الفصل 8
: الفصل الثامن :
تبيني أعتذر لك لا والله خسي أنت أصغر من كلمة أسفة بين الشفاة
روان : يعني لازم تروحون بكرة
أم روان : هو فشيلة أقول لأم صالح أجلنا الطلعة
روان : ومتى بتجون من المزرعة ...
أم روان : يعني 11 الليل
روان : ومتى بتروحون
أم روان : أنا بأروح 9 الصبح عشان أزين الأغراض هناك
روان : وليش كل هالمدة كان خليتوها عشا وبس
أم روان : وأنا أمك وش بيجيك هنا سكري الباب عليك وخلاص
روان : مو على كذا بس ماخذة موعد في المستشفى بكرة الظهر
وما أقدر أقول لهم يأجلونه وأنا اللي بتضرر ساعتها.......
أم روان : والله مشكلة كان نرسل السواق يوديك ثم يرجع لنا .
روان :يمه الطريق حتى يجي ساعة ونص بيندق لين أنا أخلص وأحتمال ساعتين مع زحمة الناس عشان أدخل موعدي بعدين يرجعني البيت ويروح المزرعة مشوار يمه فكري فيها .
سكتت أم روان شوي ثم قالت : خلي هنادي توديك
روان فرحت : عادي ؟
أم روان : أيه عادي أسأليها وشوفي
روان : بس ماعندهم سواق يعني بدر اللي بيوديني
أم روان : وأنتي بتركبين لحالك مستحيل هنادي تخليك
روان : خلاص أدق عليها وأشوف ..........
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,
وهي ماشيه ناظرت جزمتها لقت حبالها انفكت : يووووووووه والله أني رجة أشوى أني ما طحت
وأأأأأأأأأأأي ما تشوفين ..........
هنادي بسرعة : ماشفتك
تركي : عميا اللحين وش بيوخر العصير من ثوبي
هنادي ردت : وأنت بعد تمشي في طريقي
تركي : أجل وين أمشي طال عمرك
هنادي : فبليس ضاقت عليك بعدين أصلا ليش داخل هنا أشكالك حدها الشوارع ولا أختفت مطاعم الرياض وجيت هنا عشان تشرب عصير.......
تركي : لا يكون السوق مكتوب بأسم أبوك .
هنادي حست أنها طولت معاه راحت وخذت الطلبية وجلست تتعشا شافته يمسح ثوبة جلست تضحك شكله غلط وهو عليه العصير لا وبعد برتقال .......
خذت طلبيتها وراحت للطاولة وتعشت راحت تكمل مشوارها التسوقي دخلت محل جزم رياضية جلست تختار حست أن في أحد وراها غير الشغالة اللتفتت لقته : نعم لاحقني
تركي : يعني الناس هالأيام ماعندها ذوق حتى أسف ما قلتي
هنادي : تخسى أقولك أسف والله قال أيش أسف
تركي بعناد : أسمعي بأمشي وراك لم تطلعين وأنا وراك لم تعتذرين.
هنادي : وش بتسوي بتطقني ولا بتلاحقني لحد بيتي
تركي : يمكن ليش لا
هنادي : أنت قرب بس وشوف وش بيصير
تركي : نشوف.....
دقت هنادي على بدر وقال لها عشر دقايق ويكون عندها
راحت وجلست قريب من البوابة وتركي وراها بس ماعطته وجه
أنتظرت ورن بدر عليها وطلعت وركبت السيارة .....
بدر : من ذا اللي وراك
هنادي : واحد ولد كلب ما يستحي يلاحقني
بدر : عطيتيه وجه
هنادي : أنا أعطي وجه له الأشكال
بدر مشى ومشى وراهم تركي ........
بدر : اللحين ذا وش يبي
هنادي : سخيف
بدر : ما يعرف وش بسوي فيه
هنادي : أكيد ما يعرف
وصلو للبيت ......
بدر : انزلي ولا تقولين لأمي أني برى بتفاهم مع ذا
هنادي ببرود : لا تطقه واجد
بدر يأشر على عيونه : من عيوني
هنادي : فديت عيونك
ودخلت البيت ..........
بدر نزل من السيارة وراح لتركي
فتح تركي الشباك ......
بدر : خير أن شاء الله طول عرض وشنبك مترين وتلاحق بنات الناس ماتستحي على وجهك هذي حركات يسويها رجال ....
تركي : رجال وغصب عنك
فتح بدر باب السيارة وسحب تركي من ثوبه :رجال قابلني
...............
هنادي : لا هو له خمس دقايق جالس برى وأخاف أطل من الشباك
روان : الله يستر بس بدر متهور
هنادي : هذا طبعه
روان : بغيتك بطلب
هنادي :وش ذا الأدب أطلبي
روان : بكرة أهلي بيروحون المزرعة من 9 الصبح
هنادي : يييووووووووووه رايقين
روان : خلني أكمل
هنادي : كملي
روان : وأنا الظهر عندي موعد في المستشفى الظهر وما عندي أحد يوديني ففضل لا أمرا توصليني .......
صرخت هنادي : ووووووووووووووالله من عيوني فلة بس بشرط ؟
روان : وشو
هنادي : أني أدخل معك
روان : تجلسين في غرفة الأنتظار أما معي عند الدكتورة أحلمي
هنادي : أي شي المهم أدخل
روان : وش تبين بالمستشفيات والله العظيم غثى
هنادي : مابقي على الدراسة شي خليني أوسع صدري
روان : إلا كم باقي
هنادي : أسبوعين ونص
روان : ترى أستعدي فيصل بتمسكينه
هنادي : يا قلبو فصولي أكيد بأمسكة
روان : بس بشرط
هنادي : وشو
روان : ممنوع البوسات
هنادي : لاااا حرام عليك تعذبيني ما أمسك عمري
روان : وش حرام مسيكين كل ما جيتني تصير خدود حمر منك
عمى
هنادي : يعميك إلا تلاحظين شي ؟
روان : وشو
هنادي : أن أتفقنا خلاص وما قلت لأمي ولا بدر
روان : يا الخايسة روحي قولي له اللحين بسرعة
هنادي : ههههه طيب عساه بس يعطيني وجه أكيد بيدخل معصب
روان : لا بليز حاولي معه
هنادي : أجل يله بايووو
روان : باي
راحت هنادي ودخلت غرفة بدر لقته جالس على السرير جلست جمبه ........
هنادي : حياتي بدر وش سويت معاه
بدر : وش
هنادي : بلا أستهبال الرجال
بدر : سالفة وراحت لا تسألين عنها
هنادي : طيب ممكن طلب
بدر : اطلبي
هنادي وتقول له سالفة روان كلها ....
ها وش قلت
بدر : قلتي لأمي
هنادي : لا
بدر : إذا قلتي لها ووافقت ردي لي خبر
هنادي : يعني موافق
بدر : وأنا قد قلت لك لا
هنادي : أحيانا
بدر : أذا كان طلبك سخيف
هنادي : زين بأروح أقول لأمي لا تنام عشان أرد لك خبر
وطارت لأمها وقالت لها روحي لأبوك وراحت لأبوها وجلست عنده ربع ساعة حتى وافق ورجعت لقته نام قالت بكرة أقومة الظهر غصب عنه ودقت على روان وخذت منها موعد يمرونها بعد صلاة الظهر على طول .......
جلست على النت ساعتين ونامت .......
// // // // // // // // // // /// /// /// //////// //// ////// /////
محمد جالس مع هيثم صديقة بجدة ........
هيثم : دحين وبعدين معاك إلى متى جالسن كدا ما أحكي أي شي ساكت طفشت ......
محمد : وش اقول
هيثم : أحكي عن أي شي
محمد : مثل
هيثم : سنة كاملة ما شفتك ما صار فيها حاجة تكلم يا أخي
محمد : مالي نفس
هيثم : وليش مالك نفس أنا لي ساعة أتكلم وأنت ساكت
محمد : وش أقولك عنه
هيثم : زوجتك عيالك أهلك قرايبك أهلك كلهم عملك حياتك العامة أي حاجة
محمد : وش أقول تزوجت وطلقت وحملت وجابت ولد سميته فيصل تزوجت وطلقت من قريب وش تبغى تعرف عن حياتي
هيثم : وكل هذا صار لك يعني البنت اللي كنت تحبها طلقتها وليش وش عملت ؟
محمد يأشر بيده : خلها على الله
هيثم : وتفكر تتزوج مرة ثانية ..
محمد : قصدك ثالثة أذا لقيت بنت الحلال إللي تناسبني ما عندي مانع بس أذال ما تحقق اللي في راسي .
هيثم : الله يعينك والله حالتك صعبة شوف وجهك في المراية كيف صاير أصفر من قل الأكل طيب بأفرفش عنك شوية بكرة دوامك لحد كم؟
محمد : 4 العصر
هيثم : أيش رايك نروح نتمشى في مول منها نغير جو ومنها تشتري أي حاجة لأبنك
محمد أبتسم وبهدوء : يصير خير
هيثم : يعني خلاص رايحين بكرة
محمد : رايحن
/////////////////////// //////////////// ////////////////// /////////////
هنادي بدفاشة : قوووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووم تأخرنا الساعة 12 ونص وأنت نايم والبنت تحترينا هناك تحرك نايم تقهر
بدر ياله يرد : وش صاير
هنادي : قوم أبوي قال عادي روحي مع روان المستشفى
قوم أنت الللي بتودينا
بدر : ورى ما قلتي لي أمس ........
هنادي : رجعت شفتك نايم خفت أقومك تعصب علي
بدر : أجل يلة مشينا قام ودخل الحمام طلع لبس ثوبه فكر يمشط شعرة ولا مو وقته صلى الظهر وطلع وراحو لروان عند البيت .
هنادي : اللحين ورى ما زينت شعرك بتخوف ولد روان
بدر مو رايق : ما ودك تسكتين
دقيقة وطلعت لهم روان ركبت السيارة ومشو .......
وصلو للمستشفى .......
بدر : أحطكم و أروح لا خلصتو دقو علي
هنادي : يله روان
ونزلو وجلسو في غرفة أنتظار النساء ....
هنادي : تشمين ريحة
روان : لا
هنادي : ريحة شي مخيس
روان : لا ماأشم شي
هنادي : ريحة رحية قومـ؛ـــــــــــــي غيري لولدك
روان : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههه الله يرجك أحد قالك تمسكينة هاتية
خذته وراحت للدورات المياه بعد عشر دقايق رجعت ....
هنادي نادو على أسمك لم رحتي عطت فيصل لهنادي وراحت ورجعت
هنادي: ليش رجعتي
روان : دخلو مريضة لا خلصت بادخل .......
هنادي : مايصبرون
روان : وراي عشرين مريضة ويبون يخلصون قبل 4 العصر
إلا وش صار مع اللي لحقك أمس
هنادي : سألت بدر قال مالك دخل
روان : اليوم شكل بدر يخوف ما عرفته هو وشعره شكلة توه قايم من النوم .
هنادي : بالعافية قام أف نومه ثقيل
روان : يمكن فيه فقر دم
هنادي : بسم الله علىأخوي
روان : قلت يمكن مو أكيد
وجلسو يسولفون نص ساعة ودخلت على الدكتورة بعد ما خلصت دقو على بدر ...
هنادي : ما يرد
روان : دقي مرة ثانية
دقت ولا رد
روان : دقي لين يرد
دقت هنادي 5 مرات ولا رد
روان : أخاف رجع نام
هنادي: يووووووووه والله البلشة
روان : دقي على امك خليه تقومه
دقت هنادي على أمها وقالت بتقومه
بعد ربع ساعة جاهم ووصلو روان .....
روان : مشكور بدر تعبتك معي
بدر ساكت فيه النوم ومو رايق لأحد
نزلت روان
بدر حرك السيارة
هنادي : ووووووووقف
وقف بدر بسرعة : وش فيه
هنادي : روان ما دخلت البيت ليش نروح فتحت الشباك
هنادي : روان معك مفتاح
روان : أشرت بالمفتاح لهنادي عشان تتطمن
ومشى بدر .........
دخلت روان المفتاح في الباب بس ما دخل طالعت زين لقته مفتاح غرفتها مو البيت جلست تدور في الشنطة ما لقته ......
جلست على الدرج وحطت فيصل بحضنها وجلست تدور في الشنطة ما لقت : يا ربي وش هالورطة
دقت على أبوها مافي شبكة دقت على أمها مافي شبكة
والجو حااار مرة فكرت تدق على هنادي بس استحت توهم موصلينها وبدر مو رايق صعبه
انتفضت على الصوت .......