روايه للصبر قالوا حدود - 4والأخيير - بقلم الهودج - مكتملة | روايتك

التكمله خالد:الله يستر بعد يومين عند عامر كان جاي من الجامعه مبجر عشان العصر بيستقبل امه وخالد في المطار دخل ونادى اسيل بس ماردت راح صوب المطبخ اسيل الي صار لهامده تقاوم تعبها وحساسها بالدوخه عشان فترة امتحانات عامر كانت متسنده على طاولة المطبخ لانهاحست انها بطيح من الدوخه عامر الي دخل وانصدم من شكلها راح لها ركض عامر بخوف:اسيل اشفيج اسيل الي تو تنتبه لعامر قالت بتعب:احس بصداع قوي عامر بأصرار:قومي خليني اوديج الطبيب يشوف سالفة الصداع الي صار له مده وانتي مو راضيه تروحين لطبيب اسيل استسلمت ورضت تروح لانها معاد تتحمل في الكويت ابوخالد الي متضايق من روحة ام خالد وزاد ضيقته انها طلعت من غير لا تودعه او تسلم عليه كان يتمنى انها تراجع عن قرارها لو لأخر لحظه بس ماتحقق الي تمناه في هالحظه دخلت عليه جمانه وشافت ابوها سرحان قالت بضيق:قوه يبه ابوخالد الي تو ينتبه لها:هلا والله بحبيبة ابوها وابتسم لها جمانه ليش ما أكلمه واحاول فيه دامه يغليني عن باقي اخواني وما يرفض لي طلب راحت تمشي صوبه وجلست عنده وحضنة وقالت بدلع:وحبيبة ابوها زعلانه وماخذه على خاطره منك ابوها حس ان السالفه تخص أمها قال:ما عاش من يزعل جمون وانا راسي يشم الهوا جمانه باست يده وقالت:تسلم يبه بس انا مو عاجبني الحال الي وصلت له مع امي اشلون تهون عليك بعد هالعمر وتزعلها مع انه معها حق ابوها والله ماهانت علي وتمنى رجوعها اليوم قبل بكره بس شا اقول انا ما اقدر اعترف بغلطي كبريائي ما يسمح لي قال:امج عاندتني وسافرت غصب عني جمانه بضيق:يبه انت الي حديتها تسوي هالشي ولا ناسي كلامك مع عامر يوم جا تدري انا ما شبعنا من شوفته لا هو ولا اسيل وامي تضايقت من هالشي لانك حديت عامر على انه يفكر يستقر هناك بعيد عنا ابوخالد تضايق من ذكر هالسيره وحاس بالحزن على ولده الي مالقى منه ألا الجفا والقسوه قال:جمانه شالمطلوب مني اسويه جمانه الي تجمعت الدموع بعيونها لان ابوها الي مايسمع كلام احد ولا يقبل نقاش من احد استجاب لها هي بالذات قالت:المطلوب ان امي ماتطلع من هالبيت وترد له اول ما ترجع من عند عامر وسكتت شوي وكملت:وانك تسامح عامر وتعامله مثل ما تعاملنا يبه عامر غلط والانسان مو معصوم عن الغلط وهو اعترف بغلطته وتاب وعتدل وكاهو يحاول يثبت لك انه معاد هو عامر الصايع بس انت رافض هالشي ليش انزلت ادموعها بغزاره وقامت تمسحهن ابوخالد الي عز عليه شوفة دموع بنته وحبيبة قلبه جمانه قال:حبيبتي جمون لا تبجين والي تبينه بيصير ان شالله جمانه تدري ان هالشي صعب على ابوها لان كبريائه ما يسمح له يعتذرو هالطبع هي ورثته منه قالت:يبه انا ادري ان هالشي صعب عليك بس تكفى مابي عايلتنات تشتت في تالي العمر ابوها الي زادمن ضغطه عليها وهي بحضنه قال:لا وانا ابوج مراح تشتت وكل شي بيرد مثل اول واحسن عند عامر عامر الي من سمع الخبر وهو طاير من الفرحه التفت لأسيل الي جالسه جنبه بالسياره ومستحيه من نظراته لها قال:مبروك حياتي اسيل بخجل:الله يبارك فيك عامر الي توه تذكر موعده مع امه واخوه انه بيستقبلهم بالمطار قال:اوووه ياربي شنسيت اسيل بخوف:اشفيك شصاير عامر:مواعدخالد وامي اجيهم بالمطار وشكلي بتخر عليهم اسيل باهتمام:متى توصل رحلتهم عامر زاد من سرعته متجهه للمطار:اتوقع اوصلت الحين بس ان شالله نلحق عليهم اسيل خافت من سرعته:ان شالله بس هدمن السرعه عامر في المطار خالد وامه الي صارلهم ساعه من وصلوا ولا احد جاهم قرر خالد يدق على عامر عامر وصل المطار بسرعة البرق واول ما نزل دق تلفونه عامر بتعب:الوو خالد بخوف:هلا عامر اشلونك عامر عرف انه خالد قال:هلا بوماجد سامحني وانا اخوك تاخرت عليكم بس كاني داخل المطار انت اي صوب خالد حمدربه انه بخير لانه قام يوسوس قال:مسموح يالغالي وقاله عن مكانهم وجالهم عامر مع اسيل الي كانت ترجف من الخوف بسبة سرعة عامر وسلموا عليهم خالد بعتاب:انت ما تقولي شلي اخرك وخلاك تنقعنا انا وامي عامر التفت لأسيل الي تحاول تهدي من خوفها حس فيها ومسك يدها وضغط عليها عشان يخف توترها قال:أسوله اتعبت وديتها الطبيب وابتسم لها اسيل الي ذابت من بسمته وسرحت فيها ما انتبهت ألا لما مسكتها خالتها بخوف:حبيبتي شلي يعورج ومن متى تعبانه اسيل استحت وما عرفت شتقول وانتبه لها عامر وحب يرد على امه الي تنطر الاجابه بلهفه:سلامتج يالغاليه بس تعب الحمال امه بفرحه احضنت اسيل:مبروك حبيبتي اسيل بخجل:الله يبارك فيج خالتي خالد عذر عامر وبارك لهم عند ابوخالد) ابوخالد الي حس بكأبة البيت بعد سفر ام خالد كان يضغط على نفسه بالشغل عشان يتاخر عن رجعته للبيت لانه يحس من نظرات بناته ونواف له بالذنب كان راد من شغله متاخر وحاس بتعب اول ما دخل لقى اصايل ونواف جالسين سلم عليهم وردوا عليه السلام برود حس بغصه من اسلوبهم شاف جمانه جايه وعلى وجهها بتسامه عريضه جات وسلمت عليه وقالت:اشلونك يبه طالع فيها بتعب قال:بخيرياقلبي اصايل الي منقهره من الي صار لأهلها بسبة اعناد ابوها وزاد قهرها ابتسامة جمانه الي داشه عرض قالت:جمانه اقدر اعرف سبب هالسعاده الي عايشتها اعتقد انا بوضع ما يسمح لج فيه تفرحين ألا اذا كان فعل ابوج عا قاطعتهاجمانه بصراخ:بسس انتي ما تستحين احترمي ابوج ولاماعد له احترام عندج وانا جايه اقولج عن سبب سعادتي بس طلعتي موكفو ابوخالد بعصبيه:جمانه شهالكلام احترمي اختج العوده ولا تطولين السانج عليها مره ثانيه فاهمه جمانه :اسفه يبه بس سمعتها شقالت اصايل الي عصبت وقامت:عن اذنكم نواف قوم نام وراك مدرسه وراحت ولحقها نواف جمانه جلست جنب ابوها وقالت:يبه عندي لك بشاره حلوه ابوخالد:قولي يمكن تفرحني شوي جمانه بفرح:اسيل حامل ابوخالد:صج ومتى هالكلام جمانه:والله انا كلمت امي وهي قالت لي وكلمت عامر واسيل وباركت لهم ابوخالد الي حس بضيق من ذكر اسم الغاليه ام خالد قال: اشلونها جمانه توقعت انه يسأل عن اسيل:منو اسيل طيبه وفرحانه بالحمال ابوخالد:لا امج اشلونها جمانه :بخير سكتت شوي وكملت يبه متى بتصلح الامور ورد مثل اول ابوخالد:ان شالله كل شي بيتصلح قام وطلع وهو عازم يسوي الي في باله عند عامر ام خالد الي فرحت بشوفة عامر وزادت فرحتها بحمل اسيل وشوفة عامر سعيد بحياته معها بس فرحتها ناقصه لانهاحست بالاهانه من تخلي ابوخالد عنها بعد هالعمر عامر الي من درا بحمل اسيل وهو معذبها من كثر الأهتمام دخل البيت هو وخالد بعد ما تمشوا لهم شوي شاف امه جالسه على التلفزيون سلموا عليها وجلسوا قال عامر :يمه وين اسيل خالدالي تليقف:ياخي خف على البنت والله انك كرهتها بالحمل من كثر الأهتمام عامر:ياخي شعليك وبعدين طع من ينصح نسيت فعايلك بأم ماجد خالد بفخر:ام ماجد غير عن كل الحريم فديتها والله اني مشتاق لها ولعيالي ام خالد فرحانه لسعادة عيالها قالت:الله يتمم عليكم هالسعاده ياربي ومرتك في المطبخ عامر قام:عن اذنكم بشوف مرتي ويطالع في خالد بنظرات يحره فيها خالد الي فهم نظراته:يمه متى برد ما شتقتي لمجود ام خالد الي ذابحها الشوق بس مو لماجد الصغير لماجدالعود قالت:اشتقت لماجد ولا لأم ماجد ياخلود خالد بضحك:الاثنين يمه في المطبخ دخل عليها عامر وشافها منشغله بسوات الحلى جا من وراها وهي مندمجه بالشغل وحظنها من ورا وحط يده على فمها وقال: الحلو شيسوي اسيل الي خافت وكانت بتصيح لولا ان عامر حط يده على فمها وسكتها وخرت يده عنها بالغصب وقالت بنرفزه:عامر حرام عليك خوفتني والله كان بيوقف قلبي بسبتك ولفت يمه وطقته على صدره خفه عامرمات من الضحك على شكلها وقال :سلامة قلبج ياقلبي واسف اسيل :لا والله واسف هذه وين اصرفها ان شالله روح بس خلني اشوف شغلي عامر مسك يدها وباسها وقال: مراح اروح الا لما تسامحيني اوكي اسيل تحاول تسحب يدها قالت: سامحتك بس فكني انت ناسي ان عندنا ظيوف وسحبت يدها غصب عامر بضحكه:واذا شفيها اسيل تخصرت وقالت بصوت واطي:شنو واذا تخيل دخل علينا احد وشافنا شوف حبيبي اذا انت عندك هالشي عادي انا لا استحي عامر:وانا مو ذابحني غير حياج حبي خليج فري لو مره بس اسيل اخذت اقرب صحن عندها كانت بتفلعه بس هو لحق على عمره وطلع من المطبخ ركض وهو ميت ضحك على شكلها وقالت بغضب:هين عمور اوريك الفري على اصوله عامر طلع من عندها يضحك وجا عند امه وخالد الي مستغربين من شكله قال خالد:اشفيك شمسوي بهالمسكينه عامر:مو شغلك ولا تدخل ادري انك حاسدني لان ام مجود بعيده عنك خالد بضحكه:حاسدك كثر منها بس أنا مو كاسر خاطري ألا هاليتيمه بنت عمي شكل ابوي ظلمها يوم زوجها لك وخلاك تستفرد فيهابهالغربه خالد قال هالكلام وهو عارف بحب عامر لاسيل ومعزتها في قلبه بس يبي يبين هالشي قدام امه عامر باهتمام:اظلمها انا اظلم روحي ولا اظلمها خالد تدري اني ماشيل بقلبي على ابوي رغم جفاه لي واني لو اشكره باليوم الف مره ماوفي حقه لانه عطاني دانه ثمينه تعيني بغربتي ام خالد الي نزلت ادموعها من الفرحه بالكلام الي سمعته وحمدت ربها ان الله رزق ولدها بانسانه يحبها وتحبه قالت: صج يمه انت مرتاح بحياتك مع اسيل طمني راضي عليك عامر تنهد:كل الراحه يالغاليه شاف اسيل جايه بصحن الحلى قال عشان يغير الموضوع: يمه لايغرج طباخ اسيل والحلى الي تفنن فيه ترا كل هذا انا الي معلمها فيه لان اول ما تزوجنا ماتعرف حتى الجاي اسيل بقت اعيونها فيه توعدله بالانتقام جت وحطت الحلى والقهوه على الطاوله كانت بتجلس بس ام خالداشرت لها تجلس يمها وراحت لها وهي تحدا عامر بنظراتها ام خالد احظنت اسيل وقالت:لا تجذب ياعامر اسيل تعرف تطبخ من قبل لا تعرفك وهي اصلا تربية اختي حنان ام السنع كله عامر اعجبه رد امه بس حب يزيد في العناد:ليش يالغاليه مو مصدقتني تعالي معاي المطبخ اوريج كتب الطبخ الي جبتها لها عشان تعلم خالد حط له من الكيك وقال:ماعليج منه يا بنت عمي هذا اكبر عيار بالعايله صبي لي قهوه وخليه عنج اسيل ابتسمت وقالت:تسلم يابوماجد وتستاهل من يصبلك القهوه عامر:شقصدج انا ما استاهل اسيل صبت لخالد وخالتها وقالت: وقف جذب عشان اصب لك خالدوامه:ههههههههههههه عامر حس انه صار مطنزه بينهم قال:خلاص وقفت جذب صبي لي بس اسيل بابتسامه دوخت عامر صبت له القهوه ومدت له الفنجال وقالت:تفضل وطت صوتها وقالت حسابك بعدين عبالك بنسى عامر طالع فيها بترجي وقال:وانا قد هالعذاب دامه منج في الكويت ابوخالد قرر انه يسافر لعامر ويعتذر منه وعشان يردام خالد معه لانه ما يصبر على فراقها وحجز على اقرب طياره لهم جمانه اعتذرت من اصايل وقالت لها عن سبب سعادتها وعذرتها اصايل وفرحت لفرحها عند عامر الساعه حدعش بالليل بعدما ناموا امه وخالد دخل غرفته يدرس له كم جمله قبل امتحاناته الي باقي لهااسبوع اسيل بعد ما خلصت شغلها خذت لها شاور وطلعت بروب الحمام شافت عامر مندمج مع كتبه الي نقلهم من مكتبه عشان خالد ينام فيه مشت بشويش وخذت مخده من السرير وراحت صوبه وطقته فيها وقالت بدلع:عبالك بنسى ياعمور فعايلك خذ وحذفتها عليه عامر الي كان متوقع منها اي شي ضحك وقال:بل ما نسيتي وبعدين انا اعتذرت منج في المطبخ نسيتي اسيل :اي اعتذار والي يخليك شكلك ناسي شقلت عني عند امك واخوك امسكت كتفه بتهزه بس وين تقدر وعامر ميت ضحك عليها مسك يدها وحضنها وقال:شقلت انتي زعلانه عشان قلت لامي انج ماتعرفين تطبخين اسيل تحاول تقوم عنه قالت: لا والله واثق الاخو انه معلمني عامر بضحكه:تنكرين والكتب اسيل:ردقال الكتب قامت عنه وقالت انت مصدق نفسك مع كتب طبخك هذي لا وتذكر يوم تقولي اناماحب ألا الاكل الكويتي تصدق لما شفت كتبك مت ضحك تدري ليش عامر يذكرالي قاله بس استغرب ليش تضحك:ليش ضحكتي اسيل بضحكه:لان كتبك ياحبي موطبخ كويتي ولاخليجي بعد ههههه عامر:صج عجل شنوطبخه اسيل:طبخ عربي يعني كل الدول العربيه موبس الكويت عامرضحك على نفسه لانه مانتبه للكتب وستانس ان اسيل عندها خبره في الطبخ قال:يعني قصوا علي اسيل بضحكه:تعيش وتاكل غيرها حبيبي راحت لغرفة الملابس تلبس عامر الي ترك كل دروسه من دخلت اسيل قام وضف كتبه ينطرها تطلع اسيل البست لها بجامه ورديه وطلعت وقفت عند التسريحه تمشط شعرها وهي طالع نظرات عامر الي بتاكلها قالت: لا تحاول ترا مارضيت عليك للحين عامر قام ومشى صوبهاوحضنها من ورا وقال :اهون عليج حبي سامحيني يل ذابت من قربه قالت بدلع: لاماتهون صدق خالد يوم قال انك اكبرعيار بكلمتين نسيتني زعلي وابتسمت له عامرباس خدهاوقال:وانتي اكبر ساحره شفتها بحياتي لانج سحرتي قلبي وخليتيه بحبج اسيل اخجلت ماقدرت ترد عليه في المطار ابوخالد اتصل في خالداول ماوصل للمطاروقال له لايقول لاحد ويجي له بروحه خالدقام قبل الكل وطلع يستقبل ابوه وهوفرحان بهالخطوه الي اقدم عليها ابوه اسيل قامت الساعه سبع تحضر لعامرالفطورقبل يروح للجامعه شافت خالتهاتوها قايمه ابتسمت لهاوقالت:صباح الخير يمه ام خالد:صباح النور ماقام رجلج اسيل:لا الحين بقومه ليش ام خالد:غريبه توقعته قايم ورايح مع خالد لان الصبح طلع مبجرحتى بدون لايفطر اسيل بستغراب:لاماقام وبعدين هوعنده جامعه الساعه ثمان ام خالد :جهزتي الفطور لرجلج لايروح هوالثاني قبل لايفطر بعد اسيل ببتسامه:الحين يجهزومو على كيفه يطلع قبل يفطر وراحت للمطبخ ام خالدجلست وقلبهاناغزها من طلعت خالدمبجرحست ان فيه شي وخذت التلفون ودقت على جمانه جمانه :الوو ام خالد:هلاجمانه اشلونج يمه جمانه :بخيرعساج بخير اشلونج انتي اشلون عامرواسوله ان شالله الحمال مومتعبها ام خالد:كلهم زنيين نواف اشلونه واصايل ان شالله بخير جمانه:كلهم بخيروينطرون متى تردين بيتج ام خالدبيتي اي بيت بيتي الي اهاني صاحبه:الله كريم يمه سلمي على اخوانج وفمان الله جمانه حست بضيق لان امها ماسألت عن ابوها:مع السلامه ام خالدسكرت من جمانه بعد ماتطمنت على عيالها اسيل جهزت الفطوروراحت تقوم عامر دخلت الغرفه وفتحت الستار وراحت صوب عامرفي السريررفعت عنه الحاف وقالت:عامرقوم تاخرت على محاضرتك عامرردغطى نفسه بالحاف قال:زين زين الحين بقوم اسول اسيل بعصبيه:لاقوم الحين ولا بتاخروتروح بدون فطوروتفشل قدام خالتي كافي اخوك طلع مبجرقبل لاقوم وسوي الفطور عامرالتفتت صوبهاوقال:خالد طلع وين رايح على هالصبح اسيل تجرذراعه بعدماوخرت الحاف مره ثانيه قالت:مادري بس قوم عفيه عمور عامرقعدوقال:عموراصغر عيالج انا اسيل ببتسامه:خلاص موعمور حبيبي بس قوم عامروقف وقال:ايه الحين اقوم بس ياليت اذا بتقوميني مره ثانيه تقوميني بوسه ترا ماتضر اسيل بنرفزه:عاااامر عامريدري بخجلهاوانهالايمكن تجرأ لهالشي ضحك وقال:عيونه اسيل ذابت من ضحكته:انطرك على الفطوربسرعه عامر:ان شالله اسيل رتبت الغرفه وجهزت ملابس عامروطلعت في المطار خالدبعد مااستقبل ابوه وخلصوا اجراءات المطارخذو لهم تاكسي وراحوا في الطريق خالدكان محترم سكوت ابوه وحاس بداخله بفرحه ماتوصف قال ببتسامه: مشتاق لأم خالد تراحتى هي ذابحهاالشوق ولا تقدرتكابر ابوخالدبفرح بهالشي:وانت شدراك انهامشتاقه لي هي قالت خالدبضحكه:هي تقدرتقول بس اعيونها فاضحتها خصوصا اذشافت عامريغازل زوجته ويدلعها تحسهاشوي وتبجي واذا سألتهاعن سبب هالدموع قالت فرحانه لسعادة عامر بس انا احسهادموع اشتياق لغزلك ابوخالد:تستاهل من يغازلها الغاليه بس خل نوصل وتشوف خالدقعديضحك:ههه هههههه عامرتفطرمع امه واسيل وكان مستغرب من طلعة اخوه وسرحان امه بعدماخلص راح صوب غرفته ياخذ كتبه اسيل شافت عامررايح للغرفه وحست انه ماأكل شي لانه شاف شرودامه وتضايق ابتسمت لفكره خطرت بالها ولحقته اول مادخلت شافته مندمج يرتب الكتب الي بياخذهم راحت صوبه وحضنة من ورا وقالت بدلع:حبيبي شكلك ناسي شكنت تسوي قبل تروح للجامعه ترا مومعنات ان امك موجوده بتنازل عن هالشي لاوالف لا وضحكت عامرالي فهم قصدها وحس ان اسيل ماتجرأت تقول هالكلام ألاعشان تبعدعنه الكأبه لف صوبهاوحوطها بذرعانه وباس جبهتهاوقال :انا اقدرانسى كنت ناوي ابوسج حتى لوقدام امي قال هالكلام بيشوف ردة فعلها اسيل حمرت من الفشيله وقالت:لاوالله بتفضحني عامربضحكه:موتوج تقولين ماتنازل ليش غيرتي رايج اسيل شافت ضحكته ابتسمت له وقالت:الله لايحرمني من هالضحكه قول امين عامرداخ من كلامهاوباس خدها وقال:اسوله حبيبتي جرأتج ماطلعت لي ألا الحين يوم بطلع عفيه خليج جذي لين ارد يلا مع السلامه وبعدعنها خذا كتبه وطلع اسيل اجلست على السرير وحطت يدها على بطنها تحسس ضناها الي قطعه من عامر الي حبته وحبت كل شي فيه ابوخالد وخالد بعد ما وصلوا عن العماره نزل شنطة ابوه وطلعوا على الدرج عامر كان مسرع لانه تاخر بسبة اسيل وقف مصدوم من الي شافه ابوخالد انتبه لصدمة عامر بشوفته ابتسم لاول مره بوجه عامر وقال:اشفيك ماتبي تسلم على ابوك ياولد وألتفت لخالد الي كان يضحك على صدمة عامر قال:عامر اشفيك انصطلت يا أخوي عامر الي اخذ فتره مو مستوعب شي خصوصا ابتسامة ابوه له الي فقدها من سبع سنين بالاخيرلحق على عمره وقط كتبه وراح يسلم على ابوه ابوخالد الي اول ما اقترب منه عامر احضنه وقال :مابغيت اتسلم وانا ابوك عامر ماوده يقوم من حضن ابوه الي ياما تمناه حس انه لو طول حاضن ابوه بيصيح مثل ام دميعه اسيل بعد عنه وقال بابتسامه:وش هالمفاجئه يابوخالد خالدبلقافه:شرايك موحلوه عامر بفرح:ألا احلى مفاجئه راح صوب كتبه شالهم وقال:حياك يبه تفضل البيت بيتك خالد باهتمام:عامر ما عندك جامعه عامر:اي جامعه اي بطيخ ابوي زايرني وروح للجامعه وخليه ابوخالد استانس لكلام عامر وندم على معاملته الشينه معه قال :تسلم ياولدي ماتقصر عند اسيل بعد ما طلع عامر راحت تسوي لها هي وخالتها شاي الضحى اسمعت صوت الباب استغربت خالد ما عنده مفتاح وعامر راح للجامعه انتبهت لصوت عامر وهو ينادي امه وراحت اتشوف شالسالفه اول ماطلعت انصدمت وقال:عمي الكل التفت لها وعامر ابتسم قال:ايه بس سلمي مو تسوين مثلي ساعه مبحلق ولا سلمت خالد وابوه:هههه ههه ابوخالد فتح اذراعه وقال :عاد انتي بالذات اذا ما جيتي بسرعه بزعل وانتوا تعرفون زعلي عامر راح وسحب يد اسيل وجابها لابوه وقال بضحكه:لا ولي يرحم والديك كلش ولا زعلك جايد الكل :ههه ههه هههههه مانتبهوا ألا لماقالت ام خالد الي ماصدقت الي نقال ألا لما طلعت وشافت بعينها: صدقت وانا امك جايد ابوخالد ابتسم لانه شافها وكان حيل مشتاق لها قال:اشلونج يام خالد ان شالله بخير ام خالد برود:بخير في الكويت الساعه عشر بالليل جمانه كانت شابكه بالنت مع اسيل الي علمتها بكل الاحداث فرحت من قلب لان ابوها طاعها وراح يراضي امها سكرت وراحت بدق على اصايل تبشرها هي وساره الي من سافر خالد وهي عند اهلها اتصلت باصايل وبشرتها وبجت اصايل من الفرحه اضحكت عليها جمانه لانها حساسه بزياده دقت على نقال ساره ماترد بالاخير تنازلت تدق على بيت خالتها معنها ماودها تخاف يشيله ضاري وتفشل دقت وحصل الي كانت خايفه منه ضاري:الوو جمانه بغصه:هلا سكتت شوي سلام عليكم ضاري:وعليكم السلام من بغيتي اختي جمانه ياي مؤدب صدقتك يمكن يدري اني جمانه قال خل اتأدب قدامها قالت:ايه بغيت ساره ممكن ضاري:لحظه شوي جت ساره وعطاها التلفون وجلس يتفرج على المباراة الي عشقه الابدي سمع ساره يوم قالت جمون التفت يعني الي من ساع جمانوه والله وصارت محترمه زين وانا اقول بصبر عليها سنتين تنضج اثاري البنت انضجت وخلصت قال بضحكه:ساره ساره التفتت له وكانت منغثه من جمانه ومنتها بس قاعده وتشرط عشان شي هي ماتدري وشوقالت:نعم ضاري بضحكه:قولي لها خالتي متى بتوصل عشان ودي اخلص سالفة زواجي ساره تعجبت بس حبت تقهر جمانه وقالت لها ما حست ألا والخط مسدود بوجهها ضاري:هاه شقالت ساره باستنكار:هي عطتني فرصه اكمل السالفه الحماره ماحترمتني بس اوريها ضاري اي هذي جمانه الي اعرفها وضحك:هـــــهه هـــهه عند جمانه من قالت لها ساره السالفه وهي سرحانه معقوله يسويها لا ما صدق امي وعدتني بس اخاف كانت تقص علي عشان اوافق مانتبهت ألا لما جالها نواف ومعاه سماعة التلفون خافت يكون هو قالت:منو نواف:امي استانست وخذت السماعه بعد ثمان شهور ابوخالد تنازل عن غروره وتسامح مع ام خالد وعامر اصايل احملت وهي بالخامس الحين جمانه معنها اخر سنه ألا انها ما تترك اهمالها بالدروس وعشان جذي قرر ضاري انه يتزوج بالصيف لان دراستها مطوله على قولة وهي عصبت وانقهرت خصوصا ان ابوها واقف مع أمها وصاير يخاف يزعلها عشان جذي ما قدرت تاثر عليه خالد وساره سمن على عسل عند عامر خلص اخر امتحاناته وجا للبيت بسرعه عشان يساعد اسيل بترتيب الشناط لان سفرتهم باجر الصبح بيجلسون شهر عند اهلهم لان اسيل على وشك ولاده وحانه عليه ألاتولد عندامها اسيل الي جالسه ترتب الشناط خصوصا شنطة البيبي الي ماخلت هي وعامر شي ماشروه كانت متفقه مع عامر تجلس اسبوع بالكويت عشان عرس جمانه وتروح مع امها لشرقيه دخل عليها وشافه على الارض عند الشنط و مندمجه تأمل طقم اخر لبس شروه جا من وراها وغطا عيونها بيدينه اسيل ابتسمت لانها تعرف حركاته قالت: ماتوب ابد عامر وخر يدينه عن عيونها وباس خدها وقال :مقدر بس اشوفج احب اسوي فيج هالحركات ياخي تهبلين لما تخافين وباسها مره ثانيه اسيل بدلع:لا والله وبعدين اصلا تعودت عليك معاد اخاف مثل اول عامر بضحكه:ههه صدقتك اصلا انتي اكبر خوافه على وجه الارض اسيل عصبت و دزته وقالت:غثيث عامر مات ضحك عليها في عرس جمانه الكل فرحان ومستانس بهالمناسبه خاصة اسيل لان اليوم عرس اختها وصديقتها كان ودها ترد لجمانه جميلها لانها قطعت عمرها بالرقص في عرسها بس ما تقدر لان الحمل مثقلها ولان عامر وامها ذابحينها من كثر التحذيرات كانت لابسه اخضر غامج كات بقصة حوامل ومسويه تسريحه وكانت ملاك ما شالله دق تلفونها وضحكت اكيد عامر عاشر مره يدق بس يتطمن انها ما رقصت ردت بدلع:الووو عامر:هلا حبي هلا قلبي شتسوين اسيل بدلع زايد ومكر:اهتز مصري ياخي حرام عليك برد لو جز بسيط من جميل جمانه والله انها عاشت دور بعرسنا عامر بخوف:اسيل خلي الجميل عنج لان جمانه مو فاضيه لجميلج الحين وعقلي لا تهورين ادري ان جمانه سبب خرابج بالرقص وكنت دايم اشكرها على هالخراب بس الحين لا صبري لين تولدين ورقصي لي دسكو اذا تبين اسيل اضحكت:هــــــههه عند العروس كانت ايه بالجمال مع ثوبها لابيض وطرحتها جت زفتها وخلصت وسلمواعليها اهلها وراحوا وهي بعدها سرحانه في حياتها الجديده دايم يجي بمخيلتها سوال ضاري بيعاملني مثل ماكان ابوي يعاملني بدلع او اني بفقدها لدلع بقية حياتي ما حست ألا واليد تلمس خدها طالعت فيه قال بهمس:قومي جا العشا جمانه بصوت واطي:ببدل اول ضاري ماشبع منهابنفنوف العرس بس قال اكيد بالقميص احلى ابتسم وقال:خذي راحتج جمانه الي غاصت من ابتسامته حست وراها شي قامت عشان تبدل وهو راح للصاله يوم ولادة اسيل كان جالس هوخالته ينطرون احديطلع يطمنهم عن اسيل بعد فتره وكانت عندهم دهر اطلعت الدكتوره وبشرتهم ان اسيل جابت بنت عامرطارمن الفرحه وراح باس راس خالته الي كانت غرقانه عيونها بدموع الفرح عامر بشر اهله بولادة اسيل وباركوا له عند جمانه صار لها اسبوع من تزوجت ضاري حسته طيب وحبيب ورمنسي بزياده صح كانت تمنى هالشي بس لما جا وقت الجدتنازلت كانت جالسه وتحرق تلفون اسيل بالدق وهي ما ترد اول ماردت اسيل بتعب:الوو جمانه بعصبيه:لاجان ما رديتي احسن اضحكت وقالت مبروك اسول اسيل:الله يبارك فيج وعقبالج ان شالله جمانه حمرت وقالت:لاتو الناس وبعدين ماتخيل نفسي ام ماصلح اسيل ضحكت عليها بعد ما سكرت من اسيل انتبهت لليد الي تحظنها وهمس باذنها :ليش ما تصلحين بالعكس احلى ام بتكونين اذا الله رزقنا وباسها جمانه ذابت وانطرمت بعد شهرين عامر رد يكمل دراسته مع اسيل وحنون الصغيره مع ان ابوه لمح له يترك اسيل وبنته خصوصا ان ما باقي له شي ويخلص ولانه تعلق بنت عامر بشكل مو طبيعي حس انها تشبه جمانه وانها سدت فراغ جمانه عنده بس عامر رفض بتاتا هالشي دخل لقى اسيل دايخه مع حنون لانها تصيح ضحك وقال:اشفيها ام دميعه نمبر تو تبجي اسيل افهمت قصده جت صوبه وعطته حنان وقالت:أسالها لاني مالقيت سبب مقنع لبجيها عامر بضحكه:اخيرا اعترفتي انها طالعه عليج وجلس يبوس حنان ويلعبها وهي بس شافته اسكتت اسيل انقهرت من سكوت حنان معاه وهي صار لها ساعه تسكتها ما سكتت وكلامه عنها تخصرت وقالت:طالعه علي انا ما ابجي بدون سبب مثل بنتك عامر تذكر اول ايام زواجهم واشلون كانت تصيح وهو مايدري شالسبب جلس على الكنب وحنان بحظنه واشر لاسيل تجلس اجلست ولف ذراعه حولها وقرب من اذنها وهمس:ادري ان عندج سبب بس حتى هي يمكن عندها سبب اسيل خافت:ياويلي اخاف مريضه بس عامر بضحكه:لا اسم الله عليها مافيها شي بس انا عرفت السبب اسيل بغباء :سبب شنو عامر وهو يضحك على شكل اسيل قال:يمكن رافضه اسيل باستغراب :عامر رافضه شنو عامر:رافضه مجود ولا انتي ناسيه ان خالد خاطبها قبل حتى لا تحملين فيها وضحك اسيل ابتسمت على الكلام الي قاله لانها لا يمكن تنساه شافته زودها بالضحك وبنته عاشت جو وقامت تضحك معاه اخذت لها مخده وكفخته براسه وقالت:صج ما عندك سالفه رافضه ها رافضه وعامر ميت ضحك۔۔۔۔۔۔ النهاية