الفصل 5
.. آلبارت آلخامس ..
عبد الكريم: أي حاجه نطلبها ..!!
زينه التفتت له:أي حاجة تطلبونها ..
عبد الكريم بابتسامه خبيثه:طيب..واذا قلت لك..........
زينه ومحمد وسلطان وعزام وفارس بصدمه:كييييف..!!
زينه بصدمة:طلبك قوي و.....
عبد الكريم قاطعها بصرامة:وترضين تختلين برجال غريب عليك ..؟؟
زينه:..........
عبد الكريم كمل:لأن بعمليتنا يتطلب أكثر من أن تكوني زميلة وخصوصا أنك محافظة وملتزمة .. فا مظن أنك تبين ترتكبين أي معصيه .. يكفي ذنوبك ..
زينه: أنا معك .. بس زواج حاجة كبيرة يا ....
عبدالكريم:الرئيس ..
زينه: يالرئيس .. وحتى هو مراح يوافق أساسا ..
عبد الكريم: خليها علي .. أنا أعرف أقنعة .. وبعدين ذا بيكون زواج يعني مو حاجة كبيرة ..
زينة با اندفاع: ذي مو بس زواج ذي مسؤلية وسمعه وكل حاجة ..
عبد الكريم طنش كلامها: أسمعي يا بنتي .. مراح يدري أحد عن زواجك إلا أحنا وأهلك طبعا .. وبيكون مكتوم الخبر عن صاحبتك .. فاهمة ..
زينه هزت راسها بنعم ..
عبد الكريم وهو يناظر الساعة: يلا خلينا نروح عشان تحللون ..
بالمشفى وبعد التحليل كلم عبد الكريم واحد من ربعه ألي يشتغلون بالمشفى أن الخبر ما يطلع أبد والتحليل ما يطول ..
وبالسيارة ..
دقت على مبارك أخوها وحطت الألعاب يم الباب ودخلت السيارة زي مطلب الرئيس ..
ووقفوها بعيد عن الجامعة بشوي عشان محد يشك بالموضوع ..
ودخلت الجامعة ..
.
.
.
بالسيارة كان يقودها السايق ( أبو مهند ) ..
والرئيس ومحمد فيها ..
عبدالكريم: أدري أنك بتقول ليه وليه وليه ..؟؟
محمد ألتفت له: وأبا الجواب ..
عبد الكريم:البنت يا محمد ملتزمة وصعبة نغضب الله ورسوله ..
محمد بصمت قاتل: كنت طول الوقت ساكت .. محمد روح أروح محمد تعال وأجي .. من دون مسأل حتى .. لو قلت لي أطب من فوق عماره مكنت سألت أو ناقشت .. بس اليوم لي الحق أني أتكلم صح ولا لا .. ؟؟
عبد الكريم: معك حق يا محمد ..
بس بتظن لو شاورنا النقيب بيوافق على هالشيء وأحنا شرطة بعد بنرضى تكون حرمه معنا .. هالشيء بخليه بينا وبين أنفسنا ..
لأن لو عرف النقيب بهالشيء يمكن يصير حاجة مو متوقعة .. هو صحيح بيعرف أنك تزوجت بس مراح يعرف أنها معنا أو تعاونا .. فاهم علي محمد ..
محمد: ............
عبد الكريم حط يده على كتفه: صدقني أنا أبا لك .. وأنت تدري عنه يمكن يطردك وأنا هالشيء ما أريده .. أنت تدري وش معزتك يا محمد..؟؟
محمد أقتنع بكلام الرئيس وهز راسه بنعم ..
.
.
.
صعدت فوق لسكن الجامعي تبا تختلي بنفسها شوي .. اليوم كان طويل عليها مررة ..
ودخلت وشافت ..
الطامة الكــــبرى ..
زينه ناظرتها وبصدمة: أنتي..!!
العنود بقت عينها:أنتي وش تسوين بغرفتي ..
زينه بتفكير:حلو , حلو .. طلعتي أنتي شريكتي بالسكن ..
العنود ماكان لها مزاج تكلمها وجلست تصيح ..
زينه (ذي خبلة والله .. وبعدين وش هالحظ معي .. زواج والعنود ومشاعل وحفلة .. آآآهه رراسي يوجعني والله ) ..
أقتربت من الشماعة وشلحت عباتي ..
وفتحت البراد أطلع لي مويا ..
العنود رفعت نظرها لها وأنصدمت .. وصار تناظرها من فوق لتحت بصدمة ..!!
وشربت غرشة المويا وأنكبت بالسرير ..
زينه لا حظت نظراتها وعدلت جلستها:مضيعه حاجة بوجهه ..؟؟
العنود: آنتي جميلة مررةة ..!!
زينه رفعت حاجبي: أقول أبكي وأنتي ساكته آحسن لك ..
العنود: لاجد والله ما توقعتك كذا ..
زينه:لأني لابسه عبايتي معناتها قبيحة ..
العنود: لا مو كذا..بس أنتي الوحيدة ألي بالجامعة لابسه عباية ومتغطيه , صحيح آمارتيات وعباية بس متحجبين وأنتي متغطيه ..
زينه: كلن وطريقة تربيته وتعوده لهالشيء ..
العنود بغرور: بس منتي با أحلا مني .. أنا أجمل بنت بالجامعة كلها ..
زينه: كلن وجماله يالعنود والجمال ماله مقياس وأنتي هم حلوة ..
العنود رفعت حاجبها: غصبن عليك وبعدين أنا جميلة مو حلوة وبس ..
زينه (اللهم طولك ياروووح ) :آها صح كلامك .. يلا أنا بنام آحين ما به مجال للكلام ..
العنود بحده: محد يقاطعني بكلامي ..
زينه قامت ودخلت التواليت وغيرت لبسها , لبست بجامة النوم ناعمة ..
وتسطحت وخفتت على النور , وهي تفكر بالي صار لها ..
ألي صار لها يصير بس بالأفلام الخيالية ..!!!
وتركت كلام العنود ,
وغفت بلا شعور ..
وعلى الساعة 7 وعت على رنات جوالها وردت بخمول:هلا ..
شمس بصراخ: ووجع يلا قومي ..
زينه تشوف ساعه جوالها: بدري على المحاضرة شوشو ..
شمس:حتى ولو .. يلا قومي ووجع من يجلس معي أنا .. هاااه ..
زينه تمغطت:طيب , طيب .. بنزل بعد نصف ساعة ..
وقامت من سريرها وسفطت اللحاف وشافت سريرها ما سفطته وتنهدت وتوجهت للتواليت بفرشاتها ..
وغسلت وجها بالصابون وفرشت أسنانها زي كل صباح وصلت الفجر ..
وتوجهت للمرآيه وحددت حواجبها ودهنت وجها بكريم صباحي يعطي نظاره للبشرة آولاي ..
وطلعت لها لبسه ..
بنطلون سكيني بنفسجي على تيشيرت سبورت قبعه من ورى ونصف كم وجيب من عند الصدر أبيض..
ودخلت التواليت وبدلت ..
ودهنت يدها باللوشن ولبست حلق ناعم وربطت شعرها ذيل حصان عشان متعرق ..
وجزمة رياضية أبيض وخيوطة بنفسجي ..
ولبست عبايتها وخذت شنطتها وكتبها وطلعت ..
وهي تردد الأذكار ..
وتوجهت للمقهى ..
وجلست بالكرسي وشربت الكوفي على طول ..
شمس:زين أنك جيتي قبل ما يبرد .. يلا فطري عجلي .. اليوم ثقيل مررة عندنا محاضرتين اووف بس ..
زينه تاكل الكورسان بالجبن: حيل والله ..
شمس: ألا ماقلتي لي .. وش صار آمس مع مرت أبوك ..؟
زينه بستغراب: مع مرت أبوي ..!
شمس:أجل وين رحتي أمس .. مو قلتي لي أنك بتجيبين ألعاب لمبارك ..
زينه باندفاع:أي نسيت أنا عاد .. أي وفرح مرة فيهم ..
شمس بابتسامه:أي زين والله .. دحين بسألك ليه مرت أبوك تحمل طالمى هي تدري أن عمرها كبير وأن الدكتورة نبهتها أن ما تحمل لان أن حملت بجيب منغولي ..
زينه قاطعتها:هي وحدة سخيفة أساسا .. ما تبا تحمل ألا لأجل ولدها يصير له نصيب من الورث وهي ألي بتاخذه مو ولدها طبعا ..
شمس بستغراب:وحده طماعة والله .. مو قلتي لي أنتي أنهآ متزوجت وكبرت بالعمر ولما تقدم لهآ أبوك وآفقت ..
زينه:أي , أي ..(وباندفاع) ..مقلت لك أن رفيقتي بالسكن هي الست العنود ..
شمس بقت عينها:كذابـــــة ...!!
زينه:أي بالله ..
شمس:وش هالحظ ألي عندك أنتي .. يعني هي ألي مع ساري ذآك اليوم ألي سمعتيهآ بيه ..
زينه:أيـــوه ..
شمس:يمممه .. ذي والله تجيب الشيب ..
زينه بضحكه:زين أني صبغت شعري اجل ..
شمس:ههههههههه .. أشوفك مروقه مرة هالصباح ..
زينه:لأني نمت عدل ..
شمس:ياليتك كل يوم كذا ..
زينه:هههههههه فديتك بس ..
شمس بهمس:شوفي بس من ألي وراك بس ..!
العنود أقتربت من طاولتهم: هاااي بنات ..
زينه قامت :هلا ..
العنود بدلع: حبيبي محمد .. ذي زينه ..
شمس قاطعتها:اجل ساري ..ههههههههه ..
العنود بسخريه:هههههااي..ضحكتيني والله يا سخيفة ..
محمد ناظر بزينه وهو يتخيل ملامح وجها السمحة ..
زينه مسكت يد شمس وبهمس مسموع:ما أبا أعكر مزاجي مع ناس سخيفة ..
العنود رفعت حاجبها:أجل أنا ناس سخيفة .. طيب بتشوفين ألي يسرك بكره ..
زينه ناظرتها بحده:سوي زي ما تحبين ما هميتيني ..
العنود بثقه:طيب ..
وراحت زينه وشمس ..
محمد:ليه تحبين تضايقينها ..؟؟
العنود:لأنها وحده سامجة محبها من الله .. تصدق عاد أمس شفتها بالسكن .. ولما أشلحت عبايتها مصدقت ..
محمد:..........
العنود: عليها جمال يذبح والله ..
جسم وتفاصيله جذاب’ الخصر وملامحها ناعمة وحلوة .. الصراحة صدمتني ..
محمد سرح فيها وبهمس مسموع:عمر الجمال ما كمل ..
العنود بتائيد تام:معك حق والله .. يكفي أنها مع أستاذها ..
توجهت مع شمس للقاعة وبعد المحاضرتين ..
شمس براحة كبرى:أجل باقي على الحفلة يومين ..
زينه:أي ..
شمس بحماس:وش رآيك نطلع نشتري لنا ملابس للحفلة ..؟
زينه:لا أنا مالي مزاج لطلعه ..
شمس:غصبن عنك ..
زينه تنهدت:الله يعين بس .. عارفه أن رفضت مردي لأ رضائك ..
شمس:أجل يلا لمصرف ..
زينه:طيب .. بس لحظه بجيب أغراضي من السكن ..
شمس:تيب أنتضرك ..
زينه آنتبهت لمحمد يناظرها من بعيد يعني يبا يقول لها حاجة ..
وتوجهت لعند الشجرة ألي واقف عليها وشافت ظرف به سماعة آذن وكاميرا صغيرة ..
حطت السماعة بذونها ونقرت الزر فوقه ..
محمد:هلا والله يا حلوو ..
زينه صارت تتلفت يمين ويسار:وينك أنت ..
محمد يشوفها من بعيد ويضحك على غبائها:ههههههههه أنا بذانك ..
زينه كشرت:عن الكذب .. وقول وينك ..؟
محمد بضحكه:السماعة ألي حاطتها بذونك هي مرسال بيني وبينك ..
زينه باعجاب:واااو .. طيب الكل يسمع ولا أنا بس ..
محمد:لا أنتي وبس .. وبعدين لا ترفعين صوتك حيل عشان محد يقول عنك خبله وتتكلمين لحالك ..
** إلا بجنبي وآحد مع خويته ناظروها من فوق لتحت:
They are crazy talk alone ..
( أنها مجنونه تتكلم بمفردها ) ..
زينه بضحكه:هم سمعوني .. وخلصوا ..
محمد:عشان كذا كوني حذره ..
والاهم السرية التامة ولحد يدري عن هالشي أبد فاهمه ..
زينه باهتمام: طيب وبه حاجة بالظرف ..
محمد:ذي كاميرا ..
زينه:طيب وش أسوي بيها ..؟
محمد:ودي أعلمك بس مقدر به ناس ولا أبا أحد يعرف أني معك على علاقة أو معرفه مسبقه ..
زينه: طيب تمم ..
وراحت لعند شمس ..
شمس:اوهه تأخرتي ..
زينه:أي صعدت فوق وبعدين جلست أدور وبالأخير طلعت بشنطتي ..
شمس:ههههههههههه ذاكاء ملحوظ ..
وبعد التصريح ..
توجهنا للمول ..
عجب شمس فستان طويل بيج به فصوص وأحجار كريمة اخضر تفاحي ..
وأنا عجبني فستان أخضر وكسوريز عليه ..
شمس:حلو مرة لون الأخضر ..
زينه:يعني أخذه بدل من الأحمر ..
محمد:لا خذي الأحمر ..
زينه بهمس:وش دخلك أنت ..
محمد:صدقيني الأحمر عليك آحلا يا حلوو ..
زينه بحيا وباندفاع:أنت أساسا ما شفتني .. عشان تعرف أحلا ولا لا ..
محمد بضحكه.ناسيه أني شفتك وشبعت نظرتي بزينك وبجسمك (وعض على شفته) ..
زينه تذكرت آنه شافها وبا آحراج: لا تدخل فيني وبعدين صدق آنك قليل الآدب , الشرهه علي حطيته عام , بكتم الصوت ..
محمد ببرود:بيعصب الرئيس أن قلت له ..
زينه عضت بشفتها بقهر:ياليت أجل تكرمنا بسكوتك يا سيد محمد ..
محمد:قصدك النقيب محمد ..
زينه:ههههههههه لصرت نقيب ذيك الساعة تتكلم ..
شمس جات بعد المحاسبة: يلا أنا خلصت ..
زينه:يلا قلبي ..
وشريت موكا باردة وشمس ميلك شيك من باسكن روبنز بالمانجو ..
زينه بضحكة: تصدقين عاد شوشو , ألي يشوفنا يقول آحنا بالصيف على هالموكا والميلك شيك ..
شمس بابتسامه:خلنا نونس آعمارنا ..
زينه ردت لها الأبتسامة:طيب أنتي خلصتي صح ..
شمس:أي خلصت أنا ..
زينه تشوف الساعة: آحين الساعه 7 ونصف , لزوم نرد ..
شمس تنهدت:طيب طيب ..
ورجعنا لسكن .. وصادفت محمد بوجهي ..
شمس آرفعت حاجبها: اجل وين حبيبتك , سابتك كذا لحالك غريبة والله هي عادتنا تكتم على الواحد كتام لما يطلب الشهادة ..
محمد كتم ضحكته:آنا جاي عشان الحلو ألي جنبك ..
شمس فهمت:هه ..
زينه تغيرت ملامح وجها وبهمس:بالأذن ..
ولحقتها شمس ..
وصعدت الأغراض بغرفهم وتسطحت بالسرير وهي تقرأ كتبها ..
وبعد ساعة ..
محمد:نمتي ..؟
زينه تاففت:خير إن شاء الله ..
محمد:أسلوبك مراح يتغير يعني أبد ..
زينه رفعت حاجبها: وليه يتغير ومن تكون عشان أتكلم معك با أسلوب غير ..
محمد با أبتسامه:أنتي تعجيبيني .. يعجبني أسلوبك ويضحكني غبائك ..
زينه بتريقه:وأنت كل فيك يسد النفس , كلامك وأسلوبك حتى شكلك يسيبني اتقيأ ..
محمد رفع يده لورى راسه: وش رايك نتمشى ما فيني نوم أنا ..
زينه بحده:أحلف بس , وش شايفني عندك ..!؟
محمد:شايفك أجمل بنت شفتها بحياتي ..
زينه انكسفت من كلامه ..
محمد با أبتسامه:فديت الخجلان أنا ..
زينه باندفاع ممزوج بخجل:شكلك مطول , وحط ببالك أن سبب آتصالنا ببعض مو لحاجة تانيه .. هي مجرد مهمة ..
محمد:تؤتؤتؤ .. آجل نتزوج كذا بس ..!
زينه ما فهمت عليه:كيف ..؟
محمد انسدح على جنب:أن تزوجنا بنكون زي أي زوجين ونخلف كثير ..
زينه شب وجها زي طماطم: أنت أستخفيت اكيد ..
محمد:أستخف بحبك اكييد ..
زينه تنهدت:أنت واحد مدري وش أقول عنك ..
محمد: واحد مزيون...!
زينه:إلا سخيف وقليل الأدب بس يغازل وخلاص .. ويلا انكتم..
محمد باندفاع: لـ......
مكمل كلامه ألا كتمت الصوت ورجعت انسدحت لسرير وبقلق: وش بيكون حياتي مع هالشرطي الغبي .. مغازلجي وعلى طول مستخف بحبك صدق آنه غبي...اوف بس....
لزوم انا أتحرك وأعرف من هالعصابة وأفتك منه ومن نظراته ومن وجهه .. ومن كل شئ يخصه صدق عله ..
.
.
.
جلس يفكر وبعد التفكير:لزوم نستعجل اجل الرئيس .. صحيح هم مخذو أسبوع من دخل هالجامعة بس لزوم نعرف ..
عبد الكريم:ألي خلاني مروق يا عزام .. أن به زينه معنا ..
عزام بذهول:وش بتسوي يعني ..؟
عبد الكريم:لأن هي بنت وتقدر تدخل غرفة غرفة بالسكن البنات وتعرف من الي متورطه وتتعاطى لها السم ..
فارس عدل جلسته بالكرسي:بس يالرئيس .. أحنا ما ندري يمكن ما يكونون بنات .. وبعدين أنا مو مطمن مع هالبنت ..
صحيح جلست تصيح وحالتها حاله بس يمكن ورى هالدموع تخفي شئ ..
سلطان:أنا من رايي نختبر هالبنت بمهمة صعبة كانها بتنفذها أو لا ..
عبد الكريم باهتمام:أختبار بوش سلطان .. وحط ببالك اني واثق با زينه ثقه تامه ومراح تخدعنا ابد ..
سلطان باندفاع:يالرئيس .. ما نقدر نعطيها الثقة التامة بكل شئ ..
عبد الكريم تنهد:اسمع سلطان .. ما آباك تشغل بالك بها المجال .. أباك تفكر بحاجة ثانية ألي هي تختص بمجال العصابة ..
سلطان تنهد:حاضر يالرئيس ..
.
.
.
بعد المحاضرة ..
طلعوا الطلاب .. وبعدين مرت زينه ..
الاستاذ توم: Zina ( زينه ) ..
زينه التفتت له بتردد: Yes (نعم)
الاستاذ توم: I see you're busy mind ..
( أرى أنك مشغوله البال )..
زينه بابتسامه: Really! I do not think so ..
( حقا..! لا اظن هذا )..
الاستاذ توم: I interpret your response I wrong!
( افسر ردك أنني على خطأ..!)
زينه باندفاع: No no no what I mean .. I was thinking about the needs of the private ..
( لا لا ليس ما أعنيه..كنت افكر بحاجات خاصة )..
آلاستاذ توم بابتسامه: Why not throw cost you .. And tell me everything you want
لما لا نرمي التكلفه عنك .. وتخبريني بكل ما تريدين ..
زينه بلعت ريقها:لـ.....
الاستاذ توم قاطعها: Considered me Dr. myself .. Or this bother Zina ...
( اعتبريني دكتور نفسي .. أم هذا يزعجك زينه )...
زينه هزت راسها بلا: Of course not, no inconvenience this teachers ..
( طبعا لا..لا ازعاج بهذا معلمي.. )
الاستاذه توم بابتسامه عريضة: Do you accept my friendship
( هل تقبلين صداقتي ..)
زينه بقت عينها:هااه..
الاستاذ توم بضحكه: Friends only, I mean when Mahtgtna told me .. I'll be nearby ..
( اصدقاء فقط..اعني متى محتجتيني اخبريني..وسااكون بالجوار )
زينه بابتسامه باهته: Thank you Professor Tom ..
( شكرا لك أستاذ توم ) ..
آلاستاذ توم: The very beginning of our friendship the formalities us dimension .. just tell Tom ..
( واول بدايه لصداقتنا ببعد الرسميات عنا..قولي توم فحسب..)
زينه اكتفت انها تبتسم له ..
وطلعت من القاعة .. وتوجهت للمقهى وبالها بعيد عنها ..
فتحت جوالها ودقت عليها:السلام عليكم ..
أم مبارك تنهدت:يالله صباح خير .. وش عندك داقه ..
زينه:جيت بسأل عن مبارك ..
ام مبارك بحده:ما عليه خلاف طيبه .. وبعد ..
زينه:مرسلتي لي المصروف ..
أم مبارك أرفعت حاجبها:تبين مصروف يا بنت رجلي .. تزوجي وخلي زوجك يصرف عليك ..
زينه بقهر:الظاهر أن غيابي عنك نستك من أنا يا هانم .. على العموم أنا راجعه لكم ..
أم مبارك بتوتر:كيف راجعه عندنا ..
زينه ببرود:مو من صالحك أن ماجبتي لي المصروف والله لسود أيامك .. وبجلس على قلبك ..
ام مبارك بخوف:افا يا زينه يا بنت الغالي .. أنا دخلتك لها الجامعة عشان تكملين دراستك وحلم أبوك أنك تكملين الجامعه وترفعين راسه ..
زينه بضحكه:ضحكتيني أنتي والله .. ذا مو حلم أبوي .. ذا حلمك أنتي عشان تفتكين مني لا أكثر ولا أقل .. بس أن شفتك مقصره بالمصروف صدقيني راح أترك الجامعة وأجلس عندك وآضيق عليك اكثر وأكثر ..
أم مبارك باندفاع:لاااا .. أحين أرسل بحسابك المبلغ ألي تبينه ..
زينه بابتسامه:حلو تعجبيني ..
وأن شفتك مطيعه بتزوج وأسيب البيت لك ..
أم مبارك بفرحه:صدق زينه .. !!
زينه:أي صدق يا مرت أبوي .. بس بشرط محد يدري عن زواجي حتى من أهلك .. ولا بتطلق وأجلس عندك .. زي متقولين حسساد ..
ام مبارك باندفاع:والله ما يطلع وحسبي علي أن تكلمت ..
زينه من قلب:اميييين .. حسبي الله عليك أن قلتي ..
أم مبارك بحمآس:بس متى ناويه تتزوجين ..؟
زينه:بعدين أقول لك .. ويلا مع السلامه ..
أم مبارك:الله يحفظك ..
سكرت الخط وبضحكة (صدق أنها ساحرة .. احين صرت بنت الغالي ولابعد الله يحفظك هههههههه .. كل ذه عشان ما تبيني .. صدق لقالوا مرت الأبو حقوده ونذله بعد ..)
جلست تحتسي الكوفي إلا تسمع صوته وهو معطيه ظهره وبهمس:ليه مو حاطه السماعة بذنك..
زينه وهي تناظر الكوفي عشان محد يحس فيها أنها تكلمه:كيفي .. وبعدين هل من جديد بالقضية ..
محمد:حطي السماعة وبسرد لك التفاصيل ..
زينه تنهدت ومابه باليد حيله وحطت السماعة ..
وجلس محمد بالطاولة ألي كانت قريبة منها ولابس نظاره ريبان:واخيرا ...
زينه:أخلص وش صار ..؟
محمد:الرئيس يشوف أحنا نهم بالقضية ..
زينه بحماس:ياليت والله ..
محمد يشرب الكوفي:وليه طيب متحمسه هالقد ..
زينه:عشان أفتك من وجهك ومن سخافتك يالمغازلجي ..
محمد:هههههههههه ..
زينه ناظرته وهي تشوف طقم أسنانه ألي طلعوا من الضحكه: يعني قلت أن أسنانك حلوه جلست تضحك ..؟
محمد:أي زي ما تقولين .. وبعدين كلامك يضحك .. بالعكس ترى العنود ميته بمحادثتي معها تتمنى نظره مني بس ملقت وأنتي ضحكه ..!!
زينه تأففت:طيب أجل ليه جالس تكلمني روح لها ..
محمد:المشكلة أني ما أبيك إلا أنتي يا حلو ..
زينه:شكلي بشيل السماعة زي مساع ..
محمد:أنتي أبد ما تحبين أحد يمزح معك ..
زينه: من الشباب لا ممزح معهم ...
محمد:يعني توم حلال هااه ..
زينه مستوعبت كلامه:كيف ..!
محمد:اكيد بتتغابين طالمة مالقيتي لكلامي جواب ..
زينه بجديه:أنا بجد ما سمعتك ولا فهمت مغزاك ..
محمد:لا يكثرر .. بكره بنملك وألي بعده زواجنا ..
زينه بصدمه:كييف..بهالسرعة ذي ..
محمد:أنتي خبله ..! ذا مجرد ورق مو زواج زواج ..
زينه بابتسامه:كذا بدينا نفهم بعض يا سيد ..
.
.
.
بيوم الثاني ..
يوم الاربعاء .. يوم حفلة البويات مشاعل ..
تم عقد قران زينه ومحمد ..
أم مبارك بفرحه:مبروك يا بنتي ..
زينه رفعت حاجبها:أحين صرت بنتك ..
ام مبارك بابتسامه:وأنتي ما تنسين ابد .. خلاص عديه من الماضي وأني تغيرت وسامحيني والله كريم ويسامح ..
زينه ناظرتها بنصف عين:على خير ان شاء الله ..
ودخلت أم مبارك بعباتها على محمد ..
أم مبارك:عاد موصيك بزينه , زينه البنات كلهم ..
محمد ( بلاها ما تدري عن سوالفها مع استاذها السيد توم ..): زينه بعيني ..
ام مبارك:حطها فوق راسك ولا تزعلها .. صحيح هي عنيده نوعا ما , بس طيبه حدها ..
محمد بسخريه:أي وااضح...
ام مبارك ما تدري انه يتطنز:الله يحفظك يا وليدي ..
محمد:وياك يارب ..
واقترب وبهمس:إلا وش رايك يالرئيس تأخذ الأم , وأنا البنت والله صرنا طقم ..
عبد الكريم:جب .. ولا تطنز ..
محمد:هههههههههههههههه ..
عبد الكريم قرصه بزنده:يا جليل الحيا ..
محمد بألم:ااااههه .. عورتني يالرئيس ..
عبد الكريم بابتسامه: تستاهل ..
مبارك دخل وبابتسامه:هلا محمد..
محمد قام وصافحه وانصدم انه آقرع:هلا بالشيخ ..كيفك..؟
مبارك بحيا:الحمد لله ..
محمد:روح ناد زينه .. قول لها يريدك زوجك محمد ..
مبارك هز راسه وقام الصاله ...
مبارك:يقول لك تعالي يباك زوجك محمد ..
زينه بهمس:من آحين زوجي مالت ولا مالت ..
أم مبارك بابتسامه:قومي يا يمه لزوجك يبا يشوفك ..
زينه تأففت:قولي له ما أبا اشوفه .. مهوب لزوم ..
أم مبارك:افا بس يا زينه .. ما هقيت منك هالرد ..
ومسكت يدها وسحبتها غصبن عنها للمجلس ..
زينه حاولت معها بس مقدرت وأول مدخل ناظرته ونزلت عيونها لتحت ..
محمد أول ماقبلت عليه علي قمت بلا شعور .. وش هالطله ووش هالزين كله ..
كانت لابسه فستان أسود علاق ناعم ماسك على جسمها وباين تفاصيله الجذابه ومن الصدر فصوص ذهبيه وكاشف منه شوي ..
وصندل عالي ذهبي .. وحلق به فصوص لماعه وساعة ذهبية فخمة مرة .. ومكياج ذهبي مدموج بطرف الجفن أسود باهت مسحوب ومكثفه الماسكارا وغلوس وردي لامع ..
ودخلت بكل ثقه ..
عبد الكريم أول مشافها ادمعت عينه:هلا والله بمرت ولدي ..
زينه شدت على آلشآل ألي بكتفها وباست راسه ويده: هلا بك ..
عبد الكريم مسح دموعه بطرف شماغه:الله يسعدك يارب ..
زينه تجاهلت محمد وجلست بعيد عنهم:طالمة أن ألتقينا وذي فرصة .. واليوم الحفلة ..
عبد الكريم:أي .. وطالمة أن مقر البويات .. أباك تدخلين بمجلسهم الخاص يعني غرفهم وتصفحي وأن شفتي حاجة غريبه صوريها .. والكاميرا بالكيس قبالك ..
زينه باهتمام:طيب .. أنا مبحسن اسوي حاجة لوحدي ..
محمد طق الصدر:وعشان كذا أنا هنا ..
زينه:الحفلة للبنات وبس زي ما قالت مشاعل ..
محمد ابتسم بخبث:اهااا .. ما كنت أدري ..
زينه:أكيد ما تدري أنت بس فالح بالتغزل وبس ..
محمد كتم ضحكته ..
عبد الكريم:أنا لزوم أطلع ومحمد بيشرح لك كل حاجة وانا بروح أهتم بطرف القضية ذي ..
ولما طلع ..
زينه رفعت حاجبها:لا تناظرني كذا لخذ القلم وانقبه بعيونك ..
محمد:ههههههههههههه ..
قام وجلس جنبها ..
وزينه قامت بسرعة: لا تجلس جنبي ..
محمد سحبها من يدها وحطها جنبه ومسك يدها وخذ المخطط:أنا بعلمك ..
زينه وجها أحمر من قربه:بعد عني ..
محمد باس يدها:لزوم يعني هالحركات السخيفة ..؟؟ خلي بينك وبين زوجك لحظات حلوة ورومانسية ..
زينه بسخرية:احلف بس .. أنت مو زوجي ..
محمد رفع حاجبه:وألي صار من شوي ..أجل تتوقعين وش أنتي..؟؟
زينه ألتفت له:لأكون أكثر واقعية .. أنا وأنت ما بيننا حاجة غير ورق .. ولا غيرت رايك ..
محمد ببرود:والله كلام الليل يمحوه ما في النهار ..
زينه با أنفعال:يعني وش ..؟؟
محمد خذ نفس عميق:أنا منيب مطول عندك , واسمعي .. ذا مخطط فيلا البويات ألي بتنعمل الحفلة اليوم ..
زينه تناظر بالصور:طيب , وين غرفهم بالضبط..؟؟
محمد:ما تقلقين من هالناحية راح يكون به تواصل عبر السماعة ..
والتفت للكيسة وطلع منها الكاميرة الصغيرة وبجرائه اقترب منها اكثر وحط الكاميرة بجيبهآ ..
زينه حست بحرارة من قربه وبحيا:ووجع كان قلت لي وأنا حطيتها ..
محمد بجديه:لأكون صادق معك زينه .. أنا ما احب أعامل الفتيات الحلوين بصرامة وحدة ..
زينه با اندفاع:لا أنا أباك تتصرف معي بصرامة .. أحسن لي ولك ..
محمد قربها منه زود:مقدر اتصرف مع محبوبتي كذا ..
زينه بحيا شديد:محمد بعد عني ..
محمد اسمي بلسانه له نغمه غريبة وبا ابتسامه:مكنت أدري أن أسمي حلوو ..
زينه بعدت عنه:محمد أنت تدري أن اذا مستعجلنا بالقضية راح يطيرون وتظن اأن الرئيس بيكون مبسوط منك مثلا ..
محمد ناظرها:صح كلامك .. بس ما يمنع أن أحنا ناخذ وقتنا كا محبين ..
زينه قامت من الكنب وكشرت بوجها:أحنا منحب بعض عشان ناخذ وقتنا كا محبين .. قال شو قال محبين ..
محمد با ابتسامه:طيب طيب زي متحبي بتعامل معك بصرامة بس جلسي اشرح لك المسألة ..
زينه جلست بس بعيدة عنه شوي ..
محمد مسك الصور وتصميم الفيلا وهو يأشر:ذي أكيد المكان ألي بيجتمعون فيه ..
وطبعا راح تتسللين من دون محد ينتبه لك وتدخلين غرفة مشاعل..وتفتشين بالأدراج وبالسرير أمكن به حبوب أو حشيش ..
.
.
.
وعلى الساعه 7 ليلا ..
جهزت نفسها وتسبحت بالعطر ..
كان فستانها آخضر عشبي توب به من تحت الصدر فيونكة ذهبية وقصير لنصف الساق .. وصندل عالي ذهبي .. وأساور عريضة مرصعة بالفصوص ..
وحلق طويل ناعم ذهبي , وحطت مناكير شفاف بس ..
وعملت بف بشعرها ولبست تاج ذهبي به فيونكه على جنب ..
وتحت حاجبها حطت اضائه ورسمت عينها بالاي لينر من فوق وتحت وكثفت الماسكارا صار كحل عربي وبلاشر وردي مائل للمشمشي وغلوس وردي لامع ..
لبست عباتي وطلعت مع شمس ..
واجروا سيارة وكان ألي يسوق أبو مهند وطبعا من تخطيط المنظمة بس شمس ما تدري عن حاجة ..
ودخلت جوا الفيلا ..
كانت كبيرة مرة ..
وعند المقدمة الفيلا الارض مليانه بالاعشاب وأشجار وورود ..
وصوت الاغاني الصخبة طالعة من الحديقة..
دخلت بتوتر عكس شمس المتحمسه ..
ونقرت الجرس وأنفتح الباب من دون تأخير ..
مشاعل بابتسامه:هلا والله ..
وخذتني بحضنها وضمتني مرة وهي تتحسس بظهــري وجاتني قشعريره وبعدت عنها ..
مشاعل بابتسامه:اشلحي عباتك بالتوليت ..
وتوجهت للتوليت من دون تردد وشلحت عباتي وشيكت نفسي وحطيت السماعة بذوني والكاميرا عند الفتحة الصدر بحيث يشوفون كل حاجة من الحفلة ..
تسبحت بالعطر مرة ثآنية ..
وطلعت منه وأنا أشوف المكان مكتض حيل بالبنات وكان الست العنود مع شلتها هناك ..
وجالسين يرقصون ..
وخذت الخادمة عباتي وشنطتي ..
وجلست أدور عن شمس مالقيتها ..
وبعض البنات يناظرون فيني ..
امل:من ذي ..؟
تهاني :أكيد مو من الجامعة ذي .. ولا مشاعل ..!!!
مشاعل تناظرها من فوق لتحت بذهول شديد: ااخيه بس هالجسم ووش هالجمال يروح لها ..
العنود التفتت لها وعرفتها وكشرت ..
زينه جلست بالكنب الجلد العنابي ..
مشاعل قدمت لي العصير:تفضلي ..
زينه ناظرتها وخذت الكأس بتردد:يعطيك العافية ..
مشاعل جلست جنبي وحطت رجل على رجل ..
محمد:الله العالم أنها معرفتك ..
زينه جيت برد بس مقدرت لأنها تطالع فيني من فوق لتحت ..
مشاعل:ما عرفتك الصراحة..من انتي ..؟
زينه بابتسامه باهته:أنا زينه .. شو نسيتيني ..؟
مشاعل بصدمه:ما شاء الله..كل هالزين كله ورى هالعباية ..
زينه:تسلمين ما تقصرين والله , كلن وله جماله .. وبعدين أنا عادية ياقلبي ..
مشاعل خقت عليها:فديت هالتواضع أنا ..على العموم عجبتك الحفله ..؟
زينه بذهول:مرة والله .. حاجة تجيب العافيه والله ..
كان الاجوواء هادئه مناره .. الأنوار الصفراء بكل زواية تشع وتعطي رونق له ..
وبالغرفة المجاوره طاولة كبيرة مركونه على جنب أكلات متنوعه ..
مشاعل حوطتها من خصرها وبهمس اربكها:كل ذه عشانك ..
زينه بعدت يدها وبخوف:ما تقصرين والله ..
مشاعل جات بتقرب إلا ..
زينه قامت بسرعة:بروح التوليت ..
ولا أنتظرت منها أي رد ..
محمد:وين تروحين ..؟
زينه بهمس:لا تقلق منيب خبله , آحط الكاميرا اون لاين وأنا بالتوليت ..
محمد:مالك لزمه بالتوليت ..
زينه:الأهم أتخلص منها ..
محمد بابتسامه:صايره حلوة مرة ..
زينه بسخريه:وكيف شفتني يا حظي ..
محمد أقترب منها وضمها من ورى:لأني هنا معك ..
زينه توترت من قربه وبصدمه: وش تسوي هنا , مو الحفله للبنات وبس ..
محمد لفها له وباعجاب شديد:أحين كل هالزين والشياكة لبويات ..!! وأنا وين رحت ..؟؟
زينه بعدت عنه:ما تتكلم وش جيبك هنا .. !!
محمد ببرود:I invited to this prestigious concert
( أنا مدعو لهذه الحفلة آلرآقية ) ..
زينه كفتت يدها:احلف بس ..
محمد ببرأئه:قسسم ..
شمت ريحه حلوة بالمنعطف ولفت وجها وشآفت المؤكولات وحطت يدها على بطنها ..
زينه تناظر الآكل:بعدين اتصرف معكـ ..
ورآحت لطاولة وخذت صحن وحطت لها باشميل وعلى جنب كفته .. وصارت تآكل آلكفته وهي وآقفه :ييممي ..
محمد ناظرها وكتم ضحكته ..
زينه خذت العصير وجلست بآلكرسي ..
محمد حط لهـ بالصحن وجلس قبالها بس بعيد شوي ويكلمها بالسماعة:شوي شوي ..
زينه ماعبرته وتمت تآكل .. محمد أبتسم وتم ينآظرهآ ..
زينه بحماس : يآآي حبيت والله ..
مشاعل أقتربت منها وباستها بخدها وبهمس:أسعدني والله كلامك ..
زينه ارتبكت:آهآآ ..
مشاعل :عادي أكل جنبكـ ..
زينه ( لا مو عادي )با أندفاع:أي أكيد ..
مشاعل مصدقت خبر وجلست جنبها ولصتها ..
زينه جلست تاكل ..
مشاعل ناظرتها وحطت يدها قريب شفتها ومسحت الأكل العالق ..
محمد ( صدق انها شادة ) :..........
زينه بهمس: شكرا ..
مشاعل باابتسامه:تصدقين أنك دخلتي مزاجي من شفتك .. !!
زينه (وهذا هي المصيبه):........
مشاعل كملت:حسيت بجاذبية نحوكـ .. مدري كيف أوصف لكـ ..!! بس ودي أجلس معك ولا أقومـ..
محمد(ول ذي صمغ فيران):..........
مشاعل قامت:بجيب لك العصير ..
زينه أول ما شافت مشاعل راحت قامت على طول ولحقها محمد لعند برا الشرفة ..
زينه بقلق:ذي مجنونه رسمي ..
محمد:ذي بويه معروفين حركاتهم ..
زينه يدها على قلبها:وش السوات معها طيب ..
محمد:خلك طبيعيه وبس ..
زينه باندفاع:أنا بطلع منيب مرتاحه والله ..
لزوم نتحرك..أنا بدخل جووا الغرف وبفتش ..
محمد:وأنا معك ..
زينه باندفاع:أنت راقب المكان بس وحاول تشغل البويات ..
ودخلت بسرعة لدور الثاني ألي بيه الغرف ..
ودخلت غرفه غرفة وخذت الكاميرا الصغيره وصارت تصور بكل ورقة ..
وفتحت درج وشافت حبوب كثيرة وبهمس:محمد هنا واجد حبوب ..
محمد اقترب منها وشاف الحبوب:وينهم ..؟
زينه رفعت طرف فستانها وبفوق ركبتها حزام حاطه بيه العينات ..
محمد ناظرها وغمز:مقدر أنا ..
زينه تأففت:بعدين الكلام ..
وخذت من كل نوع حبة بالعينة ..
محمد صار يناظر بالأوراق والملفات ..
زينه بخوف:يلا نطلع محمد قبل لا يكشفوفنا ..
محمد هز راسه بنعم ..
وطلعت من الغرفة وصاروا يمشون بالممر ألا ....
العنود بقت عينها:صدق أنك قليله الادب ..
مسويه نفسك يعني أني عبايه وأدب وأنتي رايحه مع محمد ..
زينه بقت عينها وفز قلبها من الخوف وحمدت ربها أن العنود هي ألي شافتهم:لا العنود..
العنود قاطعتها:وش ألي لا .. أنتي وحده وقحه من رجال لرجال .. مابه كرامه ..
(وسحبت يد محمد) وخري عن محمد .. وسحبته معها ..
زينه تنهدت براحه جات بتنزل إلا تسمع صوت مو مألووف ..
: You must bring me, I can not stress
( لزوم تجيب ما أقدر استحمل ) ..
بهمس:بجيب لك.بس مو ببلاش..عطيتك بالاول ببلاش واحين لزوم اخذ الثمن ..
:اطلب ألي تبي بس لزوم تجيب لي الحبة ..
زينه قربت من الشجرة الزينة , وكان كلامهم تكسير انجليزي على عربي , وصدرت صوت خفيف بورقها ..
والتفتوا:من هناا ..
زينه غمضت عينها بشده..
و................
انتهــــــــــى آلبآآرت ... !!