الفصل 24
الفصل الرابع والعشرون
دنـــــــــــــــــــــــ ـيا غريبة
..
بيت سامي :
أم سامي : خلك رجال وطلقها الحرمة اللي تطلع
من بيت زوجها ماهي بحرمه طلقها
شروق : ايوه كلام ماما صح طلقها ايش تبغى فيها
خلاص جبت عيال منها ارميها وأنا أزوجك وحدة أحلى منها
سامي ساكت
عروب : عندي صديقتي حنان مررة جمال
تعرفيها ياماما جمال والله قمر
ماضنتي في مثلها اثنين ايش رايك نخطبها لك
سامي / بأفكر
............................
جمانه تمشي في ساحة المدرسة
سمعت أحد يناديها لفت لقيتها ملاك زميلتها في الفصل ..
ملاك : جمانه وينك أدورك من زمان
جمانه تبتسم : أيش عندك غريبه تتركين شلتك وتجيني
ملاك : لابس أبيك بموضوع ضروري
جمانه بأهتمام : قولي
ملاك : تعالي نجلس على الكراسي
وتروح معها جمانه للكراسي
ملاك مرتبكة : صراحة نفسي أكلمك في موضوع وخايفة
تقولي لحد
جمانه : والله ماراح أقل لحد شي بس تكلمي خوفتيني
ملاك : اسمعي أنا صراحة عندي مشاكل في بيت
أهلي كثيرة وبابا وماما مطلقين من يوم عمري 7 سنين
وانا عايشة في بيت جدتي
وجدتي تعبانه وحالتها حالة
وفي ناس بيزوروها يوم الخميس
وما أعرف كيف أتصرف
الشغالة سافرت الأسبوع اللي فات
ولا في أحد يساعدني في البيت
جمانه : يعني تبين أرسل لك شغالتنا
ملاك : أيوه وأنتي معها لأني صراحة ما أعرف شي
جمانه : وش معنى أنا من كل البنات اللي تعرفيهم
ملاك : مدري كذا مرتاحة لك صراحة هم ما أمنهم على البيت
جمانه : يعني كيف بيسرقو شي يعني ؟
ملاك : مو كذا مم كيف أفهمك يعني هم مصالح عارفة كيف
يعني تجي لعندي ساعة وتطلع من البيت وما أعرف أنها
تروح مع غير أهلها يعني خويها والوقت اللي بيجو أهلها فيه
ترجع لعندي وياخذوها
جمانه : طيب ليش تخليهم يجو لعندك
ملاك : حاولت أمنعهم ما قدرت وإذا وقفت بوجهم دقو على البيت
وترد جدتي وتقول : عادي ياجدة أجي عندكم ملاك تبيني أجي
لعندها ولازم أستأذن منك
فتقول لها جدتي حياك الله وأنا أتورط لم تقول كذا ما أقدر أطرهم
فتكفين تعالي عندي يوم الخميس أنا واثقة منك منتي زي البنات الباقين
جمانه رحمتها : أشوف أبوي وأرد عليك
ملاك بترجي : حاولي تكفين متورطة مع اللي بيجون
جمانه : خلاص خلاص أشوف أبوي وأعطيك خبر
ملاك : مشكورة مررة بتخدميني خدمة ماراح أنساها لك ..
جمانه : عفوا
.............................
مي : بشاير بسرعة قومي بابي لا نتاخر عليه
ويروح ويخلينا مشي يلــــــــــه
بشاير تتقلب على السرير : تعبانه ماراح أداوم
مي : يعني خلاص أروح
بشاير : روحــــــي وفكيني وتغطي نفسها بالبطانية
مي : أووف منك
راحت مي تلبس بسرعة
لبست بنطلون أبيض واسع مع هاينك أبيض
وبالطو أسود طويل لحد الركبه
لممت كتبها المتناثر في الغرفة
بأهمال وخذت أقلامها وجت بتطلع بس تذكرت الحجاب
رجعت لبسته بسرعة وطلعت من الغرفة ...
ماما
أم بشاير : صباح الخير بالحلوه
مي : صباح النور وين بابا
أم بشاير : نسيتي أن اليوم يروح الساعة 7
واللحين الساعة 9
مي : مااااما لاااا ما أبي أروح بالتكسي
ام بشاير / ماعليه ماما وين بشاير
مي : تقول تعبانه يله أنا طالعة
أم بشاير : وين وفطورك
مي : بعدين ماما أفطر في الطريق يله باااااي
وتطلع بسرعة
لم وصلت الشارع راحت شرت لها كوفي حاااار
طالعت ساعتها 9 وخمس
باقي كثير على محاضرتها اللي تبدا 10
جلست على واحد من الكراسي المواجدة في الشارع بكثرة
وجلست تتأمل في الناس كلهم مشتين
أشكالهم تضحك محشوين ملابس
قرصتها معدتها من الجوع
والكوفي مايكفي
شالت كتبها ومشت لأقرب مطعم
دخلت وطلبت لها فطور
وجلست في طاولة لوحدها
دخل المحل واحد عربي شافته من قبل ويتكلم بالجوال
يا أخي لا تعطيهم وجه ,,,
عارفهم مدة وييأسون .... لا خله عندك .......
يله مثل ما وصيتك ما أبي أحد يعرف
... يله مع السلامة ..............
سكر محمد من خوية ولف على البنت اللي تطالعة
مي لم شافته ناظرها احترمت نفسها ولفت
محمد طلب له فطور ولا كأن في بنت عربيه تطالعة
وكلهم فيهم فضول يعرفون وش سالفة الثاني
مي افطرت وطلعت ومحمد افطر وطلع
والكل راح يشوف مستقبلة
ياترى محمد بيتعرف على مي .؟
ولا بيطنشها مثل أي بنت تمشي في الشارع
.............................................
نورة واقفة على الميزان ...
روان: ها كم نقصتي ؟
نورة بيأس : بس كيلوين
روان: كويس فيه تقدم اسبوعين ونص كيلوين
في الشهر يمكن 4 كيلو بس أنتي دامي على المشي
امشي في الجامعة لاتجلسين كثير
نورة : أمشي كل يوم 10 دقايق
روان : كل يوم 10 دقايق ما تزيدين ؟
نورة تنزل من الميزان وتجلس على السرير قبال روان :ايه ما ازيد
روان : لازم تزيدين يعني اللحين تعودتي على 10 دقايق
بكرة خليها ربع ساعة بعد 4 أيام خليها 20 دقيقة
اقعدي أسبوعين ثم زيدي خليها 25 دقيقة
وهكذا لأحر حد توصلين .
نورة : بس ما يكفي الوقت في الجامعة
روان: خلاص أنا بعد أبي أمشي نروح كل يوم
للشاطئ ونمشي هناك الجو حلو ويساعد
نورة : بس بيخلينا عمي أخاف يرفض
روان: وحنا وش رايحين نسوي نمشي
خلي عمي علي اقنعة
نورة : اوكي طيب لامتى شهد بتظل ساكته
روان : أنا كنت بأروح لها بعد شوي لازم نعرف وش
فيها لها أسبوعين عندنا ومانعرف
نورة : هي بين وسامي بينهم مشكلة
روان : أكيد بينهم شي ولا ماتركت بيتهم وجت عندنا
نورة : على طاري البيت متى بنروح البيت الجديد
روان : ما أدري بس خلصو صبغة والبلاط
باقي تروح الريحة ونركب الأثاث ونروح
نورة : كم يعني ؟
روان : أسبوعين كذا
نورة : تعرفي أنا خايف من شي ؟
روان : أيش ؟
نورة : أن أبوي ينقلني للرياض
روان : اها يمكن
نورة : ما أبي أنا تعودت أجلس هنا
روان : كم باقي لك من سنة ؟
نورة : سنتين
روان:وأمك وجمانه مافتحو لك هالموضوع
نورة : لا جعلهم ما يفتحون أبد
روان :أن شاء الله
.................................................. ..........
في بيت تركي :
أبو تركي : يله أخصو لبسو نروح نشتري لكم لاب توب
لميا ولمى : وووووووواااااوووووووووو
ويركضون لغرفتهم
جاهم الفرج بعد طول الأنتظار
بندر : الحمد لله والشكر مجانين
رغد : مساكين من شهر وهم يبون ومسوين أضراب
لو تروح غرفتهم كلها صحون أكل
بس كذا ما يبون ياكلون معنا
وهم ياكلون في الغرفة
بندر : طيب أنا أبي جوال بعد
رغد : أقول أسكت ماعندك سالفة أخر عمرنا البزارين تمسك جوالات
بندر : ماني بزر أنتي البزر
رغد " طيب انا البزر
لميا ولمى لابسين عباياتهم ونازلين بسرعة
لميا : وين أبوي ؟
بندر : في السيارة
لميا : يله لمى نروح
وطلعو من البيت
.................................................. ...................
جمانه : ماما والله رحمتها
أم نايف : حتى أنا بس أبوك ماضنتي يرضى
جمانه : حاولي فيه البنت طيبة وبنت ناس
بعدين في أبها كنت عادي أروح بيوت صديقاتي
وش يفرق اللحين .
أم نايف : بس نايف بيجي الخميس هنا
جمانه : ماراح يضركم تجتمعون بدوني
أم نايف : أسمعي أنا بأقول لأبوك أذا وافق زين ما وافق
مالي دعوى لاتحنين على راسي أبوك وكلمته
جمانه : متى بتقولين له ؟
أم نايف : اليلة بأكلمة وأشرح له وضع البنت
جمانه : ترى ماراح أطول أروح العصر وأجي هنا العشا
أم نايف : يصير خير
.................................................. ...............................
جنان تصحي سلطان لدوامه:سلطان قوم أذن العصر
سلطان يفتح عيونه وبصوت ثقيل : طيب طيب
ويرجع يسحب البطانية وينام
جنان: سلطان قووم دوامك
سلطان : طيب
جنان : طيب لا متى يله عاد لا تخليني واقفه يله قوم
سلطان وخر البطانية وقام يسحب رجوله للحمام
غسل وتوضى وطلع بسرعة للمسجد
صلى ورجع للشقة لقى
جنان نايمة على كنبه في الصالة هذا حالها
تجي من المدرسة تطبخ الغدا وترتب البيت
أجي أنا أتغدى بسرعة وأنام وهي تجلس لحد أذان العصر
وتصحيني للدوام لم أروح هي تنام .
حركها : جنون قومي روحي للسرير
لا رد
هزها بشويش : جنان قومي نامي على السرير
بيتعبك الكنب
لا رد
حس أنه بيتأخرعلى الدوام
راح لبس بسرعة وشال جنان وحطها
على السرير ولحفها وطلع بعد ماسكر اللمبة والباب
وراح يشوف شغلة
.................................................. ...........................
لميا شرت لاب توب dell لونه فوشي
ولمى مثلها بس لونه أحمر
.................................................. .........................
طق طق طق
شهد : أدخل
دخلت روان : هلا شهودة
شهد : هلا روان تعالي ..وزحفت لها مكان جمبها
روان راحت جست جمبها : شهد عارفة ليش جاية
شهد : عارفة
روان : طيب ممكن اعرف وش السبب
شهد : أنتي عارفة مفروض ما تسألين
روان : طيب وش صار بالضبط اللي يخليك تطلعين من بيتك ؟
شهد : بس اللي خططنا عليه ماصلح ولاحرك فيه شعره
وقال : ترى ما أحب هالحركات وكبرنا عليها خنقتها العبرة ...
روان : يعني باقة الورد والهدية رفضها
هزت راسها ب(إيه )
(شهد لم رجعت لبيتها بعد النفاس ...
جلست كذا يومين وراحت تشتري هدية لسامي وورد
عشان تفاتحة بموضوع أمه وحياتهم
لكن لم جى الوقت الموعود وعدلت نفسها
ووقدمت له الهدية ووالورد
قال : ما أحب هالحركات وكبرنا عليها
طبعا شهد تحطمت لكن ما سوت شي غير أنها سكتت
بعد يوم فتحت معه الموضوع وهوشها
بعد مدة جا وقالها سالفة النقل اللي بدون سبب
وتهاوشو )
روان : طيب مو لهدرجة ماقدرتي تمسكين عمرك وتهاوشتي
معه
شهد : جاي يقولي بدون مقدامات بننقل لعند أمي
وبنبيع البيت
وتخيلي حتى فلوس البيت بيعطيها لأمه
وأحنا نجلس في جناح في بيت امه
لو ان أبوه حي ما رضى باللي تسوية مرته
خير والله البيت مليان وفيه أخوه وماتزوج
ماني فاضية أتغطى على الرايحة والجاية
وأصلا يكفي خواته ما اطيقهم
كل وحدة لسانها أطول من الثانية وما يحشمون أحد
لا القريب ولا الغريب حتى انتي ضايقوك
أجل كيف أنا ؟
وكل شي أمه تدخل فيه
أنا ما كنت أبي أسمي ولدي فارس
بس أمه تبي كذا
وريماس خواته اللي مسمينها
حتى أثاث البيت لم يجون لعندي
يتدخلون فيه
شيلي هذا وحطيه هنا وحطي هذا هنا
من فترة صار سامي يدق على أمه يستأذن منها
عادي أوديها لبيت أهلها
خير وش هالعيشة قرفت
قرفت صبرت صبرت صبرت لم أنفجرت
والله ماصرت أطيقة ما أطيقة
ونزلت دموع القهر من عيونها
روان انصدمت كل هذا في شهد وساكته
كملت شهد بصوت متقطع : عطاني كف عشانها
جعلـ..ها الم...وت
روان بسرعة : لا لا تدعين عليها
شهد : لا بأدعي لأنك ما شفتي شي
شي يقهر
أنا أبي الطلاق ولا يجي يعتذر لي قدام عماني وأنه ماعاد
يمد يده وانا نسكن في بيتي أنا مو بيتها
روان : هدي هدي وأنا بأتصرف.
.................................................. .................................
جمانه تطلع من غرفة أبوها : الحمد لله وااافق وواو
خلني أدق عليها أبشرها
وتدق على ملاك
ملاك : هلا وغلا
جمانه : أهلين افرحي خلاص أبوي وافق
ملاك : ووووووواو أحلفي
جمانه : ههه والله وافق بس ماراح أطول أرجع العشا
ملاك : ماعليه بس متى بتجين بكرة ؟
جمانه : أول ما يذن العصر بأجي
ملاك : تكشخي العجايز كثار يمكن يخطبونك
جمانه :ههه تخيلي أتزوج
ملاك : مصيرك تتزوجين يله أتركك جدتي تناديني
جمانه : يله مع السلامة
ملاك : مع السلامة
سكرت ملاك من جمانه ودقت على ياسر : هلا ياسر
ياسر : هلا ها وافقت
ملاك : ايه بس بتروح العشا يعني قل لخويك يستعجل
ياسر : ومتى بتجي ذي عندك ؟
ملاك : العصر
ياسر : ومتى بيجون الحريم لعند جدتك ؟
ملاك : بعد المغرب .
ياسر : خلاص أنتفقنا باي
وسكر
تأففت ملاك وقامت تشوف العجوز اللي مبتلشة فيها
ملاك صادقة في كل ي قالته لجمانه
بس تستغل وضعها في سحب البنات بطريقتها
وتجيها فلوس على كل بنت تسحبها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
سامي وأبو وليد وأبو روان في المجلس
بعد ما قالت لهم روان السالفة
نادو سامي يتفاهمون معه
أبو وليد : يا ترجعها لبيتها معززة مكرمة ولا تطلقها
هذا شرطها عشان ترجع لك
سامي : أنا أصلا ما جيت عشان أراضيكم
ناديتوني تتفاهمون معي
مافي شروط تبي ترجع
ترجع لبيت أهلي عند أمي
ماتبي تطق راسها في أقرب جدار
اللي ما يبي أمي ما أبيه
شهد الواقفة عند الباب وتسمعهم : طلقني
سامي وقف ببرود بيطلع : بس أنتي طالق
وطلع من البيت ويروح يبشر أمه
شهد انصدمت
بكل برود قالها مافي نبرة صوته حتى قهر أو ندم
عادي كنه يسولف
ما كأنه عنده بنت وولد يبغونه
صحت من لمسة روان على كتفها / ليش طلبتي الطلاق
أنا محذرتك كل شي إلا الطلاق وبينكم عيال
ليش أقنعتيث عمي على الطلاق
انا مجربة قبلك والله عذاب
شهد وخرت يد روان وراحت بهدوء لغرفتها تخفي صدمتها
في المجلس
أبو روان : لا حول ولاقوة إلا بالله
طلاق
أبو وليد : تعيش عندنا مهززة مكرمة أحسن لها
ماعاش من يذل بنتي
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
لمى جالسة تحمل من النت على لاب توبها الفاضي
تحس بفراغ بحياتها الروتينية من بعد يوسف
يوسف اللي راح
الله يرحمة
سرحت تفكر فيه
لميا /: لماااااااااااى
لمى انتفضت : نعم
لميا : لا بس شفتك سرحانه قلت أنكد عليك
لمى : سخيفة
لميا : أنتي أسخف
.................................................. ..................................................
روان ونورة
على الشاطئ يمشون ماقالو لهم أهلهم شي
لأنهم كبار وعاقلين وش بيسوين يعني ؟
نورة : كم لنا
روان : لاتحسبين امشي وبس
نورة : أبي أعرف أنتي جسمك حلو ليه تمشين
روان : وأنا ضامنه جسمي بيبقى على طول كذا
يمكن يتغيير
نورة : رطوبة
روان : مرررة
نورة : كم باقي
روان : لاتحسبين تونا ماشين
نورة وصوتها يتقطع من المشي المتعب : أقول
روان : قولي
نورة : ليش مانجيب شذا معنا المرة الثانية مسكينه انقهرت
تبي تجي معنا
روان : عشان تختفي علينا وأصلا عمي ما وافق يقول مالع داعي تمشي
من سمنها
نورة : مسكينه ترى ذا ايه ياربي نسيت
روان : وش تذكري
نورة : ايه لميا تبي تطلع تشتري جزم وشنط
تقول أبي روان تجي معي
عندها ذوق عجيب في الجزم
روان : ليش ما طلبت مني
نورة : مدري عنها أسأليها
روان : ايه والله ودي اطلع للسوق أبس أشتري عطر
نورة : والله أنتم مزاج
روان : وش أسوي فاضية
.................................................. ................................................ ..................................................
Like
رد مع اقتباس إقتباس متعدد لهذه المشاركة الرد السريع على هذه المشاركة
#50 أضافة تقييم إلى ام مزن تقرير بمشاركة سيئة
قديم 25-10-14, 03:59 PM
الصورة الرمزية ام مزن
ام مزن ام مزن غير متواجد حالياً
نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
\
الخميس في بيت سارة
جمانه لبست بنطلون جنز ضيق وبلوزة خضرا طويلة
ضيقة من الصدر لحد البطن
وعند الخصر حزام أسود عريض ثم تتوسع من تحت
لبست شبشب أسود على الأرض عشان ما يزيدها
طول يكفي طولها فكت شعرها الطويل تفكر وش تسوي فيه أخر شي رفعته فرس ونزلت خصلة على وجهها
حطت كحل أسود وكثرت مع روج فوشي
لبست عبايتها ونادت على الشغالة ووصلها أبوها لبيت ملاك
نزلت ضربت الجرس وفتحت لها ملاك وبعد السلام
دخلو جوا وخلو الشغالة تشوف شغلها
جمانه : وين جدتك
ملاك : نايمة لازم تنام العصر ولا يصدع راسها
جمانه : اها
انضرب الجرس
ملاك تقوم : بأروح أجيب الفلوس ردي على المطعم
جمانه : وش طالبة
ملاك : حلويات من المطعم ردي لا يروح
جمانه تروح ترد على سماعة البيت : ملاااااك ما اسمع شي
ملاك من فوق تصرخ لها : خربااااان روحي افتحي له ..
جمانه بسرعة راحت تفتح الباب وهي واقف على الجنب قالت : شوي يجيب فلوس
بدر ارتبك من صوتها : سم
جمانه انصدمت : وشو
بدر : دف الباب بقوة ودخل وسكرة
جمانه جت بتصرخ حط يده على فمها : من أنتي ؟
أنتي ملاك ؟
جمانه نزلت دموعها على طول وتبي تصرخ بس ما تقدر وهو يسألها وشلون تجاوب وهو حاط يده حاولت قدرما تقدر وعضته
بدر بسرعة وخر يده من الألم : من أنتــــي ؟
جمانه ركضت ما ردت عليه
وصلت للباب الفلة تبي تدخل لقته مقفل الحيوانه ملاك قفلته
وما يمديه تطلع من البيت مافيه إلا باب واحد
جلست تضرب على الباب : افتحــــــــو لي حراااااامي
بدر راح لها : جماااانه
جمانه ترجف وتفسخ جزمتها : لا تقرب لا تقرب
بدر : طيب طيب ما راح أقرب
جمانه رمت الجزمة على وجهه بقوة وطقته على عيونه
بدر تعور مررة
وجمانه جلست تضرب الباب عشان يفتحون لها
: ملااااااااااااااااك ملااااااااااااااااااااااا اااااااااك
ملااااااااااااااااااااااا اااااااااااااااااااااااك تكفين افتحي
وتصارخ : ملااااااااااااااااااك بسررررعة
بدر بعد ما خف الألم لف عليها وكذب ": أنتي مين ؟
أنا أخو ملاك
جمانه هدت : أخوها ؟؟؟؟
بدر : ايه أخوها وتسوين فيني كذا وخري عني
جمانه ببلاهة : بس ملاك ماعندها أخوان
بدر تورط : من الرضاعة
قرب لمها وهي وخرت ضرب الباب : ملاك افتحي لي أنا بدر
جمانه قلبها بيطلع من مكانها متفشلة طلع أخو ملاك بس
ليش مامعه مفتاح البيت
وليش كل اللي صار تو وما قال لها أنه أخووها
انتظر بدر تفتح ملاك ما فتحت له
دق على ياسر معصب يبي يقول لها تفتح الباب
بس ياسر ما رد لف على جمانه اللي ترجف وصرخ/ أنتي ليش جيتي لهنا
تعرفين ليـــــــــــــه\
جمانه خلاص جسمها مو شايها وبتعب : عشان جدة ملاك
بدر : اسمعي أنا لا أعرف ملاك ولاهي تعرفني أنا جاي عشانك أنتي
ملاك تقول أنتي تبيني
وصرخ تفهميــــــــــــــــــن
بدر ما يدري وش يقول كان راضي يجي يتعرف على البنت
وياسر قايل له أن البنت راضية فيك
لعب عليه وصلة لعند باب بيت ملاك وراح قاله اضرب الجرس
وبتفتح لك لم فتحت جمانه
دز الباب وصار اللي صار بس البنت مسكينه شكلها ملعوب عليها ومثل ما قال
ياسر ملاك تسحب البنات
وش يسوي في البنت حرام ضميرة
حتى لو كان رايح فيها الشي اللي يجي بالغصب
ماتحس بطعمة
لف على صراخ جمانه ترفس الباب بأقوى ماعندها : ياحقيرة
يا حيووووووانه وتبكي
كيف يصير لها كذا بنت بسهولة لعبت عليها
وجايبه لي واحد تحسب لي مثلها
خانتها دموعها مرة ثانه ونزلت
بدر مسك أذونه وش هالموقف البايخ اللي انحط فيه
بدر / جمانه هدي والله ما راح أسوي لك شي بس
فهميني أنت كيف جيتي لاهنا
ملاك تقول أنتي راضية فيني
أنت مغصوبة ولا تلعبين علي
جمانة وترفع أصبعها اللي يرجف :والله... والله العظيم
ملعوب علي ,....هـ...ذي الكلبة
قالت جدتـــ...ي تعبانه وبيزورن لها ناس
ومـ....اعندهم شغالة
ق...الت لي تعالي عندي ولعباااااااااآآآآآآآآآآآآ آآه علي
نزلت للأرض خلاص رجولها مو شايلتها
بدر ابتلش ما معه سيارة وذي ما تفتح
وذي ما معها عباية عشان تطلع
الكل متورط منهم
بدر جلس وطلع جواله يدق على واحد من ربعة :
الو
هلا مساعد بغيتك بموضوع وأنا أخوك
وقام راح بعيد ماله إلا مساعد يساعدة
قال له الموضوع على السريع
ومساعد مافهم كل شي توقعة إلا بدر يروح لبنت
ورجع فهمة يجي ويجيب معه أي عباية
سكر منه وراح لجمانه ,,,,,,,,
بدر : كلمت خويي وبيجيب لك عباية وبيجي
أنا مامعي سيارة اللحين
أنا بأروح وأول ما يجو أهلك روحي معهم ولا تبينين لهم شي
جمانه : كيـــف وشغالتنا جو البيت
بدر : يالله صدق الورطة
جمانة سكتت استسلمت للواقع أهلها ماراح يرحمونها لاشافوها مع واحد
مافي حل راسها موقف عن التفكير
تبي تصحى من هالحلم المزعج
.................................................. .............................................
في بيت تركي :
سمعو صوت الكراج ينفتح وكان تركي داخل بسيارته الجيدة
ناقزو البنات من الفرحة وطلعو برى
نزل تركي من السيارة : ها وش رايكم تصلح لي
رغد من غير راي : هي أحلا تصدق
تركي انجرح بس جامل : أكيد
بندر : مايجي الهمر عليــــك أبدا
تركي انجرح مرة ثانية وجامل : ها نتمشى فيها
أم تركي : لا والله رفيع وش بيركبه
أخاف تعورني رجلي
تركي : هه يمه تكفين عاد اركبي بس هالمرة
أم تركي / لا والله ركبي مدري ايش فيها مرة ثانية
تركي : كيفكم أبوي مشيته فيها ووديته لعند لعمي عبدالرحمن وجيت
أمشيكم فيها
لمى : مبروك تروك
تركي : الله يبارك فيه
لميا : بأروح ألبس
تركي : يلــــــــــه كلكم
وراحو البنات بسرعة يلبسون وبندر أول واحد لأنه لبس ثوب ومشى
تضاربو من يركب قدام
وأخر شي لميا اللي فازت لأنها الأكبر
ورغد وبندر ولمى ورا
الكل فرحان ومبسوط
وجلسو يسولفون وأنواع الضحك والوناسة
وفرو شوارع جدة ثم رجعو البيت .........
ووعدهم بطلعة مرة ثانية
.................................................. ..................................
جمانة سكتت استسلمت للواقع أهلها ماراح يرحمونها لاشافوها مع واحد
مافي حل راسها موقف عن التفكير
تبي تصحى من هالحلم المزعج.........
مسكت راسها مصيبة مصيبة
وبدر يحوس في الحوش وكل شوي يطلع للشارع ينتظر مساعد اللي طول
دخل جو وحاول يدق الباب تفتح ملاك ما فتحت
سمع صوت سيارة خمن أنه مساعد بس شاف حرمة كبيرة بالسن تدخل وياله
تمشي ,,,,,
بدر : شكل العجايز جو قومـــــــــي
جمانه : ايش ؟
بدر سحبها من يدها بسرعة وقومها وركض بها لورا الفلة لمكان محد يشوفهم فيه
جمانه : ايش فيـــــك؟
بدر : مو أنتي تقولين في أحد بيزور جدة ملاك
جمانه : ايوه
بدر : عجيز شفتها تدخل من عند الباب
جمانه بأمل : يعني بتفتح ملاك الباب
بدر : مدري أخاف تنلطع العجيز عند الباب ويجيها شي
جمانه بقلل : وش نسوي ؟
بدر بقللق أكثر منها : مدري الله لايعيدها من مرة
أجلعل ما أعرف بنت من بعد هاليوم ما وراكم إلا البلاوي
جمانه انقهرت منه ولفت وجهها عنه وتتنتظر الفرج وتفتك من وجهه
مساعد يتصل بك
رد بسرعة بدر : هلا ,,
ايه ,,,
كم ,,,
ياذا الورطة
خذ كم لفة وارجع شوف
يله ,, وسكر ,,,,
بدر: هذا خويي يقول في سيارتين واقفة عند باب البيت
بياخذ لفة وبيرجع يشوف الوضع
جمانه بيأس : وجوالي جوا البيت كيف اطلع وأخليه
بدر : بالطقاق أهم شي أنا اطلع منها وأنتي دبري عمرك
جمانه بصوت واطي : نذل
بدر سمعها وطنش ,,
دقيقة مرت ,,,
بدر : روحي شوفي كان انفتح الباب ولا لا ؟
جمانه : لا والله وأن سألوني من وين جيتي
بدر بعصبية : روحي وفكيني منك
أنتي بنت وماراح يضرك لكن أنا
لو يشوفني أحد بيستنكر روحـــي
جمانه : اااف لا تصارخ لا أحد يسمعنا وبأروح أمري لله
راحت جمانه وهي خايفى وكان الفرج الباب مفتوح
ما دلخت راحت تطل من عند الباب فيه أحد بالشارع ولا لا؟
مافي إلا سيارة وحدة موقفة وفيها واحد رجعت بسرعة قبل لا يشوفها مرة
وراحت لبدر بسرعة : أنت هيه انفتح الباب والشارع مافيه أحد
انقلع وفكني
بدر: كل تبن وتكلمي بأحترام معي
جمانه : اسمع ماني رايقة لك وضف وجههك ورح يله اطلع قبل لا أحد يجي
بدر ناظرها نظرة أخيرة بأشمأزاز وهو كارها وراح
والسيارة الواقف كانت سيارة مساعد ركب بسرعة : السلام
مساعد : وعليكم وين البنت ؟
بدر : انفتح الباب يله امش قبل لا أحد يشوفنا
مساعد هز براسة بمسخرة على بدر وحرك السيارة
جمانه دخلت البيت شافت أصوات كثير في غرفة
قالت أكيد هذي غرفة جدة الكلبة
شافت عبايتها في الصالة وجمبها جوالها
راحت تاخذهم بسرعة وتتنى ما تشوف ملاك
لأنها بتفقد أعصابها وتذبحها
شافت الشغالة طالعة من الغرفة ومعها صينية فيها قهوة
أشرت لها جمانه تعالي
راحت الشغالة بخوف : ماما أنا في خوف
جمانه بهمس: قصري صوتك ويله
حطي الصينية وخلينا نطلع بسرعة
الشغالة : طيب ماما
طلعت جمانه والشغالة للحوش ودقت على أبوها
وقالت له يجي ياخذها
انتظرت طول سمهت صوت ملاك تنادي على الشغالة
بس على جيت أبو نايف
والحمد لله طلعو بسرعة
جمانه حاولت قد ماتقدر تجاوب على أسألت أبوها بدون ربكة
ومحذرة بعد الشغالة ما تتكلم عن شي
والشغالة طيبة ومسكينة وعلى نياتها
وخايفة على جمانه لأنها تسمع صراخها لم كان الباب مقفل
وفهمتها جمانه على الطاير الموضوع بس ماتعمقت مهما صار هذي شغالة وبياعة حكي وبأي لحظة يزل لسانها وتقول اللي صار ......
وصلت البيت لقت أخوها نايف وسمر
جايين لعندهم سلمت عليهم عقب تعذرت منهم وراح لغرفتها
غيرت ملابسها وراحت للسريرها وشريط الحادثة قدمها
بس لو تشوف ملاك بتعلمها كيف تسوي فيها كذا
طلعتي على أصلك يا الخايسة
.................................................. ....................................
روان ,,,,,,,,,
أحس أني سبب طلاق شهد
أنا قلت لها طريقة حلو
تعطيه هدية وتتفاهم معه
بس هو خربها
وخرب كل شي
ريماس وفارس وش ذمبهم
يعشون وأمهم وأبوهم
مطلقين
بس هو طلقها طلقة وحدة
يعني في أمل ترجع له
يارب يرجعون لبعض وتريح ضميري ...
محمد من زمان عنه
ماعاد له حس ولا خبر
حتى في المسن ما القاه مثل العادة
صحيح أرتحت
بس عندي فضول أعرف وش يسوي
ووينه فيه .؟
يمكن تزوج ثالثة
حتى لو تزوج محمد أسلوبه غريب
وبيتطلقون
لا ماظنتي يتزوج ...وليش ما يتزوج ,,,,
مو قاصرة شي ...أف
وأنا وش دخلني فيه قلعتن تقلعة ...........
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,
وليد: احلف يا رجال متى صارت ما يجي عليك
سعد : وليه طال عمرك انا بادخل 26يعني سن زواج
وأمي كلمتني عشان لاتخرجنا على طول أتزوج
وليد : وطال عمرك والوظيفة ؟
سعد : أنا قادر أتزوج والوظيف بعدين
وتخصصنا مطلوب في مكان ولا ظنتي ندور كثير
وليد : ومن سعيدة الحظ بنت عمك ؟
سعد : لا مو بنت عمي وحدة أمي تعرفها بنت أبو ثامر جيرانك في الحارة
وليد : والله والنسب
سعد : تتطنز أنت
وليد : لا امدح وأنت سألت عن أخلاق البنت قبل ما تخاطر
سعد : أمي تمدحهم وماعليهم قاصر
وليد ما حب ينكد على سعد وقال : الله يوفقك
.................................................. ...................................
هنادي توها طالعة من القاعة ومخلصة المحاظرة
مشت بهدوء مو مثل ماتدخل للقاعة كانت تركض عشانها متأخره
شافت نجود أخت سلمان زوجها جالسة لحالها
ومنزلة راسها لجوالها وحاطه السماعات في أذنها
تررددت تروح لها ولا لا ؟
توكلت وراحت ,,,
هنادي : السلام عليكم
نجود رفعت راسها ناظرتها من فوق لتحت
ثم رجعت لجوالها ,,,
هنادي مدت يدها : أهلين نجود
نجود على وضعيتها ما تحركت
رجعت يدها هنادي : مشكورة
ولمت كرامتها وراحت كيف بتتفاهم معها بعد الزواج
أخاف تسبب مشاكل لي مع سلمان
بس في ندى والله أنها عسل هالبنت الله يوفقها دنيا وأخرة
دقت على بدر يجي ياخذها
وجاها بعد ما انلطعت ساعة كاملة وراحت للبيت
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,
جمانه غابت السبت
ما تبي تشوف ملاك
وقالت لأهلها بطنها يوجعها
نفسها تذبحها لكن بعد ما تسأهلها
وش تستفيد لم تسوي كذا ؟
حمدت جمانه ربها أنه مو مثل طبقت ملاك
تفكيرهم سحب البنات وبــــس
.................................................. ...................
نورة تفكر تشتري جهاز مشي
مو حلوة تطلع من البيت كل يوم
أذا خالها ماتكلم اليوم بيتكلم بكرة
وتخاف أنه يكلم أمها وأمها
تجيبها للرياض ماتبي تروح الرياض
تبي تجلس عند خالها أحسن
تعودت على شذا وروان ماتبي تتركهم
بس خالها ماضنتي يتكلم
أصلا مشغول هو وخالها محمد في البيت الجديد
وترميمة ,,,
.................................................. ....................
شهد نفستها تعبانه مرة
صح طلقها مرة وحدة يعني في أمل ترجع لكن
ماتبي أمه وخواته
محتارة
وتشغلل نفسها بريماس وفارس
أمها كلممتها مرة ترجع له
بس رفضت
وأبوها يقول أجلسي عندي
وأنسي سامي
ما تدري محتارة
وتفكر في هالعيال وش ذمبهم
يعشون كذا
تفكر تشتغل تشغل عمرها
بس ما عندها همة ولا شي يشجع
في بيتها أحسن لها
.................................................. ....................
بدر راح كذا مرة للأستراحة
بس ما شاف ياسر ومستغرب
وش السالفة ؟؟
بس تريح منه ,,
لكن بدر صار يشرب أكثر من كاس
ولا يرجع الا حول الفجر
وأهله ما شكو فيه للحين
بس مصيرهم يعرفون
وجمانه هذي لها يوم
بدر حطها في راسة
ما يدري وش جاه بس حطها في راسة
يعني خاربه خاربه ................
.................................................. ...............
جنان : سلطان أبي أروح لأختي في مكة
سلطان : خليها الأربعاء الجاي دوامي ما يسمح لي
جنان : يعني الأربعاء أكون عند أختي
سلطان : أن شاء الله
جنان : سلطان عندي موضوع
سلطان : وش هو ؟
جنان خايفة : ايش رايك أشتغل
سلطان بصدمة : نعم ؟
جنان سكتت
سلطان : فهميني وش تشتغلين ؟؟
جنان : وحدة من صاحباتي تقول
في وضايف محاسبة في مشغل نسائي
أشتغل في الصيفية
سلطان : وش اللي حادك تفكرين في الشغل قصرت معك بشي؟
جنان : لا مو قصدي كدا أنا أساعدك على البيت
كل شي عليك
سلطان : وأنا ما اشتكيت عشان تقولين كذا
الحمد لله أحنا مو قاصرنا شي
بعدين أنا ما أرضى تشتغلين كملي دراستك
أحسن والشغل لاحقة عليه لا تخرجتي من الجامعة
جنان حست أنها بعيدة مرة وشالت فكرة الشغل لأن سلطان تضايق :
خلاص انسى أني قلت لك الموضوع
سلطان ما رد عليها
وحس أنه مقصر مع جنان .....
وأن هدفها تشغل نفسها
مو قصدها تساعد ,,,,,,
.................................................. .........................
\
\
Like