اعترافات رجل - الفصل 2 | روايتك

عالم القصص والروايات 📚: #قصص1وروايات1وحكايات #الجزء_الثاني 📚 مراد:هههههههههه مايا:ليش عم تضحك ؟ انا بعرف انو تصرفت غلط باني ضربتو... مراد:لااا ما لهيك عم اضحك ،انت يلي عملتيه دفاع عن النفس و اي حدا بينضرب و لو كان طفل صغير او حتى حيوان بدو يدافع عن حالو بهالطريقة لهيك  بتشوفي كل حيوان مميز بوسيلة دفاع مختلفة فما بالك بالانسان يلي كلو احساس و مشاعر ، بس انا كنت عم اضحك انو عجبتيني ،قصدي يعني انو شخصيتك قوية و قدرتي تعملي هيك مايا :هاي ما اول مرة بضربني فيا بس ولامرة هيك تصرفت ،كنت كل مرة اسكت و ما يطلع صوتي و قول ما بدي سمع الجيران فيني و كرمال ابني كرم بس وصلت لمرحلة تعبت و مليت من طريقة معاملتو الي و خياناتو المتكررة (تبكي ) و خاصة انو ما حدا من اهلي جنبي و قادر يوقفو عند حدو ....حكيت كتير مو مراد:ولا يهمك عادي مايا :انت جاي من السفر و تعبان و انا جيت فرضت حالي عليك ،يلا عن اذنك انا لازم ارجع برمت ضهرا و بدا تروح رجعت تذكرت انو لابسة قميصي مايا :ااه قميصك ..ما ضل فيني ولا شوية عقل ابدا ....تفضل يسلم ايديك مراد: الله يسلمك بس انا برأيي انو تبقي الليلة هون ... كانت رايحة على الباب حتى تفتحو و تطلع بس سمعت صوت باب بيتا ،اطلعت من العين الساحرة و التفتت علي هي و عم تهمس مايا:هادا زوجي اخد كرم و نزل ....لوين بدو يكون راح ...ياااللله انا كيف بدي ارجع على البيت هلأ ...يا ريت ما طلعت مراد: خلص فوتي لجوا بلكي هلأ شوي تانية بيرجعو سكتت و كأنو عم تفكر و لانو ما كان عندا حل تاني فاتت و رجعت لبست القميص و قعدت مراد:طيب انا رح انزل اشتري كام غرض للبيت و عشا و برجع ما بطول ،خليكي هون ايه ،ما تطلعي حتى لو رجع زوجك لانو بجوز يكون  بعدو معصب و يرجع يضربك و يأذيكي مايا :...طيب نزلت من البيت على اقرب سوبر ماركت بحارتي و اشتريت كام غرض و نواشف للبيت و رجعت بسرعة ،فتحت الباب و دخلت ،كنت خايف تكون راحت بس شفتا واقفة على المراية  و رافعة شعرا بايدا و عم تطلع على اثار الضرب على وجهها و جسما ،كنت كل ما اطلع فيها ضيع و انسى حالي و كأنو اخد غفوة و ما فيق منا الا لارجع اسمع صوتا مرة تانية مايا:جيت ما حسيت عليك مراد:انا فايت على المطبخ حطن فتت على المطبخ و شلت الاغراض من الاكياس و رتبتن بمحلن ،سمعت صوت دعساتا الناعمة جاي لعندي ،مرت على باب البيت و تابعت لعندي على المطبخ مايا :ما رجعو لهلأ ...معقول كون انا اذيتو كتير و راح على المشفى مراد:ما بظن ،كيف قهوتك؟ مايا :يلا انا بعملا اخدت مني الركوة و وقفت على المجلى ، كنت واقف وراها بس ريحة عطرا واصلة لانفي ،كانت عم تتحرك بنعومة و انا وقفت كتفت ايدي و ما عملت شي غير  انو اتفرج عليا مايا : قهوتك ...بتوقع سادة ؟ مراد:ايه سادة و انت بتوقع قهوتك حلوة مايا:لا سادة كمان حتى القهوة السادة رح تصير  حلوة بين ايديها و قدام شفايفا  ،فتلت لعندي و  اعطتني فنجان القهوة ،و بعدت شعرا عن وجها ،اطلعت فيها و رجعت نزلت نظري على القهوة مراد:يسلم ايديكي فتنا على الصالون و قعدت قبالي على الكنباية  مراد:ايمت بتقطع الكهربا ؟ مايا :هلأ شي ساعة و نص ،التقنين 3ب 3 ،مراد اذا بدك اتركني و فوت ضب تيابك بالخزانة مراد :لا عادي ما مستعجل مايا:طيب اذا بدك نام يعني بما انو جاي من سفر اكيد بتكون تعبان  ،انا هلأ بس اسمع صوت زوجي رجع ،رح ارجع عالبيت مراد:لا ما تعبان ابدا ما تاكلي همي ،بس انت فوتي نامي جوا  بغرفة ابي و امي و انا بنام بغرفتي مايا:لا لا ما بقدر  مراد:..ما تخافي على حالك مني ،وعد شرف مني ما رح المسك تلبكت و نزلت راسا مايا:لا ما كرمال هيك بس ما بقدر نام برا بيتي ،هيك بتكبر المشكلة مع زوجي مراد:طب اذا رجعتي لعندو و سألك وين كنت شو رح تقليلو مايا :....ما فكرت ابدا بهالموضوع ...ما بعرف شو بدي قلو ....رح قلو انو كنت عند الجيران مراد :و بلكي رجع ضربك لانك طلعتي من عندو هيك ،انا بكرا بنزل بشتريلك تياب و بترجعي فين لبيتك و تقليلو انو هدول لبستين من عند جارتك مايا : لا ما بدي عذبك معي مراد:لا ولو انت متل اختي ..دايما على القهوة ،رح قوم حط عشا انا جوعان كتير مايا:لا انا بحطو قامت على المطبخ و انا قمت شغلت التلفزيون و رجعت قعدت ،قلبت بالقنوات  بس انا كان كل تفكيري معا ،بعد ربع ساعة  انقطعت الكهربا و سمعت صوتا عم تناديني ،ما رديت عليها فورا كنت حابب اسمع اسمي منا مرة تانية و تالتة ،لاول مرة بحب اسمي كتير مايا :مراد ...مراد...ما بقا شايفة قدامي  قمت على المطبخ و شغلت فلاش موبايلي مراد:حسبت هيك حساب لهيك جبت معي شمع...امسكي مسكت الشمعة بايدا و انا شعلتا بالقداحة ، كانت حلوة كتير على ضو الشمعة   زادت فتنة اكتر ، عيونا العسلية زادت لمعتن ،حطت الشمعة على المجلى و تابعت شغل مراد:انا بشو بساعدك ؟ مايا: ولاشي خلصت بس انت امسك الشمعة و حطا على الطاولة قعدنا نتعشى على ضو الشمعة ، حتى قطع الكهربا حسيتا متأمرة علي هالليلة و قررت تعمل من هالليلة ليلة رومانسية بحتة.... #يتبع ... #قصص1وروايات1وحكايات