الفصل 19
الفصل التاسع عشر
لأنه عارف أحوالي قبل لا يسأل [ شـ فيني ]
لزمت " الصمت " في لحظة سؤاله .. و أتركه {. يحكي
جالسة أنتظرة عند باب المدرسة
قال لي لم كلمته كوني عند باب المدرسة
بمر وأخذك عادي مثل كل بنت تركب
سيارة أهلها وأصلا السيارة مظلله
محد منتبة...
والله مشتاقة أشوفة مرررة
يوووه حر يله بسرعة تعال
أيوه أيوه كنو هو اللي جاي
إلا إلا آآآآه فديته ما أخلف بوعدة
يله يله يله تعال
فتحت باب السيارة ودخلت
......: وحشتيني
......../ وأنت أكثر يله حرك قبل ما أحد يشك
......../ اوكي ماشي
حرك السيارة
...../ وين تبين تروحين ؟
,,,,,/ ما ادري اخاف اطول عن اهلي
.../ اجل خلاص نتغدا ونرجع
......./ طيب
وصلو لمطعم بس مافي مواقف قريبة وقفو بعيد
ومشو بعد ما مسك يدها يخاف عليها من
قطعة الشارع ...... والهوا يلعب بشماغة
وهي بطرحتها بس ما سكتها عشان ماتطيح
دخلو المطعم رايق خيال رومنسي من درجة أولا وهذا اللي يبغونه .........
جلسو قبال بعض والكل يطالع
الثاني بصمت أخر شي تكلمو
....../ وش تبغي تاكلي
..../ ما أبي شي يكفي أنت
.... / يعني بتاكليني أنا
,,,/ههه لا لو أيش بسم الله عليك
..../ فديتك بلا دلع قولي وش طلبك
تمسك المنيو / مممم كيفك على ذوقك
,,,,/اوكي على ذوقي على ذوقي
.......... تغدو بسرعة لأنهم تأخرو
وطلعو ....
... / حياتي كم الساعة صح تأخرنا
....../ ما عليك أن شاء الله محد ينتبه
امشي قدامي بسرعة
مشت قدامه وقطعت الشارع ووقفت على الرصيف تتنتظرة
ثواني اللي جايها
على بعد متر جت ذيك السيارة وطرررررررراخ
لاااااااااااااااااااااااا ااااااااااااااا
لميا تقوم من السرير بسرعة : لمى وش فيك ؟
لمى ترجف وتعرق وحلقها ناشف : مات مات
لميا : من اللي مات
لمى : مات مات <<وتقول كلام ما ينفهم
لميا تمسكها عرفت أنها تحلم : بسم الله عليك تحلمين
أجيب لك موية .... لا صح صايمين
لمى : مااات
وتمسك راسها بيدها: يعني ما راح يرجع
لميا : مين اللي مات ومن اللي ما راح يرجع
أصحي تحلمين أنتي
لمى تحط راسها على المخدة ودموعها على خدها :
راااح وخلاني
لميا تسحب بطانية لمى وتغطيها
وتطلع من الغرفة تطالع ساعتها 2 وربع الظهر
: اففف نكدت نومتي والله تعبانة من المدرسة اااف
.................................................. ..........
سلطان يبوس راس ويد أم يوسف :الله يبشرك بالخيير
والله فرحتيني
أم يوسف : بس عندها شرط ...
سلطان : تامر باللي تبيه من عيوني
أم يوسف : تكمل دراستها الثانوية والجامعية
سلطان : ما راح أمنعها من حقها تكمل ما راح أعترض
أم يوسف : وشرط ثاني
سلطان : وش ؟
أم يوسف : تبي تسكن لحالها لو في غرفة أهم شي لحالها
سلطان حز في خاطره شوي بس قال : اللي تبيه
أم يوسف : متى بتجيب أهلك
سلطان : قريب أن شاء الله
أم يوسف ترخي صوتها : بأقولك شي بس لا تقول لها
سلطان بنفس درجة صوتها : وش صاير ؟
أم يوسف : أبيك تتزوجها بسرعة لأن عمانها داقين
يقولون يا تروحون المدينة ولا بناخذ البنات
لأن ما عندنا محرم اللحين
سلطان : يعني متى ؟
أم يوسف : بعد العيد
سلطان : مبكر يا خالتي ما يمديني أجهز نفسي
أم يوسف : مو بعد العيد على طول يعني بعد بأسبوع
سلطان: والله ما أدري بشوف وأكلمك
.................................................. ..
تركي : والله يا يبه هذا اللي يبغاه سلطان
وأنا ما عنديأعتراض أنه يتزوج قبلي بالعكس فرحان له
أبو تركي : بس هو ما عنده لا وظيفة ولا دخل
وشلون بيصرف عليها ؟
تركي : أنت عندك الخير وما ظنتي تقصر معه
وهم مستحيل يسون زواج وطقطة وفلة حجاج يوسف توه متوفي .......
ولولا أنه ما وصى كان ما أستعجل بهالفكرة ,,,,
أبو تركي : ومتى بتزوجها ؟
تركي : قالي العصر لم راح لهم بعد العيد بأسبوع
أبو تركي : وش بعد العيد قريب
تركي : لأن عمان
البنات مهددينها يا ياخون البنات منها ولا
تروح لأهلهم في المدينة
أبو تركي : ووين سلطان ؟
تركي : في غرفته ينتظر ردك
أبو تركي : رح قله يدور له شغل بعدين يجي يتزوج البنت
تركي : وين يا يبه يلقى شغل وهو ما معه إلا الثانوية
أبو تركي : يبي يعذب البنت ما عنده شغل من وين يصرف
هذا زواج مسؤلية مولعبة قله لو أن شاء الله حارس
في عمارة ما عندي مانع بس يكون يشتغل
تركي : أن شاء الله
طلع تركي بسرعة لأخوه سلطان
في غرفته اللي لقاه واقف ينتظرة
سلطان : ها وش قال ؟
تركي : يقول أشتغل بعدين تعال تزوج
سلطان بخيبت أمل : يعني ما عارض على فكرة الزواج
تركي : لا ما قال شي عن البنت بس يقول أي
شغلة المهم يكون عندك دخل
\سلطان جلس على السرير : من وين أشتغل
ما معي ألا الثانوية وأنا اللحين أدرس
تركي : طيب دور دوام من بعد العصر لا فليل
سلطان: أنا أهم شي ألقى بعدين نتكلم عن الدوام
سكتت شوي ثم قال / طيب أنت تعرف أحد يتوسط لي
تركي : لا
سلطان يتنهد : الأم مستعجلة
تركي ما رد عليه ثم طرى على بالة : ياهوه تعرف مشاري
سلطان : صاحبك
تركي : ايه أبوه عنده شركة وهو يشتغل عنده
يمكن يقدر يوظفك
سلطان : والله جبتها يا تركي بس أنا من زمان ما شفته
أنت كلمه ...
تركي فرح لفرحة أخوه : أكلمة وأشوف بس أنت
جيد في الحاسب
سلطان : أيه معي شهادة دورة حاسب 3 شهور
تركي : معتمدة
سلطان : أيه كا تذكر يوم تخرجت من الثانوية خذتها في الصيفية ...
تركي: كويس بتنفع
سلطان : ترى علقت أملي فيك حاول تكلمة
تركي : أن شاء الله
............. ...............................................
Like
رد مع اقتباس إقتباس متعدد لهذه المشاركة الرد السريع على هذه المشاركة
#38 أضافة تقييم إلى ام مزن تقرير بمشاركة سيئة
قديم 14-10-14, 12:31 AM
الصورة الرمزية ام مزن
ام مزن ام مزن غير متواجد حالياً
نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر
محمد رجع للرياض هو وأهلة عشان امه تعبانه
وبدرية بتروح لعيالها
وما فكر يمر يشوف فيصل
.................................................. ..........
أما هنادي تأكددت أن كل أغراض الملكة جاهزة
عشان بتروح لمكة
,,,,,,,,,,,,,,,,,,,,,,,,,,,,,,,,,,,,,,,,,,,,,
روان ونورة وشذا جهزو أغراض ملكة
هنادي
وشذا تعذبت بالعافية لقت كعب على لون فستانها
.................................................
لمى متفاجأة بعمرها من بعد ذاك الحلم
ما عاد تحس بالكتمة والكأبة اللي فبل
كأنها لمى جديدة وأقتنعت انها خلاص
تبدا صفحة جديدة في عمرها والماضي ماراح يأثر فيها
,,,,,,,,,,,,,,,,,,,,,,,,,,,,,,,,,,,,,,,,,,,,,,
تركي كلم خوية مشاري ورحب فيه هو وأخوه
ويقول فيه وضايف بس يمكن
يكون راتبة 3000ريال بس
بتاكد ويرد له خبر
,,,,,,,,,,,,,,,,,,,,,,,,,,,,,,,,,,,,,,,,,,,,,,
جنان مسكينة كانت خايفة من الزواج توها
صغيرة على المسؤلية
كيف بتوفق بين الزوج والدراسة
.................................................. .
أم تركي مفتخرة بسلطان
أنه بيوفي وصية ولدها اللي ما جابته (يوسف)
وفرحانه مثل كل أم بتشوف ولدها متزوج
أول يوم في العشر الأواخر:"
روان تكلم هنادي : ومتى بتجي طيارتكم
هنادي: الساعة 4 العصر الطيارة يله باي بنطلع بنروح المطار يا ويلك
أن ما أستقبلتيني
روان : وش دعوى جاية من باريس
هنادي : يله بس بايييي
روان : باي
أم روان اللي كانت جالسة جمبها : بتروحين
روان : ايه بس ولدي البنات يروحون معي
أم روان : نايمين ما عاد في مدارس بيبدا السهر
روان : ههه خلهم نايمين حرام تروحين معي ؟
ام روان : لا ياعمري ما أبي أروح
روان : بأروح مع السواق لحالي
أم روان : روحي محد بضارك
روان : اوكي بأروح بس بستأذن من أبوي يمكن يبي يجي معي
أم روان : خلي أبوك نايم وروحي تعبان أمس نام والمكيف بارد
روان : عسى ما تعب واجد
أم روان: لا ما تعب مرة بينام وبيطيب أن شاء الله
روان : الله يسمع منك أنا بأروح أشوف نورة تجي معي ولا لا
شذا ما راح أقومها بتفضحنا في المطار من تعليقاتها
أم روان : بسرعة يمة المطار بعيد
روان : طيب
وطيران على غرفتهم
روان : نورة نوير نونو قومي
نورة : أذن
روان : لا ما أذن
روان : تبين تروحين المطار معي بنستقبل هنادي هناك
نورة : لا مشوار خلييييني نايمة
تركتها روان بكيفها لفت على شذا اللي قامت
شذا : خلاص انا بأروح
روان : بسم الله وش دراك
شذا : أصلا أنا قايمة من قبل وسمعتك
روان : يله بسرعة صلي ولبسي فيما أنا البس
شذا تقوم من سريرها وتحك راسها : روحي قولي لأبوي
روان : عمي طالع رايح البيت الجيديد معه عمال
يقسون مدري أيش عشان السرايك حق المجالس مدري وش فيه و
شذا : بس بس خلاص بأروح بدون شوره وتدخل الحمام
روان لبست وخذت عبايتها ونزلت الصالة تنتظر
شذا ......... ........
شذا ربع ساعة ونزلت
أم وليد : على وين
شذا : بأروح المطار مع روان بنستقبل صديقتها
أم وليد :ومن مين أستأذنتي
روان : خليها خالتي على الأذان بنرجع ما راح نطول
أم وليد : لا تدق على أبوها وتستأذن بعدين تطلع
شذا : يممماه لا تعقدينها بأروح وخلاص
أم وليد : لا دقي على أبوك وأستأذني
روان : خلاص أنا بأدق
دقتين مرتين ما رد
دقت مرة ثالثة ورد ما سمعها زين وش قالت
بس قال روحو ولا تطولون
شذا فرحت وراحو مع السواق للمطار
,................... ................................
سلطان جالس في سيارته ووينتظر تركي
يطلع من الشركة ماخذ أوراقة بيدبروظيفته
يفرك يدينه مع بعض وكل شوي يطالع
الساعة .....................
أبوه حطه في موقف صعب
تشتغل تزوج
ومن وين يا جنان أدبر شقة لك بس الله بيسرها
كله لعيونك يا أخت الغالي
انفتح باب السيارة ودخل
سلطان لف بسرعة لتركي اللي شكلة معصب
تركي : ما في وضايف لك
سلطان انقلب وجهه أصفر : وش اللي ماراح يوظفوني
مو مشاري قال فيه وضايف
تركي : ايه بس أنت شهادتك ما تمشي
سلطان خلاص دمعت عيونه يأس
الأمل الوحيد وراح
وين يحصل له شغل وهو ما معه إلا ثانوي
أما تركي خلاص ما تحمل شكل سلطان
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه
سلطان فتح فمة وش فيه
تركي : ههه والله انك تنرحم يا شيخ وظفناك
لا تسوي ماناحه علينا
سلطان : تركي تعرف أني على أعصابي تكلم جد
تركي : اوكي لا تزعل كل شي تمام
سلطان : خلاص توظفت
تركي : ايه خلاص
سلطان : وكم الراتب
تركي 3500 ريال
سلطان : ومتى الدوام
تركي: من الساعة 4 لم 9 الليل
سلطان : زين ومتى أروح أداوم
تركي : مشاري يقول لو انه مو اخوك كان
داومت بعد شهر
بس عشانك بعد أسبوع
سلطان : وأكون مأسس خلاص
تركي: ايه خلاص وأذا أنت مجتهد وملتزم
بدوامك بيرقونك
سلطان : والراتب من أول شهر
تركي : ايه من أول شهر
بس ما سألتني وش شغلتك
سلطان : ما يهم أن شاء الله فراش
المهم اني أشتغل
تركي : لا أسمع أنت بتكون سكرتير مدير
قسم بس شغلك أغلبة على الكومبيوتر
سلطان : أيه الله يعين
تركي : يله أمش نبشر الوالد عشان نروح نخطب لك
ست الحسن والدلال
ابتسم سلطان : والله أنتظر هالحظة
تركي : بس لحظة بتسكن وين ؟
سلطان " ما أدري أبوي بيعطيني فلوس
سكنت في شقة ما راح يعطيني
بأخليها معنا في البيت
تركي : طيب وش رايك أنا عندي أسهم
لو بعتها يمكن تجي عشر ألالاف
بعطيك أباها ومتى ما قدرت تسددها لي
والوالد أكيد المهر عليه وما راح يقصر معك
سلطان : الله يخليك والله أنك كفو
طيب استأجر شقة شهري ولا سنوي
تركي : لا سنوي أريح في شقق أعرفها ب25 ألف
في السنة ,,,,
سلطان: أبوي كم تتوقع بيعطيني
تركي : أتوقع بيعطيك 100 ألف وانت تصرف فيها
سلطان : تتوقع تكفي مهر وشقة وأثاث
تركي : مثل ما قلنا شقة 25 ألف
ومهر لا تدفع أكثر من 40 ألف والأثاث لا تتكلف مرة
30 ألف أتوقع تكفيك ومنا على منا تسد أن شاء الله
سلطان : ما أتوقع أخلص في المدة اللي محددتها لي أم يوسف
تركي : ألا صدق من بنخطب منه
سلطان : تصدق راحت عن بالي
تركي : أمش ما عندك سالفة حطني في
البيت ورح لأم يوسف تفاهم معها
حرك سلطان بسرعة وهو يفكر كيف راحت من باله ...
.................................................. ...............
في المطار :
روان وشذا جالسين على كراسي ينتظرون
شذا : أقول شوفي ذيك الحلوة
روان : وين
شذا : اللي جمبك
روان : هههاي بلا سخافة
شذا : والله طفشت
روان : طيب سولفي
شذا : وش بتختارين لون غرفتك
روان : لون الجدار وردي والأثاث أبيض
شذا : لا مو حلو تحطين أبيض حطي سماوي والله يطلع رهيب
روان : لا وش سماوي
شذا : أنا بأحط غرفتي كلها خشب
روان : بتملين من اللون
شذا : عاجبني نورة بتحط غرفتها أخضر وأبيض
عشان السعودية
روان : ههه والله فلة البنت طيب أنتي غيري
حطي لون بنوتي
شذا : مافي لون عاجبني
روان : حطي موف فاتح والأثاث أبيض بيطلع حلو
أو أطلبي صبغة للأثاث لون أبيض ومشجر بموف بيطلع جنان
شذا : مدري محتارة
روان / الا متى بنروح هناك
شذا : أسمعي بابي وأبوك أختارو أرضية المجالس
والكنب والستاير ووو الباقي بس قسم الرجال
أما مجالس الحريم يقول أنتم أختارو
والمطبخ أختارت أمي واحد جنان لو أنام فيه أحسن
وأمك أمس أختارت المطبخ التحضيري
وجناح أمي وأبوي أختارو رخام والصبغة
أما الأثاث ما أختارو .....
روان : والله تدرين ما سمعتهم أمس يسولفون
شذا : ايه بس يقول أبوي 4 أيام لكم أن ما أخترتو كيف بتكون الغرف بيحط على كيفة
روان : ليش مستعجل
شذا : مدري عنه بس أنه جاب عمال كثااار متخصين
بيرممون الحديقة وبيكسرون كل البلاط القديم
عشان بنغيرة مرة يبي بخلص بسرعة
حتى أن عمال اللي بيصلحون مجالس الرجاجيل
بيستعجلون خلال 5 أيام يمكن تكون جاهزه
روان : شكل عمي مجهز من زمان للمجالس
شذا : ححححححي
روان : وش فيك
شذا : شوفي المسافرين اللي توهم واصلين
تقوم شذا وتقوم روان معها : شوفي اللي لابس أحمر يجننن
روان : هذا بدر
شذا : مين بدر ؟
روان : أخو هنادي
شذا : أحلفي مرة حلو
روان : من زمان ما شفته طال شعره
دق جوالها :
هنادي : وينك وصلنا
روان : أشوفكم خلصو أموركم ودقي لي
هنادي : يله باي
5 دقايق إلا هنادي جايه شافتها روان
وصارخت وتركض لها
هنادي أرتاعت من ذي بس عرفتها روان
وتضمها بقوه ترجع هنادي لا ورا من قوة الضمه
الناس كلها تناظر أما شذا هجت وخلت روان فشيلة
أبو بدر ميت ضحك وبدر ما عجبه الوضع
الكل يطالعهم ويتكلمون بصوت عالي
هنادي : واللللله وحشتيني
روان : وأنا أكثر
بدر : قصرو أصواتكم
روان : هلا بدر وش أخبارك
بدر : بخير وش أخبارك أنتي؟
روان : بخير
هلا خالتي وتسلم على أم بدر
روان: الحمد لله على السلامة والله لكم فقدة
أم بدر : الله يسلمك يا بنيتي
روان : هلا خالي وش علومك؟
أبو بدر : بخير وش أخبارك أنتي والأهل
روان : كلنا بخير
بدر : يله مشينا
روان : رايحين مكة على طول
أبو بدر : أيه حاجزين في فندق بنروح نريح
روان : خلو هنادي معي
أبو بدر : أن شاء الله بكرة بعد الظهر أجيبها لك
روان : وعد
أبو بدر : وعد
هنادي اللي ماسكة يد روان وتسولف معها
ويمشون ورا أبو بدر وأم بدر وبدر
هنادي : والله عندي لك سوالف كثيرة عن الجامعة
بس بكرة الظهر لم نتلاقا أقولك
روان : حتى أنا بنفجر من السوالف
وتذكرت : يوووووووه
هنادي : وش فيك ؟
روان : شذا بنت عمي كانت معي مدري وين راحت
هنادي : دقي عليها
روان تطلع جوالها من الشنطة : بدق هذي خبلة ما تنترك لحالها
وتدق على شذا من أول رنه ردت
شذا : نعم معي ؟!
روان : وينك رحتي فيه ؟
شذا : من أنتي
روان تطالع الشاشة تتأكد (شذا) وشلون ما تعرفها
روان : شذا أنا روان
شذا : عارفة بس من حركتك تو تبريت منك
روان : ههه والله واحشتني مرة ما صدقت
أشوفها وينك طيب اللحين فيه
شذا : عند البوابة الرئسية أنتظرك
روان : اوكي أحنا جايين لا تغيرين مكانك
شذا : يله أنتظرك
سكرت منها روان : مسكينه تفشلت مني تو يوم أصارخ
هنادي : وينها ودي أشوفها أحسها فلة
روان : مرة فله هي عند البوابه
دقيقة إلا هم عند البوابة
وقف بدر تاكسي ويركب الشناط
شذا شافت روان واقفة مع وحدة أكيد هنادي وراحت لها
شذا :" هااااااااي
بدر لف على الصوت يطالع منهي
شاف وحدة كنها عباية معلقة من نحفها
شذا سلمت على هنادي
روان : دقي على السواق خليه يجي
شذا مرتبكة من بدر اللي يناظرها تطلع الجوال بسرعة
وتدق على نورة بالغلط
هنادي : هيه قطعت البنت
لف بدر كنه ما سمعها ويكلم أبوه
روان: شذا من شافت بدر انهبلت عليه
شذا تناظر روان بعيون (وعدك عندي)
وومشحونه لأن السواق ما يرد
شذا : افففففف
وتعيد الأتصال : البقرة ما يرد
روان : هنادي شكلكم بتمشون وقطع كلامهم صراخ
شذا على السواق
وين أنتا فيه
ساعة أدق ما ترد
نورة : طيب مدام واحد دقيقة أنا أكون موجود
شذا انحرررررجت : نوير حسبتك السواق
اننننقلعي
روان وهنادي نقعو ضحك
شذا : يله مالت عليك ظلمت السواق
نورة : دقي بس على رقم السواق بعد شوي تدقين
على وليد وتهاوشين ويجيك من الرياض يذبحك
شذا : لا تتريقين يله باااي
وسكرت من نورة ودقت على السواق بسرعة
راحو هنادي واهلها ماشين لمكة
وروان وشذا جلسو ينتظرون السواق
وما بقى على المغرب شي ما يمديهم
يوصلون البيت إلا هو مذن من زمان ..
شذا : التبن تأخر
روان : مدري نشتري موية بس
شذا : يله
ويدخلون ويشترون موية
ورجعو يوقفون عند البوابه إلا السواق
جاي وأذن الغرب ....
افطرو موية بس
ربع ساعة وكانو في البيت
وودوم دخلو جوا وعلى طول على السفرة
أم روان : وجع شوي شوي الكل مو طاير
شذا : والله جوعااااااانين
أم وليد : افسخو عباياتكم
شذا وفمها مليان : بعدين مشغولين !
روان تقوم وتفسخ عبايتها وتحطحها على الجمب وتجلس
تاكل .......
روان تسولف لهم وش صار في المطار
لم شذا وهي تدق على نورة ...
وضحكو عليها ...
بعد الصلاة مثل العادة على التلفزيون
نورة : ترى بكرة بنروح مكة بعد المغرب بنصلي التراويح هناك
روان : أحلفي
نورة : ايه بنروح ليش أحلف
روان : عشان هنود بتجي بكرة الظهر هنا ونطلع
نتمشى
شذا : طيب خليها عندنا لم العشاء ثم ترجع معنا
روان : والله فكرة بأدق عليها وين جوالي
نورة : حطيتيه في الغرفة فوق
روان : يوووه
وتقوم
شذا : جيبي فارس معك وقولي لشهد تجي جلس معنا
نورة : شهد نعبانه منسدحة وش تقومينها
شذا : متى تعبت الظهر وش زينها
نورة : العصر تعبت شوي ما تشوفينها ما أفطرت معنا
شذا : والله ما انتبهت كنت جوعانه
روان تروح وتتركهم خذت جوالها ولقت فارس جالس
مع أمها وخالتها أم وليد يلعب خلته ورجعت للبنات
جلست وتدق على هنادي وتحط سبيكر عشان البنات يسمعون
هنادي : هلا
روان : هلا وغلا رحتو الحرم
هنادي: كلهم نزلو ألا أنا جالسة من الصبح
وانا أدور العشاء بأنزل أصلي معهم
روان : طيب بكرة كيف وضعنا أبوك بيجيبك ويرجعك
هنادي: يوديني أبوي ويجيبني بدر
روان : معكم سيارة
هنادي : شاحنين سيارتنا وبتجي بكرة الصبح
روان : أها طيب احنا بنروح مكة العشا نصلي هناك
هنادي : اوكي ارجع معكم عادي
روان : عادي تجين معنا
هنادي : ايه أبوك مثل أبوي عادي
روان : ايه بس قلت يمكن ترفضين ولا شي
هنادي : لا عادي إلا تعرفين وش قال بدر عن شذا؟
شذا : وش
هنادي :يا دوبه حاطه سبيكر ما أنتبهت
روان : ههههه عشان يسمعون
شذا متحمسة : وووش قال بسرعة
هنادي : أخاف تزعلين
شذا " لا عادي متعودة
هنادي : يقول كنها عباية معلقة
نورة :هههههههههههههههههههههههه� �هه
شذا : ووووووجع أن شاء الله عمى بعينه أنا
عباية معلقة هو وشو كنه حلاو مصاص
أكبر مافيه راسه
هنادي : ههههههه بقوله بيتحطم
شذا : أحسن
روان : ههههه أخليك وبرسلك الوصف البيت
هنادي : هه طيب سلام بنات
البنات : سلااام
.................................................. ....
Like
سلطان : وخوالها متى بيجون ؟
أم يوسف : أنت متى بتجي
سلطان (حدد على كيفة ) : بعد بكرة
أم يوسف : خلها بعد يومين
سلطان : طيب بعد يومين اللي تبونه
أم يوسف : ومين بيجي معك
سلطان : أبوي وأخوي وأنا
وأمي وأختي لميا (أصلا ما تدري أنه بيخطب)
أم يوسف : تجون العصر
سلطان : خلاص العصر
..................................................
الساعة 3 ليلا ,,,,,,,,
في بيت منصور كل العيون نايمة
أبو تركي
أم تركي
تركي
لمى
لميا
رغد
بندر
إلا سلــــــــــــــــطان
...
جالس في غرفه على السرير
ويفرك بيده بتوتر
البيت هاااادي
لا صوت لا همس
ما ينسمع إلا صوت المكيف
يفكر فيها وفيه
متوتر قلق
هو صغير وهي صغيره
يحس أنه بيظلمها ويظلم نفسة معها
الزواج مسؤلية
كيف بيوديها ويجيبها من المدرسة
يرجع الساعة 2 يوميا من الجامعة
متى يتغدا وينام
ثم يصحى ويروح الدوام
يرجع 9 هلكان تعبان
متى يذاكر أيام الأختبارات
وقبل هذا هي طول الوقت
بيكون طالع عنها
أكيد بتطفش بتمل بتخاف
تحتاجني جمبها
لسه صغيرة وأكيد تبيني أكون معها أغلب الوقت
وزيادة الزواج بيكون جاف بدون
لا قاعة لا زفة ولا طقطقة مثل أي
بنت تتمنى يكون ليلة زواجها مميزة
كيف بأصرف عليها مو معقولة بتكفيني 3500ريال
في الشهر فواتير كهرب أكل وشرب
ملابس ترفيه
لازم أحط جدول من اللحين
عشان ما أحتاج ابوي كل مرة ...
وتركي مو ملزوم فيني كل مرة بأتسلف منه
هو بعد وراه دراسة وحياته
والله الموضوع طلع مو سهل يا أبو يوسف
قطع أفكاره صووت جواله على المنبه حاطة
عشان يقوم يتسحر سكرة وطلع من الغرفة
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,
الساعة 10 الصباح سيارة أبو بدر وصلت لجدة
ويبي يروح ياخذها وبيودي معه هنادي الي قومها من نومتها
أبو بدر : هنااااااادي أخلصي
هنادي : طيب بالبس عبايتي وأجي
دقيقة الا هي طالعة وتلبس نقابها على السريع : جيت يله
ونزلو بسرعة وقفو لهم تاكسي وراحو جدة
هنادي نامت في السيارة
وأبو بدر فيه النوم بس متمسك
بعد نص ساعة كانو بجدة
أبو بدر : هنااادي
هنادي قامت بسرعة : وش فيه
أبو بدر : وصلنا وين بيت روان
هنادي : وش ما سألتها
ابو بدر :وليش ما سألتيها وين أحطك الحيين فيه
هنادي : طيب بادق عليها
وتمسك جوالها وتدق على روان
روان نايمة تسمع الجوال يدق جمبها متعجزة تمد يدها تشوف مين
لم قالت شذا طبعا انزعجت من صوت النغمة : ررررردي
رفعت روان الجوال تناظر : دنيتي يتصل بك
ردت : الو
هنادي اللي فيها النوم : هلا وين بيتكم فيه؟
روان : ليش؟
هنادي : انا بجدة اللحين أبوي جابني وين بيتكم فيه
روان : أصبري أغسل وجهي وأدق وعطيني أبوك باي
هنادي : باي
أبو بدر : وينه فيه
هنادي : تقول بأغسل وترجع تدق توصف لك
دقيقتين ودقت روان وعطته أبوها وكلمها
وعطته الوصف وسكر ..
روان رجعت وششششش على المخدة
ونست هنادي ...
ربع ساعة وهنادي عند باب بيتهم وتررررررن
فتح السواق
هنادي : هذا بيت أبو روان
السواق : لا هزا بيت بابا عبدالرحمن
هنادي تذكرت أنهم ساكنين عند عمهم أشرت بيدها
لأبوها يعني هذا هو البيت ودخلت جوا ...
السواق راح لغرفته
هنادي تدق على روان
هنادي : وووووينك فيه أنت تحت في الحوش
روان : أي حوش
هنادي : حوش بيتكم تحت
روان تذكرت هنادي : يوووه نسيتك اصبري أجيك اللحين
هنادي : مالت عليك بسرعة حر
روان : طيب طيب وتسكر
روان على طول تلم شعرها بربطة وطيران لتحت
لها شافتها واقفه عند باب البيت راحت لها
هنادي " ههه هلا
روان : يله تفضلي
هنادي تمشي مع روان لم دخلو ودخلتها المجلس
روان : أصبري أروح أتسبح وأغير ملابسي
هنادي : يووه وأندق هنا
روان : ما توقعتك تجين اللحين
هنادي : أبوي رجني لأن السيارة وصلت ويبي يروح ياخذها
روان : طيب خلاص انا بأرقى وأنتي أنتظري
هنادي : مافي أحد
روان : لا كلنا بنات مافي عيال يمكن أمي تقوم بعد شوي
لا تخافين لا دخلت عادي
هنادي : هه يله روحي أمري لله أنتظر
راحت روان
هنادي فيها النوم الفجر نزلو للحرم صلو ورجعو
وما جاها النوم الا 7 نامت إلا أبوها يقومها ...
المجلس بااارد ويشجع فسخت جزمتها
ومدت رجولها على الكنب الطويل
خمس دقايق الا سحبتها نومة ....
روان فوق تسبحت ولبست بنطلون أبيض وتشيرت
أصفر لمت شعرها ورفعته لم خلصت شافت فيصل
يتحرك قومته وغيرت له ونزلته معها
كل هذا في نص ساعة
..
ام وليد قامت تشوف باب مجلس الحريم مفتوح غريبة مو بالعادة
راحت فتحت تشوف دخلت الا تشوف البنت اللي نايمة
من هذي ؟
ثواني إلا روان داخله وتشوف أم وليد
تطالع هنادي بأستغراب : ههههههههههههههه
هنادي تقوم بسرعة
أم وليد : من هذي؟
روان : هذي هنادي صديقتي
هنادي متفشلة قامت تسلم عليها : هلا خالتي وش أخبارك
أم وليد : الحمد لله وش أخبارك أنتي
هنادي : الحمد لله
أم وليد : أهلك ما جو ؟
هنادي : لا في مكة أنا بس اللي جيت
أم وليد : اييه خلاص أخليكم على راحتكم وطلعت
روان : خهه شكلك تفشلتي
هنادي : يا الدوبة والله فيني النوم ما قدرت أقاوم
وووووا (توها تلاحظ فيصل اللي شايلته روان )
وتروح له : يا عمري كبر
روان : أجل يستناك
هنادي تاخذه منها وتبوسة :والله يشبه لك مرة
حتى صصار ثقيل كم عمرة اللحين ؟
روان : 4 شهور
وجلسو يسولفون
.................................................. ..........................
أم تركي تدخل غرفة لميا ولمى
لميا ماسكة جوالها تلعب فيه ولمى تقرا قرآن
جلست على سرير لميا : بنات
لمى خلصت الأيه وسكرت القرآن ولميا خلت الجوال
أم تركي : عندي لكم مفاجأة
لميا ولمى : وش هي
أم تركي : بس باقي رغد روحي لمى ناديها
قامت لمى بسرعة تنادي رغد ثواني إلإ هي داخلة وجلست
أم تركي : في أحد بتزوج من العائلة
الكل : مين ؟
أم تركي : أخوكم
الكل : تركــــي
أم تركي : لا سلطان
لميا ورغد : ؟؟؟؟
لمى : ماما بلا مزح
أم تركي : والله وبكرة بنروح نخطب له
لميا تبي تستوعب : لحظة شوي شوي نبي نفهم
أم تركي : سلطان قرر يتزوج وبكرة بنروح نخطب له
رغد : بس سلطان صغير
لميا : ويدرس
لمى : وما توظف
أم تركي : سلطان باقي له شهر ويدخل 22 سنة
ويدرس لكنه أشتغل اللحين في شركة ويبي يتزوج
لمى : بس ما كون نفسة
أم تركي : أبوك ماراح يقصر
لميا : وتركي راضي أن سلطان يتزوج قبلة
أم تركي : أيه راضي بس ما سألتوني من العروس ..
رغد : أيه صح من هي ؟
أم تركي : جنان
لمى ورغد : جنان أخت يوسف
أم تركي : أيه
لميا : بس هي أصغر مني
أم تركي : وش فيها البنت ما يضرها السن أهم
شي تعدت ال15 سنة عادي تتزوج
لمى : وليش يتزوجها
أم تركي : لأن ما عندهم رجال فعمان البنات
قالو لأم يوسف يا تروحين للمدينة عند أهلك ولا
بياخذون البنات فتبي تزوج جنان أحسن وتروح لأهلها
وما يبقى عندها إلا نوف وعمان جنان كريهين ولا واحد جى
في عزا ولد أخوهم
لمى عورها قلبها ,,,
لميا بحنية رحمت جنان : ومتى بيتزوجها
أم تركي : قريب يمكن بعد العيد بشوي
رغد : عيد الأضحى ؟
أم تركي : لا الفطر
رغد :/ بدون زواج يعني قاعة وفلة
أم تركي : لا وش بيقلون الناس من قريب متوفي يوسف
لميا: وبكرة بتروحون تخطبونها رسمي
أم تركي : أيه وانتي معي
لميا : أنا بس
أم تركي : أيه أنتي الكبيرة
رغد :طيب ماراح نسوي حفلة
أم تركي : ما أدري عنهم لكن بأكلم أم يوسف اليوم وأتفق معها
لمى : وبيسكنها هنا
أم تركي : لا بشقة بيستأجر
رغد : وبيسافر معها
أم تركي : أكيد جلست أفكر بما أن مافي حفل وزواج
أن يكون ترتيب السفر علينا هدية لسلطان
لميا : وواو وناسة أكيد بيفرح
أم تركي : قلت لتركي أذا خلاص أتفقووحددو متى الزواج
نخليه يكلم شغل سلطان عشان ياخذ أجازة له
والجامعة لاحق عليها
رغد : وين ناوين عليه أي بلد
أم تركي: ماليزيا أو لندن
لمى : يا حليلة سلطان بيعرس
رغد : ههه أي والله فكة
لميا: وناسة لقينا عليه شي نتريق عليه
أم تركي :أقول عن الحي الزايد يله لبسو بنمشي
لميا : على وين ؟أي سوق
أم تركي : وش سوقه أنتي مكة بنروح نصلي
رغد : ماااما والله تعب سفر
أم تركي : بلا دلع كلها نص ساعة وأنتي هناك
ما راح نروح لحالنا معنا عمكم عبدالرحمن ومحمد
لمى : وشهد مين بيقعد عندها(حبيبة تفكر فيها)
أم تركي : وش بيجيها كلها ساعتين وراجعين ما راح يجيها شي
لمى : بس حرام مسكينة
أم تركي : لا مو ضارها شي أن شاء الله يله أخلصو لكم
ربع ساعة بسبررررررررررررعة
خافو البنات من أمهم وكل وحدة نقزت تلبس وتتوضاء
عشان يكونو على طهارة
أم تركي تضحك على أشكالهم ما ينفع معهم إلا الصراخ ....
.................................................. ..........
هنادي فلتها معهم وهم مستانسين عليها
تسولف وتضحك من جت ماسكتت
ساعتدهم في الفطور وصلحت عصير ليمون
وأفطرو مع بعض ومابقى شي وتروح معهم لمكة .....
...
شذا في الغرفة تربط شعرها دخلت نورة : أخلصي بسرعة كلناتحت ننتظرك
شذا :طيــــب شووووواي
نورة : أخلصي وطلعت نزلت للصاله
اللي فيها أم روان وأم وليد وهنادي وروان معها فيصل
وكلهم لا بسين عباياتهم
نورة : أففف تتأخر تلقين خالي منصور طلعو
أم وليد : شهد وينها
نورة : في غرفتها
أم وليد : اها
نورة : روان من جدك بتاخذين فيصل معك
أم روان: قلت لها بس ما تسمع
روان : خلاص ماما أنا بأخذه مستحيل أخليه هنا
هنادي تناظر روان اللي عرفت السالفة وعاذرتها
نورة : مكة زحمة عشر الأواخر ياله تمشين
روان : أن شاء الله ما راح يصير خير
نورة : شذذذذذذذذذذذذذذذذذذذذذذذذ ذذذذذذذذذذذذذذذذذذذذذذذذذ ذذذذذذذذذذذذذذذذذذذذا بسرررررررررعة
سكرو أذانيهم من صراخ نورة
شذا نزلت بسرعة من الدرج ولابسه عبايتها وبيدها جزمتها
جلست على أخر درجة وتلبسها ": عمى شوي شوي أنا أسمع
نورة : ساعة
شذا خلصت وتربط حبال جزمتها : خلاص والله خلاص
ها وتقوم
أم وليد راحت قالت لأبو وليد أنهم خلصو
ركبو السيارة الجمس ياله تسدهم
وكان السواق يسوق وجمبه أبو وليد
وورا أبو روان وجمبه أم روان ثم نورة وأم وليد
وأخر شي هنادي وشذا ونورة وفي حضنها فيصل وجمبها
عربة فيصل مسفطتها
ومشو على مكة
.................................................. ............
في بيت منصور
طلعو كلهم عند السيارت
سلطان واقف عند باب سيارته : لا يبه أبغى أروح لحالي
أبو تركي : وش لحالك عندنا زحمة على الأقل خذ وحدة
سلطان ما يبي يرفض لأبوه فأختار حبيبة قلبه : لمى تعالي
لمى راحت وركبت معه
والباقي مع تركي في سيارته
وتفرقو ولأن سلطان أسرع منهم مسك خط مكة على طول
وما صار يشوف سيارة أهله
ساكتين ولمى طفشت فحبت تتكلم :
لمى : سلطان أنت شفت جنان
سلطان زل لسانه : كثير
لمى بأستغراب : متى ؟!
سلطان حس على عمره : يعني أنا كثير أروح بيتهم أشوفها بالصدفة
لمى : أها وعجبتك
سلطان : مرة
لمى : طيب متى زواجكم
سلطان : بكرة بنخطب وأتوقع بعد العيد بأسبوع
لمى : طيب ممم أستأجرت شقة
سلطان اللي حب يسولف : أيه
لمى : أوصف شكلها
سلطان : غرفتين وحدة كبيرة والثانية عاديه
حمامين وصاله وقدامها مطبخ مفتوح وبس
لمى عقدة حوجبها:صغيرة
سلطان : مؤقته لين الله يفرجها
لمى : وكم شهر خذتها
سلطان : نص سنة
لمى : أثثتها ؟
سلطان : لا محتار أخاف ما يعجب العروس
لمى : لا سلطان أنت ذواق أكيد بيعجبها
سلطان : أن شاء الله
وسكت يطالع الطريق ثم قال : وش رايك في جنان
لمى تعبر : حلوه نحفت على أخر مرة شفتها
بيضا شعرها أسود لتحت كتوفها
فيها برائة عيونها صغار
خشمها صغير
فمها صغير
تخجل كثير
وتحمر خدودها
دايم لم تتكلم معها تتهرب من نظرات اللي يكلمها
هادية ومرتبه
كل شي فيها مرتب
شكلها كلامها مشيتها
والله عسل هالبنت
وتتحسس كثير ما أدري ليش؟
سلطان ( إلا هذي يالمى ما أبيها ) : كل هذا فيها !
لمى \: وأكثر بس حرام تتزوج لسه صغيرة
سلطان : لا مو صغيرة
لمى : طيب بتخليها تكمل دراستها
سلطان : أكيد هذا شرطها
لمى : أها طيب خفف السرعة
سلطان : وين 180 ماشي
لمى : تكفى سلطان والله على أعصابي
سلطان : والله أنك خوافة دايم أنا كذا
لمى : خخف ياربي وش ركبني معك
سلطان خفف لخاطر عيونها
ورجع يسكت
........................................
في مكة وصلو ووقفو بعيد عن الحرم ونزلو يمشون
هنادي : أصلي معكم ولا أروح الفندق
روان : دقي على أهلك أكيد أنهم في الحرم
هنادي : طيب
وتدق على بدر :
بدر : هلا
هنادي : هلا بدور وينكم انا قريب من الحرم مع روان
بدر :طيب
هنادي : وش طيب أروح الفندق ولا أصلي معهم
بدر : صلي معهم عقب رووحي للفندق
هنادي : طيب وينكم أنتم فيه
بدر عصب : يا كثر كلامك أكيد في الحرم مع السلامة وسكر منها
هنادي : اااف كريهة
روان : وش قال
هنادي : بأصلي معكم عقب بأروح وصرخت
أنتتتتتتتتتتبهي
.
.
.
.
.
.
..
.
.
.
.
.
.
.
.
.
.
.
.
.
.
.
.
روان بسرعة سحبت عربية فيصل لورا
بغت تصدمه سيارة لأنهم يقطعو شارع
والباقي سابقينهم شوي
روان عصبت على راعي السيارة : كلللب
هنادي: خلاص أمشي أنتي الغلطانه أنتبهي
روان بسرعة بدون ما تتكلم بسرعة مشت
ومعها هنادي ....
روان أحس أن قلبي بيطلع من مكانه جالسة أتخيل
لو صدمته السيارة وراح
نفضت أفكارها الشينه وكملت طريقها لم وصلو للحرم
نورة : وينك ؟
لميا : لسه بندخل اللحين
نورة : شكلنا ما يمدي نلتقي زحمة
لميا : خلاص من جد ما يمدي مرة ثانية
نورة : مع السلامة
روان : بيجون
نورة : ما يمديهم زحمة وين خوالي
أم وليد : راحو مع الرجاجيل قالو لا خلصت التراويح
دقو علينا عشان نلتقي
نورة : طيب يله نروح بيقيم اللحين
راحو للجهة الحريم بس من الزحمة
تفرقو...
أم وليد وأم روان مع بعض لقو لهم مكان وجلسو فيه
على بعد كم صف جلسو هنادي ونورة وشذا
هنادي تدق على روان : وينك فيه
روان : ههه ضيعتكم زحمة بس خلاص
بأصلي معي مكان ما أبي أضيعة بعدين أجيكم
هنادي: أنتي ما أبعتدي
روان : لا قريب منكم يله سلام
هناد ي : سلام
شذا : وينها ؟
هنادي:ضيعتنا بس تقول أنها ما أبعدت
نورة : عشان معها عربية فيصل تأخرت
وأقامت الصلاة والكل قام وكبر الأمام السديس
....
روان كبرت وجمبها عربية فيصل اللي نام
...
بمكان مو بعيد أهل منصور وصلو وصلو
.....
خلص الأمام صلاة العشاء وبداء بالتراويح
الساعة 9 وعشر بدا الأمام في الدعاء مثل العادة
سلطان كل ماقال (اللهم أرحم موتانا وموتا المسلمين)تنزل دموعه وبقلب صادق يقول: أمين
ولمى مثله ...
.................
خلص الدعاء وسجدو بعدين سلمو ...
قامت روان وتدف العربية خفيفة طالعت
فيصل مو فيها
جن جنونها : وين راح
قامت بسرعة تتلفت ولدها
فيصل
وينه
قلبها يدق بسرعة خايفة
نزلت دموعها دورته يمين يسار مو موجود
ما حست أن أحد أخذ فيصل أكيد وهي ساجدة
أحد خذه
دورته تمشي مثل المهبولة وتدف الحريم
ما همها كلامهم (عمى ... شوي شوي ... مهبولةأنتي)
همها فيصل وين راح
دقت عليها هنادي وردت بسرعة وهي تبكي
روان : هناادي فيصل أنسرق
هنادي طار عقلها : كـــــــــــــــــيف؟
روان :كان جمبي طول الصلاة لم خلصو
لفيت على عربيته مو موجود فيها
هنادي : ياربييييييييييييي وين راح
روان وصوتها يتقطع : ما أدري..ما...أدري
هنادي اللي تحس بصديقتها أنحطت بموقف لا يحسد
عليه .... ولدها ينسرق منها
لا ومتعنين يا خذونه بدون العربية يعني مو ضاع
مقصود : طيب حبيبتي وينك فيه ؟
روان : ما أدري ما أدري
هنادي: هدي شوي وينك فيه؟
روان تطالع حولها: عند المسعى تعالي بسرعه والله خااايفة
وراح صوتها
هنادي سكرت وقالت للي حولها
الكل مصدوم تحركو بسرعة
ددقو على أبو وليد وأبو روان
الكل راح جهت المسعى يدورون روان
أم وليد قلبها على روان تعرف غلاة الولد
أذا هي يتقطع قلبها لا سافروليد كيف لو أنسرق وهو جمبها
..
شافتها هنادي واقفه لحاله وترجف وكاشفة عن وجهها
واضح أنها ما تدري وش تسوي
الكل ركض لها لم شافتهم
طرررااخ طاحت على وجهها مغمى عليها
.................................................. .............
Like
رد مع اقتباس إقتباس متعدد لهذه المشاركة الرد السريع على هذه المشاركة
#40 أضافة تقييم إلى ام مزن تقرير بمشاركة سيئة
قديم 25-10-14, 12:31 AM