حــالة عـشــق - الفصل 32 - مكتملة | روايتك

الجزء 32 . . . صحت على طول قامتلنافذتها تشوفه موجود او لا ما شافته تضايقت .. اخذت شور لبست جينز اسود و تيشرتبني فاتح فيه مودل مرتب من الامام ... خلت شعرها مفتوح ابتسمت على شكلهابالمراية و هي تناظر شعرها البني التفتت للنافذة مالقته تضايقت و خاب ظنها جلست على السريربحيرة و هي تفكر بعد دقايق اخذتجوالها و اتصلت وصلها صوته المبحوح: نعم إنمار بصوت هادئيتخلله عتاب : ليش جذبت علي لهيب بتصنع : ماقدرت اجي همست بضيق : انتوعدتني لهيب يجاريها : و ماقدرت إنمار و الضيق يتسللالى قلبها اكثر قالت بهدوء : اذا كنت مشغول بشي ثاني قول لي بلاه الجذب ابتسم لانها فهمتانه ممكن مشغول مع غيرها و مع بنت بالخصوص .. حب ينرفزها شوي قال بنبرة هادئة :تقدري تقولي جذي قبضت يدها بقهر وغيرة و قالت بصوت غاضب : و يستحسن ما تجي و من المفترض تسكر وتنهي المكالمة لكنها ما قدرت و ظلت تسمع انفاسه لهيب بهدوء : ليش ماسكرتي انمار و الضيق يشتدعندها : تذكر انك وعدتني و اخلفت , و هم خليتني اتضايق و يتعكر مزاجي همس لهيب بنبرتهالمبحوحة : انا بالجهة الثانية من جذي لما طليتي ما شفتيني بمكاني ابتسمت بشدة يعني هوموجود بش مو جالس بمكانه و يعرف انها اول ما بتصحى بتشوفه من نافذتها بسرعة رمت الجوالعلى السرير ... طلعت من الغرفة و هي شبه تهرول .. نزلت الدرج بسرعة اكبر و طلعتبرى البيت التفتت يمين شافتهواقف قريب من الجدار و ما شافها لانهاتشوفه من جانب واحد و على بعد مسافة منهبجانب الزرع عامل يرتب الورود و يقص بعض من اعشاب الحديقة علشان يساويها سمع الصوت البابالتفت شافها جاية تقربت منه بابتسامةو تكتفت و هي تناظره بتأمل ظل يناظرها و هيتناظره فترة تحس بهذي الدقايقفقدت السيطرة على نفسها بشكل نهائي حاولت تهدا من نفسهاو من رعشتها من نظرته و نزلت راسها للارضو نزلت خصلات شعرها حركت رجلها بالارضبحركة شبة طفولية و قالت بهمس : انتتعبان ناظرها بنظرة هادئةو قال : روحي داخل عقدت حاجبها وناظرته : و ليش تقدم خطوتين و هيرجعت خطوتين على ورى لانه قدامها ... فهمت انه ما يبيها تطلع لان العامل موجود إنمار : امس ما جيتما شفتك و الحين ما تبيني اشوفك تكتف و قال ببحة :قلت روحي داخل بصوت ضايق : افففف طيب التفتت و مشت داخل.. ابتسم بشدة و هو يشوفها تدخل راحت داخل و جلستعلى طاولة الاكل لان رودينا كانت تجهز الفطور عالطاولة جلست بهدوء دقايق ونزلت امها راحت للكنب المقابل و اخذت الجريدة تأففت إنمار بملل و بعد دقايق جات ريتا من المطبخ : آنسة إنمار بضيق و بدون ماتناظرها : نعم ريتا ريتا : السواق يقولعلى ما انتي تفطري هو بيوصل عامل الحديقة و يرجع اذا كنتي بتطلعي فهمت انها رسالة منهيبيها و يوصيها تفطر لانها ما قالت له بتروح مكان و الام اليوم ما راحتروح الجمعية ابتسمت : قولي لهاوكي راحت ريتا و هي بدأت تفطر بدونما تنتظر امها تجي تجلس ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ و بعد فترة بوقت انتهاء الدوامبالفندق . . بجهة الفندق الثانيةمن الباب الخلفي طلعت رتاج مع مزون و هم يسولفون رتاج و هي تلتفت :اممم شكله السواق راح الجهة الثانية مزون : ابوي وينهشكله للحين ما جى على الرصيف الثاني الناسمتجمهرة بشكل كبير و الاصوات بدت تعلى انتبهوا للصوت وقالت رتاج باستفهام : وش صاير تسمعي الصوت مزون : اي و الله فيصوت رتاج : تعالي نشوفوش صاير لفوا لفة كاملة ووصلوا لجهة الفندق الرئيسية الناس متجمهرة علىطريقين و رجال الامن تحاول تفرقهم و عاملة سياج بشري عليهم و كأن بالوسط شييناظرونه و على الجهة الثانية طارق يسوق بسرعةاكبر علشان يوصل للفندق لانه كان بالطريق جاي يوصل مزون للبيت و تلقى اتصال من احدالمتجمعين جنب الفندق يستعجله مزون عقدت حاجبهالما شافت سيارة ابوها على الرصيف مركونة يعني هو موجود بس وينه اذا ما كانبالسيارة رتاج و هي تناظرالناس : يا الله ان شاء الله خير شكله حادث ربي يعافي الجميع مزون حاولت تربط بينكل اللي حولها الناس متجمعة واصواتهم عالية و رجال الامن يبعدونهم عن اللي بالوسط ابوها سيارته موجودةو هو وينه ؟!! تحركت رجلها بشكلبطيء لخطوة وحدة و عقلها مهتزبالافكار الموجعة قلبها يضرب بقوةكبيرة رتاج ناظرتهاباهتمام و قالت : مزون تعالي وين رايحة طفرت فكرة سيئةلعقلها محتها منه بسرعة و هي تروح ورى مزون : مزووووون تعااالي مزون تمشي بهدوء غيرطبيعي و عينها بدات تلمع و الدموع تتجمع هروت بسرعة لموقعالحادث و هي تتخيل منظر ابوها لو كان هو فعلا رتاج وراها :مزوووون تعااالي وقفي مزووون بمثل الثانية وصلطارق و لمح مزون بتقترب من التجمع طلع من السيارة بسرعة فائقة يبي يمنعها من انهاتشوف اللي صاير ركض لها بسرعة و هيتركض و تقترب من الناس مسكها بسرعة و وقفقدامها يمنعها بصريخ ك اترررركنيييطااآآآرق اتركنيييييييييييي شدها بسرعة لجسمهاما يبيها تفلت و بلحظة مفاجئة احدالمتجمعين ترك مكانه و ابتعد و هو يهز راسه بأسى و هو يهمس : اننا لله و انا اليهراجعون و طارق يحاول يسحبهاو يبعدها و هي تتحرك تبي تروح ابتعاد الشخص عنالموقف وضح لها الرؤية على الرغم من ان جسم طارق يمنعها لكن تحركها العنيف يمين ويسار ساعدها تشوف منظر الطايح على الارض الدم منتشر بشكلوجيع طايح على الارض علىجهة ظهره لكن وجهه على جهةاليمين و الفاجعة كان رأسهمفتوح بشكل يقطع القلب حتى بعض الاشلاء منهظهرت بجانب الرأس و الوجه طارق يسحبها و هميتراجعون للخلف علشان ما تشوف شي لكن بعد المنظر الليشافته من زاوية صغيرة خلى رمشها يوقف تخيلت و كأن الموقعاختلى من جميع الناس و اللي شافته الوحيد الموجود قدامها توقفت الحركة وتوقفت ضربات القلب اختفى اللون منالكون و تلوث الهواء بريحةالدم و الموت صرخت بوجع :يــــــبـــــــه لاااااااااااااااااااااااا مستحييييييييييييييييييييل طارق مسك راسهايلصقه بصدره يمنعها تشوف اللي وراه و هو يسحبها تتحرك بعنف و هيتصرخ بوجع شديد : لاااااامستحيييييل يبه لا تروووووح يبه اتركوووووني اتركووووووني ابي ابووووووووي صراخها طغى علىالمكان و اختفت اصوات الناس صوتين فقط هم الليقطعوا سكون الجو و هم صوت صريخها الموجع و صوت الاسعاف اللييرن بارجاء المكان المتجمعين دعوا لهالما عرفوا انها بنته قدر طارق انه يبعدهاوسط صريخها العالي لكن !! رتاج ؟!! بحالة ذهول غيرطبيعية وقفت بمكانها و لا تحركت و عينها على مزون اللي تتحرك بعنف و تصرخ و على الناسالمتجمعة و رجال الاسعاف يغطون العم ابو مزون الموقف صعب و طريقةالحادث اصعب ابو مزون كان يقطعالطريق بيدخل الفندق الى بنته لكن القدر حال بينه و بينها الضربة قوية وارتطامه بالارض بشكل عنيف ادى الى حالته هذي وسط توقف تفكير رتاجباللي حولها صحاها صريخ مزون العنيف : اتركنييييييي , يبه لا تروووح يييييييييييييييبهمستحيييي ييييييييل الله يخليكماتركوووووني ابيه ابي اشوفه لا تروووح يبه يبببببه لااآاآاآآآآااااا ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ بمنزل ام لياج لياج دخلت غرفة امهاو هي ترتب بعض الملابس : يمه مشغولة ؟ ام لياج بابتسامة :تعالي يا بنتي دخلت بابتسامة وجلست على كرسي التسريحة ام لياج و ظهرهالبنتها و هي تناظر الدولاب : ها يمه شخبار جسوف لياج بهدوء : تماميمه بخير ام لياج : عساه دوميا يمه لياج بصوت هادئ :احمم يمه ودي اكلمج بموضوع ام لياج : قولي يمه لياج بحذر : احم هويعني يمه وش قد تصير فترة الخطوبة لين الزواج ام لياج : و الله يابنتي على حسب رغبة الاثنين البعض اشهر و البعض شهر واحد تجهز فيه البنت ليش يمه لياج نزلت جوالهاعلى التسريحة و قالت : يمه لو مثلا جسوف حب يقدم الزواج ام لياج : و اللههذا شي لكم انتوا الاثنين لكنه ما في مشكلة ابد و من حقه لياج : عارفة يمه ,بس لسى على الجامعة و هم احس نفسي مو مستعدة و متهيأة ام لياج بصوت هادئ :هذا احساس اي بنت و شي طبيعي لكن مجرد ما يتم الزواج و تتأقلم ترتاح و تكون طبيعية, و الجامعة يا بنتي ما راح تعيقج لياج بتفكير : يعنيانتي موافقة يمه ام لياج : ايه و ليشلا يا بنتي خلنا نفرح فيكم لياج : تعبت منالتفكير و لقيت نفسي محتارة ام لياج : توكلي علىالله يمه و لا تحاتي شي ..... قطع الكلام جواللياج يرن ابتسمت و هي تاخذه :هذي رتاج رفعت الخط بابتسامة: هلااا رتاج تغيرت ملامح لياج وهي ترد : ايه امي موجودة ليش وش صاير ليش صوتج متغير و بعد ثواني اصفروجهها و ارتجفت يدها ناظرت امها و بصوتمخنوق : يمـ ــه ابو مزون صار عليه حاآدث وقفت ام لياج بسرعةو طاحت قطعة اللبس من يدها بفجعة ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ بعد فترة . . في منزل ام إنمار الام كانت بتنزلالصالة لفت انتباهها ان غرفة إنمار مفتوحة طلت قليل و هي توقف عند الباب ريتا كانت تجهز شنطةصغيرة ترتب فيها بعض الملابس لإنمار و هي جالسة علىالسرير تتصفح مجلة بهدوء رفعت راسها لما شافتامها واقفة الام بدون اهتمام :ليش الشنطة إنمار نزلت راسهاللمجلة و جاوبت بدون اهتمام : بطلع مع ود جمعة بنات الام تكتفت : و لمتىان شاء الله إنمار بسخرية : وانتي يهمج , خمسة ايام او اسبوع و راجعة الام مشت بعدماهتمام : بكيفج إنمار بتطلع مع ودجمعة بنات لان ود بيتهمبالطابق الارضي غير مستخدم يكون مثل السرداب بس بشكل ثاني تعودت ود بين كلفترة تعزم صديقاتها و يباتون عندها اسبوع في هذا الطابق كنوع من التغيير .. حسبتربية ود و حريتها الشديدة من قبل اهلها إلا انهم يحاسبونها قليل على تصرفاتها .. لما كملت ريتا وراحت .. إنمار ظلت ترتب بعض اغراضها الشخصية بشنطة اليد تبعها كانت بدون مزاج وتقريبا متضايقة لإنها بتبعد عن البيت و ما بتشوف لهيب .. جلست على السرير بتنهيدة رفعت شعرها بضيق :اوووووف " وش هالحياةاللي خلتني بهالوضع ما اقدر ابعد عنه بس محتاجة اروح .. متى آخذ حريتي و اتصرف بكلشي ابيه اهوووووف " ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ بمنزل ام لياج تواجد جمع المعارف والجيران القريبة مزون جالسة علىيمينها ام لياج و يسارها اروى و جنب اروى ام راسيلو بعدها ام مزون على الجهة المقابلةلياج و رتاج و رراسيل ام لياج ماسكة بكتفمزون و بحنية : اذكري ربج يا بنتي قولي اننا لله و انا اليه راجعون مزون هادئة و الدموعتنزل بغزارة من عينها المحمرة , راسها مايل لجهة وحدة و رموشها مبتلة و الدموعتنزل من عينها لوجهها و تنزل على يدها بدون وعي اروى و هي تمسح علىظهر مزون : مزون اذكري الله حبيبتي هذا الله و هذي حكمته اللهم لا اعتراض منتيوحيدة بين اهلج خلج قوية و توكلي على الله نزلت راسها على كتفام لياج بهدوء غمضت عينها و رجعت فتحتها و منظر ابوها ما يفارق خيالها .. راسيل بهمس : متىوصلت ام مزون لياج و هي تمسحانفها الاحمر : بعد ما وصلوا الجميع رتاج تناظر مزونبتفكير عميق صحيح انها متوجعة لابوها لكن حالها غريب هادئة و دموعها تنزل بدون صوت وين نحيبها و صريخهاخايفة عليها خايفة يصير فيها شي حالها ما يطمن مسحت دموعها الليتنزل بصمت و هي تهمس : ربي يرحمه و يصبرها خير صبر ان شاء الله راسيل بهمس : اممزون بتاخذها عندها رتاج بصوت مبحوح :طارق ما راح يرضى لياج : تطمنوا بتمعندنا , امي قالت لطارق بتخليها عندنا لين تتحسن رتاج : و امها تدري لياج : اساسا هي منوصلت قالت الى امي ما تقدر تخليها عندها و امي ردت عليها خير رد انها ما بتتركهاابدا وضع اربع البنات صعب مزون مفجوعة بوفاةابوها اللي كان لها كل شي لياج بعد ما وصلتلقرار تحديد زواجها انفجعوا بابو مزون و ما له مجال التفكير بهذا الامر رتاج المفترض انهاحاليا تجهز لزواجها لكن حالة وفاة ابو اغلى صديقاتها طغت على تفكيرها و حالها اما راسيل ابتعدتقليل عن تفكيرها بسمر و اختها و حالها معاهم بحال مزون و حزنها بعد فترة قصيرة قامت ام مزون و طلعتمن بيت ام لياج و تركت بنتها اللي حتى ما تقربت منها و عزتها و لا كأن اللي راحابو بنتها و ملزومة تخفف عنها و تواسيها رتاج بصوت وجيع :خايفة عليها لا يصير فيها شي لياج بخرعة : اذكريربج رتاج وش تقولي ربنا معاها يصبرها راسيل : ان شاء اللهما بيصير فيها شي هذا ابوها و من حقها تنفجع عليه رتاج ناظرتهم بحزن :انتوا مو فاهميني ناظروها ما هي طبيعية , فجعتها بابوها مو شوي احسها للحين مصدومةو ما هي واعية المفترض بمكانها تصرخ بوجع و ما تهدأ و ابوها للحين ما اندفن , مزونمو بوعيها يا بنات الصدمة مأثرة عليها راسيل و لياج ناظروامزون بحزن و رجعوا ناظروا رتاج لياج : لا تخوفينارتاج ان شاء الله ما فيها شي رتاج ناظرت مزونبحزن و هي تشوفها هادئة و دموعها تنزل ببطئ و سكوت همست بنبرة مبحوحة :صدقوني ما هي واعية شوفوها الله يخليكم افهموني هذي مو مزون اللي ابوها عندها فوقكل شي شافت ابوها مبتل بدمه على الارض مفتوح راسه صدقوني تعبانة و محد فاهمها مابتنسى الموقف ما بتنسى راسيل و دموعها تنزل: رتاج اهدأي و قولي اننا لله و انا اليه راجعون اذكري ربج ربها يصبرها همست رتاج : اننالله و انا اليه راجعون الله لا اعتراض ربي يلطف فيها ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ مرت هالليلة سودا وما فيها اي لمح من الفرح و الابتسامة وفاة ابو مزون ضجرالكل و احزنهم مزون ما غفت عينهالحظة لكن تجبر نفسها تغمض علشان تتخلص من خيال ابوها و هو على الارض لكن بدونفايدة و باليوم الثاني بغرفة لياج مزون جالسة بهدوء وعينها جافة من الدموع ملامحها ذابلة ووجهها اصفر , شعرها مربوط بربطة صغيرة بشكل مرتب بعد ما سرحته لها لياج تناظر بعيد و عقلهابمكان ثاني .. عينها ترمش على فترات متباعدة و حتى صوت انفاسها ما ينسمع و كأنها غير واعيةللي يصير و غير واعية هي وين السكوت و الهدوء هوحالها من امس لياج بحنية : مزونالله يخليج اشربي على الاقل بس الماي ما يصير تتمي جذي ما التفتت لها و لاناظرتها و هي توجه نظرها للفراغ بسكوت و هدوء تام ام لياج و هي تمسحعلى شعرها : يا بنتي هذا قضاء ربج ارضي فيه و توكلي عليه مو زين اللي تسوينه بعمرج قامت لياج و طلعت منالغرفة بهدوء و تركت الباب مفتوح.. تقربت و جلست على الكنب رتاج و راسيل اللي جوا يواسونها و يوقفون معاها لياج بتنهيدة :رافضة حتى تتكلم و هذا حالها من امس راسيل و هي تناظرمزون من باب الغرفة المفتوح : الله يكون بعونها و يصبرها رتاج بضيق شديد :حالها ما يطمن خلونا نقول الى طارق يمكن اذا شافته تهدا و تتكلم لياج : هو كان موجودقبل ما توصلون و امي رفضت يدخل لها تقول يخليها تهدا شوي تخاف ترجع تنهار اذاشافته رتاج : هو الوحيداللي يقدر يكلمها و يخليها تتكلم ما يصير نسكت عن حالتها و نتفرج راسيل : ترى الليصار امس مو من بعيد هذا شي طبيعي تكون بهالحالة فترة و بتعدي و ترجع مثل اولتتكلمون و كأن صار على وفاة ايو مزون اشهر توه امس ما نشف ترابه رتاج بمحاورة : صحيحاللي صار توه لكن هم ما نقدر نجلس نتفرج لين تزيد حالتها , هي حتى ما تناظر بالليحولها خوفي يصير فيها شي و نتأخر انضرب الباب بهدوء راسيل : لياج البابينضرب لياج و هي قايمة :لحظة اشوف من رتاج : امج ما بتجي راسيل : بتجي بعدينعلى الاقل بعد ما اطلع نبيها تحس الكل حواليها رتاج بتنهيدة : همعمتي بتجي بس خلني اتصل فيها تأخرت دخلت لياج و معاهاام مزون : السلام عليكم رتاج و راسيل بهدوء: و عليكم السلام لياج : تفضلي اممزون حياج البيت بيتج ام مزون : وينهامزون لياج : تفضلي بغرفتي راحت معاها للغرفة وجلست مع مزون رجعت لياج للبناتعلشان ياخذون راحتهم لكن ام لياج ما تركت مزون و هي بهذي الحالة خصوصا انها موقريبة من امها .. لياج : بنات ابيكمتجون معاي نروح بيت ابو مزون الله يرحمه نبي نجيب اغراض مزون رتاج : اي و اللهصحيح نسينا لياج : خبربني طارقوقت ما نبي نتصل فيه راسيل : على الاغلبلازم اليوم رتاج : اساسا وجودهاهنا راح يساعدها تنسى لياج : و هذا الليريح طارق و ................... وقف كلامهم ... صرخةقوية بصوت مبحوح و حزين مزون : روووووحي ماابي اشوووفج اتركييييييني رووووحي ما ابييييج رووووحي لا تجين هناااااا لاتجيييين ما ابييييج ما ابيج لاا تجين عندي ركضوا البنات بسرعةللغرفة يبون يشوفون وش صاير لمزون اضطرت ام لياج انهاتطلب من ام مزون تطلع من الغرفة و تترك بنتها لانها بتتعب و ما راح تهدى البنات حاولوايهدونها و هي تصرخ ما تبي تشوف امها |\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ في منزل ام إنمار لهيب وصل ام إنمارلمشوارها و رجع مرة ثانية للبيت إنمار ما قدرت تتطلعتنزل و تقول له يوصلها لبيت ود تحس بضيق ما تبي تبعد عنه لكنها بالاخير نزلتو اخذت شنطتها معاها نزلتها على الارضحست ان يدها ألمتها من ثقل الشنطة لابسة جينز ازرقفاتح مع تيشرت سكري بأكمام قصيرة جدا , شعرها البني الواصل لكتفها مفتوح بنعومة تنهدت بألم داخليعلى حالها ما كانت تحب يصير فيها جذي تحب واحد و هيمتزوجة من واحد ما تعرفه ودعتها ريتابابتسامة و بغت توصلها بالشنطة لكنها رفضت بملامح ضايقة و حزناخذت شنطتها و طلعت .. اول ما التفت لها ناظرها باهتمام ناظرته بتركيز كأنها ماتبيه يغيب عنها تقرب منها رفعنظارته على شعره و هو يناظرها ارتبكت و بدأت تتوتر بنبرة فخمة : وينرايحة قصده ليش بتطلع ومعها شنطة ملابس تبلعمت رغم انالموضوع غريب يعني السواق يسألها وين رايحة بشنطتها كانت زفته و سبته بشكل وافر جاوبته بربكة و هيمركزة بردة فعله : ببقى عند صديقتي ود لهيب بكل بساطة وهدوء انحنى شال الشنطة و مشى قدامها مشت بتوتر و حيرة و عدم فهم ركبت و حرك هو بهدوءو سكوت كانت تناظره بتأمل وضيق و محتارة منه ما سألها بتم كم هناك و لا حتى تكلم معاها و ملامحه ما تدل علىالرضا و لا على الضيق هي متأكدة انه ما يبيها تروح مثل ما هي متأكدة من نفسها انهاما تبي تروح عنه ظلت تناظره و هي تحسبشوق له من الحين ما تبي تفارقه و تروح هناك اسبوع ما راح تشوفه .. كان لابس جينز ازرقفاتح مع تيشرت ابيض على جهة الصدر كلمة بالطول و باللون الاصفر مع ساعة انيقة كان يلفت الانتباه وبشكل جذاب .. طول الطريق و همسكوت من الاثنين و إنمار تناظره بتأمل و هو ما رفع عينه لها ابدا حست انه يعاقبها ومتضايق بس ما يبي يتكلم و ملتزم الهدوء هو ما كان يعرف انهابتروح عند صديقتها و لمدة اسبوع لكنه الحين هادئ و ما تكلم بحرف لا عارض و لا قالرايه يعرف اشلون يتصرفمعاها و يعرف اللي تفكر فيه و مستحيل يرضى يخليها تروح عند صديقتها و هي حاملةشنطة ملابس ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ منزل ام لياج ام لياج : يا ولدي محتاجةوقت تتناسى و ترجع مثا اول الصدمة كبيرة عليها و هي لسى صغيرة طارق بحزن : اللهيرحمه ان شاء الله , خايف عليها كثير يا خالة ام لياج : توكل علىربك و خلك معاها محتاجتك كثير و بحنية : لا تحاتيشي يا ولدي ربنا معاها يصبرها و يطلف بحالها و بغرفة لياج لياج بصوت هادئ :مزون يلا حبيبتي طارق يبي يشوفج ساكتة و هي تناظرالفراغ و عيونها جافة و ترمش ببطئ تقربت منها و مسحتعلى شعرها : مزون حبيبتي يلاا نروح لطارق يبي يشوفج و يطمن عليج ما ردت عليها و هيغير واعية للي يصير لياج مسكت يدها و هيتحاول تقنعها : لا تخلينه يحاتيج يبي يطمن يلاا مزون و بعد دقايق طارق ينتظرها يبييشوفها و يتطمن عليها دخلت لياج و هيماسكة مزون من يدها لياج بهمس : السلامعليكم طارق و عينه علىمزون : و عليكم السلام تقربت معاها وجلستها مقابل طارق و خرجت بهدوء اقترب و جلس جنبها وهو يناظرها بحنية : عظم الله اجرجالله يرحمه تناظر الجهةالامامية بسكوت و كأنها تحس ما في غيرها بالمكان قلبه تقطع عليها وهي بهذي الحالة عيونها ذابلة وملامحها مصفرة و تعبانة شعرها ملموم لورىبربطة صغيرة و بعض الخصلات على وجهها بشرتها صافية وخالية من الحياة ملتزمة الهدوء والصمت بشكل يوجع رفع يده لخصلاتشعرها الامامية و هو يرجعها لورى و يهمس : يا عمري هذا امر الله و علينا نرضى فيه.. ربج كاتب هذا يومه رجيتج لا تقطعي قلبي بحالج خلج قوية هو الحين محتاج دعائج ادعيله بالرحمه و المغفرة تمنى يشوفها تصرخ وتصيح و لا تكون هذي حالتها على الاقل تريح نفسها طارق بوجع : مزون موزين تسوين بنفسج جذي توكلي على ربج احنا كلنا معاج ما راح نتركج كان يتأمل ملامحهاالتعبانة بوجع و ضيق و هي ساكته و متجاهلة كل اللي حولها اقترب و قبل جبينهاو همس : مزون ناظريني خليني اتطمن عليج طيب لا تتكلمي بس ناظريني رفعي عيونج يلااامزون علشاني تمنى لو يسمع تنهدهاعلى الاقل لكنها ملتزمة الهدوء و اكثر من مجرد هدوء ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ جسوف يكلم لياجبالجوال بتنهيدة : ما ادريوش اقولك بس حالها ما يطمن جسوف : شي طبيعيتكون مصدومة فترة و بتعدي المهم الكل جنبها و محد يتركها لياج بضيق : لا كلالجماعة يتواجدون ان شاء الله ما تحتاج شي جسوف : الله كريم وخلج معاها دوم لا تتركيها لياج : ان شاء اللهالمهم بغيت استأذنك راح اروح لبيت ابو مزون الله يرحمه باخذ اغراض مزون ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ دخلت رتاج البيتبملابسها السودا بعد ما طلعت من بيت ام لياج سلمت بهدوء : السلامعليكم اروى : و عليكمالسلام هلاا رتاج تعالي ارتاحي جلست جنبها بضيق وهي ترع شعرها لورى و تستند بيدها على راسها اروى بحنية : اللهيصبرها ان شاء الله ربي معاها شخبارها الحين رتاج بصوت مبحوح :حالها ما يسر احد قلنا مصدومة و للحين ما مرت فترة بس خايفة عليها عمتي اروى : ان شاء اللهما يصير فيها شي ربنا مع الكل بس انتي اذكريه و توكلي عليه همست بحزن : لا حولو لا قوة إلا بالله العلي العظيم يا رب صبر الجميع اورى بصوت هادئ :راح ننتظر فترة على ما تتحسن مزون و ترجعي تجهزي للزواج هالشي ما يدخل ليث علشانينجبر ينتظر , كلها فترة و تعدي رتاج بقهر : الحينصديقتي ما يعلم بحالهاا غير رب العالمين ما هي واعية لشي و هذا يحاتي زواجههالتافه اورى : اهدأي يارتاج هالشي ما يدخله و ما هو مجبور ينتظر و هو اساسا ما قال شي هذا كلامي انا و هووش دراه صديقتج متوفي ابوها تنهدت رتاج و هيقايمة لغرفتها : يصير خير ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ و هم بالطريق كانتبلحظة من اللحظات راح تقول له يوقف و يرجع البيت ما تبي تبتعد عنه لإنها تحبه و ماتطيق فراقه لكن كل ما جات تتكلم ترجع تسكت في شي يوقفها و ما تقدر تنطق غمضت باحساس و قلبهاترتفع دقاته اكثر و اكثر فتحت شفاتها بتنطق : سكتت ما تكلمت ضغطتعلى يدها و اصابعها تحاول توقف رجفتها فتحت عينها و ناظرت لهيب و بمثل الوقت توقفالسيارة قدام بيت ود كان يناظر الجهةالامامية بسكوت ينتظرها تنزل و هو متأكد مية بالمية انها ماتبي تنزل و تخليه مثلما هو متأكد انه مستحيل يخليها تنزل و تبعد عنه لكنه للحين يواصل مخططه و موالهبشكل هادئ و لإنها ما تبي تنزلو تروح ما عرفت تتصرف و بمثل الوقت في شي يمنعها انها تقوله انها تحبه و ما تبيتنزل علشانه همست بنبرة ضايقة وبتبرير تافه : آأ ابي انزل جنب الباب الثاني لان بيت ود له بابينخلفي و رئيسي و علشان توصل للباب الخلفي لازم تاخذ لفة كاملة لان بابهم الخلفي هميطل على الشارع .. و هي ما عرفت وش تقولاو وش تبرر موقفها ما عرفت تنطق باللي في قلبها حاولت بس عجزت لهيب بكل هدوء حركبسكوت ظنت انه بيحرك للجهة الثانية لكنه اخذ الشارع العام و هو يزيد سرعة .. خافتو بمثل الوقت هي توثق فيه بس ارتباك الموقف سيطر عليها حست بقلبها بيطلع من ضلوعهاخصوصا انها ما تدري شاللي يدور في باله بنبرة مرتبكة : وينرايحين ما رد عليها و هومواصل سرعته و هي تناظره همستبدقات قلب مرتفعة : وش تسوي و بظرف وقت محدوددخل لهيب بالسيارة بوابة البيت و وقف بالمكان المخصص لها خافت و ما تحركت لهيب اول ما وصل وطفا السيارة على طول نزل بسرعة كبيرة و راح لبابها و هي تناظره بربكة كان يتصرفبعصبية و سرعة كبيرة فتح بابها بقوة مالو مسك معصمها و نزلها من السيارة و هي ترجف بسرعة هائلة لمانزلها قفل بابها و سندها على السيارة و هو ملاصق لها بربكة و نبرة متغيرة: شفيك انت شتسوي لهيب و هو يناظرعينها مباشرة قال بحدة : تبي تروحي عند ود بيتها و انتي عارفة ان لها اخوان شباب ( لانه بعد ما عرفان ود صديقتها من اول مشواره معاها .. سأل عن البنت و اهلها لازم يعرف اخلاقصاحباتها و عرف ان العايلة فيها ٣ شباب اخوان ود ) يدينها الثنتين كانتممتدة على السيارة ببطان كفها و هو امامها بشكل مباشر ما تقدر تتحرك و هو محاصرهابجسمه و يدينه اللي جنب يدها على السيارة مخترعة من الموقف ومن قربه تحس برجفتها تزيد و دقات قلبها تعلى اكثر و هي تناظره قالتبصوت سريع و فيه حدة يتخلله تبرير : انت وش تقول انا مع البنات بنجلس بالطابق الارضيمو مع العايلة بحدة و نبرة رجولية: و انت تعتقدي برضى تروحي بكل بساطة اخترعت من صرخته وهي مرتبكة من قربه منها و موقفه من روحتها قالت بصوت عالي : مالك حقي تمنعي ما ... اقترب راسه منها وهو يميل لإذنها همس برجولة بالغة و نبرة احساس فيها بحة : انا زوجج و اطلبج لبيتي ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ|\ـ . . . انتهى الجزء 32 Like رد مع اقتباس إقتباس متعدد لهذه المشاركة الرد السريع على هذه المشاركة #67 أضافة تقييم إلى za.zaza تقرير بمشاركة سيئة قديم 21-12-12, 08:39 AM الصورة الرمزية za.zaza za.zaza za.zaza غير متواجد حالياً بسم الله الرحمن الرحيم Like