الفصل 13
الجزء 13
راسيل لبست جينز ازرق مع تيشرت وردي اكمام قصيرة فيه خمسة ازرار فاتحة منهم اثنين شعرها لكتفها و رافعة منه قليل بربطة صغيرة
راحت تفتح الباب لسرمد
فتحته و بابتسامة : تفضل
سرمد دخل : السلام عليكم
لابس جينز اسود مع تيشرت ابيض فتحة الراس مثلث و عليه جاكت رسمي اسود
راسيل : و عليكم السلام تفضل
جات الام طالعة من غرفتها
ام راسيل : و عليكم السلام شخبارك يا ولدي
سرمد : الله يسلمج عساج طيبة شعلومج
الام : دامكم طيبين انا بخير تفضل يولدي اجلس
سرمد : زاد فضلج الله يخليج
راحت الام المطبخ
جلس سرمد و جلست راسيل جنبه
سرمد بابتسامة : شخبارج
راسيل : تمام و انت شخبارك
سرمد : بخير دامني معاج
راسيل بهمس و هي تناظر الطاولة : ما ادري اشلون اقولك بس ان
سرمد و هو يتقرب منه طبع قبلة على خدها بهيام
راسيل ابتعدت بسرعة و بهمس : سرمد امي بالمطبخ
سرمد يناظرها و بهيام : مشتاق لج
راسيل : سرمد لا تحرجني
سرمد وقف مسك يد راسيل و مشى فيها غرفتها دخل و سكر الباب
نزل راسه و هو يقبل خدها
راسيل بتوتر : سرمد انت شفيك
سرمد بهمس : مشتاق لج
راسيل بصوت ناعم : سرمدد قلت ابيك بموضوع
سرمد : آمريني
راسيل : سرمد خلنا نطلع نتكلم
سرمد فهم انها ما تبي يقعدون بالبيت علشان ما يتقرب منها
سرمد بابتسامة : و ليش نتكلم هنا
راسيل بنعومة : لا نتكلم برى
سرمد رجع يقبل خدها و بهمس : انتي تخليني اتهور
راسيل بحيا و حدة خفيفة : سرمدد خلاص
سرمد : ناطرج برى دقيقة اذا ما جيتي جيتج متهور و بزيادة
راسيل بهمس : مو علشان تهورك هذا انا ابيك بموضوع
سرمد قبل خدها و بهمس : ثواني و الاقيج بسيارتي
.|.|.|.|.|.|.|.|.|.|.
لياج خافت و حست بالخجل وسط رجفتها استسلمت و حركت راسها قليل عن صدره
رفعته شوي طاح نظرها على ذقنه استحت اكثر رفعت نظرها و ناظرت عينه
جسوف من رفعت راسها و تأمل ملامحها حس برغبة ملحة في تقبيلها إلا انه قاوم و منع نفسه ما يبيها تحس بالنفور فوق حياها و خجلها منه الدايم و الشديد
لياج تناظره وسط ضربات قلبها السريعة و ارتباكها
جسوف ببحة مع نظرة خاصة : لو خطبتج بتوافقي علي
لياج وسط رجفتها و لمعة عينها هزت راسها بخفة و عينه بعينه
جسوف ضربات قلبه تضرب بقوة و رغبته بتقتله و هو قربها غمض عينه و هو يحظنها بهدوء
ظلت هادئة و راسها على صدره
جسوف بهمس : اهدأي و خلج بحظني
/:;"ّ,’.~؛× /:;"ّ,’.~؛× /:;"ّ,’.~؛× /:;"ّ,’.~؛×
بالمطبخ
و الكل قايم بشغله
طارق بهمس : ليش
مزون تحوس بالقلم و الورقة : لان احم عادي بدون سبب
طارق بهمس حنون : هذي امج بغض النظر عن حياتها مع زوجها مو انتي نسيتي كل شي خلاص مو اتفقتوا تتلاقون كل اسبوع شاللي تغير
مزون هي ترفع غرتها على جنب و بهدوء : ما تغير شي بس لان عادي
طارق : اذا ما في شي تغير ليش ما تبي تشوفيها
مزون بضيق : لان هي بعد ما كانت تبي تشوفني كنت اروح لها كل اسبوع تستقبلني و كأني مصدر مشاكل
طارق بحنية : مزون هذي امج مهما كان و مهما صار خليج معاها و تواصلي معاها بما يرضي ربج و اذا عليها هي بكيفها المهم انتي
مزون هزت راسها بهدوء
و هي طول الوقت كانت تناظر الطاولة و هي تتكلم معاه
طارق بصوت غريب : بقولج شي و عارف لو قلته بروحنا ما راح تردي علي لانج خجولة و تستحي مني علشان جذي بقوله الحين علشان تجاوبيني
مزون بتوتر : شنو
طارق بهمس : شنو بقلبج لي
مزون رمشت اكثر من مرة و هي مرتبكة
طارق بحب : عارف انج ما وافقتي بارتباطنا إلا و انتي مقتنعة لكن شنو لي عندج
مزون بحرج : لا تحرجني ارجوك
طارق : عارف لي شي بقلبج توديني و عزيز عليج لكن بس هالشي !
يعني ما في شي اكبر ؟
رن هاتف المطبخ
و بالصدفة طارق و مزون مسكوا السماعة بمثل الوقت
مزون انحرجت و يد طارق فوق يدها توترت و قلبها يضرب بقوة
طارق و يده فوق يدها مسك يدها
و رفع الهاتف بيده الثانية
مزون ارتبكت رد على الهاتف و هو ماسكنها
كمل المكالمة و سكر السماعة
مزون بهمس : ط طارق يدي
طارق و هو يكتب بيده الثانية : مابي اتركها
مزون ناظرت الناس و الكل لاهي بشغله
و لان يديهم نازلين عن الطاولة ما تبين
فما بين انه ماسكنها
تقربت قليل منه و رفعت راسها و ناظرته
مزون بهمس : طارق الله يخليك
طارق رفع عينه عن الورقة و نزل راسه ناظرها
طارق بهمس : اول قولي لي شنو لي بقلبج
مزون نزلت راسها و هي تحاول تفك يدها بس هو شاد عليها
ابتسمت : طارق لا تحرجني
دخل نادر بصينيته و بيده ورقة طلبات و دخلت وراه رتاج و بيدها صينية
نادر : مزون الله يعافيج واحد عصير برتقال و اثنين ليمون
مزون : ان شاء الله
اضطر طارق انه يترك يدها علشان تلف و تقوم بشغلها
رتاج : اثنين قهوة سادة
جميلة : رتاج اخذيه من جهتي جاهز
/:;"ّ,’.~؛× /:;"ّ,’.~؛× /:;"ّ,’.~؛× /:;"ّ,’.~؛×
لياج للحين بحظن جسوف
لياج بهمس : جسوف تأخرت
جسوف فتح عينه و نزل راسه لها و هو يناظرها رفع يد و ابعد خصلات شعرها عن وجهها و هو يتأملها
استحت من نظرته و نزلت عينها
جسوف ابتسم و هو يلاحظ خجلها الشديد و رجفتها اللي تلازمها كل ما تقرب منها
لياج بهمس : راح اروح
جسوف و هو يبعد خصلات شعرها عن وجهها تقرب طبع قبلة على خدها بأحساس
و بهمس : انتبهي لنفسج
لياج هزت راسها بخفة و هي تتحرك
مشى معاها و هو ماسك يدها يد ماسك بها يدها و يد ماسك مقبض الباب و يناظرها
جسوف بهمس : بتصل فيج اوكي
لياج بهمس : اوكي
~~~~~~~~~~~~~~~~~
راسيل مع سرمد بمطعم
راسيل بحرج : اعرف ان مثل هالكلام ما ينقال بس لازم يتحدد موعد الزواج لان احم لان .. ...
سرمد فهمها و بابتسامة : لان شنو عمري
راسيل ناظرته : لان الشي صار قبل الزواج
سرمد و عينه بعينها : حلالي و بشرع الله
نزلت عينها و بهمس : صحيح ما كانت رغبتي يصير الزواج الحين لكن .....
سرمد بنبرة خاصة : قايلة لي هالشي الحين و وسط الناس كان قلتيه و احنا بالبيت لان ردي ما ينرد هنا
فهمته و فهمت معنى كلامه
راسيل : سرمد اتكلم جد
سرمد بنظرة خاصة : آمريني يا قلبي نحدد موعد الزواج باقرب وقت متى ما بغيتي
راسيل تحوس بيدها : خلني اكلم امي اول و ارد لك خبر
سرمد بهمس : ما اضمن لج ما يتكرر اللي صار
انحرجت راسيل و سكتت عنه بسبب كلامه
سرمد بابتسامة : مشكلتي اننا بين الناس و الله كان عرفت ارد على حياج هذا
راسيل بدون شعور قامت و اخذت شنطتها و مشت
ابتسم سرمد و هو يدفع الحساب و يمشي للسيارة
.،’*~.،’*~.،’*~.،’*~.،’*~.،’*~.? ?’*~.،’*~
بعد فترة
و بسبب الانشغال جميلة ارسلت طلبها مع رتاج
رتاج اخذت الطلب و دخلت الحديقة و تقربت من الطاولة
الطاولة عليها جسوف و صديقه ليث
تقربت و هم يسولفون و ليث يده على الطاولة و هو متكتف و لانهم على طاولة صغيرة فلازم ليث يبعد يده عن الطاولة علشان يصير مجال للطلب
رتاج : عفوا الطلب
ليث رفع راسه و ناظرها : ااا اوه تفضلي
رتاج احتارت لانهم شخصين و الطلب كوب قهوة واحد و لان اللي جاب الطلب جميلة فما تدري من فيهم صاحب القهوة
رتاج : اا عفوا القهوة لمن
جسوف بابتسامة : للاخ
رتاج نزلت كوب القهوة قدام ليث
ليث باستعجال يبي يقرب كوب القهوة جنبه مسك الكوب و بالخطأ لمس يد رتاج بالغلط لانها ما لحقت تشيل يدها
رتاج بسرعة شالت يدها
لهيب بحرج : اا احم السموحة مو القصد
رتاج : اي خدمة ثانية استاذ جسوف
جسوف بابتسامة : قهوة سادة و بلاها استاذ
رتاج ابتسمت ابتسامة صغيرة و مشت
جسوف ناظر ليث : البنت راحت
ليث بابتسامة صغيرة : و انا وش سويت و بعدها تعال وش صار على سالفة العمارة
جسوف : قررت ما اشتريها الصراحة بيني و بينك ما لي خلق شي
ليث : و ليش ترى العمارة جدا فخمة و ما تجي الفرصة مرة ثانية
و بعد دقايق جات رتاج نزلت الكوب قدام جسوف و ليث يناظرها و لفت بتمشي
جسوف : ااا لو سمحتي
رتاج رجعت تناظره : نعم استاذ
جسوف ابتسم رجعت تقول استاذ
قال بابتسامة : اذا ما عليج امر لو سمحتي تروحي لابو نايف وصيه بعد ساعة بجيه للاجتماع
رتاج : ان شاء الله استاذ ,, و راحت
جسوف بضحكة : ترى البنت راحت
ليث رفع القهوة يشرب و بابتسامة : مشكلتك انك فاهمني
جسوف بابتسامة : من متى
ليث يناظر بعيد : اليوم شفتها اول مرة
جسوف بضحكة : مسرع
ليث : مو فاعايلي فعايل القلب
( ليث عمره 23 سنة موظف و حالته المادية ممتازة صديق جسوف من فترة طويلة )
،/،/،/،/،/،/،/،/،/،
Like
رد مع اقتباس إقتباس متعدد لهذه المشاركة الرد السريع على هذه المشاركة
#33 أضافة تقييم إلى لامارا تقرير بمشاركة سيئة
قديم 26-10-12, 09:48 AM
الصورة الرمزية لامارا
لامارا لامارا غير متواجد حالياً
مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
بعد يومين
بالفندق
ابو نايف : تآمر على شي ثاني
جسوف : ما يآمر عليك ظالم و انا كم مرة قلت يا عمي تكلمني حالي حال عيالك
ابو نايف بابتسامة : و الله انك بمعزة عيالي
جسوف ابتسم : مثل ما انك بمقام الوالد
و بالنسبة للمطبخ محتاجين عاملتين خلال هاليومين عن ام لياج و بنتها بس ابي بكفاءة و خبرة ام لياج
ابو نايف : ان شاء الله راح نوظف اللي على الانتظار و راح نضيف موظف ثالث لاني في موظف ترك الشغل
جسوف : ما في اي مشكلة و مثل ما وصيتك تشوفهم و توظفهم بدوني ما له داعي اشوفهم
راح اشوف الكل بعد ما يتوظفون بأي زيارة لي للمطبخ
’,.،/:"~×؛[ ’,.،/:"~×؛[ ’,.،/:"~×؛[ ’,.،/:"~×؛[
ببيت ام إنمار
انتقلوا ببيتهم الجديد
البيت فخم و كبير
الام : شفت سواقين متقدمين للشغل و اخترت واحد منهم
إنمار تبدل بالقنوات بملل : و اذا
الام بنرفزة : و عينت واحد منهم و تركي عنج الطريقة اللي تكلميني فيها يا قليلة الادب
إنمار ناظرتها بنظرة هادئة : و من رباني غيرج
الام بنظرة حادة : على الاقل احترميني يا بنت ابوج
إنمار ناظرت التيفي : خلصتي كلام
الام : ما عينت اجنبي عينت من البلد
إنمار ناظرتها : و ليش بالله
الام : لانه اكفأ واحد بين اللي جوني كلهم ما لهم خبرة و اذا اشتغلوا ما يعرفون البلد و لو بطلب من المكتب راح يتأخرون لين يرسلون لي
إنمار : و المطلوب
الام : انج ما تعاملينه مثل السواق اللي قبل طفشتيه بحركاتج تتأخري عليه و ما تركبي معاه
إنمار : يصير خير
الام : انا شفته و اتفقت معاه على كل شي الشخص هادئ و يدل الامكان و شرحت له شغله
إنمار : يعني شنو
الام : شغله من الصبح لين الليل
يوصلج جامعتج و يرجع اذا كنت محتاجة شي و يقوم بكل مشاويرنا و الليل يروح بيته بعد ما نخلص من اي مشوار
إنمار : طيب فهمنا
الام : و خبريه عن اوقات محاضراتج قبل بوقت علشان يعرف مشاويري و اوقاتها
إنمار بقهر : قلت لج قبل ما ابي سواق سيارتي موجودة خلي السواق لج
الام بقهر : لا تخليني احطج ببالي خلينا متباعدين عن بعض لج حريتج بأي شي
و السواق بتروحي معاه كل طلعاتج ان شاء الله لين الليل انتي مسؤولة عن روحج
إلا انج تحرجيني عند الناس و صديقاتي و اعضاء جمعيتي
قامت إنمار بقهر
( الام لها جمعية عملها متنوع ممكن انها تتبنى مشروع و تشارك فيه مثلا بناء ميتم بناء مدرسة او المشاركة في تدريب و تأهيل موظفين او تشارك في مساعدة المحتاجين و تأمين مشاريع صغيرة لهم او تشارك في معارض و شركات و الخ من المشروعات المختلفة )
~’,.،×؛:" ~’,.،×؛:" ~’,.،×؛:"
بالمطبخ
ام لياج : بنتي مزون روحي رجعي طقم هالصحون المخزن
مزون : ان شاء الله خالتي
ابو جوانا : يا بنتي و انتي راجعة شوفي لي جميلة بالحديقة ناديها
مزون : ان شاء الله عمي
و راحت المخزن و بيدها الصحون
دخلت و راحت لزاوية الصحون و هي تنزل الطقم و تناظر الصحون البقية
لفت وراها بتمشي صدمت بصدر طارق
طارق كان جاي ياخذ خضراوات للمطبخ
تم يناظرها من قرب بتأمل ارتفعت ضربات قلبه و بدون شعور قرب راسه منها بيقبلها
مزون ارتبكت بحيا من قربه و هي ترجف
ابتعدت بدون شعور و طلعت من المخزن
راحت للحديقة و هي مرتبكة من الموقف
طارق دخل المطبخ و ما شافها
راح لنادر
طارق : هلا نادر بغيتك تصير مكاني بجانب مزون و لا تتركها ابد و انا باخذ مكانك برى اليوم
نادر بتفهم : ان شاء الله لا تدير بال
طارق : دير بالك عليها زين
نادر : لا توصي توكل و انت مطمن
طلع طارق من المطبخ بياخذ مكان نادر لانه يعرف انه تسبب في توتر الجو بينه و بين مزون بعد موقفه معاها و حب انه يخليها اليوم و لا يوترها زيادة
و بعد فترة رجعت مزون و عرفت ان طارق تبادل مع نادر مجرد ما شافت نادر بزاوية طارق
’,..~..,’ ’,..~..,’ ’,..~..,’ ’,..~..,’
و اليوم اللي بعده
و بجمعة البنات
اتفقت ام لياج مع لياج و بعلم جسوف انهم يخبرون الكل بأن جسوف خطب لياج
راسيل : لج وحشة رتاج
رتاج : انتي هم لج وحشة مكانج فاضي
راسيل : شخبارج مع المطبخ
مزون : ههههههه تحب ترسل دايم ما تحب تظل بالمطبخ
لياج : لان فعلا الجو برى احسن بذمتج طول اليوم تظلي داخل ملل
راسيل : بعد شخباركم شخبارج مزون مع طارق
مزون بحيا : تمام
لياج : يا خجولة
مزون بابتسامة : انتي اللي شخبارج صار لنا فترة عن بعض
راسيل : ترى عندي لكم خبر
لياج بحماس : قولي ونسينا
رتاج : مستعجلة الاخت
مزون : يا برودج رتاج قولي راسيل بسرعة
راسيل مبتسمة : راح نحدد موعد الزواج
لياج بفرح : احلفي الف مبروووك
مزون مبتسمة : اكيد هذا راي المتوحش و لا انتي ما تبي الحين
رتاج بضحكة : لقب مميز متوحش
راسيل بضحكة : شوي شوي على متوحشي
( و بجدية ) بس جد ما بغيته الحين بس هذا اللي بيصير
لياج : تعرفي عاد احسن علشان تعتادي على المسؤولية قبل ما تدوامي الجامعة بتعرفي تنظمي وقتج
راسيل : ابيكم معاي تساعدوني
رتاج : جاينج تخطيطنا العظيم
مزون : ههههههه اكيد راح نخطط لكل شي مع بعض
لياج : امج شرايها
راسيل : ابدا ما عارضت وافقت على طول تقولي البنت مالها إلا بيت زوجها
لياج : تعرفي عاد امج بتجهزج خير تجهيز منى عينها تشوفج بالابيض
رتاج : ايوة بالابيض بالضبط
مزون و راسيل : ههههههه
لياج : رتاجووو
رتاج : اوك اوك لا مشكللة
مزون : راح تسكنوا ببيت عمج
راسيل : تصدقي شايلة هم بس عمي يبي ولده جنبه و عنده حق ولده الوحيد
رتاج : و اذا عليج من وحشج و بس
لياج : المهم انج تبتعدي عن زوجة ابوه و لا راح تصير مشاكل ان شاء الله
راسيل : ان شاء الله
لياج : و هم انا عندي لكم خبر
رتاج : اذا هذا اليوم للاخبار المفرحة
مزون : هههه اي و الله
راسيل : قولي نشوف
لياج حطت يدها علة وجهها بحيا : صاحب الفندق خطبني
مزون و راسيل ناظروها باستغراب و فرح
رتاج : هلووو اشفيكم استغربتوا و اذا
راسيل بفرح : لياج تمزحي احلفي و ربج
مزون بضحكة و هي تنزل يد لياج عن وجهها : لياج فهمينا بسرعة
رتاج بابتسامة : البنت انخطبت شفيكم
لياج بحيا : وش اقول لكم خطبني يعني تقدم لي
راسيل بفرح كبير : لياج اكيد بتوافقي و ربي ما ينرد الله يوفقج و يسعدج معاه
مزون : تعرفي اذا الله كتب بينكم الاثنين محظوظين ببعض
راسيل بحماس : لياج و وجع ردي علينا وافقتي و لا بعدج
لياج بابتسامة : بعدني افكر
راسيل : يا مجنونة وافقي بلا هبل الاستاذ جسوف ينرد
لياج : ههههه اكلتيني
مزون : لا عاد لا تسوونها مع بعض نبي نفرح مرتين
رتاج : يعني نجهز يا حلوات
لياج بابتسامة : اجهزوا
مزون : يعني وافقتي الله يوفقج لياج الاستاذ جسوف ما في مثله
رتاج : اهم شي انتي مقتنعة
راسيل بفرح : مو مصدقة الاستاذ جسوف و انتي و ربي تليقون على بعض
مزون : راسيل انتي متى بتجهزي
راسيل : انطر ملجة لياج و بعدها احدد و اجهز للزواج
رتاج : يكون احسن
و انتهى هذا اليوم البعض يفكر و البعض محتار و البعض خايف و البعض متجهز و البعض مو مهتم
’,..~..,’ ’,..~..,’ ’,..~..,’ ’,..~..,’
اليوم اللي بعده
بالمطبخ
طارق واقف بزاويته يفكر و هو ينتظر مزون تجي لانها للحين ما جات مع ابوها
ناظر الكل منشغل بشغله
دقايق و إلا مزون توقف جنبه بتوتر و حرج و استحت تسلم او تتكلم بأي تحية
قبل ما يتكلمون الاثنين رن هاتف المطبخ
رفعه طارق و بهدوء : مطبخ الفندق تفضل
...............
اي خدمة ثانية
..................
دقايق و يوصل الطلب
......................
سكر الهاتف و هو يعطي مزون الورقة اخذتها و لفت تعطيها زميلتها و توصيها على الطلب
طارق بهمس : شخبارج
مزون و عينها تحت : تمام
طارق : تأخرتي
مزون بهمس : ابوي مره صاحبه وصله و رجع لي
طارق بهمس : زعلانة ؟
سكتت مزون بحرج
طارق : تضايقتي مني ؟
ما عرفت ترد رفعت خصلة من شعرها و ضربات قلبها تزيد
طارق : تصرفت من غير شعور و ما قصدت اضايقج
مزون تبي تنهي الكلام بهالموضوع و فعلا هي تبيه بموضوع ثاني
لفت و ناظرته و بهمس : احم انت ااا يعني
قلت ما راح تصرف في سالفتي مع بيت امي من قبل
طارق ابتسم و هي تناظره : شنو يعني
مزون : انت مكلم امي او احد من بيت زوجها بعد ما كلمتك عنهم آخر مرة
طارق و هو مبتسم لف و هو يناظر دفتر الطلبات : خلينا بالشغل
مزون : لا تغير السالفة لاني متأكدة انك كلمتهم
طارق : انسي
مزون : طارق
طارق بابتسامة ناظرها : نعم
مزون : صار مو
طارق : من قال
مزون : فهمت من امي لكنها ما قالت بشكل مباشر مجرد تلميح
طارق : وين المشكلة
مزون : لانك دخلت بمشاكل معاهم بسببي
طارق بهمس : طارق يموت و لا تضايقي و احد يتعرض لج
مزون بهمس صادق : لا تقول هالكلام
نادتها زميلتها علشان تاخذ الطلب
اخذته و وصلته لرتاج
~’,.،×؛:" ~’,.،×؛:" ~’,.،×؛:"
إنمار جهزت و لبست خلت شعرها الثلجي اللي لين كتفها مفتوح و فرق اعوج و بعض الخصلات على جنب
نزلت شافت امها على طاولة الفطور
مشت للباب بتطلع لانها ما تبي تاكل
الام و هي تاكل : السواق ينتظرج
إنمار طلعت بدون ما ترد عليها
طلعت عدت الجانب اللي طال على الحديقة و هي تمشي شافت السيارة باللون الاسود
( عادة السواق الاجنبي اللي قبل ينزل يفتح الباب ينتظرها تركب و يسكره )
ما اهتمت انه ما فتح الباب مشت للسيارة
ركبت و سكرت الباب رفعت راسها و هي تناظره
\\//\\//\\//\\//\\//\\//\\//\\//\\//\\//
انتهى الجزء 13