ضحية رجلين - الفصل 25 - بقلم بنت الأكابر - مكتملة | روايتك

الفصل الخامس والعشرون مع غيري العب وبين له مهاراتك .... لو كنت مثلك بدون احساس لاعبتك سلمان يكلم هنادي : سلمان : بأجي عندك اليوم هنادي: لااااااا سلمان : وشو اللي لا بأجي زوجك أنا هنادي: بعد العرس تكفى سلمان : أكيد بعد العرس بأخذك بس اليوم جاي لعندك بتطرديني يعني ؟ هنادي :لاحشى وش أطردك حياك الله سلمان : هذا اللي ابيه يله أجل بأخذ لي غفوة من الدوام عشان أصحى وأجيك هنادي : طيب سلمان : مع السلامة هنادي : مع السلامة سكر سلمان من هنادي وهو جالس في الصالة جت نجود قعدت وخذت الريموت تقلب في التلفزيون نجود : كلمت ست الحسن والدلال سلمان : ليه عندك شي ؟ نجود : لا بس أسأل حرام سلمان : لا مو حرام وقام بيروح ينام نجود : قول لزوجتك لا تجي تسلم علي في الجامعة لا تحاول ماراح أعطيها وجهه سلمان سمعها وطنش وراح ينام .................................................. ................................ سامي جالس في سيارته عند باب بيتهم حس أنه تسرع بطلاق بس أمه تبيه يعيش عندهم وشهد تبي راحتها البيت أمه تبي فلوسة شقا عمره تاخذه وين تودية ؟ ما دخلت فكرة بيع البيت في راسة بس أمه ما يقدر يرفض لها طلب أشتاق لعياله من راحت شهد لأهلها وهو ما مر عليهم وبنته ريماس لسة صغيرة أكيد بتحتاج أغراض كثيرة وده يروح يشوفهم بس يخاف من ردت فعل أبو وليد ,,, قوي وجه لو راح وبرضو عياله وله حق عليهم ولا عنده خوات سنعات كلهم مايبون شهد ما يدري وش سوت لهم دايم تعاملهم بطيبة ,,,,,, ويبون يزوجونه لصديقة عروب ما يبي يتزوج بس أغروه بجمالها ومحتار يرجع أم عياله ويكمل حياته بعيد عن أمه ولا يتزوج ويجدد حياته ,,,, مايدري محتااااار ................................... بدر طلع الأستراحة المغرب يحس انه محتاج يشرب له يومين وهو لا أنقطع عنه شوي يصدع راسه خاصة بعد ما جاب له واحد نوع جديد يخدره بقوة مايحس بنفسة ,,,,,, مالقى ألا واحد في الأستراحة مو جمعتهم هالوقت جلس معه يسولف عقب قام للثلاجة مكان حفظ جميع أنواع الخمور أختار أخف واحد لأنه بدي على السهرة بس يبي يعدل مزاجة ,,,,,,,,, شرب كاسين بس وما أثر فيه مرة يعني يحس باللي يسوية هنادي تدق عليه ومارد عليها تبيه يجي عشان سلمان بيشوفها وأبوها عنده دوام من المغرب للساعة 10 الليل ومو حلوة يدخل ما يلقى رجال وهو أول مرة يزورها من بعد الملكة ,,,,,,,, وصلت مكالماتها 12 مكالمة وبدر ما يرد .... هنادي تكشخت وراحت تشوف القهوة والشاهي قبل ما يجي سلمان لأن ما بقى شي على العشا وقلقانه لأن بدر ما يرد يعني هي اللي بتفتح لسلمان الباب وتدخله قمة الأحراج ,, .... أذن العشا وسلمان بعد مازبط عمرة ركب سيارته وراح لهنادي دق عليها وقال أنه عند الباب وجت تفتح له : دخل سلمان: هلا حياتي ومد يده مدت يدها هنادي : كيفك ؟ سلمان : بخير هنادي " تفضل للمجلس مشت جمبه وبان قصرها بالنسبة لطول سلمان دخلو المجلس وأستأذنت منه تجيب القهوة دقيقة جت وصبت له وجلست قبالة سلمان : وين أبوك وبدر هنادي منحرجة : أبوي في الدوام وبدر طلع المغرب ولا رجع .. سلمان: يدرون أني جاي هنادي : أبوي ايه بس بدر (كذبت) مايدري كنت بأقول له بس طلع بسرعة سلمان : أها وجلسو يسولفون عن المدرس ومواقف سلمان مع الطلبة وحش في كذا واحد مقلقينه ..... بعد ساعة ونص : سلمان : أنا طالع تبين شي .. هنادي : سلامتك سلمان : الله يسلمك ومشى بيطلع من المجلس بس وقف وتذكر شي : هنادي لا عاد تسلمين على نجود هنادي " ليش ؟ سلمان : أختي وعارفها وأمسحيها هالمرة بوجهي ومرة ثانيه لا شفتيها طنشيها ولا كأنها موجودة معك في الجامعة هنادي : أن شاءالله وراحت وصلت سلمان للباب وطلع .... سلمان شاف سيارة مقبلة وقفت عند البيت وطلع بدر راح له بيسلم عليه بس بدر ما انتبه بسلمان وأصلا مو بوعيه الكامل دق سلمان الشباك عشان ينتبه له .. نزل بدر من السيارة..... بدر : خير وش تبي سلمان انصدم : الخير بوجهك جاي اسلم عليك بدر بسخرية: ومن تكون عشان تسلم علي سلمان انصدم أكثر : أنا رجل أختك ولا ناسي بدر : ناسي أختي أها أنت زوج هنادي اهااا سلمان شك في شي واحد مد يده وشد بدر له وشمه وتأكد " سكران بدر : سكران سكران محشش مالك دخل فك يده سلمان من بدر بتقزز ومشى تاركة وهو ناوي يفهم من هنادي سالفة بدر ,,,,,,,, ................................................ شذا : يالله جعلكم ماتنحفون نورة : عمى أن شاء الله كل هذا عشان ماناخذك معنا روان : أقول نورة شذا تخوف شكل دعوتها بتقبل شذا : يا رب نورة : يله روان نررررررررروح نمشــــي شذا: لاتحاولين ماراح انقهر نورة : ايه طيب وطلعو نورة وروان للشارع وركبو مع السواق وهم ماشين شافو سيارة داخله حارتهم روان : مو هذا رجل شهد نورة : إلا هو وش جابه روان : ما أدري نرجع نشوف نورة :خلي اللقافة عنك روان : توقعين جاي يرجعها نورة : ما أدري هذا مزاجي ما يندرى عنه روان : يمكن جاي يشوف عياله نورة : كل شي جايز بس خالي مو موجود في البيت روان :أبوي فيه أكيد بيطلع له نورة : نرجع نمر من عند البيت نشوفة دخل ولا لا ؟ روان : أنا اللحين الملقوفة أنتي وش تصيرين نورة : ماعليه كلنا ملقف بس نرجع روان : كومار أرجع البيت كومار سمع كلامها ورجع البيت يحسب خلاص ماراح يوديهم وصلو عند البيت نورة : شكلة دخل روان : أكيد مو موجود في سيارته نورة : تتوقعين وش بيصير ؟ روان : ما ادري نورة : كومار يله امشي كومار : في روح نورة : ايه أمش كومار خابت طنونه وراحت الفرحة وصلهم ورجع البيت ,,, دق جوال روان طلعته من جيب بنطلونها نورة : مين ؟ روان : رقم دولي نورة : حركات مشهورة ردي روان حطته على الصامت : ماراح أرد أصلا ما أعرف أحد برى السعودية نورة : أرد أنا روان : لا خليه يدق بكيفة ورجعت الجوال لجيبها ,,,, ...في بيت عبدالرحمن : في غرفة شهد : شذا:أقول بس أرجعي له نصيحةعزباااااااء إلى أختهاااا شهد : تكفين أسكتي مو وقتك أم وليد : أطلعي تفاهمي معه هذا هوجاي يعتذر لك شهد : ماني طالعة لم يقبل بشروطي عيشة عند أمه ما أبغى أم روان : يا بيتي البنت مالها إلا رجلها أرجعي له فكري في هالعيال اللي بينكم شهد هزت راسها بالنفي وقالت : ما راح أرجع إلا لبيتي أم وليد : ايش نقول له شذا : قولي له طلقها بالثلاث شهد بسرعة :لااااا شذا : يعني تبينه ...... شهد سكتت أم وليد " ينتظر تحت ردي علينا ولا انزلي تفاهمي معة شهد : أسألوه بأرجع لبيتي ولا لا ؟ ام وليد : قال لا لم يشوف وضعة مع أمه وترجعون لبيتكم شهد : وأنا متزوجة أمه ولا هو قولو له يروح لأمه ام وليد فقدت الامل انها تنزل فراحت هي وام روان تحت وقالت ام روان لأبو روان ان شهد ماتبيه ولاتبي تنزل دخل أبو روان على سامي اللي جالس وبحضنه فارس سامي : وش قالت ؟ أبو روان : ماتبي تنزل لك ولاتبي ترجع سامي متوقع هذا الرد منها : ليش؟ أبو روان |: عارف السبب تبي بيتها قام سامي ونزل فارس للأرض وسم وطلع من دون ما يتكلم .. فارس : بابا لاح أبو روان راح له: ايه راح وانا عمك أمش لأمك الله يهديها وراح فارس لأمه البنات بعد ماخلصو مشي رجعو للبيت ومسكو شذا يحققون معهاوش صار مع سامي وفرحو أنه جى يعتذر وحزنو أن شهد ما طلعت له .................................................. ........ يوم تالي: في المدرسة جمانه واقف عند باب فصلهم تنتظر ملاك اللي غايبة لها يومين ,,,,, شافته من بعيد جاية وتسحب شنطتها الفاضية من الكتب معها ,,,,,,,,, راحت لها جمانه : هلا وغلا ملاك بدون نفس : هلا جمانه : ياهو حلو هذا اللي جبيته لي أنواع الوناسة معه ملاك : والله جد الله يهني......وسكتها كف حار على وجهها من جمانه جمانه / أنا تسوين فيني هالحركة شكلك ماعرفتيني يابنت الكلب اسمعي أذا أنتي ماتربيتي على توسخين غيرك بأخلاقك المنحطة وإذا وإذا بتفكرين تجرين بنت معك لا تجرينها وهي مو راضية تفهمين ولا أفهمك مرة ثانية ملاك منصدمة من جمانه اللي ما عرفت منها إلا أنها طيبة وماتحب تأذي أحد وأول مرة تسوي وحدة معها كذا بالعادة البنات يشكرونها بس هذي غريبة جمانه كشرت وجهها وراحت عنها وحرتها طلعتها اجل هذي حركة وحدة صاحية .................................................. ................................... بشاير وسبا يمشون في الجامعة : بشاير : شخبار أمك من زمان ما شفتها سبا : بخير مشغولة مع الدراسة بشاير : تصدقي طفشت ودي أرجع للشرقيه بسرعة سبا : لا أنا ما أبي أرجع اليمين أكيد بيأخذني أبوي لعنده وانا ما أبي بشاير : فرق ناس تبي وناس ماتبي سبا : وين مي ما جت بشاير : بتتأخر شوي بعدين محاضرتكم بعد ساعة مو اللحين ,,, أنا جيت مع بابا وهي بتجي في التاكسي سبا استغربت بالعادة مي ماتحب تجي بالتاكسي تجي مع أبوها أحسن مشت مع بشاير يسولفون لعند مي : جالسة بنفس المطعم اللي شافت فيه ذاك الرجال وتتمنى يدخل خلاص ذبحها الفضول تبي تعرف وش سالفته محمد مر من عند المطعم مفطر ولا وقف مي شافته من قزاز المطعم وخاب ظنها بس راحت تلحقة تبي تعرف وين يروح لو سمحت محمد وقف : نعم مي : سعودي ؟ محمد : ايه فيه شي ؟ مي : لا بس أسأل محمد لف عنها وكمل طريقة مي انقهرت منه ما عطاها وجهه راحت بعصبية وقفت عند الشارع تنتظر تاكسي ..... ومحمد من جهه قريبة ينتظر تاكسي وقرر يشتري سيارة على قدة مي واقفة ومشى تاكسي من جمبها مع أنها مأشرة له لكن وقف عند محمد لفت بقهر ومحمد انتبه لها أن هي اللي موقفته قبل اشر بيده (تعالي ) راحت مي له : نعم محمد يفتح الباب : اركبي مو أنتي موقفته لك مي : ايه محمد : طيب وانت محمد : اركبي أنتي أنا بوقف ثاني مي ركبت : شكرا جت بتسكر الباب بس محمد سبقها وسكر الباب لها وراح مي جلست تضحك عليه وحست أنها شي سعودي يسكر لها الباب مشى التاكسي وأختفى محمد من نظرها .................................................. ....................... بدر واقف عند باب المدرسة ينتظر ينادي على اسمها عشان يلحق سيارتها ويعرف بيتها وهو ناوي عليها نادى الحارس على : جمانه ال جمانه ال بدر يدقق في البنات اللي طالعين من باب المدرسة يحاول يعرفها من طولها طلعو بنتين طوال تقريبا ماعرف من تكون فيهم وحدة وقفت عند الباب ووحدة ركبت سيارة ومشت فكر ينزل ينادي على جمانه إذا قال له الحارس طلعت فبتكون البنت اللي راكبة السيارة وإذا مو هي فبتكون الواقف عند الباب تتنتظر نزل وأشر للحارس المصري المصري أول مرة يشوفة سألة عن اسم البنت وقال : جمانه الـــ وقاله طلعت رجع سيارته بسرعة وراح يلحق أكيد موقفه عند الأشارة القريبة لكن لقاها فاتحة يعني مشت .. راح كمل طريقة للبيت جمانه عند باب المدرسة طاح قلبها لم شافت بدر واقف وينادي على اسمها وركب السيارة بسرعة ومشى وش يبي فيها ناوي عليها ولا ايش هذا تفكير جمانه لم وصل سواقهم الجديد لعند الباب وركبت معه .................................................. ..................... في يوم أخر : قام الصباح متأخر لبس أي شي على السريع وطلع مايمدية يفطر يحس كل شي يعاندة الجزمة من السرعة ماعرف يربط حبالها دفاترة طاحت مرتين صدم في ثلاث رجاجيل وأعتذر لهم وصل للشارع وركب تاكسي وعلى الجامعة بشاير ومي راحو مع أبوهم مع اعتراضات مي على أن محاظرتها بتبدأ متاخر بس أبوها مارضى وطول الطريق تتأفف وتدور بنظرها في الشارع يمكن تلمح الرجال اللي ماتعرف اسمه لكن وصلت الجامعة ولا شافته ومتوعدة بنفسها تراقبه بكرة وتعرف مكانه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, الساعة 4 العصر : سلمان : أنا شامة سكران تعلميني أنتي هنادي منصدمة : سلمان هذا بدر كيف يسكر الدخان عمره ما شربة كيف يسكر ؟ سلمان : يعني أنا أكذب ؟ هنادي سكتت محتارة تصدق أخوها ولا تكذب زوجها سلمان : عارف انه اخوك ويعز عليك بس دام قلت لك كذا راقبيه هالأيام لحدد ما تتأكدي من صحة كلامي هنادي : تتوقع بدر كذا يسوي هالحركات وخنقتها العبرة سلمان : قلبي لا تفكرين أني بأتركك إذا كان اخوك كذا أنا ماراح أتزوجة هو بأتزوجك أنتي وأنا من النوع اللي أحمل الشخص أخطاء غيرة تأكدي من هالشي وانا بأحاول قد ما أقدر أراقبه وين يروح ومن يجلس معه وأنتي بس عطيني خبر متى يطلع من بيتكم ومتى يجي عشان أجهز عمري هنادي بخوف : أن شاء الله سلمان : يله مع السلامة .... هنادي : مع السلامة سكرت هنادي من سلمان وطلعت من الغرفة تشوف بدر وينه فيه .......... لقته نايم في غرفته .. راحت لغرفتها تنتظر يجي المغرب عشان تراقبه لأنه أحيانا يطلع هالوقت .. ................................................. نورة : شهد فكري فيهم والله حرام شهد ساكته شذا : طيب ارجعي اجلسي فترة عند امه لم يصير شي يمكن تقتنع أمه ترجعون لبيتكم شهد : ماله كلمة على امه هو اسكتو والله ماتعرفونه مثلي روان\: بنات خلاص خلونا نطلع وهي مصيرها تقرر وهي اللي بتندم طلعو البنات ,, من عند شهد .. وشهد ترن في أذنها كلمة (هي اللي بتندم ) معقولة بتندم على سامي معقولة يطلقها بالثلاث ويفتك معقولة بيطفش ويتزوج عليها معقولة يبيع بيتهم اللي عاشو فيه سنين ويعطي الفلوس لأمه بس عشان يرضيها معقولة يصير كذا مسكت راسها المصدع من التفكير ..... لازم تقرر بأسرع وقت .................................................. ....................... مي وبشاير في صالة بيتهم يطالعون التلفزيون / مي : بيشو قلب خلينا نطلع نتمشا قريب من البيت بشاير : بااااارد ماتحسين أنتي بعدين يمكن تمطر مي : ناخذ معنا مظلة ماراح يظر بشاير : انســـــــــي ماراح اطلع بعدين ليه دام انك تبين تطلعين رحتي مع بابي ومامي للعشا مي : أصلا هم يبون يطلعون لوحدهم ارز وجهي ليه بشاير : ماراح اطلع اطلعي أنتي كيفك مي : الساعة 8 اطلع لوحدي يعني ترضيها علي بشاير : اللي يقول أول مرة اطلعي بس أنتي قطو 7 أرواح ما يضرك شي ,, مي : سخيفة بأطلع لحالي طيب تبين أجيب لك عشا وانا جاية بشاير : لا بأكل شي خفيف هنا وانام مي تقوم : كيفك وعلى فكرة بأخذ جاكيتك الزيتي عاجبني بشاير وهي مندمجة مع البرنامج اللي شوفة : خذيه راحت مي تلبس لبس بنطلون أبيض وبلوزة ثقيلة سودا وجاكيت بشاير الزيتي الجلد ولبست حجاب زيتي حق بشاير شاريته مع الجاكيت وجزمة بيضا طلعت من الغرفة وبتطلع من البيت بشاير : اشوف فيه سرقات غير الجاكيت مي : ههه يعني بس الحجاب بشاير : ماعلية المهم لا تطولين وجوالك خليه مفتوح مو تسكرينه مي : إن شاء الله ماما بشاير : يله انقلعي مي : بااااي بشاير: باي طلعت مي من البيت ورجعت بسرعة بشاير : وشفيك ؟ مي : نسيت المظلة بشاير : شوفيها على طاولة الأكل مي تروح تاخذها وتطلع ,,,, تتمشى الجو بارد بس حلو من زمان ماتمشت بالليل ودها تعرف أبوها وامها وش يسون مع بعض اللحين ,,,, فيها لقافة زايدة هالايام تمنت يكون عندها أخوي اكيد بتكون حياتهم غير إذا كان فيه ولد لو امها تجيب ولد هالسنة كم بيكون عمرها بعد 10 سنين ,,, بيكون 29 سنه فارق عمر كبير بس خلاص امها ماعاد تجيب عيال تنقهر لم ينادون ابوها : أبو بشاير ولا امها : أم بشاير تغار منها بعض الأحيان بس مهما صار خوات ومالهم ألا بعض ماتحس بالجوع توها على وقت عشاها تتعشى يوميا الساعة 10 او 11 وش تسوي اللحين ماعندها شغلة تذكرت السعودي تتوقع تلقاه في الشارع اللي دايم تشوفة فيه ,,, أكيد ساكن قريب منهم ... تتمنى تشوفة اللحين ... طلعت للشارع المزدحم بالناس والسيارات ناس جالسة على طاولات المطاعم تاكل وناس جوا المحلات تشتري وناس تمشي ووو...إلخ. فتحت بوكها فيه فلوس تكفي للعشا نست تاخذ فلوس احتياط معها من البيت مشت تطالع الناس تحسفت انها ماكلمت سبا تطلع معها بس أكيد مع أمها مشغلولة دق جوالها برسالة من اختها : (متى بترجعين لاني فيني النوم ؟ وأخاف لازم أسكر الباب .. معك مفتاح ولا لا ؟ ) أرسلت لها : ( توني طالعه ولا تخافي معي مفتاح البيت نامي .. تصبحي على خير ) .. بشاير وصلتها الرسالة وتطمنت وسكرت الباب ونامت ... مي طفشت وجلست تخل المحلات تقضي وقتها لما يجي وقت عشاها صرخت صرخة مكتومة لم شافته يكلم راعي المحل وطلع ماشرى شي لحقته قبل ما يختفي بين الناس وتندم اسرعت بخطواته مثل ماهو يسرع بمشيه لحقته لحقته وما انتبه لها شفاته يدخل عمارة خمنت أنها مكان سكنة ... انتظرت عند باب العمارة يمكن يطلع مرت ربع ساعة وما طلع طفشت تروح له لا عيب وش بيقول عنها واصلة لشقته بعدين يمكن متزوج وأسبب له مشاكل بينه وبين مرته لا خلني جالسة هنا أحسن انتظرت شوي ثم ملت دام أنها عرفت مكان سكنه خلاص الأمر صار سهل عشان تعرف الباقي هي مو من النوع اللي يتعرف او يلاحق الشباب بس هالرجال فيه شي وعندها فضول تعرف مشت وراحت للبيت خلاص ماتبي تتعشى انسدت نفسها وصلت للبيت ودخلت بدلت ملابسها بهدوء عشان ماتصحى بشاير الغرفة تشجع على النوم وراحت نامت محمد رتب شقته من الحوسة وطلع يتعشى ... .................................................. .............................. هنادي انتظرت بدر يطلع من البيت ما طلع فنامت مبكر الساعة 10 وبدر طلع الساعة 12 فراحت عليها تخبر سلمان Like رد مع اقتباس إقتباس متعدد لهذه المشاركة الرد السريع على هذه المشاركة #52 أضافة تقييم إلى ام مزن تقرير بمشاركة سيئة قديم 25-10-14, 04:04 PM الصورة الرمزية ام مزن ام مزن ام مزن غير متواجد حالياً نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر صباح يوم جديد: الكل راح دوماته ... ألا الأمهات ... + روان وشهد روان راحت لغرفة شهد : لقتها صاحية طقت الباب ودخلت: روان : صباح الخير يا حلوة شهد : صباح النور روان تجلس : همم الأمورة لسه نايمة شهد تطالع ريماس : طول وقتها نايمة روان : مافكرتي ؟ شهد : فأيش ؟ روان : يعني في عيالك ورجلك و...قاطعتها شهد شهد : أخر الأسبوع بأقرر روان : وإذا ما قررتي أخر الأسبوع شهد : لا إن شاء الله بأقرر روان : نشوف وش أخرتها معاك شهد : إلا روان وش سبب طلاقك من محمد روان تورطت وش تقول لها بس صرفتها : مافي تفاهم عصبي مرة وأنا ما أحب كذا وصارت مشاكل كثيرة وطلقني شهد : كنتي حامل بفيصل ولا بعد حملتي روان : لا كنت حامل بفيصل شهد : اها وليه ما يسأل عنه ؟ روان : احسن ما أبيه يسأل عنه ؟ شهد : ويصرف عليه روان : له مدة ماصرف شي ما ادري ليه بس كيفة ما أحتاج منه فلوس عندي خير صاح فيصل في الغرفة الثانية روان : يووه قام أسكته واجي أسولف معك قامت روان لفيصل سكتته وراحت لشهد تسولف معها .................................................. ........................ الظهر : بدر واقف متلثم بالشماغ وعينه على السيارات يبي يشوف سيارة جمانه اللي ما لحقها أمس ما راح يفوتها على المرة شافها راح ركض للسيارة وجلس فيها انتظر لم ركبت جمانه ولحق السيارة لم وصلت للبيت لم عرف بدر مكان بيتها خلاص مشى رايح محتاج لياسر بس ما يشوفه هالأيام من عقب سالفة ملاك وماله شوفة ... دق على واحد من الربع اسمه حامد وقاله يدق على ياسر لانه مايرد عليه وفعلا دق حامد ورد عليه لم قاله عن بدر أنه يبيه صرفة بأنه مشغول ورجع دق على على بدر وقالة إن ياسر مشغول رجع بدر دق على ياسر مارد عليه دق دق دق ووما قطع يبي يطفشة أرسل له بدر ياسر رد ماراح أناقشك على ذيك السالفة رد انا خويك ما بينا مشاكل .. رد أبيك ضروري ...) وصلت الرسالة لياسر ........ ودق بدر على ياسر ورد : بدر : سلامم يا رجال مابغيت ياسر بدون نفس : هلا بدر : كيف الأحوال ؟ ياسر : ما نشكي من شي . بدر : الحمد لله وش أخبار خويتك ؟ ياسر : تسلم عليك ؟ بدر :الله يسلمك ويسلمها بغيتك فموضوع ياسر : قل موضوع بدر : اسمع ................... .................................................. ............ سلطان رايح للشركة قابل مشاري عند الباب : سلطان يسلم : هلاا وش أخبارك من زمان ما شفناك مشاري : بخير جعلك بخير مشاغل وش نسوي سلطان :وش أخبارك وش أخبار الأهل ... مشاري : بخير وأنت وش أخبارك مع الزواج ماشي حالك ولا تعب .......... سلطان : لا الحمد لله مبسوط مشاري : عساه دوم لاحقينك قريب سلطان : هههه لا يارجال مبررررووك متى صار .... مشاري :الله يبارك فيك قريب سلطان : ومتى عرسك أن شاء الله ؟ مشاري : اسبوعين كذا وانتم اول المعزومين أنت وتركي سلطان : الله يسلمك ها طالع .. مشاري : ايه وترى فيه مفجأءه لك فوق سلطان : وشي ؟ مشاري : يعني شفت وضعك وقلت ما يهون علي كذا رح وشوف وإذا أستمريت على وضعك كذا أبشر باللي يرضيك ... سلطان : شوقتني بأروح أشوف السالفة مشاري : مع السلامة سلطان : مع السلامة راح سلطان بسرعة لمكتبة شاف الفراش وقالة يروح للمدير .. دخل على المدير عشر دقايق وطلع شاق الحلق ... زادو راتبه ماصار له مداوم من فترة وزادو راتبه وصل ل5000شكل مشاري فرحان بزواجة مرة ويبي يكرم أحد ........... دق على البيت يبشر زوجته : بعد مدة ردت جنان بصوت كله نوم : هلا سلطان : جنونه عندي لك خبر يفرحــك جنان صحصحت : ايش هو ؟ سلطان : زادو راتبي ... جنان : أحلف سلطان : والله جنان : مبروك قلبي والله تستاهل كل خير سلطان : الله يبارك فيك تجهز بعد الدوام بأجي اخذك نطلع لمطعم نتعشا بهاالمناسبة الحلوة جنان :اوكي انتظرتك سلطان " يله حياتي أبشر أهلي جنان : يله مع السلامة سلطان : مع السلامة دق سلطان على تركي وبشره وتركي خبر الباقين اللي فرحو له مرة .................................................. ......................... جمانه : الحمد لله كيفك أنتي ؟ غدير : بخير كيف الدراسة معاكي جمانه : كويسة وأنتي غدير : يعني ماشي الحال تعالي نجلس هنا على الكرسي وجلسو على الكرسي الطويل : غدير : أشوف شعرك طال أكثر من قبل جمانه : ايوه نفسي أقصة بس أمي تقول لا غدير : فكيه أشوف وين وصل جمانه : يوه وش يربطة مرة ثانية غدير : فكيه بلادلع خليني أشوف طولة فكت جمانه شعرها وقامت : شفتي لاوين غدير : شعرك حلو حرام تقصية جمانه رجعت تجلس بس ما ربطت شعرها : لا وش حرام على الأقل أقصه لنص ظهري اللحين بيوصل لفخذي طفشت منه غدير : تصدقي محليك بعدين شعرك ناعم ما أحس أنه يعذبك جمانه : حتى ولو يعذب غدير : الله يعين اللي بياخذك بينهبل على شعرك ابتسمت جمانه بخجل وورد ة خدودها ونادى الحارس على اسمها : يوه غدير اجلس معاك بكرة غدير تسلم عليها : باي راحت جمانه لعند البوابه ولمت شعرها بسرعة ولبست عبايتها وطلعت غدير :ها حلوه الصور ؟ ملاك :ايوه جالسة خايفة أحد يشوفني غدير : اف بالعافيه تحملتها عشانك ملاك : خلاص أول مرة واخر مرة الصور وخذتها غدير : بتعطينهم ياسر متى ؟ ملاك : اليوم بأروح اللبيت وأنزلهم على cd وأعطيهم غدير : وهذا اللي يبي الصور اسمه بدر صح ؟ ملاك : ايه غدير : وكم بعطيك على كل صورة ؟ ملاك : البعيدة شوي ب500 والقريبة مرة ب1000 غيره ما ارضى غدير : ههههه ومحدده بعد ملاك : أكيد كل شي بحسابه حبيبتي غدير : وكم صورة لها ملاك : وحدة قريبه لم كنتم واقفين لم جلستو غيرت مكاني عشان اللقط الصورة أوضح صورة وحدة بعيدة شوي لم كانت رابطة شعرها ووحدة لم فكت شعرها بس بعيدة ووحدة قريبه لم ووقفت توريك طول شعرها وووحدة لم جلست مرة ثانيه وهذي أقرب صورة لها طلعت وجهها مررة لم ابتسمت وتقريبا أحلى صورة . غدير: تصدقي هي غبيه لو أنها تتلفت تشوفك بس عميا ماتنتبه ملاك : غبيه أصلا أكرها غدير : لحظة كم صار حساب الصور ملاك تحسب : اممممم 4000 تقريبا بس محتارة على أقرب صورة ودي أزيد سعرها مرة حلوه حرام عليها 1000 ريال غدير : لو أني منك أزيد أنتي خاطرتي بعمرك لو شافتك وحدة من الأداريات تصورين جمانه تسوي لك سالفة ملاك : توقعين بيرضى بدر يدفع على الصور كثير ؟ غدير : لي شيبي يدفع ولا مافيه يا أختي استغليه هو محتاج الصور مرة ارفعي السعر ملاك : والله دخلت مزاجي الفكرة ارفع لم أقص ظهرة عشان يتوب يطلب مني مرة ثانية . غدير: هههاااااااااي والله أنك زاحفة يا ملوكة ملاك : انا ملاك مافي مني اثنين غدير : أكيييييييد .................................................. ...................... نورة دخلت الصالة ورمت عبايتها وشنطتها على الأرض وترمي نفسها على الكنبة: أففففف مليت من الجامعة روان نزلت من الدرج : سلامات وش عندك ؟ نورة : طفشت من الجامعة روان : كل يوم كذا المهم روحي غيري عشان نتغدا نورة : حركات تنتظروني روان : لا بس أنا إللي ما تغديت ما اشتهيت قلت انتظر نورة . نورة : أها طيب هذي قومة وقامت نورة بدلت ملابسها ونزلت : على طاولة الأكل : نورة : سمر حامل . روان : أحلفـــــــــــي نورة : أيوه الصباح كلمتني لسه طالعة من المستشفى يا حليلها حامل فرحانه مرة لأن نايف يبي ولد روان : ياعمري فديتها لسه سديم دوبها سنة نورة : لا تناقشيني في هالأمور توقعي وش قالت لي سمر ؟ روان : وش قالت ,,؟ نورة : قالت خفو صارو ثلاث باقي روان : مافهمت ؟ نورة : نايف محدد 5 عيال اللحين حامل وقبل سديم . روان : الله يعينها 5 نورة : زين مو 9 بعدين خل تكثر النسل شوي ووننقرض ... شذا توها داخلة المطبخ ولا تدري وش الموضوع أصلا : حطو محمية ... روان غصت بالأكل : كحك حككحح موية موية كحكح عطتها بسرعة نورة موية وشربت : الله يقطع بليسك من وين طلعتي ... شذا : قمت من النوم لأن السيد نورة سوى أزعاج في الغرفة عشان يلبس فقمت ,,, نورة : وعلى طول قطيتي في السالفة شذا : إلا صح وش السالفة نورة : هذا الله يسلمك سمر حامل شذا : طيب نورة : ونحكي عن ال..أأفف ماتفهمين شي بعدين لا كبرتي تفهمين .. شذا : من سمر اول شي ؟ نورة : يالتنحة زوجة أخوي شذا : ايييييييييييييييه حااااامل يا حليلهاااااااا متى ؟ نورة : من ساعة أقول سمر وأنتي تسلكين أثرك ماتعرفين من سمر مالت عليك شذا: توني صاحية من النوم روان : أجل محمية ها هههههه شذا : هههههه .................................................. ................ على العشا : هنادي: سلمان بدر سمعته يقول لأمي بيطلع يله تعال بسرعة ... سلمان :اوكي جاي لبيتكم عسى اللحق عليه بس انتي أشغليه لم أجي هنادي : اوكي يله باب سلمان : باي سكر سلمان من هنادي ولبس ثوبة وخذ شماغة وركض شغل السيارة على بيت زوجته أما هنادي : هنادي: بدر ممكن أخذ لاب توبك شوي بدر :وليه حقك وش فيه . هنادي : ما أدري علق علي مو راضي يشتغل بدر يدخل غرفته :تبينه ضروري هنادي : يعني تعرف اجهز جهازي ولازم أخذ لفة على كل شي مكياج عطورات ملابس وو وو وو ووو بدر : بس بس بس خذيه ياكثر شغلاتكم يالحريم هنادي : لو أنك بنت بتحس بدر: طيب خذيه وانقلعي عشان بأسكر الغرفة هنادي بشك : غريبة أول مرة تسكر الغرفة مو من العادة بدر : لا ياحبيبتي لي فترة أسكر الغرفة بس أنتي ماتدرين عن شي لاهيه مع رجلك وبستهزاء : وجهازك .. هنادي: تطنز بيجيك يوم تتزوج وتحس باللي أحسة بدر : الله لايجيبه هنادي: لا بيجي وساعتها بتريق عليك لا كلمت زوجتك طول الليل بدر : ساعتها بتكوني انتي عندك 8 بزارين وما أنتي لمي ياحلوه هنادي : 8 مرة وحدة قطو حشى قل 3 4 5 مو 8 بدر : مو على كيفك رجلك اللي بحدد هنادي : وانا ورجلي متفاهمين بدر بسخرية: ايه أشك أول سنة بتجينا مطلقة مثل خويتك هنادي انفجرت: روان مالها دخل وبعدين ما أرضى تتكلم عنها كذا صح تطلقت بس برضو لسه صغيره قدامها العمر كله وإذا أنت منقهر عشانها ماعطتك وجهه لم رحت وقلت لامي أبي روان وخذو رايها من اللحين عشان ماتبني أحلامك على انك بتتزوجها ورفضتك لأنها فضلت محمد عليك هذا مايعني أنك تتكلم عنها بهالطريقة وإذا أنت للحين تحبها وتبيها روح لجدة وأخطبها من أبوها تراها جالسة تنتظر رزقها وماضنتي ترفضك وهي بهالحالة صح كلامي يا بدر ولا أنا غلطانه ...؟ بدر انصدم من هنادي من متى تعرف سالفة الخطبة وأنه كلم أمه عشانها أكيد روان ماتسكت قالت لها .... حقيرة ..... بعصبية :أنقلعـــــي عن وجهي هنادي : اوكي بروح راحت هنادي لغرفتها وطلعت حرتها : 1ـ أن يسكر 2 ـ انه كلم سلمان بالطريقة الأستفزازية ذيك 3 ـ أنه يتكلم على صديق عمرها وماترضى عليها رن جوالها : سلمان : وصلت بس ما طلع .. هنادي : اصبر..وقاطعها : هذا هو طلع باي وسكر قبل لا ينتظر رد منها ... طبعا سلمان ماخذ سيارة أهلة الجمس أسود ومظلل يعني ماراح يشك بدر أنه سلمان زوج أخته ركب بدر سيارته وشغلها وبقوة مشى وطلع صوت وواضح أنه معصب سلمان لحقة .. بس يحاول ما يمشي وراه مرة يعني أهم شي يشوفه وين يدخل ووين يطلع بدر مسرع مرة مثل العادة ماتغير شي وسلمان مايحب يسرع ومعه جمس ما يساعد لو انه بسيارته كان كفخ مثله ... بعد ربع ساعة دخل بدر منطقة كلها استراحات هنا سلمان وقف .. عشان بدر مايشك لأنه المنطقة تقريبا قليلة السيارات فيها أو شبه معدومه وقت دراسة ودوامات من يطلع غير الشباب .. انتظر 5 دقايق ومشى يلف على الأستراحات يدور سيارة بدر ,, لقاها صافطة عند استراحة حلوه واضح انه متعوب على اللي مصممها .... طفا السيارة ونزل يسأل الحارس حقه : سلمان : السلام عليكم الهندي : عليكم سلام سلمان : بغيت أسأل عن اسم راعي الأستراحة الهندي انا مافي قول سلمان : وليه ماتقول طال عمرك .. الهندي : لازم أعرف من أنت سلمان المتلثم : بتقول ولا وشلون الهندي :لازم أعرف من أنت بعيدين قول .. سلمان طلع بوكة : كم تبي وتقول الهندي : كم يعطي سلمان يتلفت حوله عشان مايجي أحد وهو واقف : 500 بس انطق الهندي لمعت عيونه راتب شهرين : اعطي أول سلمان يعطيه : يله انطق بسرعة .. الهندي : هذا اسمه ..: مطلق ال......... سلمان : وهذا الرجال جو ا .. الهندي : لا مو الهين يجي بعدساعة يجي سلمان : وكل يوم يجي:؟ الهندي : ايه يجي كل يوم سلمان : وش يسوي داخل الهندي : لا مافي قول سلمان : أقول قل وأخلص ماراح أعلم عليك الهندي : لا مافي قول .... سلمان طفش منه ": بتحكي ولا أخليك تتكلم صدق الهندي معلق : مافي قول ماافي قول مسكه سلمان من بلوزته الوسخة من أسبوع لابسها : تكلم الهندي يحاول يفكه : مافي قول شده سلمان أقوى وسحبه للسيارة : بتكلم ولا ودي شرطة الهندي طاح قلبه : لا مافي شرطة سلمان : أجل عطني الحكي ولا ما جيب شرطة الهندي قاله بالتفصيل وش يصير داخل الاستراحة سلمان ما انصدم بالعكس كثير اللي كذا ترك الهندي بعد ما عرف كل شي وراح وه يفكر: الأربعاء يسهرون لم 8 الصبح والخميس بعد لكن في زيادة كم بنت أسبوعيا يجون اسمائهم : غدير اللي دايم تجي ماتخلي أسبوع يفوتها ووحدة ثانية تجي معها اسمها لولوه وبعد ثنتين سوريات وحده اسمها منار والثانية غاليه ووحدة سعودية احيانا تجي واحيانا لا اسمها ملاك .. وأيام الأسبوع يجون الشباب بس ناقصين وسهرتهم للساعة 4 واحيانا بعضهم يطلعون 3 او 2 وحفظ كم اسم من الشباب اللي يجون ويطولون دايم وما كان من ظمنهم بدر ... ماحب يخبر هنادي وش صار لأنه ماصار شي ... ولافكر اصلا ليش يسوي كذا ............ هنادي دقت عليه مرة ولا رد .................................................. .............................. يوم تالي : البرد كان سيد المكان .. بشاير مرضت زكمة ورفضت تروح الجامعة ومي وصلها أبوها وراح .. ومكان ثاني محمد ساحبها نومة ولا وده يقوم من السرير الدافي ما وراه شي اليوم .. مي خلصت محاضراتها هي وسبا سبا راحت مع أمها وهي ما دقت على أبوها تبي تروح لوحدها عشان تشوف السعودي ركبت تاكسي لم وصلت لعند المكان اللي ساكن فيه نزلت وانتظرت ما تدري أصلا هم موجود أولا بس تنتظر وبس ... على الساعة 2 ونص نزل محمد وكان لابس بنطلون بيج وبالطو أسود ومجعد شعره طالع شكله روعة مي فتحت فمها طالع أصغر من قبل تروح له ولا ما تروح مترددة فضولها ذابحها وأخلاقها تقول خليه في حاله أحسن محمد مثل العادة ما يتلفت يشوف وش في الشارع مشى ومشت مي وراه مي تدعي في نفسها انه ما يوقف ويلف لوراه لان جزمتها تطلع صوت ,,, لكن من سوء حظها دق الجوال : الأماكن كلها مشتاقة لك والعيون اللي انر وووطاع سكرته مي ولفت عطت ظهرها للمحمد وكأنها مو موجودة محمد انتبه للصوت ولف يبي يشوف من اللي حاط نغمته محمد عبدة حبيب قلبه بس ما شاف أحد غير بنت تمشي ومتحجبة بس ما شاف وجهها ما أهتم ولف كمل طريقة مي رجعت تدق : هلا ماما...... ....لا اللحين بأجي للبيت ... اوكي قلبو ... باي سكرت من امها ... وحمدت ربها أن السعودي ما انتبه لها ولا بتصير فشلة ,,,,,,,,,,,واتجهت للبيت وحمدت ربها ان أبوها ماجى يعني ماراح يعاتبها ليه طلعت وماقالت له ,,,, .................................................. ........................... بدر : 10000 الاف مصورة برتني سبيرز وانا ما أدري ياسر : والله كل شي بحقة البنت تهورت وصورتها لك بدون علمها ... وبعدين البنت تقول ملاك أنها قمر مستخسر فيها هالمبلغ التافهه ... بدر : بس على صور 10000 مايصير يا ياسر ياسر : كيف كتبي أهلا وسهلا ادفع ماتبي غيرك يبيها بدر : انتم تتجارون بصور البنات ياسر : والله هذي اول مرة تصير معي لأن كل ربعي يجونهم البنات بسرعة إلا انت ما عطوك وجهه مدري وش مسوي لهم بدر عصب : خلاص بدفع متى نتقابل .. ياسر : ايه خلك كذا حبيب رح لبيت ملاكتي وتعطيك ... بدر : وليه أنت ما تجيبها ؟ ياسر : أنا وش دخلني انت اللي تبي الصور رح خذها مالي شغل فيك.. بدر : طيب نروح وش ورانا .. عطني رقم ملاك ياسر : *****05545 بدر وبدون نفس : مشكور ياسر :هههاي العفو يا قلبي وموفق بعدين خلك رقيق تتعامل مع البنات بشويش مو كنك تكلم واحد من الربع بدر تقرف من كلمة رقيق من فمه : اقول مع السلامة وسكر ,,,,,, دق على ملاك : ملاك بصوتها الناعم : الو بدر : ملاك ملاك : ايوه من معي ؟ بدر : بدر ملاك : بدر هلا كيفك ؟ بدر : بخير ماني داق أسولف متى أجي لعندك اخذ الصور ملاك : خلاص قررت تدفع بدر : بأدفع متى بأجيك ؟ ملاك : عادي أي وقت أنت حاب تعال وخذها بد ر : عادي اللحين ملاك تطالع الساعة 9 ونص العشا : اوكي تعال بدر : باي وسكر وحرك سيارته رايح لبيت الزفت ملاك ... منقهر من كل شي ويبي يحط حرته في جمانه كذا ساعدها في بيت ملاك لأنه كان هو متورط معاها بس اللحين كذا عنده شعور قاسي ويبي يقهر أحد يبي يهدم حياة أحد طول عمرة مسالم وفحاله ليش ما يجرب بيرسل الصور لبيت جمانه وأن قدر بيحطها على سيارة أخوها وأبوها أو أي أحد عندهم بيكتب عليها (ملاك الـــــ) يبي يسوي مشاكل بينهم خلهم تولع بينهم حرب أن شاء الله كذا يكره البنات ما يطيقهم ينرفزونه ...وصل لبيت ملاك ,,,, دق عليها وطلعت وفتحت الباب له ناظرها من فوق لتحت طالعة له بشورت طنشها بعد مادفع المبلغ وخذ الcd ومشى وصل البيت وراح لغرفته فتحها وعلى طول شغل جهازه دخله طلعت له الصور وطالعة جمانه حلوه وهي فاكة شعرها ثم راح لأقرب محل أستديو وطبع الصور كلها ... ولم وصل البيت نسخها على أكثر من cd وناوي يخرب حياة جمانه ......... الصباح أخر يوم في الأسبوع : بدر قام الصباح خذ الصور ومشى رايح لبيت جمانه ... لم وصل البيت شاف اربع سيارات موقفة أختار اللي يحس أنها حقت شبابي وخذ الصور ولزقها على الكبوت بأهداء ملاك الــ) كذا يبي ينكد على الصبح مشى بعد ما ارتاح انه سوى اللي براسة اللي مافي مبرر واحد يفسر تصرفة البايخ ... طلع حسام من البيت رايح لدوامه انصدم لم شاف سيارته والصور اللي عليها رفعها شاف البنت الحلوة والأهداء من ملاك الـــ من حطه على سيارته شالهم بسرعة ودخلها السيارة طلعت أخته نهاد وركبت : حسام : نهاد تعرفين مين هذي ووراها الصور نهاد بشهقة مع صدمة:حييييييييييييييييييي هذي جمانــــــــه وش جاب صورها عندك حسام : أنا اللي أسأل وش جاب صورها لهنا نهاد : أنا اللي أسأل طيب وين لقيتهم فيه؟ حسام : لحظة من هذي جمانه ؟ نهاد : هذي زميلتي في الفصل لسه جديدة عندنا جايه من أبها حسام : طيب صورها وش جابها على كبوت السيارة بأهداء ملاك ال,,, نهاد : ملاك!!!؟؟؟ حسام : ايه ملاك ماتعرفينه هذي؟ نهاد : إلا هذي أدشر بنت في المدرسة حسام : ترى إلا الأن مافهمت شي وش اللي خلا هالصور تجي لهنا وعلى سيارتي بالذات نهاد : أنا مثلك ما أدري وش السالفة حرك حرك بأتفاهم مع جمانه في المدرسة حسام : لا تتفاهمين مع جمانه شكلها مفضوحة وملاك اللي فاضحتها بس انا وش دخلني بالموضوع مالي في البنات أصلا نهاد : يعني أكلم ملاك وأتفاهم معها وجمانه ما أقول لها شي.؟ حسام بعصبية وعقلانية : ايه تفاهمي مع ملاك ولسانك الطويل هذا طلعيه عليها وما ترجعين للبيت إلا فاهمه السالفة منها بأي طريقة كانت ,,! وأصحي هذي جمانه تعرف عن الصور هذا أخر يوم في الأسبوع لا تنكدون على البنت وماتجي السبت وأحنا نبي نفهم بعد منها السالفة خير أن شاء الله صور بنت على سيارتي وش بيقول لو مر أحد وشافها الصبح قبل لا أشيلها حسام العاقل مسوي كذا بعدين يمكن كذا رجال مر ويحسب أن الصورة لك لأنك الأخت الوحيدة في هالبيت وأكيد في أحد يحسبها لك وإنك متعرفة على واحد ومعطيته صورك و فاضحك لأن حاط الصور على السيارة الناس ماتفهم إلا كذا بعدين يمكن مو كل الصور هذي يمكن مر أحد وتلقف وخذ وحدة أنا أتحمل ذمب البنت ليه ؟ صدق ناس حقيرة طلع حسام كل اللي فيه من القهر .. موقف ماصار بحياته مسكينه البنت انفضحت ,,,,, بس ليش هو من بد خلق الله نهاد : حسام حسام : هممم نهاد :اطقها أخاف تكبر السالفة تعرفني ما أنتفاهم إلا بيدي .. حسام : لا تطيقينها من أول شي أفهمي وأضبطي أعصابك وسحبي منها الكلام وهدديها أنك بتقولين لأدارة المدرسة خاصة أن الصور في المدرسة نهاد :الله يستر وصلت نهاد المدرسة ونزلت ,,, نهاد كبر جمانه عندها 3 أخوان عبدالكريم أكبر واحد 27 سنه ماتزوج وبعده حسام 24 سنه وبعده نواف : 19 سنه وعائلتهم كلهم محترمين يعني مستحيل أحد منهمم يسعى في ضرر شخص مهما كان.... .... طول الطريق حسام لجامعته يفكر في جمانه وعسى ما يكون داخل في الموضوع من دون ما يدري ..... أو نهاد اخته له دخل بس نهاد مالها في هالسوالف ... يارب وش الموضوع أبي أفهـــم .. .................................................. ......................... ها وش قررتي شهد : قررت يجي يعتذر مني وأنه ما عاد يمد يده روان : يعني خلاص بتعيشين مع أمه شهد بخبث : أكيــد هذي خالتي خذت حيلي من لها غيري روان : شهد انا روان وعارفتك إذا ناوية على شر أبعدي عنه وانتي بطريقتك أقنعي سامي يرجعكم لبيتكم شهد : أفكر المهم قولي لأمي عشان تقول لسامي روان : بأروح وراحت تقول لأم وليد اللي قالت لأبو وليد أبو وليد مو راضي ترجع له بس الحرمة مالها إلا رجلها دق على سامي وتواعد معه يجي العصر يعتذر منها .................................................. ............................... ملاك منصدمة : أيـــــــش أنا مالي دخل .. نهاد اللي في يدها الصور : أقول ملاك انا أعرفك من زمان وعارفة حركاتك مع البنات يعني قولي وش سالفة هالصور أحسن لك لأن محد خسران الا أنتي ملاك : لا يا عيوني أنا مالي دخل وهذا الخط مو خطي نهاد : خطك مو خطك خط أمك أبوك مالي شغل أهم شي أعرف من مصور جمانه وهي ماتدري ملاك : أنا مالي دخل روحي أسأليها هي نهاد : لا بسألك أنتي وأنتي بتجاوبين غصب عنك نهاد : اسمعي ولا تعلين صوتك علي زادت الدعوى ولا ما زادت من مصور جمانه ولا تدرين وين لاقيتها ياعمري ملاك : وين ؟ نهاد : تسوين روحك ما تدرين ,, ملاك : ما أدري ووين ؟ نهاد : تخيلي مو أنا اللي لقيتها هذا أخوي لقاها ملزقة على سيارته وبتوقيعك أنتي أبي أفهم اش دخل أخوي وجمانه عشان تفضحيهم .. ملاك:مالي دخل والله مالي دخل .. نهاد : اسمعي لاتقعدين تحلفين علي أنتي بتتكلمين ولا لا؟ ملاك : ليـــه وش بتسوين ؟؟ نهاد : أسوي كل شي أنا بس تكلمي ملاك : لاتحاولين ماراح أقول لك نهاد : يعني لك دخل في الموضوع ملاك ارتبكت : قلت لك مالي دخل .. نهاد : اسمعي عطيتك وجه بزيادة يا تتكلمين ولا أخلي الأدارة تتدخل وهي فاهمة سوالفك بالمرة ولك سوابق خاصة بعد ذاك اليوم لم ما داومتي في المدرسة ولم دقو على أهلك قالو في المدرسة وأنتي طالعة مع خويك تذكرين وش صار فيك ولا أذكرك ... ملاك : لاتخوفيني تبين تروحين الأدارة روحي كيفك نهاد : كيفي اوكــــــي انا لك وراحت مهاد تمشي ودخلت غرفة المرشدة الأجتماعية اللي تتفهم الموضوع بالتفصيل ثم تتدخل الأدارة بالأمر بس بيكون الأمر سري بدون أهل عشان جمانه المتضررة الكبرى في هالموضوع ملاك مرتبكة وعلى أعصبها وتلعن في بدر اللي حطها في الوقف أكيد ماراح تطلع من الموضوع بسهولة خاصة الأدارية أم نوف من النوع اللي يمسك الشخص ما يتركة إلا يعرف التفاصيل وتنشب في الحل ووبيدها جميع أنواع التهديد والعقوبات تخير الطالبة وش تبغى عقوبتها على حسب اعترافها كل ما اعترفت خف العقاب تصلح تكون ضابط وهي كذا أصلا تضبط البنات وهي ماتهتم في البنت من تكون ومن أبوها مدرسة أهليه حكومية النظام نظام ... نهاد بعد ماحكت للمرشدة كل شي من الصباح لحد قبل شوي .. المرشدة خلت نهاد تروح لفصلها بعد ماخذت الصور وهي تولت الموضوع نادت على ملاك واسألتها لين طفشت لكن جواب ملاك : (والله مالي دخل ) اطرت المرشدة تكلم الادارة .. ولكن لازم جمانه تعرف لأن السر بيدها نادوو على أول شي جمانه وخذتها المشرفة لوحدها من دون أحد : المرشدة : جمانه حبيبتي أبغى تركزي معي مرة حتى تفهمي الموضوع .. جمانه الخايفة : وشو الموضوع . المرشدة : تأكدي أن هذا الأمر بيني وبينك بس الأهل ماراح يعرفو حت الطالبات والمعلمات بس بيني وبينك .. جمانه بلعت ريقها : طيب المرشدة : حبيبتي أنتي لك علاقات مع شباب جمانه الواثقة : لا المرشدة : حبيبتي كلنا نخطي بس لازم نصحح خطأنا قولي لو تعرفي عادي عندي جمانه : لا ولا عمري كلمت وتعرفت .. المرشدة : طيب مافي أحد تعرض لك مثلا جمانه : لا المرشدة : طيب تعرفي واحد اسمه حسام الــ جمانه : أعرف العائلة بس الشخص لا المرشدة : طيب لك علاقة بملاك جمانه : علاقة سطحية مرة .. المرشدة : سطحية ولا في مشاكل بينكم .. جمانه : أستاذة وش السالفة من ورى كل هالأسئلة قولي وأجاوبك المرشدة طلعت الصور وورتها جمانه جمانه فتحت فمها : هذي أنا المرشدة: في أحد واضح كان جالس جمبك مين .. جمانه : غدير ايه غدير هي اللي كانت معي وطلبت مني أفك شعري وما ادري أيش المرشدة : طيب أي يوم ووش قلتي لها ووش قالت لك يعني وش الحوار اللي كان بينكم بالضبط والصورة لك لوحدك يعني هي مو موجودة يعني أحد متقصدك أنتي جمانه : ملاك أكيد ملاك الحقيـــــــــرة المرشدة : قبل لاتسبي قولي وش اللي بينك وبين ملاك .. بالضبط . جمانه معصبة مرة وهي تتكلم للمرشدة وطلعت كل فضاايح ملاك معها ... لحد ماشافت بدر عند المدرسة ... المرشدة : يعنني تتوقعي ملاك صورتك وعطت بدر الصور بس وش دخل حسام اخو نهاد في الموضوع جمانه : ما ادري حتى أنا ما أعرف .. شوي سكتت بعدين قالت بسرعة : أيه ايه أتوقع فهمت السالفة المرشدة :قولي .. .................................................. ....................................... مي : سبا قلبي خلينا نتمشى مو لازم ترجعي البيت اللحين .. سبا : يعني أخلي ماما تتغدا لوحدها مي : ماعليه مو ضارها بس خلينا نتغدا مع بعض سبا : اسمحي لي ما أقدر متى أشوف أمي أصلا وهذي الفرصة ما أفوتها حرام مشغولة طول اليوم وأكيد تحتاج أني أقعد معها . مي : والله جننتوني أنتم أنتي أمك وبشاير عجازة ومزكمة وانا اللي دايم أتمشى لحالي وبابا يقول لا تطولين ما معك أحد أفف سبا : مشكلتك وش نسوي لك مي : مالت عليك من صديقة سبا : مالك غيري امشي بس خلينا نلحق المحاظرة مي تعدل حجابها وبضيق: يله .................................................. ........................... جمانه : يمكن أنه مشبه علي بنهاد بالطول المرشدة : ويعني هذا غبي على طول يروح يحط صورك على السيارة مايفكر ماعنده خوات وهذي ملاك مو راضية تعترف بس خلاص كل شي واضح وبناخذ رقم بدر من ملاك ونجيبه بطريقتنا جمانه بألم : استاذه يمكن عنده نسخ كثيرة غير هذي المرشدة : لا تخافين بنجيبة بطريقتنا ونخليه يعترف وتطمني والحمد لله أنها طاحت بناس أمينين مو استغلو هالشي جمانه / الحمد لله .................................................. ................................................ سامي وشهد في المجلس لوحدهم : سامي : ترى تنازلت عن نفسي وجيت أعتذر لك وهذي ثاني مرة أجيك شهد : هذا أسلوب واحد بيعتذر سامي ساكتت شهد : اسمع أنت قلت لأبوي ماعاد بأمد يدي عياليها مرة ثانية وهذا كلام رجال وأشوف بتثبت لي هذا مع الأيام ولا لا ؟ سامي : وش قصدك ؟ شهد : أبد ما قصدي شي ويله ماتبي نروح لبيت أبوك لأنه بيته بس أمك خلته يسجلة باسمه ومات الله يرحمه من الغثا اللي شافة سامي مسك أعصابة : انتظرك في السيارة وطلع قامت شهد وخلت الشغالة تنزل الشناط وهي تجهزت على السريع وخذت عيالها وطلعت ركبت السيارة وطول الطريق ساكتين ,,, وصلو لبيت أم سامي دخل سامي السيارة جو البيت نزلت شهد مع عيالها ودخلت جو البيت وسامي ينزل الشناط من السيارة أم سامي : ما بغيتي تجين شهد : السلام عليكم أم سامي تطنش السلام : أنا قايلة لسامي يطلقك بس عاندني ورجعك رعوب : ماما خليها تروح بعدين نفضى لها ! شهد : وين غرفتــي شروق : مو غرفتك غرفة سامي سابقا ارقي فوق تدلك الخدامه شهد تعبت من الوقفة بيدها ريماس وهالأستقبال الجميل وسع صدرها مره! رقت فوق وهي تتأفف منهم وصلتها الخدامه للغرفة دخلت وحطت ريماس على السرير وفارس جمبها .. فارس : ماما ماما شهد : ها فارس : أبي ماالبث شهد : اصبر أبوك يجيب الشنط وأغير لك جلست شهد على الكنبة تنتظر سامي اللي تأخر شوي إلأ هو داخل ومعه الخدامه اللي شايله الشنط حطتها وراحت .. شهد سحبت شنطة فارس وطلعت له لبس وجلست تلبسة سامي ساكت خلصت شهد من فارس اللي ارتاح وجلس يمشي في الغرفة عقب طلع منها ما يهجد في مكان شوي دخلت رعوب بدون ما تدق الباب شهد رمت الملابس حقتها على السرير من القهر : مافي شي اسمه تدقين الباب قبل ما تدخلين كنت بألبس رعوب : وليش تهاوشين تراك في بيتنا سامي : رعوب خلينا شوي لوحدنا رعوب : يعني تتطردني اوكي سامي هذي أولها وتطلع من الغرفة وطاع بالباب سامي : أعوذ بالله شهد :" شفت كيف من اللحين هذي حركاتهم بعدين وش بيسون سامي : خواتي ما يغلطون شهد : أستغفر الله ااااااف سامي : لا تتأففين ترى ماني رايق لك شهد : ولا أنا بعد اطلع أبي البس سامي : نعم شهد : اطلع أبي البس سامي : هيه أنتي أنا زوجك شهد : وهذا البلا اطلع أبي أخذ راحتي يله سامي : ماني طالع روحي الحمام شهد خذت ملابسها وراحت الحمام وهي تفكر وش بيصير بكرة وبعده وبعدة مع هالعائلة المحترمة ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,, العصر ,,, رن جوال جمانه برقم غريب ردت : ,,,: الو جمانه : نعم بدر: سلام جمانه : من معي بدر : ماعرفتي صوتي ؟؟؟ جمانه : لا ما اتشرف بدر : وغريبه بعد للين معك الجوال ما خذوه جمانه : اها بدر أنت ههههههاي والله أنت مسكين بدر مستغرب منها : ولك وجهه بعد تتكلمين كذا حبيبتي صورك اللي من ملاك كلها عندي تعرفين وش عندي ... جمانه تجاريه : ومتى صارت عندك بدر : ليه ما شفتيها على سيارة أخوك جمانه : ايه شفتها مرة حلوة تصدق أخوي ضحك على الغبـــي اللي حاطها بدر : أنا غبي جمانه : يعني أنت اللي حاطها ولا بتوقيع ملاك صدق انجبر وعلم بدر : ايه أنا اللي حاطها وغيرهم كثييييييير جمانه : اااممم طيب وبعدين بدر : اسمعي أنا أقدر أعطيك كل النسخ اللي عندي بس بشرط جمانه : وش ؟ بدر : تجين للأستراحة وأعطيكم أياها جمانه : وأنا وش دراني عن استراحتك هذي بدر : أنتي بس الخميس جهزي عمرك وأنا أمرك جمانه : متأكد الخميس بس متى أي وقت ؟؟؟ بدر: اامممم أكيد الليل جمانه : اوكي مرني العشا وأنا انتظرك بدر ابتسم على أنها بتجي معه : وعد تجين جمانه : وعد بأجي معك بشرط كل النسخ تعطينيها بدر : من عيوني كلهم بس أنتي اركبي معي جمانه : اوكي عند الوعد الخميس العشا بدر : يله اتظرك بكرة جمانه : باااااي بدر : باي .................................................. .................................. اسمعهم يتكلمون كثير في امور الزواج وفلانه تزوجت وفلانه انخطبت وفلانه تطلقت وفلانه ماتجيب عيال هذا اللي يجلس مع حريم كبار ما يسمع منهم إلا هالسوالف جيت باقوم رن جوالي اللي دايم مكانه في جيبي ومثل ما توقعت رقم دولي استأذن من أمي ومرت عمي ورقيت فوق دخلت غرفة أمي وأبوي بسرعة وأرد ما توقعت بيوم أنه بيكون هو إلا هو نفس صوته نفسه اللي عذبني أيام وليالي نفسه اللي تركتني ووخلاني وبالأخص طلقني أحس رجولي ما تشيلني يمكن لأن له فتره ما دق حتى ماكلمته على المسن بس ليش برقم دولي ليش ؟ حاولت اجمع قواي عشان ما ابكي كذا ما أحب اسمع صوته اللي يبعثر الماضي والحاضر ويقلب الأوراق أكرهه أو أكرهه بس أفقد أيامه أنا صحيح ما ذكرته في كل هالمدة بس انشغالي أو هروبي من مجرد التفكير فيه ما أبيه وأبي أنساه وفعلا قل تفكيري فيه مدة طويلة بالنسبه لي بس أحيانا يمر طاريه لم أشوف ملامح فيصل اللي انقلبت لمحمد بعد ما كانت علي اسمعه يردد (الو الو) مو قادرة أسمع صوته ارد عليه ولا ما ارد أخر شي قلت : الو ... وبغباؤ سريع نطقت اسمه : محمد محمد : روان وش أخبارك ؟ روان : الحمد لله محمد : وش أخبار فيصل ؟ روان : بخير محمد " أسف ما سألت طول المدة لأني مسافر روان تذكرت لم كانت بأيام الملكة وقال لها مسافر نفس النبرة يعني في شي مصيبه قادمه ذاك اليوم تزوج هالمرة وش جايب معه : مسافر ؟ محمد :" ايه مسافر برى السعودية روا نحيت انه غبي الرقم دولي أكيد خارج السعودية: وين؟ محمد : ما راح أقول بس أنتي انتبهي على فيصل لأن يمكن ارجع بعد سنين صرفيته بتوصل لك أول بأول وأحاول أدق أسأل عليه تكفين روان فيصل لا يفقد أبوه خلي أبوك هو أبوه روان ما ابيه يفقدني لا تخليه ينطق بابا وانا مو موجود سمعتيني روان ؟ روان : ها .. إيه سمعتك .. محمد : اوكي ادق مرة ثانية متى ما قدرت بس لا تطنشيني ردي علي .. روان : ط,,يب محمد : يله تبين شي ؟ روان : ل..الا محمد : مع السلامة وت نتن انقطع الخط ... جلست استوعب اللي قاله محمد لهدرجة مشتاق لولده بس ليش مو راضي يقول وينه فيه ؟ معقولة فيه شي ؟ بس ليش مسافر ؟ وسنين! والله أنت يا محمد ما تنفهم ... رجعت الجوال لمكانه الدائم في جيب البنطلون جيت بأنزل أكمل جلستي مع السوالف اللي تغث بس رحت للغرفة دخلت والظلام هو سيد المكان نورة نايمة .. وشذا على الاب توب مندمجة شذا : ههه روان تعالي شوفي ذا .. روان : وش ...؟ شذا : تعالي شوفي المقطع ههه مره يضحك روان تروح لها وتحاول تنسى وش قال محمد .... في جهة أخرى لعند محمد : سكر من روان وهو يحمد ربه أنها ردت عليه وارتاح لأنه تطمن على فيصل وعليها بس أهله من العيد ما يدرون عنه أحسن مو لازم .. شافها من بعيد تمشي مع بنت ثانيه نفس البنت اللي سألته سعودي ولا لا؟ واضح أنها سعودية بس ملامحها كأنها أجنبيه اللي جمبها تشبه لها مره بس هي أحلى بشوي من ناحية الملامح .... مرو من جمبه ولا لفو عليه ... ومشى راجع لشقته... مي في نفسها تمنت ماتكون مع بشاير عشان تتقدر تحاكيه قهر مافي فرص ..... .................................................. ................................... في يوم تالي : الفطور : أنتي هيه عطيني العصير شهد طنشتها شروق : هيه ما تسمعين .. سامي ساكت رعوب : تسمع بس ماتبي تعطيك ... أم سامي : سامي شف مرتك يحاكونها وما ترد سامي طالع شهد اللي تاكل بصمت ومطنشة قام ومد لشروق العصير : تبين أصب لك بعد ؟ شروق : ما عاد أبي انسدت نفسي كنت أبي مرتك تمده لي مو أنت سامي : يالله صباح خير. شهد خلصت وقامت لغرفتها ... رعوب :طلقها شوف رافعة خشمها علينا من تكون ؟ سامي : رعوب ترى راسي مصدع مالي خلق هواش رعوب:طول الوقت ماعندك خلك متى يكون عندك خلق صدق ان حرمه قدام مرتك سامي قام وما رد عليها وراح لدوامه اللي من 11 لم 4 لأنه خميس .................................................. ............................................. جمانه بعد ما قالت لأهلها أنها بتروح عند صاحبته وراحت لنهاد وجلست عندهم وهم ضيفوها وحطوها على روسهم ... اتفق وان جمانه تركب مع بدر بس بيكون حسام قريب يعرف وش بيصير .. انتظر جمانه عند الباب وجاها بدر بعد ما وقف عند الباب وبسرعة ركبت ... بدر : هلا وغلا.. جمانه : بلا هلا بلا ايش عطني كل صوري ... بدر : ليش مجنون اعطيها لك بدون مقابل ,,, جمانه : اسمع ترى اقدر اللعب عليك واطلع وجهه مثل وجهك بس انا عندي ضمير صاحي فلو سمحت تعطيني الصور بالطيب لأن في شي اسمه قانون وبنات خلق الله مو لعبة بيدك لو سمحت عطنياها بالطيب يكون أفضل .. بدر : وإذا قلت لا ؟ جمانه : بدر أنت وراك أهل وناس يبونك لاتضيع عمرك في إبتزاز بنت وأخرتها تنطق في السجن أنا أقدر أجيبك بأي وسيلة أنت مو بعيد علي تفهم أنا اللحين أعاملك بالطيب فلو سمحت قابلني بمثلة وعطني كل الصور بدر : بس انا ما جبتها ... جمانه : وليش ما جبتها بتجيبها مو على كيفك بدر : على كيفي .... وشغل السيارة بيمشي ... جمانه : على وين ؟؟؟ بدر :للبيت أجيب الصور جمانه : تحسب نفسك مركب بقرة ما تفهم ما يمديك بدر : بقرة وأكبر بقرة جمانه : والله أنت البقرة اللي مضيع البيت وحاط صور على سيارة ناس ثانين أنت تنح غبي على بالك اللحين أهلي يدرون عن الصور لا ماراح يدرون لأنك غبي غبي بدر : نعــــــم ؟؟؟؟؟؟ جمانه : اييه غبي وبلا لعب بزران وحركات لف ودوران بتجيب الصور بتجيبها والله ثم والله لك ساعة كاملة إن ماجبتها أنا أجيبك وفتحت الباب ونزلت وبدر لازال بصدمته يعني خربط بالبيوت غبي غبي ليه ما سأل عن راعي البيت .... شغل سيارته وبسرعة مشى ووراه حسام ... دخلت جمانه البيت : نهاد : ها وش صار جمانه : قلبي قلبي والله خااايفة نهاد : وش صاااار ؟ جمانه تتكلمت لها وش صار بسرعة جمانه : خلي أخوك يكلم الهيئة أو يتصرف هو أخاف يفضحني .. نهاد : طيب ألللحين أكلم حسام بس أنتي هدي ... وتدق على حسام اللي مارد عليها ............. .................................................. ..................................... وش بيصير في جمانه ؟؟؟ ومي إلا متى تلاحق محمد ؟؟؟ شهد بتتحمل أهل زوجها او بتطلب الطلاق ؟؟؟؟ سلمان وش بيسوي مع بدر ؟؟؟؟