الفصل 2
الــــجـــــزء الــــثـــانــــي
(بعد شهر من الأحداث السابقة وبعد انتهاء اختبارات الجامعة)
......../ هاه ردت عليك البنت ولا توها ...كل هذا تفكير ... تحمد ربها أننا خطبناها
......./ يمه الله يهديك من حقها تفكر وتأخذ وقتها بالتفكير بعدين لازم تشاور اهلها .... هذا زواج مو لعبه ولو ماتوافق على حمد يكون احسن لإنه ما يستاهلها
أم حمد بعصبية / شوفي ياندى إن دريت انك قايلتلها ترفض والله ثم والله لأوريك شغل ربي فاهمه ولا لا
ندى بخوف / خلاص ابدق
ترن ترن / آلـــو
ندى / السلام عليكم ملاك موجودة
....../ ملاك بلحمها وشحمها معك أي خدمة مدام ندى
ندى / الله ياخذك قولي آمين منين جايبه هالصوت تصدقين صوتك محلوووو
ملاك/ قولي ماشاءالله أحلى مافيني صوتي وجسمي وبتحسدينه بعد
ندى /ههههههههه ماشاءالله تبارك الله...............ملاااك مارديتي علي بالموضوع اللي كلمتك فيه ....كانك موافقه قولي وكانك رافضه ماراح يأثر بصداقتنا شيء بتظلين عزيزة وغالية
ملاك وهي سرحانه بدنيا غير دنيانا ...بدنيا رسمتها هي بأحلامها ...
بدنيا تحوي كل اللي تحب واللي تتمنى وكان من أساسياتها شخص واحد انبنت عليه أحلام الطفولة والمراهقة والشباب ....
أحلام حكايات الحب والعشق والهيام ...أحلام الزواج والأبناء....أحلام السعادة والهناء ....
احلام مليئة بالرومانسية وكلمات الغزل وحركاته ...
كان بطل أحلامها دائماً يتوج ملكاً عندها مع انها تعرف صفاته لكن مثل مايقولون الحب يدفن العذاريب
حمد كان تعلق الطفوله وحب المراهقه وعشق الشباب .. تعلقت فيه من كلام أخته والمرات اللي شافته عند المدرسة يغازل أو ياخذ خولته ...
على رغم فارق السن الكبييييير إلا انها تحبه وكان بطل أحلامها ... ما كانت تتصور أن أحلامها تتحول لحقيقة ويجي يخطبها هي
لإنها عارفه الفرق الشاااااسع بين شكله وشكلها أبيض منها وأنعم شعر وأجمل منها والأهم من ذا كله
هو تاجر وهي بنت ناس على قد حالهم صحيح أخوانها وأعمامها واخوالها يسمون
أغنياء لكن ما طالها من غناهم شيء وكأنها بنت عائله ثانيه وأبوها مات ولا تركلها ولا شيء من بعده
ندى / ملااااك ملااااك ملاااااااااااااااك
ملاك / وجع إنشاء الله فجرتي اذاني نعم وش تبين ؟؟
ندى/لا تو الناس خير من الصبح أناديك ولا تردين علي عسى ماشر ست ملاك
ملاك / ههههههه آآآآسفه والله
ندى / يالله هالمرة سماح هاه وش قلتي ؟؟
ملاك/ وش قلت ؟؟
ندى / بلا استخفاف دم عن موضوع حمد
ملاك بخجل /أنا عن نفسي موافقه لكن ابعطيكم رقم اخوي عبدالله وكلموه
ندى بشوية ضيقه من الموافقة / الله يتمم عليكم بخير .. ويالله يامرت أخوي المنتظره أبروح أبشر أمي .....لحظه لحظه عطيني رقم جوال أخوك
ملاك / اكتبي معي 0555*******
ندى/ مع السلامه
ملاك/ في حفظ الله ورعايته
.................................
بـــعـــد أســـبــــوع
....../ أقولك خالد سأل عنه يوم وصاه عبدالله يقول داج وداشر ياخذ مصروفه من أبوه تقولين ماعليه أبغاه وش تبغين فيه ؟؟
ملاك / اسمعيني ياهدى من تتوقعين راح يجيني هذا انتم اكبر وحده تزوجت فيكم كان عمرها 16 وتنخطبون من اول ماتتغطون لكن انا كل اللي جوني 3 اللي يشتغل على الحدود واللي يمني ماخذ جنسيه وكل ما أكبر راح يجيني أردى منهم منهم أحمد ربي أنه جاني جمال ومال و...
هدى / وأيش مافيه إلا هالميزتين ولا باقي الصفات كل وحده أردى من الثانيه لاأخلاق ولا دين ولا.....
ملاك / خلاص يكفي أنا عارفه عيوبه وأدرى وحده فيهم وبعدين ناره ولا جنتكم
هدى بضيق/ أفا ...أفا والله ياملاك الحين حنا صرنا نار .........
حنا اللي نبيك وندور مصلحتك صرنا نار
ملاك/ أنا ماأنكر أنكم تحبوني بس كل وحده لاهيه بزوجها وعيالها وحياتها الخاصه لو كانت تدور مصلحتي وراحتي ماراح تدوم لي وانت أعرف وحده بأخواني كلهم يبون الفكه مني اليوم قبل بكره وحتى عبدالله صدق هو طيب وأعتبره أبوي الثاني بس حرمته شرانية وهي قايلتلي لو تجين مرة ثانيه لأوريك النجوم بعز الظهر
قوليلي ياهدى من أروحله ومن ألجأ له واخواني كل مالهم ويضيقون علي وانا لايمكن أقعد ببيت رجال غريب حتى لو كان رجل أختي
ودخلت بنوبة بكاء شديده طلعت فيها كل مشاعرها المكبوته من وفاة أبوها وأمها لقسوة اخوانهاوحريمهم وظلم وجور الأيام لها
هدى ارتبكت ماعرفت وش تسوي كان المنظر غريب عليها لإن ملاك من النوع اللي مايظهر مشاعر الحزن عليه وحتى لو كان المصاب كبير تبكي في معزل عن الناس ما تبغى الناس يشوفون دموعها وتبين أنها ضعيفة قدامهم
يوم تسوي الحادث هي وأمها وأبوها عبى طريق مكه وصحت من الغيبوبة ودرت بالخبر طاحت عليهم على طول وجلست أتعس أسبوعين بحياتها بالمستشفى تصحى وتبكي وترجع تفقد وعيها أسبوعين كاملات بعدها ماأحد شلف دموعها مايسمعمون غير صوت ونينها داخل غرفتها ويشوفون عيونها كيف صارت بعد البكاء
هدى تقرب لملاك تحاول تهديها / خلاص ملاك حبيبتي ماراح أقول لأحد شيء حتى خالد أبقوله مايعلم عبدالله وانا متأكده إن اخواني اللي بالرياض ماراح يسألون عنه
وراح يظل سر بيني وبينك اتفقنا
هدى وبتردد وبشكل مفاجئ / مـــلاك
ملك وصوتها مخنوق من البكاء / نــعــ.....نـــعـــم
هدى / أنتي تحبينه ؟؟
ملاك متفاجئه من سؤال هدى ما عرفت وش ترد عليها هي ماكانت مستعده انها تجاوب على سؤال زي كذا لإنها ماتصورت أحد يسألها وطبعها ماتبوح بمشاعرها لأحد حتى صديقتها المقربه لها ندى ماتدري عن هذا الحب
[لما تأخرت عن الإجابه عرفت هدى الجةاب وابتسمت ثم قامت وتركت الغرفه لملاك تيبح في أحلامها]
...............................
دخل على أطراف أصابعه بيرقى الدرج لدور الثاني الساعه 11 الصباح وتوه راجع من سهرة أمس ويخاف أبوه يهاوشه ...... قطع الصاله بنجاح وبدى يرقى الدرج ومع أول تنهيدات الإرتياح والأمان جاه مالايتمنى
.........../ حــــــــــــــمـــــــــ ـــــد
حمد/ سم طال عمرك [ومشى لأبوه وحب راسه ]
أبو حمد / أنت متى زواجك ؟؟
حمد أخذ يميل فمه دليل الضيق والإنزعاج [والله من زينه من زواج ومن زينه الزوجه بعد هي كلها سنه وأخذ حبيبة قلبي وابتسم لما جاء طاري شوق على باله]
أبو حمد / مدامك مبسوط على الزواج ليش ماتزوجت من زمان بدال ماتسوي مسرحيتك أنت وامك وتزعجونا ببنت خالتك .....
[حمد بنفسه كله لأجل شوق لو تدري يبه وش بتسوي ...هههه وصار يضحك]
أبو حمد /أنا أشهدأنها بنت أبوها اللي جابت راسك وخلتك تضحك لطاريها بليا وعي .......
المهم ماقلتلي متى زواجك
حمد / بعد شهر
أبو حمد / وانت ماتحركت ولا سويت شيء
حمد / وش أسوي بعد تحمد ربها أني أبتزوجها هي كانت تطول هذا اللي ناقصني
أبو حمد / أقطع ... أقطع وش ذا الكلام اللي تقوله وهذي وهي ببيت اهلها وتقولكذا أجل لو إذا عندك وش بتقول
حمد خاف أنه ينكشف /آسف يبه ... وش بغيت ؟؟؟
بو حمد / أبغاك تشتغل وتصرف على بيتك ومرتك من كدك
حمد / وش تقول يبه أنا أشتغل بعد هالعمر وانا حر نفسي أصير مـأمور .... ما اقدر يايبه اعذرني
أبو حمد / مب انت قلتلي بتسوي مشروع وتبغاني أمولك
حمد بفرح / أيه بتعطيني يبه ؟؟
أبو حمد وهو عارف ان المشروع حلم ولده وعارف بحبه له وعارف ان ولده إذا حب أخلص بالي يحبه وبعد تفكير قال / أنا بعطيك رأس المال
حمد بفرح قام وحب راس أبوه ويده / الله يطولي بعمرك يخليك ذخر لنا
أبو حمد / ترى الصبر زين ياحمد.... انا ما خلصت كلامي
أنت لين اللحين ماعرفت وش شرطي
حمد / شــــرط ...أي ِشـــــــــرط ؟؟!!
ابو حمد / الشرط هـــو .............
Like