتسم واشر له : تعالي يابووي تعال خوله اللي واقفه ورا الباب همست له : روح يله بسرعه حمودي راح لاابوه اللي استقبله بالاحضان .. فياض ونص جلسه ويمسح ع شعر حمودي : ليه واقف ع الباب كذا حمودي يقاطعه ببراءه يطلع ورقه من جيبته : حوود فياض يناظر الورقه بااستغراب اخذها منه فتحها " اسفه ولو اقولها من هنا لسنين قدام ماتكفي اسفه خذلتك رميت كل اللوم عليك وانا اللي مفروض اكون اكثر شخص فاهمك انا ماكنت حاسه ع نفسي لما استوعبت وصحيت من صدمتي فهمت واستوعبت ان مالك دخل فياض انا ندمانه انا ماابي منك الا ان تسامح وتعطيني فرصه قلبك طييب حيل محد يعرفه كثري فكر بولدنا عاجبك وضعه كذا عشان غلطه ماتسوى سامح وخلينا نبدا صفحه جديده وبعوضك اوعدك وعدد " فياض قفل الورقه وشي بنفسه يقوله لو ماعرف افنان كان ممكن رجع مو عشان خوله لاا عشان ولده لو ماعرف افنان كان ممكن يضحي ويدفن نفسه مع خوله اللي كانت حياته معها باهته ..ساده.. لانه ماعرف افنان ولا جرب الشعور اللي يحسه بس من طاريها كيف واذا كانت قباله .. كان ممكن يرجع لان الزعل مات خلاص مايهمه ولاهو شايل بخاطره ع خوله ماعادت تهمه لايحبها ولايكرهها بس نفسه لها حق مايقدر يحرم نفسه من اللي خاطره فيهاا .. طول حياته وهو يتحمل ع نفسه ويضحي لااجل فلان وعلان .. لمرة وحده بيكون اناني .. مايقدر يفرط بـ افنان وهو عزم أمره خلاص مارح يسمح لخوله تأنب ضميره وتلوي ذراعه بولده وتقوده للحياه الذابله .. قطع الورقه وفتح يدين حمودي : وديهم لماما يله شطور حمودي راح يجري لبيت جده بحمااس .. وفياض يناظره بألم سامحني ياولدي سامحني .. دخل بيتهم شاف عمته ومنى وعهود جالسات سوا .. سلم عليهم وجلس وبس يتحرك مو عارف كيف يبدا .. عهود ابتسمت حست ان عنده شي : شفيك فياض منت طبيعي فياض يحك رقبته وبهدوء : اا شسمه انا بخطب منى اللي كانت بتصب لها فنجان وقفت تناظره .. مزنه انبسطت : ابشر والله لنقي لك احلا بنات الديره منى : وخوله ؟؟ مزنه ضربتها ع ركبتها : اقطعي بس فكنا الله منهاا عهود ساكته تناظره تحس ان باقي شي ماقاله اخوها وتفهم عليه من وهم صغار مع بعض .. فياض بهدوء : ابي من بنات ولد خالتي سعد مزنه بفرحه : والله زين مااخترت بس بشاير تقول عنها فياض يقاطعها : انا كلمت عمي وقالي بس احدد اليوم ويروح معي نخطبهاا عهود تغمز : شعنده مستعجل شايفهاا منى تلف ع امها : اي وحده قصدكم فياض بسرعه : لا والله ماشفت احد عهود ضحكت وهي حاسته مو طبيعي مزنه : افنان اللي تبيها ولا عهود : اي هي اكبر وحده منى صدت بضيق مهما كانت خوله تظل بنت عمها وتتمنى لها الخير وتلتم عيلتها ومايتشتت حمودي .. فياض يمسح ع شاربه ويتلفت : ايه الظاهر اسمها افنان عهود تناظره وبرفعه حاجب : الظاهر ليه احد قايل لك عنها فياض ناظرها بقهر : انتِ اشبك شغاله تحقيق صفي النيه عهود ضحكت وهي تاشر له اصبر علي ،، بشاير اللي صاحيه نوم : سلام عهود بحماس : فياض بيخطب بشاير لفت ع فياض اللي صد عنها واخذ الفنجان من منى .. وبخوف : مين ؟؟ عهود : افنان بنت ولد خالته بشاير شهقت : نعــــم "قربت لفياض بقهر" بتتزوج هذي والله ماتناسبك ولاتناسب اي رجال هذي بويه مسترجله ولد منى شهقت : بويه عهود سكتت تناظر فياض اللي شاد ع قبضه يده كاتم غضبه.. بشاير مستمره بقهر : اصلاً مارح توافق عليك لان عندها حبيبه فياض وقف بهدوء عكس البركان اللي يغلي بداخله تعود يكتم غضبه مايعرف يصارخ ويهاوش زي الناس : رايك واحترمه بس كذب لاتكذبين علي بشاير صدت بتوتر : بنات عمي معي بالجامعه وعارفينها بويه شتبيهم يقولون عنك منى : اي والله فياض دامها كذا خلنا نختار لك فياض يقاطعها : الخميس هذا بروح لهم خاطب اللي تبي تجي حياها واللي ماتبي بكيفها ومشى بهدوء طالع من البيت قفل الباب وراه بهدوء .. اخذ نفس يحس نفسه تايه مو قادر يصدق بشاير لانه قرا كلامها اللي تكتبه مع نفسها ومستحيل الواحد يكذب ع نفسه .. راح لسيارته شغلها وحرك ماسك طريق المدينه .. طلع جواله من جيبه اووف عهود تتصل رد عليها عشان ماتحسب انه زعلان : هلا عهود عهود : وين رحت انادي عليك مشيت ماشفتني ؟ فياض : ماشفتك والله رايح المدينه مواعد سلطان عهود سكتت شوي وبتردد : عاجبتك البنت وين شفتها امانه فياض وعارف ان عهود مايخفى عليها شي اكثر انسانه تفهمه ومايقدر يخبي عنها شي : ماشفتهاا عهود بسرعه : اجل كيف عرفتها احسك متعلق فيها فياض تنهد وهو يناظر الطريق : مااعرفها يابنتي بس انا اعز سعد وسلطان وابي اناسبهم وانتهيناا عهود : اخخ منك انصب علي مصيرك تتكلم المهم خذها مني ماعليك من كلام بشاير انا شفت البنت طبيعيه يعني صح ان شعرها قصير ومو حاطه مكياج بس انا احسه عادي ياخي صوتها بس كتله انوثه كيف تقول عنها بويه بالله فياض روق ع كلامها هذي اخته تقول عن صوتها كذا مابالك هوو يحس انه لو بس يسمع صوتها يرتاح : ماعليك ماهمني كلامها عهود ضحكت : طيب ايش يخليك واثق فيها علمني فياض لاتصير نذل فياض : الا تخليني سويت شي انا ماسويته تبين اكذب عليك واثق في تربيه سعد والنعم فيه عهود ياست انه يقولها تعرفه كتوم ومايفتح فمه بحرف : طيب انا ترا بمشي معكم فياض : حياك الله يلا عاد لاتشغليني عن الخط عهود : زين لاتسرع سلام قفل منها ورمى جواله جنبه وسند ذراعه ع الشباك واصابعه تطقطق ع الدركسون .. خايف من اندفاع مشاعره .. خايف تنعمي عيونه .. وينصدم فيهاا .. خايف تخذله * * جالسه في الصاله تدرس ريان : يله حل ذي بسرعه ريان يناظر القسمه المطوله بطفش اخذ قلمه وبدا يحل وافنان تناظر وبيدها القلم تضربه ع يده كل مايحط رقم غلط .. ريمان : يمه بعد اسبوع حفل تخرجي لازم تحضري وخلك كاشخه ياسلااام امي كشيخه فاديه ضحكت : اذا بيسوونه صباح ماني جايه ريمان قاطعتها بسرعه : لا والله لازم تجي حتى افنان وبيان ابي اهلي معي وتجيبون هدايا هااه فاديه وقفت : يصير خير ريمان بقهر : يمممه اكلمك انا وين رايحه فاديه رايحه لغرفتها : بتجهز ماني فاضيه لك ريمان لفت ع افنان بقهر : عزايم صديقاتها الجحلط ماتقصر ع طول تروح اما انا لااا اووف افنان حاسه بريمان لازم تحاول في امها تروح يكفي هي ماحضرت حفل تخرجها زمان تتذكر كسرتها كل البنات امهاتهم موجودات الا هي وبدون عذر بس تبي تنام مالها خلق تروح المدرسه الصباح .. اخذت الورقه كتبت اكثر من مسأله لريان : حلهم لين اجيك راحت لغرفه امها وقبل تفتح الباب سمعت "حبيبي" ثبتت يدها بمكانها وهي مو مصدقه فاديه : ع الساعه 10 اكون بالمطعم مو تتاخر علي ... هههههه ياقلبي انت بعدت بسرعه عن الباب وطلعت تجري .. بيان اللي كانت منسدحه ع سريرها تبي تنام وماتفكر بطلال بس مو قادره .. ناظرت افنان اللي دخلت بسرعه وشكلها مايطمن بخير : ايش فيك افنان قفلت الباب وجلست قبالها : امي "سكتت تحس غصه بحلقها مصدومه" بيان جلست بخوف : شصاير تكلمي افنان بلعت عبرتها : امي تكذب علينا بعدها تكلم ذاك ال.. وطالعه الحين تقابله بيان شهقت : ايــــش !!!! افنان بغبينه : والله سمعتها تكلمه وتبي تقابله بمطعم الساعه 10 بيان غطت وجهها بكفوفها وبكت : يااارب رحمتك افنان ناظرت الساعه المعلقه ع الجدار باقي ربع ساعه .. لفت ع بيان : مو وقت بكا ي بيان خلينا نتصرف انا بروح وراها واكشفها متلبسه مع هالحقير لازم نعرفه بيان ناظرتها بخوف ودموعها تنزل : صاحيه انتِ كيف تروحين وراها افنان وقفت بسرعه تطلع عبايتها وبقهر : اييه صاحيه وبصورها وهي معه واعطيها خالي يتفاهم مع اخته بيان : اخاف افنان قاطعتها معصبه : خايفه خايفه دايما لمتى واحنا نخاف ونسكت وهي تمردت علينا تحسبنا غبيات حسبي الله ونعم الوكيل بيان مسحت دموعهاا : اي والله لمتى طيب كيف تروحين افنان فتحت جوالها تبحث : بطلب سواق يجيني اكيد انها بتمشي مع محمود بيان جلست جنبها : لحالك ؟؟ مايصير افنان : ايش علي اناا والله لامشي وراها لو ع رجولي انتِ بس تحركي صرفي ريمان وريان لايشوفوني لما اطلع بيان تنهدت بهم : حسبي الله ونعم الوكيل تستغفلنا ال استغفر الله بس * * وبمجلسه جالس وسوالف مع رجال جماعته .. محمد مد القهوه لاابوه : بروح معكم سعد اللي اتفق يطلع المقناص بكره : وين ماوراك مدرسه محمد : لا ختمنا المناهج وماعندي شي بكره ابو راشد : خله يروح معنا والله انه فقيده ابو غانم : اي والله بس خله يمشي معنا الدراسه هالايام مامنها فايده محمد مبسوط ع كلامهم مر عليهم بالقهوه وراح عند الشباب وهو مروق .. جلس يناظرهم يلعبون شاف ريان واقف ع الباب بسرعه وقف وطلع له : انت ايش جايبك ريان ببراءه : بيان قالت لي روح عند الرجال محمد بقرف يناظره : انقلع البس ثوب وتعال سلطان اللي كان يلعب انتبه له : ريان تعال محمد ناظره بقهر ماتشوف لبسه جنز اسود وبلوفر احمر وشعره الناعم كانه بنيه .. ريان تقدم لسلطان وهو مبسوط .. اشر له سلطان يجلس جنبه * * وعند بيت سعد وقف سيارته وهو يشوف سياره محمود السواق تطلع من البيت وعادي مااهتم .. بس وقفت يده قبل يفتح الباب وينزل لما شاف سياره توقف عند باب بيت فاديه الخارجي .. وتطلع هي يعرف زولها ونظاراتها .. تركب بسرعه وتحرك السياره حس دمه يغلي بغيره تركب مع غريب لحالها ايش جابرهاا لقى نفسه غصب عنه يحرك السياره ويمشي وراها ... * * شاده ع الجوال بيدها وثابته بجلستها تحس انها بتتشنج من التوتر والخوف .. اللي زايد توترها ان السواق سعودي وكاااشخ بس محترم ومايناظر ولاكلمها .. بس اول ماركبت قالت له خليك ورا هالسياره وقال طيب وبسس ارسلت لبيان "خايفه بيووون" بيان اللي جالسه بالصاله وبقمه توترها "ياقلبي انتِ اجلسي استغفري وحسبي الله عليها هذي خساره الواحد يقولها ام" افنان قفلت جوالها وهي تحس انها بتبكي .. حست السياره وقفت ناظرت بسرعه شافت سياره محمود قدامهم وامها تنزل وتدخل المطعم .. بسرعه حاسبته ونزلت .. ودخلت المطعم تتلفت تدور وين راحت امها ولاهي حاسه باللي دخل وراها .. لفت بسرعه لما شافت امها اعطتها ظهرها تنزل راسها وتلف رقبتها بشويش .. فاديه فتحت الستاره وتأشر بيدهاا .. افنان بسرعه لفت للجهه اللي تاشر عليها شافت واحد شباب كاااشخ ويتبسم لها .. بسرعه طلعت جوالها وصمتته وفتحت الكاميرا تصور فديوو الرجال معطيها ظهره رايح لامها اللي دخلت وسكرت الستاره .. قفلت الفديو وهي تناظر حولها المكان هادي تحركت بسرعه تسوي انها بتغسل لما شافت العامل يناظرها اخذت نفس تهدي اعصابها وجهزت جوالها ع الكاميرا ومشت بهدوء للستاره اللي هم وراها .. وهو واقف بعيد يناظر وبدا يفهم كل شي وكلامها اللي كاتبته بالدفتر عن امها اتفسر له الحين .. فتحت الستاره بسرعه ع كبرها وصورت بسرعه .. امها ع طول غطت وجهها بدون ماتنتبه للي فتحها ومشاري متنح في البنت تصور اكثر من صوره وتلف عليه وتصوره مشاري ضحك : سلامااات فاديه شهقت : افنان افنان دخلت جوالها بالشنطه واللي تبيه اخذته وبصرامه : قدامي ع السياره فاديه انتبهت لفياض اللي انصدمت من وجوده وبسرعه تحركت شدت افنان مع يدها وتصارخ : من هذا تكلمي "وضربتها كف من فوق النقاب" ي خساره تربيتي فيك * نهايه البارت السادس..