نـوح الـحـمـام - الفصل 1 - بقلم ضــوء الــقــمــر - مكتملة | روايتك

رواية نوح الحمام الفصل 1 - نمرمن وين جبت الختم هذا فاقدته من زمان قلبت الدنيا عليه ولا لقيته نمر\ماما لقيته بسيارة بابا واخذته ابي اعرف وش مكتوب ماعرفت هي\نموري هذا ختم امي الله يرحمها ماكانت تعرف توقع با القلم وهذا كان محل التوقيع بعدين الاسم با الختم مقلوب علشان كذا ماعرفت تقراه انت للحين سنه اولى لما تكبر شوي راح تتعلم كيف تقرا جدتك الله يغفر لها ماراحت للمدرسه مثلك والا كان صارت توقع ولا احتاجت ختم  الي يشد حيله با المدرسه يتعلم ويصير يوقع صح ويعرف وش مكتوب محد يضحك عليه  وربي يحب الي يسعون للعلم ويعلي درجاتهم با الدنيا والآخره نمر\ماما انا احب ربي لكن ما احب المدرسه ماما المدرسه تقهر هي\ها الولد وشلون افهمه وارغبه با المدرسه ياربي تعيني معاناه واحنا تونا با اول الطريق  نمر\ماما بقولك شي...؟  هي\يا الله قل اليوم الظاهر مافي غدا بس بنجلس لشيخ نمر ونجيب على تساؤلاته يا الله لاتخلي بنفسك شي ما تسأله نمر\ماماليش ماعندي خوال وعمان مثل عيال صديقاتك...! هي ب ألم\ قلبي نمر خوالي خوالك وانت تشوف ماعندي عمان والاكان صارو عمانك ما يكفي خاله الي تجي كل فتره وتشتري لك العاب  وبعدين لازم تقول الحمدلله انا عندي اخوان واخت  نمر\لا انا ابي عمان وخوال بعد هي \طيب وعماتك وعمو الي جنبنا نمر\لا انا ابغى اعمام زينا يشبهونا هي\نمر طيب شفني ماعندي اخوان وخوات يشبهوني والحمدلله  يعني انا وانت مثل مثل صح..., نمر\ صح ماماانا وانتي مثل مثل هو\يا ها النمر انا مدري وش خلاني اطاوعك واسمي ولدي ها الاسم الظاهر انه طالع على نمر ليتني سميته اسم ثاني هي\هههههه يا ليت والله يطلع على سميه نمر الله يحفظه  هو\اضحكي يا عوق محد يتصدع راسه الصباح من كثر الاسئله مثلي اذا رحت فيه للمدرسه هي\ وش يسألك عنه نمر..؟!  هو\بخبرك لكن غداك جاهز..؟ هي \دقايق بدل لبسك وبتلقاه ان شاء الله جاهز... -  -  - / -  -  - / -  -  - / انا عوق صح بتستغربون اسمي لكن ربي وهبني جمال مثل ما يقولون اسطوري ويمكن سموني عوق نسبه لجمالي شعري طويل طول ملفت لنظر برجع فيكم ورى 26سنه والاانا33 سنوات عمري -  - لكن كلامي عن اول يوم دخلت فيه المدرسه طلعت لدنيا لااخوان ولاخوات  -  - امي بس حرمه كبيره وعيال اخو امي والا اخوها متوفي بس عياله من فتره لفتره يمرون يشوفون امي ويسلمون عليها حتى ايام الربيع  والشتاء نطلع فتره بسيطه ونرجع مع اقارب امي لأنها ما تحب تطول في البرونرجع لبيتنا انا وامي وخادمتنا وزوجها السواق وكنت استغرب كل البنات الي حولي وصديقاتي عوايل كبيره الا انا وحدي  كثير من زميلاتي يحسدوني ياحظك ياعوق وحيده -  - واكيد ان اهلك مدلعينك وانا اشوف غير الي هم يشوفونه امي تخاف علي من الهوا كل مكان تروح معي فيه عمري ماحسيت بطفولتي بحريه على طول تصرفاتي مكبوته مراقبه بكل شي لازم اتصرف تصرف بنت راشده وانا بسن طفوله -  -  امي على كثر ماكانت كل طلباتي مجابه عندها على كثر ماكنت محرومه من اشياء كثير -  -  واهم شي حرية الطفل با اللعب والاختلاط مع الا طفال الاخرين  امي عمرها مامدت ايدها علي لكن كلامهاونظرتها لي تكفي عن الف سوط انضرب فيهم  انا اول بنت من صديقاتي لبستني امي العباه والغطوه المدرسه قريبه من بيتي..., امي كبيره با السن وكانوا لنا جيران من الناس الي فيهم خير.. في اليوم الي تكون تعبانه ترفض اني اركب مع السواق رغم وجود زوجة السواق معاه لازم اذاطلعت للمدرسه يكون معي امي والخادمه  كلنا نطلع مع السواق كثيرامي تحرص انها في اليوم الي تتعب تكلم زوجة جارنا وبناته وحده وحده توصيهم الصباح يا خذوني معاهم وينتبهون لي كأني طفله ادرس روضه على ان بنات جارنا الكبيره كبري بنفس المرحله والباقيات اصغرمني ... كثير كانت شدة حرص امي علي يخنقني ومع هذا اشوف الغبطه بعيون البنات لي ... كنت اتمنى يكون لي خوات يشاركوني غرفتي افقد اشيائي القى خواتي ماخذينهم... او نذاكر انا وخواتي وفي المدرسه اشوف شي من اشياء كنت فاقدته القى اختي لابسته واتوعدها في البيت اوريك اتمنى يكون لي اخ اكبر مني اتدلع عليه... واخ اصغر مني اشاكسه... ولا يكون عندي اخت صغيره في نهاية العام الدراسي تروح معاي للمدرسه يشوفونها صديقاتي ويسألوني تبارك الله عوق اختك تهبل احلى منك... والامنيه الكبرى الي تخليني ليالي كثيره اغرق مخدتي دموع كنت اتمنى يكون عندي ابو مايهم...! حنون...! قاسي...! المهم اب الصباح يوصلني المدرسه واكون راكبه جنبه... و... يسولف معاي يعطيني مصروف المدرسه... اتخيله يفتح محفظته ويقول مامعي صرف عوق خوذي الفلوس واستانسي انتي وصديقاتك اليوم انتي شيختهم باشري عليهن كلهن... لكن هاااه وانا ابوك لاتخبرين اخوانك اذا رجعتي ان شاء الله الظهر... وانزل وانا فرحانه وابوي يوصي الحارس يقول انتبه يا ابو فلان لعوق لاتطلع لين تشوف سيارتي والاسيارة اخوها...  -------------------------------------- يـﮯتبع.