الفصل 30
البارات » 30 «
(( أهديك حبي وأنت للحب عنوان
يا دفتر العشاق حبري عشقها
أهديك قلب ميت فيك غرقان
يابحر شاهق والنفس ما شهقها))
بيلسان …… كنت قاعده مع البنات ومخذين الجو والضحك مثل كل مره …ليان بضحكه:بنات شكله العيد هالمره غير …بكروشت صفصف وبيلسان وجوالها وبتول وهدوءها …حتى دانا كلما تتقدم بالزواج تزبيد الخراب حرام الزواج خربكم .
فقعنا ضحكه ع ليان وقلت:وانتي اخاف يجي عيد الاضحى وانتي مثل حالاتنا .
حركت ليان ايدها بلا وقالت:اعوذبالله تبغون اتخرب شوفو اشكالكم عاد انتي كم شهر واشوفك مثل الاخت صفا وانتي ياتوتي .
بتول الي ماكانت معنا:هاه شو انا .
صفا بستغراب:وين رحتي .
ضحكتني حركت ليان الي قريبت من بتول وحضنتها ع جنب وقالت:راحت عند اخوي ماشفتي الرومنسيه بينهم هذول خقه وثنينهم غير كذا بتول الي تحط كيلو ميك اب صارت ماتعمل الا ماسكارا وكحل وروج وفوق كذا صابهم بعد الزواج الهدوء.
دانا ضحكت وقالت:فديتهم لابقين لبعض .
ضحكت بتول بهدوء وريهام ضحكت بطريقه مستفزه وقالت:مهما مثل بعض فوله ونقسمت نصين .
حسيت بتول اغتاضت من ريهام وقالت بحتقار:اجل روحي ع نصك الثاني بدل منتي ملطوعه عندي هنا.
حسيت ان ريهام اغتاضت وقالت:شنو تقصدي .
بتول قالت بكرة:انقلعي انتي معكره جوي .
استغربت انزعاج بتول من ريهام هما كانو سمن ع عسل غريبه … ريهام شالت نفسها وطلعت وانا رحت لبتول وقلت بخوف:حبيبتي فيكي شي .
بتول زفرت وقالت:مافيني شي بس وجودها ينرفز .
ابتسمت وقلت:خلص لا تشيلي هم مو ضروريه هذاهي طلعت يلا افرديها وانسي هي مومهمه.
هزت بتول راسها بايه حطت راسها ع كتفي……
......./في مكان / ………
كانت الام قاعده مثل عادتها وشايله واحد من الكتب فهي انسانه مثقفه رغم سنها الكبير … جا ولدها سلطان وباس راسها وقعد في الكنبه الي مقابلها وقال بضحكه:ياام سلطان ماادري شنو يعجبك بهالكتب والله تغث وممله .
ام سلطان بابتسامتها الهاديه:سلطان القراءة نشاط فكري مثله مثل الرياضه انا بقوي عقلي وانت بتقوي جسمك بس اذا جسمك وعقلك اقوياء فبتوفيق ربك مااحد يقدر يقلل من شأنك .
ضحك سلطان وقال:محد منا ماخذ هالطبع حب القراءة والاطلاع …
ابتسمت وتنهدت وقالت:ما ادري بيجوز هي .
ابتسمت لها بحزن هي ما يأست ابد …وردت قالت:يمه وين لمى وعلي جبتهم من بيت عمك.
ابتسم وقال:فوق بغرفهم صجوني فوق السياره كالعاده واكيد تعبو من امس مو نايمين .
ضحكت ام سلطان وشوي يدق الباب …سلطان قام وتوجه يشوف الباب ولما فتحه اندهش بفرح وقبل يتكلم دخل الشخص وقال بمرح:ماشتقتو لي .
سلطان حضنه بفرح وقال:ركون مين مايشتاق لك ياخي والله ولهنا عليك .
ام سلطان سمعت ووقفت وبصوت عالي:مين .
راكان بمرح:انا ياخالتي الغاليه .
وراح لعندها وباس راسها وقال:شلونك يالغاليه .
ام سلطان بفرح:بخير وانت شلونك يمة.
راكان بابتسامة:بخير بشوفتكم .
جلس راكان وسلطان وشوي الا بصوت جري ع الدرج وناظرو للدرج وكان لمى و علي الي تسابقو يسلمو ع راكان …علي حضن راكان وبفرح:وحشتنا ياعم .
ضحك راكان وقال:وانتو اكثر .
طبعا راكان عطوف وحنون واول ماجت لمى سلمت عليه وبفرح:شلونك غيب مره علينا .
راكان قرصها ع خدها وقال:مو اكثر مني .
ضحك سلطان وقال:مستحيل الاخوة هذول يشتاقو لي لو اغيب مثلك .
ضحك راكان وقال:انا اغلاهم محد يقدر يهزمني.
ضربه سلطان ع الخفيف وقال:لا تغتر شين الغرور.
لمى بابتسامة:هاه ركون لقيت الي بدور عليه .
ضحك راكان لان لمى مستحيل تتكلم بشي قال لها سر فقال:لسا بس حاسس اني بلقاه ادعي بس.
وقعدو وسولفو وقال:اعذريني ياخالتي انا مارح اقعد كثير بسافر السعوديه اليوم إن شاء الله .
ام سلطان بحب:عادي يمه اهم شي ماتقطع علينا.
ابتسم راكان وقعد معهم شوي ……………
…………جدة …………
بيلسان ……كملنا قعدنا قرابت النص ساعة وشوي يرن جوالي بنغمته المميزه وقفت بستقامه لمن بتول انتبهت وقالت:وش فيك .
استحيت وقربت فمي من اذنها:هذا عادل اكيد اتصل هو هنا …قلي لمن يجي البيت بيتصل .
ضحكت وقالت:وليه خايفه .
قلت لها:هو يبغا يشوفني ويسلم علي بالعيد .
بتول بابتسامة:عادي ترا هو زوجك لا تكبريها .
زفرت بضيق وقلت:يعني اروح اقابله .
قالت:اذا ابوي موافق مافي مانع .
ضحكت وقلت:اصلا هو ما جا الا لمن اخذ اذن ابوي .
ضحكت وقالت:الاخ جاهز تماما .
البنات انتبهو ع بتول وليان قالت:مين الجاهز .
بتول حكت لهم كل السالفه وانا كشرت وقلت:غثيثه.
ضحكت بتول وقالت:ما اقدر سوري.
ليان بحماس: ابغا اشوف القا.
ناظرت ليان بقهر بس هي اصرت وانا رحت انا وياها لين المجلس وقلت لها:شكلي اوكيه .
ليان بابتسامة:مررره .
رحت لعادل للمجلس وكان مجد فيه سلم علي بفرح وقال:ماما اشتقت لك .
فرحت لجيته اقل شي ما اقعد معه لحالي ...فقلت:وانا موت اشتقت لك .
عادل بضحكه:وانا ماشتقتي لي .
ناظرته وابتسمت بخجل وبعدين ضيفتهم وقعدت وبينا مجد وسولفنا شوي بس كل دقيقه عادل ينغز مجد:روح العب مع يزن مو قلت هو صديقك .
ومجد متسمر جنبي وانا مرتاحه بوجوده اقل شي يخفف من الحرج … بس القفله جا يزن وسلم علينا وقال:مجد يلا نروح نلعب .
مجد استجاب بسرعه ليزن وطلعو ولمن طلعو عادل قرب اكثر مني ومسك ايدي وقال بحب:اشتقت لك .
استحيت ونزلت راسي اكثر وقلت:وانا بعد .
رفع راسي وقال:تعرفي اني كل يوم اعشقك اكثر.
زاد خجلي وحياءي وهو رفع ايدي وباسها وانا بموت من الخجل وماحسيت الا ع بوسته بخدي وقال:لبيه ع الخجولين اعشقك اكثر واكثر …
ابتسمت بحيا … وشوي ويرن جواله ناظرته بستغراب وهو ابتسم ورد:الوه …اشتقتلك … وينك … انا ببيتهم.
ناظرني ورد قال:اوكيه …
وفتح الاسبيكر وهمس:بيلو اخوي يبغا يعايدك .
ابتسمت وعرفت انه يحب اخوه مره فهزيت راسي بايه وبعدين عادل قال: هذاني شغلت .
واخوه تكلم:السلام عليكم مرت اخوي .
رديت بخجل:وعليكم السلام شلونك .
اخوه: الحمدلله انتو شلونكم وعسا الدلخ مو معذبك .
كتمت ضحكتي وهو قال:دلخ بعينك تفتن علي عند زوجتي هذا جزاتي .
ضحك وقال:لا بعد احلا اخو بس اعرفك ثقيل دم .
حبيت ادافع عن عادل وقلت:لا عادل دمه خفيف وعسل ليه تقول عليه كذا .
عادل باسني ع خدي وانا فتحت عيوني ع رسعها وهو ضحك وقال:سمعت وش قالت .
اخوه: ياخي الله يسعدكم …وانتي يازوجت اخوي ادعي لي اني الاقي البنت الي جننت بحالي .
كتمت ضحكتي الاخوه مجانين وعادل قال:يلا متى بترد جده .
اخوه: بوصل اليوم الليل لستني في بيت خالتي ام سلطان مستحيل يجي العيد وما اعيد عليها لا تقول مو متصل فيها ومعايدها هي والعيال.
عادل بابتسامة:افا خالتي هذا اول من اعيده بالعيله.
اخوه:خلاص يلا مع السلامه .
وسكرو من بعض وعادل ناظرني بابتسامة وانا نط عرق الفضول وقلت:مني هذي خالتك ام سلطان .
ضحك وقال:زوجة خالي الله يرحمه بس هي طيبه وماعندها احد واحنا مانقطع عنها …لمن نسافر بنمر لها ونشوفها وتسلمي عليها وع بنتها النشبه لمو.
ضحكت انه تكلم عليها باريحيه وعجبني اهتمامهم بارملة خالهم لانها مقطوعه …… قعدنا شوي وعطاني هديتي ومشي …………
ليان …… لو عرفت بيلسان اني كفيت للاخر اتسمع واراقب كانت ذبحتني وصليت اشوف عادل مو ماخذ راحته وانا ادعم الحب فنتديت يزن وقلت له ان صديقه مجد عندنا وانه يروح له وبالفعل يزن جا وراح اخذ مجد رانا بديت استمتع بالمشهد وشوي رن الجوال ولمن طلب اخو عادل انه يكلم بيلو استغربت اريحيتهم هو ثقه ومحبه …وضليت اسمع للكلام صوت هالشخص مو غريب وكتمت ضحكتي لمن قال(وانتي يازوجت اخوي ادعي لي اني الاقي البنت الي جننت بحالي)
ذكرني بهذاك ع الفيس"اسير الانتظار" ليكون هو لالا ما اتوقع ع ماحكت بيلو هذا عملي جدا … ماهتميت ولمن طلع عادل انا نطيت عندها وطبعا جن جنونها لمن عرفت اني براقب وقلت:ما اقدر سوووري .
ضحكت وقالت:عدتك بتول بكلامها .
ضحكت وقلت:بيجوز يلا نروح للبقيه .
مسكت بيلو ورحنا للبنات وكملنا القعده والضحك والسوالف واكيد لازم البيبسي والشيبسات وبصراحه تمنيت سما معنا "سما صارت اكثر اهتمام ببدر بالي يفضله والي يحبه وشنو يكره وغيره حتى انها تسألني عن شغلات صارت مع بدر وصار اغلب سوالفها بدر بدر حسيت ان سما صارت تحبه رغم انكارها لهاشي بعذر انها متزوجته بهذيك الطريقه بس انا حاسه غير كذا وحتى بدر صاير غريب …اوف بصراحه الي يحبو ويتزوجو يصيرو مجنين " ……
بتول ……… خلصت القعده مع البنات وصلينا هناك في بيتنا وحسيت بتعب اصلا نومي امس كان متقطع … لبست عبايتي و الشيله وتلثمت وطلعت وتوجهت للبيت ودخلت الجناح بسرعه قبل اشوف احد ويقول اقعد وياه حيلي مهدود … فدخلت الجناح وشلت العبايه وحطيتها بايدي ودخلت الغرفه رميتهم ع السرير وتقدمت للتسريحه اشوف شكلي "بصراحه رغم اني ماعاد اعمل هالميك اب الثقيل بس مرتاحه حاسه شكلي هادي ومو مبالغ فيني " بعدت حلاقاتي ثقال وجعوني وتوجهت لغرفة التبديل بس صدمت براشد فيها ارتجفت بخوف وحيا وكل مشاعر الدنيا فيني …راشد ناظرني بنظره غريبه علي وقرب مني وانا صرت ارجع لورا من الخوف بس وقفني الجدار من ورا بلعت ريقي وهو ابتسم وحط ايدينه ع خصري ارتعب ورجف جسمي وناظرني من فوق لتحت ورد حط عيونه بعيوني وشد من قبضته ع خصري لين تألمت وتأهوت وهو قال بهدوء:ليه لابسه كذا … لبسك عاري .
ورفع ايده ومرر اصبعه ع كتفي وذراعي وانا بلعت ريقي بصراحه لبسي مو عاري مره(فستان لين الركبه وعلاقي وظهر مغطى وشويه قصه الصدر مفتوحه )) قلت وصوتي يرجف:اء مو بالكثر هذا وووبعدين احنا بس البنات انا وبيلو وليان وخالتي دانا وريهام وصفا لا غير …
راشد زاد ضغطه ع خصري وزاد وجعي وقال:حتى المره الجايه ما ابغا اشوفك لابسه كذا قدامهم …(وقال بخبث)…بس عادي قدامي .
افتحت عيوني ع وسعهم من الخوف وزادت رجفتي وهو ضحك وقال:خلص روحي عني ما ابغا اشوفك .
ورد دفني لورا بقوه ومشي بعدما ناظرني بستحقار… ومشي وانا انهرت ع الارض كسرني وطعني بالصميم وصرت ابكي بوجع جواتي خلص تعبت ………
راشد …… لمن شفت بتول بهذاك الشي شي دفعني اقرب لها …ولمن شفت خوفها عرفت انها لسا تخاف مني وبصراحه ماعجبني لبسها قدام الحريم مو لازم يشوفها كذا فحبيت انرفزها بس شفت الخوف والبهوت هالشي خلاني اتضايق ودفيتها لورا بغيض وناظرتها بقهر ومشيت … صرت اتجنب تواجدي في الغرفه عشان ما اشوفها عشان ما ازيد عذابها فأنا انسان قاسي مره عليها عمري ماكنت كذا بحياتي بتول شافت شغلات فيني ماشافها احد بتول رغم معرفتها بالي سويته احترمت تكتمها و انا حبيت ارد لها هالشي وكتمت عنها اني دريت بمشاركتها في موضوع بدر …لاني شفت تأنيب الضمير واضح فيها …نزلت لتحت وشفت ليان الي توها جايه من بيت خالي واول ماشافتني ضحكت وقالت:انت هنا …امم اكيد مازوجته هنا .
ضحكت وانا طقيتها ع راسها وقلت:متى بتعقلي .
قالت بضحكه:عندما يعلن ابليس اسلامه.
ضحكت مره ع كلامها وقلت: لهاي الدرجه .
هي ضحكت وقالت:اممم مو لذيك الدرجه انا عاقله.
ابتسمت وحضنتها وهي باستني بخدي وقالت: انت تعرف انك احلا واطيب اخ بالعالم والكل حاسدني عليك فديتك يالغلا كله .
ضحكت وهي ضمتني وبعدت وقالت: بروح اريح ابغا انام بايووو اوه تصبح ع خير .
ابتسمت لها وهي طلعت فوق وانا طلعت برا البيت اشم شويه هوا حاسس نفسي مخنوق ………
………/ننط يوم/………
طبعا سما وبدر من الصبح بالقاعة الاحتفالات المخصصه للحفل وهم بلبس التخرج ومتجهزين ع الاخير سما بفرح:كنت منتظره هاللحظه واو واخييرا .
بدر الي سبق ومجرب احساس التخرج بس تخرجه من شي يحبه كان اكثر شي مسعده وطبعا بنتايج ترفع الراس تمنى اهله هنا بس لمن يناظر سما يحس انها كافيته عنهم …بدر بضحكه:تدري اني مبسوط لك اكثر من فرحتي بنفسي .
سما ناظرته بستغراب وهو ابتسم ورد مسكها يلا بدات مراسم الدخول … وطبعا نسق انهم يدخلو مع بعض كونهم خريجين متزوجين …وبدا الدخول وكانت سما مبسوطه مره بوجود بدر عندها … وتم اعلان اسماء الخريجين واسماء الاوائل الي كانت سما الاولى وبدر الثاني ورغم كذا مابعد عنها وضل ماسكها بتشجيع وكانت فرحت سما بوجود بدر بجورها تفوق فرحتها بالتخرج …تمنت للحظه وجود ليان صديقتها … ولكن خلص اخيرا الحفل …طلع الخريجون يسلمو ع بعض والشباب والبنات توادعو …
وطبعا بدر وسما ودعو اصحابهم بدر ترك سما بين البنات وهمس:رايح وراجع اوك لا تروحي .
هزت سما راسها بايه وهو مشي ودورها بعيونه واخير لقيها مع حبيبها ابتسم وراح لهم ولمن وصل قال بابتسامة:مبارك تخرجكما …سام اريد الحديث بانفراد مع ميرا لبضع دقائق اتمنى ان لا تمانع.
سام ابتسم وقال:لا بأس .
زفرت ميرا ومشت مع بدر بابتسامة بدر اول ماشاف انهم بعدو عن سام ميرا قالت بابتسامة غرور:ماذا تريدني ان اعود لا تتوقع ف…قطعها بدر وقال بهدوء:اوه ميرا اردت ان اخبرك اني اشكرك فبفضلك عرفت مكانت سما بقلبي .
صدمت ميرا وقالت:اردت اخباري بهذا .
بدر بابتسامة:ميرا لقد احببتك وحاولت ان اسعدك وانال رضاك لكن لاحظت انك دائما تهتمين بنفسك ولم تكوني تهتمين لاجلي بدر هل اكلت هل نمت هل انت متعب …لم اكن اسمعها منك …ضننت انك انسانه جامده فعذرتك وقلت يجب ان اتحمل …اثناء علاقتنا عرفت بميولي لسما ضننت لاني ارا بها ماليس بك لكن كنت مخطئ فسما كانت كل شي حتى عندما سافرت اشتقت لها كثيرا وشعرت بالفقد وان هناك شي ناقص بي …لكن انتي اشتقت لكي بشكل عادي …ضننت لان سما دائما معي وتسكن معي …لكن اتضح لي عكس ذالك لاني عندما رائيتك مره ممسكه باحد الزملاء وتضحكو لم اشعر بتلك الغيره بعكس ان ارى سما تقف امام رجل ولو لم تحدثه …شعرت ان سما ملكي انا ولا يجب ان تحدث احد …حاولت ابعاد الافكار عني لاجلك لاني وعدتك بالزواج والحب والاخلاص لكن قلب هوا ها وانتي لم تكن الا شي غير اعتيادي فاعجبت بك …لكن لم تسأليني لما انفصلت بتلك الطريقه .
ميرا بانذهال:لم اكن … قاطعها وقال:لم تهتمي لي لانك لم تكوني تحبيني كنتي بحاجه رجل يدفع فواتيرك ويدعوكي الي مطاعم ويشتري لك الهدايا …عندما كنت بالبدايه هكذا اعبتي بي واستمريتي ولم تكني تهتمي اذا كنت اقدر ام لا ورغم انكي علمتي بوضعي المادي السئ قبل ان اخبرك لكنك استمريتي بالطلب واصبحتي تضجري مني …ميرا انتي استغليتي بدر … لكني لم احزن لذالك اتعلمي لما (ميرا ناظرته بخجل) لانها اشياء رخيصه بالنسبة لي واني احببت سما قبل ان احبك ولكن خدعت قلبي بمسمى الصداقه …اتعلمي ما احزنني …انكي حاولتي ان تدخلي سما بالموضوع لتقهريها وسما تحملت وهي زوجتي ان تشاركيها زوجها لاجلي فقط … قطعته ميرا وقالت:هي من اتت الي قبل واخبرتني باعجابك بي وذالك في نهايه الترم الماضي.
بدر اخذ نفس وماحب يطول النقاش وقال ببرود :ميرا انتي انتهيتي بالنسبه لي عندما سمعتك ذالك اليوم بصدفه تحدثي صديقتك عني بالغبي ولكن اردت وداعك قبل هذا وان لاتظني اني مازلت افكر بك وداعا.
ومشي وميرا الي انصدمت من بدر وهو رد لسما…الي ناظرته بستغراب وقالت:وينك طولت .
بدر بابتسامة:رحت اودع الكل يلا مشينا صار العصر .
ضحكت سما وقالت:صار المغرب ياماما.
ضحك بدر وقال وهو بيمشي:يلا مشينا ابغا اوصلك البيت وامر المحل اكلم صاحبه عشان الاستقاله واودعه رجل طيب ويستاهل كل خير.
ابتسمت سما ولحقتها و قالت:بتستقيل من اليوم .
بدر بابتسامة: ايه عشان اجهز نفسي من الحين …بالمناسبه كلمت فارس وهو قالي ان امور الشقه جاهزه وهي مرتبه وتمام وبيشيك عليها قبل سفرنا بيوم وغير كذا حتى التذاكر جاهزه وبصراحه عجلت الموضوع يعني جهزي نفسك ابكر .
سما بتعجب:اجل متى السفر .
بدر بابتسامة:بعد ثلاث ايام .…وكلمت فارس عشان الشغل وبشرني انه لقى لي شغل اوكيه .
ابتسمت سما بفرح وبدر مسك ايدها وقبل يطلعو من البوابه سمعو شخص يناديهم:انتظري.
سما وبدر وقفو بستغراب كان واحد من زملائهم الاجانب وحاطط ادينه ورا ظهره وقال بتلعثم:ااء .
بدر بستغراب:مابك لما اوقفتنا ثم تتلعثم امامنا .
الشاب:اعتذر سما اردت ان اقدم لكي هديه للوداع وبصراحه حزنت عندما علمت انك متزوجه .
سما انصدمت وكتمت ضحكتها لان شكله كيوت وطبعا مد بالهديه الي هي ورد احمر وكتاب ...وقال بابتسامة:سمعت انك تحبين الروايات العالميه .
سما كتمت ضحكتها وبدر عصب ومسك الورد وقال والكتاب وقال:سما ماتحب الورد الاحمر وسما ماتحب الروايات …وانت انقلع يالغبي .
هو مافهم عليه وسما استغربت تصرفه وبدر شالهم منه ودفهم عليه ومسكه من كتوفه ولفه لورا وقال:ارحل من امامي قبل ان ترا مالا يعجبك .
الشاب هرب وسما فقعت ضحك وقالت بمزاح:والله حرام ليه ما اخذت منه الكتاب الروايه حلوه .
بدر ناظر سما بحده وغضب وسما بلعت ريقها بخوف وبدر قال:وشو اسم الروايه وانا اشتريها .
سما عفست ملامحها وقالت:لا ماعاد ابغا .
ومشيت وهو اغتاض ومشي وراها وركبو السياره وكان ساكتين والجو مشحون بدر معصب وسما متنرفزه وماعجبها التصرف …
………/نروح جدة/………
في قصر اول مره نزوره بعدما رجعو من الصلاه جلسو ع الكنب الي بالصاله … عادل بابتسامة:يعني شنو مخطط رح تستقر بلندن اذا تزوجت او شنو .
اخوه بابتسامة:اول القى البنت الي تملي عيني وبعدها افكر اتزوج .
ضحك عادل وقال:راكان لمتى بتضل بافكارك هذي انت شخص خيالي ياخي انت سعودي .
ضحك راكان وقال:ياخي ليه السعودي مايحب ع اساس انت خطبت بيلسان بدون حب .
ضحك عادل وقال:ياخي انت … راكان قاطعه وقال:ياخي اذا لقيت بنت تملي عيني بتزوج وبعدين انت الله يوفقك ويسعدك …بس عادل شلون هذيك تنازلت عن حضانت مجد …
عادل بستغراب:علمي علمك حتى علاء جا لعندي وسألني اذا انا هددتها او ايش … وطبعا سافرت بعد التنازل وماعاد سمعت عنها شي .
راكان بفضول:انت حبيت منيرة .
عادل ضحك وقال:الصدق … لا .
راكان بضحكه:وزعلك وتأثرك وكل هذاك .
عادل بابتسامة:لمن عرفت بيلسان عرفت الحب ع حقيقته انسانه بكل المقاييس وام رائعه لمجد .
ضحك راكان وقال:بتلومني اذا قلت ابغا اتزوج بنت تملا عيني …البنت الي تملا عينك ماتخليك تناظر غيرها .
عادل بتشكيك:اشك ان براسك وحده والا ما كنت قلت هالكلام …راكان بدون لف ولا دوران في وحده .
زفر عادل وقال:اكذب اذا قلت لا …ايه بس ما اعرف وينها او بنت منو تكون كل الي اعرفه اسمها لا غير صح اعرف شكلها بس بجدة استحاله القاها اكيد منقبه بس انا شفتها بدون نقاب .
ضحك عادل وقال:اجل حالتك ميؤوس منها .
ضحك راكان ورد تنهد وقال:الله كريم .
………/نروح للندن/………
سما ……… بدر وقف السيارة ونزلت وتركني عشان يكفي مشاويره اما انا …دخلت البيت حست بشويه نشاط فرتبت البيت ع السريع وطبخت وحسيت بتعب فكتبت لبدر مسج انه يجيب عشا … فقلت اروح اخذ شور … دخلت غرفتي وطالعت ثيابي وحطيتهم ع السرير ودخلت الحمام(اكرمك الله) وفتحت الدش وتذكرت اني نسيت ثيابي برا "عادي مارح يصير شي ببدل برا" اخذت شور هادي ………
بدر …… قبل ارد البيت قريت المسج الي سما رسلته» بدر اذا مافيها تعذيب ممكن تجيب عشاء لاني ماطبخت واسفه اني تعبتك« رحت للمطعم وبصراحه كاره الرسميه الي عند سما وزادت بعد موقف اول امس …اشتريت الاغراض … ورديت دخلت سيارتي وحركت البيت وطلعت ودخلت المفتاح بالباب وانا اخلاقي صفر … وفتحته وكان البيت مرتب وريحه المعطرات فيه "سما زوجه مكامله ناقصها الاحساس بس " زفرت بضيق وحطيت الاكياس ع الطاوله وشفت الدنيا هدوء "وينها سما" فقمت وجيت اطق الغرفه ...بس انفتحت وخفت لو رجعت لها النوبات فدخلت وانصدمت بلي شفته ...بلمت ع الاخر لمن شفتها لافه المنشفه حولها وبتجفف شعرها بمنشفت الراس وشكلها مو حاسه بوجودي…وما ادري ليه تقدمت منها حاولت اتحكم بنفسي وما ابغا تتضايق اني دخلت وشفتها بالمنظر هذا بس شي جواتي قال"عادي هي زوجتك وحلالك " استمعت للي جواتي تقدمت منها وسما شافتني وارتعبت ورجعت لورا وانا تحركت لين لصقتها بالجدار سما بخوف ورجفه:بدر اطلع .
حسيت بشي عصبني وقلت:ليه مو انتي زوجتي .
سما زاد خوفها وقالت:بدر بس …قطعتها لمن بست رقبتها وهي زاد خوفها واحراجها سما حاولت تبعد عني وحطت ايدها في صدري تمنعني عنها وهزت راسها بمعنى«بعد» وانا قلت بحده:سما هذا حق من حقوقي والزوجه ماتمنع زوجها الا اذا كان احد غيره بقلبها فاذا في احد بتمنعيني واذا مافيه فرح تعطيني حقي .
سما غمضت عيونها وبعدت ايدها من صدري عرفت انها اشاره لي بالسماح ولميتها لي و…………
*سوووووري ع الجرأة *
انتهى البارات الثلاثون
اتمنى انه عجبكم وتوقعاتكم
وانتظروني بالبارات الجاي^_^
★ أــﻴـــــــŞαȑαـڕۃ اﻟــــــﻖــــډڕ★