الفصل 27
البارات » 27 «
((إبتسم لبِاب الصُبح ، وأقفل على عتمِة أمس ، ففي الصباح تُولدُ الحياة من جديد ، تبتسم ، تُزهِرُ أملاً فتفائل وقل الحمدلله ليتسّع صدرُك للحياة ))
بدر ……اليوم لمن رديت من الجامعه وشفت سما وضحكت هذا حالها من كم يوم حتى انها تغيب عن بعض المحاضرات …بس تقوم تصلي وترد تقعد مشيت بهدوء لين قربت لها لين جنب اذنها وقلت:خلصتي .
هي ارتعبت وردت لوره وانا مسكتها لا تطيح وكان شكلها يضحك عدلتها وهي ضربتني وقال:سامج.
ضحكت وقلت:اسف سامحيني سموك .
ضحكت وقلت:مو مشكله بسامجك لو تسوي لي غدا حدي ميته من الجوع .
ابتسمت وقلت:تكرم عيونك حياتي .
ابتسمت وانا قمت سويت غدا سريع سخنت التوست ودهنته بالجبن وطالعت العصير من الثلاجه وحطيتهم بصحون وقدمته لعندها …هي كانت بتشتغل ومندمجه وانا ناظرتها بتأمل ولمع بعيوني السلسال …سما من عطيتها السلسال وما يفارقها ابد شكله عجبه وحبته…كانت لابيه بيجامه بيج مخملي وكان السلسال مزين رقبتها ويعكس لونه صفا بشرتها …رفعت عيوني شوي مرورا بشكل فمها المتوسط الكرزي وانفها المتوسط وشكله محمل من كثر الارهاق…لعيونها الي غرقت فيهم لونهم الازرق الغامق الهاديه بلون المحيط …ورموشها المتزاحمه وخدودها المتورده …ملامحها البريئه وشعرها الرصاصي المهمل بسبب الارهاق …غرقت بجمالها الناعم …صحيت ع صوتها:بدري بدر..
رفعت راسي وقلت بانتباه :لا في شي.
ضحكت وقالت:وين رحت .
قلت بابتسامة:عندك مو بمكان.
قالت بضحكه:واضح لي ساعة اناديك وانت مو معي.
ضحكت بنفسي وانا اقول "والله عندك بس انتي مو منتبهه" فقلت :يلا بلا هذه اتغدي وانا بروح الشغل.
قالت باسلوب طفولي ومضحك:اجل روح وربي يحميك ويحفظك لي يارب .
ضحكت وبستها ع خدها ومشيت وهي ناظرتني بصدمة… وانا ضحكت ع شكلها ومشيت ....
سما …… بدر باسلوبه يبغا يجنني مرات يحاول يبعد عني واحيان يتصرف معي باسلوب يقلبلي كياني …المشكله بحاول اهدي قلبي وهو يشعله اقوى بعدما باس خدي حطيت ايدي ع خدي اتحسس خدي الي،صار مولع من الخجل … بلعت ريقي ورديت ناظرت للمخطط باقي لي شغله بسيطه وبخلص تماما …بس بدر شدد ع اكلي للغدا الي شكله فطور فناظرت المخطط بنظره اخيره وعرفت شنو الي ناقصه خلصته كله اخيييرا … ورتبت الاوراق والادوات ورديت قعدت بالارض تغديت من الي سواهن بدر ومن حسن حظي بدر اليوم ماعنده شغل اضافي بسوي له عشاء احتفال بنتهائي …صح باقي المجسم المصغر للمشروع بس هو بخلصه بيوم واحد اهم شي المخطط جاهز … ولمن خلصت فطوري … دخلت غرفتي طالعت لي ملابس ودخلت الحمام(اكرمك الله) تسبحت وتوضيت وصليت وبعدها عشان لا امرض نشفت شعري بالاستشوار … ورفعته ولبست بنطلون كحلي وبلوزه رصاصي ورديت ناظرت شكلي بالمرايه وشفت السلسال عدلت شكله ع رقبتي واكثر ماعجبني بشكلي هو سلسالي "هدية من الي احبه" ورحت المطبخ شيكت عليه وكان ممتلأ يعني مارح اطلع اشتري شي ورحت ريحت شوي لان ناقصني نوم بسبب الارهاق………
………جدة………
راشد ……واخيرا وصلنا جده كان الدنيا ليل وحتى الصلاه كنا نصليه ع الطريق … ناظرت بتول الي كانت نايمة …فمسكت كتفها وبهدوء:بتوول بتول.
كتمت ضحكتي كلما اصحيه تنفزع كذا …قلت بهدوء:وصلنا يلا اصحي .
فركت عيونها وناظرت وبفرح:اخيرا ولهت ع امي .
بتول متعلقه بامها بعكس بيلسان الي متعلقه بابوها ناظرت لها وقلت:يلا نزلي .
كانت مرهقه من التعب وهذا الي ظاهر عليها فبالكاد قدرت تفتح باب السيارة ونزلت وانا نزلت وشفت الخادمة ناديتها تطلع الاغراض وناظرت لبتول الي كانت متوجهه لبيتهم قلت بحده:وين رايحه .
عرفت انها كان تأثير الارهاق كفيل يخليها مو مركزه فقالت باسلوب طفولي:ابغا اسلم ع امي ولهت عليهم الله يخليك نروح نسلم …
فكان عندي احسن حال نسلم ع بيت خالي وبعدها ع بيتنا ومنه اطلع اريح فقلت:يلا ابغا نخلص.
شفت الفرحه بعيونها لمن وافقت لهاي الدرجه مشتاقه لهم …انا بعد مشتاق لاهلي بس البنات مره دلوعات وعاطفيات… تحركنا لبيت خالي ولاحظت العرجه برجلها …متى تأذت توني الصبح شايفها اوكيه …استغربت فمشينا ولمن طقينا الباب فتحت الخدامة وبتول من الفرحه حضنتها وانا هنا فقعت ضحكه هذي وش فيها انخبلت …الخدامه:ماما انت تأبان شي.
بتول بغيض:هذازجزاتي اني اشتقت لك ياخبلا .
وتركتها ومشيت وانا كاتم ضحكتي ناظرتني بغيض وردت مشيت بدون ماتعلق وطبعا كلمت الخدامة تتأكد انه الطريق فاضي عشان ادخل … فكان تمام …كانو توهم مخلصين عشا وقاعدين يتقهو وع حد علمي ان بيلسان عندها دوام ليلي ومشاري فوق هو وزوجته … دخلنا وسلمنا ع الكل وطبعا بدا رحلت الدموع بين عمتي وبنتها عمتي بعتاب:ليه ماقلتي لي انك جايه اليوم مو حكيتيني .
بتول بعتذار:اسفه ماما بس حبيت اسويها مفاجئة.
انا كنت ادري انها ناسيه بس حلو الترقيع … وطبعا مشاري نزل هو وصفا سلمو وجا مشاري ومسكني وقال بعتاب:ليه سويت كذا كان انتظرت لين ارد ترها اختي ياراشد تحرمني احضر ملكتها .
نزلت براسي بحيا مشاري الشخص الي احترمه رغم الفرق الصغير بينا بس هو يعاملني مثل الاخو وقلت:ضاع التفكير شوي السموحه منك .
ابتسم وحضني ولمن بعدت عنه …بتول بفرح:مشاري حياتي مبروووووك بتصير ابو وانا عمه.
ضحك مشاري وقال:واحلا واطيب عمه.
وقرب منها بحب وحضنها … اول مره اشوف بتول بتضحك بالطريقه هذي وشكلها مبسوطه … ناظرت الساعه:يلا السموجه منكم لازم نرد البيت تونا وصلنا وجينا لعندكم … بتول قامت وجت تمشي ظهرت العرج عمتي ركزت …ياربي شنو الحظ … عمتي بخوف:بتول وش فيك تعرجي .
بتول بابتسامة:يمه وانا طالعه اليوم من الفرح خبطت رجلي بالكرسي وبعرج شوي هو يوم وبترد اوكيه.
عمتي حضنت بنتها وودعتها … خالي بضحكه:تراها جنبك بس تشتاقي لها روحي وهي عند امك .
ضحكت عمتي وقالت:ايه بس بنتي تولهت عليها .
وعشان لا يزيد الكلام قربت من بتول وسندتها وقلت:يلا ياجماعه اشوفكم ع خير .
وطلعت وانا ساندها وهي ماعلقت ولمن طلعنا للحوش تركتها وقبل اتكلم قالت:حلو التمثيل صح .
زفرت بضيق ومشيت متوجه لبيتنا وهي بتمشي وراي بهدوء وبالفعل دخلنا والعتاب والاشواق وكلهم ومجتمعين سلمنا ع الكل وليان جرت لبتول قبل وحضنتها وقلت بعتاب:واخوكي نسيتيه .
ضحكت ليان وقالت:مو ناسيته بس انت تسافر كثير بس بتول ماتسافر الا وينا فلذا اشتقت لها .
ضحكت عليها وسحبتها وطقيتها براسها بالخفيف وهي باسلوب طفولي:وجعتني حرام .
حضنتها اعشق برائتها وقلت:بس انا فاقد لك .
بعدت شوي وضحكت وقالت:فديتك خوي العسول .
ضحكت ع تقلب مزاجها …ليان ناظرت بتول وقالت:توتي انا وبيلو رتبنا كل الاغراض حقك والي تحبيهم في جناح راشد الجديد .
ناظرت لها وللبقيه بستغراب …وقلت:ليه وغرفتي.
امي بحب:يمه جناحك صغير وانت عريس فلذا نقلنا جناحك للجناح الشرقي الاوسع منه …
هزيت راسي بايه ولحسن حظي اني اخر فتره كنت حذر ماكنت اجيب شي للبيت وانا منظفهم تماما …
بتول ناظرتني وردت ناظرت ليان بابتسامة …الكل كان مبسوط لجيتنا بس الي كان بالعالم غير هو عمي بندر … اشرت لليان تودي بتول للجناح وانا رحت جلست جنب عمي قالت بستغراب:عمي فيك شي.
عمي ناظرني بحدة ورد قال:ابغا اكلمك ع انفراد .
خفت هو شنو الي خلاه يحكي كذا… فاستاذنا الكل وعمي قال:ابغا اكلم راشد والله حيل مشتاق له.
الف فكره وفكره لعبت براسي ورحنا للمجلس الخرجي وقعدنا فيه ورتعبت لما اول ماسألني :راشد انت ………………
بتول ……فرحت بردتنا لجده صح مو متأمله يخفف تعذيبه بس اقل شي الاهل هنا مابضل لحالي …طلعنا انا وليان للجناح المخصص لي ولراشد كان غاية في الروعة وانا كنت مبلمه ع شكله ضحكت ليان وقالت:ذوقي انا وبيلسان بالاعتماد ع افكارنا واستنتاجتنا ع اذواقك انتي وراشد.
ضحكت لحبهم لنا واهتمامهم وحضنتها بحب…صح ليان ماكانت مره مقربه لي بس كنت احبها … وحس بمحبتها لي … بعدما خلصت تفرجني ع الجناح المكون من غرفه نوم وغرفه تبديل وصاله والحمام(اكرمك الله) ومطبخ تحضيري *سجن فخم* قعدنا ع الكنب بالصاله وسولفنا وكانت تسألني وانا كذبت بعض الشغلات …ليان:وماطلعتو مطاعم ومولات.
قلت :ايه طلعنا بس جو المزرعه خيال .
ليان:خلص بخلي راشد يستأجر لنا فيها .
ابتسم وقلت:اوك ان شاءلله .
وهي ضحكت:ههه اتاريكم هربتم عشان تضلو لحالكم اغلب وقتكم مو قليلين وطولتوها لشهر ونص.
ضحكت بمجامله وحاولت اغير مجرى الحديث وقلت:متى زواج بيلو وش جهزتو له للحين .
ليان:باقي كم شغله ونخلص واصلا ماخرينه لين يجي بدر وسما من لندن بيخلصو ع نص شوال وبعدها بيصير العرس …
ابتسمت وقلت:موفقين ان شاءلله.
……لندن……
بدر ……كنت ميت من التعب وطبعا سما جابت مسج»بدر اليوم العشاء علي بمناسبة الانتهاء«
فرحت بصراحه وخصوصا ان بكرة اخر شعبان …وانا عني قلق هي اول مره بصوم ببلد غير والاجواء غير والامتحانات ع الابواب وهي مو بلد مسلم… دخلت البيت وكنت فاقد لريحه الاكل من يومين …بس فتحت وشفت الاكل صار جاهز وكانت سما بتعد الشغلات النهائيه ..ولمن شافتني بابتسامتها الي ترد الروح:بدري تعال اليوم العشاء بيكون ع البلكون الهواء عليل .
ضحكت وقلت:لا جد وليه جتك الفكره .
ضحكت وقالت:اليوم لمعت يلا ساعدني .
بديت اشيل معها الصحون للبلكون وهي تساعدني…وبعدما خلصنا قلت:بروح ابدل بسرعه وجاي .
ابتسمت وقالت:وانا بعد ريحتي صارت اكل .
فدخل كل واحد غرفته بدلنا بسرعه وطلعنا ع البلكون ولانه بعيد كانت سما بس حاطه الايشراب حط بحيث ان خصلات شعرها نازله بطريقه حلوه وبدينا اكل وكان الهوا يحرك شعر سما بشكل ذابح وبدل اندمج للاكل اندمجت لسما …"الله ياخذك يامنصور كلامك دايم يلمع براسي …بس اخ بس" خلصنا العشاء وسولفنا بالبكلون كان الجو عليل واحنا بفصل الربيع ………
……/نرجع لجدة/……
بندر بنبره غريبه:راشد انت تعرف عبدالمنعم ال… .
راشد توتر هو يعرفه لانهم يسهرون مع بعض وهو من شلته فقال بستغراب:ايه ليه تسأل .
بندر:راشد من وين تعرفه .
راشد بتوتر:هو من ربع طارق خويي .
بندر غمض عيونة وفتحهم ورد اخذ جواله وحطه قدام راشد وشغل مقطع … وقال:شنو هذا .
كان المقطع((ان راشد مع عبدالمنعم وشلتهم في هذاك البيت ومعهم بنات وخمر واغاني ورقص وفجور صح الوحيد الي كان يشرب مخدرات كان عزام وعبدالمنعم بس المقطع كفيل انه يودي الي فيه للسجن )) راشد توتر وقال بخوف:انت من وين جبته.
بندر بحده:راشد احكي لي انت ليه تسوي كذا انت مو خايف ع محارمك مو خايف من ربك انت مروج مخدرات و ممنوعات.
راشد بقهر:عمي والله اني تركتهم وبطلت بس عمري ماروجت او بعت انا اروح وياهم اسهر و…
قاطعه بندر:وتشرب صح … احنا تربيتنا كذا …
ومسكته بكتوفه وقال:احنا تربينا ع المعاصي والفجور هاه احنا نلعب باعراض الناس هاه …ابشرك عبدالمنعم مات ع معصيه وانت اكيد مثله وازيدك صاحبك طارق خسر كل امواله ومسجون بدين طلع لاعب قمار وعزام بعد قدرنا نمسكه اليوم بس شكله فاقد عقله … البيت مهجور من فتره والسبب ان كل واحد تنيل بمصيبه عاد انت والخامس بينهم …
راشد "باقي انا ومعتز الي مختفي من ثلاث شهور" راشد من قهره بكاء هو خايف ايه خايف عبدالمنعم مات عزام جن وطارق انسجن مديون … بندر شد ع كتفه وقله :راشد انت بطلت او بتكذب علي .
راشد حضن عمه وقال:ابوس رجولك ياعمي ماابغا اطيح من عيون امي وابوي والله تركت يوم بطلت انكشف … انا تركت وانا حاسس بغلطي والله العظيم.
بندر بعد راشد وقال:الرجال ماتبكي …انا واثق ولو مو واثق كنت باسلمه انا رحت للمكان هذاك وعرفت كل شي …راشد انت الحين متزوج تخيل لو صار هالشي مع عيالك او بناتك …راشد مثلما انت تخاف ع اهلك الناس تخاف ع عيالها اذا ماكنا احنا الي نوقفهم عند خدودهم الي يبغو يدمرو البلاد والعباد…انا واثق فيك.
راشد هز راسه بفهم ومسح دموعه وبندر الي تأثر هو كان قادر يبلغ بس هو حاسس ان راشد قلبه نظيف وهو ماكان يتعمد ع احد هو طبعه يعتمد ع نفسه ومتخيل انه الوحيد الي فاهم الحياة فقال بندر:راشد اذا بغيت النصح تراني عمك موجود .
راشد بفهم قال:وانت اذا تبغاني اساعدك انا موجود .
فرح بندر وحس انه بيجي يوم وبيستفيد من راشد بس مو الحين …راشد استأذن من عمه وبعدها صعد فوق ولمن فتح الباب شاف بتول وليان بيسولفو …ليان بضحكه:اجل اهليكم بروحكم ياعرسان .
ومشيت وناظرت اخوها بابتسامة وطلعت ابتسم لها راشد ولمن طلعت ناظر بتول الي وقفت من خوفها وقال:جهزي لي ثيابي ابغا اخذ لي شور .
هزت راسها بتول بايه ودخلت غرفه التبديل وراشد رما الشماغ وفسخ الساعة والكبك ع التسريحه ودخل الحمام(اكرمك الله) تسبح ع السريع وطلع ولقى كل شي فوق السرير بس ماشاف بتول فقال بصوت عال:بتووول .
بتول كانت بالصاله دخلت مباشرتا واحرجت ولفت وعطته ظهرها لمن شافته لفف المنشفه حول خصره وصدره عاري … ابتسم وقال بحدة:ليه طلعتي من الغرفة بدون ما اقلك .
بتول بتوتر:قلت عشان تبدل ع راحتك .
ابتسم وقال:عادي انتي زوجتي ومن حقي بعد اشوفك بدون شي .
تجمد الدم بعروقها واشتعل وجهها احمر وهو رد قال بحتقار:بس مارح تنهز فيني شعره انتي مو مستواي وزواجي منك عشان اعيد تربيتك واطمني حتى الطلاق بحرمك منه بخليكي معلقه وبتزوج .
بتول الي تستقبل طعنات راشد بوجع هي ماتقدر تنكر حبها له بس هو يجرحها بالصميم …فقالت بهدوء :تزوج اهم شي حل عني .
استغاض راشد وقرب منها ومسكها من فكها ورفع راسها له وقال:انا اذا ابغا اخذ منك شي بخذه ومحد بيمنعني …بس انا ما اقرب الرخيص .
وتركها وبحده:انقلعي من قدامي .
طلعت بتول وانفاسها تتضارب وماسكه دموعها قبل تنزل وقعدت ع الكنبه ولمت رجولها لها واطلقت العنان لدموعها … راشد الي اغتاض من ردها هي بايعته وما تبغاه "شي طبيعي ترفضك انت اغتصبتها وبتعذبها بمجرد تقول لها بتزوج بتبكي وتقول لا …استحاله هالموضوع …انت شنو بتفكره ترفض شنو عليك انت اصلا ماتبغاها " زفر بضيق وسحب الملابس ولبسهم وادخل تحت المفرش ونام ……
…………صباح يوم جديد ………
اليوم اخر يوم بشعبان والكل متحمس ومجهز لشهر رمضان ……بنروح للندن……
سما وبدر كل واحد قاعد بمكانه بالكفتيريا …وتجي زميله لهم مصريه وبايدها ميداليات بشكل فوانيس ومرت ع الزملا ومو هي بس زميلين لهم …قربت لعند سما وقالت بابتسامة:رمضان كريم .
سما ضحكت وقالت: حلوووو كذا نبغا نحس باحتفالات الرمضانيه يامنى .
منى بضحكه: الفكره دي كانت فكره مصطفى ألنا نعمل كده وكل اصحبنا العرب …رمطان شهر التسامح.
ضحكت سما وقالت:تقبل الله طاعتنا .
وشالت الفانوس وشغلته كان يضوي …وناظرت لبدر الي صادف نفس اللون وهو رفعه لي وضحك … بدر استغرب:ميرا خذ واحدا .
ميرا:لا اريد ثم انا لست مسلمة انا مسيحية .
بدر الي توه عرف:لكنك لم تخبريني .
ميرا:انت لم تسألني .
بدر بابتسامة: دينا ماحرم الزواج بالمسيحية .
ابتسمت ميرا وقالت:جيد انه لم يحرم .
حس بدر ان اسلوب ميرا تهكمي بس مو بالظاهر وهو مافيه يحكم … وشوي ترد منى ومصطفى وياسين وهم زملاء مصريين وهي فكرتهم … وقال ياسين بجهر:ياجماعه بكره اول يوم برمطان عاوز يكون يوم مشترك فينا كلنا … يعني بفكر نعزم نفسينا بمكان ويكون الفطور فيه الي عاوز يرفع ايدو وكل واحد يشارك بطبق الي عوزه وبعدين كل واحد من بلد يعني تبأى هندوأ اكتر من صنف .
الطلاب العرب المسلمين عجبهم رائيه وكلهم قالو بيشاركو …@ملاحظه اغلب الي بيجو هذي الكفتيريا طلاب الجامعه المغتربين العرب@ سما تحمست وبدر شاف حماسها بفرح …ميرا همست لبدر:سأذهب قليلا واعود .
بدر هز راسه وهي وقفت ومشيت وبدر قام وراح لسما وشاف كل الطلاب مجتمعين حول الزملاء المصريين وناظر سما:عجبتك الفكره .
سما بحماس:مره اقل شي اول يوم بنحس بلذة رمضان بالجمعه الحلوه …صح متعوده اقعد برمضان لحالي بس هالمره بيكون حلو ولو اول يوم لان الامتحانات باقي عليها اقل من اسبوعين .
بدر بابتسامة: يلا نروح لهم نشوف المكان .
دخل بدر جنب الشباب وسما جنب البنات وطبعا كلهم مشكلين حلقه … ملاك:شنو رايكم نحيز طاوله جبيره بمطعم .
صفوان:انا بعد عجبني الفكره .
سما بهدوء :ممكن اعطي رائي.
ابتسم بدر باسلوب سما الاخلاقي والكل عطوها الاذن تعطي رائيها … قالت بهدوء :طاوله بالمطعم لحاله موشي مغري …بس شنو رايكم نحجز لنا مكان جنب البحر وانسام الربيع العليله بيكون البحر حلو والفطور غير شكل .
تغريد:ايه فكره حلوه كتيير والله البحر ورمطان .
الكل عجبته الفكره وطبعا الكل ساهم وكل واحد قال وش رح يشارك …منصور بضحكه:سما بتسوي لنا كبسه سعوديه خوش حجي .
بدر بفخر:واحلا كبسه بعد .
منصور ضحك هو يدري بزواجهم
رنده بستغراب:ليش بدر انت دأت طبخا .
بدر تورط وقال:ايه ذقته … يلا بستأذنكم .
بدر تهرب وراح يدور ميرا الي تأخرت وصار يدورها بعيونه وشافها واقفه مع صديقتها وقرب يحاكيها و……
……/نرد جدة/………
بيلسان ……توني رايحه المستشفى رغم ارهاقي بس عشان اطالب باجازه بكرة اول يوم صيام وانا اتعب مره ولمن شافني عادل ناظرني بستغراب وقال:بيلسان ليه انتي هنا مو لازم تردي البيت .
شنو اقول له اني تبادلت انا وزميله لي عشان بكره اخذ اجازه فعاد سؤاله وانا مديت بوزي وبترجي:عاادل الله يخليك خليني اضل لان اتبادلت انا وزميله لي ما ابغا بكره دوام بكرة رمضان وما اقوى اشتغل اول يوم .
قرب مني بابتسامه وقال: اممم بس انا خايف عليكي حياتي وما ابغا تتعبي .
بدلع وبدون قصد:اذا تعبت انت بداويني مو حبيبي .
ناظرني بابتسامة وقال:عيل بتمسكيني باليد الي بتوجعني …ما اقوى عليك .
ومسك ايدي وقرب فمه من اذني وانا فتحت عيوني ع وسعها وهمس وقال:تدري اني احبك .
ابتسمت بحب وشديت ع ايده وقلت : اترك ايد لحد يشوفنا عااادل .
عادل بضحكه:بتركها بس سمعيني كلمه حلوة.
قلت بمحاوله:اترك ايدي ووعد بقول .
ترك ايدي وانا قرب لاذنه وهمست:وانا اعشقك .
وهربت وهو حسيته فرح لكلمتي وانا مبسوطه لاني عبرت اخيرا له ……
بتول …… راشد من بعد صلاة الفجر ماعاد رد عشان ما يحتك فيني طبعا قلي اني ما اعتب باب البيت معي الفيلا بكبرها لكن اعتب مكان بيقص رجلي ولمن قدت له امي ناظرني وقال:تجي لعند امها .
اغتضت بصراحه بس عادي ليلو معي وبعدما مشي نزلت لعند ليان الي قاعدين يجهزون لاول سحور ورح يكون بالحديقه الكبيره بالبيت ورح نجتمع كلنا وطبعا جدتي بتأمر الخدامة …هو طبعا عندنا كل سنه طول ايام شهر رمضان الفطور والسحور بالحديقه وكلنا مجتمعين … انا بصراحه ارتحت لان احنا بنجتمع …وطبعا ليان بتقترح شنو بنسوي وغيره وانا متحمسه لان احنا كالعاده الاكلات كانت علينا والتحليه ع بيت خالي مره كذا ومره العكس …وانا هالمره بكون بالفريق الثاني …وليان بضحكه :اول رمضان لك هنا .
ضحكت بمجامله لها …بس حسيت بضيق لمن شفت ريهام نازله وجلست قدامي انا وليان …ليان عفست ملامحها وقالت بهمس:وصل النكد .
ضحكت وهمست لها:مو بس نكد وكل البلاوي .
ليان ناظرتي بتعجب وقالت:انتي الي تحكي .
همست لها:بيجوز عرفتها ع حقيقتها .
ضحكت ليان وريهام اغتاضت لان احنا مو عاطينها وجه فقالت: بنات مو ناسيات اني خالتكم .
ليان ببرود:مع الاسف بس بنعديها .
اغتاضت وقالت:اها يعني مستعره مني .
وقالت:لا انتو بتوصلو للي تبغوه تنسوني .
عرفت انها تقصدني وقلت برد:بس انتي ماوصلتي بعد للي تبغيه و خسرتيه بايدك .
اغتاضت مني وقامت وليان ضحكت وقالت:قدرتي تغيضيها برافو عليكي تستاهل .
ابتسمت لها بس بنفسي انا خايفه منها … …
………/لندن/.....
ليندا :ماذا فعلتي معا ذاك الاحمق .
… :اصبح ممل وبدون جدوى .
ليندا بستغراب:ماذا حدث اخبريني .
…:لقد خسر امواله لقد رائيته البارحه في محل يعمل كاشير … ويبدو انه قد افلس والا لما قد يعمل هكذا .
ليندا:حقا ميرا اليس ابن عائله ثريه .
ميرا بغيض:اعلم لكنه لم يعد ربما حدث شي ساتركه انه احمق …حتى تلك سما تحاول تقربنا لبعض لكنها لا تعلم اني فقط صادقته الا ليصرف علي وغير ذالك لا اكسرها لانها افضل فتيات الجامعه وجميعهم يمدحونها بكل شي وعندما يتركها صديقها سيلاحظ الجميع ويشفقون عليها مسكينه وهو ساعدني وهو احمق لقد قام بالمشروع لي.
ليندا بضحكه:مسكين يحبك ولكنه لايدري بكرهك .
ميرا بغيض:لا اريد ان اكون انا المخطئه لذا حاولت ان ابعده عدت مرات لكن مايحدث هو العكس .
ليندا ضحكت وقالت:حظك سئ .
ضحكت ميرا مع صديقتها …لم يكونا يعلما بمن سمع كامل حديثهما …كتمها بقلبه ورد للمكان الي فيه الزملا وكانت سما بتكتب مع منى وملاك ايش الي يبغوه وناظرها بضيق لانها بعد تحملت عشانه زفر وبصوت جهور:سامو فيكي تجي .
سما خافت اكيد فيه شي …فستاذنت البنات وراحت لعنده وبخوف:بدريفيك شي .
بدر بضيق:سما فيكي تاخذيني بسيارتك شكل الكفر مضروب .
سما بابتسامة:من عيوني .
ابتسم لها رغم ضيقه وقال:تسلم عيونك .
ابتسمت سما بحب وهو مسك ايدها وهي استغربت بس مشيو ودخلت سيارتها وعطته المفاتيح وقالت: يلا سوق .
بدر نزل راسه وقال:سامو ابغا اطلع من الجامعه الحين خذيني لاي مكان حاسس حالي مخنوق .
سما ارتبعت وقالت :بدر طمني وش فيك .
قال :سما لمن نطلع اكلمك .
سما طلعت بمكانها وبدر بالسيت الي جنبها وهي حركت السيارة ع البحر …بدر مو داري يخبرها او يضل ساكت … ولمن وصلو نزل بدر وسما لحقته ومسكت بكتفه وقالت بخوف:بدر فيك شي ليه متضايق .
زفر بدر ولف لها وحضنها بقوه وسما شدت عليه حست انه مو طبيعي ومسحت ع ظهره وقالت:بدري شنو الي مضايقك تكلم فضفض .
بدر بابتسامة بعد ومسك ايدها وقال:مافيني شي بس ابغا اشم هوا .
سما :مشتاق لاهلك صح اول رمضان وانت مو معهم .
بدر الي صدق متضايق بفراق اهله زادها ميرا وحركتها هو ماحزن عشان هي طلعت كذا هو اقتهر لانها طلعت تستغبيه مين هي ميرا عشان تستغبيه فقال:وجودك معي يكفي .
سما الي وجهها ضرب ميت لون بس حاولت تضبط انفعالاتها وزفرت وابتسمت وقالت:هاه حلو .
بدر الي حس عليها وحس بخجلها سما مهما كان بنت ولمن تسمع كلام مثل كذا بتخجل وتستحي فابتسم وجلس فوق الرمل وسما جلست جنبه وقالت:وانا معك بساعدك لاخر لحظه .
ضحك بدر وقال:هذي كلمتك الي بتخليني احس انه لسا امل في الحياة انك معي .
سما ابتسمت لمعزت بدر لها اهم شي انها بقلبه وهذا حاليا يكفيها …بدر حط راسه ع كتف سما وغمض عيونه وسما بلعت ريقها بتوتر بس حاولت تكون عادي …………
انتهى البارات
اتمنى انه عجبكم وتوقعاتكم
وترا اللهجه الامارتيه عندي مو بزود
شنو رح يسوي بدر ؟
وهل هي بدايه له مع سما ؟
بتول وحياتها مع راشد الى اي طريق رح توصل ؟
هل بتنكشف الحقائق ؟
انتظروني ^_^