الفصل 1
السلام عليكم هذي روايتي الثانيه بعد انت اختارك القدر لي اتمنى تعجبكم مختلفه عن روايتي الاولى تماما وتعتبر قصيره راح تكون 3 فصول بس
الفصل الاول ........
بسم الله الرحمن الرحيم
صحيت بدري كالعاده فامت بتعب وراحت للحمام توضت وصلت ونزلت شافت ابوها وامها قربت : صباح الخيرات وسلمت على روسهم وجلست جنب امها : صباح الخير والسرور يازينه من صبح ابتسمت لابوها : وين البقيه ماحد صحي ابوها : قومي صحيهم يفطرون معانا بدال النوم الزايد هذا امها : خلهم ينامون اذا يبغون الفطور بيقومون وقفت : بجهز الفطور وبعدين بصحيهم وراحت المطبخ جهزت الفطور وحضرته على الطاوله وراحت نادت ابوها وامها وطلعت فوق فتحت غرفة اخوها وولعت النور : فويصل قوم ابوي متحلف فيك فز شافته رفع راسه وقفلت الباب قبل لا تصكها المخده الي رماها عليها راحت لغرفة اخواتها : جوري نرجس بنااات قوموا بسرعه صلوا وتعالوا نفطر وخرجت بعد ما سمعت تأففهم راحت لغرفة اختها : كويس صحيتي مو زي الزومبي الي قبل شوي يالله نستناك تحت ورد : طيب بصلي وانزل قفلت الباب وراحت لاخر افراد العايله : سلطان فااارس يالله قومو اووف ريقي نشف منكم بخلي ابويه يصحيكم بالعصا فارس : انقلعي برى طلعت وقالت بصوت عالي : الفطوور ونزلت تحت شافت ورد وفيصل جلست وشافت جوري و نرجس نزلوا ويطالعو فيها بحقد حركت حواجبها عشان تقهرهم وشوي جو فارس وسلطان وهما يتوعدون فيها ابوهم : الي بيقرب ياسمينتي لايلوم الا نفسه ابتسمت وكملت فطور وهما مقهورين بس مسرع نسيوا وبدأوا سوالف وضحك اذن الجمعه راحوا الاولاد تجهزوا وجهزت ورد البخور وجات بخرتهم واخذته منها ياسمين وبخرت ابوها : الله يرزقني واتبخر في زواجك ابتسمت لابوها : افففا يابو فيصل كأنك تبغى الفكه ضحك ابوها : الله يخليك لي انت واخواتك فارس : انا اليوم دعائي بيكون انه العله تتزوج ونفتك منها سلطان : قدام ياسمين : بسافر قريب واسحب عليكم فارس : يارب عجل بالايام وخرج هو وسلطان وتبعهم فيصل وابوهم راحو البنات نرجس وجوري ينظفون وورد وياسمين يطبخون الغداء وراحوا صلو ورجعوا لشغلهم جو اخوانهم وحطوا الغداء وجلسوا كلهم امهم : ياسمين كلمي شروق يجونا اليوم ننبسط معاهم ياسمين : ان شاء الله فيصل : متى دوامك ورد : بعد العصر مو دوام اختبار يعني ساعه وشوي واخلص فيصل : زين زين ابوها : الله يوفقك شدي حيلك ابتسمت ورد : امين يارب الحمدلله وقامت امها : اجلسي كلي ما تغديتي زين ورد : شبعانه الحمدلله وبروح اراجع قبل العصر ادعولي جوري : يمه خلينا نجيب حلى من برى مافحالنا نسوي ومشتهين تشيز كيك نرجس : والعشاء بعد عشان نجلس نسولف براحتنا مو رايحين للمطبخ وراجعين منه امهم : هذا ابوكم قدامكم طالعوا في ابوهم : زين بس دوروا واحد من اخوانكم يجيب لكم وقفوا الثلاثه مع بعض : الحمدلله طالعوا في بعض وانفجروا ضحك فيصل : انا بودي ورد مالي شغل وطلع لغرفته ابوهم : فارس انت الحلى سلطان انت العشاء وقام وراح لغرفته رجعوا ياكلون والبنات مبسوطين فارس : ارسلوا ايش تبغون وجهزوا الفلوس وطلع لغرفته وسلطان بعده امهم : عجبكم كذا تتعبون اخوانكم وتنكدون عليهم ياسمين : يمه انت مدلعتهم يادوب كم طلب قلبو وجيهم كأني بذبحهم خليهم يتحملون الين يرجع راج بسلامه نرجس : والله له فقده راج هو وراسه الهزاز ضحكوا البنات وامهم .
عائلة المنذر ....
الاب فهد .. رجل اعمال عصامي بنى نفسه من الصفر طيب وعائلته اهم شئ عنده مايمنع اولاده من حاجه نفسهم فيها الا لمصلحتهم وماعمره اجبرهم على شئ .
الام مزون .. طيبه جدا مديرة مدرسه متقاعده تحب العلم والتعليم وتشجع اولادها على العلم والدراسه يتيمة الابوين وعندها اخ واحد
فيصل ....28 سنه مهندس معماري يشتغل مع ابوه وعنده شركه صغيره خاصه فيه هادي وطيب شغله اهم شئ عنده بعد عيلته .
ورد ... 25 سنه هاديه جدا قوية ما ينخاف عليها طيبه وحنونه ذكيه جدا متخرجه ادارة اعمال وتشتغل في شركة ابوها بس تبغى تكمل ماجستير .
ياسمين ...23 متخرجه قسم لغات وترجمه ذكيه وطيبه تحب ابوها اكثر حاجه في الدنيا مرتبه مستقبلها بعد التخرج راح تسافر تدرس برى ماجستير لغات وترجمه .
سلطان 21 سنه هادي بس مع فارس يقلبو البيت ازعاج شخصيته قويه وعصبي تخصص طب ثالث سنه
فارس 21 سنه توئم سلطان فرفوش وفوضوي يحب الوناسه والراحه بس ماقدر يفترق عن سلطان ودخل طب معاه ذكي جدا .
جوري 19 سنه طيبه الي في قلبها على لسانها قويه ومثابره تخصص صيدله اول سنه
نرجس 18 فرفوشه وتضحك قويه وهاديه سنه تحضيري وناويه تدخل صيدلة زي جوري
بعد المغرب كانت كل حاجه جاهزه وجو بيت عمهم وخالتهم سلموا واخذوا البنات لصاله الثانيه وبدأ الضحك والسوالف
جلست شروق جنب ياسمين : هااه خلاص بتسافرين من جد ابتسمت ياسمين : yes شروق بحزن : كنت تقدرين تاخذينها هنا بس الدلع الله يسامح عمي فهد معطيك وجه بزياده ضحكت عليها : انت عارفه انه هذا حلمي من يومي بزره بعدين الوقت يجري ماراح تحسي الا وانا عندكم شروق : متى راح تسافرين عبدالله بعد بيسافر ابتسمت ياسمين بخجل : بعد 3 اسابيع ان شاءالله شروق : حتى الافندي وهمست بخبث لايكون مخططين انت واياه ضربتها ياسمين ولفت عنها بخجل : ويش تقولين انت اعوذ بالله منك ومن افكارك الخبيثه ضحكت شروق ولفوا لهم البنات نرجس : ايش عندكم تتساسرون جوري : لا يتناجى اثنين ياسمين : النجوى اذا كان فيه ثلاثه بس في المجلس بس ما شاء الله جيش قدامي جوري : صرفو صرفوا اكيد سيرة عبيد فتحت ياسمين عيونها وخدودها حمرت : انطمي جوريه لا تخليني انادي امي ضحكوا البنات فوز : يازينك زي الابتدائي انادي امي ورجعت تضحك طنشتهم وراحت جلست مع الحريم شويه ورجعت للبنات وجلسوا يسولفون الين الساعه 12 بعدها رجعوا لبيوتهم راحت ياسمين للمجلس تشيل ضيافة الرجال وشافت النور مولع رجعت خافت انه فيه احد دقت الباب الفاصل بس سمعت صوت ابوها استغربت انه الى الان صاحي دخلت وابتسمت له : ايش فيك سهران يبه ابتسم لها بحزن : سلامتك يبه الحين بروح انام وانتي خلصي ونامي ابتسمت له وسلمت على راسه وشالت الاغراض وودتها المطبخ وراحت لغرفتها بدلت لبست بجامه مريح وجلست تتفرج الين اذن الفجر قامت صحت اهلها وصلت ونامت .
بعد اسبوعين .............
كانت طول الوقت تجهز لسفرها وترتب شنطها واغراضها الساعه 1 خلصت اشغالها اخذت بجامتها وراحت استحمت وانسدحت سمعت الباب يدق تأففت اكيد جوري ولا نرجس العلل قامت ولعت النور وفتحت الباب : خييي.. هلا بابا بسم الله عليك تعبان شافة ابتسامته الحزينه الي مافارقته من اسابيع اكيد حزين عشان سفرها : ابغى اكلمك في موضوع يبه بعدت عن الباب : ادخل يبه وقفلت الباب بعده جلس على طرف السرير واشر لها تجلس وقلبها يدق بقوه من الخوف بس حاولت تبتسم وتبين عادي : بقولك قصه في رجال من يومه صغير والدنيا ماانصفته عاش بالفقر من يوم مات ابوه وامه تزوجت بس اشتغل وكبر شغله الين صار ينافس كبار السوق بس حقدوا عليه وخسروه كثير وطاح وخسر شغله يومها كان عنده 3 عيال صغار واثنين في الطريق اضطر يتدين من رجال سنافي معروف بين العرب انه يساعد المحتاج ومايرد احد يدخل مجلسه تسلف منه مبلغ كبير واشتغل والرجال يساعده الين رجع احسن من قبل دور على الرجال بعدها وماحصله وهو تناسى الموضوع فكر انه راح يجيه ويعطيه الفلوس بس مرت السنين وماحد جاء وعاش الرجال بسعاده ابتسمت وباست راسه : فروس وسلطان وجه نحس علينا ضحك بهدوء ياسمين : اكيد ماحكيتني القصه الا لسبب ابوها : الرجال جاني وطلب فلوسه ابتسمت : الحمدلله يعني بترتاح من الدين الي شايله من سنين ابوها كمل : بس يبغى غير الدين فوائد السنين الي فاتت كلها تلاشت ابتسامتها : قد ايش ابوها : كثير يا بوك كثير حزنت على ابوها : قال عنده شرط واحد ويتنازل عن الفوائد وياخذ الدين بس ياسمين : وايش شرطه لمحت دموع ابوها وقلبها انقبض : لا يابو فيصل دموعك لاتنزل الله يخلي لي اياك نزلت دموعه ومسحتها وباست راسه : انا افداك يالغالي لا تكسر قلبي بدموعك جابت له مويه وجلست بعد ماهدي وهي تنتظر تعرف الشرط : يبغى يناسبنا انصدمت :شلون يعني ابوها بحزن : خطبك لحفيده فتحت عيونها ونشف ريقها ماعرفت ايش تقول بس مستحيل تسمح انه ابوها واخوانها يتضررون وهي تقدر تمنع الي راح يصير : انا موافقه طالع فيها ابوها بحزن ونزل عيونه للأرض قامت وباست راسه وضمة ذراعه : انا موافقه يبه انت قلت الرجال كل الناس تشهد له بالخير واكيد حفيده بيكون زيه انت اتفق معاهم وحددوا الوقت المناسب للملكه والزواج واذا مافيه يكون افضل ماعرفت كيف قدرت تقول هذا الكلام بس دموع ابوها وجعتها اقنعت ابوها الي طلع من عندها حزين ومكسور عليها قفلت الباب وجلست على الارض ودموعها نزلت وغطت فمها عشان تكتم شهقاتها شافت شنطها وكتبها الي مجهزتها وتذكرت عبدالله ولد عمها وبكت اكثر ماقدرت تنام وخرجت الفجر صحت اهلها وصلت وقعدت الين الصبح نزلت وجهزت الفطور ماكان لها نفس بس جلست عشان ابوها مايحس بحزنها ضحكت مع اخوانها والضيقه ذابحتها بعد الظهر جاء ابوها وناداها ونادى امها الي دموعها ماوقفت من عرفت بالسالفه قال انه بيملكون وياخذها لديرة اهله من دون زواج ويبغون الملكه بعد اسبوع حست ببرود غريب : زي ماتحبون انا جاهزه شنطي واغراضي كلها جاهزه بس الملكه يبغالي فستان بسيط بروح مع واحد من اخواني واشتريه ولازم نقول لاخواني بس لاتقول لهم عن الدين يبه تعرفهم راح يعاندون ويزعلون على الفاضي عن اذنكم وطلعت لغرفتها حست بخنقه راحت توضت وصلت ودعت ربها الين ارتاحت وسمعت الباب يدق فتحت وشافت اخوانها ابتسمت : بسم الله ايش فيكم نرجس : انت بتتزوجين ابتسمت وهزت راسها بس شافت الصدمه على وجيههم : مافيه مبروك جوري : ايش الزواجه المفاجئه هذي سمعو ابوهم يناديهم لاحظت سكوت اخوانها وغضبهم نزلوا وجلسوا في الصاله بدأ ابوهم يحكيهم عن الرجال طلع اسم حفيده ياسر اخوانها زعلوا انه ماحد استشارهم ولا خبرهم شروق دقت عليها بس ماردت نامت بتعب اول ماصلت العشاء اليوم الثاني راحت السوق مع سلطان الي ماتكلم معاها من امس اختارت فستان ناعم واكسسوار وحذيان ورجعوا البيت .
في مدينه ثانيه ...........
قبل شهر ....
رجع من صلاة الفجر وراح بيت اهله شاف اخواته يجهزون الفطور راح المجلس عند جده الي ابتسم اول ماشافه : ياهلا سلم على راسه وجلس قدامه : جدي متى راح تسوي الي طلبتك الجد بعدم رضى : انت ليش ماتسمع مني وتاخذ من بنات اعمامك يناسبونك ويناسبونا ياسر بتملل من السالفه : يبه انا طلبتك وانت اعطيتني ولازم تنفذ طلبي الجد : مثل ماتبي ياولد ضاري نروح بعد بكره للجماعه مشت الايام ببطء شديد الين وصل اليوم اخذ جده ووصله للبيت انتظر 4 ساعات كأنها 4 سنين رجع جده وجهه مايبشر بخير : ايش صار يبه الجد : مالك نصيب عندهم البنت مخطوبه لولد عمها فار دمه بس مابين ياسر بخبث : انا بتصرف الجد : شلون اقولك مالك نصيب عندهم والحمدلله انها جات منهم ياسر بحزم : هلبنت ماراح تروح لغيري جهز الاوراق وراح لابوها وقاله الاتفاق والشرط وجلس اسابيع ينتظر الين سمع الموافقه ابتسم ببرود وراح خبر جده : انت ايش عرفك بالبنيه عشان تتعلق فيها كذا ابتسم لجده : ماعرفها غير وهي صغيره بلغ اهله الي رفضوا رفض تام بس ما هتم لرأيهم كثير ابوه مارفض امه كانت تبغاه يتزوج من بنات اعمامه وهو رافضهم كلهم اعمامه قلبوا الدنيا لما عرفو الخبر بس ماقدروا يحكوا شئ لانه ياسر اذا قرر ماحد يغير رأيه ابد حدد الملكه بعد اسبوع بدون زواج والدين اعتبروه المهر