الفصل 22
الفصل الثاني والعشرون
أحس أني طفـــــــــــــــــــــــ ـــــــــــــــــــــــــ ـــــلتك
مجنونه والله بدنيتــــــــــــــــــــ ـــــــــــــــــــــــــ ــــــــــــــــــك
دلعني بمحبتك وتحمل أنت اللي يجيــــــــــــــــــــــ ـــــــــــــــــــــــك
.............
في اليومين اللي مرو ...
ساره وعيالها راحو لجدة
وليد خذ سيارته وراح لجدة بس بدون سعد
ونايف وسمر وسديم بنتهم جو عشان يحضرون عرس سلطان
جنان خلصت كل أغراضها
وسلطان خلص من تأثيث بيت الزوجية
روان أستلمت جنان وكملت أغرضها الباقية تسريحة كوشة
مكياج ..
واللي حضر من المدينه من أهل أم يوسف
خواتها 5 وكل وحدة جابت بنتها الكبيرة
خوالها2 جو ومعهم حريمهم وبناتهم وعيالهم الكبار ..
عمان جنان ما جى أحد
وهم عارفين بالزواج بس تعذرو بأن يوسف توه
متوفي بس مع أنهم عارفين أنه عائلي مرة ومافيه شي
بس ناس وتدور عذر
.................................................. ....................
الليله قبل الزواج ..
الرجاجيل بيكونو في بيت أبو تركي
والحريم في بيت يوسف لأنه ما يكفي رجاجيل وحريم
.................................................. ......................
سارة وعيالها تقسمو
جمانه مثل العادة عند خالها منصور
ولكن هالمرة معها عبدالله يبي بندر
والباقي اجتمعو في شقة
.................................................. ..........................
أهل محمد قومو الدنيا وقعدوها
محمد ما عيد عندهم
وما يدرون وين أرضة
شقته أصلا ما يدلونها
وجواله مسكر وربعة
كل واحد ما يدري عنه
إلا شخص منهم موصى مايعلم أحد
.................................................. ...................
....
روان واقفة في غرفة جنان : اللحين
كيف ترتيبكم العشا وين بتحطونه برى البيت صح
جنان : أيوه
روان : وجدان اتفقت متى يجون يصلحون الطاولات
جنان : المغرب
روان : يمديهم يصلحون
جنان : الطاولات مو كثير بس 10 طاولات
روان : كل طاولة عليها كم كرسي
جنان : خمسة كراسي
روان : يعني 50 شخص مم حلو العدد
ترى على فكرة بنحط الكوشه في المجلس الرجايل لأنه أكبر
من حق الحريم بس مشكلة أن مايكفي فبنفتح المجلس
الحريم نخلي البنات اللي هم أنا ونورة وجمانه وشذا وشهد
وسمر مرت ولد عمتي بجلس فيه عشان يخفف الزحمة اللي
بتكون في المجلس وعلى فكرة المعازيم كلهم 25 شخص ...
جنان : وزيادة كمان أم جيرننا وبنتها
روان: صارو 27 ...
جنان : المجلس الرجال يكفي 20 بس
روان : عشان كذا أقولك أحنا بنجلس في حق الحريم
جنان : والله مشكورة روان تعبتك معاي
روان : كله لعيونك
جنان : تعرفي كنت أتنمى يكون زواجي غير
روان : لاتضايقي نفسك وبكرة زواجك وش دراك يمكن يكون فيه خيرة
جنان : مو متضايقة بس كذا أمنيه
روان : أن شاء الله نعوضها لك بمناسبات ثانيه
جنان : نامي عندي لميا ولمى قالو مايقدور مشغولين
في بيتهم عشان الرجال بكرة
روان : والله نفسي بس أوعدك بكرة الصباح أكون عندك
جنان : على راحتك
دقت روان على السواق وجى خذها
وتفرح لم تساعد أحد
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
اليوم التالي
الصباح الساعة 11
أبو تركي : وديت الذبايح؟
تركي : أيه وديتهم
أم تركي : ترررررررركي
تركي يروح لأمه : سمي
أم تركي : لاتنسى لاجت الساعة 4 رح خذ الحلويات
من المحل متفقين معهم من أمس
تركي : يا يمه اللحين الساعة 11 لاجى العصر ذكريني
أم تركي : طيب اللحين أبوك كل ساعة قايل بيجي واحد
قله يحدد
تركي : وش نسوي هذا العرس المستعجل ومافي بطاقات
يعني كل شوي أبوي بيدق على أحد ويعزمه
أم تركي : عشان نزيد كاسات العصير والفناجيل و و و
تركي : يمه ماراح يزيدون عن 60رجال
وخلهم احسن العشا تدرين كم ذبيحة ؟
أم تركي:6 ذبايح وكل نص في صحن
تركي: لا زادو صارو 8
أم تركي : ليش دام كل نص في صحن بيكفيهم
تركي : الكبار قسمناهم على صحنين والصغار في صحن واحد
أم تركي : الزبدة كم سفرة نحط ؟
تركي يحسب : 12 سفرة حطو لان كل خمس في واحد
أم تركي : أجل رح جب زيادة سفن ووببسي وموية كاسات ما يكفي
تركي بضيق :لازم ؟
أم تركي : يله رح عرس أخوك هذا
ر اح تركي مسكين كل شي عليه اليوم
أم تركي تجلس وتنادي : لمييييييييييا
لميا تروح لأمها : سمي
أم تركي: جيبي ورقة وقلم بسرعة وتعالي
لميا / طيب
وترقى لغرفتها تاخذ دفتر وقلم وتروح لأمها
لميا : ليش؟
ام تركي : اقعدي احسبي
لميا تفتح الدفتر والقلم : احسب وش؟
أم تركي : كم رجال بيجي؟
لميا : مو قبل أمس حاسبين
أم تركي :أحسبي مرة ثانيه
لميا : هم وش
أم تركي : \انتم أول :
عمك محمد وعمك عبدالرحمن ووليد
كتبيهم ؟
لميا : ايه
أم تركي : زوج عمتك سارة ونايف وعبدالله
كتبتي؟
لميا : ايه
أم تركي : خوال جنان 2 وعيالهم
لميا : كم ولد؟
أم تركي : الكبار 4 اظاهر
لميا : أحط اربعه
ام تركي : ايه حطي
لميا : وغيرة
أم تركي : جيرنا أبو مهند وولده وأبو راجح وولده
ولده اللي أصغر من راجح ياربي وش أسمه
لميا :محمد
أم تركي : أظاهر ياكثر أسماء محمد المهم
من باقي ايه نجي عند ربع أبوك
لميا : ايه
أم تركي : أبو عبدالعزيز ووعياله ال4 وأبو
حسام وعياله ال3 وأبو حاتم وعياله ال2
وأبو مؤيد وعياله 3
كم صارو .
أم تركي : كلهم كم صارو ؟
لميا ترجع لبدايه لصفحة ونتعد : صارو 33
أم تركي : تركي يقول 60 رجال من وين طلعو
لميا : أروح أسأل أبوي
أم تركي : قومي أسأليه
لميا تقوم مسكينه هي الوحيدة اللي قايمه الباقين فاطسن نوم
راحت لأبوها وتمسكة وتسأله عن اللي عازمهم ماخلى أحد
تحاول تحفظهم عقب راحت لأمها
أم تركي : ها كم ..؟
لميا ": تجلس وتعد :
شفتي العمارة القريبه من هنا
أم تركي : ايه
لميا :شفتي حارس العمارة السعودي
أم تركي :ايه
لميا : عازمه أبوي هو وعياله
أم تركي : وكم أذكر أنهم واجدين
لميا :7 عيال
ام تركي : ما شاء الله
لميا : نسينا سامي رجل شهد بيجي هو وأخوه
أم تركي : وبعد؟
لميا : عازم أبو عزام ههه وولده عاد مدري وش سالفة هذا
أول مرة اسمع اسمه والباقي والله يمه نسيتهم كثار
أم تركي : يعني كم
لميا: على كلام تر كي مو أقل من ال60
أم تركي : صار عرس رجاجيل مو حريم
لميا : يمه وين متى مفاجأة سلطان
أم تركي : لا راحو اليوم للفندق
ارسلنا الهاديا ومعها السفرة
لميا : متى أي ساعة
أم تركي : الطيارة بتكون الساعة 9 الصباح
لميا: مساكين ماتجهزو
أم تركي : تركي شرى ملابس لأخوك وماقصر
وأنتي شريتي ملابس لجنان وش باقي بس يركبون الطيارة
ويوسعون صدورهم
لميا : طيب ماما بأرروح اشوف البنات بأقوموهم
أم تركي : ايه قوميهم ولا ترى بأجيهم
لميا تقوم :إلا وين سلطان ؟
ام تركي : عند الحلاق
لميا : ههه يا حليله تعرفين وش اللي مغطي على عمره
أن جسمه مو صغير كنه بزر عنده عضلات وطويل
ولو يحط سكسوكة طلع عمرة 24
أم تركي : ازين أنه كذا
وراحت لميا تقوم البنات الللي ياله ياله قامو
.................................................. ................
العصر في بيت عبدالرحمن :
وليد : اخلصو أوديكم المشغل
شذا : طيب شوواي أمي تلبس
وليد : يله بسرعة ونورة وينها وشهد
شهد تنزل : جيت جيت يا حبك للأستعجال
وليد : بأروح لبيت عمي أكيد محتاجين لي
شذا :تكفى متعوب على كلمة محتاجين لي عندهم تركي
وليد : ولو انا ولد عمه ولا زم اسانده
شهد : طيب طيب
وليد : كنها تسكيته
شهد : أنا الأكبر منك
وليد : المشكلة أنك اكبر مني
نزلت أم روان بعبايتها وورها أم وليد
وليد : وين نوير
نورة تنزل : جييييت
وليد يفتح باب البيت ويطالعهم :وين روان؟
أم روان:راحت لمرت سلطان تساعدها
وليد : هذي المره السنعه وولدها معها
ام روان :ايه
وليد : شهد وين بنتك وفارس
شهد : ريماس وفارس حطيتهم عند أم سامي بعد جدة على الفاضي
وليد : يله مشينا
وراحو للمشغل يتزبطو
.......................................
روان على المغرب راحت للمشغل ......
.................................................. .......
سمر وجمانه خذهم نايف مع أمه ووداهم المشغل
ولميا ولمى ورغد وأم تركي راحو على بدايه العصر
.................................................. ................
العشا الكل كان موجود في بيت يوسف
وملكووخلصو والعروس لسه تزين
عند الرجال ام تركي بعد ما تأكدت كل شي مرتب راحت لبيت يوسف
.................................................. ..............................................
البنات في المجلس الصغير
رغد : نوير متى بتنزل العروس متشوقة أشوف شكلها بالفستان
نورة : نوير في عينك قولي نونو نوارتي شي زي كذا مو
نوير بزر عندكم
جمانه : خلاص لا تتهاوشون
شذا : أقول وش هدايكم لسلطان وجنان
سمر : أنا ونايف شريينا طقم ذهب أبيض
شهد : أنا شريت عقد أحجار كريمة
نورة : أنا وروان تقاطينا وشرينا ساعة الماس
جمانه : أنا وأمي مع بعض شرينا مم كيف أشرح
لكم صندوق كبير مرة فيه عطورات ومكياج وكريمات
وعود وووأشياء كثيرة
شذا : أنا شريت من زهور الريف عطورات
وكريمات جسم ومتل هيك
وأنتم ياخووات المعرس وش أهديتوهم
لميا : سر
سمر : يله قولو وش غير اللي قلنا
لمى : يعني شي ما يخطر على بالكم
شهد : يله قولو حمستونا
لميا : أقول
كلهم : قولي
لميا : أحلفو أن مايجي خبر لسلطان وجنان
كلهم : والله ماراح نقول
لميا :سفرة لماليزيا
كلهم :؟؟
شهد : ليه ماكان بيسافر ؟
لميا : لا مرتبط مع شغله هو في شركة
وما كان خاطر في باله أنه يقدر ياخذ أجازه لأنه
توه متوظف وراعي الشركة أبوه صديق تركي
فتوسط لسلطان وعطوه اجازه 10 أيام
واحنا جهزنا السفرة لهم مفاجأه
سمر : حرام عليكم ما يدرون كيف بيجهزون عمرهم
لمى : أحنا جهزنا لهم
شهد : ومتى طيارتهم
رغد : الصبح الساعة 9
روان تدخل : ترى العروس بتدخل تعالو
سمر : فيه مكان
روان : أيه فيه بس تراصو جمب بعض عشان يكفي
قامو البنات وراحو جلسو مع الحريم
دقايق ودخلت جنان اللي طاعه جنان
وش أوصف وش اخلي
قمر قمر بملامحها الهادية والناعمة مع المكياج الوردي
ومسكتها الوردية
تمشي بهدوء
ملاك ملاك
والمسكه ترجف من خوفها
وصلت للكوشة وقعدت
والحريم يخلقون جو لأن مافي أغاني ولاشي :
إلف الصلاة والسلام عليك ياحبيب الله محمد
ككككللللللللللللللللللللو وووووووش
ابتسمت جنان لهم وهي ما تتحرك راسها تخاف
التسريحة تطيح مع انها ثابته ......
قامت روان ونادت المصور وصورتها بكوشتها
شذا تهمس للميا : سلطان بيدخل
لميا : لا ما يبي
شذا : ليش؟
لميا : مدري عنه
شذا : وكيف يشوفها ؟
لميا : فيك غباء بيجي ويدخلون غرفة ويشوفها
شذا : الساعة اللحين 10 متى بيجي
لميا: لا تعشو الرجايل هناك بيجي مع تركي
شذا : ومن بيوديهم الفندق
لميا : أنا وش رايك يعني أكيد تركي
شذا: مالت عليك قومي نسلم على العروس
قامو الحريم الكبار عقب البنات وسملو على العروس
.................................................. ...................
وليد وتركي هم اللي راحو يجبون الذبايح من
المطعم ودخلوها وحطوها في السفر اللي مجهزتها أم تركي قبل لا تروح
قلطو الضيوف ودخلو .....
تركي يكلم سلطان : ها تروح لعروستك
سلطان : ياليت
تركي : أصبر خل الرجايل يدخلون كلهم ونوديك لها
وليد : حركات سلطان طالع أكبر من تركي
سلطان : يعني بالجسم
وليد : ومرتك وشلون شكلها؟
سلطان : ههه ماتعرف تنكت أنت ووجهك
تركي: يقولون حلوه
سلطان : أكيد حلوه أخت يوسف وما تكون قمر
تركي :أقول يله مشينا
وطلع سلطان وتركي وراحو لبيت يوسف
دق تركي على أمه وقال لها أنها وصلت
وأم تركي طلعت جنان ووحطوها في مجلس الصغير
اللي كانو فيه البنات
والحريم تفضلو على العشا ......
دقايق إلا دخل سلطان عند جنان
وتفاجأ بشلكلها تجنن شويه عليها
دخلو لميا ولمى ورغد وباركو لأخوهم
وطلعو يخلون العرسان ياخذون راحتهم ....
سلطان : مبروك قلبي
جنان استحت : الله يبارك فيك
وانفتح الباب من رغد : وش فيكم ما راح تصورو
سلطان: جايبين مصورة
رغد : أكيييييد
بس هي مو هنا بتجي لكم اللحين
سلطان : طيب روحي فيما تجي
رغد : ههه طيب وتطلع
رجع سلطان لجنان يتأملها : جنان
رفعت راسها اللي منزلته للأرض
سلطان : أنتي قمر
حمر وجهها
سلطان : لا كذا ما اتحمل والله جنان أنتي على أسمك
جنان
حمر وجهها أكثر
باس خدها ويدها
جنان خلاص ودها الأرض تنشق وتبلعها
ودخلت المصورة عليهم
هي وأم تركي "
أم تركي : يالله صورو
دخلت رغد ولميا ولمى
سلطان : ما شاء الله
لمى : بنصور معكم
سلطان : يله
وجهزت الفلبينيه الكميرا
وقالت لهم أول شي العروس والمعرس
تصورو وهو ماسك خصرها
والصورة الثانيه
أم تركي ولميا على الأطراف وبينهم سلطان وجنان
الصورة الثالثة
لمى ورغد ولميا مع جنان وسلطان
الصورة الرابعة
رغد مع جنان وسلطان
الصورة الخامسة
لمى مع جنان وسلطان
الصورة السادسة
لميا ولمى لوحدهم وماسكين ايدين بعض
وطالعه اشكالهم روعة
الصورة السادسة
رغد مع سلطان اللي ماسكها مع كتوفها
الصورة السابعة
رغد ولمى ولميا لوحدهم
طلعو البنات وأم تركي عشان ياخذون المعاريس
راحتهم
بس دخلت نوف : أبي أصور معكم
سلطان : تعالي يا حلوه
صورت صورتين معه وصورة هي وجنان
ثم طلعت
وسلطان صور مع جنان مثل ما تبي المصورة
وجنان منحرجة
عقب طلع سلطان ودخلت وجدان وصورت مع جنان
وحدة ماسكين ايد بعض وثانية خدها على خد أختها
ثم طلعو المعاريس ووصلهم تركي للفندق
وشافو الهدايا مليانه في الصالة
بس بعدين يفتحونها
دخلو الغرفة
جنان تدور على شنطتها لقت 3 زيادة
استغربت هي بس مجهزة شنطة وحدة
والباقي خذوه لشقة سلطان
سلطان بعد مستغرب كان جايب شنظتين شاف اربع شناط
سلطان : هذي شناطك
جنان : بس هذولي
سلطان : والباقي لمين ؟
جنان : أخاف غلطانين
واندق الجرس راح سلطان وفتح الباب
وعطاه الفلبيني هدية .. سكر الباب وراح
لجنان اللي فسخت عبايتها
سلطان حط الهدية وقرى الورقة :
مبروك الزواج
أهلك
فتح الهدية لقى تذاكر سفر لماليزيا
وجواز سفرة هو وجنان
وطقم الماس ورقة حمرا فتحها :
السلام عليكم ....
أنا تركي والبنات والماما والبابا
حبينا نسويها لك مفاجأه
وعلى فكرة السفرة الساعة 9 الصبح
لمايزيا وأذا على الشغل دبرت لك أجازة
10 أيام
وأذا على الملابس أنا ولميا
شرينا لكم
وجهزنا كل أموركم هناك الفندق ومن هالأمور
ونتمنى لكم سفر سعيد
والله يوفقكم
سلطان : جنان أهلي مسوين لي مفاجأة
مجهزين لي سفرة انا وأنتي لمايزيا
ترعرفين متى
جنان بهمس :متى ؟
سلطان ك 9 الصباح
جنان شهقت
سلطان :ههههه وش فيك؟
جنان استحت : ماتجهزت للسفر
سلطان :" بس لميا جهزت لك ماتشوفين الشناط
جنان ساكته
سلطان : تعشين ؟
جنان هزت ب(لا)
سلطان قام لها : احلفي بس بأخليهم يجبون العشا فيما تبدلين
ناظر شكلها من فوق لتحت
ثم باسها على خدها وطلع
جنان سكرت الباب وتتحس خدها بخجل
فتحت شناطها وطلعت لها لبس لونه
أحمر وفكت تسريحتها ومسحت المكياج
وحطت مكياج خفيف ولبست وطلعت
شافت سلطان يحط الهاديا على الطاولة طااعها :جنانه تعالي
ابتسمت على كلمة(جنانه) وراحت له وجلست بهدوء قباله
سلطان طالعها شوي ثم مد لها الورقة : اقريها
اختها جنان ونزلت راسها تقرا وطاح شعرها على وجهها
رفعته وماستكه بيدها وتكمل قرايه
سلطان يتأملها صغيرة صغيرة والله ياجنان أنك صغيرة
وماحس بجنان اللي حطت الورقة وخلصت
جنان حمر وجهها من نظرات سلطان اللي واضح انه مفهي
انتظرت شوي وماتكلم رن الباب
وصحى سلطان من تأمله وفتح الباب وجايبين العشا
دخلت جنان جو وهم رتبوه بطريقة حلوة وطلعو
طلعت جنان وسلطان جلسو على طاوله الأكل
سلطان أكل شوي
وجنان شربت نص العصير الثقيل على معدتها الصغيرة
وشبعت ... أصلا مو وقت أكل
سلطان : ما كليتي ؟
جنان بهمس : شبعت
ومشت ودخلت الغرفة وهي تعبانه مررة جسمها مكسر
سلطان أكل وشبع وراه بكرة سفر
ودخل الغرفة لقى جنان نايمه مسكينه على السرير
حط جواله على المنبه الساعة 5 الفجر عشان الصلاة
وهو ناوي بعدها ماينام
.................................................. ................
لميا بعد تفكير عميق ارسلت له /
(دكتور ريان اعتبرني مثل أي مريضة جت وراحت
وأمسح رقمي لان انا ما أرضى على نفسي
وأهلي واثقين مني أنت عندك خوات وبتفهم
وتشرفت بعرفتك )
ارتاحت بعد قرارها الصح × صح
وصلت الرسالة لريان
ما تفأجأ ولا شي لأنه متوقع ان لميا ترفضة
وهو بعد جى بطريقة غبيه
وهي صحيح اللي يشوفها يقول مخاوية نص جدة
بس عيونها تنطق بالببراءة ارسل لها
(الله يوفقك)
ومسح رقمها مثل ماتبي ورسالتها اليتيمة بجواله
وصلت الرساله لميا ومسحت كل شي يخص عبير
ومسحت عبير بعد
وناوية تناسه تخسر نفسها لافكرت فيه
لأنها تخون أهلها حتى لو بتفكير
.................................................. .........
وليد في حضنه فارس وشهد وشذا جالسين
في الصالة بعد ما رجعو من الزواج...
شذا نتحمسة تشرح لوليد كيف بتكون زفتها:
طبعا أبغى واحد طويل ما أبي أبيض وش أصير عنه
ولا أسود يعني أغمق مني عشان أصير عنده لمبه
شهد : لمبه مرة وحدة
وفي الزفة قامت من مكانها مثل عادتها لاجت تسولف:
أبخيله يمشي قدامي وأنا وراه قولو ليش ؟
وليد يسايرها : ليش ؟
شذا : لأني بأكون وراه ومعي سكين لاشفته
ملتفت يمين ولا يسار خششششششخ أطعنه
وليد : مذبحة مو عرس صار
شهد : مجرمة عليك تفكير
وليد : هههه أقول شذوي شكلك دايخة من العرس
روحي بس نامي أحسن
شذا : وشذا العرس لاطق ولا رقص كنه عزيمة
وليد : وهو فيك شي عشان ترقصين
شذا ترجع لورا وتمشي لقدام بغرور : مشكلة الرجاجيل ما عندهم
ذوق
وترقى فوق
شهد : وأنا بعد انسحب فيني النوم وتشيل فارس اللي نام في حضن
خاله وتروح
حك وليد راسه بملل وقرر بعد هو يروح ينام
...........................................
أنا أسف
قالها كذا بالعربي لم صقعت فيه بنت شقرا
والمفروض هي تتأسف
بس مستعجل بياخذ تاكسي ويروح الجامعة
ومو فاضي لها
البنت راحت وخلته
تنهد ومشى يقطع الطرقات بسرعة
وقف تاكسي وعلى الجامعة
ويطالع الناس من الشباك
كثير يمشون
وقليل هناك يمشون
كثير يقارن مكانه بالسعودية
يمكن من فضاوته
ويمكن من فضاوته
بين هالخيارين واحد
حياته مملة
روتين يومي
بقوم الصباح
يفطر
يروح الجامعة
يرجع ينام
يصحى
ياكل شي خفيف
يطلع يجلس في الحديقة القريبة
يرجع البيت
يشوف كتبه
يتعشى
ينام
مافي أحد يصحيه
يطبخ له أكله
يغسل له ملابسة
كل شي بنفسة
حس بمعاناة الحريم
كل شي عليهم مساكين
لو اللحين عنده زوجة
ما حس بالملل
بس تجربتين
تكفي
وتوفي
صحاه من أفكاره صوت ازعاج
وصل الجامعة نزل بعد ما أعطى
للتكسي حقة
..................................................
Like
رد مع اقتباس إقتباس متعدد لهذه المشاركة الرد السريع على هذه المشاركة
#47 أضافة تقييم إلى ام مزن تقرير بمشاركة سيئة
قديم 25-10-14, 01:04 AM
الصورة الرمزية ام مزن
ام مزن ام مزن غير متواجد حالياً
نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
جنان قامت من النوم منزعجة
شافت المكان
أيه هي في الفندق
اللتفت لقت جوال سلطان
يرن منبه
قامت بسرعة وطفته
طالعت الشباك الدنيا ليل
ناظرت الساعة 5 الفجر
سلطان يبي يصحى للصلاة
ياربي كيف اصحيه
بيزعل لو ما صحيته
راحت للحمام قبل
غسلت وجهها وتوضت
وعدلت من شكلها الطفولي
وراحت تصحية
هزته على خفيف وبصوتها الهادي : سلطان سلطان
تحرك سلطان وقلب للجهة الثانية
رجعت تهزه
سلطان اصحى
فتح سلطان عيونه وصبح بوجهها
ابتسم
هي ابتسمت لها
سلطان حك عيونه : الساعة كم؟
جنان : الساعة 5
سلطان تعدل على السرير :غريبه ما رن جوالي
جنان : رن بس طفيته
سلطان يقوم :صليتي؟
جنان : لا بأصلي
سلطان مشى للحمام ودخله
جنان لقت سجادة وصلت
سلطان طلع من الحمام لقاها تصلي
انتظرها لأن مافي إلا سجادة وحدة
خلصت جنان ولفت لقت سلطان
سلطان : يله عشان بأصلي
قامت جنان وسلطان كبر
طلعت لها لبس ودخلت الحمام تتروش
خلص سلطان من الصلاة وسمع صوت الموية في الحمام
انسدح على السرير وماحس بعمره إلا هو نايم
طلعت جنان شافت سلطان نايم حمدت ربها
عشان تاخذ راحتها
نشفت شعرها بالفوطة وخلته مفتوح
حطت كحل وغمقت وكلوس
طيارتهم الساعة 9
وماشافت شناطها
راحت فتحت الباب بهدوء عشان تطلع الشناط بدون ما
يحس سلطان
طلعت أول شنطة وحطتهم في الصاله
ورجعت تاخذ الثانية وطلعت وسكرت الباب
باقي الشناط حقتها
جلس على الكنبه وحطت الشنطة جمبها
وفتحتها
الحمدلله الملابس مرتبه
بس لازم تشوفها
وجلست تطلع كلها ساتره
بلايز توصل لنص الفخذ
ونفس مقاسها$
مم ألونها هادية
بيج . سكري . وردي فاتح مرة
ما تجذب كويس عشان الطلعات
فتحت الشنطة الثانية
بناطيل طقم مع البلايز في الشنطة الولى
وحجابات تناسب معها
حست أنها مالها داعي تكثر شناط
شافت أن الشنطة الثانيه أكبر من الولى
فجمعت الولى في الثانية
ودخلتهم بالقوة وسكرته
وحطتهم على جمب
باقي سلطان
أكيد شناطة ما ترتبت
راحت وفتحت الباب
وسحب شناطة وطلعت
هم كلهم 4
وباقي شنطة في الغرفة لجنان بس ما انتبهت لها
فتحت شناطة
جزم . بدل . ثياب . ملابس داخليه .
تشيرتات سبورت . بناطيل .
بجامات نوم . .... إلخ
وجلس ترتبهم عشان ماياخذ كل الشناط
وحاولت قد ماتقدر وبكل قوتها
في شنطتين
وطلعت لسلطان لبس عشان ما يرجع يحوس
شافت الساعة 6 ونص لازم تصحيه
دخلت الغرفة بس مالقته على السرير
شهقت : وين راح
سلطان طلع من الحمام : وش فيك ؟
حمر وجه جنان من الفشيلة
سلطان : صباح الخير
جنان : صباح النور
سلطان : شايفك تسحبين الشناط وينهم ؟
جنان تفشلت أكثر : في الصالة
سطان يقلد صوتها : وليش في الصالة ؟
جنان : ارتبهم
سلطان : حياتي أنتي
جنان لا رد
حس سلطان أنها منحرجة طلع من الغرفة
وطلعت وراه جنان
سلطان يقرب من شناطة بيفتحهم
جنان : لااا
سلطان تركهم بسرعة : ليش ؟
جنان بصوت واطي : مرتبتهم لا تخربهم
سلطان : كيف بألبس ؟
أبي أتروش
جنان تروح وتاخذ ملابس سلطان الي مطلعتهم
: أنا مجهزة هذي
سلطان خذهم من عندها : ههه فديتك شكلك تعبانه
في التريب
ورد وجهها : لا عادي
سلطان راح وباس راسها ورجع للغرفة ودخل الحمام
يتروش ....
.................................................. ............
انسدح على السرير :
اليوم الجو رطوبة
ماتعودت إلا على جو الرياض الصحراوي
وأتوقع انها بتجي أمطار
فتح الشباك ويطالع الناس
تذكرها
تذكرها
وينها يا ترى وش أخبارها
وش علومها من بعد ذاك اليوم
ياترى فرحت بالعيد
مثل كل الناس
ولا حزينة وجرحي لها مابرى
طيف أوصل لك أسفي يا روان
طرى له ماجد
أخوه لا مو أخوه
هذا عدو خانه مع زوجته
جميلة وش الجمال يسوي دام
إللي جوا خياس وقرف
ما يخاف على زوجته
أصلا هذي طباع ماجد
مايترك خرابيطة
وأتوقع أنها ختمها بزوجتي
جعلة الموت بس تراجع وش ذنب بنته
يموت أبوها
آآآآه يالدنيا غريبة
رجع ابتسم لذكرى روان
ماراح ينساها
غيرت رقمي
عشان أهلي
وودي أدق على روان بس أسمع
صوتها وأسكر
ياترى بترد على رقم دولي..
ولا بطنش
مسك جواله
ودق على رقمها اللي
فاتح معه
رن
تنفس بقوة
رن
تنهد
رن
يابنت ردي
رن
وجاه صوتها : الو
محمد : .....
روان توها صاحية من النوم: ألو من معي ؟
محمد : ......
روان استغربت: .............
محمد :....................
روان : الو عمى من معي ؟
محمد مسك ضحكته ما تترك حركاتها
روان طفشت : الو هاااي
محمد مسك ضحكته أكثر
روان : على تبن وطااع سكرت جوالها
انفجر محمد ضحك:والله أنك مهوية ياروينا
روان تطالع الرقم
دولي وداق على رقمها غريبة
طنشت وكملت نومها
.................................................. .....................
في الطيارة :
قرو سلطان وجنان دعاء السفر
سطان بعد ماخلص طالع الصغيرة اللي جمبه
حس أنه معرس : جنانا
جنانه وجنانا ابتسمت : نعم
سلطان نسى : لابس خلاص
عقدت جنان حواجبها ولفت تطالع الشباك
ومشت الطيارة تستعد للطيران
لسلطان يكره الطيارت ما وده يخاف
لأن بعد جنان بتخاف أزيدها أنا
جنان قلبها يرقع من زمان ماركبت
من أول متوسط من 4 سنين تقريبا
ماقدرت تستحمل لم أرتفعت الطيارة
كتمت شهقتها
سلطان : جنان لا تخوفيني
مد يده ومسك يدها االباردة
وبعد ما استقرو بالجو
سلطان : أااوف أخيرا
جنان ساكته (ياحليلة يخاف)
سلطان جوعان وأول ماجتهم المضيفة
خذ عصير وشربه وعطا جنان واحد
شربت شوي وباقي نصة
مو لازم تشرب
سلطان : كمليه الرحله طويلة
جنان : لا خلاص شبعت
سلطان : كيفك
ورجعت جنان تطالع الشباك بهدوء
.................................................. ...................
أأأأأأأأأأأأأأأأأأأأأأأأأ أأأأأأأأأأأا
صرخة هزت البيت
أم روان نزلت من غرفتها
ووليد طلع من الملحق ركض لجوا
نورة وروان اللي نايمين قامو
ونزلو أكيد مصيبة وحصلت
أم وليد اللي توها مخلصة صلاة العصر
ركض على مصدر الصوت
في الصالة :
شذا واقفة عند التلفزيون وماسكة فمها
أم وليد : وش فييييييييك؟
وليد لف وجهه لم شاف نورة وروان ببجاماتهم نازلين
بس وقف عند مدخل الباب يبي يسمع
شذا : مات مات
الكل : ميييييييين ؟
شذا : البطلة ماتت
وليد عرف سخافت أخته ورجع لعرينه الملحق
أما نورة وروان عطوها نظرة كلها حقد
ورواحو يكملون نومهم
أم روان أستغفرت وراحت
أم وليد : كل هالصراخ عشان هالممثلة جعلها المرض
خرعتينا وماخليتي أحد ألا جى أخر شي كذا
شا عضت على شفايفها : يوه أسفة
أم وليد : احمدي ربك أبوك مو هنا ولا كان عطاك كف يربيك
شذاتجلس : خلاص قلنا أسفين
ام وليد بطول صبر : المهم اليوم بنطلع للبيت نشوفه
ومعنا وليد بس أنتي عقاب ماراح تجين
شذا ببرود : طيب
أم وليد بتنهبل منها مشت وخلتها
وراحت للمطبخ تصلح قهوة تعدل مزاجها
.................................................. ......................
نايف دخل للبيت معصب وراح لغرفته على طول
وما اهتم بسمر اللي جالسة في الصالة ومستغربه
سكر الباب بقوة وهو يلعن ويسب في داخلة
فسخ ثوبة ورماه على الأرض
فسخ جزمته وشرابه ونطلهم
خذ ملابسه ودخل الحمام يتروش
انتظرت سمر شوي ثم دخلت الغرفة
علقة ثوبه والجزمة حطتها مكانها
والشراب في سلة الغسيل
فتحت المكيف عشان تبرد الغرفة من الحر
جلست على السرير تتنتظرة
طلع نايف ورمى المنشفة من شعره على السرير
وخر البطانية ومتجاهل وجود سمر
انسدح بهدوء وغطا بالبطانية جسمه
سمر سحبة البطانية : وش فيك معصب
نايف: سمر اطلعي من راسي ماني برايق لك
سمر : أفا يا نايف منت برايق لي
نايف: سمر فكيني مو وقتك
سمر : لاوقتي وبتقولي وش اللي مضايقكك
نايف: بعدين تعرفين
وسحب البطانية ورجعها
سحبتها سمر : قوول
نايف بطولة بال : غصب هو
سمر : مو غصب بس قول لي
نايف: بتزعلين لو تعرفين
سمر : ما راح أزعل
نايف : نقلوني للخرج وأنا طالب الرياض
والأسبوع الجاي لازم أداوم هناك
سحب البطانية وغطى نفسة
سمر : هههههه وهذا اللي مزعلك
عادي أقرب للرياض بس يصير ساعة
يعني خميس وجمعه نكون في الرياض
عادي وين المشكلة
نايف معصب مارد عليها لأنها ماراح تسوق السيارة
لأنه بأختصار يكرة المشاوير
وأصلا عصب لأن هو وواحد معه في الشغل
قدمو من فترة نقل للرياض
وافقو على زميلة وهو حطوه في الخرج
مع أن زميله أهله في الشريقة وهو أهله في الرياض
كلم زميلة يبدلون رفض
وهو انقهر وعصب
.................................................. .......................
بعد وصولهم للفندق
دخلو الغرفة :
حط سلطان الشناط وتنفس بقوة الجو حلو
سلطان يطالع جنان اللي بدلت في الطيارة ولبست
حجاب : جنانه شكلك حلو
جنان استحت : شكرا
سلطان : بس يمكن تفكين شناطي فيما أروح
أجيب أكل عشان ماتعصبين علي وتقولين
ليه فرغت الشناط
جنان منحرجة : اوكي
سلطان طلع يجيب لهم أكل مع ان الوقت متأخر
بس جوعااااان
جنان أول ماسمعت صوت الباب يتسكر
فسخت الحجاب
وراحت للدواليب وفتحتها
مسكت شناط سلطان
وفرغت كل اللي فيهم
ورتبتهم بعنايه عشان ما يحوس
ملابس الطلعات على جمب
والبيت على جمب
وجزمه على جمب
وهي بعد طلعت اللي في شناطها ورتبهم على السريع
لأن سلطان بيجي أكيد
طلعت بجامه حلوه لونها وردي ودخلت الحمام تتروش
سلطان دخل وحط الأكل على الطاولة
راح للغرفة سمع صوت الموية في الحمام
دور في الشناط كلها فاضية
راح للدولاب وشاف ملابسه مرتبه
خذ له لبس ولبس جوعان بياكل ثم يتسبح
طلع وقعد على الطاولة ورتب الأكل دقايق إلا جنان طالعه
وشعرها المبلول فاكته
جلست على الطاولة
سلطان قام وحرك شعرها بقوه ورجع قعد
جنان حمر وجهها وش هالحركة
سلطان : ليش أنتي هادية ؟؟!
جنان بهدوء : طبيعتي كذا
سلطان وهو ياكل : ذكرتيني بشي ذكريني بكرة أقولك
جنان :أيش؟
سلطان : كلي بكرة تعرفين
جنان مدت يدها وسمت وأكلت بهدوء
وطول الوقت سلطان يحكي
وجنان ترد بكلمة
.................................................. .............
اليوم برد تغير الجو لبس بجامه ثقيلة
وجلس في الصالة
وهو يفرك ايده في بعض
اصابعة متجمدة
جوعان والثلاجة فاضية مارح يشتري
وفيه خمول يروح يجيب من المطعم عشا له
يا شينك يامحمد كان سكنت عند عائلة احسن
مسك بطنه اللي بدا يطلع صوت ما تحمل راح
للغرفة لبس بجامة داخلية
ثم بنطلون جنز وبلوزة سودا ثقيله
ولبس جاكيت بني دافي وله قبعة
حطها على راسة وطلع من شقته
نزل الدرج بسرعة وهو يلهث من البرد
راح لأقرب محل عنده يبيع الكروسانات بانواعها والخبز
دخل المحل وطلب له 4 كروسون جبن
2 اللحين والفطور بكرة 2 مو رايق يشتري مرة ثانية
حاسب وهو يسب في بيرطانيا وأهلها
كيف عايشين بهالجو
راح لشقته بسرعة
ودخل حط الأكل في الصالة وراح يسوي له كوفي
بعد ما أكل وخلص جى بيدق على خوية
ويسأله عن أحوال أهله للحين يدورونه ولا لا
بس تذكر فارق الوقت وهون
وهو يحس بالوحدة في هالمكان للحين ماتعرف على أحد
بس مالقى
......................... .................................. ....
في اليوم التالي :
الصباح :
الشمس خجولة متخبيه ورا السحب
والجو حلو ولا يقاوم
قام سلطان بعد نومته الحلوة والثقيلة أمس
راح للصالة لقى جنان واقفة عند الشباك تطالع
الناس .. راح له ومسكها مع كتوفها
وهي مسكت روعتها وقالت : صباح الورد
سطان : صباح الفل .. سكت شوي يتأملها
كنه بنته من قصرها بالنسبة لطولة : حبيبتي روحي البسي
عشان نطلع نفطر
جنان تحرك : طيب
وراحت للغرفة ووقف بدالها سلطان يطالع الناس من الشباك
طلعت جنان بنطلوب أسود واسع مع بلوزة طويله الأكمام بيضا
واسعة وطويله للركبه لبست حجاب أبيض وشبشب أبيض
حطت كحل أسود وروج خفيف وردي
طلعت ولقت سلطان بالطبخ التحضيري يشرب موية
حط الكاس وطالع شكلها ووجها الصغير مع الحجاب
دخل للغرفة ولبس بنطلون جنز وقميص أسود مقلم بأزرق
وطلع لها مسك يدها وراح يفطرون
بعد الفطور مشو برجولهم يتمشون :
جنان ودها تكلم أهلها ومستحية تطلب من سلطان
بس تشجعت : سلطان
لف سلطان بسرعة : عيونه
جنان ورد خدها : ممكن أكلم اهلي
سلطان: أكيد طلع الجوال من جيبه وعطاه لها
جنان بسرعة دقت على بيتهم بس محد رد
تضايقت ورجعت دقت ومحد رد
سلطان لاحظ أن وجه جنان تغير : ما ردو
جنان هز بـ(أيه)
سلطان : يمكن طالعين
جنان جت بتقول محد عندهم يطلعم بس سكتت
وردت وهي تمد الجوال:مرة ثانية بأدق
سلطان خذه ودق على أهله
ردت رغد بعصبية : نعـــم
سلطان ابتسم لأخته : السلام عليكم
رغد تصرخ لبندر : انقلللللللع
سلطان فتح عيونه : أنا سلطان تقولين أنقلع
رغد توها تستوعب الصوت : هلا السلام عليكم مو لك أنقلع لبندر
سلطان : ايه توقتعتها لي
رغد : مجنونه أنا اقول لك انقلع عشان تذبحيني
هذا أسلوب البنات مايمونون مع سلطان مرة لأنه يعصب تضايق
سلطان بس في نفسة : وين أمي ؟
رغد : نايمة
سلطان : وأبوي ولميا
رغد : لميا في الغرفة وأبوي طالع
سلطان : وتركي
رغد : يذاكر ولمى في غرفتي وبندر على التلفزيون
وأنا بخير لأنك ماسألت
سلطان انحرج : كيفكم ؟
رغد : بخير كيف جنان ؟
سلطان يلف لجنان اللي واقفة تطالع محل : بخير تسلم عليك
رغد: اديني هيا أكلمها
سلطان : بعدين المهم سلمي على الكل وطمنيهم أحنا بخير
يله مع السلامة
رغد : مع السلامة
سلطان ينادي جنان : جنان تعالي
مشت لعنده
سلطان : عجبك المحل
جنان : لا
سلطان: اوكي ناخذ تاكسي ونتمشى الجو حلو
جنان : اوكي
وقف سلطان وياشر لتكسي وهي تطالعه
هو وعضلاته اللي خفت عن أول قبل وفاة يوسف
وقف تاكسي وركبو
.................................................. ..........
نورة واقفة على الميزان قررت بعد تفكير طويل
من بداية رمضان لحد نهايته
انها تسوي روجيم
وبعد أكل رمضان الثقيل الدسم اللي ماتتخلى عنه
ناظرت الميزان : 75
تبي توصل على ال60 بأي وسيلة
ماتبي كلام دكاترة ولا مشورة أحد
تبي تسوي الشي اللي هي مقتنعة فيه
من بكرة بتبدا
نزلت من الميزان وأخذت دفتر من دفاترها الكبيرة حقت الجامعه
وفتحت صفحة فاضية وكتبت :
الفطور : (عصير برتقال ـ ليمون ـ حليب )
سندوشة خبز بر (جبن ـ زعتر ـ لبنه ...إلخ من أنواع النواشف)
وطول روحتها للجامعة ما تاكل شي
الغدا ( شوربه بانواعها مع قطعة صغيرة من أي نوع من اللحوم)
وتجلس لم العشا (أي نوع من السلطة , مع معكرونة كمية بسيطة
بحجم الكف )
مشي يوميا 10 دقايق
كل هذا في مدة أسبوعين
شخطت بالقلم على أخر سطر وتدعي ربها يصبرها
أذا شافت شذا ولا روان طالبين من المطعم
ويطلع في هالأسبوعين نتيجة
خلاص ملت من أحد يعايرها أو يقارنها بأحد
.................................................. ..................................
شهد وهي تلم كل شي لها في غرفتها بعد ساعات بيجي سامي
وياخذها ...
لفت على ريماس اللي في لافافتها وباستها على خدها
وصحت فارس اللي نايم بهدوء من كثر مالعب
مع شذا الخبلة أمس
سبحته ولبسته بعدها تركته يطلع من الغرفة
لأنه ما ينمسك
طلعت لها تشيرت سماوي
ووتنورة جنز للركبه بتكسيرات كبيرة
طلعت لها صندل سماوي مسح على الارض
خذت ملابسها وطلعت عطتها الشغالة تكويها
مرت على الصالة اللي فوق لقت روان وبيدها فيصل تلعبه
وترفعه وتنزلة وتعضضه
خلتها مع ولدها وراحت لغرفة البنات دخلت لقت نورة ماسكة
دفتر ووتأمله بهدوء .
شهد : كيف الأمورة
نورة : الحمد لله اليوم بتروحين
شهد تجلس على كرسي : ايه بس بغيت الميزان اللي كان
بغرفتي مدري وين راح ؟
نورة : هنا بتوزني
شهد : ايه أحس أني سمنانه
نورة تناظرها من ولدت فارس ماتغير جسمها ما شاء الله لأنها بأختصار
محــــــــــــــــــــافظ ة : لا بالعكس نسك ماتغيرتي
شهد تسحب الميزان وتضغط برجلها لحد ماجاها00
ورقت فوقة : اااااااايه شفتي قايله لك زدت
نورة : كم زدتي
شهد : نص كيلو
نورة : احلفييييييييي أجل أنا وش أقول عن نفسي
شهد ترجع تجلس على السرير : بس انا ما أحب اغير وزني
صافي على 56 ما أبي لا أنقص ولا أزيد
نورة تبي تسحب تجارب : كيف تتحملي وما يزيد وزنك
شهد : أسمعي أنا كنت مثل شذا عصلا مصلا
تزوجت وانا نفسي ماتغيرت حاولت أزيد ما قدرت
يقولي أنتي طولك 160 لازم يكون وزنك 60
ما أقدر 45 لا أزيد ولا أنقص
حملت في فارس بعد الولادة تذكرين كيف الكل انصدم من زيادة وزني
وأمي فرحت لأنها ماتحب النحف قالي سامي ثبتي وزنك
وأنا سمعت كلامه حاولت أني أقلل أقلي
خاصة من المطاعم يعني وجبه في الأسبوع تغطي على ناري
ووأكلي كله قليل الدسم رز أبيض وسلطة
في البداية ياللله عذااااب أسبوع أسبوعين شهر
شهرين تعودت وصرت أحب أكلي
نورة : طيب تمشين ؟.
شهد : أكيد خاصة وقت العشا أحس أنه وقت حلو
وقبل ما أحمل بريماس كنت أنا وسامي نروح نمشي على الشاطىء
يعني وكذا حافظت على جسمي
نورة (يالله تفرجها علي ) : يعني في أمل في شذا
شهد : أيه أصبري تتزوج بتتغير
نورة : ياحمار انطر
شهد :ههه أترك بأروح اتعدل
نورة : روحي والله يعينك على القضا
شهد : أي والله شايله همه
طلعت شهد نادتها روان : يا حلوة الأتفاق لا تنسي
شهد: ما نسيته ههه
روان : بعد أسبوع اوكي
شهد : اوكيييي
دخلت غرفتها لقت ملابسها مكوية وعلى السرير
دخلت الحمام تسبحت طلعت لبست
نشفت شعرها بالأستشوار على السريع
وربطته فرس ونزلت خصلتين على وجهها
حطت مكياج خفيف وخذت عبايتها وشالت ريماس
وطلعت تتنتظر سامي ياخذها
.................................................. .............
جنان وسلطان ثلاث أيام مرعليهم وجنان تحس براحة كبيرة
مع سلطان
يدلعها يمشيها يدلعها يعاملها برقة
كنها بيبي عنده
وبدت تتكلم معه براحة وحبته بكل مافيه
بشينه وزينه
هو زوجها ومالها غنى عنه
وتحس بقلق لأنها تدق على أهلها ما يردو
مع انهم عارفين أنهم مسافرين يعني
يتوقعو أي أتصال منها بأي وقت عشان تتطمن
بس مافي لأسألتها حل
.................................................. ...........................
بدر من شهرين وهو معهم
مرتاح من ضحكهم ومزحهم واستهبالهم
وأهم شي طيشهم وشـ.ــــ