الفصل 2
الفصل الثاني ........
يوم الملكه .....
كانت في غرفتها جاهزه وميته خوف وتوتر حست بمعدتها تقلب ركضت للحمام واستفرغت ومسحت دموعها وغسلت وجهها وفرشت اسنانها جلست على التسريحه. عدلت المكياج الخفيف الي سوته بنفسها وفكت شعرها الحريري البني لاسفل ظهرها ولبست فستان سكري ناعم على الجسم واسع من تحت وفيه تطريز على الخصر بالذهبي لبست ذهب قرأت الاذكار وطلعت لناس الي باركوا لها والاستغراب على وجيههم من الزواج المفاجئ شافت الزعل في عيون شروق بعد العشاء ناداها ابوها لمجلس الداخلي وقف قلبها بس ارتاحت انه بس ابوها واخوانها وعمها سلمت عليهم بحب وراحت لبست عبايتها واخذ فيصل شنطها وخرجت وقلبها يدق بخوف شافته واقف مع فيصل كان معطيها ظهره طويل وعريض قرب منها فيصل وضمها و باس راسها : الله يوفقك اذا احتجتي حاجه اتصلي علي زين ابتسمت بحزن : ان شاء الله فتح لها فيصل الباب وركبت وقفل الباب ومشى الي جنبها ماقدرت تطالع فيه حست بخوف مو طبيعي مسكت كفوفها وشدت عليها غمضت عيونها وقرأت الاذكار وقف عند فندق ونزل حست نفسها انقطع عضت شفتها ونزلت لما فتح لها الباب مشى قدامها بسرعه بصعوبه قدرت تجاري خطواته الواسعه وصلو الجناح وهي ميته خوف هو كان متوتر ولاحظ توترها وزاد توتره حاول يبطئ خطواته عشان تمشي معاه لف لجهتها وشافها لسا بالعبايه : خذي راحتك وراح للغرفه عشان تفسخ عبايتها جاه فضول يشوف كيف صار شكلها بعد ما كبرت هي فسخت عبايتها بصعوبه دموعها تجمعت في عيونها لفت للجهه الثانيه وغمضت عيونها دخل الصاله ووقف يطالع فيها ماخطر في باله انها بهذا الجمال شافها فتحت عيونها ولفت تطالع في المكان الين جات عينها في عينه نزلتها بخجل وحست برعشه في جسمها من نظراته عيونه وملامحه الحاده خافت قرب منها بس دق الباب دخل العشاء وحطه قدام الكنبه الي هي جالسه عليها وجلس مقابل لها واشر لها تاكل هي كانت نفسها مسدوده اذا توترت يجيها غثيان وعسر هضم اخذت شويه من العصير ومارفعت نظرها له وقفت : ببدل ياسر ببرود : خذي راحتك دخلت الغرفه وتنفست بعمق فتحت شنطتها وطلعت الفستان الي اختارته لها ورد تذكرت كلام امها لها انه مهما كان هو زوجها ولازم تطيعه وتحترمه وتحترم اهله وماتقصر في حقوقه ابد راحت للحمام استحمت بسرعه ولبست فستان حريري لنص الساق وروب طويل حريري طلعت وشافته دخل الغرفه اخذ ملابس ودخل الحمام حطت لوشن وتعطرت طلع وقرب منها ومسك كفها حسه بارد وقفها ورفع وجهها له طالع فيها وهي تبعد عيونها عنه بخجل : مبروك طالعت فيه وبعدت عينها : الله يبارك فيك باس خدها ولاحظ خجلها ابتسم .
صحيت الفجر وهي تحس بتعب تذكرت الي صار وحست بغصه شافته نايم نزلت وراحت للحمام تروشت ونزلت دموعها بصمت طلعت بروب اخذت بنطلون واسع كحلي وبلوزه ابيض ملفوفه على جسمها مشطت شعرها وشافته قام راح للحمام وخرج شافته يطالع فيها بنظره غريبه بس ماتكلم وراح لبس ثوب وشماغ جات بتلبس عبايتها عشان يمشون : ماعندك تنوره طويله الالباس هذي لا تلبسيها برى البيت واضح انصدمت من اسلوبه الجاف وخافت منه اكثر : حااضر وراحت بدلت البنطلون بتنوره بيج وطلعوا سلمو على اهلها وسافروا نزلت دموعها بخوف وهي تبعد عن بيت اهلها بعد 5 ساعات بسياره وصلو كان المكان غريب عليها مافيه الا مزارع على مد البصر وحيوانات غنم وابل وبقر مشى قدامها وتبعته بصعوبه من الارض الترابيه دخلوا بيت كبير ومرتب بس تصميمه قديم حوش كبير تفتح فيه الغرف والدور الثاني يطل عليه شافته اشر لها على باب : هذا مجلس الحريم خافت لانه ماراح يدخل معها بس مشت ودخلت : السلام عليكم شافت 5 بنات في عمرها وعمر اخواتها يطالعون فيها بنظرات غريبه وعجوزه وحرمتين كبار ماحد رد السلام فكت الغطاء والعبايه قربت وسلمت على الجده وسلمت على راسها وسلمت على الحريم والبنات وقفوا وسلموا عليها ببرود جلست على الارض قدامهم جابوا قهوه وتمر وماحد تكلم معها بكلمون بعض ويطالعون فيها حست انها راح تبكي : انت ايش اسمك سألت الجده ابتسمت : ياسمين لفت تكلم البنات : وين ياسر مادخل يسلم واحده من البنات : عند الرجال يمه كانت متعبه وجوعانه بس مالها نفس في الاكل سمعت صوت ياسر ينادي : لطيفه فاطمه شافتهم قاموا بسرعه وفتحوا الباب : ادخل مافيه احد غريب دخل : السلام عليكم ردوا السلام بهدوء طالع فيها باين عليها التعب سلم على جدته وامه وخالته زوجة ابوه : الحمدلله على السلامه ياسر جلس جنبها : الله يسلمك يمه ياسر : ابوي وين لطيفه : راح للمزرعه ياسر بحده : والعمال ليش جايبهم انا خافت من صوته العالي طلع بعصبيه هو جاب عمال عشان يريحه بس ابوه عنيد انسحبوا البنات والحريم وقعدت لوحدها مع الجده الي تتسمع على الراديو ولا اعطتها اي اهتمام تحس كأنها في كابوس بس متى تصحى منه حست بضيقه ودموعها تجمعت في عيونها بس مانزلت اسندت ظهرها بتعب للجلسه طلعت جوالها بس مافيه شبكه حست بالغربه و الخوف ياسر ماجاء الا بعد المغرب واهله ساحبين عليها تماما جالسه من الصباح في غرفة الحريم ماحد دخل لها ولا جلس معها الجده خرجت من العصر جات وحده من البنات : ياسر يبغاك ألبسي عبايتك وتعالي لبست عبايتها وخرجت من الغرفه بس ماعرفت وين تروح شافها واقفه عند الغرفه وباين انها مضيعه : تعالي لفت بفجعه وراحت له مشى من دون كلام ومشت وراه الين وصلوا بيت متوسط بس باين انه جديد دخل ودخلت بعده : هذا بيتنا دخلت لجوه وفصخت العبايه طالع فيها كان باين عليها التعب : تبغي تاكلي هزت راسها بلا اشر لها على غرفه اخر الممر : هذي غرفتك وطلع من البيت راحت الغرفه وهي واصله حدها من التعب والخوف والقهر دخلت الحمام واستفرغت بس اصلا ما اكلت حاجه من يومين بس العصير والمويه نزلت دموعها قامت غسلت وجهها وفتحت جوالها بس ماكان فيه شبكه نزلته اذن العشاء صلت ونامت على السجاده من التعب دخل البيت وتوقع انها نايمه بس شاف نور الغرفه مولع دخل وشافها نايمه على السجاده ابتسم وقرب منها شالها بخفه وحطها على السرير انسدح جنبها وقعد يتأملها بشرتها البيضاء وشعرها البني ورموشها الطويله ملامحها الناعمه ضمها لصدره ونام بعد الفجر صحيت وحست بحاجه تقيدها جات بتتحرك وماقدرت فتحت عيونها وشافت نفسها في حضنه انحرجت بس استغلت الفرصه وطالعت فيه عن قرب كان فيه شويه نور من الشباك ملامحه حاده رموشه كثيفه وسيم تحركت بهدوء وراحت للحمام توضت وخرجت صلت شافته قام راح للحمام وجاء صلى على السجاده بعدها بعد ماخلص رتب السجاده وقال بجفاء : أجهزي بنروح بيت اهلي بلعت ريقها بخوف ياربي انا ليش اخاف اذا اتكلم معاي كذا الله يعيني لا يسوون فيني زي امس : حاضر وقامت فتحت شنطتها طلعت تنوره رصاصي وبلوزه اسود ولبستها ورفعت شعرها ذيل الحصان ولبست عبايتها طلعت الصاله وشافته وقف ومشى قدامها بدأت تكره الحركه هذي مشت بسرعه بس ماقدرت تجاري خطواته خصوصا انه يمشي على التراب كأنه يمشي على البساط الاحمر وهي مي قادره تمشي خطوتين صح وصلو البيت بعد عناء دخل عند الرجال وجات بتروح قسم الحريم بس ناداها بنفس اسلوبه البارد : تعالي مافيه الا ابويه وجدي استحت مرره بس بلعت غصتها ومشيت معاه دخلت : السلام عليكم ردوا السلام بهدوء وقف ابو ياسر وسلمت على راسه وقربت من الجد وسلمت على راسه حست انهم مو طايقينها جلست جنب ياسر وعيونها في الارض بدأوا يسولفون مع ياسر وتجاهلوها بالكامل بعد ربع ساعه قال لها ياسر تدخل دخلت ونفس الشئ تجاهلوها البنات وامهاتهم بس الجده : علامك جالسه قومي ساعدي البنات وقفت وانا حاسه بدوخه لاني ما اكلت حاجه من يوم ونص : ان شاء الله جيت بروح بس سمعت واحده من الحريم تتكلم بحده خوفتني : خذي شيلتك لا تفضحينا رجعت واخذتها ولبستها ورحت للبنات الي اول مادخلت سكتوا ابتسمت بإحراج : تبغون مساعده شفت نظرات السخريه على وجيهم واحده اتكلمت : تعرفين تسوين شاي ابتسمت : ايه اعرف اخذت منها البراد جيت اعبيه من المغسله بس وقفتني صرختها : ياخبله المويه هذي مو لشرب وبدأوا يضحكون : من هناك واشرت لي على سطل مويه كبير رحت وعبيت منه بتعب ورجعت ولعت النار بصعوبه لاني مو متعوده على الكبريت لفيت لها : وين السكر تأففت واشرت لي على الدولاب فتحت واخذته وذقته اخاف يسوون لي سالفه ويعطوني ملح بداله حطيت السكر وظليت واقفه انتظره يغلي طالعت فيهم : ماعرفتوني عليكم طبعا كلهم تجاهلوني بس واحده تكلمت : انا مها وهذي لطيفه وهذي فاطمه وهذي علياء وهذي عهد ابتسمت : ما شاء الله وقفت وشفت للمويه وحطيت الشاي وخليته يغلي وخلصته وطفيت عليه اخذته مها وصبته في ترامس بعد ماذقته طبعا وانا جلست على كرسي عندهم حسيت بدوخه لطيفه : لا تكونين مريضه مافحالنا ننعدي كنت من جد حاسه بدوخه : لا بس دايخه شوي سمعت شهقاتهم فاطمه : وجع لاتكونين حامل انقهرت من اسلوبها ايش وجع ذي اشرت لها بلا : لا مو كذا بس ما اكلت زين علياء : روحي اجلسي مافحالنا تطيحين علينا الحين وقفت ورجعت الغرفه مقهوره من اسلوبهم معي ماني فاهمه ليش يكرهوني كذا لما جاء الفطور لاحظت نظرات غرببه من الكل ماقدرت اكل براحتي بس كنت ميته جوع بعد ماخلصنا حسيت بشويه تحسن ساعدتهم بشيل ورجعت جلست بس نادتني ام ياسر لغرفه ثانيه : كم لك حامل انحرجت من سؤالها انا مو حامل واصلا لي ثلاث ايام متزوجه ايش كم لي : انا مو حامل يا خالتي طالعت فيه بنظرات مافهمتها شويه ودق الباب ودخل ياسر الي نظرات التعجب من وجودي ما اخفاها انحرجت مررره ايش فيهم هذولاء : خذها للمستشفى وتأكد من متى وهي حامل لا تبلانا بالي في بطنها انتوا مالكم شئ متزوجين شلون تحمل انصعقت من كلامها وماقدرت افتح فمي وكملت كلامها : قلت لك بنات الحضر ينخاف منهم بس انت وسكتت نزلت دموعي من القهر طالعت فيه وكان ساكت : والله انا مو حامل والله سمعته يتكلم بنفس بروده بس بعصبيه واضح انه يحاول يخفيها : قومي ألبسي عبايتك لاحظت شبه ابتسامه على وجه امه قمت ولبست عبايتي وانا اشوف البنات يطالعون من الشباك رجعت عنده وبدأ يمشي الين وصلنا البيت ماحسيت بالخوف ابد يمكن لو يذبحني راح ارتاح وانا ماسويت حاجه غلط ماهمني كلامهم بس جرحني قطعني دخلنا البيت وجلست على الكنب بتعب جلس جنبي وهو ساكت : انا مو حامل انا دخت لاني ما اكلت من كم يوم وقف وطلع من دون كلام نزلت دموعها ومسحتها وقامت حاسه بضيقه مل مالها تزيد تحس انه كابوس وراح تصحى وتلاقي نفسها في بيت اهلها تنزل تجلس مع امها وابوها وتصحي اخوانها واخواتها وترفع ضغوطهم نزلت دموعها لما تذكرتهم ومسحتها غيرت ملابسها ولبست فستان لنص الساق واسع وقطني طلعت جوالها ماحصلت شبكه راحت المطبخ حصلت فواكه اخذت موزه تحس ببرود مو قادره تتقبل الوضع ابد ماتحسه حقيقي دايم اخواتها يقول لها انها الاضعف شخصيه لانها تعتمد على ابوها ياخذ لها حقها من يومهم صغار وتعتمد عليه في كل حاجه ماحست بصحة كلامهم الى الحين حقيقي هي ضعيفه وضعيفه جدا نفسها تكلم فيصل ياخذها بس ماتقدر قعدت لوحدها لساعه 10 الليل سمعت صوت الباب ودخل طالع فيها ودخل الغرفه راحت وراه شافته يبدل انحرجت وطالعت في الارض : ايش تبغين رفعت عينها له ورجعت نزلتها : ابغى اكلم اهلي رفعت عينها وشافته عاقد حواجبه خافت انه يبغى يحرمها من اهلها : الي صار الصباح انسيه طالعت فيه وفهمت انه مايبغاها تعلم اهلها هي ما كانت ناويه اصلا : ماكلمتهم من يوم ماوصلنا قرب منها : ليش ما كلمتيهم بلعت ريقها ولفت عينها في الغرفه : ماعندي ارسال شافته راح للكوميدينه ومد لها الجوال : لا تطولين ابتسمت بفرحه اخيرا راح تسمع اصواتهم اخذت الجوال وهو خرج من الغرفه اتصلت برقم ابوها : بااابا وحشتني سمعت صوت ابوها الحزين : ياسمين يا عيون ابوك وينك ما تتصلين يبه نزلت دموعها وتمنت انها تقدر تصرخ وتقول له يجي ياخذها من هنا : الارسال عنا مرره ضعيف اسفه خوفتكم كل حاجه تمام اهل ياسر طيبين بس فقدتكم مرره كيف امي والبقيه ابوها : كلنا بخير الله يوفقك ويسعدك انت زينه يبه قولي الصدق ياسمين : لا تخاف عليه يبه انا زينه شافت ياسر دخل : سلم لي على امي والبنات والاولاد وقول لهم انه ماعندي ارسال لا يقلقون عليه وانتبه لنفسك لا تنسى دواك ولا تجهد نفسك بالعمل يالله فمان الله وقفلت بعد ماودعها شافته سادح ومغمض عيونه حطت الجوال على الكوميدينه وجلست على طرف السرير ماعرفت ايش تسوي حست نفسها مكتومه وقفت بس مسك يدها وجلسها وجلس : كانوا فاهمين غلط مو لازم يكبر الموضوع هزت راسها بأيه حست انه مالها اي رأي او قيمه تحس انه مو حياتها هذي فخلاص تمشي زي ماتمشي قرب منها وضمها .
صحيت على صوته يصحيها لصلاه قامت وراحت للحمام تروشت ولبست توضت وصلت : ألبسي بنروح بيت اهلي لبست بدون اعتراض وخرجت بعده الين وصلو البيت دخلت وسلمت وجلست كالعاده طنشو وجودها تماما الا من انتقادات من الجده من وقت لثاني .
^^^^^^^ بعد 4 شهور .....
حياتي ماشيه على نفس الروتين اصحى ونروح لبيت اهله بس التغيير انهم صاروا يكرفوني بس مستمرين بتطنيشي وانتقادات ماتنتهي ياسر غريب ماعرف اي شئ عنه حتى كم عمره ما اقدر اسأله اخاف ولا ما اعرف ايش شعوري ناحيته ما اقدر اتكلم معه و قلبي بيتقطع على شوفة اهلي صحيت من سرحانها على صوت حركه غريبه قريبه منها لفت وشافت خروف كبير ارتعبت هي تخاف من الحيوانات بشكل عام رمت الي في يدها وشافت لطيفه ومها واقفات يضحكون وباين انهم متعمدين قرب منها ورجعت وراء بسرعه دعست على ثوبها وماحست بنفسها الا وهي طايحه على شوك نزلت دموعها من الخوف : ايش تسوين انت واياها صوته الحاد ارعبها تحركت تبغى توقف بس الشوك كان عالق في ثوبها شافتهم خرجوا الخروف وهو جاء لعندها وبدأ يفكك ثوبها من الشوك : ليش تبكين رفعت يدها ومسحت دموعها وقف ووقفها : انتظريني هنا هزت راسها ولفت تشوف لمكان الخروف ماشافته عرفت انهم خرجوه عشان ياسر شافهم جاء شايل عبايتها اعطاها اياه ولبستها وخرجوا للبيت دخلت وراحت للغرفه فصخت العبايه واخذت فستان قصير لتحت الركبه وعلاقي بس لما جات تفسخ الفستان الي هي لابسته حست بألم في ذراعها بس فسخته ولبست الفستان القصير شافت ذراعها اليمين كله دم خرجت من الحمام وشافته واقف اشر لها تجلس وطلع شاش ومعقم ومسك يدها وحط معقم في القطنه وبدأ يمسح كان يلسع ويحرق فزت من ألمه بس مسكته ماخلتها تتحرك نزلت دموعها غصب خلص ولف يدها بشاش مسح دموعها وباس خدها اليمين وخرج غمضت عيونها لثواني وقامت انسدحت على السرير بتعب ونامت صحيت وهي حاسه بالجوع راحت للمطبخ بعد ما صلت العصر سوت لها مكرونه وجلست بتاكل الا وهو داخل وقفت : كلي بالعافيه وراح المكتب حقه سمت بالله واكلت جاء وجلس عندها في الصاله بس كان مشغول بالاوراق الي عنده بدأت تاكل بشويش رفعت نظرها له كان مشغول بأوراقه : احمم ابغى اطلب طلب اذا ممكن شافته رفع نظره ونزل الاوراق : اطلبي ارتبكت من نظراته : ابغى اروح لاهلي حست بالخوف ورفعت عينها له شافته يطالع فيها بعدين رجع لاوراقه : اذا جاتني فرصه راح أقولك هزت راسها بحزن صارت تكلمهم بشكل يومي بعد ما جاب لها جوال مختلف وعرفت الاماكن الي فيها الارسال يكون قوي بس اشتاقت لهم خلصت اكل وراحت للمطبخ غسلت المواعين ورجعت لصاله مافيه اي وسيله للمتعه هنا الا الناس وماحد طايقها مافيه غير ياسر الي ماتتكلم معاه كثير واصلا كلامه قليل جدا حست بالوحده بفضاعه يمكن لو سافرت برى تدرس راح يكون افضل لانه بإختيارها وفيه ناس جدد راح تتعرف عليهم غير عن انه فيه دراسه تشغل وقتها هنا كل وقتها فاضيه تكره نفسها وشخصيتها الضعيفه بس مو قادره تتغلب على خوفها تحس انها لوحدها مالها احد تنهدت بحزن : زعلانه لفت له مستغربه سؤاله : لا ياسر : ان شاء الله على الاسبوعين الجايه راح احاول اخلص اشغالي ونروح لاهلك بس ماقدر أأكد لك التسمت بفرحه وشافته ابتسم : سوي لي شاي هزت راسها وقامت للمطبخ عملت الشاي وجابته وراحت لغرفة النوم انسدحت بتعب ماحست الا وياسر يصحيها : قومي صلي الغرب ايش فيك تعبانه قامت وهي مستغربه من تعبها المستمر بس يمكن لانها ماتعودت على التعب الي هنا والشغل قامت وتوضت وصلت وطلعت شافته لابس : بنروح لاهلي عمي واهله جايين ياسمين : طيب بس بلبس وراحت للغرفه تكره تروح بيت اهله وكمان جايهم ضيوف الله يعين بس لبست فستان طويل اسود وعليه جاكيت بيج وفكت شعرها ولبست العبايه ومشيوا بيت اهل ياسر قريب من بيتهم كم خطوه بس ياسر مايرضى يخليها تمشي لوحدها واصلا هي تخاف دخلت لمجلس الحريم وسلمت وكالعاده تجاهلوها وباين مشغولين الي تبخر والي ترتب والي في المطبخ فصخت العبايه واخذت الشيله وراحت المطبخ اول مادخلت خلوا عليها كل حاجه وراحوا يلبسون بعد ساعه خلصت من المطبخ سوت القهوه والشاي وجهزت ضيافة الرجال والحريم ونظفت المواعين حست انها متكسره من التعب راحت لمجلس الحريم وجلست خمس دقايق وجو الضيوف شافت البنات طايرين من الفرحه كانوا الضيوف 6 بنات وحرمه وحده من البنات وبنت صغيره 3 سنين يمكن سلموا وجلسوا راحت جابت القهوه والضيافه وجلست البنات راحوا لغرفه ثانيه مع بنات عمهم وهي جلست مع الحريم اصلا ما ارتاحت لنظراتهم وضحكهم وهمسهم حست انه فيه شئ حتى زوجة عم ياسر نظراتها لك عليها حست ظهرها يوجعها مرره من الجلسه شافت الكل يسولف البنات ضحكهم لاخر البيت والحريم مبسوطين بسس هي لوحدها حست بالغربه والوحده : ياسر يبغاك طالعت في فاطمه وهزت راسها لاخذت الشيله وخرجت من المجلس اخذت الشيله وراحت لعند الباب الي في المطبخ يفتح على الحوش شافته واقف يطالع في السماء ماتعرف ايش احساسها ناحيته تنهدت : هلا لف لها وباين انه كان مسرح : بطلع مع اولاد عمي نشوف لاشغال في المزرعه يعني بتأخر شوي لاترجعين البيت الين اجي واذا تبغين نامي هنا حست بالضيقه من مجرد الفكره هزت راسها : لا راح استناك لاحظت شبح التسامه اخفاها بسرعه : تعبانه ؟ ابتسمت من جد ماتقدر تنكر انه يعرف كل حاجه تحس فيها : لا بس فيني نوم قرب منها ولمس خدها نزلت عيونها بخجل قرص خدها : انتبهي لنفسك وخلي البنات يساعدونك وخرج ابتسمت اكيد يعرف اخواته هي ماتحب تشتكي او ترفض تروح لاهله تحس انه واجب عليها رجعت للغرفه وقبل لاتدخل سمعتهم يتكلمون عنها : الحين هذي الغريبه الي فضلها ياسر على العنود الي من يوم جت لدنيا وهي مخيره له ام ياسر : والله العنود مافيه مثلها والغريبه هذي ماعجبت احد فينا بس ايش نسوي بياسر وراسه اليابس بس قريب بيشوف انها ماتناسبه ونفتك من شرها زوجة عمه : يا ختي تأكدوا لاتكون ساحرته الله اعلم بس ماتريح ابد رجعت لعند غرفة البنات ماتبغى تدخل عند الحريم بعد هذا الكلام ولقب الغريبه هذا الي يطفشها يحسسونها انها من دنيا ثانيه دقت الباب ودخلت وعم السكوت كالعاده ابتسمت بإحراج فاطمه بفضاضه : ايش تبغين انقهرت وانحرجت : ولا شئ لس ابغى شرشف الصلاه حمدت ربها انها شافته في غرفتهم شقامت مها من دون نفس وطلعته من الدولاب واعطتها اياه اخذته وخرجت ودموعها ملت عيونها منهانه ومنحرجه وحيده وغريبه اخذت السجاده وحطتها في الصاله وراحت توضت وصلت ودعت ربها جلست تقرأ قرآن الين نادتها ام ياسر تشيل الفناجين والكاسات والصحون نضفت المطبخ الين جاء العشاء وهي تحاول تدور اي حاجه تشغلها وماتجلس معاهم وطبعا هم مافكروا اصلا فيها جاء العشاء كان مفطح مالها نفس تجلس معهم ولا تشوف وجيهم ولاتاكل بس جلست واخذت مويه اكلت لقمتين مها : عنود اعطيني ببسي لفت وطالعت في هذي العنود الي بس يمدحونها وحتى ما يقارنونها فيها كانت ملامحها حاده وسمراء وشعرها اسود وطويل وناعم مملوحه وفيها جاذبيه حست بقهر زياده لما تخيلتها مع ياسر تليق له هي عكسه في كل حاجه ملامحها هاديه وناعمه بشرتها بيضاء وشعرها بني وطولها متوسط ماتوصل لكتفه وجسمها صغير اكلت لقمتين وقامت غسلت وراحت لغرفة الجلوس بعد ماخلصوا طلبوا تسوي شاي راحت سوت وجات مها اخذته وصبت للكل و بدأو يسولفون عن طفولتهم وموقفهم ويضحكون كانت تبتسم بخجل تحس انها غريبه مو مكانها ابد سمعت صوت ابو ياسر ينادي شافت زوجة عمها تغطت وشويه ودخل وسلموا عليه البنات ابو ياسر كان يعاملها ببرود شديد او بمعنى اصح حاذفها من قاموسه دخل الجد بعده وسلموا عليه البنات هي شافتهم امس بس سلمت على روسهم احترام لكبرهم وجلست بعيد الجد اقلهم رفضا لوجودها يعني احيانا يسألها عن احوالها الجد : يا بنت المنذر رفعت راسها له بسرعه : امرني يبه تناديه زي ماياسر يناديه : رجلك ينتظرك لا تتأخرين عليه ابتسمت له وحمدت ربها انه جاء باسر مو قادره تتحمل دقيقه ثانيه من المجاملات وحده من بنات عمهم : كويس عشان ابوي يدخل وناخذ راحتنا طنشتها واخذت عبايتها سلمت على جد وابو ياسر وخرجت لبست عبايتها ودموعها تجمعت في عيونها وخرجت لعند باب المطبخ شافته واقف غطت عيونها وخرجت مشى قدامها بهدوء وتبعته سمعت صوت كلاب قريب قلبها وقف لفت وشافت اثنين جايين جهتهم جات وراه بسرعه وتمسكت فيه : لا تخافين هذي حقت بمزرعتنا نزلت دموعها : خلها تبعد طيب مسك يدها وانتبهت انها شاده ثوبه ارخت كفها وشافتها لمسها وطردها ورجعت لجهة المزرعه نزلت يدها من على صدرها ومشى جنبها مشت بسرعه وكانت بتطيح كذا مره وهي تتلفت لوراء كل شويه وتحاول تجاري مشيه لاحظ توترها ابتسم على حركاتها مسك كفها انحرجت بس ارتاحت شويه ومشو لبيتهم دخلوا وراحت لغرفة النوم فصخت عبايتها ورتبت شعرها طالع فيها وهي ترتب شعرها الي منحاس من الغطاء جمالها يخطف النظر والفستان مبين جسمها الفتان قرب منها لاحظت نظراته لها وقربه لفت عليه ورفعها الين صار وجهها مقابل لوجه احمرت خدودها ولفت بعيونها عن عيونه الكحيله ابتسم لخجلها .......