ضحية رجلين - الفصل 23 - بقلم بنت الأكابر - مكتملة | روايتك

الفصل الثالث والعشرون هي (خـــــــــــــــــــــــ� �ــــــــــــــــــــــــ ــــــــــــــاربه خـــــــــــــــــــــارب ه) خلينا نعميـــــــــــــــــــــ ـــــــــــــــــــــــــ ــــــــــــــــــها ..... بدر من شهرين وهو معهم مرتاح من ضحكهم ومزحهم واستهبالهم وأهم شي طيشهم وشـ.ــــربهم وفلتهم وسعة صدرهم يحسهم ماعندهم هموم ماعندهم مشاكل ولا حتى فكرة دراسة وعثى كل شي في حياتهم سهل وكل شي يجيهم على طول الفلوس وعندهم ... وش أكثر بعد لكن اللي يحيرة بعضهم كانو كلمة فقارا عليهم شوية بس من دخلو مع هالشلة صار فوق وأكثر بعد حاول يشرب معهم حاول يسوي كل اللي يسونه وهم أصلا في البدايه اللي عرضو عليه يصير مثلهم بس في شي بداخلة يقول لا يا بدر انتبه وشي ثاني يقول وسع صدرك الدنيا فانيه ! وصار محتار وبالأخص متلخبط أهله لاحظو عليه طلوعه الكثير وسهراته لحد الصبح كلامه لهجته حركاته كل شي تغير فيه كل هذا وماتعمق معهم أي ماصار فرد أو عضو بشلتهم بس بأسم ضيف أو قاط وبالنسبه لهم ملتزم لأن اللي مايشرب عندهم أو يحشش معهم ملتزم تفكير غلط أو تفكير غبي أو بالأصح تفكير محششين وسكارا مرتاح يجلس معهم بس فكرة يشرب معهم لا وراعي الأستراحة اللي هو (بابا الشلة ) كذا مسمينه مهدده يامعهم ولا برى وله يومين يقرر .... ويفكر ................................... هنادي : يادلخ .......قالتها زلة لسان لسلمان اللي يسولف لها عن موقف أيلم طفولته) غمضت عيونها تتنظر أي هوشة منه بس سلمان : أنا دلخ يا هنادي هنادي : أسفه ولله أسفة لساني متبري مني بس متحمسة مع السالفة سلمان : طيب أنا مشغول اللحين اكلمك بعدين . هنادي وهي ندمانه : طيب سلمان : مع السلامه وسكر هنادي حسته زعل منها مفروض ما تطيح الميانه بينهم هو رجال ويبي لها لسان ثاني بس هي تعودت على هالكلمات وكأنها مدحة بالنسبه لها بس سلمان لازم اتعود أكون معه ثقل مو ثقل مرة بس الكلام يكون محترم لازم تعود بنفسها من اللحين عشان ماتخسرة جتها فكرة في راسها ترسل له رساله رضاوة مع انها من كلمها ما أرسلت شي وهو عبى جوالها حست أنها أنانية دورت بجوالها كل الرسايل أستهبال مافي شي عن الحب والغزل كذا حياتها من يومها مادخل قلبها رجال ماعاشت مراهقتها كذا على قولتها /: مافضيت لأحد ياليت أشوف بدر أخذ منه رسايل جواله مليان مع أنه ما يكلم لابعة يرسلون له مالها ألا تأخذ من الصور اللي ب الاب توب حقها شغلته وعلى طول على ملف الصور دورت ودورت لحد ما طفشت مافي شي مالها إلا بنت خالتها المتزوجة أكيد عندها مخزون أرسلت لها : (هاي ايمي كيفك ؟ خخخ تخبرين دلخة وماعندي رسايل ل(زوجي) أخدميني وأرسلي لي .... وأبشري أسدد الفاتورة عنك بس كثري رسايل ....... بليز ضروري واللحين ) ربع ساعة وأمطرت الرسايل عليها ماقصرت إيمان أرسلت بعضها وصلت كامله وبعضها النص ماوصل كله أنتظرت وبعدها فتحتها وتقرا وتقرا أخر شي ماعجبها شي أحسن ترسل بأسلوبها : (سلمان أسفة بس متعودة على هالأسلوب بس أوعدك أغيره كل شي ولا تاخذ بخاطرك مني) حست حرارتها ترتفع تكره الأنتظار كنها وحدة ساحبة وتبي تنجح بأي نتيجة دق جوالها انتفضت من الخرعة بعلت ريقها وردت : هلا سلمان سلمان : هلا وشفيك مستحيل أزعل منك على هالكملة ماني سخيف هنادي تبرر : حسيتك زعلت سلمان : لاوين أزعل إلا ,,,,,,,,,,إلخ مثل العادة يسولفون .................................................. ............................... سلطان : دقي عليهم مرة ثانيه جنان : مايردون سلطان : غريبه.؟ يمكن راحو المدينه جنان : لا كيف مو بهالسرعة ونوف عندها مدرسة سلطان : يمكن راحو لعند أختك جنان : أختي بيتهم صغير وماضنتي يكفيهم سلطان : حتى من كثرهم أمك ونوف بس جنان : ما أدري ما ادري خااايفة سلطان " أن شاء الله ما يصير الا الخير يمكن يكون موضوع صغير وانتي مكبرته كلها خمس أيام وراجعين اصبري جنان تسكت لا رد .................................................. ........ لميا : مالي شغل مو على كيفك انا اول كيفــــــــــــــــــــــ ـــي لمى: حلو خذي لاب توب رغد ضاقت إلا حق سلطان بعدين مو عدل البزر عندها وحنا لا خير لميا : إيه صح خير وتفتح باب الغرفة بقوة وتنزل من الدرج بسرعة : ماما ماما أم تركي : أناهنا لفت لميا على الصالة لقيت أمها وتركي جلست على الكنبه : ماما خير ما يصير ولا يصح البزر عندها لاب توب وأنا ولمى لا أم تركي : أنتم مو مرة على النت بعدين هي تحب النت ومتفوقة في دراستها بعد أنتي ثالث ثنوي لا نجحتي شرينا لك تركي :لميا تبين تدخلين النت ليش؟ لميا : بس كذا أستهبال أوسع صدري تركي :خذي لاب توب حقي متى مابغيته خذته منك لميا : لا خير وحدة بعمري ما معها لاب توب وأرغيد معها ايش هذا تركي : طيب أنتي خذي حقي لميا تهز راسها : لااا ما أبي تجيبون لي لاب توب يعني تجيبون لمى نازلة من الدرج " حتى أنا أبي خير والله كل صاحباتي عندهم انا لا ليش ؟ بنات عماني كل وحدة معها واحد أحنا ليه أم تركي : دحين لسه تذكرتو أنك ما شريتو لاب توب لميا : ايوه صار الموضوع محرج لم وحدة تسألني ليه ما تدخلي النت لمى : انا بأكلم أبوي يجيب لي وتطلع فوق وتلتقي برغد ناظرتها بحقد ورغد ما تدري وش السالفة نزلت للصالة : وش فيها لمى تركي : تبي هي ولميا يشترون لاب توب رغد تجلس : طيب وش دخلني انا تناظرني كذا كأني ذابحة أبوها تركي : يقولون ليش معك وهم لا رغد : وإذا هم معهم جولات وأنا لا تركي : الجولات غير حتى انا ماخذته إلا في أول ثانوي هذا قانون العائلة رغد : اافف كيفك أصلا أنا ما احتاجة لميا : بتشتــــرون لي ولا كيف ؟ أم تركي : روحي لأبوك لميا : طيب طيب وترقى فوق لأبوها وتدخل عليه في الغرفة تقى لمى جالسة أبو تركي : تعالي اقعدي وتجلس معهم أبو تركي : نشتري لاب توب لك ولميا مو أحسن لميا :لا أنا ولمى بنتهاوش عليه أبو تركي : منتم بزران كل وحدة اطول من الثانيه وتتهاوشون لمى : بس أحنا نبغاه أوقات نهايه الأسبوع نكون فاضين ونجلس على النت ولميا معي فلازم اثنين لميا : بعدين مو عدل روان وشذا وشهد ونورة وجمانه ورغد معهم ليه أحنا لا أبو تري يكره المقارنه: طيب أفكر لميا : لا مو لازم تفكر ويقعدون على راس أبوهم ربع ساعة وأنواع الحنه لحد ما وافق وطردهم من الغرفة يبي ينام وفرحو .................................................. ............. شهد جالسة هي وسامي في غرفتهم شهد : سامي ممكن أكملك في موضوع سامي :/ أبي أنام أجليه لبكرة شهد " بس الموضوع ضروري سامي يعدل من جلسته على السرير : بسرعة شهد : سامي كم صار لنا متزوجين سامي : الزبدة شهد ارتفع ضغطها بس مسكت عمرها:من6 سنين متزوجين وعندنا اللحين فارس وريماس بس هذي السنه صرت تضايقني كثير بامك سامي ما يتحمل أحد يتكلم عن أمه شي : نعــم شهد : وشفيك خلني أكمل صراحة كرهت أمك كل ما أصلح حاجة تقول أمي وكل ما رحت وجيت أمي وأمي حتى أنا عندي أم بس ما أسوي مثلك قدرني شوي ترى الحرمة ماتحب أحد يقارنها مع أحد ثاني أمك على العين والراس بس شيلها من حياتنا جو البيت سامي بعصبيه: مثل ماقلتي أمي على راسك فاهمه ولا تفتحين الموضوع هذا مرة ثانيه فاهمة وسكري اللمبه بنام قامت شهد وطفت اللمبه والود ودها تذبحة على أسلوبه .................................................. ............................................ نورة : ما أبي عشا كيفي شذا : وشفيك أنتي غريبهأقولك بنطلب تقولين ما أبي تستهبلين نورة بيأس : شذا تكفين ما أبي راسي مصدع مالي خلق أكل روحي لروان شذا تطلع من الغرفة:كيفك أنتي الخسرانه وتنزل لتحت لملحق وليد وتدخل عليه : وليد أشر لها تطلع وتدق الباب طلعت شذا ودقت الباب وليد : ادخلي دخلت شذا : تبي شي بنطلب من المطعم وليد : لا ما أبي بنام اللحين بكرة وراي مسكت خط شذا : بترجع ؟ ووليد : ايه بأرجع ليه؟ شذا : ماطولت عندنا وليد : وين عندي محاظرات هناك لازم أروح شذا : متى بتتخرج طولت وليد: باقي لي شهرين وأتخرج أن شاء الله شذا : متاكد مو سنتين ؟ وليد: لاههع شهرين بس شذا : يعني ندور لك وليد : على وشو ؟ شذا : عروسة وليد : لا موجوده ماله داعي تتعبين عمرك شذا :والله وليد من جد في بالك وحدة وليد : ليه وش فيه شذا : بس ما يصلح لك تحب وليد :مو حب يالغبيه أنا بس حاط في بالي وخلاص شذا : من هي قولي انا أختك وليد : أقول انقلعي وسكري الباب وراي سفر شذا :افف منكم يالعيال ما تتكلمون وتطلع من الملحق وتروح تطلب لها ولروان من المطعم .................................................. ............... في ماليزيا جنان وسلطان في غرفتهم سلطان : حياتي تأكدي من الهديا مانسينا أحد جنان ترتب الشنط رجعت خصله ورا أذنها بسرعة :لا أن شاء الله مانسنيا أحد سلطان : اف بترجع لدوامات جنان : عادي بنرجع لها غصب عننا سلطان : جنان خلي الشناط وخلينا نزل تحت نتمشى جنان تطالع ساعتها 2ونص الليل : وين سلطان متأخر الوقت سلطان:تعالي لاتخافي بس خلينا نتمشى أخر ليله هنا بكرة راجعين جنان : طيب ارتب الشناط ووننزل قام سلطان يساعدها عشان يخلصو بعد ماخلصو : لبست جنان بنطلون أسود وبلوزة سكريه وحجاب سكري وماحطت مكياج سلطان بنطلون أبيض وتشيرت واسع أسود ونزلو للشارع وتقريبا الساعة 3 وعشر المحلات مسكره وكل شي هادي وقليل السيارات اللي تمشي في هالوقت جنان بصوت خايف : سلطان سلطان : عيونه جنان : خايفة سلطان لفها وخلاها قدامه : وشفيك انا معك وبعدين (فك حجابها) هذا لا تلبسينه اللحين الصباح البسيه جنان : لا سلطان مو حلو كذا سلطان دخل يده بشعرها الناعم وحركه : يا شيخة وسعي صدرك بعدين انا أبي كذا سحبها وجلسها على كرسي قريب وهو جمبها وماسك خصرها بيده:جنان ممكن أسألك سؤال وتجاوبيني بصراحة .... جنان : ايش سلطان : وش كنتي تسوين في بيتكم لم ع....(مو زين يقول عزا يوسف) لم كنت نايم في بيتكم \ جنان : مافهمت سلطان : لم كنتي جالسه ورا الفلة وش كنتي تسوين جنان: كذا كنت متضايقة وطلعت برى سلطان : ليش بالذات هناك جنان : أنت في المجلس خفت تتطلع وتشوفني لأن باب المجلس على برى سلطان : جنان جنان :همم سلطان " أنتي من كنتي صغيرة هاديه كذا جنان بصوت هامس : أيه وغرقت عيونها دموع :لا من مات أبوي سلطان مسح دموعها : أنسي أني سألتك خلاص جنان " خلنا نرج..ع سلطان : على راحتك وراحو العصافير للفندق ونامو وراهم سفر .................................................. ................. صباح يوم جديد : قام مثل العادة راح للحمام وتسبح بموية دافيه تلين عظامه يفطر اللي موجود في الثلاجة يلبس ملابس ثقيلة مرة لأن الجو بارد مرة ياخذ كتبه ويطلع واقف على الرصيف ينتظر تاكس ووقفو بنات جمبه متحجبات ما طالع فيهم وكانو 2 خوات سعوديات 1 يمنيه بشاير : أقول برد مرة ليت بابا وصلنا مي : أنتي كنتي نايمه أخرتينا راح وخلانا سبا(اليمنية) : جى التاكسي يله نركب بس محمد هو اللي أشر قبل فراح له وركب البنات كلهم لفو عليه : بشاير :قليل أدب سبا : بس هو أتوقع موقف عشانه محمد مشى التاكسي وراح مي : شفتو شكله سبا : وش فيه ؟ مي : كأنه عربي بشاير \ أتوقع كويتي أو قطري مي : لا سعودي متأكدة سبا : ماعلينا يله تأخرنا على الجامعه وقف التاكسي وركبو بشاير الكبيرة 22 سنه تدرس تصوير ومتفننه فيه أختها مي : 19 سنه تدرس أدارة سبا : 19 سنه مع مي ( مي وبشايرمن سنه راحو لبريطانيا أبوهم بيكمل الدكتوراه مع أن عمرة 45 وأمهم معهم بس ماتسوي شي في البيت جالسة مي تعرفت على سبا وصارو صاحبات وسبا ساكنه مع أمها بس اللي تكمل الدكتوراه وأبوها وأمها منفصلين من عمر سبا 5 سنوات ) .................................................. ........................... في بيت سلمان : ندى : سلمان كلم هنادي أبغى أجي لعندهم نتفق على حركات العرس وسواليف الحريم سلمان : وليش أمي ماتروح ندى : احنا بنات ونفهم بعض وأمي أصلا ماتبيها سلمان : والله هذا أختيارها أحد قالها وبعدين هنادي زوجتي ولازم تتقبلها اليوم قبل بكرة عشان ماتصير مشاكل ندى : لاتضيق خلقلك بتكلمها ولا لا ؟ سلمان : خلاص بأكلمها نجود تنزل من الدرج ولابسة عبايتها وصوت كعبها المزعج معها : صباح الخير ندى : هلا سلمان : اللحين تروحين الجامعة بالكعب ما تتعب رجلك نجود تعدل نظارتها الشمسيه : أحد شكا لك سلمان : تكلمي معي بأحترام نجود تلف طرحتها : ماقلت شي غلط ندى : يله تأخرنا على الجماعه نجود تمشي من جنب سلمان مسك سلمان مع يدها : بتطلعين مع السواق كذا؟ نجود : ايه فيها شي ؟ سلمان : تغطي مثل ندى نجود تفك يدها من سلمان : لاصرت أبوي تعال تكلم وتعطيه ظهرها وتطلع ندى : معليش سلمان هذي بزر أمسحها بوجهي سلمان : خلاص روحي تأخرتي ندى : ماراح تروح المدرسة سلمان : لا اليوم ماخذ أجازة ندى :ليش؟ سلمان : بعدين تعرفين ندى تفتح باب الفلة :" كيفك بس لاتنسى تقول لهنادي سلمان : طيب .................................................. ................................. أم تركي : اليوم بيوصل أخوكم لمى ولميا ساكتين مسوين اضراب لحد ما يشترون لكل وحدة لاب توب رغد : متى ؟ أم تركي : 9 الليل رغد : اها وبتسون غدا بكرة لهم أم تركي : أكيد رغد : بتعزمون أحد أم تركي : لابس حنا تصدقين أدق على بيت أم يوسف محد يرد رغد : غريبه وش فيهم ؟ أم تركي : مدري والله حتى أنا مستغربة نزل تركي من الدرج وهو مبتسم ولابس ثوبة بيطلع من البيت أم تركي : على وين ؟ تركي : طالع مع واحد أم تركي : ترى سلطان بيجي بتروح تاخذخ من المطار وتوديه لشقته تركي : الساعة كم ؟ أم تركي : 9 الليل ... تركي : يصير خير تبون شي ... أم تركي : سلامتك تركي : الله يسلمك وطلع .. دقايق إلا أبو تركي داخل البيت ومعة بندر: الســلام عليكم رغد وأم تركي : وعليكم السلام بندر : زعلانين مايردون واك واك واك أم تركي : لا تتحرش فيهم لايقومون عليك بندر : واك واك واك مساكين أبو تركي : بنــــدر بندر يجلس : خلاص خلاص بأسكت لميا ولمى قامو رواحو لغرفتهم أبو تركي : ترى تركي بنشتري له سيارة أم تركي : وش فيها سيارته زينه أبو تركي : بنبيعها ونشتري جديدة أم تركي : أشترو له وسيعة عشان تضفنا أبو تركي : يبي همر ومزعجني من شهر بندر : أنا أول واحد بيركب فيها أبو تركي : أنت بس رح حل واجباتك حقت بكرة بندر لقط وجهه وراح .................................................. .................................. بدر : يارجال معكـــــــــم معكم ياسر : أنت كذا تعجبنــــــــي ياويلي عليك بدر : متى الوعد اليوم ؟ ياسر : يعني 11 12 مثل هيك بدر : فيه قطة ؟ ياسر : لا اليوم تدليع لك مافي قطات بدر : تسلم ولا هذي أولها بس ياسر : لا أولها بس هههه بدر : هههه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,, نورة تمشي على البيت لأنه دوار بتكمل أسبوع انجاز لها منعت نفسها عن الأكل وفيها أمل كبير أنها تنزل وزنها .................................................. .................................. في المطار وبعد السلام تركي ركب الشناط في السيارة وبمساعدة سلطان ثم ركبو السيارة تركي وسلطان قدام وجنان ورا ومشو جنان تقرب لسلطان وبهمس : سلطان سلطان : نعم جنان : أبي أروح لأهلي والله قلقانه سلطان : طيب ولا يهمك تركي الله لا يهينك ودنا بيت أخوي (يوسف) تركي : ماراح تروحون الشقة سلطان : لا بنروح بس جنان تبي تشوف أهلها من سافرنا وحنا ندق عليهم ما يردون فتبي تتطمن تركي : تبشر مرت أخوي وكملو طريق راحين لبيت يوسف .................................................. ..................... ماتفهمـــــــــــــــــــ ـــــــــــــــــــــــــ ــــــــــــــين أنتي ؟؟؟؟؟؟؟؟ شهد عصبت وعلت صوتها : حلوه هذي نبيع البيت ونسكن عند أمك أنا أبي أخذ راحتي في بيتي حراااام سامي راص على أسنانه : أمي قالت تعالو يعني تجين ورجلك فوق راسك شهد : واللي يقول ماراح أتحرك شبر من هنا سامي : بتتحركين غصب عن خشمك ولا..قاطتعه شهد : وش بتسوي يعني بتضبرني ؟ سامي وصلت معه : شوفي أنا سكت لك كثير لكن هالمرة ماراح أسكت لك تقاطعة شهد : وش بتسوي وش بتسوي جاي تقولي ترى بننقل لعند أمي وبنبيع هالبيت لا وبعد فلوسة تروح لأمك أنا أنسانه ما أحب أعيش مع أحد بيتكم فيه أخوك وخواتك وشلون أخذ راحتي فهمنــــــــي بس ما تفكر إلا في نفسك ولا فكرت في راحتي همك تراضي وبسخرية :الماما وطرررررررررررررررررررراخ كف حار على خدها من قوته لف وجهها ورجعت لورا سامي : أسكـــــــتي شهد : أنا تمد يدك علي مسوي فيها رجال ؟ سامي : رجال وغصب عنك شهد : وأذا صرت رجال تمد يدك يعني سامي : أمد يدي عليك وعلى اللي جابوك بعد شهد تأخذ نفس عميق :/ طيــب يا سامي أنت مو وجه واحد يعيش معك تركض لغرفتها وتسكر الباب تفتح الدولاب وتسحب أكبر شنطة وترميها على الأرض تفتحها وتعبيها ملابسها ما رتبتهم ولاشي سكرتهم بقوة لأن الملابس كثيرة وباقي ملابس بعد ما دخلت سحبت شنطة ثانية وتعبيها ملابس ريماس سكرتها وطلعت من الغرفة من دون ما تطالع لسامي إللي في الصالة راحت لغرفة فارس اللي نايم فتحت اللمبه وفتحت دولابه الصغير وشالت ملابسه ودخلتهم في الشنطة حقته خذت أهم شي ثم راحت لغرفتها مسكت جوالها ودقت على وليد : وليد : هلا وغلا شهد : تعال لبيتي بسرعة وليد : ليه وش صاير شهد : تعال وأقولك وليد : طيب أنا شوي وأطلع من مكة تبيني ضروري أرجع شهد : تعال بسرعة لو أنك في الشرقيه تعال خذني وليد : طيب بأرجع أكون عندك بعد ساعة سكرت منه شهد وراحت تلمم باقي أغراضها وسامي ببرود جالس في الصالة وعارف أنها تلم أغراضها بس هي بنظرة الغلطانه وليد غير طريقة راجع لجدة ويفكر وش فيها شهد ووش عندها متهاوشة مع زوجها ماضنتي سامي عاقل ومايسويها أجل وش فيه زاد من سرعة السيارة .... يبي يوصل بسرعة .................................................. ............................ شذا اللي عرفت أن نورة تسوي رجيم .. جالسة تاكل بيتزا قدامها : مممههمم لذيذ روان : حرام عليك خليها في حالها نورة : أصلا خلاص تعودت ماصار يهمني الأكل روان : كم نقصتي ؟ نورة : الأسبوع الجاي بأوزن شذا تاكل: همممممم روان : بــس شذا : هممممم نورة : خليها خايها تحسوني نحفت روان : توك باديه أصبري بنلاحظ بعد شهر نورة : وياقلبووووووووهم يضحك كلهم لفو لفصول اللي فاتح فمه مبتسم على أيش ما ندري روان شالته وباسته بقوة على خده : فدييييييييييييييت ولدي ياناس قطع جوهم وليد داخل البيت يلهث : يمممممااااااااااااه نورة قمزت بسرعة روان ما أمداها تتنحاش خذت بطانية فيصل اللي جمبها وتغطة فيها شذا " الله يرجك البنات فيـــه وليد : وين أمي بسرعـــــــــة شذا : فوق عند مرت عمي وش تبي فيها بعدين وش رجعك وليد : شهد دقت علي معصبة تبيني أجي أخذها روان بلعت ريقها أكيد تهاوشت مع رجلها شذا وقفت اللقمة : كح كح كح وش فيها وخيتي ؟؟ وليد مالقى جواب منهم وحريم لازم يسألون طلع من البيت وهو رافع طرف ثوبة عشان يمشي بسرعة ركب سيارته وراح لبيت شهد .... نورة : وش صاير لشهد ؟ شذا : ما أدري علمي علمكم روان ساكته نورة : والله خايفة صوت وليد ما يبشر بخير شذا تترك أكلها : بأروح أقول لأمي وتركض لفوق .................................................. ............................... شهد واقفة بعبايتها عند الباب تتنظر وليد وشايلة بيدها ريماس ووفارس واقف جمبها جى لها سامي : معزمة على الروحة شهد ماترد عليه سامي : لا طلعتي مالك رجعة يعني لاتفكرين أجي أراضيك ماني أراضي حريم أنا في غيرك مليون شهد بنفسها : (قل مافي أحد يتحمل خقارتك غيري مسوي فيها رجال وكل علومة قالت أمي ) وليد وصل لبيت شهد ضرب البوري مرتين وفتحت الباب نزل من السيارة لها :/ على وين شهد : شل الشناط على البيت وليد يطالع سامي الواقف ببرود ولا نطق كلمة وليد : وش مسوي في أختي ؟ سامي : لا رحتو البيت أسألها شهد تتركهم وتروح تحط رماس في السيارة وتركب فارس ورا شوي إلا جاي لها وليد ومعه شنطتين ركبهم جمب فارس وراح يجيب الثالثة بس سامي حطها عند باب البيت وسكرة يعني : انقلعو بسرعة وليد : يابــــــــن الذين .... شهد : تركب وتحط ريماس في حضنها ويركب وليد الشنطة ويركب ويمشي : وش صاير متهاوشن ؟ شهد : يعني وش رايك شايف الوضع كيف صاير نمزح على بعض حنا وليد : طيب أنتي هدي وقولي لي السالفة شهد : بكرة تعرف أنا اللحين مصدع راسي ويالله أتكلم بكرة تعرفون كل شي فارس : بابا بابا ابي بابا شهد : اسكــــــــــــت وليد : شهد خليه وش ذمبه تدخليه في مشاكلكم سكتت شهد .................................................. ....................... عند بيت يوسف عند الباب بعد ماحرقت جنان الجرس من كثر ماتدق ولا أحد رد عليها جنان العبرة خانقتها: سلطان وين راحو سلطان : يمكن راحو لبيت وجدان طيب حافظة رقمها جنان : ايه بيتهم حافظته سلطان يطلع جواله : قولي من الأول وعطه لها دقت جنان بأصابع ترجف وحطت السماعة على أذنها نوف : الوووو جنان : نوف وينكم فيه من زمان أدق على البيت محد يرد علي كان قلتو لي نوف مبلمه : أنتي مين ؟ جنان : أنا جنان وين أمي نوف : شوي أقولها تمسك السماعة وجدان : هلا جنان كيفك ؟ جنان : الحمد لله كيفك أنتي وجدان : بخير وصلتو جدة جنان : أيه بس طول السفرة أدق على البيت محد يرد وجدان : أيه أمي ونوف عندي جنان : كيف عندك ومدرسة نوف وجدان : خلاص بتنقل للمدينه ماله داعي تداوم جنان : طيب ماراح تنزلون لجدة وجدان : لا تعالي أنتي لمكة زورينا والله لك وحشة جنان : أشوف سلطان وأرد عليك بس وين أمي زعلانه عليها طول السفرة وأنا قلقانه أخر شي يكونو عندكم وجدان :هه ياحبيلك أمي نايمة لا صحت أخبرها جنان : يله مع السلامه وجدان : مع السلامة سلطان : ارتحتي اللحين جنان تبتسم : أيوه سلطان : يله نروح بيتنا تركي منتظرنا في السيارة جنان :يله .................................................. ........................................ شهد وصلت للبيت ما كلمت أحد دلخت غرفتها هي وعيالها وسكرت على نفسها أبو وليد يبي يعرف السالفة من وليد ووليد مثلة مايدري بس بكرة بيعرفون كل شي منها ووليد أجل سفرة لحد ماتنحل مشكلة أخته .................................................. ................................................ في مكان مزعج مرة في أحد الأستراحات في الرياض صوت الأغاني مالي المكان بدر وياسر جالسين في زاوية ياسر شبه سكران وبدر شرب شوي بس ما أثر فيه ياسر : تقول خويتي أنها حلوة طويلة وبيضا وشعرها أسود حرير توهم ناقلين للرياض جايين من أبها يأ أخي طيحها جرب في حياتك وش بتخسر بدر : وش أسمها ياسر يتذكر ما قدر : فيها حرف الجيم بس ما أذكر وش الأسم بالضبط بس قبيلة من الــــ.... تبيها يارجال ولا لا ؟! بدر : وكيف تجيبها لي يا فالح ياسر : خويتي هذي جرارة تعرف كيف جرارة تجيب البنت على وجهها لك بدر : وكم عمرها ذي اللي تتكلم عنها ياسر : 17 وش أحلى من بنت في هالعمر شي رهيب ياشيخ بدر : وخويتك كم عمرها ياسر : 20 ترسب دايم زاحفة وتلعب على هالمبزرة اللي عندها بدر : ومتحملينها المدرسة ؟ ياسر : يارجل أهليه وش يضرهم يبون الطالبات من الله لو يعمرون عندهم ماقالو شي ها وش قلت تسحبها لك ولا لا ؟. بدر يحرك بالكاس اللي في يده \: أفكر ياسر : والله أنك فاشل ياخي عش حياتك ماله داعي كل شي بتسويه تفكر حلاتها في التهور بدر سكت مارد عليه ورفع الكاس وغمض عيونه من ريحته القوية وشرب .................................................. ........................................ مر أسبوعين كاملين صارت فيه هالأحداث : شهد : ما تكلمت عن خلافها هي وزوجها لأحد ووليد طفش يحاول فيها ماتلكمت أخر شي سافر للرياض ......... روان : لاجديد نورة : عذاب الروجيم بس بدت تتعود شذا : خبلة من يومها سامي : راح لبيت أمه وسكن عندها وتحاول فيه يطلقها! بدر: فكرة تطيح البنت عجبته وخبر ياسر اللي بدور خبر خويته وبتحاول فيها .... محمد : مثل روان روتين يومي والبنات المتحجبات شافهم مرتين على طريقة بس مالف لهم مع أنه فيه فضول يعرف من هم هنادي وسلمان : حب عذري ــ وندى أخت سلمان زارت هنادي مرتين تتفق معها على أمور الزواج لميا ولمى:على أضرابهم ومحد عطاهم وجه كل يوم يقلون بيشترون لهم ولا شرو لهم . جنان وسلطان : عصافير في بداية الزواج وجنان زارت أهلها مرة بس لأنهم خلاص بيروحون المدينه وحزينه لأنها بتفارقهم . Like