الفصل 34
البارات » 34 «
((رَبي كَما أبْكيتني يَوم وِلادتي وَ النَّاس حَولي يَضحكون
أضْحكني يَوم مَوتي وَالنَّاس حَولي يَبكوون
اللهُمَّ إرزقنا حُسن الخَاتمة وَتوفنا وَأنت رَاضٍ عَنَّا ))
……في احدى المطاعم الراقيه ……
كان منتظرها من سعتين ولا جت استغرب تأخرها هي متتاخر لهاي الدرجه رفع جواله ودق ع رقمها ولما جاه صوتها قال بحب:ريهام ليه ماجيتي .
ريهام بستغراب:منو انت اعرفك .
هو بصدمة:ريهام انا نايف حبيبك مو متفقين اليوم نتغدا وبعدها نروح ع المحكمه نتزوج غصب عن الكل.
ريهام بخبث:بس انا ما اعرفك شو دليلك .
نايف الي بحاله صدمة:ريهام مو اتفقنا اول ما اوصلك اوراق الملكيه نتزوج اشلون نسيتي .
ريهام ضحكت وقالت:انت الغبي نايف اوه يافلبي نسيت اخبرك اني خلص شبعت منك صرت ممل .
نايف عصب وقال:انتي شنو تتكلمي شلون شبعتي انتي بتلعبي علي وبتستغليني .
ريهام ضحكت وقالت:انت واحد اهبل وغبي ماركزت لاسم عيلتي انا ريهام ال… تعرفه بدر …اختك ياحلو اخذت حبيبي وتزوجته وانا ببساطه حبه انتقم .
نايف بمحاوله يستوعب:انتي تقصدي سما .
ضحكت ريهام وقالت:عليك نووور .
نايف عصب ورما الجوال لين كسره اشلاء هو يكره سما بدون شي عاد هذا خلاه يجن ع الاخر هو يكرها وهذيك تنتقم منه لانها اخته"الله ياخذك ياسما باخذ الاول والتالي منك وما اكون نايف " وطلع من المطعم بعصبيه وجمع رجال وبحده:ابغا تعرفو لي عنونها الحين .
الرجال تحركو ونايف ينتفض من الغيض "والله لاخذ روحك ياسما انتي بسببك ادمر وبعدما اخلص منك بردلك ياريهام وبوريكي "……………
سما....... بعد الي صار مع عمتي صرت اكلمها بالجوال اطمن عليها لانها نقلت للقصر وطبعا اهلي ردو جدة كلهم"لاني ماعاد فيه صارو فيه"وطبعا هالفتره صحتي مو طبيعيه وطبعا كنت بسوي لي غدا جوعانه حييل رغم اني ماكله من ساعه مع ماادري ليه الجوع زايد عندي هالفتره …وانا مندمجه رن جوالي … ورفعته وكانت ليان انبسطت وفتحته وحطيته ع الطاوله والسماعات البلوتوث بذوني:هلا وغلا ليلو شلونك ياقلبي .
ليان :بخير وانتي شلونك وبدر .
ابتسمت وقلت:كلنا تمام بس بسوي لي اكل .
ليان بستغراب:الساعه 4 العصر ماتغديتي .
ضحكت وقلت:لا والله متغديه بس جعت مره ثانيه صرت دوبه بجداره .
ضحكه ليان وقالت:ليه شنو صاير معك .
قلت بقهر:صايره كسوله ونومي ثقيل واكل كثير .
ليان بنبره غريبه:سما تحسي مرات نفسك لايعه او بدوخي او تستفرغي .
قلت بتذكر:من اسبوع بيصير معي كل هذا بدوخ ونفسي بيثقل بس ليه .
ليان بضحكه:سما انتي جتك ه الشهر .
هالسؤال احرجني فقلت:شكلها لاعبه علي لانها ماجت اصلا كله بسبب اهمالي .
ضحكت وقالت:سامو روحي سوي فحص حمل بيجوز.
هالكلمه حركت فيني الف شعور "حمل" فقلت:بس شلون يعني بحمل و…
ضحكت وقالت:ليش لا قدر الله انتي عاقر سوي تحليل منزلي واذا النتيجه ايجابيه لا تعلني لين تتاكدي بفحص دم … والفحص بس للتاكد اناسمعت ان الفحص المنزلي مضمون .
استغربت معلوماتها وبصراحه كلامها ماثر فيني وجد شعور حلو ان يكون عندي طفل ابتسمت وقلت:اوكيه بسوي تحليل منزلي بس من وين عرفتي كل هذول .
ضحكت وقالت: مو صفا حامل وطبعا انا رحت اشتري لها الفحص وازيدك مرت عمي بندر بعد حامل من شهر ونص … واذا انتي حامل بتكمل الفرحه وتوتي وبيلو واو وناسه بجد .
ضحكت وقلت:يارب ادعي لي ليلو .
ليان بابتسامة:بدعي ليل ونهار لولا انك مش متاكده كنت اعلنت الخبر للعائله .
قلت بحب: بشتري الجهاز واتأكد واول شخص رح يدا انتي بس مو اليوم بكره لان بدر ع وصول وما ابغا اامله ومافي شي .
ليان بفرح:يارب يارب بنتظر ع احر من الجمر .
سولفت شوي انا وليان وبعدها سكرت منها وبصراجه ماقدرت اتحمل لبكره اتصلت لبدر وقلت اني نازله الصيدليه اشتري ادويه ناقصه علي ولازم اكلها الحين فسمح لي ونزلت للصيدليه وانا بدعي بكل خطوه ولمن وصلت الصيدليه اشتريت بعض ادويتي وترددت شوي وطلبت جهاز فحص وعشان اتأكد طلبت جهازين … وبعدما شريت كل شي طلعت الشقه واخذت نفس عميق ودخلت الحمام(اكرمكم الله) وسويت الفحص وطلع ايجابي وعملته مره ثانيه وبعد ايجابي للحظه كنت بطير من الفرح ببشر بدر اكيد بيفرح اخذت الفحص ورميتهم للزباله ورتبت المكان وانا حايسه شلون ابشره بالموضوع … وانتظرت بدر لين يرد من شغله وبفكر شلون اخبره"بتأكد اسوي تحليل دم او اخبره قبل والله محتاره" عملت رساله لليان وقلت»لينو ماقدرت انطر لبكره سويت التحليل الحمل اليوم وكان ايجابي بس بتأكد لمن افحص بالمستشفى وبعدها ابشر بدر «
ماجاني رد اكيد مشغوله سمعت الاذان فرحت اتوضئ واصلي بدر اكيد بيتأخر لانه خبرني لمن كلمته... صليت ودعيت من قلب انه يتمم علي فرحتي وبعدها قريت قران بين المغرب والعشاء لين اذن العشا صليت الفرض والسنه والوتر وقريت اذكاري وطويت سجادتي وجلالي …الفرحه الي جواتي مالها حدود بس في احساس جواتي بشي سئ بيصير حاولت اكذب هذاك الشعور ودخلت المطبخ بديت اسوي العشاء وشوي كنت بخلص بس سمعت طق الباب "بيكون بدر" بس بدري عنده مفتاح...توجهت للباب وقلت:مين .
جاني صوته المخيف وبحدة:افتحي قبل اكسر الباب .
بلعت ريقي وفتحت الباب وبخوف:نايف ايش جابك .
نايف دخل وبحدة:البسي عبايتك بتجي معي .
قلت بعناد:استحاله اطلع معك مريض.
ماكملت كلمتي الا وبايده بشعري وشد بقوه وقال بحدة:بتجي غصبا عنك …بربيكي انتي وزوجك .
بلعت ريقي بخوف وقلت:انت وش تبغا فيني ماعمرك عرفتنا واليوم تبغا تربيني حل عني .
ضحك نايف بحقد وقال:روحي بدلي عبايتك والا بجرك كذا ماعندي مانع …يلا.
كان شادد ع شعري بقوة وانا حاولت افلت منه بس هو اقوى غير اني خايفه آذي نفسي عشان الجنين وقبل اتكلم بدر دخل بستغراب وجا يساعدني بس نايف رفع المسدس بوجهه وقال:يلا بتعجلي او .
قلت بخوف:حاضر بس اترك شعري .
بدر بعدم رضا:انت وين ماخذها .
نايف بحتقار:اربيها انت وش عليك .
ناظرت بدر بمعنى «لاتخاف علي» ونايف ترك شعري دخلت غرفتي لبست عبايتي والشيله والنقاب وشلت شنطتي وادويتي وطلعت وانا مرعوبه ع بدر… قلت بقهر:انا جاهزه .
ضحك نايف وقال:زين يلا .
بدر جا يقرب نايف حط المسدس براسه وهنا انا ترجيته:نايف انا جايه بس ماتسوي له شي .
بدر :سما بتروحي معه ليه .
ناظرته والغصه خانقتني ونايف سحبني بقوه وقبل يطلع قال لبدر:بربيك وقل لبنت عمك مثلما عملت حركتها الخايسه ونهبها لفلوسي بخلص اول ع الي عندي وبعدين هي الهدف الثاني .
بنت عم بدر شنو سوت …فقال بدر:انت وش بتتكلم .
نايف شدني وطلعني برا البيت وقال لبدر بحدة:بنت عمك ريهام الصايعه لعبت علي واخذك فلوسي .
وانا مصدومه لهاي الدرجه …نايف سكر الباب بقوه وضل ماسكني بشعري لين دخلني السيت الخلفي بقوه وطلع مكانه وحرك ااسياره بسرعه جنونيه وانا بموت من خوفي وقلت:انت ليه تدخل فيني ماالي دخل انا وبدر بمشاكلك انت والحقيره ريهام .
نايف بحده وصراخ:انكتمي قبل اشوه ه الوجه .
نايف مجنون ويسويها ورديت ظهري لورا واكلت حبه من دواي وبخوف وانا ادعي عليه هو وريهام ………
بدر ………اول ماشفت رجلين عند الباب تملطني الخوف ولمن دخلت وشفت نايف ماسكها غلي دمي وزاده كلام نايف ماجا من فراغ وماتوقعت ريهام توصل بها القذاره لهاي الدرجه … ضليت احوس بالبيت روحه ورده افكر وش اسوي مالقيت غير اروح لبيت عمي …اخذت مفاتيح سيارتي والبيت وطلعت بسرعه والنار بتغلي جواتي ولبيت عمي …………
………/في المستشفى /………
بعدما طلعو صديقاتها وفارس مشي تردد يدخل ويحاكيه بس لازم يعرف عنها احساس جواته دفعه فطقي باب غرفتها وجاه صوتها فدخل بعدما قالت:تفضل... قعد بمسافه زينه بعيد عنها وهي ناظرته بحزن فقال بهدوء:فيني اساعدك فيكي تثقي فيني انتي بس لك صديقتين اهلك منو ابوكي بيتكم لك احد اقارب هنا .
رازان بلعت وقالت بنكسار:ابوي مو هنا ابوي برا .
حسان ارتاح لانها بدله ويخلص نفسه من هالمسؤوليه لانها ثقيله مره فقال:ماتعرفي رقمه .
ضحكت رازان بتهكم وقالت:اكيد مارح يجي الا ليحضر جنازتي ابوي تركني من سبع سنين تزوج واخذ اخوي وسافر وعاش برا وناسي ان عنده بنت حتى المناسبات نادر مايجي ويسلم علي انا وجدتي حتى جدتي تركتني بدنيتي لحالي .
حاول حسان يرفع معنوياتها وقال: بس انتي قوية .
ضحكت رازان لين دموعها طاحو قهر وقالت:انا شنو انا اضعف انسانه انا ضيعت حياتي انا لو ابوي يجي بينفذ علي الحد انا خلص فقدت اغلا شي .
حسان الي بهت "زنت" وقال:يعني مافهمت .
رازان الي خلص كل طاقتها انهارت فحكت لحسان كل شي باستثناء الي حصل مع بتول حرصا ع سمعتها وكانت تبكي مع كل كلمه وكل حرف تقوله …حسان الي مصدوم بالي صار معها وقالت بقهر:اكيد بتحتقرني وتقول داشره صايعه بس الله انتقم مني وهذاهي حالتي انا ضعت .
حسان الي حاول يتمالك انفعالاته قال:وانتي بتوبي.
رازان :كنت اول مالقيت الي بياخذ بايدي بس هالمره صديقاتي هم الي رح يساعدوني ولو بدعاءهم .
حسان :انتي حاسه بتأنيب الضمير .
رازان بحرقه:انا حاسه بان هموم الدنيا كلها فوقي انا حاسه ان روحي بتطلع وابغا اتوب قبل ربي ياخذني .
حسان تنهد ووقف وقال:الله يثبتك ع الصح .
ومشي وبعدما سكر باب غرفتها ضرب خده بستيعاب هو اليوم عرف حقيقت بنت لو غيره كان شهر فيها وفضحها بس هو عنده خوات وغيرته وحميته تمنعه والبنت احتمت فيه … بس هو ماعرف ينقهر منها او عليها لهاي الدرجه في اهل يستهترون ببناتهم ويرمونهم كانهم ماجابوهم …والبنت مخلوق ضعيف يبغاله حمايه مهما اشتد جبروت الانثى مازالت تحتاج الى سند …البنت مالقت احد ياخذ بيدها فهربت تدور عن امان وتأذت اكثر واكثر ………
………عند بدر………
وصل بدر لبيت عمه ولانه عشاء كان الكل مجتمع فنادا بصوت عالي قبل يدخل الصاله الخارجيه:رااااشد شوفلي طريق.
راشد استغرب عصبيت عمه وكانو كلهم مجتمعين يتقهوو بعد العشاء والكل استغرب تصرف بدر وراشد ناظر لريهام تتغطى قالت:مو مهم بطلع فوق.
وراشد انتظر ريهام تطلع وطلع لبدر وقال:بدر وش فيك ادخل الطريق فاضي .
دخل بدر بعصبيه ودخل ع الصاله وكان الكل مجتمع ومستغربين عصبيته …فقال بحده:وينها ريهام .
راشد وبتول خافو "ليكون عرف بالي سووه" بدر وشاف الصمت ورد صرخ:وينها ريهام قلولها تنزل .
بندر استغرب وقال:بدر اشفيك ليه تبغا ريهام .
نزلت ريهام ببرود وقالت:وش تبغا مني .
بدر للحظه نسي كل الحدود وقرب منها ومسك شعرها وقال بعصبيه:ياحقيره انتي شنو سويتي مع نايف تكلمي قبل اربيك .
ناصر وبنهدر عصبو وبندر بعد بدر عن اخته وبحده:انت صاحي شنو صار لك باقي انت تمد يدك ع اختي .
بدر رفع اصبعه بحده:بتمدمي ياريهام تلعبي ع نايف انتي قذره من يومك بس تتعرضي لنايف عشان تنتقمي مني فما رح اعديها بشنو لعبتي عليه .
بندر الي فار دمه ودف بدر لين وصله لبرا وقال:انت باي حق تتكلم ع اختي .
بدر حاول يتحكم باعصابه وقال:انت ماتعرف قذارة اختك يابندر …… بندر ماتحمل وقال:كنت احسبك اخو طلعت عدو تتكلم ع اختي وسمعتها …انقلع .
بدر شد بقبضت يده وغمض عيونه بقهر لولا ان ريهام بنت عمه كان ذبحها او بلغ الشرطه عليها ……
بندر الي استغرب تصرف بدر وهو يعرف ان بدر مو من النوع الي يتبلا ع الناس بس مستحيل يرضى انه يحكي عن اخته … رد البيت وشاف ريهتم بتبكي بحضن امها وابوه واخوه معصبين وفاديه تهدي زوجها وليان الي مو ع بالها كأنها بتأيد بدر وبتول وراشد هادئين …وناظر زوجته الي بتناظره بمعنى«ايش فيه» حس نفسه مشتت اشخاص ضد واشخاص مع …قرب من ريهام وقال:ريهام تعالي ابغاكي .
ريهام بلعت ريقها بس كملت تمثيلها وبكت وقالت:مصدق ولد عمك ومكذب اختك هذا يتبلا علي هو بيقذفني قدام الكل حرام وانا بنت عمها عشان منو عشان زوجته واخوها اكيد لاعبين عليه اهئ.
بندر حس انه مافي فايده يسأل لانه كذا بيزيد المشكله بس مستحيل اخته تسوي شي مثل كذا وبدر مستحيل يتهمها زفر بندر وطلع جناحه وزوجته معه واول ما دخل الغرفه جلس ع السرير بضيق وتنهد …دانا قعدت جنبه وقالت:وش فيك يابو يزن متضايق ترا الضيق مو حل .
بندر زفر وقال:والحل يادانا ما اقدر اكون بصف احد بدر اعز من اخوي وهذيك اختي مستحيل اصدق ع اختي وانا اعرف ان بدر مساحيل يرمي كلام .
دانا بقتراح:ليكون سوء تفاهم واحد ابتلا ع اختك وغير كذا عشان تطلع بدر هو الغلطان بدون ماتجرحه ليه ماتثبت له غير كذا …انت مو مشكك باختك بس عشان ماتجرح ابن عمك .
ابتسم بندر وقال:وبيلوموني بحبك ياعمري.
ابتسمت دانا بخجل وبندر حضنها بحب هذي الانسانه تفهمه ويحبها ……
………/عند سما /………
اول ماوصلو ع البيت فتح نايف السيت الخلفي وسحب سما من شعرها وهي تتاوه واحاول تحمي نفسها اكيد بيضربها هو صح سبق وما مد يده عليها بس اكيد عشان ينتقم … سحبها لين منتصف الصاله وهي تقاوم عشان مايأذيها … ولمن وصلو شافت ابوها قاعد بيقرا بالجريده بهدوء وانصدم لمن شافها وامها توها نازله وكانت مرت اخوها قاعده بالكنبه وماسكه جوالها …واول مادخل نايف كان يهز راسها وهو يصرخ … مما خلا نوف تنزل بسرعه … وانصدمت لمن شافت سما بذيك الحاله وتوجهت لعند نايف تفكها … نايف دف عمته وقال:والله لاربيها …
وجا يعطيها كف بس جاه صوت ابوه بحده:ناااااايف.
نايف ناظر ابوه بغيض وجا يتكلم وابوه قال بحده:اذا تمد يدك عليها بكسرها .
نايف ناظر سما المصدومه من موقف ابوها وقال:بس انا ابغا اربيها هي وزوجها .
نوف بسخريه:من شنو تنتقم انت الخروف تستاهل .
نايف ناظر عمته وقال:شنو انتي تعرفي .
نوف بحده:ايه اعرف …انت كتبت اموالك كلها باسم ريهام بنت عمت بدر عرفت تضحك عليك بس مو الذنب ذنب سما وبدر ذنبك يالخروف .
نايف اغتاض من عمته وبكره مسك شعر سما وقال:ولو بطالع حرتي فيها هي صارت منهم .
نوف بقهر:ومن متى صارت منكم .
عامر بحده:نووووف اسكتي .
نوف سحبت سما وبعدتها عن نايف وقالت:شنو رح تسوي بتذبحني او بتزوجني غصب وتمنعني ارد هنا.
ابو نايف غمض عيونه بقلق مستحيل تتكلم وقال:نوف انتي وش تهذرين انخبلتي .
ام نايف بغيض:خليها تتكلم نخلص من همها .
سما وزوجه نايف الي مو فاهمه شي … سما بعدم فهم:عن شنو تتكلمون .
نوف بقهر:عن ان عامر ونايف مالهم اي حق يمدون ايدهم عليكي مالهم اي حق يتحكمو فيكي.
سما تحاول توضح الامور:بس ايه مالهم حق لاني متزوجه يعني عادي مو شي .
نوف بقهر:هم مالهم حق من زمان .
سما الي تستوعب الموضوع… ونوف ردت ناظرت اخوها وقالت:انت ماتستاهلها انت حرمتها منهم انت عذبتها وتبغا تمارس حقوقك اي حقوق وهذا ولدك الصايع الضايع الي بلاويه ماليه الدنيا هذا عقاب من ربك علي سويته مع نور وزوجها وسما ذنبهم كلهم برقبتك ياسر مات وهو مظلوم والله بينتقم من الظالم.
سما بتحاول تستوعب وقالت:عمتي وش دخل عمي ياسر وعمتي نور بحياتي وش الظلم .
نايف بحقد:مايبغا يقول عشان مايخسر نص الشركه الي هي نصيب سما من حق ابوها .
سما مو فاهمه شي وصرخت:انتو ماتحسو فهومني انا ما ادري عن شنو تحكون انتو منو .
نوف بكت وقال بقهر:عامر ومزنه مو امك وابوك .
هنا سما تحاول تستوعب وقالت والدموع بعيونها ولسانها انشل بالحيل بيطلعو الكلام وقالت:أأجل منو اومي وابوي منو اهلي منو انتو…فهموني .
وبدت بكي بهستيريه وتصرخ لين طاحت مغمى عليها ونوف نزلت لها وبخوف:جيبو الاسعاف يلاااا.…
بدر ……رديت البيت بعدماخلص الدنيا ضاقت فيني رديت البيت ودرت فيه ماله طلعم سما موفيه شلون اعيش بدونها بجيبها لو كلفني حياتي هي كل دنيتي … دخلت الغرفه تأملتها بقهر وطلعت ورميت نفسي ع الكنبه ولميت ايديني قدام وجهي افكر شلون اقدر اردها لازم اربي نايف اول … زفرت بضيق وشوي سمعت صوت الجوال ناظرت جوالي وكان هو دورت وكان جوال سما مرمي تحت المخده …شلته وشفت المتصل وكان ليان وفتحت الخط وجاني صوتها:سامو مبروووووك حياتي توني قريت الرساله بس ليه جا بدر معصب .
زفرت بضيق وقلت:ليلو انا بدر .
ليان استغربت وقالت:وش مسوي تلفون سما عندك.
قلت بضيق:نايف الكلب اخذ سما جكاره فيني انتقام لان عمتك المصون لعبت عليه وهو بينتقم مني ومن سما عشان ريهام الزفت .
ليان بفهم:عشان كذا جيت .
قلت بهدوء :ايه هذا هو السبب بس شنو سالفت الرساله وليه تباركي لسما .
ليان:مابشرتك سما .
قلت بستغراب:لا بشنو تبشرني .
ليان:ما ادري بايو .
وسكرت الخط مني وانا استغربت وقلت لازم اعرف وتذكرت انها تكلمت عن رساله فدورت بالرسايل وقريت الرساله وكانت»لينو ماقدرت انطر لبكره سويت التحليل الحمل اليوم وكان ايجابي بس بتأكد لمن افحص بالمستشفى وبعدها ابشر بدر « فتحت فمي ع وسعه سما حامل … زاد ضيقي بدل افرح اتضايق لو سما هنا كنت بطير من فرحي بس هم اخذوها …هالشي خلاني اصر اخذها وبربي نايف … غمضت عيوني بقهر كان لازم اكون معها وافرح وياها … دخلت غرفتي وانسدحت ع السرير واخذت مخدتها وحضنتها وقلت بعزيمه:والله لأردك ياسما لو كلفني حياتي……
…………/نرجع لسما/…………
سما ……… فتحت عيوني بتعب شكل كله كان حلم بس لمن ناظرت الغرفه استغربت هذي غرفتي في القصر حاولت اقوم بس شفت المغذي باليدي وش صار ماكان حلم التفتت بالغرفه وماكان في احد وحاولت اقعد وقدرت بتعب جسمي تعبان… وشوي ينفتح باب غرفتي وكانت عمتي وبايدها صينيه وابتسمت لي ابتسامة حزينه وقالت محاوله تغير مودي:مساء النور والسرور شلون صرتي .
ناظرتها بعتاب وقالت:عمتي انتي بتحبيني بتساعديني الله يخليك .
عمتي حطت الصينيه ع الطاوله وجلست جنبي وضمتني لها وقالت بقهر:بس انا اول المجرمين في حقك ياسما انتي وامك .
ناظرتها بترجي:خبريني حتى ابغا اعرف هم ليه يسوون كل هذا معاي احكي لي .
زفرت عمتي بضيق وقالت:انا الغلطانه انا الي غيرتي عمتني وانانيتي خلتني انسا انها اختي .
ناظرتها بستغراب :شنو صار كملي وش دخل عمتي.
تكلمت بهدوء( من 25 سنه كنا بتركيا عشان عشان اجازه الصيف وكانت نور توها مخلصه الثانوي … وطبعا المعروف عنها انها احلا وحضورها طاغي وهي رزينه وهاديه … طبعا كان في رجال مره حلو كان يلحقنا وين ماكنا كان حاشا انه تعرض لنا فكرت انه يناظرني ومعجب فيني فاعجبت فيه مره لدرجه اني حبيته وكنت اتمناه … وبالصدفه طلع انه صديق اخوي وصار دايم يجي يقعد مع عامر هو امه تركيه وكانت اغلب وقتها هنا عند عائلتها فكان يجي لها هنا ولذا كان بتركيا وهو سعودي… كان اغلب وقته عند عامر يسولفو ويقعدو بالساعات هنا زاد حبي له وفكرت انه يبادلني نفس الشعور … ومره من المرات طلعت انا ونور نتمشى وطبعا تركتها اروح اشتري لنا شي نشربه ولمن كنت جايه شفته كان واقف قريب من نور حسيت بنار تكوي قلبي قربت اسمع هو شنو يحاكيها وبهت لمن عرفت هو يحبها هي وماكان يسوي كل هذا الا عشان حبه لها… وجعني قلبي وزاد غيضي ان نور تبادله نفس المشاعر بس مخبيه وماتكلمت وطبعا عرفت من كلامه انه يبغا يخطبها من اخوي …فلما مشيت عنه وردت لعندي قلت لها بستعجال:نور حبيبتي لازم نرد البيت يلا .
نور كانت مطيعه لي بحب وقالت:اجل يلا .
وردينا للبيت وناظرت البيت ولحسن حظي عامر كان جوا فرحت لعنده وغيرت الكلام وقلت:ياسر صاحبك بيتعرض لي انا بس احس نيته سيئه .
عامر عصب حيل ولمن اتصل له رحب فيه بس عشان يبهدله وبالفعل حتى رغم ان ياسر طلب ايد نور بس كلامي كان مأثر بعامر وهو عصب وشتمه وطرده وبعدها ماعاد شفناه وانا زدتها لمن قلت:بيتعرض لوحده ويخطب الثانيه هذا يبغا الضر لنا.
كان كلامي مسموم وطبعا ماتكلمت جنب نور الي شكت لي وهي بتبكي لانها فعلا كانت تحبه بس تربيتها ماتسمح لها بانها تحاكيه او ترد عليه… قات اكيد حبها عشان هالطبع بخليه يحتقرها فبعد المشكله باسابيع قلت لها:شرايك تتصلين لمكتبه اخذت الرقم من نوتت عامر .
ترددت نور وقالت:بس مو حلوه بحقي .
قلت لها:الي يحب بيعذر حبيبه .
تحمست لكلامي وطبعا اتصلت له وكان بينهم الاتصالات وحتى لمن ردينا جده رد يخطبها وكان عامر وصل حده من الكره له … وطبعا وسوست براس نور لين اقتنعو اثنينهم وهربو وتزوجو غصب وحطو عامر بالامر الواقع وبعدها سافرو لبرا السعوديه وطبعا عامر خقد عليهم ونار غضبه تاكل الاخضر واليابس وفكر ينتقم منهم وطبعا هم ماخلو مكان ماراحو له حتى الشقه الي بلندن هي سبق وكانت من املاك ياسر وبعد سنتين ونص عامر وصل لهم وطبعا عشان يرجعو قلهم انه مسامحهم و وطبعا هم اطمنو وردو وعامر بعدها اول ماوصلو لمطار جده قبضو ع ياسر بتهمه باطله لفقها عامر ونور اخذها للبيت وطبعا قدر يطلق نور من ياسر بحكم من المحكمه انه تزوجها عنوه وانه مو اهل وطلقها واول ماكملت نور عدتها زوجها واحد من معارفه رجال ولا مره قبلت فيه لاخلاقه الزفت … زوج نور وسفرها برا السعوديه وهددها انها لو ترجع بيذبحها هي وبنتها واخذ البنت وقال لياسر بنتك ميته …ولان مزنه تو ولها ميت من كم شهر وهو بعمرك فكذبو ع الكل وقالو انك تؤمه والكل صدق … حتى اهل ياسر الي رغم انه كان بالبدايه بدون رغبه منهم بس تقبلوه وتقبلو نور وبعدما طلع ياسر من السجن جا لعند اخوي وسأل عن نور وبنته فجاوبه انها ميته ونور متزوجه وصار عندها عيال …انا تزوجت فايز وانا متحمله … ياسر مالام نور بس ماصدق موت بنته ورد مره ومرتين وثلاث … وعامر نفس الاجابه ومره من المرات سمعت ان عامر ساء وضعه المادي وخسر مشروع كبير كان بيخسر كل امواله ولان ياسر من عائله مره غنيه تدخل وكول الشركه واشترا نص الاسهم بس كان عنده شرطين كان الاول ان نص الاسهم بيسجلها باسم بنته والشرط الثاني انه يكون قريب من بنته طبعا عامر وافق وطبعا سمح له يتقرب منك ع شرط انه مايخبرك انه ابوكي لانه بيحرمه منها للابد وخصوصا انه قانونا هو ابوها لانها مسجله باسمه …ماكان عند ياسر الا انه يوافق وكان يجيك ويلاعبك وكان يحبك مره ومبسوط بقربك هو ماتزوج ولا اهتم لشي كان همه انتي وبس لانك ببساطه بنته وقطعه منها وقبل يموت بفتره عرف ان عنده القلب وان مرضه وراثي وماكان يقدر يخبرك وماكان قباله الا انا عطاني رساله اعطيكي ياها لمن يكون الوقت المناسب ووصاني عليك انا حسيت بالقهر …لاني كمان لقيت جزاتي … وطبعا التقى فيك وكان يعرف انه مارح يعيش كثير فحب يقضي اكبر وقت معك بس المشكله الي صارت خلته مايقدر يجيكي كثبر وقبل يموت بقا يشوفك لمره وحده وانا ساعده وشافك وسلم عليك وودعك بس انتي مافهمتي تلميحه لك بانه بيودع كنتي مشتاقه له …بعدها ماعاد جا وماخبرتك بموته الا بعد فتره وترددت اعطيكي الرساله ومن سنه قررت اعطيك الرساله فدخلتها للكتاب بس ماقدرت احط الورقتين حطيتها ناقصه كان لازم تعرفي بنفسك بس شلون ولمن رسلت الكتاب بس صدمت انه حصل هجوم ع بيتك وعرفت ان المتسبب نايف هو ماكان يبغاكي تعرفي عشان لا تاخذي فلوس ابوكي … بس انا خبرته ان الرساله ناقصه ومارح تفهمي فقتنع بس بعدما صار وجاكي الحرامي وبعدها بفتره عرفت انك نقلتي عند جارتك وارتحت اكثر … لانك صرتي بامان كنت احس تجاهك بتأنيب الضمير انا السبب بالي صار معك حتى بجفا عامر لانه ماكان كذا هو كرهك لانه يقول انك ثمره غدر صديقه …حقد عليكي …حتى نور ماخلاها ترد جده وهددها لو تقرب منك او تكلمك بيذبحها ))
ماكنت اتوقع كل هالشي عمي ياسر الي ياما تمنيته انه يكون ابوي كلع هو ابوي وماقدرت اناديه يبه وامي ماتقدر تقرب لي وقلت بوجع:ليش سوو كذا حرام عليهم انتو اذيتوني وانا ماادري شي.
عمتي نوف او خالتي ضمتني وبكت وقالت:سامحيني والله اني نادمه ع الي سويته والله.
رغم ان الي صار كان هي سببه بس ماقدرت احقد عليها ضميتها بحزن وقلت:ابغا اشوفها .
عمتي بعدت شوي:مو الحين انا ماعندي اي طريقه اتواصل معها بس كان ولدها يكلمني بس مو من رقمه الخاص من ارقام مختلفه حتى انه طلب يكلمك وانا عطيته رقم بيتك بلندن .
ناظرت بصدمه اخوي بيسوي كذا عشاني وقلت:هو قلك يبغا يكلمني .
هزت راسها …هلا فهمت تشبيه اغلب معارف العيله لعمتي نور …حسيت بشعور حلو وفرحت بس رجعت تذكرت:عمتي اوه خالتي ابغا ارد لبدر .
خالتي بضيق:نايف مانع الطلعه ومستحيل رح يخليكي تطلعي هو مايهمه حتى ابوه .
مديت بوزي بضيق وقلت:بس انا ماابغا اقعد هنا .
خالتي بابتسامه:لازم نتحمل لين نقدر وبعدين لازم تهتمي بصحتك عشان البيبي .
ناظرتها بستغراب شلون عرفت وقلت:شلون دريتي .
ابتسمت وقالت:خبرتني الدكتوره وقالت لازم تنتبهي عشان مرضك ولازم بين الفتره والثانيه تتأكدي من مستوا نبضك ونبض الجنين ومعدل التنفس .
حسيت بفرحه لانها تأكيد من الدكتوره وقلت:الحمدلله يارب .
قالت بخوف:بس مو لازم عامر يعرف .
هزيت راسي بايه ومسكت بطني وانا بجد زادت سعدتي بدر رح اوصل له ورح يعرف هو اكيد بيقدر يساعدني باي طريقه ………
انتهى البارات الرابع والثلاثون
ان شاءالله يعجبكم وتوقعاتكم
هل بتوصل سما لامها ؟
وينها ام سما ؟
شنو رح يسوي بندر ؟
انتظروني ^_^