الفصل 27
الفصل السابع والعشرون
نورة يا حرررام
لميا : لمى والله مسكينه
لمى : والله بنفقدها
جى تركي وجلس معهم:وش السالفة
لميا: نورة بنت عمتي سارة بتروح الرياض
تركي :ليش؟
لميا: عند أهلها ..
تركي : طيب عادي وين المشكلة
لمى : تعلقت فينا ماتبي تروح وطول أمس تبكي لم عرفت بالخبر
تركي رحمها:الله يعينها ...
لمى : قبل لا تروح بنسوي لها حفلة وداعيه
تركي:ايه حلوه الفكرة
لميا:ومتى نسويها ووين ووش نجيب ومن يتكفل فيها
تركي: ما أظن تحتاج كل هذا سوها هنا وجيبي كيكة وأكتبو عليها شي
وعصيرات وخرابيط الحفلة وبس ما تحتاج تكلف
وعشا ,,,بس
لمى : ممم بأدق على شذا بكرة ونتفق ,,,
تركي يقوم وياخذ مفتاح سيارته : أنا طالع تبون شي .؟
لمى : لا سلامتك
طلع تركي وعلى دخول أبو تركي
أبو تركي : تغديتو؟؟
لمى : ايه جينا من المدرسة وتغدينا على طول
أبو تركي : وين أمكم ورغد
لميا: رغد نايمة وأمي فوق ..
أبو تركي : روحي قولي لها تحط الغدا ولا أنا بأرقى أبدل
ورقى الدرج ونزلت أم تركي وحطت الغدا وتغدت هي معها ...
.................................................. .......................................
شهد تدخل البيت وتلف على الصالة : السلام عليكم ...
الكل :وعليكم السلام
وتمر تسلم ,,, وتحط ريماس مع أمها ..
شهد وهي تفسخ عبايتها:وين نورة ..؟
روان : في الغرفة ..
شهد : غريبة ما نزلت معكم ..
أم روان : ما تبي تنزل
شهد : ليش ؟
أم وليد : أبوها بينقلها للرياض
شهد: وزعلانه عشان بتنقل هناك يعني
أم وليد : ايه ومن أمس ما كلت شي تقول ماتبي تروح هناك تعودت علينا
شهد : بأرقى لها
روان : لا تحاولين من أمس نكلمها ومو راضيه تقتنع
شهد تجلس : مصيرها تقتنع ها وش أخباركم من زمان عنكم
أم وليد : إلا أنتي من رحتي لبيت خالتك وما عاد تجينا
شهد :وش أسوي انشغلت
روان تفكر ثم قالت : شهد أنتي ليش ما تشتغلين
شهد : ما أحس له داعي سامي مو مقصر بشي
روان: حتى ولو الواحد يحب يكون له دخل شهري
شهد : لا ما دخلت هالفكرة براسي مو لازم اشتغل
أم وليد : اصبري لم عيالك يكبرون ويدخلون المدارس
والكل يداوم إلا أنتي بتحسين بالملل
شهد : يالله حياة خير متى بيدخلون المدارس
أم وليد : الله يعينا أجمعين
الكل :آمين
شهد :وش في الحلوة زعلانه
أم وليد : مثل ما أنتي عارفة نورتها بتروح
شهد : شذا لا تنكدينها اللي فيها كافيه وأيام الأجازات أكيد بتجي
أم وليد تذكرت: سلمتي على وليد وأبوك وعمك تراهم في المجلس الرجال
شهد : ايه سلمت شفتهم طالعين لصلاة العشا
أم روان : يله يا بنات الصلاة
قامت أم وليد وأم روان وشذا راحو يصلون
شهد : روان ممكن سؤال !!!
روان : عادي اسألي ..
شهد:أنتي تفكرين بالزواج
روان:لمين؟؟!
شهد: لك أنتي طبعا
روان بلعت غصة ألم: لا طبعا
شهد : لا من جد روان ما فكرتي ولو مره
روان: على قولتك فكرت
شهد : ومن جى في بالك تحديدا
روان:محد طرى على بالي
شهد:واللي يقول طريتي على باله وش بتقولين...
روان بصدمه: أنا!!
شهد:لا أنا وش رايك يعني
روان :ليه في احد قالك أبي روان
شهد:ايه
روان " مين ؟؟!
شهد : واحد من الناس بس ما بقول مين
روان:لا من جد مين؟
شهد:أول عطيني رايك بالزواج ثم أقولك مين؟؟
روان : لا أول قولي مين ثم أقول راي..
شهد : لا انا أبي أعرف فكرة الزواج في بالك
ثم أقول الشخص لأن صعبه أقولك الشخص
فأخاف تتقبلينه هو أكثر من يكون زوج فاهمتني يعني
روان :فاهمتك مم وش أقولك صراحة يبي لها قعدة هالسالفة ..
شهد : وأنا جايه اليوم ومستقعدة لك
روان: بعد شوي بيجون والموضوع خاص وين نجلس فيه
وش رايك نطلع
شهد : لا وين صعبه نطلع لازم اخبر سامي أول
طيب نروح غرفتي
روان: يله نروح وقامو لغرفة شهد
دخلو وجلسو على السرير ...
شهد : يله تكلمي يا ستي..
روان:هو في أشياء كثير منها اللي احتفظ فيها لنفسي ومنها بأقولها لك
شهد احترمت كلامها ورغبتها: قولي اللي تبين
روان:أنا مطلقة وعندي ولد يعني صعبه القى واحد مو كبير
سنه مقارب لسني ويحترم أن معي ولد ويعامله مثل ولده
ما ادري كيف أقولك ووووبعد جرح الطلاق فيني وما افكر اني أعيده
شهد :أكيد أنا مجربه الطلاق بس مو هذا ما يمنعك من الزواج
أنتي صغيرة وحلوه وأخلاقك مافيها أي عيب والكل يشهد بكذا
روان الدنيا ما توقف عيشي حياتك بكره ما تلقين أحد حولك
الدنيا تمشي وش دراك بكرة بنكون حواليك
لازم يكون عندك رجال يعينك في هالدنيا
تتحملينه ويتحملك وتبنين عائلة وتسقرين
روان دموعها بعيونها:في رجال في هالدنيا يسوي كذا ما ظنتي
شهد:لا تعمين شخصية زوجك السابق بكل رجال
واللي متقدم لك عارف بظروفك ومقدر ومع هذا يبغاك...
روان:مين قولي لي مين ؟؟
شهد بصوت هادي:وليد
قامت روان ووبلاهه :ول..يد وبغباء :مين وليد؟
شهد:ووليد ولد عمك مين بيكون يعني ؟؟؟
روان تطلع من الغرفة وتروح للغرفة البنات دخلت ولقت نورة
جالسة على السرير وجهها متفخ من الصياح
جلس على سريرها اللي فيه فيصل وبوسته بقوة وانسدحت جمبه
تفكر ....
.................................................. ...........
يوم أخر .....
وليد رجع الرياض وماسمع رد من شهد ..
.................................................. ...........
جمانه تمشي مع نهاد في المدرسة صارت صديقتها وما
يتركون بعض ,,,,
جمانه : تصدقين المرشدة أزعجتني تبي تعرف وش صار ما قلت لها
نهاد : يكون أحسن المشكلة وخلصنا منها وش تبي بعد
جمانه:ملاك ما عاد لهاحس لم أشوفها تصد عني كنها ماتعرفني
نهاد : أحسن تبعد شرها عنك ..
.................................................. ...........................
مي تمد يدها لجوالها طول الوقت تفكر وتحس أن اللي
تسوية أكبر غلط
مسحت رقم محمد ..
بشاير:مي مي مااااي
مي:ها وحطبه شتبين
بشاير: أناديك من ساعة ما تردين قومي نروح الجامعه
تأخرنا على أبوي يله لبسي بسرعة
مي:ما بروح روحي أنتي
بشاير:نعم لا والله كيف ماتروحين حلوة هذي ومحاظراتك ..
مي":بأنقلها من سبا لا تخافين روحي أنتي
بشاير:أحسن افف
وتطلع من الغرفة:يله بابا مي بتأخرنا تقول ماتبي تروح
أبو بشاير: لا يكون مريضة
بشاير: لا مو مرضيه دلع
أبو بشاير: يله نمشي وطلعو ..
دخلت أم بشاير على مي شافتها رجعت تنام سكرت اللمبه وطلعت,,,
.................................................. ........................................
شهد جالسة في الصالة وتكلم وليد :
والله ماردت علي
وليد :يعني موافقة ولا لا؟
شهد:ما أدري بس وليد ترى معها ولد بتتحمله
وليد: وأنا وش قايل من قبل أني أبيها هي وولدها
شهد :طيب أصبر على البنيه تفكر تدري أنها متزوجة قبل وندمانه
خلها تفكر على راحتها عشان ماتندم بعدين
وليد: يعني بتندم فيني
شهد : ليه أنت ضامن عمرك مع الأيام ما راح تتغير
وليد : ليه شاكه فيني؟
شهد: يمكن كل شي جايز وأنت مزاجي ما ينعرف لك
وليد:اللحين هذا رايك فيني كيف رايها
شهد : هي ماتعرف عنك شي واصبر لا تستعجل وراك مدة طويله
حتى تتخرج وتتوظف اصبر وش معجلك والبنت مو طايرة ولا غاير من سعد لأانه خطب
وليد:هه سخيفة بعدين باقي شهر على تخرجي
وماظنتي ماراح القى وظيفة المهم اليوم تدقين وتشوفين كان فكرت ولالا؟
شهد: مو اليوم بكرة بدق
وليد: المهم يجيني خبر بأسرع وقت يله فمان الله
شهد: مع السلامة ..
سامي:مين تهذرين معه
شهد :وليد
سامي:وش عنده بعد ذا
شهد في نفسها(ماعنده أسلوب):يسأل عن شي خاص
ورصت على أسنانها :بيني وبينه
سامي عطاها نظره ثم رجع يطالع التلفزيون..
.................................................. ................
رغد تقرا الورقة اللي بيدها:
(نواره راح نفقدك ..
نحبك مووووت ...)
ايش رايكم ...؟
لمى : متحمسة ومعك الورقة نكتب على الكيكة أسمها وبس
لميا: لا لازم نكت كثير
رغد:مثل ايش يعني..؟
لميا: ما ادري للحين مافكرت
رغد : وش رايكم ناخذ براي جنانه على قولة سلطان
لميا : فكره وتمسك جوالها وتدق على جنان اللي ردت على طول وتقول
لها سالفة الحفلة وأنهم محتارين وش يكتبون على الكيكة قالت بتفكر
ثم ترد ..
وجلسو نص ساعة يدورون لم جتهم رساله من جنان
لميا تقرى بصوت عالي:
(أكتبو هذا مدري لقيته عندي وقلت يصلح ,,
(مهما حصل فلن ترحلي من قلوبنا يا نورة) )
لمى : حلو وش رايكم؟؟
لميا: أحس اني بأبكي كيف عاد هي
رغد:خلاص نتفق على هالكلام
الكل : خلاص
.................................................. ............................
في غرفتهم ....
نورة بغصة :بأروح بس عشاني بانقل للرياض
شذا : خذووووني معكم
روان : كلنا بنروح مع بعض
نورة : ما نطول طيب
روان: اللي تبينه بس بأنزل أخذ استأذان لنا كلنا وأرجع
شذا"انتبهي يمكن وليد في دربك
روان تذكرت السالفة: لا سمعت أنه طالع
ونزلت تحت تقول لهم ...
وبعد الموافقه عشان نورة ,,
دقت على السواق يجهز السيارة وكان طالع
قالت له يجي بسرعة
وهي قالت للبنات وتجهزو بعد ربع ساعة ركبو البنات السيارة
نورة : روح بحر
السواق:طيب
شذا:في ريحة غريبه
روان : حتى أنا أشمها وتفتح الشباك عشان يتغير الهوا ...
شذا:افف في ريحة غريبه مقرفة ووواع حامت كبدي
نورة : أخاف في شي في السيارة
روان : لا مو ريحة سيارة مدري وشو
نورة تكلم السواق : وين أنت في روح هذا مو طريق بحر ,,
لف السواق معصب: أنا في اعرف وين روح
نورة : على تبن لا تعلي صوتك ,,,
شذا : انتبببببببببببببببببببببب ببببببببببببببببببببببببب ه
وطررررررررررررررررررررررر رررررررررررررررخ
روان ونورة وشذا صرااخ
والسيارة تلف تلف تلف تلف لحد ما وقفت ,,,,
روان على طول فتحت الباب وجلست على الارض وتبكي
شذا لا حركة ,,
نورة دموعها نزلت
السيارة اللي صدمو فيها شباب بس قدرو يتحكمون فيها
وماتأثرت مرة مثل سيارتهم
حاولو لم وقفو جمب سيارتهم ونزلو ...
ممدوح : أنت أعمى ما تشووووف
السواق مو بوعيه : ايش فيه أنتا
ممدوح :سكرران وتسوق يا كلب راحت السياة وطي
يا يا يا ....إلخ من أنواع السب
نورة وروان وشذا لم استوعبو المكان والزمان
وحسو أنهم سو حادث بس الحمد لله طلعو سالمين ,,,
مالك: يا بنات سلامتكم بس راكبين مع سكران
روان اللي ميته صياح : وش درانا انه سكر,,,ان
ممدوح ماسك جواله يدق على المرور يجون ,,,
شذا ترجف من الخوف :دقي دقو على أبووي
سامرمتوتر : مالك يدي تعورني
مالك : تحمل شوي لم نخلص من ذا الورطة ...
شذا قامت تبكي بصوت عالي:أبـــي امي آآآهئ أبي أماااي
نورة اللي ماسكة الجوال بيد ترجف وتدق على البيت:
ا م روان :هلا نورة
نورة : خالتي وين خوالي فيه
أم روان : ليه وشفيك يمه صوتك كذا
نورة: خالتي سوينا حادث وبي أحد يجين
أم روان علت صوتها منصدمة: حادث,.,,,عسى ما جاكم شي..
نورة : لا الحمد لله كلنا بخير بس عجلي بأحد يجينا
أم روان : ووينكم فيه اللحين ..؟
نورة توصف لها بسرعة وسكرت
وأم روان راحت تقول لوليد لأنه هو الموجود
فز وليد وبسرعة ركب سيارته رايح لهم
وأم وليد قامت تبكي من الخوف عليهم
وأم روان متوترة لأنهم بنات ولوحدهم وأكيد السواق ما يدبر شي ..
نورة :بيجيون اللحين ..
شذا : وينهم تأخرو
نورة:اصبري لسه مكلمتهم لا توتريني خلقة متوتورة
روان بصوت متقطع : شفتو وش صار السواق سكران
شذا بتهديد : والله وليد بيذبحة لو يعرف والله بيسفرة
روان بهمس:خايفة من الشباب
نورة: لا مالفو علينا شكلهم محترمين
شذا منفعله:أي محترمين الا مرتاعين من الحادث كل واحد تلقينه
طاير عقلة شوفي سيارتنا وسيارتهم كيف صايره
ولا كأن اللي جوالها طلعو سالمين..
روان : قصري صوتك لا يسمعونا ناقصين بعد حنا..
شا انتفضت لم رن جوالها ردت : ايه يله مع السلامه
روان : من ؟
شذا :وليد جى هذا هو
قرب وليد لعندهم ولبق على جمب ونزل لهم :
وليد يطالع الشباب بعين حارة ثم لف على البنات وبعصبيه:
اركبو سيارتي بسرررعة
ركضو البنات وركبو سيارة وليد ..
وليد يتفاهم مع الشباب ويسال عن اللي صار
وطلع االسواق غلطان وكفخ السواق كف على وجهه لم عرف انه سكران
انتضرو نص ساعة عقب جت الدورية
وجسو يتفاهمون ودفع وليد المبلغ للشباب لأن السيارة ما أمن عليها
عقب ركب السيارة ..
وليد :وانتم وش مطلعكم اللحين الساعة 9 العشا
شذا بلعت ريقها ولم جت ببتكلم صاحت
وليد تنهد ولف على نورة :أسأل وش مطلعكم
نورة: راحين البحر
وليد بعصبيه وبصراخ: بحر هالساعة وما معكم أحد
ها كلتوها حادث بعدين ما تعرفون ان السواق سكران ما تشمون ريحته الخايسه
ولا عاجبتكم
نورة خافت منه وصاحت هي الثانية عصب وليد زيادة
وطالع روان والتقت عيونهم
هدا وليد ماعرف وش يقول لها ...
ثم لف لقدام وشغل السيارة
روان تكلمت : والسواق والسيارة نخليهم ونروح
وليد : بأحطكم في البيت عقب بأجي اتصرف ,,,
ثم لف على شذا:خلاااص ازعجتيـــني
شذا ويزيد صياحها
تأفف وليد واسرع بسيارته ,,,
وطول الطريق محد تكلم ..
روان تفكر بالللي صار,,
كنت لحضتها بأموت لم صقعنا بالسيارة
تأكد لي هالشي
ما توقعت أني بأكون حيه خاصة لم صارت السيارة تلف فينا
كنت أصارخ من غير راي
ويد شذا كانت ماسكتني بقوة من خوفها
الحمد لله الحمد لله رددها في نفسها أكثر من مرة
.. .....وصلو البيت ونزلو البنات ثم وليد راح ,,
دخلو للصالة
أم وليد ما صدقت تشوف بنتها وحضنتها :بسم الله عليك
بسم الله عليك
أم روان تطالع وجيهم المصفرة من الروعة:
اقعدو ريحيو بأجيب موية لكم ...
وراحت أم روان المطبخ تجيب موية للبنات وجت وسقتهم ثم
جلست تهديهم ,,,
وتقرا عليهم ,,,
عقب رقو البنات غرفتهم وكل وحدة استلمت سريرها ونزلت دموع الخوف
اللي صار من الحادث,,,
بعد أكثر من دقيقه
شذا قامت مسحت دموعها ثم:هههههههههههههههههههههه� �هههههه
ههههههههههه وههههههههههه وهههههههههههههه
نورة تطالعها:انهبلتي
شذا:هههههه لم أول مرة اطلع معكم صار حادث هههه
صدق حظي نحس
نورة بدت وقفت عن الصياح:ههوالله أنك مجنونه
شذا ترجع شعرها لورا بيدها:من عرفت نفسي وأنا خبله ,,
نورة : وليد أخوك يبي له تكفيخ وش ذمبي يصارخ بوجهي ماله داعي
شذا: أكيد بيعصب الله يعينا على الهوشة اللي بتصير بعد شوي عشان السواق
نورة:والله طلع خاين بس من وين يسكر؟؟؟
شذا:أكيد شايف له مخمم من العمال وجلس معهم وخربوه
نورة: ياي على خربوه تلقينه خربان من أصله ,,
شذا:من سنتين عندنا ما شفنا منه شي غريبه بس والله وليد ماراح يخليه
نورة : ودي أنزل تحت أشوف وش صار ..
شذا : أبعد عن الشر وغني له ماراح أنزل إلا بكرة لم يهدا الوضع
نورة:تصدقين أحسن أخاف يشوفني خالي ويهاوشني
شذا : ما راح يهاوشك بيهاوش السواق لأن مستأذنين منه
نورة تلف على روان اللي للحين تبكي ,,,
تذكرت كيف صدمتها بخبر النقل وان دموعها ما وقفت فخلتها ماراح
تقول لها شي...
.................................................. .....................................
محمد: لا والله شي طيب ياعمي
أبو بشاير:أمي تعبانه هناك وأخاف يعني انت خابر
بعيد الشر عنها وانا ما اكون موجود عندها
محمد : والله الغربه شينه ياعمي وهناك كمل الدكتوراه أحسن ,,
ابو بشاير: بس يبي لها كم سفرة حتى تكتمل أوراقي هناك
محمد: يعني بتروح أنت والأهل عقب أنت ترجع وتجي لم تخلص
أبو بشاير : لا أنا بأروح هناك أسبوع عقب برجع هنا
محمد : والأهل بتخليهم لحالهم .
أبو بشاير: مافي ضرر عليهم وهم تعودو هنا
محمد : أها يصير خير ,,,
, ,,, ,,, ,,,, ,,,, ,,,, ,,, ,,, ,, ,, , ,, ,, ,, , , ,,, ,,, ,, ,,
شهد وسامي راجعين من المستوصف ومعهم فارس
كشفو على رجله...
شهد : شف مو هذي عروب .؟!!!
سامي يطالع السيارة اللي نزلت منها أخته :الا عروب من هذي سياارته ؟؟؟
شهد :الحقها نشوف مين
سامي والشك وصل حده لحق السيارة اللي مشت
ولم وصلو لها ضرب سامي بوري والسيارة وقفت
سامي يطالع السيارة مافي أي بنت
يعني اخته طالعه مع واحد
نزل من السيارة وذاك نزل الشباك ,,,:نعم ؟؟
سامي : من أنت ؟؟
هيثم : نعم عندك حاجة؟؟؟
سامي:أنت من؟؟
هيثم يطالع سامي زين ثم حرك السيارة بسرعة ولا لحق عليه سامي...
سامي يركب السيارة وهو معصب:أنا اوريها
شهد: لا تسوء الظن يمكن اخو صديقتها ولا شي
سامي:ومتى صرنا نركب بناتنا مع صديقاتهم
شهد سكتت لأن سامي معصب
وصلو للبيت ونزلو شهد على طول رقت الغرفة وجلست فيها
لأن في هوشة بتصير ماتبي فارس يشوف ولا حتى هي ....
سامي في الصالة:من أنتــــــــــي راكبه معه....؟؟
عروب بثقة : وأنت ايش دخلك
سامي يقرب لمها:عيدي ما اسمع
عروب خافت:هذا أخو صديقتي
سامي:وش اسم صديقتك وليه يوصلك لعند الباب؟؟
عروب:اسمها لينا وعادي وإذا وصلني
أم سامي تصرخ : ساااامي خل أختك أنا أمها انت مالك دخل
سامي:اسمعي يا عروب لو سألت ولقيت ذا الرجال ما عنده خوات أصلا
تعرفين وش رايح يصير يا عروب
كان بيرقى بس رجع فيه حره لف على عروب:ماراح أمشيها سكت لك كثير
وراح ...
شروق:عروب ايش صاير ؟؟
عروب تصرخ : ايش دخلك أنتي الثانيه وترمي عبايتها وتروح لغرفتها...
شهد : سامي هد شوي يمكن في سالفة ولا أختك ماتسوي هالحركات
سامي: أنتي أعرف الناس باخلاقها لا تمدحين
حط راسه بين يدينه وفرك بشعره ثم قال:شهد ضفي أغراضنا
شهد : ليه؟؟
سامي : بنرجع البيت ...
شهد بفرحة : جد
سامي : يعني أكذب
شهد :واوو وناسه ليت جت من زمان
سامي طالعها بنظره تسكت ...
وانشغلت شهد بلم الأغراض...
.................................................. .............................
مي:وش فيها جدتي؟؟
بشاير: تعبانه مره وبابا بيروح للدمام لها
مي:وإحنا؟
بشاير:بنجلس اسبوع بدون بابا وبنجهز أوراقنا عشان نرجع للدمام
مي:خلاص يعني ماراح نرجع لهنا!!!
بشاير:هذي أوامر بابا مالنا راي بعدين كوني نذله وقولي ما ابغى عشان أصفقك
جدتي تعبانه مره تبينها تموت بدون بابا
مي انتفضت:بسم الله عليها بعدين ما تكلمت وقلت لا عشان تقولين كذا
بشاير: لأني عارفتك لا عاندتي تطلع شياطينك وتسوينها سالفة
مي :سخيفة ماتضحك
بشاير: ماقلت لك أضحكي
أم بشاير تجيهم : بنات تكفون تعالو ساعدوني بكرة طيارة ابوكم وما جهزت الشناط
بشاير:يله قومي
مي: وأنتي بعد
بشاير: أنا بأقوم بس قلت يمكن أنتي بعد ما تجين تساعدين أمي
مي:ليه وش شايفتني أكيد بساعدها
أم بشاير: يله بس لا تتطاقون اللحين يله امشو قدامي
راحو البنات يساعدون أمهم
.................................................. ..........................................
شهد ما قدرت تخلص الأغراض في يوم واحد فقررت بكرة تكمل
تذكرت سالفة وليد راحت تدق على روان يمكن ترد لأن الساعة 1 الليل:
روان:الو..
شهد :هلا روان عسى مو نايمه وصحيتك
روان:لا مو نايمه شخبارك؟
شهد :الحمد لله وش فيه صوتك ثقيل
روان: والله ماتدرين وش صار؟؟
شهد : شصار؟؟
روان:يووه حكي واجد قولي أول وش عندك بعدين انا
شهد : أبي أسأل فكرتي بالموضوع ولا لا؟؟
روان:لا بعد اللي شفته اليوم توبه أفكر فيه ..
شهد خافت: قولي وش صارلك خوفتيني
روان:اليوم طلعنا أنا ونورة وشذا راحين البحر مثل العادة وصار لنا حادث
شهد : حادث عسى ما تعور منك أحد
روان : لا ما صار شي الحمد لله
شهد : وش دخل وليد في السالفة
روان تقول لها سالفة الحادث كلها لم جى وليد وخذهم والصراخ
وكل اللي صار ..
روان : ماندري وش صار ما نزلنا تحت خايفين يجينا شي
شهد :هههههه والله صادقين الرجاجيل لاعصبو يطلعون حرتهم في اللي حولهم
روان : عشان كذا ما نزلنا
شهد : طيب عشان كذا بترفضين وليد
روان: ما رفضته بس لسه مافكرت
شهد : بأدق لك بعدين اوكي أشوفك فكرتي ولا لا
روان : طيب يله مع السلامة
شهد : مع السلامة ....
.................................................. ..................,,,,
شذا واقفة عند الدرج تفكر أنزل ولا ما أنزل أنزل ولا ما نزل)
وليد: شذاااا
شذا : بسم الله روعتني
وليد : وش تسوين؟
شذا خايفه منه : ما اسوي شي
وتذكرت:وأنت وش مرقيك فوق لو طلعو البنات وأنت هنا
وليد /كنت عند أمي
شذا : يله أنزل بسرعة لأن البنات بينزلون اللحين
وليد نزل من الدرج
شذا : وليد
وليد وقف : نعم
شذا : وش صار أمس
وليد / فمين .؟
شذا : في السواق والسيارة
وليد / السيارة وديناها الورشة والسواق بنسفره بكرة
تبين شي ثاني؟
شذا : ها لا شكرا
وكمل طريقة وليد ,,
شذا حمدت ربها أنه ما هاوشها
رجعت للغرفة : بناااات اسمعو...
روان : سمعنا اللي صار
شذا : ههه أعوذ بالله
نورة : واقفين عند الباب عشان نسمع
شذا : طيب بتنزلون
نورة: يله ’’
روان : أنتم انزلو وانا بأغير لفيصل وأجي
شذا : طيب
ويطلعون ,,,
روان تطالع فيصل وتتذكر محمد ووليد اللي يبيها
معقولة وليد يبيها
لا لا مستحيل تاخذه وليد ما يستاهل يعذب عمره مع وحدة قد تزوجت وعندها ولد
لا ما تبي ,,,مسكت جوالها بسرعة وأرسلت لشهد :\
( هلا شهد فكرت وأحس أن وليد مو الشخص المناسب لي
ووصلي أعتذاري له ,,,, )
وصلت الرسالة لشهد وتفاجأت برد روان وحزنت لوليد المتحمس
بس الزواج قسمة ونصيب .. ودقت على وليد اللي رد على طول:
وليد : هلا وغلا
شهد: هلافيك شخبارك؟
وليد: تمام يله على الحامي شكل جاك خبر
شهد : الصراحة جاني
وليد بسرعة:وافقت
شهد : لا
وليد : لا والله جد شهد وش قالت
شهد :والله رفضت
وليد بصدمة : ليــش ؟
شهد : وأنا وش دراني أنا سويت اللي علي وهي رايها كذا
وش اسوي فيها يعني
وليد : طيب أنا ولد عمها ترفضني ...
شهد : ولد عمها ولا غيره هي أصلا واضح رافضة فكرة الزواج
وليد : أبي أعرف وش مسوي لها رجلها الاولي عشان يطلقها
شهد : شوفني لسبب تافهه تطلقت ولو تمادى طلبت الثلاث
يعني عادي توقع على أي شي بيتطلقون
وليد : ترى ما اقتنعت اني مرفوض ارجعي حاولي فيها
وقولي ترى محد بياخذها غيري
شهد : بتحجر على البنت مو على كيفك لو بيجيها واحد غيرك
ووافقت عليه أنت ما تتدخل بس أنا بأقول لها مره ثانية عشانك
ولا أنا ما أحب أحن على راس حد
وليد بدون نفس :زين مشكورة ما تقصرين
شهد عرفت ان وليد تنرفز :هههه عفوا يله باي
وليد : باي
سكرت شهد وراحت تشيك على الأغراض
عشانهم قربو بيرجعون لبيتهم وتفكر كيف بيكون البيت محيوس
لأنه من زمان محد دخله ...
بجهه ثانية دق سعد على وليد وقال انه ماشي للرياض
ووليد خاواه لأنه راجع أصلا ....
ومن جهة ثالثة أبو نايف جهز أوراق نورة وباقي أوراقها هي
وقال لسارة تكلمها تخلص بسرعة
ومن جهه رابعة لميا ولمى ورغد خلصو تجهيزات الحفلة
وشرو الهديا وجنان برضو ساعدتهم في التجهيز ...
وخبرو روان وشذا عشان يمكن يبون يشترون هدايا لنورة .....
.............
مر 4 أيام ,,,,,,,,,,
قبل حفلة نورة بليلة ,,,,,,/
شذا: روان ما شرينا الهدية
روان : وش نسوي ما معنا سواق
شذا : أبوي قدم على سواق بس بيجي الأسبوع الجاي
روان : شكلي بأدق على لميا يجون ياخذونا
شذا : لا عيب كل مره نطلب سواقهم
روان / وش فيها عادي
شذا/ سواقهم لسه جديد ما كمل شهر ونص وبيطفش وبينحاش
روان : والله صراحة مافي غير كذا
شذا: المشكلة لازم نجيب لها هديه بكره كلهم جايبين إلا أحنا فشله
روان / بأدق على لميا
شذا: دقي أمرنا لله
روان تدق على لميا :
لميا : هلا والله
روان : هلابك شخبارك ؟
لميا : الحمد لله وش أخبارك أنتي
روان : الحمد لله لميا سواقكم موجود
لميا : لا امي ورغد راحين يتشترون مقاضي للبيت
روان / ومتى يفضى؟
لميا : ممم مدري يمكن بعد ساعة أخليه يجيكم بس ليه ؟
روان : ما شرينا هديه لنورة وبني نروح السوق
لميا : يوه للحين ما شريتو بس بتروحون اللحين الساعة 9 الليل
والسواق متى بيجيكم لا بأقول لتركي هو فاضي
روان : لا خلاص خليها بكرة أحسن
لميا: لا أقول لتركي يله بس ضفي وجههك وتجهزو بيجيكم
روان :هههه مالت عليك ردي علي كان وافق ولا لا؟
لميا :هه طيب باي
روان : باي
سكرت لميا وراحت لغرفة تركي :
طق طق طق ... وجاها صوت تركي : أدخل
دخلت لميا : فاضي ؟؟؟
تركي : وش عندك تسألين؟؟
لميا : لا إذا فاضي تودي روان وشذا للسوق
تركي: ليش؟؟
لميا : تعرف ما عندهم سواق ولسه ما شرو هديه لنورة
وسواقنا مو موجود مع امي فما في غيرك ..\
تركي :طيب وش هديتهم بالضبط عشان الوقت متاخر شوي
لميا : ما ادري عنهم ما احب أسأل
تركي:طيب خلاص
لميا :أقولهم يتجهزون
تركي : ايه خلاص بس في أحد بيجي معهم
لميا:خذ بندر معك
تركي: اجل اصرخي عليه يتجهز
لميا:طيب ’’’
تروح لميا وتدق على روان وتوقلها يتجهزون ,,
وصرخت على بندر وراح يلبس
بعد ربع ساعة كان تركي عند باب بيت عمه ,,,
ضب بوري وطلعو له ,,,
ركبت روان وشذا:
روان : السلام عليكم
تركي وبندر وشذا:وعليكم السلام
روان : انتي معي وشوله تردين
شذا:ههههههههه هههه ههه
روان : الحمد لله والشكر .. هلا تركي وش اخبارك ؟
تركي : الحمد لله وش اخبارك أنتي ..
روان : الحمد لله عسى ما عطلناك عن شي
تركي : لا أبد فاضي ما عندي شي
شذا :هههههه ههه هههه
بندر : مجنونه
شذا:هههههههه ههه
روان : ههه وشفيك للحين الضحكة فيك
شذا تهز راسها بـ(أيه)
تركي : وين تبون تروحون ,,,
روان: لــ(,,,,)
تركي : بطولون
روان : ليه بتنتظرنا عند المواقف
تركي: ايه
روان : نص ساعة أول أقل
تركي:اهممم طيب بنحطكم وبدور شوي لا خلصتو دقو على جوال بندر..
روان : وكم جوال بندر ؟؟
تركي: عطها رقمك ,,
بندر : احم احم ******0505
شذا : شوي شوي فرحان بجوالك الجديد اصبر ما فتحنا جولاتنا
بندر: ايه فرحان عندك شي
شذا : لاماعندي يالعصقول
بندر : أنا عصقول أنتي وش تصيرين حلاو مصاص اكبر مافيك راسك
شذا:احييييييي أنا أكبر ما فيني راسي مالت عليك أنت
عود أسنان كل شي فيك نفس الحجم
بندر : ه هه ه ما تضحك
شذا : ماقلت أضحك
روان : شذويه أعقلي
شذا :ههه حلوه شذويه هو يحارش وش أسوي فيه
روان : بزر لا تردين عليه
سكتت شذا لحد ما وصلو للسوق ونزلو ...
روان : انا بشتري عطر وأنتي
شذا : مدري ما فكرت
روان توقف : نعم نعم ما سمعت عيدي
شذا :والله مافكرت مدري وش أشتري ,,
روان : حلوه هذي بكرة الحفلة ما راح تشترين لها شي يعني
شذا : لا بأشتري بس مدري وش باشتري
روان : آآآه اللهم الهمني الصبر أنتــي بالضبط وش في بالك
شذا : مافي شي
روان : امشي ما عندك سالفة ...
ويخلون محل عطورات وتشتري روان عطر ...
ويطلعون مرو على محل هدايا وغلفته بتغليفة حمراوشرت بطاقة
معه وشرت كيس برضو احمر ,,
طلعو من المحل :
روان : فكرتي وش بتشترين ؟؟
شذا : ايه بس ما ابيك تعرفين وش هي ...
روان : ليش؟؟
شذا : أنتي أجلسي وأنا بأروح أشتري وأجيك
روان :/ طيب لا تطولين مافي وقت
شذا : ما راح أطول بس أخلص أدق عليك
روان : طيب انتبهي لا تحارشين أحد من البزارين
شذا :هه والله ما راح أتهاوش مع أحد
روان : يله روحي وبسرعة
جلست روان تنتظر شذا
وشذا راحت لمحل عارفته عنده تشيرتات حلوه,,
دخلته وجلست تدور لقيت تشيرت أخضر سادة
وهذا طلبها خذت مقاس وحاسبت وطلعت من المحل
وراحت محل أكسسوارت وشرت أساور كثيره كلها خضرا
وبعضها بيضا
بعدين راحت محل العطور اللي شرت منه روان واختارت
نفس عطرها اللي تحبه ,,
وطلعت طالعت ساعتها لها ربع ساعة وروان ما دقت
بكيفها باقي لها شي واحد ,,,
راحت محل جزم رياضية وجلست تدور أحلى شكل
ولقت بالصدفة لون أبيض والجزمة مره حلوه
طلبت خيوط خضرا بدل السودا وجابو لها
واختارت مقاس نورة وهي تدعي انها تكون على رجلها
وبسررررعة راحت لمحل الهديا اختارت مثل الصندوق حجمه وسط
لونه أبيض وعليه رسمات فراشات
وطلبت ورد مجفف وعبو لها تقريبا وصل لنص الصندوق
وحطت الأغراض كلها جواته بعد ما شالت الأسعار
ثم غلفوه لها ,, وحطوه في كيس حلو وجواته البطاقة عشان تكتب فيها ,,
روان دقت 3 مرات عليها ولا ردت
,,, راحت لروان ,,
روان : نص ساعة حشى ورى ما تردين بعد ,,
شذا: وش أسوي جالسة أشتري الهديه
روان تطالع الكيس:وش شريتي
شذا : سر ما بقول لاحد
روان :طيب مانبي نعرف ,,, وتدق على بندر
دقايق إلا عند البوابه وراحو ووصلهم تركي ثم رجع للبيتهم ,,,
بسرعة يروحون غرفة شهد ويخون الهدايا ,,
ويرجعون للغرفة :
نورة : وين رحتو ؟؟؟؟
شذا : رحنا رحنا وتلف على روان تبي تصرف
روان : رحنا السوق
نورة: ليه؟؟
روان : رحت بأشتري عطر لي ومالقيت اللي ابيه ورجعنا
نورة : اها وبس... وليش ما خذيتوني معكم ,,
شذا : وانتي لازم كل مكان تجين معنا يعني بعدين كنتي جالسيه
على النت ومنسجمة ما بغينا نخرب عليك وكلها مشوار قصير ,,
نورة: يا عيني على اللي ماتبي تخرب اصلا مالي نفس اطلع
مكان عقب الحادث توبه ,,
روان : ههههه يا حرا م ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
وين يا ولدي طالع ...
سامي: راجع للبيت ..
أم سامي :نعم هذا اللي ناقص بعد ترجع للبيت بعد مالقيت له شاري تبي تفشلني
سامي :بيتي ولا بيتك بعدين من هالشاري اللي لقيتيه .؟
ام سامي :جارتنا تبيه لولدها وأنا عطيتها كلمة تبي تكسر بكلمتي
سامي : لا حشى بس انتي ما شاورتيني لو مشاورتني كان لي
راي ثاني .. يله مع السلامة ...
طلع سامي من البيت وركب السيارة ومعه فارس
وشهد ركبت ومعها ريماس : هاته عنك
سامي : لا خليه على رجلي
شهد : بيغثك منت عارف تسوق
سامي :لا باسوق والسيارة تماتيك ما تحتاج شي ,,,
شهد : كل الشناط ركبتها ورى
سامي : ايه
ويمشون راجعين لبيتهم ’’’’ ,,,,
Like
رد مع اقتباس إقتباس متعدد لهذه المشاركة الرد السريع على هذه المشاركة
#57 أضافة تقييم إلى ام مزن تقرير بمشاركة سيئة
قديم 25-10-14, 05:09 PM
الصورة الرمزية ام مزن
ام مزن ام مزن غير متواجد حالياً
نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
قامت روان من النوم تشيك على فيصل إذا نايم ولا لا ..
ولقته نايم لفت على سرير شذا مالقتها ارتاعت وين بتروح
والساعة 3 الفجر ..
قامت وراحت للحمام مالقت فيه أحد ,,
طلعت من الغرفة وشافت غرفة شهد انوارها مولعة
خمنت انها موجودة هناك,,
وكان الباب مفتوح شوي طلت روان منه من دون ماتحس شذا
لقتها تكتب في البطاقة وتبكي
خلتها روان على راحها ورجعت نامت ...
.................................................. .............................
Like
رد مع اقتباس إقتباس متعدد لهذه المشاركة الرد السريع على هذه المشاركة
#58 أضافة تقييم إلى ام مزن تقرير بمشاركة سيئة
قديم 25-10-14, 05:34 PM
الصورة الرمزية ام مزن
ام مزن ام مزن غير متواجد حالياً
نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
مي : يعني خلاص الصباح بيروح
أم بشاير : ايه ماما بيروح
بشاير : والله بنفقدة مره وأحس أحنا غرب بدون رجال
أم بشاير :كلها أسبوع وراجع
مي : والله كثيرة ووالله بعد أخاف اجلس هنا بدون رجال
أم بشاير : يا قلبي لا تخوفينا وإن شاء الله ماراح يصير لنا شي
وفي شي مهم نسيت أقوله لكم
بشاير : وشو ؟
أم بشاير : من الجامعة للبيت من البيت للجامعة مافي طلعات
أخاف يصير لكم شي
مي : يووه يعني بنحبس
أم بشاير : لحد ما يجي أبوكم ويرجع الوضع مثل ما كان
ومحمد بيجي كل يوم يشوف ويتطمن علينا
مي : وهو وش دخله
أم بشاير : هو اللحين زميل أبوك والرجال ما شفنا منه أي عيب
وأبوك قال له كذا يعني أنتي ماتقولين شي
بشاير :هع تسكيته
أم بشاير : لا مو تسكيته بس أعلمها عشان ما تفشلنا لاجى
مي : بس ما أطيقة
أم بشاير : ولا مرة تكلمتي معه عشان تعرفين شخصيته
مي : من شكله ما حبيته أحس وراه بلاوي
أم بشاير : وخري هالخرافات من عقلك ولا تعيبين على الرجال
ولو فيه شي ما كان أبوك وصاه علينا ....
مي : طيب ماراح أسوي شي له لا تخافون بس ماراح أجلس معه
بشاير : أتحدا أنتي أول وحدة بتجلسين لأنك مللللللقوفه
مي : سخيفه ,,,
.................................................. .............................
يوم تالي /
لميا : واااااااااع وش رايكم ..؟؟
رغد : ويييه وش حاطة على وجهك
لميا : الوان للوجهه ايش رايكم
لمى : ارسمي على وجهك زين محيوس
لميا : مو اللحي قبل الحفلة بأرسم
رغد : أنا أبي بس شكلك بتخربين وجهي
لميا : أنا بأسوي لجنان أول بعدين أنتي شوفي إذا عجبك صلحت لك
لمى : تجربين في مرت اخوي حرام عليك
لميا : ايش شايفيني ترى أعرف أرسم بعدين ترى دخلنا طاولة الاكل في مجلس الحريم ,,,
رغد : من دخلها
لميا : تركي وأمي والشغالة وأنا شلت الكراسي
لمى : تكلفتي المهم ما ضيقت على المجلس؟
لميا : لا ما ضيقت وأصلا حفلتنا كلها على الطاولة
رغد : كلها أكل قصدك
لميا : يعني وش الحفلة بتكون أكيد كيك وحلويات وعصيرات
وش بعد ايه وشوي نرقص وبس
رغد : تعالو ننزل نرتب قبل المغرب
لميا : يله
.................................................. ...............
نورة : ليه نروح لبيت خالي ؟
روان : مجتمعين البنات مدري عنهم دقو وقالو تعالو
نورة : بس ما أبي أروح بأجلس أرتب شناطي
شذا :مستعجلة على الروحة ..
نورة : لا مو قصدي كذا بس السبت بأرجع وما جهزت شي
روان : ما عليك بس خلينا نروح نوسع صدورنا
نورة : أمري لله بس تفزعون معي ترتبون
شذا : نفزع س تعالي معنا
نورة : بأروح أمري لله
.................................................. ...........................
شهد : مين؟؟؟؟ عروب تكذب
سامي منزل راسه ثم رفعة وطالع شهد :طلعت تخاوي يا شهد
شهد / وش صار بالضبط
سامي : سألت عن الرجال اللي وصلها للبيت
وطلع ماعنده إلا أخت كبيرة ومتزوجة
شهد : طيب يمكن تكون صديقة عروب
سامي : كبيرة أقولك عندها عيال كيف تتعرف على عروب
وبينهم فارق السن هذا
شهد : هالأيام صار الوضع عادي الوحدة تمشي مع اكبر منها لو بعشرين سنه عادي
سامي : أخاف اظلمها بس هي كذا ولا كذا غلطانــــــــه
شهد : وش دخلني تصرخ علي رح تفاهم مع أختك شلني من الموضوع
ولا تتهور لم تتأكد يمكن تكون صاحبتها فعلا وأخوها موصلها للبيت
سامي : ليش جايبين السواق عشان ترقب مع خلق الله
وأنا موجود بعد ما تدق علي أوريها هالبنت أصلا من زمان قاهرتني بس آآآخ
شهد : عشان أمك .؟
سامي ما رد
شهد : سامي مهما صار عروب وشروق يتامى أبوك متوفي ومحد عندهم
في البيت وأمك مدلعتهم ومخليتهم على راحتهم
وبعدين لا تسوء الظن يمكن عروب صديقتها أخت الرجال هذا
وإذا على التوصيلة ما أقول خلها لا هاوشها بس ماتوصل درجة الضرب
لأن هذا بيزيدها عناد
سامي ساكت مارد ...
.................................................. ...................................
جنان : سلطان وش رايك
سلطان :وش ذا الرسم ههههههههه
جنان : سلطان حلو ولا لا؟
سلطان : لا تسأليني لأن بقول لا لأني ما أحب هالخرابيط
جنان : رغد حلو ولا لا؟؟
رغد اللي تسوي لها لميا : لو مو حلو ما خليت لميا تسوي لي
جنان تهمس لسلطان : يله اطلع بنات عمك بيجون
سلطان : ليه الحفلة مو لي؟؟
جنان : ههه لا مو لك يله عاد قوووم
سلطان : طيب أصلا بأروح تأمرين على شي
جنان : سلامة قلبك
سلطان :ههه فديتك .... قام وطلع ...
لمى : سلطان من تزوج وهو متغير يضحك على أي شي
لا صار يعصب قلبته الساحره
جنان :ههه أنتم اللي مستفيدين
لميا :اركدي شوي ترى بيخرب
رغد : ففمي علك وخري بأرمية
وخرت لميا عنها وراحت رمت العلك رجعت تزيين لها ....
شذا تدخل عليهم : سلااااااام
الكل : وعليكم السلام
شذا سلمت عليهم وجلست تطالع لميا :أبي
لميا : اصبري اخلص من رغد واسوي لك
شذا : بس ما أبي نفس الشكل
لمى : شوفي الكتاب على التسريحة فيه أشكال تعالي نختار
شذا:بنسوين بعد
لمى:أكيد كلنا بنسوي
شذا تقوم تجيب الكتاب ووتفرج هيه ولمى ,,
جنان :وين روان ؟؟
شذا :تحت مع مرت عمي يسولفون وعشان نورة بعد ماتعرف
جنان :بأروح أجلس معهم
لمى:لااااااااااا يا الدخلة نسيت اللي في وجهك
جنان تحط يدها على فمها :يوه نسيت
شذا:بغت تفضحنا
لمى:والله أخاف أمي يزل لسانها وتحكي
لميا: لاوين محذرتها
شذا: متى الحفلة تبدا
لميا :بعد العشا ......
انا الشاكي أنا الباكي أنا الحساس
لميا رفعت جوالها :حركات بنات رقم غريب
شذا: لا تردين
لميا : لا برد أخاف وحدة من صديقاتي
وترد .:ألو ... لا غلطان .... قــــلت غلطان
....طيب ..مع السلامة ,,,
شذا :من هو
لميا :وش يدريني واحد غلطان ولا بعد يوق متأكد
مالت عليه ما يستحي
شذا: ما بقى إلا تكفخينه شوي شوي ترى غلطان
وإذا مو صاحي بيدق مره ثانية
لميا:إذا دق عطيته تركي ...
وتكمل رسم في وجه رغد ...
(كنت أدري انه ريان لأن نفس الصوت وقبل صوت نفس رقمه
اللي مسحته بس ليش داق وفي هالوقت .؟
ومستغربه من نفسي ما ارتبكت ولا شي
لأن أصلا ما يعني لي شي وكيفة يدق لين يشبع ما راح أعطيه وجهه...)
ريان(أنا عارف انها لميا بس ليش تكلمني كذا
وتطلعني غلطان أكيد عندها أحد وبعدين ليه ادق عليها
عشان أقول لها ان زواجي بعد بكرة
ليش أقول لها احرها,,وليش واثق من نفسي أنها
بتغار وتتحسف .. بكيفها خلها بعيدة عني أحسن وكيفها
أصلا انا ما كان ودي أدق عليها مع أني ماسح رقمها
بس لم فكرت أقول لها رجع في ذاكرتي رقمها وعلى طول دقيت..
كيفها بأشوف إذا هي مهتمه وش أبي بترجع تدق علي ولا أنا ما راح أدق مرة ثانية)
.................................................. .........................................
شهد : ترى من جد مصختها معي إذا أنت متضايق عشان
أمك ما خلتك تقول شي لعروب أنا مالي ذمب تمنعني من الطلعات
وأبي اللحين أروح لبيت عمي منصور حفلة وداعية لنورة
وماتبيني أحضرها
سامي : شهد قلت مافي روحة كيفي ما أبيك تروحين حركات بنات ماصخة
شهد : أقول أصحى بيت عمي هذا والكل هناك محترم
لا تظن عندنا حركات من تحت وتحت بعدين أستح على وجهك تقول هالكلام
لوحدة متزوجة وعندها بزرين وإذا عروب بتغير تفكيرك كذا خلني أرجع
لبيت أبوي أحسن دام رجلي ما يثق فيني
سامي يمسك راسه : شهد اسكتــــــــــــــــــي
شهد خافت
سامي بنبرة قوية: شهد والله إني ما سكتي اللحين لا أذبحك
مسك راسة اكثر : جيبي لي بندول بسرعة راسي مصدع
شهد خافت عليه : شوي وأجيب
وركض جابت كأس موية وحبة بندول
وعطتهم وكل الحبة ....
شهد : أروح للحفلة ولالا ؟؟؟
سامي : لا
شهد : اوووووووووووف منك
وتطلع من عنده ..
.................................................. ..............................
نورة ماسك فمها والدموع تجمعت بعيونها :
كل هذا لــــــــي
شذا : يلــــــــه تفضلي اقطعي االكيكة ......
نورة تتقدم : لا ما أقدر تعالو معي
لمى : يله نورة أقطعي
وتعطيها السكين كبيرة ....
نورة تمسكها وهي خايفة : لا ما أقدر
شذا : كنها بتذبح واحد تراها كيكة ....
نورة وبيد ترجف قطعت الكيكة الكبيرة وصفو لها
شغلت لميا المسجل على اغاني أجنبية ما كانو يفهمو معناها
بس تسوي جو في الحفلة
أستمر الضحك على نورة الخايفة
ووزعو الكيك عليهم وأنشغلو في الأكل
ثم كل وحدة قدمت هديتها لنورة
اللي على الأخير نزلت دموعها بهالوداعية
ثم رقصو شوي وعلى الأخير تصور مع بعض
ثم طلبو لهم عشا على ذوق نورة
وتشو ..
وكملو سهرتهم على فلم لم الساعة 3 الفجر رجعو لبيوتهم ....