الفصل 6
: الفصل السادس :
اللي جرا لي أنا وقلبي بيجرا لك ..
تو الليالي حزينة في بدايتها ...
أشغلت بالي سهر وينشغل بالك.
وبتشوف ليلة عذاب عيوني شافتها ..
...................................
ماجد أخو محمد اللي كان عند الباب أكبر بسنة من محمد متزوج وعنده بنت صغيرة ..
رفع راسة وشاف الملاك ولف بسرعة ..
جميلة انصدمت ما تدري وش تسوي حطت رجلها وانحاشت ..
دخلت : خالتي في رجال برى ما أعرف من هو ...
أم خالد نادت الشغالة تطلع بس ما لقت احد ورجعت :
ماما مافي أحد برى ..
أم خالد :خلاص روحي يمكن غلطان ..
جميلة : تأخرو ...
دقايق ودق الجرس فتحت الشغالة وكانو أهل محمد
بدرية وسامية وفوزية خوات أبو خالد و
وسارة ومها وهدى وجواهر الصغيرة خوات محمد..
خمس دقايق وكانو في بيت روان استقبلت أم روان وضيفتهم ورقت فوق عشان تقول لروان تنزل لهم ..
روان جالسة عند المراية تتعطر ..
أم روان : حلوة خلاص انزلي تحت يسألون عنك.
روان : من جاي ..
أم روان : انزلي وشوفي ..
روان : طيب دقايق وأنزل ..
أم روان عصبت : أقول بلا دلع انزلي بسرعة واللحين فاهمة .
روان وهي تشيل فيصل : خلاص لا تعصبين بأنزل معك .
نزلو سلمت عليهم وبدرية خذت فيصل تسمي علية جلست روان جمب أمها ..
روان بصوت واطي : يمة مين اللي لابسة أحمر .
أم روان بنفس صوتها : هذي جميلة زوجة محمد .
روان : عشان كذا بس مدة يدها ..
أم روان : خلاص اسكتي ..
بدرية وتعطي فيصل لجميلة عشان فوزية تبي تشيلة ..
جميلة : وع شيلية عني ..
انتبهت روان للصوت وسكتت ..
بدرية : عطيه فوزية ..
جميلة : ما أبي اشيله قومي عطيها ..
بدرية : حشى منتي صاحية ..
قامت فوزية وخذته من بدرية : ما شاء الله الله يخليه لكم ..
أم روان : آمين ..
جواهر : وش أخبارك روان ..
روان : الحمد الله
جواهر : ها وش أخبار الولادة عسى ما تعبتي ..
روان : أول يومين بعد خف الألم
هدى : أيه البكر يتعب ..
ما عرفت روان وش ترد عليها ..
سارة : تصدقين يشبه روان أكثر من محمد ..
جواهر : خشمه مثل محمد ...
أم خالد : كن هو لم كان صغير ...
أم روان : الغالبية العيال على الأبو والبنات على الأم ..
واندمجو في السوالف ..
وروان ساكته وسرحانة في أفكارها ..
وجميلة تطالعها ما توقعتها جذابة صحيح أني احلا منها بس هي تجذب وسرحت في اللي شافته اليوم عند الباب كان له هيبة عجيبة
أأأأخ لو أعرفه ...
قطع سرحان روان صياح فيصل خذته وطلعت تسكته
وقامت بدرية وراها ..
انتبهت روان لبدرية : أمري ..
بدرية : ما يامر عليك عدو سكتي فيصل وأبيك في سالفة ..
جلسو في الصالة دقيقة وسكت فيصل ...
بدرية : عسى ما زعلتي عشان جميلة و...
قاطعتها روان : أصلا ما تهمني ..
بدرية : طيب أنتي شفتها وش رايك فيها ..
روان : ما أحب اسوي حساسيات بين أحد ..
بدرية : لا عادي قولي الصراحة
روان هزت بمعنى : لا
بدرية : صراحة كلنا من شفناها ما ارتحنا لها
روان : ما جلست معها
بدرية : محمد أول ما شافها حبها على طول عشان شكلها
بعدين ترى ندم ..
روان : محمد طلقني بالثلاث يعني ليش تقوللي انه ندمان ماراح يفيدني هالكلام ..
بدرية : يبيك تسامحينه
روان : اصلا نسيته
بدرية : ما نسيتي
روان : بدرية افهميني أنا محمد خلاص ما بيني وبينه أي شي سوى فيصل فلا تذكروني فيه لأنه لا يفيدكم ولا يفيدني ..
بدرية اقتنعت : حددي لمحمد متى يقدر يجي يشوف فيصل هو كل أسبوع بيجي متى تبين ..
روان : الجمعة العصر ..
بدرية وهي تقوم : خلاص تم ...
دخلت للمجلس عشر دقايق ومشو راحت معاهم روان لعند الباب
طلعو كلهم وأخر وحدة جميلة : محمد مو عند الباب أحسن أدخلي
روان : ما وقفت عشان محمد بس أحترام لكم
جميلة : احترام ؟
أصلا محمد ما طلقك بهالسرعة ألا شايف فيك شي ضحكت ومشت سكرت روان الباب ودخلت جو .......
لقت جميلة محمد في سيارته موقف وأشر لها تركب ركبت ..
محمد : كسرتي كلامي ورحتي
جميلة : أمك قالت روحي ورحت ...
محمد : وأنا وش قايل ..
سكتت جميلة شغل السيارة ومشى
محمد : ليش أخر وحدة طلعتي أنتي ..؟
جميلة : وإذا طلعت أخر وحدة وش يفرق يعني ؟
محمد : أنا سألتك وجاوبيني ..
جميلة : وشفيك ضاعت طرحتي وخذت وقت ولقيتها ..
محمد : أن وصلني يا جميلة أنك مضايقة روان ماراح تشوفين خير ....
جميلة : ليش تكلمها ؟
محمد : أكلمها ما أكلمها ما لك دخل ..
جميلة : حلوه مالي دخل أنا زوجتك ..
محمد : وحسافة هالكلمة تكون لك ..
جميلة : محمد ترى ما صارت عيشة زودتها معي
محمد : إذا تعدلتي عاملتك زين ...
جميلة : ااااااااااااااااااااااااا اااووووف
محمد هز راسة وشغل المسجل وعلى عليه يبي يطلع من هالجو ..
بدر جالس في الصالة يناظر التلفزيون وساكت ...
جت عنده هنادي
هنادي : نعم ناديتني
بدر : لا
هنادي : كني سامعه إلا مناديني .
بدر : ما ناديتك توهمين
هنادي : يمكن
بدر : وين أمي
هنادي : راحت لأمها
بدر : هنادي
هنادي : جدتي ما ينمزح معك ..
بدر : ورا ما رحتي معها
هنادي : مالي خلق
مسك جواله وكأنه تذكر شي
بدر: بعدين تعرفين كم فاتورة جوالك ؟
هنادي : مو لازم تعرف .
بدر : لا عارف
هنادي : طيب وش أ سوي لك .
بدر: 540رسالة
هنادي : يعني ما ركزت إلا على الرسايل والمكالمات عادي
بدر : ما قلت شي أنتم بنات وتحبون الحكي الزايد بس مستغرب من الرسايل .؟
ناظرها بنظرات غريبة أول مرة تشوفها هنادي
هنادي : وش فيك شاك ركضت فوق بسرعة وجابت جوالها
: خذ فتش وش هالنظرات ..
خذه بدر : أنا عمري ما شكيت فيك أنتي فهمتيني غلط
بس دام انك قلتي فتش ماعندي مانع : كم الرمز ؟
خذته هنادي ورجعته له ..
دخل الرسايل : الله من ذي (رفيقة دربي )؟
هنادي : ومن غيرها .. روان
دخل الرسالة الأولى : ( بأدخل 9 )
دخل رسالة ثانية : ( خ خخ خخخ خخخ ألعبي غيرها شايفتني بزر تلعبين عليها )
كمل على الرسايل لم وصل رسالة جذبته :
( ركبنا كاشف بس التبن ما دق ... فيني لقافة أبي أعرف من هو )
هنادي تتأفف : الله من اللقافة ... المهم بأروح أتسبح أطلع القاه على سريري يا ملقوف ..
بدر : روحي تسبحي
راحت هنادي..
مسك بدر جواله وسجل رقم روان بأسم (سكرانك)
نطل جوال هنادي على الكنب وطلع من البيت دق على خوية ناصر
ناصر: هلا
بدر : سلام
ناصر:عليكم السلام وش عندك داق اللحين العصر شايفك
بدر: بغيتك
ناصر: وش
بدر : أبي رقم حلو بدون اسم
ناصر: ليش؟
بدر : ما عليك بتجيب لي ولا لا لأني مشغول وابيه بكرة الظهر وأنت لا شغل ولا مشغلة .........
ناصر: بأجيب لك
بدر : تسلم ما تقصر
ناصر: يلة مع السلامة
بدر : مع السلامة
ناصر: لححظة
بدر : وش عندك
ناصر: يلعن حظي شو بحبك
بدر : ههه أقول مع السلامة
ناصر: يلة مع السلامة ..
==================================
محمد : لازم أسافر بكرة عندي شغل
جميلة : خذني معك
محمد وهو يتعدل على السرير : يا بنت الحلال ما أقدر
جميلة : ما قد شفت جدة
محمد : لم نروح مكة في رمضان ننزل لجدة وبتشوفينها
جميلة : تتركني لحالي اهون عليك .
محمد : بأوديك بيت اهلي اقعدي في غرفتي كلها 5 ايام وراجع
جميلة : طيب متى بتروح
محمد : بكرة العشا
جميلة : بتوحشني
محمد : إلا ما تلاحظين انك ما حملتي
جميلة : مو أنا أخر وحدة يتأخر حملها
محمد : بس أتمنى تحملين .
جميلة : ادعلي
تغطى محمد بالبطانية وراحت للصالة شغلت التلفزيون وعلت علية
جاها صوت محمد تقصرة ..
طفته وراحت الغرفة ونامت .......
==================================
الساعة 4 العصر ..
روان : الو مين معي
بدر : معك واحد
روان : نعم وش تبغى
بدر : بأتعرف
روان : والله انك فاضي وسكرت الجوال
رجع دق وحطته صامت .................................
أرسل لها (يا حلوة ردي)
طنشت ارسل لها (طيب متى أقدر أكلمك ؟)
حطته على السرير ....
وجلست تلعب فيصل وتبوسة دق جوالها طالعة الشاشة تفاجأة أنه محمد انتظرت شوي وردت ..
روان : الو
محمد : السلام عليكم
روان : وعليكم السلام
محمد : موجودين في البيت
روان : ايه ليش؟
محمد : بأمر بعد المغرب بأشوف فصولي لأني مسافر .
روان بهدوء غريب : يصير خير
محمد ومثل درجة صوتها : وشفيك .
روان : لا مافي شي بس ياليت ما تدق على جوالي
محمد : وإذا بغيت شي ضروري
روان : دق على البيت لأن أبوي لو يدري بيهاوشني
محمد : خلاص من عيوني
روان : أجل مع السلامة
محمد : فيصل محتاج شي عادي قولي لي ؟
روان : ابد سلامتك .
ارتعش جسم محمد من زمان ما كلمته روان بها الأسلوب
روان شافته طول مارد : محمد تبي شي ثاني بأسكر
محمد : لا لا مع السلامة .
سكرت روان وخذت فيصل ونزلت تحت عند أمها
++++++++++++++++++++++++++++++
الساعة 7 المغرب ...
عند بيت محمد : يله انزلي
جميلة : ما راح تنزل تسلم
محمد : لا ما أبي انزل
جميلة : طيب شيل الشناط ثقيلة .
محمد : أحد قالك تجيبين 3 شناط
جميلة : يلة لا تصير نذل قوم معي
محمد : شيلي شنطة وادخلي ثم ارجعي وشيلي الثانية وارجعي شيلي الثالثة ولا تنادين الشغالة فاهمة .
جميلة : تمزح
محمد : ما أمزح أنا جاد....
جميلة بأستسلام : أمري لله ونزلت خذت مفتاح البيت من محمد ودخلت الأولى وحطتها عند الباب شافت البيت هادي نادت على الشغالة نزلت من فوق
ميري : نعم
جميلة : وين ماما
ميري : كله في روح زواج
جميلة : زواج مين
ميري: ما أعرف
جميلة : خلاص روحي راحت الشغالة وفجأة صرخت
محمد : بوووووووووووووووووه خفتي
جميلة : يا سخفك خوفتني
محمد كان جايب الشناط حطها على الأرض : وين أهلي
جميلة : تقول الشغالة رايحين زواج إلا وش غير رايك .
محمد قرب منها : أمزح معك صدقتي
جميلة : أكيد صدقت خفت أقولك شي تصرخ عليا
محمد : ها تبين شي
جميلة : لا سلامتك
باسها على خدها بقوة بعدين عضها
جميلة بدلع : آآآآآآي
محمد : بتوحشيني
جميلة : وأنا أكثر
محمد : يلة مع السلامة وطلع من البيت راح بيشوف فيصل رن الجرس جت الشغالة وفتحت الباب ..
محمد : وين بابا
راحت ولا ردت علية عصب : هيه أنتي ردي بس دخلت جوا
فتحت أم روان باب المجلس : محمد ادخل
دخل وجلس :وين فيصل
أم روان طلعت ولا ردت عليه تنرفز أكثر شوي وجت وعطته
وهي ساكته .....
محمد : خالتي وراك ما رديتي علي
أم روان : لأنك من دخلت حتى سلام ما قلت تبيني أرد عليك
محمد : السموحة خالتي بس الشغالة أناديها ما ردت
أم روان : المهم أنا بأروح أشوف شغلي لا بغيت تروح نادني وطلعت ..
محمد يكلم فيصل : فصول حبيبي فديتك
وفيصل يناظره ولا يدري وش السالفة
محمد : متى تكبر أذا كبرت وتزوجت تسمي ولدك محمد
عشان يصير محمد بن فيصل بن محمد وش رايك ؟
وجلس يسولف له لم طفش وطلع شغل سيارته ومشى رايح لجدة ...
.. ... ... .... .... .. .... .... ... ............. ................. ........
جميلة رتبت أغرضها في غرفة محمد انسدحت على السرير
فكرت تتسبح وتتعشا وتنام لأنها تعبت اليوم في ترتيب ملابسها هي ومحمد ...
دخلت الحمام .....
في الصالة دخل ماجد: ميري ميرييييييييييييي
جت له
ماجد : وينهم
ميري : مافي أحد بس ماما جميلة
ماجد : ومحمد
ميري : مافي
ماجد : جميلة شعرها أحمر
ميري : نعم بابا
ابتسم ماجد : طيب خلاص روحي .....
رقى ماجد الدرج وعلى طول راح لغرفة محمد سمع صوت موية :
أكيد تتسبح
جلس في الغرفة اللي جمبها ويخطط في راسة وش يسوي
طلعت جميلة من الحمام .... : شكلي ما راح اتعشى
طلعت تشيرت أبيض وبرمودا أسود لبسته ومشطت شعرها تعطرت ...
انطق الباب جميلة : ادخلي
دخل ماجد ....
ناظرته جميلة : أنت
ماجد : أيه أنا
جميلة وهي تبتسم : مين أنت.؟
ماجد : مجودي
جميلة : أنت ماجد
ماجد : أجل محمد جلس يطالعها من فوق لا تحت : أنتي خيال
تعرفين وش معنى خيال
جميلة في عز فرحتها بوجود ماجد معها وما تدري هي وش تسوي في حياتها : الله يخليلك عيونك الحلوين
تعال نجلس في الصالة
ماجد : عادي عندك
جميلة بسرعه : أيه أكيد عادي
ماجد وهو يقرب لها ولمس خدها بيده: وهينا
جميلة بهدوء : كيفك
ماجد : تفهميني أنتي أكيد أقولك هنا معي
جميلة تجلس على كرسي التسريحة : أقولك عادي
ماجد ": اسمعي أنتي مره فلة وعشان كذا بس رايح أجيب جوالي من السيارة وراجع لا تتحركين ..
راح ماجد لسيارته خذ جواله ودق على محمد
محمد : هلا وغلا
ماجد : هلا وش أخبارك
محمد : بخير وش أخبارك وأخبار الأهل
ماجد : بخير جعلك بخير
محمد : وش عندك داق
ماجد تورط : بأطلع البر بكرة تخاويني
محمد : ماجد الدنيا حر وش بران اللحين
ماجد هنا كلها جد : لا نغير جو
محمد : تستهبل الدنيا حر ونغير جو بالبر
ماجد : نروح 9 الصبح إلى العصر ونرجع الجو زين
محمد : يقال لك ترقعها اللحين .
ماجد : أنا جاد
محمد : شارب
ماجد : وش شارب الله يهديك بتروح معي ولا لا
محمد وفيه الضحكة : لا روح لحالك ولا أوصيك خذ الفروة أخاف تبرد. بعدين أنا بكرة في جدة
ماجد : شغل
محمد : أيه 5 أيام وراجع ومرتي حطيتها عند اهلي
ياليت حرمتك تجي هالأيام لها أكيد بتطفش لحالها مع طلعات أمي الكثيرة .
ماجد : وأنت في الرياض
محمد : ايه قريب من بيت أهلي رحت السوبر ماركت اشتري أغراض للسفرة تخبر بأروح بالسيارة واللحين واقف عند الصيدلية .
ماجد : احلف ..محمد : ليش ..
انقطع الخط ...
استغرب محمد ماجد فيه شي غريبة يدق عليه وسالفة البر ما دخلت راسه ...ركب السيارة ومشى قلبة مو مطمن ..
ماجد من عرف أن محمد قريب ركب سيارته وراح حتى باب البيت ما سكرة ........
جميلة أنتظرت ماجد ما رجع نزلت تبي تتأكد :
ماجد : مااااااااااااجد يالحلو وينك
ماجد ماااااااااااااااااااااااا جد
وما حست بعمرها ألا في الأرض...