ضحية رجلين - الفصل 26 - بقلم بنت الأكابر - مكتملة | روايتك

الفصل السادس والعشرون ......................متى ؟؟؟؟؟؟؟؟ تقولي ... .................................................. ..حياك حياتي كلها تفداك) جمانه بعد ما قالت لأهلها أنها بتروح عند صاحبتها وراحت لنهاد وجلست عندهم وهم ضيفوها وحطوها على روسهم ... اتفقو ان جمانه تركب مع بدر بس بيكون حسام قريب يعرف وش بيصير .. انتظر جمانه عند الباب وجاها بدر بعد ما وقف عند الباب وبسرعة ركبت ... بدر : هلا وغلا.. جمانه : بلا هلا بلا ايش عطني كل صوري ... بدر : ليش مجنون اعطيها لك بدون مقابل ,,, جمانه : اسمع ترى اقدر اللعب عليك واطلع وجهه مثل وجهك بس انا عندي ضمير صاحي فلو سمحت تعطيني الصور بالطيب لأن في شي اسمه قانون وبنات خلق الله مو لعبة بيدك لو سمحت عطنياها بالطيب يكون أفضل .. بدر : وإذا قلت لا ؟ جمانه : بدر أنت وراك أهل وناس يبونك لاتضيع عمرك في إبتزاز بنت وأخرتها تنطق في السجن أنا أقدر أجيبك بأي وسيلة أنت مو بعيد علي تفهم أنا اللحين أعاملك بالطيب فلو سمحت قابلني بمثلة وعطني كل الصور بدر : بس انا ما جبتها ... جمانه : وليش ما جبتها بتجيبها مو على كيفك بدر : على كيفي .... وشغل السيارة بيمشي ... جمانه : على وين ؟؟؟ بدر :للبيت أجيب الصور جمانه : تحسب نفسك مركب بقرة ما تفهم ما يمديك بدر : بقرة وأكبر بقرة جمانه : والله أنت البقرة اللي مضيع البيت وحاط صور على سيارة ناس ثانين أنت تنح غبي على بالك اللحين أهلي يدرون عن الصور لا ماراح يدرون لأنك غبي غبي بدر : نعــــــم ؟؟؟؟؟؟ جمانه : اييه غبي وبلا لعب بزران وحركات لف ودوران بتجيب الصور بتجيبها والله ثم والله لك ساعة كاملة إن ماجبتها أنا أجيب وفتحت الباب ونزلت وبدر لازال بصدمته يعني خربط بالبيوت غبي غبي ليه ما سأل عن راعي البيت .... شغل سيارته وبسرعة مشى ووراه حسام ... دخلت جمانه البيت : نهاد : ها وش صار جمانه : قلبي قلبي والله خااايفة نهاد : وش صاااار ؟ جمانه تتكلمت لها وش صار بسرعة جمانه : خلي أخوك يكلم الهيئة أو يتصرف هو أخاف يفضحني .. نهاد : طيب ألللحين أكلم حسام بس أنتي هدي ... وتدق على حسام اللي مارد عليها ............. نهاد : ما رد .. جمانه : دقي مرة ثانية رجعت نهاد تدق على حسام وعاطاها مشغول نهاد : سكر بوجهي ... جمانه : خايفة وش بيسوي أخوك هذولا عيال ماعندهم إلا الضرب نهاد : خل يضربه لم بكرة عشان يعقل ولا يسويها مرة ثانية .. جمانه : خايف اهلي يجون وما صار شي ... نهاد : اصبري شوي يمكن يدق حسام بعد شوي ..... احم احم احم فيه أحد ........ نهاد : عبدالكريم اصبر شوي جمانه : رنوح للملحق نهاد : يله .. ويدخلون الملحق ... وجمانه على اعصابها كل هذا بسبب ملاك التبن .... في جهة ثانية .... بدر متوتر يسلم كل الصور لأن السالفة بتوصل للهيئة وبنفضح ساعتها... وهنادي في ملكتها لسه ما تزوجت سمعتها حساسة هالوقت اعطيها الصور وقلعتن تقلعها لا بارك الله فيها من بنت وانا وش خلاني أسوي كذا ؟؟ البنت ما تبيني غصب يعني .. وأنا الغبي اللي ملخبط بين البيوت والسالفة انكشفت .... يا بدر مالك إلا تعطيها وتفتك وبنات الناس واجدين في غيرها ألف وحدة ينلعب عليها ... وقف عشان الأشارة .... فتحت وهو غارق بتفكيرة ... وصوت البواري ملا الشارع .. انتبه وحرك رايح لبيته ... حسام وراه ما تركه ,,,,,, وصل لبيتهم ... نزل بدر بسرعة دخل غرفته وقفل الباب ,,, جمع كل السيديات اللي عنده ,,, ما بقى شي يخص جمانه عنده ... جمعهم وحطهم في كيس ,,, وطلع بسرعة ,,,,,, هنادي تراقبه من بعيد ..وتدق على سلمان ,, سلمان : ها طلع ,, هنادي: ايه طلع أنت وينك ,, سلمان : أنا عند الأستراحة ,, هنادي :أكيد بيجي اللحين ادخل معه لا دخل سلمان: طيب يله مع السلامه ,, هنادي : مع السلامة ,,, بدر في طريقة لبيت الناس اللي كان يحسبه بيت جمانه مسرع مرره بغى يصدم مرتين بس الحمد لله ما جاه شي .. وصل للبيت وعلق على البوري ...... جمانه : هذا هو .. نهاد : اطلعي له ,, جمانه : أخاف وين أخوك ..؟ نهاد : ما عليك اطلعي وأنا براقبك عند الباب ... جمانه تلبس عبايتها بسرعة وتطلع : بدر يمد الكيس : هذي كل الصور ولا أعرفك ولا تعرفيني ,, جمانه تاخذ الكيس : وش ضمني أن ما عندك نسخ ثانية .. بدر : لا أظمني ما عندي لك شي جمانه : وش يضمـــني ؟ بدر : أنتي أصلا ما وراك إلا المشاكل انقلعي لاعاد الله من شوفه جمانه : اسمع لو يصير شي تأكد مع الزمن بترجع لأختك ولا أحد يقرب لك يعني من دق باب الناس اندق بابه ,, بدر طفش: والله العظيم ما عاد عندي لك شي جمانه حست أنه صادق ,,, ركب بدر سيارته مودع الحارة الكئيبه .. حسام : وش قالك ؟؟ جمانه : بسم الله من وين طلعت حسام : وش قال لك .؟ جمانه : عطاني الصور ,, حسام : متأكدة انها كلهم ,,,, جمانه : اتوقع بأدلخل وأشوف .. حسام : انتبهي على عمرك ,,, جمانه : إن شاء الله وتدخل بسرعة البيت وتروح للنهاد وشافو السيديات اللي كلها صورها منسوخة اكثر من مرة ,,, كسرتهم ورمتهم في الزبالة ,,, ودقت على اهلها يا خذونها ,,,, وجاها نايف وخذها ,,,, .................................................. ................................. في بيت أبو تركي ,,,, الكل كان مجتمع إلا تركي لأن مرت سلطان فيه ... سلطان : بتروحون العرس إن شاء الله لمى : أكيد بنروح بس ما ارسلو البطاقات سلطان : يقول بكرة بيجيبها بس يبي يعرف كم عددنا أم تركي : وانت ما تعرف كم عدننا 5 حريم 4 رجاجيل ,, سلطان : لا يقول أعزم كل أهلك ,, لميا : شكل العرس كبير ,, سلطان : أكيد كبير هذا ولد ال.... وما تبينه كبير ... رغد : متحمسة اشوف عرسهم أبو تركي : كل حريم اخواني يجون سلطان : دق علي العصر يقول كلهم تعالو لعرسي لا تخلي أحد أم تركي : وبيمديهم يتجهزون العرس الخميس الجاي ,, لميا : يمكن عندهم فساتين ؟؟ رغد : لا هم ما يلبسون الفستان إلا مرة وحدة لمى : إن شاء الله يمديهم أحنا بتقول لهم واللي يبي يجي يجي.. لمى تكلم جنان بصوت واطي : تجهزتي للعرس ؟؟ جنان : ايه خلصت أمس ,, لمى : يا حظك وش لون فستانك ؟؟ جنان : أحمر لمى :خخ مسكين سلطان بيروح فيها جنان استحت: يله عاد لمى : اموت على اللي يستحون أقول كيف شكلة جنان : ااممم ماراح أقول تشوفينه في الزواج لمى : يا شينك ,,,, سلطان : يله جنان مشينا أبو تركي : وين تعشو ,,, سلطان : لا مرة ثانية ,,, أبو تركي : صل معنا بكرة في المسجد ,,, سلطان : لا وين مسجدكم بعيد بأصلي الجمعة في مسجدنا أبو تركي : بهوالك المهم سير بكرة سلطان : إن شاء الله جنان تلبس عبايتها : يله تمسون على خير اكل : فمان الله وطلع سلطان وجنان وركبو السيارة بس على جيت تركي للبيت سلطان نزل يسلم تركي : هلا والله وش أخبارك ...؟ سلطان : بخير وش أخبارك أنت ؟؟ تركي : الحمد لله وش أخبار الأهل ,, سلطان : الحمد لله تركي : وينك ماعاد نشوفك سلطان : جامعه وشغل وزواج وين تبي تشوفني تركي : الله يعين وين رايح تعشى عندنا سلطان : لا مرة ثانية ,,, تركي : تطلع معي بكرة سلطان : ليش؟ تركي : امشيك بسيارتي سلطان : صار متى تبي تركي : أنا فاضي أنت اللي مشغول متى تبي ؟ سلطان : هه العصر للعشا ,, تركي : خلاص امرك العصر ,, سلطان : خلاص نشوفك بكرة مع السلامة تركي : مع السلامة ,, راح سلطان للسيارته وركب ومشى وتركي دخل البيت ,,, .................................................. .................................... سلمان نعسان وينتظر بدر ما جى دق على هنادي وقالت انه مو في البيت قرر يرجع ينام أحسن ,, وأرسل لهنادي بدر ما جى فيني النوم مو رايق انتظر مرة ثانية ) وشغل سيارته ومشى وهو في الطريق جته رسالة من هنادي , (تصبح على خير ونوم العوافي يارب ) أرسل (وأنتي من اهله ..) وراح لبيته وفي الاستراحة وصل للأستراحة بدر اللي حالته حالة مكشر ومعصب دخل الأستراحة ونسى عمره معهم ,,,, .................................................. ...................................... يوم آخر................. كان الصباح حلو مرة خاصة لم تستفتحة بقهوة سودا ثقيلة تعدل المزاج ,,, هذا كان بالنسبة لصاحبتنا مي ,,, مثل العادة كل صباح ’’’ العائلة مجتمعة على الفطور ,,, أم بشاير : هذي السورية اللي كلمتك عنها قالت لي نتغدا عندها اليوم تقول جيبي زوجك وبناتك ’’ أبو بشاير : هي متزوجة ,, ام بشاير : ايه وعندها بنت وولد نسيت أمي حكيت لك عنهم ,,, أبو بشاير : وأنتي عطيتيها خبر ان احنا راح نجي ,,, أم بشاير : ايه عطيتها أبو بشاير : الله يهديك كنت ناوي اخلص بعض الأشغال اليوم عشانه اجازة أم بشاير : ما عليه نتغدا عندهم ونجلس للعصر بعدين نطلع وانت تفضى لأشغالك ,, أبو بشاير يقوم : أن شاء الله أنا باطلع ,, ام بشاير : وين ؟؟ أبو بشاير : عندي اشغال كثيرة ,, أم بشاير : يصلح اجي معك ما عندي شغلة أبو بشاير : يله قومي ,, أم بشاير تقوم : بنات لا أحد يطلع من البيت إلا وهو متأكد من الباب مسكر ولا لا؟ بشاير ومي : إن شاء الله وراحت أم بشاير وأبو بشاير لبسو وطلعو ... أول ما تسكر الباب ,,, كلهم : فلـــــــــــــه بشاير : ههههه أنا بأطلع لوحدي مي : ومن قال لك أني أبيك بس وين بتروحين؟ بشاير : ما ادري ادور مكان حلو أقدر اصور فيه مي : يعني بتروحين تصورين.. بشاير : ايوه وأنتي بتطلعي مع سبا ,, مي : لا لوحدي أمس خذت مصروف الشهر من بابا بأروح أشتري لي بعض الأغراض .. بشاير :اوكي بس أخاف يجو مبكر ,,, مي : ماعليه ماراح يهاوشونا اليوم إجازة وعلى كيفنا بعدين أحنا كبار ومو اول مرة نطلع بشاير:شوي شوي كلتيني ,,, مي تقوم : يله بأروح البس بشاير : ماتاخذين شي من ملابسي لو سمحتي مي : أعوذ بالله ما أبي شي منك ... وتدخل الغرفة وتطلع بنطلون أبيض مع هاينك فوشي أحتارت وش تلبس فوقة وطلعت بشاير : بتروحين كذا!!! مي : إيه وش ناقصني عن هالشقر ,, بشاير : لا تمزحين ,,,! مي تسوي نفسها تفتح الباب : يله باااي ,, بشاير :؟؟؟ مي ترجع : خبلة تبين أبوي يذبحني بشاير : يا تبنه صدقت ,, مي : خبلة تصدق أي شي ,, وتدخل غرفة أمها وأبوها دارت بنظرها : دايم مرتبه نفسي أشوفها حوسة ,, تفتح الدولاب الخاص بملابس امها وتدور فيه وأخيرا لقت بالطو أبيض حلو ومن جهة الرقبه عليه ريش كثير خذته ولبسته .. شافت نفسها في المراية ,, باقي الجزمة والحجاب ,, ما طلعت من الغرفة توجهت لمكان الجزم وجلست تدور ما لقت شي يناسب راحت للغرفتها هي وبشاير وطلعت جزمتها الرياضية الفوشة ولبستها .. طلعت الحجابات الكثير وجلست تجرب تبي واحد مو ثقيل ودافي .. لقت واحد أبيض وعلى الأطراف منقوش بوردي فاتح :ممم مو مشكلة يناسب ولبسته .. طالعت نفسها في المراية مثل كل مرة قبل لا تطلع ناقصها شي ما تحط مكياج مو لازم خذت بوكها بس ما تحتاج لشنطة ... طلعت للصالة ,,, بشاير : لازم تاخذين من غيرك .. مي : وش أسوي شتا ولازم أجمع عشان اتدفى بشاير تقوم من جلستها : طيب لك ساعتين بس وترجعين .. مي : لا يكوني بابا وأنا ما ادري بعدين أنا رايحه أتسوق مو ألعب يعني بأطول .. بشاير : كيفك خلاص روحي ... مي : بااااي أراك لاحقا بشاير : بااي وتطلع مي وعلى طول على مكان سكن محمد اللي الا الأن الحظوظ ما قربتهم من بعض ,, على طريقها اللي الناس فيه قليل مرة خذت راحتها مع هالجو وجلست تغني ,,,, بصوتها الأقرب لنوال الكويته بس بأغنية حسين الجسمي .......... يا صغر الفرح في قلبي .....ياكبر الألم والآآه .. تغرب في زمنها الناس .. وزود ضلمهم بلواه .. لانه مختلف عنهم ,,, تبرى من طبايعهم .. وقفت نست الباقي لكن كملت اللي تعرفة ... يا دنيا مالها صاحب غريبة صدقها كاذب .. تجازي من الوفااا حرمـــــــــــــــان ... ووقفت ,,,سعت واحد : صوتها مره حلو اللي جمبه : تتوقع وش جنسيتها ,, مبارك : ما ادري بش شكلها يقول من الشام .. خليفة : خلها في حالها ولا وش رايك .. مبارك : ما ادري عيبني صوتها ويكملون كلامهم .. مي سمعتهم انتفضت خليجين سمعوها يا الورطة مبارك : ختي ممكن شوي .. لفت مي : نعم ..؟ مبارك ":وش جنسيتج؟ مي : سعودية ليه .. مبارك : بس أسأل ظنيتج من الشام مي : لا مو من الشام أي خدمة مبارك : زين ممكن ناخذ من وقتج شوي ..؟ مي رفعت حاجبها : وش تبي بسرعة ... مبارك : لا كنت ماشي أنا ورفيجي وسمعناج تغنين وعيبني صوتج ممكن تغنين لنا .. مي : لا طبعا وتمشي بسرعة ... خليفة : هيه طلعت سعودية خخخخ والله مالك حظ فيها مبارك : كيفها البنات هنه وايد وشكلها وايد نافخة روحها مدري على ايش؟ خليفة : على صوتها هههه مبارك منقهر : ما يضحك ... مي وصل لسكن محمد وتدخل العمارة لم مشى الشباب اللي تتو وتعدوها ,,, حمدت ربها ,,:اوووف فكه وسكتت ,, محمد مر من جمبها وما طالعها وطلع ,,, مي : وش هالأنسان غريبببب طلعت تشوف وين بيروح محمد لف عليها : تحسبيني ما أعرف انك تلاحقيني مي حمر وجهها اهانها بهالكلمة محمد : وش تبين مني ؟ مي : انت في طريقي دايم أنا ما الاحقكك محمد : ايه صدقتك ومشى مي وقفت بعدين مشت وبسرعة تعدت محمد وما لفت عليه محمد استغرب من البنت وش فيها ...:أنتي مي سمعته بس طنشتة قهرها مرة صح هي تلاحقة بس هو فهمها غلط خلاص من اليوم ما راح تلاحقة أسلوبه غبي ينرفز ... وقفت مي على الشارع بتقطعة وقطعته بسرعة وقطعت الشارع الثاني بسرعة وحمرت الغضب خذت مساحة كبيرة من وجهها دخلت محل ورود ما كانت تبي شي أصلا منه بس تبي تروح من نظر محمد ... محمد عرف انها دخلت محل الورد ... لكن طنشها وكمل مشواره اللي جاي عشانه ,,,, ومي انسدت نفسها ما تبي تشتري شي وراحت لمحل يبيع دفاتر أشكالها مره حلوه وجلست تدور ماراح تطلع من المحل إلا شاريه منه ما تكتب بس كذا بتشتريه ’’’ شافت دفتر مذكرات لونه أحمر صارخ ومحروق عليه شكل قلب ومكتوب جواته(I love you) عجبها وخذته حاسبت عليه وطلعت ,,, طالعت ساعتها لها نص ساعة من طلعت من البيت راحت لمطعمها المعتاد .. لكن شافت فيه الخليجين اللي وقفوها لم كانت تغني رجعت بسرعة ماتبي يشفونها ... راح راجعة لبيتها وتفكر تروح مع امها لصديقتها الجديدة ولالا؟ وصلت للبيت وفتحت الباب ودخلت : ماما بابا مامي بابي بيشوووو .. راحت لغرفة امها وأبوها مالقت احد .. أكيد لسه ما جو .. قفلت الباب ... وبدلت ملابسها وحطتها مع بعض حتى لا جت تروح مع أمها تكون جاهزة ما تحتاج تدور وش تلبس .. جلست في الصالة تطالع التلفزيون في ملل سكرته وراحت تنام ,, ما كان فيها النوم ,, بس فاضية ,,,, .................................................. ................ نورة : شذا خذي شوي مني طفشت من الروجيم .. شذا اللي تقرا مسج بجوالها : لا ما أبي وش قالو لك ... نورة تسحب الجوال من شذا : ساعة تقرين .. وتقرا المسج : ويه متى العرس ؟ شذا : ما ادري بس قريب مافي وقت نتجهز ,, نورة : ومن مشاري ذا ,, شذا : شوي وأدق على لميا أعرف السالفة .. نورة : ياالله من زمان ما رحت زواج دقي ولا بأدق انا على لميا ... شذا تاخذ الجوال : بأدق أف .. وتدق على لميا : سلام لميا : وعليكم كيفكم ؟ شذا : كلنا بخير بسرررعة من هو مشاري ذا ومن يكون ووش سالفته ومن ماخذ ومتى العرس وليه ماقلتو لنا مبكر ,,, لميا : اصبري شوي لا تصرين خبله أول شي هذا مشاري صديق تركي من زمان والشركة حقت أبوه هو اللي يشتغل فيها سلطان وبيتزوج الأسبوع الجاي وعازمنا كلنا واليوم وصلت البطاقات بنرسلها لكم وأي بنت ما خذ بتشوفينها في البطاقة خلاص .. شذا : لازم نجي يعني لميا : الرجال عازمنا نردة يعني وبعين هذا زواج ناس راقيه ليه ما نحضرة وش ورانا .. شذا : والله إنك صادقة وش ورانا المهم بأرسل السواق ياخذ البطاقات ويالله يعينا على السوق ومقاضي الزواجات افف عاد أنا حاله مع الفساتين ’’’ لميا : أنا والله بأخذ لي أي شي المهم يكون لايق بالمناسبه والمكان شذا: يله أجل بأسكر فاضيه ادفع فواتير عشان هالسوالف لميا: مالت عليك مو أنتي اللي تدفعينها عمي وتبخلين بعد شذا : لا والله هالشهر مكلمة كثير وأخاف يوصل الحد الأتماني وأكلها يله باي لميا : ببيباي... وسكرت ... روان تجلس معهم : هم اسمع فيه ريحة زواج .. نورة : ايه زواج .. شذا : نحضر ولا نسحب روان : أول شي من زواجه ووش يقربون لنا وجلست شذا تفهمها ,,,وتشرح لها .................................................. ................................................ قامت على صوت جوالها: الأماكن كلها مشتاقة لك والعيون اللي انرسم فيها خيالك والحنين اللي سرى بروحي وجالك ماهو بس أنا حبيبي والأماكن كلها مشتاقة لك مشتاااقة لك طالعت المتصل : بيشو وش تبي تتصل هالوقت وبعدين كم الساعة :اوف وتعدلت بجلستها على السرير ولمت شعرها على جمب رجع دق الجوال وردت:الو بشاير: صباح العصر مي بصوت ثقيل كله نوم: هيه أنتم وينكم فيه ووش صاير؟؟ بشاير : يا حلوه احنا عند صديقة أمي مي تذكرت : ايه صح وليه ما صحيتيني أروح معكم بشاير : صحيتك بس ما قمتي أخر شي طفشت منك ورحنا مي : ما حسيت طيب انتم وين ؟ بشاير : لسه متغدين وبااقي شوي ونرجع وتكلمت أمها اللي جمب بشاير ,, ورجعت بشاير للسماعة : ساعتين ونص بالكثير راجعين ,, مي : ومعكم بابا؟ مي : ايوه معانا تقول لك ماما صلي الظهر وتغدي وترى مافي غدا في البيت وحطت لك فلوس على طاولة الأكل حق الغدا لأن يمكن احتمال نطول أكثر من ساعتين .. مي : طيب خلاص باي بشاير : باي رمت مي جوالها على السرير بملل وخذت منشفتها ودخلت الحمام توضت وطلعت تصلي الظهر .. ورجعت دخلت الحمام تاخذ لهال شور على السريع .. طلعت من الحمام ولبست نفس الملابس الصبح وراحت للمطبخ شربت موية وخذت الفلوس اللي على الطاولة وطلعت من البيت وتحس بالجوع بيقطع بطنها الساعة : 4:10 ودخلت المطعم وطلبت وجبة دسمه تشبع معدتها الجوعانه بعد ما خلصت وبالأخص شبعت قامت بسرعة راجعة البيت خافت تشوف الشباب اللي في الصباح أو السعودي اللي ماتعرف عنه شي ,,, وصلت للباب البيت بس ليش تدخل ما عندها شي جو واهلها كلهم طالعين ,, مالها الا تتمشى طرت على بالها سبا ودقت عليها : سبا : السلام عليكم مي : وعليكم السلام كيفك وكيف الماما سبا : تمام وكيفك انتي مي تقلدها : تمام أقول فاضية سبا : إذا طلعة خليها في الليل اللحين اسمحي لي مشغولة مرة مي : آه منك بالليل ما اقدر طيب بس ساعة نتمشى مع بعض سبا : سوري مو بيدي مي : مالت عليك يله باي سبا : باااي سكرت مي من سبا واشرت لتكسي ووقف وركبت ما كانت تعرف وين تروح بس قالت له يمشي وبس ,,,, مشت حوالي خمس دقايق ووقفته ودفعت الحساب ومشت ,,, ما عندها هدف معين بس بتمشي ,,, ودق جوالها طالعته وردت : هلا سبا سبا : مم زعلتي ؟ مي : ايه سبا: أحسن هذا اللي ابيه ههه مي : يالخايسة توقعتك بتقولين بأجي معك .. سبا : لا بس كنت بأقولك تجين بيتنا الليلة مي : وش نسوي في البيت سبا : بنصلح عشا أنا وانتي وناكله ونطالع فلم سهره يعني مي : مم اوكي خلاص اجيك بس متى سبا : 7 ونص تعالي ,, مي : اوكي على الموعد سبا : باي مي : باي ,,,,, وجلست مي تدور في الشوارع لحد ما ملت ورجعت للبيت وجلست ترتب نفسها ووش بتلبس في بيت سبا لحد ما جو أهلها وجلسو يسولفون لها وش صار عند السورية .... .................................................. .............................................. روان : يله ماما روحي معنا أم روان : لا والله أنتي تعرفين مقاسي وأي شي يناسبني جيبيه بس لاتكون الوانه غريبة روان : طيب خالتي تعالي معنا ,, أم وليد : لا والله عندي جلابيه مفصلتها 2800 ما لبستها إلا مره بألبسها شذا : أقول يله بس نمشي تأخرنا نورة تصلح نقابها : يله وطلعو البنات مع السواق ,,, في الطريق ... شذا : وليد أمس كلمته يقول يمكن يجي بالطيارة الاسبوع الجاي بيجلس يومين ويرجع.. روان : للحين ما خلص الجامعة شذا : باقي له شوي ويتخرج ,, نورة : الله ييسر له المهم ترى نهاية الاسبوع رايحين للبيت الجديد .. شذا : ايه أمس أبوي يقول راحت ريحة الصبغة روان : يوه أنا اكرهه ريحة الصبغه تجيب الصداع ,, شذا: حتى أنا ووواع اتقرف منها وجلسو يسولفون لحد ما وصلو السوق عند البوابه ,,, نورة : روان غريبه ما جبتي فيصل روان : لا عادي ما راح اخذه شذا : غريبه روان في نفسهاوالله ماتدرون انه سافر) : عادي يله بس لايضيع الوقت علينا ,,, .................................................. .................................... شهد : بأروح يعني بأروح سامي : لا مافي روحة ومن يقعد عند ريماس ’’’ شهد : بأخذها معي ولا أمك تقعد عندها بس انا بأروح .. سامي : أمي مو شغالة عندك .. شهد : ما قلت شغالة بس عرس ولد عمي مسكتها تمسكها هالمرة وش وراها ,, سامي : ناس ما يقربون لك ليش تحضري العرس ,, شهد : أبي اطلع اوسع صدري ماتحس أنت سامي ينسدح على السرير : مافي روحة لا تناقشيني ,,, وصحيني بعد ساعة ,,, شهد : اوووف وش هالعيشة القرف ,, وتطلع من الغرفة بعد ماصفقت بالباب بقوة ,,, ونزلت للصالة,,, شروق : شوي شوي على الباب بغيتي تكسرينه شهد واصله معها : أكسره أحرقة كيفي أنتي انطمي واسكتي شروق : أنا تسكيتني من تكونين شهد :أنا بنت(,,,) وإذا عندك شي تكلمي شروق : ههه مسكينه ما تدرين أن سامي بتزوج عليك شهد: يتزوج إن شاء الله مية حرمة علي قلعة تقلعة وانتي معه شروق: مسكينه شكل سامي مطلع عبيدك . شهد : احترمي نفسك وإذا شي بيني وبين سامي إنتي مالك دخل فيه ,, عورب تطلع من غرفتها لابسه عبايتها ولافه الطرحة وتنزل من الدرج : اووف من جت هالعلة وكل شي هواش اسكتو ترى ماما نايمة ,, (نسيت أخبركم عمر الأخ اللي بعد سامي 24 سنه وهو في مكة خلص دراسه وبيرجع قريب بعدين شروق عمرها :23 سنه وبعدها عروب 20 سنة) شروق : وانتي وين طالعة ,,, عورب : وانتي ماما حتى تعرفي.. شروق : لا بس أسأل .......... عروب : مرة ثانية ما تدخلي ..... وبتطلع من الباب ,, شهد : والناس تطلع كل هالمكياج يحطونه لو إنك رايحة عرس ,, عروب : أنتي ما تدخلي فاهمة ,,, شهد : اطلعي بس ,, عروب : أصلا أنا طالعة ما يحتاج تقولي ... وتطلع من البيت ,, جت أم سامي بعد ما صحت : وشفيكم ليش كل هالأزعاج؟ شروق : لابس شهد فيه أكيد بيكون إزعاج ,,, أم سامي : وانتي متى بتفكين شرك عن الناس.. شهد تقوم : متى ما تعلمتو تحترمون الناس ... شروق: ايش قصدك يعني !؟ شهد تمشي : اللي يجي في بالك .. شروق : حقيرة ,,,, وطاااااع وصوت صياح فارس ,, ركضت شهد بسرعة وكان فارس طايح من الدرج شالته بسرعة : بسم الله عليك بسم الله عليك وصياح فارس قوي ,,, ام سامي : هذا أنتي ما تهتمين فيه شروق:هيه ولد أخوي شهد ماتسمع كلامهم رقت فوق لغرفتها ,, دخلت وقام سامي من صياح فارس ,, شهد : اوش ماما اووش حبيبي .. سامي :وش صاير؟ شهد : قوم لبس شكله طايح عند الدرج قووم نوديه المستشفى صياحة مو طبيعي ,, سامي لبس ثوبه بسرعة وشهد لبس عبايتها ونزلو بسرعة شهد : انتبهو لريماس لا تصحى ومحد عندها أم سامي : روحي بس جعلك ما تردين شهد ما هي رايقة ترد عليها وطلعو راحين للمستشفى وطول الطريق فارس ما سكت ,,,, وصلو للمستشفى ,, ودخلو على طول على الدكتورة ,, وسو له أشعلة بسرعة وتبين أن عنده في رجله اليسار متشعره ,, جبسوه ,,, عقب خف صياح فارس : في السيارة : سامي:كيف طاح .. شهد : ما ادري شفته طايح عند الدرج ويصيح شلته وقومتك أكيد طايح من الدرج ,, سامي : وأنتي وينك عنه .. شهد : وأنا بقعد الاحقة 24 ساعة ليش الشغالة موجودة وهذي مهمتها بعديين فارس ما يقعد في مكان طول الوقت يدور ,, سامي : ولا تبين تروحين العرس.. شهد ارتفع ضغطها بس سكتت .. وصلو للبيت وكان السواق واصل ونازلة منه عروب ,, سامي يفتح الباب ويدخلون ... في الصالة : أم سامي : وش صار فيه ؟ سامي :رجله اليسار متشعرة .. أم سامي :ويه ياعمري عليه كله من زوجتك اللي تاركه عيالك في كل مكان ماتراقبهم شهد تطلع فوق .. سامي لف على عروب : وانتي وين كنتي فيه .. عروب : طالعة مع صاحبتي حنان فيها شي ؟ سامي : وكل هالمكياج ؟ أم سامي : سامي عروب بنتي وتسوي اللي تبي مالك دخل فيها .. سامي يطنش أمه : ووين راحين .؟ عروب : رحت لبيتها ,,وتطلع لفوق ,,, سامي: انتبهو لها كاثرة طلعاتها هالأيام .. أم سامي : قلت لك بنتي وتسوي اللي تبي ,, سامي : طيب فهمنا ويرقى فوق دخل الغرفة .. فسخ ثوبه ورماه على شهد : علقيه .. طالعته شهد : خير إن شاء الله وش شايفني .. سامي ينسدح على السرير : شايفك زوجتي ,, طالع فارس اللي نام وآثار الدموع على وجهه باسه على خفيف وقربه لمه : شهد تبين تخلينا نرجع لبيتنا جلست شهد على السرير : ياليت ,,, سامي :عاملي اهلي زين ونرجع للبيت ,,, شهد : بس أهلك أنا أعاملهم زين ,,, سامي : اسمعي أخوي بيجي بكره البيت فياليت ما تطلعين كثير من الغرفة ,, شهد : من جدك أقعد طول الوقت في الغرفة ؟؟! سامي : ايه وعمر خلاص بيجلس هنا على طول ,,, شهد : سامي من جدك! سامي : ايه من جدي سكتت شهد تمشي له الموضوع ثم قالت :بكرة بأروح لأهلي سامي : عقاب لك مافيه شهد : أحسن ما أبي .... .................................................. ............................. سبا ومي يطالعون الفلم جتهم أم سبا : حبايبي ممكن تقصرون على صوت التلفزيون سبا : تقصر على الصوت أم سبا : ماما مي متى أهلك بياخذونك مي : لسه خالتي الساعة 10 بابا بيجي ياخذني 11 ونص أم سبا : لا بس خفت ترجعي لوحدك . مي : لا مستحيل بابا يخليني .. أم سبا تدخل غرفتها ... وكملو البنات سهرتهم ..لحد ما جى أبو بشاير وخذ مي .................................................. ............................... نورة لبست الفستان اللي شرته اللي لونه ليموني :ها حلو .. روان : حلو بس يبي لك مكياج ثقيل شذا : أصلا دايم تحط مكياج ثقيل روان : يله اطلعو بالبس فستاني ,, وطلعو البنات لبست روان فستانها اللي لونه أحمر ضيق مره لم الخصر بعدين نفاااش لحد الركبه والظهر طالع نصة فتحت للبنات ... شذا :واووو يجنن نورة : مره حلو .. شذا : ايه ايىء اهئء أنا مسكينه روان : ياعمري والله نروح بكرة ندور لك فستان شذا: ماراح أدور بألبس فستان ملكة هنادي روان : ايه البسيه عادي محد شافه.. شذا :خلاص بألبسه روان : متحمسة مره للعرس نورة : حتى أنا ............ فسخو نورة وروان الفساتين وجلسو يسولفون أم وليد تصارخ من تحت : بناااااااااات تعالو البنات ركض على تحت شذا : وش صاير؟؟؟ أم وليد : عندي لكم خبر .. نورة : وشو خالتي لا تعذبينا أم وليد : تخيلو بنت أم ثامر انخطبت.. روان : وواااااااااااع نورة : أي وحدة وسن ولا رنا ؟؟ أم وليد : رنا شذا : ههه ومن خذها المسيكين ام وليد :من تتوقعون خاطبها .. نورة : مييين؟ أم وليد : سعد صديق وليد لفو البنات على شذا .. شذا : بسم الله وش سويت؟؟ نورة تصرف :ومتى خطبها ؟؟ أم وليد : مدري سمعت أنهم يقولون خطبها روان : خلاص ملكو أم وليد : لا بس خطبه ... نورة : الله يعينه بلشة وابتلش فيها روان : الله يعينه عليها هذي مو وجه زواج أم وليد : بتحشوون في البنت روحو عني .. ورقو البنات فوق مو عشان الحش عشان شي ثاني دخلو غرفتهم ,, نورة: شذا ياعمري سعد بيتزوج.. شذا : طيب روان: ذاك اللي طلعتي بوجهه شذا : ايه أذكره طيب نورة: يعني ما انقهرتي لم خطب شذا : هيه أنتم وانا كل من بأشوفه بقعد أفكر فيه عز الله اللي بأموت بعدين أنا ما حبيت سعد صدق انه شافني بس هذا ما يعني أني تعلقت فيه حمد الله وشكر هذا طبع الناس لا شافها واحد حبته على طول عادي كنه وليد عندي ,,, روان : يا حليلك يا شذا قمتي تقولين كلام كبار .. نورة : شذا في وقت الشدائد تقول حكم.. شذا: احم احم من قدي .. نورة : أقول يله بس كبرنا راسك شذا : مالت عليك ........... .................................................. .................. SlateGray Like رد مع اقتباس إقتباس متعدد لهذه المشاركة الرد السريع على هذه المشاركة #55 أضافة تقييم إلى ام مزن تقرير بمشاركة سيئة قديم 25-10-14, 04:29 PM الصورة الرمزية ام مزن ام مزن ام مزن غير متواجد حالياً نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر هنادي : سلمان خلاص خل بدر لا تراقبه أحس أني أشغلتك سلمان:خلاص أنا بأشوف لي يوم مناسب وأكلمه .. هنادي : يعني بتواجهه سلمان : ايه فكرت ومافي أحسن من هالحل ,,, هنادي : خلها بعد اسبوع خلاص سلمان : على راحتك,,, هنادي: سلمان ممكن أعرف شي ؟؟ سلمان: وشو ؟ هنادي : ليه نجود تكرهني سلمان : هذي بزر ومتكبرة عسى ما ضايقتك هنادي : لا ما ضايقتني بس كذا أبي أعرف.. سلمان : لا تفكرين فيها كثير هذي أخلاقها كذا من يومها في بطن أمي وإذا ضايقتك بشي قولي لي وأنا بأوقفها عند حدها هنادي: اوكي ,,, وجلسو يسولفون .................................................. .......................... مرت الأيام ... وجى يوم زواج مشاري ... البنات كلهم اجتمعو في مشغل واحد وتتعدلو ثم تفرقو لبيوتهم عشان يلبسون .. ثم راحو للقاعة .... الرجاجيل كلهم راحو (أبو وليد وأبو روان وأبو تركي وتركي وبندر وسلطان) والحريم دخلو مع بعض للقاعة .. بعد مافسخو العبايات... روان: نفس فستاني .. جنان : ههههه صدفة .. أم روان : طالعين كنكم خوات روان : هههه والله ماقلتي لي إنك مثلي جنان:وأنا ايش عرفني إنك مثلي أم تركي: يله عشان ندخل مع بعض.. لميا : نورة فيك شي متغير نورة:مثل ايش ؟ لميا : ناحفة نورة:والله مشكورة أول وحدة تلاحظ... لمى : ليه مسوية روجيم نورة :احم احم ايه.. رغد :شذا شهد ما راح تجي شذا : لا دقت تقول أنها تعبانه رغد: يله شوفي مشو البنات.. وراحو دخلو كلهم وبعد السلام تجمعو البنات كلهم على طاولة وحدة لمى : بنات كم الساعة مالبست .. شذا : الساعة 11 ونص لمى : تتوقعون متى بيزفون ؟ جنان : يمكن 1 12 ونص لمى : ياليت 12 مالي خلق فيني النوم روان : جنان قومي نرقص الكل قايم يرقص جنان : لا استحي ... روان : وش تستحين قومي بس جنان : لا ما أحب ارقص روان : أنتي لابسه مثلي خلينا نرقص مع بعض جنان : بأشاور سلطان قبل الكل : ههههههههههههههههه جنان حمر وجهها: بنات بااس شذا:ههههه وش عندك تشاورينه ؟؟؟ جنان : لازم أشاوره في كل شي لمى : ياربي على الطاعة لو تقولين له اللحين بيضحك عليك جنان تطالع جوالها وتنطشهم وتكتب رسالة: (سلطان بيت عمك تبيني ارقص معها عادي أقوم؟) دقيقة وأرسل (إذا شذا لا ترقصين خبلة وإذا غيرها عادي) ابتسمت جنان لميا : هههه الحمد لله والشكر ها وافق جنان تحط الجوال في شنطتها الصغيرة وتقوم : ايه وتمشي مع روان ويرقصون الكل كان يطالعهم عشانهم نفس الفستان ... وبعدهم البنات قامو يرقصون ... الساعة 1 زفو البنت أول وبعد نص ساعة دخل المعرس وأبو العروس وأخوان العروس 3 وخالها وعمها .. شذا اللي ماتقصر : لمى شوفي ذاك لمى :أي واحد شذا : اللي شكله أصغر واحد لمى : اللي يطالع الحريم شذا: ايه ههه ماخلى أحد مايدري أن الكميرا تلقطه لمى : أحسن ينفضح عند أهله شذا : تتوقعين كم عمرة ؟ لمى : ما ادري بس يمكن 19 نورة تسكتهم : بـــس لا أحد يسمعكم تحشون شذا :طيب خلاص بنسكت .. على الساعة 4 الفجر حطوا لعشا ,, تعشو البنات بسرعة وطلعو الكل راح لبيته وكانت الساعة حوال 5إلى ربع,, نورة وروان وشذا أول ماوصلو جلسو يصورون نفسهم بعدين نورة تبي تبدل بالغرفة فطلعو البنات وشذا راحت تبدل بغرفة شهد سابقا .. وروان نزلت للصالة تنتظر .. كان البيت مظلم تقريبا الكل نام ومابقى إلا البنات مسكت مجلة وحطت رجل على رجل ومتقرفة من نفسها تبي تبدل بسرعة ماتحب تجلس بفستان مدة طويلة .. فتشت المجلة بسرعة ورمتها على الطاولة القريبة وقامت أول ما رفعت راسها طالعت باب المطبخ شهقت وطاع طاع بالكعب ركض لفوق أول ما وصلت للغرفة حاولت تفتحها ما قدرت لأن نورة مسكرته .. وأول ما خلصت نورة فتحت الباب دخلت روان بسرعة : فيه رجال تحت نورة طاح قلبها: من هو؟ روان تلهث : مدري روحي شوفي .. نورة : بايعة عمري تعالي معي روان :لا روحي أنتي نورة : بأقول لشذا تجي روان : لا شذا خوافة مارح تنزل .. شذا تدخل عليهم : وش فيكم ؟؟! نورة : تعالي سحبتها وسكرت الباب .. شذا : آآآه عورتيني وش صااير ؟؟ روان : في رجال تحت ,, شذا : ها نورة: مدري روان نازلة تقول شافت رجال... شذا : رجال يعني له رجول ويدين وعيون وخشم روان : شذا بلا استهبال شوي وأموت من الخوف شذا : وين شفتيه .. روان : كنت جالسه في الصالة ولم جيت بأقوم أشوف الرجال اللي عند باب المطبخ.. شذا: يماااه شفتي وجهه رووان : مو واضح ظلام تحت .. نورة تتمسك في شذا :والله خاااايفة حرااامي شذا : هيه حتى أنا يمكن يسرق الثلاجة روان : بس كيف دخل للبيت ؟؟؟ نورة : أنا أخر وحدة دخلت مدري خوالي سكرو الباب بعدي ولا لا ؟ شذا تحرك رجولها على الأرض : آآآآآآآآآآه يامممممماي روان :اووووص الكل نايم نورة تجلس على السرير : قومو خوالي يشوفون من هو ؟؟ شذا: ماراح أتحرك من الغرفة لو على جثتي روان تستقوي : بنات بأنزل أتأكد .. نورة : وش تتأكدين حرامي أكيد روان : بس يمكن مو حرامي شذا عاضة على شفايفها نورة : وش قصدك ؟ روان" شوفو الساعة 5 وعشر يمكن جني شذا:لاااااااااااااااااااا� �ا سكرت فمها روان :اوص نورة: شوي ويذن الفجر نصبر نص ساعة شذا: لينه شايل عفش بيتنا كله روان/انا بانزل واللي يجي يجي.. وتفسخ كعبها ,,, وتحطه بيدها شذا: يعني هذا سلاحك ؟؟!!! روان :ايه ماجربتيه كيف يوجع؟ شذا: عمري ما راح أجربه نورة :أنا بأنزل معك شذا: لا وتخلوني لوحدي .؟؟ روان : كيفك تجين معنا ولا لا؟ شذا : لا خلاص بأجي.. ويفتحون الباب طبعا أشكالهم مرة غلط شذا ونورة بالبجامات بس بعدهم مافكو التسريحة ولا مسحو المكياج وروان كل شي ما بدلته بس الناقص الكعب بيدها وينزلون روان أول وراها نورة وبعدين شذا ووصلو الصالة .. نورة بهمس: مافي أحد.. روان : والله كان هنا عند باب المطبخ .. شذا : بنات أبي حمام .. نورة : شذا لا تخوفيني شذا :والله بطني يعورني أبي حمام ...ودمعت عيونها نورة : شذا مو وقتك .. روان تتقدم للمطبخ ومافيه أحد .. ثم راحو يتأكدون من الباب صار مفتوح .. نورة : يمااه مفتتوح وانتفضو كلهم ببووووووووووووووووووووه روان لفت ولا شعويا رمت الكعب للرجال الواقف قريب وليد :آآآآآآآآآآآآه نورة عرفت أنه وليد وطيران على فوق أما روان وقفت مكانها ... شذا: يا دوووب خوفتنا وليد : هههههههههههههههه روان مشت بهدوء ورقت فوق .. شذا : وأنت ما تجي إلا لاوم تصيرر مواقف مالت عليك خوفتنا على الفاضي حسبانك حرامي..والله خوفتنا وعلى طول ما استحملت نزلت دموعها وليد: هههههههه شذا : سخيف مسحت دموعها بيدها ورقت الدرج وقفها وليد: ههه من جدكم خفتو .. شذا :وش رايك يعني؟؟ وليد:والله توني واصل جدة مع خويي وجيت البيت استتغربت الباب مفتوح دخلت ورحت المطبخ خذت لي كاس موية ووقفت عند باب المطبخ إلا أشوف البنت اللي جالسه في الصالة ادقق صارت روان وهي شافتني وركض لفوق عقب أنتم نزلتو رحت للمجلس عشان اللعب عليكم...وروعتك وجاني هالكعب ... شذا : سخيف مو أنت تقول بأجي بالطيارة .. وليد : هونت جيت بالسيارة . شذا تكمل طريقها: والله أعلم أمي بكرة عليك .. وليد ضحك عليها وطلع لغرفته(الملحق) بعد ما تأكد أنه سكر الباب .. في غرفة البنات نورة ماسكتها ضحك وروان الروعة للحين تمشي في عروقها دخلت شذا عليهم : شفتو السخيف.. نورة:هههههههههههههههههههه� �ههه شذا تجلس على السرير : المشكلة ما اعتذر كشفكم كلكم وروان المشكلة بفستانها والله عيب عليه روان ساكته نورة :ههه ياشيخة كم مرة طلعت بوجهه حفظني شذا توقف عند المرايه تمسح المكياج:حلفت أقول لأمي بكرة نورة :لا حرام بيهاوشونه شذا بحقد: أحسن ..... روان تكلمت : اطلعو البس وطلعو البنات بسرعة ... روان لبست وفتحت الباب وانشغلو البنات بفك التسريحات ومسح المكايج ... على الساعة 6 الكل نام ..... .................................................. ....................................... قامت من نومها عدلت بجامتها الشتوية الثقيلة غسلت وجهها بسرعة وما عندها وقت تمشط شعرها المتناثر تبي أي شي يسد جوعها فتحت الباب ومشت للصالة.. شافت شي غريب حاولت تدقق أكثر صار رجال رجال تعرفة جالس جمب أبوها فكرت عيونها وحست بعمرها صرخت ودخلت الغرفة .... أبو بشاير:ههههههه هذي بنتي مي ماتدري إنك موجود محمد اللي انصدم :بنتك!! أبو بشاير:ايه وشفيك تقولها كذا محمد:لا بس مستغرب ماتشبهك أبو بشاير :لامي ولا بشاير يشبهوني كلهم على امهم محمد :وهذي مي ؟؟ أبو بشاير:ايه مي تدرس إدارة محمد : اها أبو بشاير : نطلع نتمشى شوي حتى ياخذون البنات راحتهم محمد :يله وطلعو من البيت مي :قومي قومي السعودي في بيتنا بشاير تقوم :افففففف لازم تنكدين على الواحد مي : تذكرين السعودي ذاك اللي ركب التاكسي واحنا موقفينه بشاير: الكويتي مدري القطري مي : لا سعودي تأكدت بشاير: كيف عرفتي مي تورطت : من كلامه تو مع أبوي بشاير تصصح:ايش هو عندنا مي : ايش أقول من الصباح أنا قمت رحت للصاله لقيته جالس مع بابا يسولفون والله فشيله شافني وأنا كذا بشاير تقوم : وهو اللحين موجود مي : لا سمعتهم طلعو دخلت أم بشاير الغرفة : يله بنات تجهزو مي: ليش؟ أم بشاير: أبوكم تعرف على سعودي عايش قريب لم بيتنا وعزمة لهينا ويمكن نطلع نتغدا مع بعض,, بشاير: يووه لازم أم بشاير:ايه لازم يله تسبحو وتجهزو قدامكم ساعة ونص عشان نطلع للغدا ولا تلبسون شي ملفت زين... بشاير ومي :زيــــــــــن طلعت أم بشاير بشاير :وش بتلبسن؟ مي : بالبس بنطلون اسود وتشيرت أبيض وفوقة البالطو الأسود بشاير:ممم مدري وش البس ادخلي تسبحي لم تطلع قد طلعت لي ملابس مي تاخذ ملابسها وتدخل الحمام ... بشاير توقف عند الدولاب تسحب بنطلوب كحلي مع جاكيت جاي معه بس واسع احتارت وش تلبس جوا واختارت هاينك أسود انتظرت لم مي طلعت من الحمام وودخلت هي ,,, بعد ساعة كانو جاهزين وجلسو في الصالة ... أم بشاير :ما شاء الله بتطلعون كذا مي وبشاير يطالعون بعض أم بشاير:ما أقصد لبسكم وين الحجابات ضحكو لأنهم نسو يلبسون بشاير حجاب أسود ومي حجاب أبيض انتظرو شوي لم جى أبوهم وراحو مع بعض ركبو سيارة أبو بشاير محمد قدام والبنات ورا مع أم بشاير طول الطريق ما كان يتكلم إلا أبو بشاير ومحمد وأحيانا أم بشاير .... وصلو للمطعم ونزلو وجلسو على الطاولة ومن سوء حظ مي أن محمد مقابلها وطلبو الغداء وهم ينتظرونه’’’ أبو بشاير : محمد ولا نفقول يابو فيصل ما قلت لي وين ساكنين في الرياض؟ محمد:في حي ال,,,,,, مي في نفسها(طلع متزوج ياويلي لو كانت تشوفني زوجته كان تسوي لي سالفة) جى الغدا وتوزع على الصحون وبدو في الاكل . أم بشاير: وين زوجتك ما شفناها ,, محمد :مطلق .. أم بشاير تورطت :ايه الله يصلحكم بس ما منعت نفسها من السؤال: وولدك كم عمره محمد:6 شهور أم بشاير:عند أمه محمد:ايه مي ارتاحت أن زوجته مو موجودة معه ,,, طالعت محمد بس نزلت راسها للأكلها وجلسو ياكلون .. بعد الغداء وصلو محمد لبيته بعد ما شكر أبو بشاير على العزيمة ... مي طلعت من هالجلسة : ( اسمه محمد متزوج ومطلق وعنده ولد يحضر ماجستير ودكتوراه) وعدة نفسها تجلس مع أبوها تسحب الكلام وأخبار محمد... .................................................. ................................... دخلت ووجهها أحمر من البكا صفقت بالباب وراها وعلى طول على السرير وغطت نفسها بالبطانية كانت متوقعة هاليوم بيجي .... شذا تطالع روان بمعنى وش السالفة) نورة تشاهق بقوة من البكي ,,, روان طلعت من الغرفة تبي تعرف السالفة .. وشذا جلست تهدي نورة : شذا :نورراه وش السالفة ونورة تبكي أكثر شذا:نورة تكفين أول مره تسوين كذا وش السالفة ونورة لا رد شذ عرفت أن نورة ما راح ترد عليها طلعت تشوف مع روان السالفة في الصالة: أم وليد : أبد دقت أم نايف وقالت قولو لنورة تجهز أوراقها بنقلها للرياض معنا حاولت معها خلوها كلها سنتين وراجعه قالت والله أبوها يبي كذا وقالت قولي لنورة بأسرع وقت.. روان تضايقت لنورة: والله حرام تعودت شذا: لااااااااا نوني حبيبتي تروح لا وتركض لفوق أم وليد : الحقي ذي بتكحلها عمتها اللحين بنخفف على نورة تزيدها علينا الحقيها روان بسرعة وركضت روان تلحق شذا .. أم روان: ياعمري يانورة بتروح تعودت عليها أم وليد:حتى صارت مثل بناتي بس وش نسوي البنت عند أهلها والرياض جامعاتهم زينه تكمل هناك أم روان :إي والله البنت لازم تكون عند أهلها بين أمها وأبوها أحسن لها أم وليد:يانورة ياعمري انصدمت بالخبر أم روان: الله يسهل عليها .. في الغرفة : شذا ساكته وتهز رجولها بالأرض روان قالت لها تسكت ومافي إلا صوت صياح نورة ... روان تحاول تهدي نورة :نوره بس خلاص والله أنا مجربه النقل بس تعودت نورة حبيبتي والله مايسوي كل هالدموع هناك أهلك لازم تروحين معهم .. نورة أنتي متوقعة أنهم بيودونك للرياض ياعمري ياروان بتلقين من يسليك هناك في صديقتي هنادي هناك في الجامعه بتسليك لا تخافين والله بتتعودين وهذا كلامي وبأذكرك فيه وجلست تحكي على راسها من هالكلام ونورة دموعها ما توقف .. شذا طلعت للحوش تبكي تحب نورة مرة شهد اختها تزوجت ونورة بتروح ويمكن بعد روان تروح محدب يبقى عندها خاصة أنها صغيرة ولسه على الزواج حتى وليد يدرس في الرياض وما يجي إلا نادرا يومين ويروح وبيتخرج قريب ثم بيتزوج وبيروح صح قالو بيحطون له جناح في البيت بس وليد يحب ياخذ راحته ومستحيل يرضى كذا .. خنقتها العبرة لم تذكرت الغرفة اللي حجزتها نورة في بيتهمم الجديد وبتصبغها أخضر وأبيض عشان السعودية نزلت دموعها وطلع وليد فوجهها وليد: سلامات وشفيك.؟ شذا ساكته ما قانت تبي أحد يشوفها وهي تبكي وليد :شذا أتكلم وشفيك؟؟ شذا :نورة وليد:وشفيها.؟ شذا: بتروح الرياض خلاص وليد: باااس حسبت أحد ميت طيب عادي بتروح عند اهلها شذا: وليد أنت ماتحس انقلع عني وليد:أنا أخوك الكبير تقولين لي انقلع شذا:افففففف وترجع تدخل البيت وتروح الغرفة وتشوف نورة على حالها وروان تهدي فيها.. .................................................. ............................ الساعة 2 الفجر تدري انها طريق موتها بس فيها شي جواها يقول تعرفي على هالرجال الكل كان نايم.. مسكت جوال أبوها اللي دايم يحطة في الصالة دورت على اسم محمد مالقت وفكرت يمكن مسمية أبو فيصل دورت ولقت سجلته بسرعة في جوالها ويدها ترجف من الخوف ,, رجعت الجوال مكانه ورجعت للغرفة انسدحت على السرير ما صبرت لبكرة دقت عليه انتظرت مارد..دقت مرة ثانية ورد عليها وكان من صوته واضح انه نايم قالت: الو محمد بعصبيه : نعــم مي خافت وسكرت منه ... وتفكر معقولة بيفتح لها قلبه معقولة بيعطيها وجهه محمد هذا قصته قصه ولازم تعرفها... .................................................. ......................... Like