حبيتك قبل ما اعرف *** - السعي للمعرفه - بقلم روميا | روايتك

حبيتك قبل ما اعرف♡♡ بقلم روميا ☆☆ [ ◇◇ الفصل الأول ◇◇ ] كان مصدوم من اللي شافه، هو طلع مغفل للدرجه دي ، للدرجه دي هو مش ايلوا اي لازمه ، قلبه اتكسر قبل كده بس المرادي اكبر كسر في حياته مستحيل يتلم مره تانيه ، حس إنو العالم وقف عندوا بس ، حس إنو ربنا بيعاقبوا هو عارف إنو ربنا بيحبوا بس مش يجي من الناس اللي بيوثق فيهم واللي بيحبهم ، حس بجد إنو الدنيا وحشه اوي ، يتمني لو يموت ومش يشوف ده ، حاسس انو روحوا طلعت مش عايزه ترجع تاني ، صعب علي نفسه إنو كان مغفل مش عارف اللي بيحصل من وراه ............... *قبل ما نبدأ صلو على النبي وادعموني وجزاكوا الله كل خير* "نرجع بالزمن ل ٣ شهور وخاصة في مدرسة الثانوية وخصوصا فصل البنات" بسمه وهي بتضرب دينا علي ايدها : دينا يا دينا دينا وهي سانده ايدها علي الديسك ونايمه وحاسه بملل : إيه بسمه : مش هتصدقي مين اللي نقل في مدرستنا دينا وهي بترفع راسها : يعني يكون مين يعني وزير التربية والتعليم يعني( وبتنام تاني ) بسمه : ههههههههه لا يا خفه ده أستاذ دينا وهي بتغمض عينيها : يا اهلا هنفرشلوا السجادة الحمرا يعني ولا نجيب الورد البلدي بسمه وهي بتضحك في سرها : لاء ما هو أنتي اللي هتفرشي السجادة الحمرا وهتيجيبي الورد البلدي دينا وهي علي نفس موضعها : امشي يا نسمه انا عندي صداع هيفرتك دماغي فا انا مش ناقصه نسمه : علي راحتك ، انا اللي غلطانه اني بعرفك انو الاستاذ ......... ( دخل عليهم أستاذ عمره في التلاتينات ..عضلات إيه ولا كاريزما ايه ولا شياكه ايه ولا ضحكته إيه ولا غمزته .... ده هو مُز (غضي البصر يا استاذه ) زيد بإبتسامه تسحر وخفيفه : السلام عليكم بدأ كل البنات يقفوا في مكانهم وبيبصوا لزيد بصدمه بسبب حلاوته ده حتي مش ردوا السلام ماعدا دينا اللي مش سمعته اصلا ولا تعرف انو في مُدرس دخل دينا وهي مستغربة انو مش في صوت في الفصل : هما العيال إيه اللي حصلهم يارب يكون المدير دخل البنت اللي واقفه جمب دينا وعماله تمرزها علشان تقوم تقي بهمس : دينا قومي بسرعه دينا وهي نايمه : والله ماقايمه حتي لو جبتوا إيه مش قايمه ولو القيامه قامت مش قايمه هييي تقي وهي لسه بتضربها : يابنتي قومي دينا : يابنتي مش تضربي زيد وهو بيتمشي في المارة و وقف عند دينا اللي كانت نايمه علي الحرف : اتفضلوا اقعدوا البنات قعدوا ولسه مصدومين من حلاوته دينا وهي مغمضه عينيها ومش مصدقه الصوت اللي سمعته : الصوت ده مش غريب عليا بدأت ترفع راسها واحده واحده وشافته ، وقفت بسرعه من الصدمه تقي شدتها قبل ما زيد ياخد باله : إيه لسه فاكره انو الأستاذ دخل دينا لسه مصدومه : هو هو هو صح تقي : مالك يابيه بتهتهي كده ليه ، حلو مش كده دينا : ما تلمي نفسك يا بيه تقي : مالك يابيه في إيه دينا بارتباك : مش في زيد : انا الأستاذ زيد ، انا انشاء الله مدرس العربي بتاع الفصل بتاعكوا ، اولا علشان نكون علي النور مش بحب الكلام الجانبي وهو بيبص ل دينا ، كمان وقت الهزار هزار و وقت الجد الجد جد تمام البنات كلوا الا دينا : تمام يا مستر زيد وهو بيروح قدام دينا : هو أنا كلامي مش مسموع دينا وهي بتقف ولسه تحت تأثير الصدمه : هاااااا زيد وهو بيكرر كلامي : كلامي مش مسموع دينا : لاء مسموع حضرتك زيد : تمام ، علشان مش نخلص الحصه أكتر من كده يالا نبدأ شرح بدأ زيد بالشرح والبنات كانوا منسجمين معاه صوت جرس المدرسة زيد : كده تمام ، نكمل الحصه الجاية انشاء الله مشي زيد ، وبدأ البنات كلهم يتكلموا علي حلاوته بس مش كات فارق مع دينا الا... زيد وهو بيسلم علي صاحبه : بو احميد عامل ايه أحمد : اي يا زيد اخبار المدرسة معاك إيه زيد : والله لسه مش متعود عليها أحمد : هتتعود ، يالا مع السلامة ورايا حصه دلوقتي زيد : تمام ، هقابلك في الفسحه أحمد : تمام دينا : كنتي تقصدي علي ايه يا بت يا بسمه بسمه : ماهو مش باين يعني ، ده احنا حافظينوا سوا دينا : لاء با دنيا مش إللي في بالك بسمه : امممم طب ايه اللي في بالي دينا : انا إيه اللي عرفني ، بس اللي انا ملاحظاه إنو انتي بتفكري في حته تانيه خالص بسمه : ماشي هنشوف دخل عليهم أستاذ أحمد أحمد : السلام عليكم البنات كلهم وقفوا حتي دينا وقفت : وعليكم السلام ورحمة الله وبركاته أحمد : اتفضلوا يابنات قعدوا أحمد : هو إحنا وقفنا الحصه اللي فاتت في إيه دينا بإبتسامه : وقفنا في الطاقه وكميات التغير أحمد : ماشي يالا نبدأ تقي : فوقتي دلوقتي نسمه : امشي يا بيه بدأ أحمد بالشرح وكانت دنيا منسجمه معاه جدا وكانت بتجاوب اول واحده عدت الحصص علي دينا لحد لما ايجت الفسحه بسمه : انا رايحه اشتري اجيبلك حاجه دينا باستعجال : لالا شكرا ، انا بس عايزه أروح اسأل الأستاذ أحمد علي حاجه بسمه : ماهو ياختي هتشوفي في الدرس دينا : ماهو انا هنسي بسمه : ماشي "عدي اليوم الدراسي " دينا وهي بتفتح الباب : يا جماعه اللي في البيت انا جعانه ناهد (والده دينا ) : إيه ياختي جاية من المدرسه همك علي الكرش علطول دينا وهي بترمي شنطتها علي الركنه : انا ضهري متكسر والله يانونا ف إيه حيبيلي الأكل علشان لسه ورايا دروس بالهبل وهجي علي اخر النهار ناهد : للأسف ياعين نونا دينا : لاء مش تقوليها ناهد وهي بتهز راسها بأه : يالا قومي كده زي الشاطرة وحمصي رغيف عيش وطلعي حته جبنه بيضه من التلاجة دينا يتزمر : والله حرام ......... ___________ دينا وهي بتحضنها : حبيبتي وحشاني موووووت نور وهي بتقعد علي حجرها : وانتي اكتر دينا : شوفي جبتلك إيه نور : أكيد شوكلاته دينا : لاء المرادي مصاصه نور ببراءه : هييييي ، بس بابا منعني اني اكل حلويات دينا : كوليها من غير ما هو يعرف نور : اشطا بسمه : يعني انا مش وحشتك يعني يا نور نور : لاء دينا هي اللي وحشاني بسمه : طب انا دينا وهي بتخبيها في حضنها : ولا تعرفك زيد : السلام عليكم البنات اللي في الدرس : وعليكم السلام ورحمة الله وبركاته زيد : نور اطلعي يالا أقعدي مع الميس أسيل نور ببراءه: حاضر يابابا فبتبوس دينا من خدودها وبتحضنها وبتطلع بره فبيبدا زيد بالشرح الحصه عادي زيد : يبقي كده خلصنا الحصه وإنشاء الله الحصه الجاية هيكون في امتحان واحده من البنات : والله حرام يا مستر خلي الامتحان بعدين مش كفايه المدرسه زيد وهو مطنش البنت : كده يممكن تتفضلوا ومش تنسوا فالبنت بتشيط غيظ منه فبتعمل ............... تاااااااابع!!!! بقلم روميا ☆☆