الفصل 33
البارات » 33 «
((كأن قلبي قد خُلق من أجلك وكأن الراحة وجدت لترافقني معك ))
…………صباح يوم جديد……………
بيلسان وعادل قبل يسافرو راحو لبيت اهل بيلسان يودعوهم وطبعا مجد بيرافقهم لين فرنسا وهم بيكملو رحلتهم لايطاليا … بعدما طلعو من عند اهلها راحو ع المطار وانطلقو لباريس …
……………………………………
سما ……… صحيت ع صلاة الفجر ناظر للي نايم جنبي ابتسمت بحب مافي سعادة تضهي وحود احبهم جنبك ويحبك …بست خده …وقمت دخلت الحمام(اكرمكم الله) وتسبحت بسرعه وتوضيت وبدلت ثيابي وطلعت ولسا بدر نايم قربت منه وبحركه خبيثه اهذت شعري المبلول ورشيت فيه بدر وهو فز قايم انا خفت وهو ناظرني وقال:مابتبطلي.
مديت بوزي وقلت:اممم خلص توبه يلا صلاة.
ابتسم وقال:بعديها لك هالمره بس المره الجايه بتشوفي شنو بسوي فيكي .
ابتسمت ببرائه وقلت:بتسامحني لانك حبيبي.
ابتسم وقال:اذلفي صلي .
ضحكت وقلت:حاضر .
وشلت جلالي ولبسته وبديت اصلي وانا ادعي بالسعاده لي ولبدر ماعاد ابغا شي بالدنيا غير وجوده بدنيتي وان الله يرزقني منه الذريه الصالحه …خلصت صلاه وقريت قران ..بدر وانا بصلي تحمم وطلع … ولمن خلصت قراتي للقران بعدت جلالي ولميت شعري زين …وتوجهت للمطبخ ولحسن الحظ في اغراض للفطور وسويت فطور لي انا وبدر وماخلصت الا وانا سامعه صوت الباب قلت بصوت عالي:بدري جيت.
بدر بنفس النبره:ايه توني جاي وشامم ريحه الفطور.
وشوي ضمني من وراي وقال:احلا فطور بيجي منك .
ابتسمت وقلت:بدر وخر ابغا اخلص .
قال بعناد:ابغا كلمه سحريه تخليني اوخر.
عرفت نيته فقلت:حبيبي وخر .
توقعته يوخر بس حسيت بدفا انفاسه ع رقبتي وبعدها باسني وانا تصنمت واستحيت وصار وجهي الوان وهو ضحك ووخر وقال:ههههه لبيه ع حلوتي .
ناظرته بغيض وقلت:غثيث .
ضحك و حط مقابلي ورده بيضا وقال:هذي تشبه قلبك الصافي الي اعشقه حد الثماله سلطانتي .
ضحكت وقربت منه بحيث ان انفي صار لاصق بانفه وقلت:بكل جبروتي وطغياني اعشقك .
ابتسم وقال:ولي شرف حبك .
كانت انفاسنا متضاربه وللحظه حسيت اني جريئه بس لاني احبه بعدت بخجل وهو ابتسم وقعد ع طاولت الاكل وانا شلت وردتي وقدمت الاكل وانا ماسكه وردتي مبسوطه فيها مثل الطفل الفرحان بلعبته …كان فطورنا رومنسي ………
………/مطار باريس/………
عادل كان ماسك ايد بيلسان وبالايد الثانيه مجد وكان حاسس بسعادة تغمره …وطبعا مشيو متوجهين لخارج المطار وكان بستقبالهم ابن خاله واول مالتقى فيه لاقاه عادل بالاحضان وقال:اشتقت لك ياسلطان.
سلطان بضحكه:اخذك الشغل علينا بس عادي بعذرك لانك بتسوي واجب انساني .
عادل ابتسم ورد تكلم سلطان بترحيب: الحمدلله ع السلامه يامرت اخوي منوره فرنسا .
بيلسان ابتسمت وبهدوء:مشكور الله يسلمك .
سلطان شال مجد وهمس لعادل:يلا استعجل انا بسبقكم للسيارة وانت الحق مع المدام .
ضحك عادل وقال:مشكور يالغالي .
وطبعا سلطان شال مجد رغم عدم معرفت مجد لسلطان مره بس سلطان شخصيه تنحب…عادل مسك بيلسان بحب وهي قالت:الحين وين بنروح .
عادل بابتسامة:بنروح عند خالتي ام سلطان وهناك بنحط مجد لاني آمنها عليه لانها طيبه ومافي منها.
ابتسمت بيلسان وقالت:تعرف حمستني اعرفها .
ضحك عادل وحاوطها بذراعه وقال:الحلا انتي وبس.
ضحكت بيلسان ومشيت مع عادل وع سيارة سلطان الي ركب قدام وعادل جنبه وبيلسان ومجد ورا وطبعا مجد كان حاضن بيلسان بفرح وبيلسان مبسوطه عشانه وبعد ارتاحت لانه متقبل انهم يروحو شهر العسل ويتركوه عند خالت سلطان … وحركو السياره متوجهين لبيت ام سلطان وطبعا بيلسان كانت متوتره …صح تعرفت ع اقارب عادل كلهم ماعدا ام سلطان وبنتها بس حب عادل واخوه لها الكبير واعتبارهم لها مثل الام هالشي موترها … واخيرا وصلو للبيت … نزلر كلهم وبيلسان متوتره وماسكه بمجد ودخلو للبيت المتوسط الحجم من طابقين بتصميم فرنسي كلاسيكي راقي …دخلت وهي تناظر المدخل المزين بنقوش فضيه ع جدار اسود بشكل راقي ولمن دخلت ع صاله يطغا عليها اللون الابيض والاسود بادخال بسيط للونين الكحلي والرمادي وكان تصميمه غايه بالجمال… وجلست بيلسان ع الكنبه وسلطان بابتسامه قال:بطلع عشان تاخذو راحتكم (وبصوت عالي) علي تعال.
نزل علي الي بيلسان تناظرهم بستغراب وهو سلم ع عادل بستعجال وباس مجد وبابتستامه:منوره .
وطلع ويا سلطان بيلسان بستغراب همست لعادل:وين ام سلطان وبنتها … وشوي تنزل لمى بدفش وبفرح:منوووور عدوله شلونك .
عادل بحب:بخير يالحلو وين خالتي .
لمى بابتسامة:فوق لسا بتخلص صلاه ونازله .
وجت وسلمت ع بيلسان بحراره وبيلسان ارتاحت لها وردت لمى باست مجد وقالت:بتقعد عندنا وناسه .
ومسكته من ايده وقالت:بخذه افرجه ع غرفته بايو.
ابتسمت بيلسان وخصوصا راحت مجد لهم ريحتها عادل جلس جنب بيلسان وهي استحت وهو ضحك وجا يقرب يبوسها بس سمع صوت ام سلطان:اطلع غرفتك ويصير خير ليه مستعجل .
عادل وبيلسان استحو … قربت ام سلطان منهم وعادل قام وباس راسها وقال:اشلونك يالغاليه .
ام سلطان بخير بفضل ربي…شلونك بمه .
بيلسان الي مبلمه ع شكلها وانتبهت:ببخير وانتي .
واستوعبت وقامت سلمت عليها …ام سلطان ابتسمت:بخير يمه وصراحه انبسطت ان عادل لقى البنت الي تناسبه وهو يستاهل .
ابتسمت بيلسان وجلست ام سلطان بالكنبه الي مقابله لهم وهي تسولف وياهم اما بيلسان الي مفهي ع شكلها وع اسلوبها …عادل بعتذار:خالتي انا بقعد بس اليوم وبكره الصبح ع ايطاليا .
ام سلطان بابتسامة:بعذرك لانك توك معرس لكن المره الجايه مارح اسمح لك .
ابتسم عادل وقال:ولا يهمك المره الجايه بقعد شهر …يلا بروح اشوف الشباب وانتو خذو راحتكم بالحكي تامرين ع شي خالتي .
ابتسمت ام سلطان وقالت:سلامتك يمه .
وقبل يمشي قرب لبيلسان وقال:تبغي شي حياتي.
بيلسان هزت راسها بلا وبعفويه همست:تشبه وحده اعرفها مره .
ضحك وقال:اجل عشان كذا مبلمه . وباس خدها ومشي استحت بيلسان وردت ناظرت ام سلطان وهي ناظرت لبيلسان الي لاحظت نظراتها الغريبه لهاابتسمت وقالت:في شي يمه من اول وانتي تناظريني مضيعه شي بوجهي .
بيلسان استحت وقالت:لالا بس دايم يحكولي عنك.
ضحكت وقالت:وانصدمتي او اندهشتي.
ضحكت بيلسان وقالت:اندهشت تخيلتك مره عجوز وكبيره بالعمر بس انتي توك بعز شبابك .
ام سلطان بابتسامة:تو سلطان بال21 وانا تزوجت قبل ابو سلطان وماقعدت مع زوحي الاول الا ثلاث سنوات وكان عمري 18 سنه .
اندهشت هي تزوجت مرتين وقالت:هاه توني عرفت.
ضحكت ام سلطان وقالت:توقعت عادل خبرك .
بيلسان بضحكه:مالحقت اسأله .
ضحكت وقالت:عادي حبيبتي (وبصوت شبه عال)لمى يمه تعالي .
لمى بجري:هلا يالغلا .
ضحكت ام سلطان وقالت:ياحلوتي روحي جيبي ضيافه والا عاد تبغيني انا اقوم .
لمى بابتسامه:تكرم هالعيون واخلا ضيافه للعسل.
ضحكت بيلسان وطبعا قدمو الضيافه وبيلسان ارتاحت مره بقعدتها وياهم واستعجبت فكر ام سلطان وشخصيتها الرزينه ………
…………/في احدى مستشفيات جدة/………
كان راكي بظهره لاحدى الغرف ويتأفاف هو مااسرع بحياته في السواقه والمره الوحيده الي استعجل دعس بنت والمشكله لها شهر وهي ع الحاله لا راضيه تصحى من غيبوبتها ولا لقي شي يدل عليها ولا حتى احد سأل عنها … زفر بضيق بس ماحس الا بايد تشد ع كتفه لف وشاف صديقه شهق بصدمه:انت شنو الي جابك وشلون عرفت .
صديقه بابتسامه:شفتك مو ع بعضك وقلت اكيد الموضوع كليد ترانا اخوه حسان انا ادري انك متضايق بس ماتشيل الهم وحدك واحنا رحنا وين .
حسا ابتسم وقال:غالي وشهم يافارس .
ابتسم فارس وقال:احكي لي وش صار.
حسان تنهد وقال:لمن طلعت من المطعم كانت مستعجل ابغا الحق قبل يخلص البريك حقي فستعجلت شوي بس جت البنت بوجهي ودعستها المشكله البنت لسا ماصحت والدكتور يقول حالتها خطيره بس البنت عندها اراده والمشكله محد سأل او جا يستفسر عنها …لتكون يتيمه .
فارس بابتسامة:اكيد بيدورو عليها او بيجوز …مالقيت بطاقه جواز سفر شي يدل عليها .
حسان بيأس:حتى جوالها مكسر تماما .
زفر فارس وقال:الله المعين ياالغالي .
ناظر حسان للغرفه الي قباله وتنهد وقال:الله يعين .
…………………………………………� �…
تمر الايام حلوه للبعض وبشعه للبعض … …
كانت سما مندمجه مع تجهيز العشاء ومستمتعه ع الاخر وماحست الا ع بدر وهو حاضنها من ورا …ناظرته وقالت:بدري متى جيت …خلني اخلص اول .
بدر بحب:جيت الحين وابغا اساعدك ايش رايك .
سما بابتسامة:اصلا باقي بس اصب للصحون .
بدر قال:خلص بساعدك .
ساعدها بدر وحطو الصحون بالطاوله وبعدها قعدو وبدو ياكلو … سما بابتسامه:شلون شغلك حبيبي.
بدر بحب:كان عال العال ياقلبي .
ابتسمت سما وقالت:دوم يارب حسيتك مرتاح .
بدر هز راسه بايه وكان يناظرها بحب وشوي رن جوال سما قامت وبابتسامة:بشوف مين .
هز بدر راسه بايه وسما قامت جابت الجوال وبستغراب:هذي الجوري بنت عمتي .
وردت عليه وعي راده للمطبخ:الو جوجو حبيبتي .
جاها صوت الجوري الباكي:سسما تعالي ساعديني .
سما بخوف:شنو صار معك وعمتي فيها شي .
الجوري ببكا:امي ماادري بس ابوي وامي تهاوشو وامي طلبت الطلاق وابوي طلقها وسحبني معه ووداني ع مكان مو حلو رجال كثار وحريم وانا هربت من حراس بابا وهم بيلاحقوني الحين تعالي .
سما بهدوء :جوري حبيبتي هدي ووصفي لي المكان وينك بالضبط .
جوري التفتت حولها وقالت:انا ع طريق عام قريب من البحر ومطعم لماقدونلز .
سما ناظرت وقالت:جايين حبيبتي لاتخافي .
وسكرت منها وحكت لبدر الي صار …بدر بهتمام:اجل عجلي لبسي وانا بجهز السيارة.
هزيت راسي بايه وطفيت النار ورحت الغرفه لبست عبايتي الشيله وعدلت النقاب وانا طالعه سكرت باب البيت ونزلت لعند بدر بالسياره … وتحركنا للمكان وطبعا انا بدورها بعيوني ولقيتها اخير وقلت:بدر وقف.
ببدر وقف وانا نزلت ورحت للجوري وهي اول ماشفتني ارتمت بحضني وهي تبكي وقالت:سما اناخايفه مره بابا مو زين هو مجرم .
مسحت ع راسها وقلت:خلص حبيبتي هدي .
طلعنا السيارة وانا ورا معها وبدر حرك السيارة وقال:جوجو وين البيت بالضبط الي اخذك له ابوك .
قلت :بدر مو وقته .
بدر بهتمام :سما الكلام الي قالته جوري خطير احتمال ابوها يطلع مروج .
شهقت بصدمه والجوري بعد وقلت:بدر انا بسألها خلني اول نطمن ع عمتي نوف .
هز بدر راسه بفهم رغم ان دمه فاير … واخيرا وصلنا بيت عمتي نوف ونزلت انا والجوري وطقينا الباب وفتحت لنا الخدامة وفرحت لمن شافتني انا والجوري وانا بهدوء:وين عمتي نوف .
الخدامة:انها بالصاله حزينه جدا .
هزيت راسي بفهم ودخلت وانا ماسكه الجوري وشفت عمتي قاعده ع الكنبه والقلق والخوف والحزن وجعني قلبي ع حالتها فقلت بابتسامة وانا ماسكه الجوري:عمتي شلونك .
رفعت راسها وانا فلت الجوري الي حضنت امها حسيت بشعور حلو وانا اشوف الفرحه بعيون عمتي عشان الجوري وبعدها تقدمت عمتي لعندي وحضنتني وقالت:مااعرف شلون اجازيكي .
ابتسمت وقلت:هذا واجبي عمتي هو اذاكي .
عمتي تركتني وقعدت ع الكنب وانا قعدت قبالها وهي حكت لي كل الي صار حزنت مره عليها وقلت:ماتخافي المجرم بيلقى جزاته بس انتي لا تشيلي هم … واذا عندك دليل ضده حلو عشان تسلمي منه ومن شره وتطمني ع الجوري .
ناظرتني عمتي بنظره غريبه ومسكت ايدي وقالت:سامحيني يمه اذا اذيتك بيوم او ظلمتك .
استغربت كلامها بس اكيد عشان انها كانت جافيه معاي فقلت:عادي ياعمتي انسي الماضي.
ابتسمت لي وقعدت وياها شوي و وبعدها استأذنت لان بدر برا … ولمن طلعت شفت بدر بيكلم الحوال:ايه …متى … انا بشوف من جهتي …يلا مع السلامه .
سكر وناظرني وابتسم وقال:خلصتي شلونها .
ابتسمت بحب وقلت: بخير هو ماسوا لها شي بس اخذ الجوري وطلع والجوري خافت لانه دفها .
بدر هز راسه بايه وقال:نكمل بالسيارة .
طلعت السيارة وبديت احكي له وطبعا بعدما خلصت قال:سما نبلغ ع فايز احسن .
انا مقتنعه بكلامه وقلت:ايه حتى عمتي انا اقترحت عليها وهي ايدتني .
بدر ابتسم وقال:عطيت بندر خبر وقلي الموضوع يبغا له دراسه ولان البنت هزبت ممكن انهم يخذون حذرهم لذا بيحاول يراقبه ويمسكه متلبس .
عجبني كلامه وقلت:الله يقدره بندر عليهم .
ابتسم …ووقف عند باب العماره وقال:نروح نكمل عشانا . وابتسم وغمز لي …استحيت وهو ضحك وقال:يالبيه ع حبيبي الخجول .
ابتسمت بحب له وجود بدر كفيل يمحي وجعي وحبنا كفيل ينسيني الكل …وبسوي اي شي عشان ترجع علاقته ويا ابوه مثل اول …………
………………صباح يوم جديد……………
كان قاعد ع احد المقاعد المستشفى وشوي وعيونه تغمض التعب كاسره بس احساسه بالذنب مخليه صاحي وشوي عينه غفت قرابت النصف ساعه … صحاه الدكتور المشرف ع الحال:استاذ زوجتك صحت.
فزع وقال :منو زوجتي .
الدكتور ابتسم:الي جوا او شكلك نسيت .
هو استوعب الي حاصل هو قال انها زوجته فقال:هاه بس شكل التعب مأثر علي .
الدكتور بتفهم:استاذ حسان انت متعب عمرك .
حسان ابتسم وقال:لالا بس هاه بشر .
الدكتور بابتسامه: في اشاره انها صحت فيك تدخل لعندها تشوف وتحسسها بوجودك .
حسان ارتبك"شلون ادخل" ابتسم وقال:حلو بدخل .
دخل حسان مع الدكتور لعند البنت وحسان ناظرها نص وجهها مو باين من اثر الحادث لانها خبطت بالزجاج ولذا حدث تشوهات بسيطه … قدر يميز صغر فمها وعيونها الواسعه وانفها الدقيق ولون بشرتها البيضاء الي تحول من اثر الجروح للازرق والاحمر... حس بالذنب بس ماكانت نيته … الدكتور بابتسامة:بتركك معها .
هز حسان راسه بايه وناظرها بخوف هو بعمره ماقعد مع بنت لحاله عاد والبنت مو معلوم حيه او ميته رفع نظارته وبلع ريقه وتقدم لها وقرب شوي وناظرها كذا ورد طلع وصار يعمل كذا لاكثر من يوم ولان حالتها مستقره وشكلها صحت بس بلا وعي نقلوها لغرفه عاديه وبعد اسبوعين ونص من مراقبته لحالتها دخل مره من المرات بعدما رد من شغله راح لعندها يطمن ع حالتها وناظرها بهدوء وقرب شوي وقال بهدوء:انتي صاحيه …فيكي تسمعيني …يابنت.
فكر انها مو صاحيه وجا يبعد وجهه بس شهقتها افزعته البنت شهقت وفتحت عيونها وناظرته وزاد رعبها ولولا الاجهزه كانت هربت … حسان رد لورا وهي حاولت تقعد زين بس جسمها ماسندها فبدت تبكي بقوه … حسان بخوف:اهدي بس انتي منو .
البنت ماقدرت تتكلم بس رفعت ايدها ومسكت راسها وبتبكي وتشهق وتمتم بكلامات استغربها حسان:…مامت …ربي غاضب علي… بتوب …والله بتوب .....انا اذيت اغلاهم …اهلي عافوني.
حسان استغرب حالتها وقرب شوي منها وقال:لا تخافي احكي تهدي وبساعدك .
زاد بكاءها وهو انخاف يعرفو انها مو تقرب له … فقال بترجي:الله يرحم امك اسكتي بتسوي فضيحه هنا .
كلمته مستها"الله يرحم امك" قالت ببكاء:امي اكيد زعلانه مني هي تركتني وانا تركت عمري ضايع .
استغرب حسان كلامها وقال:مااخافي انا بساعدك بس انتي اوثقي فيني عطيني رقم احد من اهلك.
…التفتت البنت لحسان وناظرت شكله المتواضع وجماله الهادي وابتسامته الحنونه حست انه بيقدر يساعدها… فقالت وهي تكتم شهقاتها:بس انا ماعندي اهل …انا عندي صديقاتي .
حسان خاف"لتكون من بنات الميتم او شي" فقال:اجل اسمك رقم احد تعرفيه .
البنت:اكيد هما زعلانين مني صارو يكرهوني الناس كلها تركتني الا هم ضلو معاي بس انا تركتهم .
حسان بابتسامة:اذا اتصلتي لهم بيحسو لانهم يحبوكي لان الي بقا معك حتى لو تزاعلتو مايتركك وقت حاجتك لانه ببساطه يحبك .
تنهدت بغصه وقالت:مو حافظه غير رقمها اكيد ضربها لانها تعرفني انا نجسه وهي ماتستاهلني .
حسان استغرب هذي البنت وش بتقول فقال:تعرفي رقمها رقم احد يوصلك لها .
البنت:بعرف رقم بيت صديقتي الثانيه هي اكيد مارح تتنازل ترد علي لاني وخده صايعه…بس هي تقدر تساعدني هي مارح تنسى انها كانت تعتبرني اختها.
حسان الي حس ان قصه البنت مآساويه فقال:الي تقدريه جيبيه .
بكت بقوه وقالت:محد رح يسامحني الدكتور دخل وقال ان مافيني امشي خسرت انا كل شي حرام حرام ليه انا والله العظيم اني كنت بحاجته بس هو وخر عني تركني في دنيتي لحالي بدون ام .
حسان تنهد وقال:اسمك شنو اسمك .
البنت بمراره:اسمي اهئ اسمي اهو … …
…………/في بيت متوسط/ ………
رن تلفون البيت وكانت الام قريبه منه فردت وبهدوء:الو منو معاي .
المتصل:رند ال… موجوده .
الام بستغراب: ايه منو المتكلم .
المتصل:صديقتها رازان ال… مسويه حادث وتبغاها هي بمستشفى ال**** .
الام بصدمه:رازان …
رند كانت توها نازله وسمعت اسم رازان فقالت:لتكون رازان تكلمك ليه متصله .
الام سكرت الخط وقالت:يمه صديقتك مسويه حادث وتبغاكي وحالتها صعبه .
رند الي انصدمت وقال:في اي مستشفى.
الام بحزن:بمستشفى ال*** .
رند بستعجال:بتصل ع وليد خليه يجيني .
الام :بس وليد لسا طالع رايح المدرسه .
رند:يمه اتصلي له وقليله يرد البيت .
الام بستسلام:الي تشوفيه … ورفعت السماعه وتصلت ع ولدها يجي ياخذ اخته …………
…………نرد المستشفى ………
بعدما اتصل لصديقتها اتصل لفارس لانه يبغا احد معه هو مو قد يتحمل هالموضوع لحاله وطبعا وصل فارس بسرعه وخسان طلع لعتده وفارس قال بستغراب:صحت الحين تماما حكت قالت اسمها وش صار عرفت من هي .
حسان بضيق:ياخي وحده وحده خلني استوعب البنت تعبانه نفسيا وحالتها النفسيه اسوء من الصحية بس شنو صار معها جاني فضول .
فارس:الله المعين وش سويت عرفت احد من اهلها .
حسان تنهد:جابت رقم صديقتها ويارب تجي .
فارس ضحك وقال:الي عمره ماسرع يصير معه كذا .
زفر حسان بضيق وقال:طلبتك عون صرت فرعون .
ابتسم فارس وقال:انا معك بس بحاول اغير مودك .
زفر حسان وناظر لجهه وشاف بنت تمشي بهروله وجنبها ولد بعمر ال17 وجايه مستعجله لجههتهم …حسان طق فارس وبهمس:لتكون صديقتها .
فارس ناظر للجايه وبلم … ورد ناظر حسان وقال:بيجوز مو هي و …… وقطعته لمن تكلمت وقالت:يااخو وين غرفة رازان ال… .
حسان تنفس براحه وقال:اجل انتي صديقتها هي جوا ونفسيتها تعبانه .
رند دخلت الغرفه وقبل كلمت وليد ينطرها لين ترجع ولمن دخلت وشافت رازان بهذيك الحاله صعقت كانت الاجهزه مركبه عليها وبصدمة رازان الحلوه الناعمه صارت مشوهه …قربت منها ورازان ناظرتها وبكت وبشحرجه: رند انا خلص بموت ربي غاضب علي.
رند حضنت رازان وقالت:لا تقولي كذا انتي بتتعافي وترجعي مثل اول ورح تتوبي بس انتي كوني واثقه .
شدت رازان ع حضن رند وبكت بكل طاقتها وحكت لها الي صار مع بتول وقالت:اكيد ذبحها اكيد عذبها انا كنت بضيع بتول وهي سوت شي .
رند بتهديه:سمعت انها تزوجته … لاتشيلي هم اكيد هي بعد تعلمت من غلطها .
رازان ببكاء:بس انا ابغا اكلمها استسمح منها اخاف اموت وهي زعلانه علي الله يخليك كلميها .
رند بقهر:ماعندي رقمها والاول سكرته .
رازان بقهر اكبر:اكيد معذبها اه يابتول انا اذيتك .
رند بتهديه:عندي رقم ليان بنتصل لها .
رازان ناظرت رند بنظره امل ورند اتصلت لليان …
رند:الو ليان كيفك .
ليان مستغربه:رند هلا شلونك .
رند :بخير ممكن رقم بتول الله يخليك .
ليان :رند بس راشد مانع بتول تعطي رقمها لاي احد انا مو بالبيت والا كنت عطيتك ياها .
رند بتردد:عطيني رقم راشد .
ليان انصدمت بس قالت:اوكيه برسله برساله .
رند بامتنان:مشكوووره مره .
ليان بستغراب:عادي ماسويت شي .
وسكرت منها ورسلت ليان الرقم … اخذت رند نفس وقالت:رقم راشد عندي بس ماعندي القوه اكلمه .
رازان حست بالعبره خانقتها وقالت:حتى انا مااقدر حاولي الله يخليكي .
رند استجمعت شجاعتها اتصلت لراشد الي من ثاني رنه رد وبهدوء:الوو .
رند بلعت ريقها وبهدوء:السلام عليكم راشد .
راشد استغرب منو هذي رقمه هذا ماعطاه لاي بنت فقال بهدوء:ايه منو معاي .
رند بتوتر:انا رند … وقبل تكمل كلامها قال:ما اعرف بنت بهاي الاسم يلا باي …
وقبل يسكر قالت بترجي:راشد انا صديقت بتول لحظه الله يخليك بس لحظه .
راشد كان بيسكر بس هدا وقال:خلصي وش بغيتي.
رند بلعت ريقها وقالت:راشد صديقتنا رازان مسويه حادث وتبغا تشوف بتول اخاف يصير عليها شي الله يخليك سوي هالشي الانساني .
راشد بهدوء:باي مستشفى .
رند حست بامل وقالت:بمستشفى ال*** .
راشد سكر الخط بدون مايهتم وهو اصلا كان ع الطريق للبيت فتصل لبتول وقال:يلا اوصل والقيكي جاهزه بنطلع الحين وياويلك لو تتاخري .
بتول استغربت كم الاوامر وقالت:طيب .
وسكر منها … وكمل طريقه للبيت …………
.......عند فارس وحسان ………
فارس بضجر:بدخل اسألهن واخلص .
حسان جا يمنعه بس فارس فتح الباب وبلم لمن شاف صديقة رازان وهي كاشفه وجهها ورد لورا وسكر …حسان استغرب وقال:ليه رديت .
فارس ارتبك وقال:مممو وقت .
…………/عند راشد وبتول/…………
وصل راشد البيت وسوا رنه لبتول تنزل وماكملها الا وبتول عنده وبستغراب:راشد في شي.
راشد اشار لها «اطلعي» وبتول خافت بس طلعت وهو حرك السيارة …وبخوف :راشد في شي .
راشد بهدوء:صديقتك مسويه حادث وتبغا تشوفك هذا الي وصلني وتصلت لعند وحده اسمها رند .
بتول الي مصدومه وقالت:رند مسويه حادث .
راشد قال:غبيه رند المتصله فيني .
هزت بتول راسها بفهم "مين المسويه حادث" هي ماعندها صديقات يعزونها غير رند ورازان بس رازان "لالا رازان ان شاءالله ماصار لها شي" ووصلو اخيرا المستشفى وراشد اتصل ع رند وبهدوء:باي غرفه.
رند دلته عليها وهو تحرك لهناك واستغرب لمن شاف فارس وواحد ثاني هو بس يعرف فارس … بتول نتظرت راشد الي اشار لها بالدخول وراشد ناظر فارس وقال:فارس انت شنو مسوي هنا .
فارس بابتسامة:لا بس الاخو حسان دعس البنت الي جوا وطبعا منتظرين اقاربها وانت ليه هنا .
راشد قال:هي صديقت المدام .
حسان هز راسه بفهم وقال:الله يشفيها هذي رزان.
راشد اول ماسمع الاسم حس بالغيض لتكون رازان خبرت حسان عن بتول بيذبحها وبيذبح حسان كله ولا احد يذكر سمعتها بسوء ……
………عند البنات ………
بتول اول مادخلت ودققت بملامح المنسدحه ع السرير شهقت بغصه ع صديقتها وراحت وضمتها وبحزن:رازان وش صار عليكي .
رازان بكت بحضن بتول وقالت:خلص ربي بيعاقبني ع سوايتي بتول انا ماعاد اقدر امشي خلص انا معاقه انا استاهل انا غلطت مره .
بتول صارت تهدي رازان وقالت بحب:لا تقولي كذا الله ماخلاكي تموتي عشان ترجعي له وتوبي الله يحبك يارازان لذا عطاكي فرصه استغليها واستفيدي من غلطك ولا تعاوديه انا كمان تعلمت من غلطي .
رند جلست جنب بتول وقالت:وانا نسيتيني .
بتول حضنت رند بايدها الثانيه وقالت:وانتي يارند ريتني كنت سمعت كلامك .
رازان بقهر :وانا بعد كنت اقول عنك معقده طلعتي انت الصح واحنا الغلط سامحيني .
رند حطت ايدها ع وجه رازان وقالت بحب:والله موزعلانه منكم انا بس انقهرت على حالكم وتركتكم.
وكانت الدموع تشكي حالهم وهن صديقات ارهقتهن الحياة وفرقتهن ولتعدهن بالالم والدموع ……
بعدما خلصو حكت كل وحده وش صار معها بالضبط ورند قالت:كنت دايم اروح المول اقعد لحالي بمكانا المفضل واشوفكم واتعذب بوحدتي انتو كل دنيتي ولين ماعاد شفتك يابتول وفجاءه حتى انتي يارازن ماعاد لمحتك اختفيتي بعدها .
رازان بقهر:بعدما صار لبتول هذاك الموقف حاولت ارد طبيعيه بس صار الخوف يسكني بتول كانت قوه بنسبه لي وجودها كفيل يخليني اواجه الدنيا بس صرت اتحاشا حتى الشباب وصرت احس بثقل الكلام علي واحسه يخنقني لاول مره حسيته كذا حتى الردود عندي بالانستغرام صرت اشوفها غير حسيت بوحده تذبحني لين هذاك اليوم طلعت من البيت وانا بحاله هستيريه و دعستني السيارة ……
بتول ضحكت بتهكم:كل واحده منا عاشت حياه متعبه بس ابغا اتعلم من غلطي .
رزان بتأيد:الله عطاني الفرصه بتغير وانتو معاي .
بتول بحزن:معك بقلبي بس .
رازان فهمت وقالت:ادعيلي .
رند بتشجيع:بساعدك يارازان لين اخر لحظه .
…………………………………………� �…………
انتهى البارات الثالث والثلاثون
اتمنى انه اعجبكم وتوقعاتكم
هل رازان بتتغير ؟
وهل بتول بتتحرر من سجن راشد ؟
وشنو الي رح يصير مع بدر وسما بخصوص فايز ؟
انتظروني ^_^